|
ياخوان ابي رايكم ..للاهميه...
....ياجماعة بدون مقدمات
انا صارلي سنتين متزوج :14: بس والله والله والله ماقعدت مع زوجتي ولا شفتها الا لمدة شهرين....كل يوم والثاني اهلها يجون وياخذونها من بيتي.....امها كل يوم تسوي نفسها مريضه وهي مافيها الا العافيه ......زوجتي تقلب البيت تبي تروح لامها وهني تبدا المشاكل والله ياجماعه كل يوم امها جذي....وبالاخر الام مافيها شي.....ولامريضه ولاهم يحزنون طبعا امها كل يوم ادق علينا وكل يوم فيها مرض جديد....تخيلوا ...وطبعا مشاكل مع زوجتي كل يوم من ورى راس هالام انا لي ولد من زوجتي والحين بيصيرلي سنه وزوجتي عند اهلها ومو راضين انها ترجع عمي وعياله يقولون للبنت روحي لبيتك...... وامها رافضة والبنت تسمع كلام امها في كل شي انا شنو اسوي يااخوان بداية المشكله رديت من الدوام .....مالقيت زوجتي....والله ياجماعه .......اخوها ماخذها من بيتي من غير علمي والسبب :d امها قالت لها زوجك راح يبوق الذهب مالك....انحاشي وخشي الذهب عندي(والله فلم مصري) انتو تستغربون اني اضحك ....لكن شر البليه مايضحك انا الحين عندي ولد والله ماشفته ياجماعه وبسبب هالجماعه البنت الحين تكرهني والسبب امها واهلها والله ياجماعه يتدخلون بحياتي بكل شي خلوا حياتي جحيم ابي شوركم ياجماعه.....اطلق هالبنت واتزوج غيرها ولا اتزوج عليها ولا انطر امها حتى تموت ياجماعة رايكم.....انا صارلي سنتين ماحسيت اني متزوج ابدا رايكم بصراحه شنو اسوي؟ |
الاخ كويتي
اولا الف مبروك على الزواج وثانيا المطلوب منك الحزم في ذهاب زوجتك الى بيت اهلها يعني تجلس مع زوجتك وتتناقش معها بأسلوب هادي وحضاري وان تشترط عليها عودتها الى بيتك وانت في المقابل لا تمنعها من زيارة والدتها متى احبت ولكن تحدد لها ما تريد بحزم |
ماشاء الله عليك كفاية عليك امها انت لسه بتسال وبتشور تعمل ايه هو مين متزوج مين وبعدين نشور عليك
يرجى كتابة لفظ الجلالة بطريقة صحيحة |
اوافق نسايم الراى
فلابد ان توضح لها عاقبه تصرفاتها الغير مبرره وان تكون حازم معها |
اشكرك اخوي على مشاركتك الجميله.
لكن والله اني بقدر ماانا عفوي في حياتي ومتساهل في بعض الاشياء بقدر ماانا حازم في الامور اللي تحتاج الى حزم وجد ولكن تخيلوا ان الام مسيطرة على البنت سيطرة كامله وكثير مااتناقش مع زوجتي في كثير من الامور ماان اخرج من البيت والله كاني ماتكلمت معاها ولا كان في بينا نقاش ابدا وانا ماامنعها عن امها ابدا لكن الام كل يوم تتصل وتقول انها مريضه يوميا انا على اتصال دائم بزوجتي واقنعها ان يكون لها موقف وتقتنع ولكن بقدرة قادرة بمجرد مااقفل الخط وادق مرة ثانيه وكأن لم يكن شي وكاني ماكلمتها في شي ابدا بصراحه احنا نبي بعض وحرام الولد يعيش وامه وابوة متفرقين لكن هالام اللي ماعندها شغل غيري اهي عندها بنتين وحدة اطلقت بحمد الله وبفضل من امها وعندها 4اولاد والظاهر الام ماراح ترتاح الا واطلق بنتها مني وش الحل؟ |
الله يعينك ، ليش ما تأجر بيت بجانب بيت اهلها ، او حتى تسكن انت عندهم ، يمكن الام ترتاح ؟
شكل الام متعلقة وايد في بنتها ومو متصورة انها تتزوج وتروح عنها ، وضح للام ان حبها لبنتها يمكن يخرب عليها حياتها ويمكن بالف طريقة توضح حبها لها ..... ترى في امهات يغارون من عيالهم من زوجاتهم واللي صاير معاك العكس الحمدلله انك عاقل وما تهورت في حلول سيئة ، خذ عمتك مع زوجتك وروحوا طلعة وامدح الام اللي ولدت لك هالزوجة الحلوة _ اشتر هدية للام ( اسحبها جهتك واضمن حبها لك ) طريق عودة زوجتك لك يبدأ من ضم الام لجهتك . والله المستعان |
بصراحه ...
