|
السكوت يقتلني والعيد قرب
|
حبيبتي ..
أنا لاعرف ماهي مشكلتك بالضبط ولكن صدقيني هذا الحاله لاتستمر طويلا .. أن كنتي تستطيعين العفو فاصفحي وقدمي تنازلك له وابدئيه بالكلام .. |
ان كنتي انتي الغلطانه فقبلي يديه وتسامحي منه
وان كان هو فاعتذري بطريقه لبقه لاتنقص من قدرك عند نفسك |
4 شهور مضت
هو سافر للندونيسيا وجاء بلبسه ملطخا بالروج والشعر طلبت الطلاق رجعت بعد شروط عدم السفر والشقة باسمي والاولاد وضع تسجيلا فوجدني اسبه عند صاحباتي وانا لسى زعلانة بعدها صمت |
الله يعينك بصراحه والرجل دائما عندما يخطا يصمت فلا اعلم ماذا اقول ولكن حاولي ان تصفحي عنه واخبريه انك لم تسبيه الا لضيقك وهمك والله المستعان
|
واجهة الحياة
عزيزتي هاقد جاء العيد وان الاوان لكي ان تحلي مشكلتك مع زوجك نعم عزيزتي ابدئي انت بالخير وحلي المشكله حاولي وحاولي وان لزم الامر ان تقدمي الكثير من التنازلات فقدمي فكل هذا في سبيل سعادتك وسعادة زوجك نعم زوجك اخطاء ولكنه ايضا تراجع عن خطاءه واصلح الوضع بينكم وقدم تنازلات حين قبل بان لايسافر مره اخرى وايضا عندما قبل ان يكتب البيت باسمك عزيزتي قد حان دورك الان لتبدئي بالصلح وحاولي واجعل مناسبة العيد مناسبتين مناسبة الصلح ومناسبة العيد دعي اولادك يبدؤون العيد مع ابوين متفاهمين لا مع ابوين بينهم صمت وجفاء وتوتر عيشيهم في جو محبه وود بدل جو القللق والتوتر حبيبتي اطوو صفحة الماضي بكل الامها وابدؤو صفحه جديده بقلوب جديده صافيه بقلوب لاتحمل اي مشاعر غضب وضغينه عزيزتي عيدي نفسك وعيدي زوجك بهذا الصلح 0 واسال الله ان يهدي لك زوجك ويصلحك ويصلحه0 وكل عام عزيزتي وانت بخير |
حاولت وحاولت بكل الطرق من هدايا واستقبال وبكاء ورجاء فلم اجد منه اي كلمه فقط يجامعني ثم يدير ظهره لي قلت له مرة كيف تجامعني وانت كذا سكت ولم يرد
وكاانني سويت مصيبة مأعرف ليه يعاملني كذا اكاد اجن يقول لي انه سيتزوج ويعدل كيف يعدل فقط مجامعة ومقاضي للبيت والروح والنفس والاحاسيس ماذا افعل فكلات بالطلاق لكن يحب اولاده ويلعب معهم لا اريد ان احرمهم من بعض هل اقتل نفسي علشان يرتاح وياخذ العيال؟؟؟؟؟؟؟؟؟ |
عزيزتي البيوت أسرار
وغالبية هالأمور تحدث وبكثره ، اللي فات انسيه أفضل لك وله ، وأبدئي صفحة جديده هنيه بالعيد واوعديه ان كل شيء صار انتهى وخليه يوعدك كذلك . ولاتتحدثي لأي أحد بمشكلاتكم خلي احل المواضيع بيدك ويده فقط وألجيء لله عز وجل بالصلاة والدعاء وكوني على يقين بان الله سيجيبك ولو طال الوقت وعسى الله يهديكم لبعض يارب ويصلح مابينكم . |
أستهدي بالله واتركي عنك وساوس أبليس ...
