حساسية الزوجة هل هو شي طبيعي ؟؟
 

با النسبه لى لمن تزوجت فى اول ايامنا كنت صراحه جدااااااااا حساسه لدرجه وهو كان ما شاء الله عليه الى بنفسه يقوله بدون احساس او ادراك الين يوم بعد يوم تعودت عليهوصرت اتعذرله اقول يمكن كل الشباب كذا بناء على راى ابوى واخوى الين ما صرت اجاريه يوم واصده يوم
فالامر يختلف فى بدايه الزواج وبعدعشره عمر

واللة اني تعبت من الحساسية الزايدة الي عندي

لو ادري ان فية علاج يخلصني منها لو باخر العالم لكان شريتة

تعبت وتعبت زوجي الحبيب معاي بسبب هذي الحساسية

اي شي يزعلني لو يعاتبني بس ,ذاك اليوم ما انام

يحاول زوجي يسايرني ويداريني لكن هو بشر في النهاية يمل ويعصب علي

ثم تحصل الطامة بكى وزعل ونكد وحالة اكتئاب عندي

وزوجي هو الضحية

الحمد لله تخلصت من كثير منها بذكر الله والتصبر وكظم الزعل

الحمد لله تخلصت من سبعين بالمية منها والباقي في حالة حرب معة

ادعو ان الله يخلصني من الباقي

والله لايبلاكم بها ولاحريمكم

انا شخصيا متعبه من الحساسيه الزايده من كلمه اتأثر ويضيق خاطري وابكي ونفسي اتخلص من هذي المشكله لانها بصراحه سببت لي إحراج وزوجي يداريني ماقصر بس انا ماني عارفه كيف اقضي عليها للابد لاني تعبت جدا اللي عنده حل يقول واكون شاكره

هلاااااااااا:

اختي :احترت بتسجيل:
اشكرك على مرورك ومشاركتك وشي جميل جدا تعتذرين لزوجك وسؤالي لك :وش رايك لو زوجك يحاول يعالجك بانه يسوي اللي يزعلك بس ما يضرك؟

اختي الكريمة :
بنت الاسلام اسال الله ان يعز الاسلام

اشكرك على مرورك ومشاركتك وابشرك بانك تعديتي مرحلة الخطر بانك عالجتي 70% شي جدا جميل ولم يبق الا القليل ويبي يروح انشاء الله

بس ابي أسألك :وشرايك لو يهوشك زوجك ويزعلك ؟ماتعتقدين يروح هالشي؟ لان الدلال سبب من اسباب الحساسية

بانتظار جوابك

شكرا لك وشرفتينا

دلوعة الغالي :
اشكرك على مشاركتك وبالنسبة للعلاج اعتقد ان السبب في الغالب الدلال ؟وش رايك؟ توافقيني والعلاج يكون بعكسه يعني يحاول زوجك ان مايدرايك احينا بل يقصد احاينا اغضابك وازعاك حتي تتعودين ويصير شي عادي مارايك؟؟؟

تبينة يهاوشني عشان ترجع لي الحالة

الله يسامحك ماعمر الهواش والزعل حل مشكلة

لكن الدلال الزايد يسبب المشكلة

والحل اعتقد انة في يد الزوجة موفي يد الزوج



وراجعة للموضوع بعدين ان شاء الله

الحساسية مزمنة معاي لكن تعامل زوجي معاها غريب جمود خيالي لا تفاعل سلبي أو إيجابي الدموع ماتؤثر فيه

مرحبا :
صبا نجد: أحب اقولك سر خااص لايدرون الازواج
الأزواج لاتهمهم دموع الحساسة كثيرا لانها شي طبيعي جدا عندهم ولانها تزعل وتبكي للتوافه قبل الكبار فلا يكون لها أي قيمة غالبا

ولا وشرايك لو زوجل كل مابكيتي تأثر ؟كم يتأثر في الاسبوع من مرة؟ وما ذا ستكون صورتك لديه ؟ ستكون انك انتي سبب الازعاج وانتي مصدر الحزن والكآبة في المنزل

بس احمدي ربك ان زوج ما يتأثر واقراي المقالات اللي فوق شوفي كيف يعانون الأزواج من حساسية زوجاتهم

بنت الاسلااااااااااام :
لاتزعلين علي هذا الأهم وهو مجر د سؤال بس الله يستر لاتصير حساسيتك واصلتني ههههههه

