|
ساعدوني الله يسعدكم
السلام عليكم ورحمة الله و بركاته كتبت لكم وانا كلي ثقة بكم كم مرة افادتني نصائحكم قصتي اكتبها بقلب مجروح زوجي غريب فمثلاً عندما يكون في المنزل ينام الساعة 9 واليوم التالي يكون مع اصحابه يرجع الساعة 12 و مجرد دخولة مع الباب جري على المخدة لما اتقرب منه يقول اش تبغين ؟ ولما اكون تعبانة يجي كانه يبغى يتحكم في كل المسألة و رجولته تأبى المبادرة مني والجديد انه يحتلم واجد هذي الايام عادي؟؟؟؟
انا مثل الجارية عنده بس يأشر فوراً انفذ عاملته هو واهله بكل حب و طيبه يدوسون على رقبتي و اقول زيدوا وارجع مع العلم ان عندي شوية قروش وقفت معاه و مع اهله وقفات لا تنسى ابد الدهر و الله كل ليلي ونهاري مع الاطفال حاسة اني راح اتجنن قولولي حل انا حامل بحملي الثاني وحالتي زفت لا تقولون وين الاطفال كانوا و لله الحمد تؤام بنات :confused: |
وعليكم السلام ورحمة الله وبركاته
الهروب عندي استفسار كيف ينام الساعة 9 و اليوم التالي لا يعود إلا الساعة 12 ياليت توضحين أكثر. لكن برقع لك شوي هل يعني أنه في اليوم الذي لا يخرج فيه ينام الساعة التاسعة و الأيام التي يخرج بها لا يعود إلا الساعة 12 وسوف أضع ردي لاحقا. |
عليك بالدعاااااااااااااااااااااااااااااااء....
ان يجعلك اللَّه قرة عينٍ له....وأن يسخره لك... فهو مقلب القلوب....سبحانه.. |
اقهريه انتي نامي قبل يجي
واذا بغاك قولي له وش تبي |
اختي الكريمة الهروب ..
حأتكلم بالعامية وبصراحة ... وأتمنى تسمعيني زيييييين ولا تزعلي من كلام أخوكي .. لفتني الكلام هذا اقتباس:
أنا أتكلم وانا أعرف الرجال بالرجال ( وباعتراف كثير من الشباب ) يقول ما أحبها لما تطيح عندي بالحيل .. صحيح اننا نحب انها ( ترمي ثقلها وتموووووت فيك ) بس ترا مو كل يوم .. وكثير والله لما يحكي عن مشكلته أكتشف انها طااااااااايحة عنده بالحيل .. ولما تتغلى البنت شوي تلاقيه يحبها زيادة .. تدري ليش ؟؟ لأن الرجل يحب يوصل لأي شي بجهد ولما يوصل للشي بتعب يتلذذ فيه أكثر من لما ((( يترمي له رمي ))) واسمحي لي ع الكلمة دي .. عموما أتوقع انك فهمتي النقطة الأولى ... اوكي نروح للنقطة الأهم النقطة الأهم >>>> يوم انك تتغلي مو تهملي نفسك وتتغلي وتثقلي لالالالا هو أصلا يقول أهتم فيها ليش وهي مهملة ... الطريقة الصح انك تهتمممي بنفسك زين .. (( وبلاش كثيرة دلع )) لالا اهتمام ملابس جسم بيت كله نظيف وكلام مرتتتتتتب وحتى لو حسيتي نفسك منجذبة له هددددي روحك اشوي ولا تطيحي بسرعة ... عموما لماااااا يتعب فيكي ويحاول أبدي أظهري التفاعل شوي شوي ... >>>>>>>>>>>>>>>>>>>>>> أعتذر ان كان الكلام حارج أو جرئ شوي .. لكنها اعترافات رجااااال بألسنتهم ... أخوكم / ساي |
هلا والله أخوي حبيب مرة ...
انا معك تقهره بس بأسلوب معفرت :) يعني ذكاء ودهاء ... وأما ( اقهريه انتي نامي قبل يجي واذا بغاك قولي له وش تبي ) فهذي لي عليها ملاحظتين .. الأولى >> مايجوز امتناع الزوجة عن زوجها بغير عذر شرعي واحنا نبغا نساعد اختنا مانبغا ربنا يغضب عليها أعوذ بالله .. وانت عارف جزاء اللي تمتنع عن زوجها ( تلعنها الملائكة حتى تصبح )) الملاحظة الثانية >> ممكن يكون باب مشاكل وممكن تكبر براصه ويخليها عذر لأشياء ثانية .. فأفضل طريقة انه تقهره بس على قولتها ... ( بأعمل وانا مش عارفه ) ولالالالالالالالالالالالا تنسي أختي الكريمة ... الدعـــــــــــــــــــــــــــــــــاء أولا وأخيرا ... الله يسعد كل زوجين ببعض .. أخوكم ساي |
اختى الكريمه
عجبا لامر زوجك ولكن اعتقد انه كثير من الازواج عندما يخرجون مع اصدقهم وجلسهم فى اى مكان اعتقد بانه يكون نوع من الادمان الادمان الصعب ولكن حاولى ان تتغللى داخله اكثر وداخل افكاره حتى يحدث تغير للاصلح بينكم . |
رأيي انك تتحاورين معاه بهدوء وبدون انفعال واتفقوا على هالشيء قبل تبدأون الحوار