قد يكون شعوره بالذنب وتأنيب الضمير هو من جعله في هذه الحاله أنقذي زواجك مادام الأمر بيدك تجاهلي مافعل حسسيه أنكي نسيتي ما قد بدر منه أعيدي للبيت حيويته السابقه كوني عظيمه بتسامحك .. أكسري حالة اللصمت اللي يعيش فيه خففي عليه الضغط والتوتر غيري النظره الحزينه اللي بعيونك وبدليها بنظرة حب وتسامح.. أنا أقدر أقولك طنشيه هو الغلطان لكن وش راح يفيدك هذا الكلام مادام اللي صار انتهى .. لكن أبغاك تكوني كبيره بفعلك مو عشانه عشان نفسك عشان تحسين أنك قويه قابلتي السيئه بأحسان .. وختاما لاتنسي طرق أبواب السماء ودعاء الواحد العظيم .. هو من أبتلاك وهو بيده رفع البلاء عنك .. |
بصراحة انتو الاثنين غلطانين بس الي يبدو لي ان زوجك طعن منك ويحس نفسه ضعيف خاصة انه تنازل عن الشقة والاولاد لذاللك يريد ان يتزوج ويعيش في بيت يحس انه الرجل والسيد فيه انت استغليت المشكلة لاخذ الشقة منه وضغطت عليه بالاولاد ويبدو لي ان الاولاد هم ما يربطه بك الان هل عرضت عليه انك تردين له الشقة في سبيل ايرضي عنك ويغفر لك لعل وعسى يرضى ..................مادري هذا مجرد راي ممكن صح وممكن خطا
ممكن اعرف ليش حطلك جهاز تصنت هل كان شاك في الموضوع |
مدام رجعتي له ونفذ طلباتك حاولي تكسرين الحاجز اللي بينكم
بوسيه وحاولي معاه تفتحون صفحه جديده وقولي له انك نسيتي كل اللي صار وانك تحبينه وانه ابو عيالك حاولي تكسبينه وتصفين قلبك ولا تشيلين عليه شي وانسي االلي فات وكأنه ماصار والعيد فرصه لازم تستغلينها ! تقدرين تكتبين له كرت معايده بكل الكلام اللي في قلبك او مسج في التلفون او تحضنينه وتقولين له هالكلام ! وتتأسفين وتفتحون صفحه جديده الصمت ترا ماهو في صالحكم ابد ! |
يبدو ان زوجك شخصيه قويه او رسميه يعني ثقيل لاكن لازم تستغلين شي منه او فيه مثلا اذا جامعك يكونمعك كله واحساسه معاك اغتنمي الفرصه لاتروحين تسئلينه ليش تجامعني وانت ماتكلمني ليش تسافر ليش كذا وكذا انا رجل وو الله ان النفس تنسد اذا دار اي حوار قبل الجماع او في وقته والحوار فيه مصلحه للزوجه اتركي مواضعيك كلها ولو انها تهمك عامليه في الجماع بحراره سوي له شي ماعمرك سويته في الجماع قطعيه كوني معه قلب وقالب لا الجماع باب كبير وان رضي او خش مزاج الزوج فالامريتلاشى وتحتلين قلبه موب اسئله وزعل؟ خليك رومسيه وقناصه للفرصاصمتي واتركي كل شي حتى يحين وقت الجماع ثم تفاعلي والله يوفقك
اخوك فيصل |
بسم الله الرحمن الرحيم
انا اشوف الحل تبقى الشقة باسمه بينك وبينه وبين العيال مالها داعي انا رجال وساكن في بيت زوجتي !!! يعني انا الحين تخيلت نفسي لو اني متزوج وزوجتي طلبت مني مثل طلبك ونفذته راح احس اني فقدت كياني راح اكون في وضع حسااااس جدا راح احس بمرار ما اشتهي اكل ولا اتكلم ولا حتى اتذكر زوجتي وراح احس بضغط نفسي واني مضطهد رجعي المياه لمجاريها مالها داعي ليش فكرتي انك تسجلين الشقة باسمك وبسم الاولاد هل انتي شاكة فيه انه بيترككم ام انه بيطردكم في يوم ويبقى هو لحاله انتبهي ترى الشيطان شاطر ويعرف يفرق بين المرء وزوجه وخلاص صالحي زوجك وارجعي زي ماكنتي اسعدكما الله |
