|
أكره زوجي!!
بسم الله الرحمن الرحيم
السلام عليكم أنا اسمي دلال و هذي أول مشاركه لي في هذا المنتدى :) الصراحه أنا من زمان ودي أشارك لكن ما كنت عارفه الطريقة والحمدالله الحين كل شي تمام التمام بس عذروني على لغتي الركيكة... الحمدالله أنا متزوجة صارلي سنتين و عندي ولد عمره سنة و ثلاث شهور مشكلتي بدت من بعد الزواج مع العلم اني متزوجة عن حب و لظوروف دراستة تامينا مخطوبين لمدة سنتين و كانت الامور الحمدالله وايد زينة و متفقين و متفاهمين ما عدا مشكلة وحده الي هي شكه فيني والحمدالله تغلبت عليها و زرعت الثقة الي موجودة لما يومنا هذا و على طول ان شاء الله بعد الزواج صار شي ثاني بدا يهمل ما يهتم و كثرت سفراته مع المنتخب بما ان رياضي العلاقة الجنسية بينا كانت بالشهر مرة بحكم انه ما يتعب عاشان التمرين والمبارات يعني ظرورات الحياة الزوجية مو موجودة و بما ان تزوجنا وهو مو مكون نفسه ولا عنده وظيفه فالحاله المادية حيل صعبة بنسبه له حتى بعد ما توظف بسبب الأقصاد و باقي الالتزامات وانا مقدره الشي هذا و بالعكس ماعاشي هو ماعاشا لأن كنا متفقين على هذى الشي من قبل انا ما اقول لنه زوجي مو زين الحمدالله زوجي مو من النوع العصبي ولا من النوع الي شديد كلش لكن وايد هاملني و هامل بيته و ولده و دايما السبب ما عندي وقت طول الاسبوع اول شيء انا كنت عادي و صابرا لكن بديت بعد فترة احس اني مو قادره و خاصة بعد ما عرفت انه قاعد احاول اكون علاقات ثانية عن طريق الانترنت الحين احس اني اكرهه لان الحمدالله انا ما قصرت معاه بشي ولا اني من النوع الي اطلب منه فلوس او اي شغلا ثانيه و مقتنعه بكل شي الحاله المادية تضايقني وانا بشر مهما كان لكن ارد و قول ميخالف مو من طبعي اني اشكي لأهلي و من طلعاتي الزايدة ومحافظة على نفسي و بيتي و كل الي اقدر اسوي سويته استلفت من والدتي عشانه عشان ما يبي انزل من نفسه و يطلب من اهله بعت ذهبي و اشياء وايد ما راح اخلص والحين مو قادرة اتحملة و فقدت الثقة فيه و احس كل كلامه كذب و حيل اكرهه فارجو انكم اتساعدوني انا رحت استشاريين و كلهم قالو ان الريال ما ينمسك وانتي حاولي تكسبينة لكن انا كارهتة و اذا بسوي اي شي ما راح اقدر و هذا الكلام موجز التفاصيل يبي لها ايام لكن ابي حل لأن دخلت مرحلة اكتئاب و شكرا |
يعني مافي حل؟؟
|
اهلا بك اختي دلال
اللله يعينك اول شي لازم تحلين بالصبر وانتي ماشالله عليك تمام بس فاتحيه في الموضوع اشرحي له انتي قولي له عن كل شي الاخت دلا اتمنى لك التوفيق فيصل |
يا حياتي الله يهون مصيبتك ان شاء الله ويخليلك زوجك
ويسعد قلبك و قلبي اللهم امين اختك مها الكويت |
حسبنا الله ونعم الوكيل
عزيزتي واختي دلال الله يكون في عونك لكن انا لو مكانك ما اخذ فلوس من اهلي علشان اعطيه اصلا هو كيف يرضى ياخذ الفلوس منك ....انا من رايي ان كل شي له حدود وحتى التضحيه لها حدود .....وانشالله راح ادعيلك من كل قلبي ان ربي يسخره لك ويسخرك له . |
الله يعينج أختي دلال وماشاء الله عليج عندج صبر....