اتفقوا مافي رفع صوت ولا استفزاز لان الهدف منه حل المشكله وليس خلق مشكله أخرى أيضا حاولي تشغلين وقت فراغك ... اتعرفي على ناس جدد سجلي بنادي مثلا أو بدوره او سجلي بناتك بشي للأطفال ينفعهم وروحي معهم يعني أشغلي وقتك لان هذا يخفف عنك وطأه قعدتك باليت لحالك ..... والأفضل أبدأي الان قبل تكبر المسأله ويصير هذا برنامجه اليومي وبعد كم سنه لمايفيض الكيل فيكي ... تجين تواجهينه بيرفض قطعا وبيقولك أنا تعودت خلاص ومن متى يطلع لك صوت ... لان أعرف وحده بنفس مشكلتك تقريبا وبعد 13 سنه زواج و5 أطفال جت تفتح المسأله معاه .... موراضي يتغير ... من شب على شيء شاب عليه |
شباب وش ذا الكلام إقهريه و الثاني تغلي هذي ليست حلول أنتم بكلامكم هذا تزيدون الأمر سوء
أرجوا أن تؤخذ الأمور بجديه وليس بالهزال. أريد أن أرى الكثير من الردود لأنها تعكس مدى تفكير أصحابها في حل المشاكل. |
ياختي الغالية - الهروب -
لابد يكون هناك مشكلة لان تصرف زوجك ماهو طبيعي انتي زوجتة وتعرفين اسرارة هل لدية مشاكل في البيت معك او مع اهلة ؟ هل الاطفال يضايقونة بلعبهم ؟ قد يكون لايريد منكي ان تحملي الان ؟ واذا مافية اي سبب من الاسباب اتبعي كلام الاخ سايكاتريست واتغلي على زوجك واتمنعي بدون رفض ولابد انك تسالينة عن السبب وليش يتعامل معك بهذه الطريقة وحاولي انك تغيرين من جو البيت ولاتخلينة ينام بدري مثلا نيمي البنات بدري وجهزي عشاء بسيط لكم والبسي افضل ماعندك من ملابس مغرية لكن ليست ملابس نوم0000فاهمتني ;) ;) واذا جاء للبيت تعاملي معاة بشوية دلع وغنج لكن لاتحسسينة انك مشتاقتلة حيل ;) خلية يستوي على نار هادية :p وماهو اول مايقولك كلمتين تطيرين علية خليك ثقيلة اذا قالك كلام حلو ابتسمي وطالعي فية بعيونك وخليها نظرات رومانسية وبعدين رجعي عيونك للارض وكانك مستحية :rolleyes: :rolleyes: المهم بدون مااشرح ( عشان مايحذفونها المشرفين ) :d :d خليك ثقيلة مع دلع وغنج ;) وراح تشوفين مفعولها مع زوجك اسال الله العظيم ان يهدي زوجك ويصلحة ويسعدكم ويجمعكم في الدارين |
عموما البخل علي الزوج في العواطف غير مرغوب . لكن في العلاقات الخاصه انت اعلم بما يصلح زوجك .
|
شكراً لكل من واساني والله ما قصرتوا صحيح يا أخ (الزوج الحبيب) ليلة يكون في البيت ينام 9 وليلة عندة خرجة مع الشباب يسهر بس لو خرجت انا وزرت أحد جوالي ما يسكت بسرعة ارجعي ووجهي اشكال الوان عند الناس ادور أعذار غير اللي تكون جنبي وسمعت صراخه على كل حال جربت كل الطرق وما كتبت إلا لما طفح الكيل ما رميت نفسي عليه تغليت وتدلعت وبكيت وتباكيت تنازلت و ضحيت وبدون فايدة ومافي اي سبب أهلة غلطوا علي واجد حتى هو يزعل ويقول معاد تروحين لهم واقول إلا الوالدين وارجع اروح وعلى فكرة زوجي من اعداء الحوار خاصة من النساء يقول من متى عندكم عقول؟؟ اللي موجعني انه تزوجني عن عشق كلمة حب قليلة نذر اني لو ماوافقت عليه مايتزوج طول حياته وهذا السبب اللي خلاني اوافق عليه عشنا اربع سنوات حب حتى أهلة ما يزورهم ولا يقدر يبعد عني دقيقة الا اذا رحت معاه و اليوم صار واحد ثاني ليش ؟ فيما مضى كنت مغرورة متفاخرة بجمالي ومالي واتمنن عليه اني رضيت انزل من برجي العالي واقدمه عن الباقين وارضى به وكان يموت فيه واليوم يوم عطيته وصرت ما اتمنن عليه بشئ وصرت مثل الخاتم في اصبعه معاد اني عاجبته حيرانه واحبه و افكر بالطلاق ؟؟؟؟؟
|
اقتباس:
طبعاً حسب كلامك معاه حق انشاء الله يعود اليك |
يا اختى الحين فهمت
قصتك نفس قصتى والله العظيم فى ردك الاخير والى زاد الطينه بله اهله يكرهونى ولا يطيقونى واهو كان معترف ويقلى كلهم ولا شى بالعربى طززززززززز فيهم انا وانتى وبس وبعد الزواج تغير وانقلب الحال اصبحت كذابه سراقه تضيع فلوس من محفظته ويشهد الله انى مو بحاجاتها لعابه فى الكلام والسبب انه انصدم بااحد اقاربه يفعل هذه الاشياء فحطها فينى ما عاد عنده ثقه والاهم انه انقلب كليا والسبب الرئيسى الشبع نعم الشبع شبع منى خلاص اعتقد انك انتى مثلى زوجك شبع ومل وبيدور على حلوة جديده صدقينى زوجى يقلى كلام اقسم بالله ما احد يصدقه من الاهانات والنهايه امزح ابغى اقهرك انا عندى ثقه بنفسى كونى واثقه بنفسك واشغلى وقتك اختك ام فارس |
الله يعين ياام فارس تصدقون يقول للبيبي اللي في بطني اوجعها ارفسها و اشفي قلبي و انا احبك
|
| الساعة الآن 09:42 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©