طيب أنا ماطالبته بالشقة لاني خايفة يضيع فلوسه
ولما رجعت قلت له انا مابي الشقة لاني عندي شقتين باسمي من ورث الوالد وما احتاج لها بس ماعرفت ايش اشرط عليك قدام اهلي وتصالحنا لكن بعد يومين حصلته واضع تسجيل على التلفون طيب ليه التسجيل وما عمري سمعت احد يسوي كذا في زوجته حتى لما تزوج علي الاردنية كان يضع تسجيل في الشنطة ويسجل عليها بعدين طلقها وانا ليه يبي يلقى علي شيء علشان يطلقني بعد عشرة 10 سنوات والا خايف اني ادلع عليه بعد ماردني مع انه ماجاب لي لا هدية ولا حاجة انا على وشك الانهيار تخيلوا ما باركلي على رمضان ولا ادري عنه ودايم ارسله رسايل اعتذار واشتياق لكن مافي فايدة اذا يبي ينام معاي ارسل رسالة فقط كلمة تعالي يعني اوامر مادري ايش قصتة ليه مايطلقني ويريحني؟؟؟؟؟؟؟ |
واله مدري احس حال بيتكم غريب ومظلم الله يعينكم
هو بعد طبعه غريب ولا تواخذينه يمكن هو يحب يتجسس انا اعرف واحد من الشباب واثق من اهله بس يحب يتجسس كذا علشان يستمتع بوقته وبنفس الوقت يبي يصيد شي غلط الله يكون في عونكم ما ادري أيش اقول لك انا مانا متزوج وما اعرف ايش الحل بس الي عندي قلته |
الله يعينك اصعب شيئ على المراه
انو مايكلمها زوجها والله احيانا اقول لو يضربني ارحم واسهل شيئ على الرجال انو مايكلم زوجته طبيعي هو اقسى من المراه ........... |
بارك الله فى الاخوه الذين نصحوك وخصوصا اختنا زينب التى عبرت عما يحس به زوجك وفى ىدىك اعاده الثقه فيكى بتنفيذ مانصحك به اخوتنا الفضلاء
وفقنا الله جميعا الى حياه اسريه سعيده |
ثالث ايام العيد
كآبه وحزن ماحسيت بطعم العيد ليلة العيد تحنيت وقصيت شعري لكن ما كنت اتوقع منه ان يحرجني عند الكوافيره ويشتم ويرفع صوته ليه مانبسط لما يشوف زوجته تتكشخ ليه ؟؟؟؟؟؟؟ هل اطلب الطلاق |
اختي العزيزه
الرجل اخطأ والخطأ واضح ثم اعتذر وكتب الشقه باسمك ثم سمعك بالتسجيل تسبينه عند صديقاتك صحيح انك كنتي غضبى وهو مخطيء ولكن المفروض انك سامحتيه وان الموضوع انتهى ولكن الرجل ادرك انكي لم تنهي الموضوع وان تضحيته بالاعتذار والشقه ذهبوا هباء الان الموضوع بين يديك البسي وتهندمي وسوي جو شاعري في غرفة النوم ( واضح ان كل واحد منكم ينام في غرفة لوحده )وقبليه وتعلقي فيه واعتذري منه حتى لو قبلتي باطن قدمه ولا تتركيه الا والموضوع منتهي حتى لو طلب منكي اي شي ( بما في ذلك التنازل عن الشقه ) ان لم ينفع ماسبق اطلبي منه الجلوس مع بعض ( في الغرفة ) لوحدكما ثم تناقشي معه وانهي الموضوع باي تكلفة كانت ان كنتي حريضة على زواجكما ان لم ينفع ذلك اطلبي حكما من اهلك وحكما من اهله لحل الموضوع ولاتنسي ان تذكريه بالعشره التي بينكما وبالعيال وبحبك له . اعانك الله على نفسك وعلى زوجك وعلى مصيبتك وليعلم الجميع ان ابتعاد الازواج عن بعضهم البعض في الفراش هو اول عائق ضد الاصلاح ( لاتهجروا بعض في الفراش ) . |
انا اقولك الحل واللة اعلم
السلام عليكم ورحمة اللة