أختي مثل ماحاولتين تزرعين الثقة فيه حاولي بعد أنج تقدرين تسيطرين عليه وتآخذيه بروية وقولي له كل اللي خاطرج وعن حقيقة عيشتج المرة معاه... مع تمنياتي لك بالتوفيق.. |
لسلام عليكم
مرحبا اختي كل الازواج تمر فيهم هاللحظات لكن مالفت انتباهي هو قولك ((اول شيء انا كنت عادي و صابرا لكن بديت بعد فترة احس اني مو قادره و خاصة بعد ما عرفت انه قاعد احاول اكون علاقات ثانية عن طريق الانترنت الحين احس اني اكرهه )) انتبهي لنفسك و اياك و الهروب او البحث عن بديل زائف و ابحثي عن كل مايشده اليك مره اخرى و انا لا اعني بذلك انه ابتعد عنك متعمدا او كارها لك لا و انما هي الضغوط لاجل ان تحيا الاسره الحياة الطيبه .. تمنياتي لكي بحياة سعيده |
اخلا فيك اختي..
بالنسبة لموضوعك... اذاتقدري تتوظفي فكويس هذا يساعدك علىتصريف امور حياتك بدون طلب من اهلك.. لان مسالة الاهل وحتى ذهبك وادواتك...الخ..فترة وتنتهي..حتى اهلك بتقدري تطلبي مرة مرتين بس مو دايم!! عشان كذا اقولك حاولي توفري لنفسك دخل مادي يساعدك علىحياتك .. مسالةانك تبنين علاقات غير علاقة بزوجك..فعلا اسمعس لنصيحة اخي مجد انسان...! والله راح تخسري كل حاجة في حياتك.. حتىنفسك...انتبهي! مسالة اهماله للبيت معليش هذي مسالة منتشرة للاسف وكثير يعانون منها! الله يعينك بس لا تجلعيها سبب خراب بيتك.. مهما مرت الايام والمواقف يظل زوجك وابو ولدك...وبينكم ايام حلوة..انا معاك شعورك تجاهه يكون صعب بس انت لا تكبرينها في راسك ولا راح تكبر...انشاء الله.. كرهك له بسبب سلوكه ولذلك حاولي انك ما تفكرين بهي المشكلة كثير..يعني فكري كيف تكسبيه؟ حتى لو كارهته...لانك حبيته والا لا انت معاه في البيت فغصب عنك تتعاملي معاه عشان كذا تعاملي بالسلوك الطيب معاهاحسن لك ان اشاء الله اجر..\ جهزي له مفاجآت وحركات تخليه يفرح بدخلته للبيت لا تخليه كل ما دخل البيت لقاك متنكدة وجايبة مشاكلك كلها هذا يخليه يهرب برا البيت!! اعرف القهر اللي بداخلك بس مالك الا تضغطي على نفسك فترة علشان تنبسطي عمرك كله1 عامليه بهدوء ورومانسية وسوي الافكار مرة و ثنين وثلاثة.. هذا راح يخليه يشعر بالهدوء في البيت ويحب القعدة فيه.. لاتناقشينه كثير بطلعاته اذا يعاندك ويزيد المشاكل بينكم انت عارفة انه ماراح يسمع لذلك اصبري بس فترة ولا تناقشينه خليه ما يحس بان الموضوع مشكلة الى ان تهدى الاوضاع وشوي شوي راح تلقين فرص كثيرة تطرحين فيها اللي تبغين توصلينه له.. صدقيني المراة تقدر تاخذ اشياء بالعاطفة مستحيل توصلها بالقوة... الله يعينك.. |
السلام عليكم
حبيت اشكركم على كل الكلام الي قلتوه و بس اوضح شغله انه انا متوظفة والحمدلله و بالنسبة حق العلاقات الي هي عبر النترنت يا أخ اتكاءة حرف هو الي قاعد اكونها مو انا الحمدالله انا عارفه الحلال من الحرام و عمري ما خنت او فكرت اخون زوجي و بالنسبة حق الكلام كلمتة اكثر من مرة و رحنا مع بعض للاستشارات و بكيت و عصبت و ساحلت و كل الي يخطر على بالكم لكن ماكو فايدة كرهي له و غضبي عليه مو مخليني اتقبل منه لا زين ولا شين و دايما عنده انه ما صار شيء وماكو الا العافيا هذا كلامه و كلمة اسف على غير معنى بالنسبة للمفاجآت والله مو مقصرة و كل عيد ميلاد اسويلا شغلة من كثر ما ينصدم يبكي والله انا حلي مو معا هو انا ابي حل حق نفسي ابي ارتاح وعييش حياتي و اربي ولدي و على فكرة انا طلعت من بيت ما شفت منا الا المشاكل من الوالد الله اهداه مشاكل ما تخطر على البال و هو عارف هشي فانا الحين كل الي ابيه اني ارتاح وعيش حالتي حيل صعبة واكتآب شديد و الله كريم |