ودي أسألك سؤال ......!! أنت وشلووووووون تملك هذي القدر العجيبه على التحمل والصبر !!!! ياأخوووووووووووووي روح وكلم أبوها أو واحد من أخوانها أو من عمامها أو خوالها أو إن شاءالله وحده من خواتها ... خلهم يقولون كلمه الحق ..... هل اللي تسويه بنتهم فيك عدل !!! هل هم يرضون أن حريمهم يسووووون هذا الشي فيهم ...؟؟؟ بصراحه ... وبدون زعل ..... أنت أعصابك واااايد بارده .... أنا مالي خص في السالفه وأحس أني تنرفزت من قلب !! جيب البنت وقولها ... أنا رجال ... وعلى ماأظن أنا زوجك بالأصح ... ولي حقوق و واجبات لازم أنك تؤدينها إتجاهي ..... انتي تبغيني وإلا لا يابنت الحلال عشان أنا اشوووووف طريقي وأهتم في حياتي ..... أرجوك ... أحزم الأمر ...... وتصرف !! ولوهي تحبك مستحيل تفرط فيك .... |
بصراحه ما أدري أضحك والله أستعجب من قصتك....
صبرك ما حد يقدر يصبره في العالم هذا... كيف انت صبور كذا؟؟؟ من حسن حظ زوجتك ان الى الآن ما طلقتها؟؟؟؟ هي يعني ياهل الى الآن ما تعرف الصح من الغلط؟؟؟ وأمها اش حقه مزوجتها اذا تحس انها ما تقدر تفارقها؟؟؟ يا أخي احزم أمورك وقول لها تبغين تصيرين سنعه أهلا وسهلا... ما تبغين مع ألف سلامه والقلب دعيلك.... وأخذ ولدك من عندها وبعدين بتركض وراك... |
عزيزي الحائر الصابر مثل هذه الامور تحتاج الى
حكمة في الرأي وحزم في القرار لان مراكمة مثل هذه المشاكل يؤدي الى تعقيدها و صعوبة حلها فبقوة شخصيتك انت تفرض رأيك على زوجتك وبالحق والعدل لانك انت زوجها يعني طاعتك واجبة عليها ولا تتركها تتمهزل فيك وبكلامك بحيث انه بمجرد ان تسد السماعة تنسى كلامك فيجب عليك ان تحسسها انك راجل و كلمتك لها معنى وعليك ان تراجع نفسك انت اولا ما هو الخلل بحيث انها تتركك مدة طويلة وما تحب ترجع لك ؟!!!!!!!!!!!!! فكان يجب ان تكون انت و زوجتك متفاهمين اكثر منها ومن امها لانه لكما همومكما وافراحكما الخاصة بكما كما يجب عليك عدم السماح لاحد بان يتدخل بينكما لحل اموركما |
يااخي الفاضل والله ان مشكلتك عصبتبي ( كاني انا زوجها مو انت ) :d
لابد ان تتخذ اسلوب الحزم معها فكن قوي معها واحزم امرك اولا - كلمها يعني قول لها ان امك راح تخرب بيتك مثل اختك وحاول تتودد لها وتخليها ماتقدر على بعدك واخبرها عن عقوبة من تخرج بدون اذن زوجها وان زوج المراة جنتها او نارها ( واكثر من الكتب الدينية التي تتحدث عن حقوق الزوج ) ثانيا - كلم ابوها واخوانها واخبرهم انك لن تستطيع ان تتحمل تصرفات بنتهم ثالثاً - اذا مافاد معها استخدم اسلوب التهديد بانك سوف تتزوج عليها وتتركها الى غيرها رابعاً - اذا كانت عند اهلها لاتتصل بها ولاتسال عنها واذا اتصلت لاترد عليها خامساً - اجعل هناك اشاعة اذا كانت عند اهلها انك سوف تتزوج واذا سالتك ردعليها بدون جواب كان تقول لها ( كل شي ممكن*عادي مافيها شي لو تزوجت *هو في رجال يصبر على الي انا صابرعلية ) سادساً - اذا لزم الامر ورفضت ان تنحل الامور فتوكل على الله وتزوج واعف نفسك ولاعليك منها ولامن امها ولاتضيع عمرك في انتظار شفقتها او شفقة امها ولاتعرض نفسك للفتن والمغريات فنحن في زمن المتزوج يخاف على نفسة مابالك بمتزوج مع وقف التنفيذ اسال الله العظيم ان يصلح لك زوجك وان يبارك لك فيها وان يهدي امها وان يحفظ عليك دينك وان يغنيك بحلاله عن حرامة ........