هالسنتين تؤرقني جدا,,,, ما رأيكم
 

السلام عليكم ورحمة الله وبركاته,

عندما فكرت بالزواج فاتحت أهلي بالموضوع عشان يدورون لي على عروسه وطبعا سألوني عن مواصفات العروسه فقلت لهم المواصفات اللي ببالي وهي مواصفات تتعلق بالشكل والأخلاق وغيره ومن ضمن هذه المواصفات أن يكون فارق السن بيني وينها 5 سنوات فأكثر لأني أرى ان البنت تكبر بسرعه وقلت لهم لو اني لقيت عروسه فيها 40 بالميه من هالمواصفات أكون محظوظ لأنها مش ثوب أفصله على كيفي بالرغم أنه كان عندي شرطين أساسيين آخرين قلت ما راح أتنازل عنهم. المهم دورا لي عروسه وكل يوم يجيني أسم وبعد فترة أنتظار قالوا لي عن بنت فيها كثير من المواصفات الشكليه والخلقيه اللي تمنيتها وخصوصا الشرطين الأساسيين اللي طلتهم ومن ناس متواضعين وأهلها ما عندهم شروط تعجيزيه بس المشكله ان فارق السن بيننا سنتين أو ثلاث سنوات وبصراحه مدري شلون وافقت ورحت مع أهلي وشفتها وعجبتني حيل وعجبني خجلها وكلام أبوها معي وأعطيت موافقه بس شلون مدري واللي يخليني أكثر أعجابا بهالبنت أن كل واحد من الجماعه مدحهم لي وقال فعلا انك رحت للبيت الصح وجميع أفراد أسرتي مبسوطييييين بهالخطبه بس مشكلة هالسن تؤرقني. إذا فكرت بالبنت وجمالها ولله الحمد وأخلاقها وأخلاق والديها وتعليمها أرتاح كثير بس بمجرد ما يجي ببالي فارق السن أحس بقلق شوي. دايم أقول يمكن أن الله كتب لي الخير بهالبنت وان الحياة معها بتكون رائعه وأنه لا خيرة الا فيما أختاره الله. بمعنى آخر أنا أعيش حاله من الحرب الداخليه بين مزايا هالبنت العديده من ناحيه ومشكلة العمر من ناحيه أخرى.


شنو رأيكم أخواني وأخواتي الكرام,,, ريحوني

اذا حطيت هالشي في بالك راح تتعب ! فيه بنات كثير مايبين عليهم العمر حتى بعد الحمل والولاده وفيه العكس !! يعني مو ضروري ! واعتقد ان اللي صار معاك كان نصيب وكتبة رب العالمين!! وكأنك مسير لهذى البنت !! توكل على الله ولا تخلي هالمسأله تعكر سعادتك وحياتك معاها! مدامها جميله وعاجبتك واهلها طيبين توكل على الله !!
وش تبي ببنت اصغر منك واهلها يكسورون ظهرك او تطلع البنت مغروره او متدلعه مثلا؟؟؟ هالاشياء ماراح تعرفها الا بعد ما تخطب ووقتها راح تنصدم وتتحسر على البنت اللي تركتها ومافيها عيب!! وبعدين المسأله سنتين مو خمس سنوات عشان هالتردد :)
توكل على الله وانا اختك بس الاهم انك تنسى هالفكره بالمرررررررررره وللابد اذا حبيت تعيش مبسوط !!

مشكوره أختي على ردك الطيب بس أيش كان قصدك هالجمله

(وبعدين المسأله سنتين مو خمس سنوات عشان هالتردد)

ما اخبي عليك اخي العزيز ان فيه بنات ماشاء الله مابين عليهم العمر وخاصه اذا كانت البنت تلبس وتغير نفسها باللبس والموضه

بس الحمدلله والشكر فيه بنات العكس يعني اعرف بنت مواليد 83 وانا 77 وتستغرب اني اكبر منها والله مابينتا فرق

فان كان فعلا هذا هو الي رادك ومضيق خليق فوسع بالك وافرح بحيات ولا تنكد عمرك علي اشياء تافه والله يسعدك

يعني لو كان الفرق بينكم اكثر من سنتين خمس سنوات مثلا !! بيكون لك حق تتردد !! لكن سنتين ماهو الفرق الكبير اللي يخليك تتوهق!!