انا غير موافقتك انك تستدينى لاعطائه الفلوس فهو لا يستاهل
عليك بمواجهته بتصرفاته وليكون موقفك حازم معاه |
يا أختي منى أنا واجهته أكثر من مرة لكن ما في فايدة اصير زين فترة اسبوع و بعدين ارد مرة ثانية اسوا من قبل والي ازيد الطين بله انه بارد في معاملته ولا كأن شي صار و يبيني انسى وترد الامور طبيعي لكن ما اقدر ولا اقدر اني اعامله زين او احاول لان داخلي مو راظي عليه و حيل غضبانه عليه
|
و بالنسبة لإستلاف الفلوس أنا كنت وايد مقدرته انه ما يبي ياخذ من اهله بحكم انهم ممكن اعايرونه و امي انسانه والحمدالله متفهمه للوضع و تقدر و انا مو متحسفه اني سويت هذا الشي و لا مضايقني الا انه ما قدر وقفتي معاه
|
هل في شخص ممكن انه اساعدني؟
|
الاخت دلال
انتي ذكرتي عيد ميلاده وهذي دخيله على الاسلام فحاولي تتركين بل ااتركي الاشياء الدخيله علينا لم يكن لنا الا عيدين عيد الفطر المبارك وعيدالاضحى اختي توكلي على الله واطلبي الله سبحانه هو القادر وليس احد ينفع الاههو سبحانه وتعالى سئلي الله في السجود ان يوفقك في حياتك انتي وزجك وشكرا فيصل |
هل الانفصال حل لان مو عارفة شسوي بلللللززززز و انا صارحته بهشي و رفض بقوة و كذا مرة اكلمة بموضوع الانفصال اعصب يا ناس انا تعبانة والشكوة لرب العالمين لكن شسوي ما اقدر اشكي لاهلي لان الي فيهم كافيهم ولا قادرة اعيش معاه بنفس الوقت مو قادرة احبة او اتقبلة ولا في شي اشجعني اني اسويلا شي زين او احاول اني اجذبه ناحيتي لان راح اكون كله نفاق و مجاملة مني شنو الحل ابيه احس فيني اقدرني يعطيني حقوقي كمراة و زوجه انا حاسه اني بروحي وهذا الاحساس حيل مظايقني الشعور بالوحدة زاد الي فيني ابي حل ارجوكم :(
|
يا أخ فيصل مو هذا الموضوع وادري انه يوم ميلاد مو عيد ميلاد لكن بس حبيت اوضح بطريقة مختصرة اني ما خليت شي ما سويته
|
الاخت دلال
من كلامك وشرحك لموضوعك الصدق ما شاءالله عليكي والنعم انتي فعلا مثال للزوجه الصابرة يا اخت انتي الان بتحسين باكتآب وكره تجاه زوجك وكل الاخوان بينصحوك بان تحاولي تصبري وتتحملي اكيد هذه النصائح بتقابلينها انتي بعدم القبول والرضا لانه نفسيتك اصبحت لا تتقبل الا الشيء الي يكرهك فيه أختي الكريمه انتي مؤمنة وعاقلة وعفيفة وتعرفين الحلال من الحرام ما خطر في بالك ان هذه المشكلة قد تكون عين اصابتكم لا سمح الله ناس حاسدينكم على معيشتكم وخصوصا انك تزوجتيه على حب أقرأي سورة ياسين كثير تريح القلب وابدأي بخطوات حقيقية لحل المشكلة ولو أخذت هذه الخطوات فترة طويلة شوي بس عشان تكوني مرتاحه في الاخير - حاولي ان تضغطي على نفسك وان تنسي فكرة انك تكرهينه عشان تقدري تعالجي الموضوع - كوني صريحه مع زوجك فيما تشوفينه مقصر فيه - لاتطلبي من اهلك اي معونه مالية هذا غلط - اذا ما نفعت المصارحة مع الزوج في تغييره لما هو عليه اشتكيه الى اهله لعل جانب الحيا من أهله يصلح حاله اشتكيه ولا تخجلين لانك صاحبه حق وتبغين تبقين بيتك في احسن حال - اذا ما نفع الشكوى الى اهله وظل الحال كما هو عليه في حينها قد عملتي الي عليك صارحيه ان المعيشه معه اصبحت مستحيله لانه مقصر في ابسط حقوقك والانفصال هو الحل ربنا يعينك دمتي في خير |