امين |
عن جد والله قهر وانت لين هالحين باقي ساكت وما ساويت شي
انا مع الاخت الهنووووفه في كل ماقالته |
الصراحه اهنيك على روحك الرياضيه ماشاء الله عليك
اخوي ... بعض الامهات الله يهديهم تكون مسيطره على زوجها والرجل لا حول له ولاقوه واذا تزوجت بنتها .. تحاول تكرر نفس المأساة وبالنهايه .. اما ان يهرب زوج بنتها ويطلق على طول او يصبر ويطلب المشوره والحل مثل حالتك استغرب من زوجتك كيف يقسى قلبها عليك وبدل ما تهجرها تهجرك ولم اجد لها اي مبرر ترجح بها كفتها الا الجهل والغباء وغرها تمسك فيها لو احست منك شده وعدم تهاون في حقك لما تمادت مع اهلها |
الله يعينك
لازم تتخذ موقف حازم وتفلرجيهم انك زلمة مو لعبة بايدهم المراة تتبع شور زوجها مو امها |
من الواضح أنك شخص كورولكس مر قصدي ريلاكس مره ياحبيبي أطرح المره والظاهر الأخت بنت الأسلام ماخلت مجال للكلام وأشكرك يا بنت الاسلام واشكر كلامك الطيب والجميل واشكر الكبيورد ولا هان الكمبيوتر.
|
يا اخي الله يعينك..على هالمرأة..
بس بصراحة انا ماني معا للي قالوا كن رومانسي معاها وكلمها برومانسية وقلها انك تبغاها ووو..شكل البنت مرة دلوعة وماخذة على اهلها.. اذا تقدر تصبر كمان فترة بس لا تكلم زوجتك ولا تتصل فيها ولا تسال عنها واذا تقدر تبين لهاانك تفكر في الانفصال فعلا فلعل يكون له اثر.. وحتى اذا ردت عليك او حتى هي اتصلت لا تكلمها بطريقة رومانسية وكانك فرحان انها رجعت لك..بين لها ان الزعل لا زال فيك...وان المواقف اللي صارت بنت بينكم اشياء علشان شوي تخاف.. بصراحة انا ما اعتقد انك فعلا متعلقة فيك..لان اي زوجة تحب زوجها فعلا صدقني ما تسمع لاحد حتى لامها فكيف تترك سنة كاملة!!!! اخاف امها لاعبة براسها! عاملها بشوي جفاء...لعلها تعقل شوي؟! |
اشكر جميع اخواني اللي شاركوني برايهم والله يعطيكم العافييه
بس يااخوان لاتنسون ان المراة .........والله ماقعدت عندي شهرين على بعضهم حتى الميانه ماطاحت عدل........شلون الغي راي امها اللي عايشه طول العمر معاها واجي انا بشهرين واقلب الموازين فوق تحت انا ماقول الا الشكوى لله.. بعدين اي بيت في الدنيا اذا كان الراي فيه للمراة فسد وبيت اهل زوجتي امهم مسيطرة سيطرة كامله على البيت كامل حتى زوجها مسيطرة عليه بعد ولاحول ولا قوة الا بالله الظاهر من تزوجت بنتها اعتبرتني امها احد ممتلكاتها اللي تبي تسيطر عليهم |
1 ـ جلسة مصارحة تبين شعورك لزوجتك حيال هذا الموضوع ....