الملاحظ ان أكثر الحساسات كن مدلالات في بيوت ابائهن
والضحية بيوت أزوجهن للاسف
و يقال الاشياء تعالج بضدها مثل الحمى والحرارة المرتفعة تعالج بالماء البارد هل فهمتي ؟

اخي كن بارعا انا بقولك شي
انا طبعا في بيت اهلي كنت حساسه جدااااااااااااااا , واتربيت في بيت اهلي انه مافينا المزاح الجارح اللي ممكن يزعل
يعني محد يمازح الثاني المزاح الثقيل
بعد ماتزوجت الاقي زوجي واهل زوجي مختلفين عننا تماما
من صغيرهم الى كبيرهم كله مزاح ومحد يزعل من الثاني ومبسوطين ومستانسين
طيب انا كيف بيكون وضعي معاهم كنت ابكي على كل كلمه يقولوها واتحسس تعبت وكرهت الروحه عند اهله
بدا زوجي بعلاجي كييييييييييف
صار في البيت يتعمد يمازحني بالغصب ومزاح من العيار الثقيل
بكاني الف مرة ويرجع يراضيني
ومايقول لي خلاص ما عادة اكررها لا بس يراضيني
ويرجع يكررها الفين مرة
وبدات الاحظ نفسي مع الوقت اتقبل شوي شوي مزاحهم الثقيل وفي اشياء تبقى بداخلي خانقتني بس ما اطلعها ولا اظهرها لهم
يعني جينا على المثل اللي قول ( وداوها بالتي كانت هي الداء )
تقدر تقول انا تخلصت بنسبه 50 % من حساسيتي يمكن لاننا لسه متزوجين يعني سنتين ونص
اعتقد بعد العشرة الطويله اتمنى انها تزووووووووول علشان ارتاح لانني فعلا تعبت
وشكرا على الموضوع الرائع
اختك ام مجيد

سلام :)

أنا بالنسبة لي بصراحة ما أقدر أوصف نفسي إني حساسة زود لكن في الأيام اللي قبل الدورة سبحان الله حساسيتي تزيد بمقدار ألف
يصير أقل موقف يخليني أبكي و أقل شي ينرفزني و يضيق خلقي و أدقق على كل صغيرة و كبيرة و أسوي من الحبة قبة
زوجي أغلب المرات يكون متفهم لهالشي و خلال هالأيام يحاسب إنه ما يقول شي كذا ولا كذا ممكن أنا أفهمه غلط و أتضايق منه لكن بعض المرات ينرفز علي بالذات إذا أنا كنت مبوزة و يجي هو يسألني وش فيك؟ و أقول له ما فيني شي و يصير يحاول يروقني و يضحكني و أصير أنا ما أعطيه وجه فيصير هو :mad: :mad: :mad: .... :eek: :rolleyes: :eek: ... و الله يكفينا و يكفيكم الشر :o

بصراحه انا اعاني من هذه الحساسيه الدائمه ,بصراحه الله يعين زوجي .
لكن هذه الحساسيه لما توصل للبكي هنا ستوب توقف الدنيا بوجه زوجي العزيز ويحاول يرضيني بأي شكل من الأشكال.

بسم الله الرحمن الرحيم

اولا يااخت او يااخ * كن بارعا * لاادري هل انت رجل او امراة

انا مازعلت لكن استغربت انك تقولين انة هذا هو الحل

لكن بعد مافكرت وجدت انة يمكن يكون صحيح الكلام وزي ماقالت ( مسزملقوفة )

داوها بالتي كانت هي الداء

و الحساسية مشكلة تعاني منها كثير من النساء مايقول لها زوجها كلمتين لو كان يمزح

الا مدت لك البوز شبرين وكئنة معطيها علقة او بقس :mad:

والله هذا حال كثير من الزوجات وانا كنت واحدة منهم لكن الحمد للة تعودت على زوجي واسلوبة

ومع هذا باقي شوية حساسية, لكن لازم نخلي شوية مو اخلي زوجي ينكت علية ويستهزي فية

ويستهبل وانا اضحك ( والله بعض الرجال ماينعطى وجة ) :d

واعتقد ان الدلع الزايد من الاهل والزوج لة مردود سئ على الزوجة

وهذا هو السبب الاول في هذة المشكلة ( والله اعلم )