الاخت العزيزة دلال أفهمكِ جيداً وأعرف شعوركِ بتفاصيله ونصيحتي لكِ بأختصار أمامكِ حلين 1- ان تتركيه وتتخليّ عنه وتستقري وتعيشين حياة بعيدة عنه وربك كريم 2- أنج تقاومين وماتستلمين ويكون هو بالنسبة لج هدف تكونين له الام الحنون الي تعلمه وتأدبه من جديد ..علميه كيف يمشي على سلم الاحساس بالمسؤلية خطوة خطوة أجعلي منه رجل آخر مع الايام والسنين ومع عطاؤك المستمر وتوجيهاتك الحكيمة النابعة من العقل والقلب سوف يتحول لرجل سعيد يسعد أهله ومن حوله. صدقيني الرجل عندما يتلقى ضغطا من الخارج والداخل لايقاوم فهو ضعيف ومن المعروف ان المرأة اقوى من الرجل فأستخدمي قوتك واصقلي زوجك بالحب لتنالي ماتريدين وموفقه ان شاءالله الله معاج |
اشكرك يا اختي و والله اني ظاغطة على نفسي لكن صعبة وايد بالنسبة لي لان جرحني وايد و استغلني وايد والصراحة انا كنت بكلم اهله و قلت له ان بودي ان احد اتدخل لكن رفض و بيني و بينك اهله مو ذاك الزود اني اعتمد عليهم بحل مشكلتي ما ادري بس احس انهم غير و راح اتشمتون بالي قاعد اصير خوصوصا ان علاقتهم حيل سطحية معاي لكن انا صابرة من سنتين و والله كنت متحمله لكن بعد ما عرفت انه عنده محاولات انه اتعرف على بنات غيري لتكوين علاقة هذا الي هد حيلي و دمرني و هدمني و من الصعب بالنسبة لي اني اثق فيه مرة ثانية
|
أختي الكريم ،،، بعد التحية
أولاً إذا كانت مشكلتك هي مشكلة عاطفية فأنا أرى من واجبك تجاه بيت وزوجك أنك تصاريح بكل شيء وتحاولي تتغلبي على هذا الضعف في العلاقة الزوجية ، وصدقيني هذا الفتور يمر على أي زوجين بعد فترة من الزمن ، والسبب عدم التغيير والتجديد . لذلك جددي من كل شيء : طريقة : تعاملك معاه : كلامك: لبسك : أسلوبك: والتزمي بالدعاء والتضرع إلى الله . أما إذا كان المشكلة هي مشكلة مادية: فالموضوع يحتاج منك إلى تفكير في وسيلة لكسب العيش والاستغناء عن أهلك ، ومع احترامي للرجال . أختي الكريم المرأة المنتج لا تقارن بالمرأة الغير منتج (طبعاً مو كل الرجال) . لذلك أقترح عليك بأن تبحثي عن فرصة عمل تساعدك في ترميرم رأب الصدع الذي حصل في حياتك الزوجية أتمنى لك التوفيق جربي كلامي وننتظر منك البشارة إن شاء الله |
يا اخي الكريم انا موظفة والحمدالله هل يعني اتوظف وظيفة ثانيه؟
و ان كان على الكلام ولا اللبس او التغيير فكله صار! شنو اكثر من السفر كتغيير اسلوبي معاه مرتاح له الخمدالله طبعا هذا كله قبل اما الحين انا ما اطيق القعدة معاه واذا طلعت عصبت و تناجرت و والله مو مني من اللي فيني الحين معاي قولون من الضغط الي انا فيه لاني انا ما قصرت معاه لا بصغيرة ولا كبيره و وايد مشحونه تجاهه اذا وصلت اني دخلت مخفر بسبب حادث سيارتي هو كا سببه و نطرت 7 اشهر وانا احن عليه اصلحهه قبل ما تنتهي الكفاله اخرتهه سافر واضطريت اني انا اوديها لان الكفالة تنتهي بعد كم يوم من سفره فشنو اكون شعوري حزتهه معتمدة على نفسي بكل شي و حتى على اللبس لما البس اقولي باسلوب مو حلو ليش لابسة جذي تبين تغريني يعني الصراحة لاعت كبدي منه بعد هذا الكلام و بعدين انا و احباطي هذا وين لي خلق البس له او اكلمه زين انا ما اثق فيه معاملتي الزينه له اتخلي يعتقد انه انا عاجبني الوضع و راضية وان كل الي قاعد اسوي هو صح و يستغلني لو انا مقصرة اقول ميخالف معاه حق و والله اني سالته اذا انا مقصرة او فيه شي مو زين او مو عاجبه فيني اسلوبي كلامي معاملتي قال لا و حلف و يعترف انه غلطان ويتاسف لكن احس بس جذي كلام |
الصراحة انا قمت اشك بنفسي يمكن الغلط مني انا واصلة لي مرحلة اني مو عارفة الصح من الغلط هل تعتقدون ان الغلط مني انا هل انا انسانه مو زينه هل في شي ممكن اني اسوي و ما سويتا ما دري!!!!!!!!!