2 ـ أشبعها بكلمات الحب والغرام .. وكيف أنك بحاجة شديدة لها .... 3 ـ احزم أمرك ( بعد استخارة الله عز وجل ) وغير بيتك إلى بيت بعيد عن بيت أهلها ... 4 ـ أخبر زوجتك بأن رضا الزوج ليس بالأمر البسيط الذي يجعلها تفعل ذلك ، وهي تعلم حقيقة أمها ... 5 ـ قبل كل ذلك حاول أن تجعل أحد من العقلاء من أهلها يتدخل في الموضوع ... وإن شاء الله المشكلة مو كبيرة كثير .. قدر سن أمها .. وحبها لابنتها ... بس أتوقع والعلم عند الله هذي مجرد أحاسيس ومشاعر من أم لابنتها وكانت قد تعودت عليها منذ صغرها ... أبعد عنهم ولا تكثر الزيارات ( بالأسبوع مرة أو بالأسبوعين مرة ) ورح تتعود الأم على هذا وفقك الله وأعانك ... ودائما لا تنس سلاح المؤمن ( عليك بدعاء الله ) + الصبر والتروي |
اشكر لكم اخواني مروركم
|
انا مع بنت الاسلام بكل الي قالته واحب ازيد عليها شي واحد وياليت تفكر فيه زين وتبدا فيه حاول تلقا اي سبب تاخذ فيه زوجتك من عند اهلها المستوصف مثلا بتفحص الولد ومثل مافهمت منك ان ابوها واخوانها معاك وهذا شي حلو يعني اذا ماقدرت اي واحد بيوصلها لك المهم خذ زوجتك وطلع فيها لمكان ثاني مدينه دوله كيفك واقطع كل شي يوصلها لامها جوال تيلفون قرايب يعني لا يعرفون وين مكانكم وحاول تتعامل معاها بعكس اسلوب الام الي تعودت عليه وحسسها انها قبل مالها شخصيه وانها ضعيفه قدام امها وتسوي الي تبي امها ماهوب الي تبيه هي وفي نفس الوقت هددها انها اذا رجعت لاهلها راح تاخذ الولد عند اهلك وشوي شوي شده ولين انشا الله تنفرج معاكم هالمشكله واذا مانفع هذا معاك فكرفي راي بنت الاسلام والله يعينك ويوفقك |
اخي الكريم اسمع مني ما في احسن من هذي الطريقة وخذها مني بعد ما قرأت كلامك
اول شيء :شوف زوجتك لحالكم ولو 5 دقائق طبعا وهذي سهلة شوي.... وقلها انك راح تمونين طالق اذا ما نمت في بيتك او قصرت معاك ،،،، وبعدها شوف شو راح يصير ... البنت راح تقول لامها وابوها واخوانها صح؟؟ طيب بعدين مو معقولة على شرف بنتهم انها تنام برة بيتها حتى لو شو ماكان صح؟؟ راح يضطروا ياخذوا قرار غصب عليهم وترتاح في كل الامور سلام |
غير مرة هذي بعد اذنك يعني
وااااااااي من قلب أعصابك بارده يعني شنو ناطر !!! :( ... أنا أقولك ترفع السماعة :27: وتطلبها على إنك مريض ولازم ترجع البيت :24:
لما ترجع البيت تمثل المرض وتقولها إنك مريض لانها بعيده عنك وانك مو حاس انه عندك احد يهتم فيك امها مو احسن منك .. ونشوف ردت فعلها عصبت وقامت تقول امي وامي اهني يتغير الحجي وتقولها .. :29: تبين تقعدين عندج أمج على طول ما عندي مانع عندج فكرة الشرع حلل اربع يعني مثل ما تزوجتج علشان ارتاح واستقر وما مشى الحال معاج اروح ادور وحده تكون زوجة وياريت تروحين تسألين شنو يعني زوجة يعني انا عمري ما قلت لج لا تروحين حق امج بس مثل ما لهم حق عندج انا لي حق بعد ولا انا علشان سكت وما اتكلم مخليج على راحتج يمكن تحسين فيني معناته اني راضي فكري عدل بمكلامي وانا مستعد احطج على راسي واهلج اهم اهلي بنفس الوقت ولا تعتقدين اني اكرهم ولا اغار لاء بالعكس بس ابي احس اني متزوج ... :22: جذي انت بريت ذمتك وقتلها كل شي وخلها تختار من بعدها تستخير وتشوف شنو تفضل تتزوج عليها ولا اطلقها واعتقد التهديد كافي راح تعقل لانه عندك ولد :15: فا حرام تظلمونه .. |
انا بصراحة مع كلام بنت الاسلام جزاها الله كل خير الحزم جداً مطلوب في مثل هالمواقف والمفترض تتخذ القرار من وقت مبكر بدل الانتظار الغير مجدي الله يغنيك بحلاله ويستر عليك من الفتن |
| الساعة الآن 06:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©