انا اقولك ...انسي انتي الي صار اول معاك انسي سفرتة انسي زعلكم وصمتة..حاولي بيدك وبرجولك الي صار كل ماخطر على بالك اقنعي نفسك انة مافية شي صار همسة في اذنك ... ترى كل الرجال لهم نزوة بس فية نساء كشفوهم ونساء تحلف بشرف زوجها :confused: اقولك لية صمت لانك فضحتية .ماسترتي علية هو زوجك وابو اولادك صغرتية عند الناس اهلك وصديقاتك مع العلم ان اخوك احتمال يكون هو الي دل زوجك على هالدرب .او زوج صديقتك .او ابوك فلا نطالب بالمثالية والي ياكد لك انة توة ماشي في الرب انكشف بسرعة ما ودى ملابسة برى وغسلها ودارى على بلاوية على وجة وجيتي انتي وصدمتية وفضحتية هو الان واللة العالم جا لس يعيد حساباتة مع الانسانة الي معاه ..ولما قالك بتزوج ... يبي يسعد ..يبي يضحك من قلب ..يبي يشتكي ..يبي ينقد على احد معاك مستحيل لانة لو قال شي لو ما علقتي هو من داخلة ماراح يكون مرتاح فعذرا على الصراحة انا ما اعرفك ...لكن اقولها لك انتي اخزيتة وكسرتية لا تتوقعين انة راح يصفى لك الي عليك الان ... 1-ارجعي لة انتي اول ..علشان يفكر يرجع لك 2- شدي العزم سوي حملة استنفار لة في البيت ..حبية ..دللية ..اثني علية في المجالس مدحية قدامة ومن وراة عند اهلة واهلك وصديقاتك اعلني حبك لة ودية خلي العالم كلة تعرف وش كثر تحبينة ..راح تتعبين بس انتي الي بنيتي الحاجز ولازم تهدمينة بأفعالك كلمي اخوك او ابوك وخلية يرجع الشقة لة لا تنتضرين هو يرجعها الي تبي تحافض على بيتها مو تكتب البيت باسمها :confused: هو الي سواة رجعك علشان يغمك وتندمين انك فضحتية ولا تتوقعين انة راح يصفى لك ..الشقة ماهمتة لو يبي طلقك وراح تزوج غيرك ونساك ونسى عيالك رجل ما تفرق معاة ... ملاحضة ..انا صارت معاي بس مع شغالتي دوريني شفتهم وجى عندي في نفس الوقت وجلس يعتذر وانا ساكتة بالعة جمر بس ابكي ومن داخلي يارب نورني يارب بصرني راح انسى بس الان تطلع الشغالة من بيتي وطلعها ما قلت لاحد لا ني على طول شريت زوجي وبعت الشغالة سفرها وانتهى الموضوع ما اقولك اني وحدة مثالية بس حسبتها انا او الشغالة من الدايم الحل بعد شهر من الصمت سويت الي قلت لك من قبل رجعتة لي والحمداللة حسستة الى الان اني شارتية وبايعة الناس كلهم لكن من داخلي مكسورة مجروحة بس هالشعور معطيني قوة اني ما امل وما اوقف على فكرة ترى ما ناقشتة في الموضوع ولا تشرهت علية ولا سالتة لية لان عندي قناعة انها نزوة والحمداللة اللة يديم ولا يحرم ويفرج عليك ..ولا تقولين لي كرامة كرامتك اصلا مو موجودة عندة لما فكر يلمس غيرك عذرا على الصراحة بس احنا كذا يالحريم ما نتبة الا بطقة قوية على راسنا والدعاء الدعاء الدعاء ويارب اكون نفعتك وما تفكرين اني خيالية |
وربى شككتونى بزوجى
|
اهلين اختي احترت بالتسجيل
احنا ما نشكك بزوجك وكون صارت لنا نفس المشكلة مو معناة كل الرجال فيهم نزوة لا القصد من ذكر القصة ان الوحدة تنشرى وتنباع من تصرف بدون تحكيم العقل والاندفاع وراء الكرامة واشاطر يحسبها من الدايم اذا اليوم عنده فلوس ويسافر بكرة ماعنده واذا اليوم تعرف على وحده بكرة تعرس وتخلية بس هنا وسلون اوقفه عن هالمهزلة اشترية وابيع الناس كلهم احبه من جديد .. اركز عليه من دون مايحس والله اعلم |
| الساعة الآن 05:00 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©