|
أختي الحمدلله انتي موظفه وتقدري تعتمدي على نفسك
توكلي على الله وروحي بيت اهلك الصدق الشي الي انتي فيه الان يسمى مووووووووووت بطيئ احرصي على تربية ابنك وربنا يخلف عليكي بخير ونصيحة لاتكوني عاطفية زيادة حبتين خليك شديدة والطيبة ارميها على جنب مواقف الحياة واتخاذ القرار تبغى عزية وقوة وحزم ربنا معاكي |
مو مشكلتي انه اهلي و مشاكلهم مع الوالد و قضايا و امي يمكن هالشي يقضي عليها خصوصا اني اكبر اخواني و اول وحدة تتزوج ما راح تتحمل لان أبوي مشكلته مشكله ولا اقدر اقوله لان اصلن اهو ينطر الساعة الي اصير شي مو زين اعاير فيه امي ابوي مو انسان طبيعي طردني انا و زوجي من البيت بعد ما صرفنة فلوس وايد على الطابق الي كنا قاعدين فيه والسبب انه امي ارفعت عليه قضية تطالب فيها بنفقة و حضانة اخواني ليش دخلني انا بالموضوع ما ادري و كنت حامل وقتهه و تهجم علي و دزني و حاول انه يضربني!! و ترى ولدي عمره سنه توه اشوف جده شقول لكم مشاكلي من كل صوب والحمدالله على كل حال
|
أختي دلال الله يعينك ويساعدك ويهدي زوجك ما عليك الا أن تكسبيه بشتى الوسائل انبشي عن قلبه وتفكيره ما هو الشيئ الذي يدعوه الى العلاقات من وراك هل الجنس وأضن كذلك ففي الشهر مرة موحالة عليك أن تحاولي تتقربي من قلبه عن كطرق هذا الباب وهو بشكل عام يأسر قلوب الرجال لا تستحي من طلب الممارسة أو طلب الجماع والحب ولنا لقاء وتكملة لا حقا ان شاء الله |
اختى يوجد من اللرجال من هو ضعيف الشخصية ويريد زوجة تحتوية وتكون بجانبة هو ضعيف وبدون مساعدتك لة ستفشل حياتكما ومع ان هذا الدور هو من اختصاص الرجل ولكن انتى مضطرة للمارستة لعل اللة يصلح شانة ولعلها فترة وتمر واللة الموفق
|
الاخت دلال .............اللة يستر عليك ويحسن امورك , وانا اشور عليك بدورى ان يجتمع اهلك مع اهلة
ويتم تدارس الوضع ويتم اخذ علية تعهدات بان ينتبة لزوجتة وابنة ولا يقصر بالامور المادية , فاذا التزم كان بها واذا لم يلتزم بما تعهد بة يكون لك حينها تصرف اخر . اما الان فلا تدعى الكراهية تتسلل الى قلبك ..............تذكرى انة ربما ينصلح حالة وتعود السعادة من جديد اخوك ...........اعلامى.................الكويت |
| الساعة الآن 07:07 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©