أنا اخوي متزوج وحده اكبر منه بسنتين وشكلها اصغر منه ومش باين فيها علامات الكبر

بعدين الفرق موكبير يعني سنتين تكون اصغر منك مناسب اتوكل على الله انا اشوفها

لقطه اذا هي فيها جمال والاخلاق هذا المطلوب ولاتنسى صلاة الإستخاره .

بالتوفيق ان شاءلله

لو لم تكن تعرف عمرها فهل كنت سترى عائقا في اتمام الزواج ..

اقبلها كما هي .. واحذف هذا المقياس من ميزانك ..

وستراها أقرب الناس إليك .. المهم ان تسعد معها وان تكون ذات دين وخلق ..

ألف مبروك مقدما لا تنسى ان الارواح جنود مجندة ما تعارف منها ائتلف وما تناكر منها اختلف ..
ربما تتزوج صغيرة لا تسعد معها او بطريقة تفكيرها ...

ويبدوا أنك استرحت عند رؤيتها فما الداعي للحيرة إذن ..

أتمنى لك التوفيق ..

ياخوي الدنيا تغيرت والبنات الحين مو زي حريم اول الوحدة لاجبت لها طفلين تشوفها وكنها كبرت عشرين سنة

الحين صرنا احرص على نفسنا وجسمنا ومع الاهتمام واللبس صرت ماتفرق بين البنت والمتزوجة
وبعدين كونك اكبر منها بسنتين او ثلاثة بس فهالشيئ بيخلي بينكم تقارب في التفكير
ويصير بينك وبينها رباط اخر هو ( الصداقة ) وهذا بحد ذاته شيئ رائع
اما حكاية البنت تكبر قبل الرجال (( انسى )) هذا كااااااان زمان
استخير
وتوكل على الله
والله يسعدك ويوفقك

يا اخي استغفر ربك واحمده على حسن الاختيار والتوفيق وما التوفيق الا من عند الله. العمر ما هو مشكلة واهم اشي الاحترام والتفاهم ومخافة الله سبحانه وتعالى. اقرا عن زوجات الرسول -صلى الله عليه وسلم- هل حدد فرق في العمر؟؟؟

توكل على الله ولا تدع الشيطان يؤثر عليك

اخوك نادر

فديتكم أخواني وخواتي على ردودكم اللي فعلا كانت بمثابة البلسم لي.

يعطيكم الف عافيه

انا سأتقدم الى بنت تصغرني بحوالي سنة فقط
وفيها كل الصفات الطيبه والاخلاق العالية
وبالعكس شئ حلووو انه تكونون قريبين من السن

اذا فارق السن بينكم كبير بكون تباعد في التفكير
غير اذا تقارب في السن

وتوكل على الله اخوي
بنت فيها كل الصفات الجيده لاتفوتها

توكل على الله اخوي ...والله يجيب الي فيه الخير
والف الف مبببببروك مقدمن :rolleyes:
وان شااء الله بتوفيق

صدقني وانت تتكلم عن نفسك كنك تتكلم عني


الفرق ان زوجتي اصغر مني بسنه


توكل على الله مو كل مره تحصل بنت ناس شكل واخلاق

مرحبا اخـــــــــــــــــي


مو شرط تن البنت على طول يبين عليها الكبر


اذا كانت ملامحها ناعمه ووجهها طفولي شوي وتهم بنفسها ما راح يبين عليها الكبر


رحت مره ازور وحده والده وكانت معي وحده واشرت لي على وحده من الزائرات


وقالتي كم تتوقعين عمرها ....قلت 22 او23


قالت لي هذي عمرها 42 وخاطبه لولدها ...قلت سبحان الله


واعرف بنت هي بعمري عمرها 20 وكأنها ام 33


نوعه البشره لها دور كبير في وضوح التجاعيد


فوسع صدرك اهم شئ انها اعجبتك وارتحتلها


والشروط هذي العمر والزين تنسى تقريبا بعد الزواج لانك راح تعيش مع طبايع


وافرقت سنتين عن خمس سنوات


اختك,,,شوقي للحبيب

سنتين مناسبة على الأقل الأفكار بتكون متقاربة وممكن تشاركك في الرأي.

لا تتعب تفكيرك بحكاية كبيرة أو صغيرة هذا يرجع للمرأة واهتمامها بنفسها.

اتخاذ القرار الصائب وعن اقتناع بهذا الموضوع يريحك كثيراً.

أتمنى لك التوفيق.

مشكورين أخواني وأخواتي


بصراحه لو كنت ادري ان طرحي للموضوع هنا بيريحني كان من زمان طرحته