|
شرايكم الوضع الطبيعي والا احنا نبالغ!!
السلام عليكم ورحمة الله وبركاته نظراً لما ألحظه عليكم من آراء نيرة ونقاشات مفيدة في منتداكم.. أحببت أن أسجل لديكم.. وأذكر لكم مشكلة صديقة لي.. صديقتي هذي توها متملكه ومشكلتها تتلخص بخطيبيها اللي ما يتصل ولاا يسأل هو تقريبا يزورها كل اسبوع ويكون حبوب وكلامه حلوو,لكن عقب هالزياره لاا اتصال ولامسجات.. الاا اذا بغى شيءضروري مثل تخليص اوراق رسميه او غيره ويسكر على طول.. انا قلت لها ممكن يكون خطيبك من النوع الخجول او شي زي كذا!! لكن مدري.. واتمنى نشوف آرائكم.. |
شوفي ياستي من ناحية انو طبيعي طبيعي بس المشكله فيكي انتي قوليلي ليش ايش يدريكي انه فعلاً خجول ويبغاكي انتي اللي تفتحي الباب جربي ليش لا دامنو طيب وحبوب ارسليلو رساله غزل رسالة حب وشويا شويا ها ايش قولتي |
العلاقة الزوجية تعتمد على الطرفين , مش معقول تنتظر الزوجة من زوجها كل شي , يعني الزوج يزورها كل أسبوع , طيب هي وش سوت , كان المفروض تسأل عنه , فالزوج أذا أحس من زوجته الجفاء والبرود , بيعاملها بالمثل , وقد يقطع الزيارات ,,,
|
اعطيه الاشاره الخضراء علىشان يكلمك ويرسلك مسج وياخذ عليك هذا اذا ماطلب يقابلك بعد0000
|
نا متملك من 18 يوم بس
ماكلمتها الا مرة واحدة بس علما إني لا أعرفها من قبل نهائيا والمكالمة لم تستمر أكثر من 7 دقائق فقط وكل شوي أقول أدق عليها وبعدها أهون حتى ماتقول هذا ماصدق على الله وافقت علية وتملكنا وهو يشب علي مكالمات وبعدين أخاف نسولف في كل شئ وبعد الزواج كل واحد حاط يدة على خدة ويناظر الثاني ولافية شئ نقوله لان كل السوالف قيلت من قبل ولم يبقى شئ أو نعيدها مرة ثانية لكن ما وجة نظر البنات في هذا الموضوع مادام أن الأخت رسن فتحتة لكم تحيات 9111 |
انا مخطوبه واكلم خطيبي ....
هو يتصل علي في الغالب ..... بس احب انبهك لشئ اول المكالمات تكون قصيره وثقيله دم وتربكك اكثر ما تريحك بس شوي شوي يتحسن الوضع وفيه اساله المخطوبين العشره خذي منها كم سؤال واسالي .. ولا تقولين اخاف نسولف بكل شئ وبعد الزواج نحط يدنا على خدنا ....... عزيزتي ابوك وامك رغم العمر هذا الحين حاطين يديهم على خدهم ... طبعا لا ...... كل وقت وله كلام وقصص وحكايات ...... انبسطي قد ما تقدرين .... وقولي اللي بخاطرك كله له وافتحي قلبك له وحسسيه باهتمامك ... حتى لو بمسج ..... |
زين ليش ما تجربين انتي تدقين عليه وتسألين عنه ولو ما رد طرشي له مسجات شوق ها ريلج حلاالج ..يمكن هو ينتظر منج تشجيع على هالخطوة ويخاف انج تضايفين او شي بادري انتي ترى الحين انتوا لثنين وااحد
وربي يوفقج |
السلاااااام عليكم
عياف جمر غير متوقع 9111 صعبه المنال جنح الليل بداية تسلموووووووون كلكم ويعطيكم الف عافية.. وبصراحه هي سوت زي ماقلتوا واتصلت عليه بس قالها انه كان ناوي يتصل عليها بكره,وانه ماراح يزورها لما يوم العيد عاد صاحبتي تضايقت من هالشي وقالت لي خلاص ببدأ معاه أسلوب التغلي واني ماأسأل عنه ولاشي.. برايكم هل هذا الحل الصح؟ |
هذا الموضوع يتوقف على العادات والتقاليد فبعض العوائل القبلية لايتصل (جميع انواع الاتصال) الزوج على زوجته الا بعد الزفاف وحفلة العرس وحتى لو زار الرجل زوجته في بيتها لايجلس معها الا واهلها حواليه ، وهذه طبيعتهم وتقاليدهم .
اما في العوائل الحضريه( وانا منهم) فالرجل يحين يملك على زوجته تكون حلاله وله جميع مااحل الله ، يخرج معها وينام معها وتذهب معه الى البيت ولا تعود لأهلها ، الموضوع منتهي فأنا ملكتها وهي حلالي . اعتقد الموضوع واضح جدا ولا أرى ان الرجل صدر منه مايعيب وبعدين الاخت مستعجله على ايش؟؟؟؟؟؟؟؟اتمنى ان تستمر حرارة الوله فيها لما بعد عشرين سنة من الزواج وان لا تفتر ولا تبرد . والسلام ختام |
هذا يلعب دور صعب المنال بحيث يشوف خطيته (مثلي)
|
ياحليلنا على وقتنا الواحد منا مايكلم خطيبته ولا يشوفها الا إذا ملك عليها ودخل والحمدلله الأمور ماشية زي الألسطة وعلى نفسي أنا ماشفتعا ولا كلمتها الا يوم دخلت عليها والحمدلله عايشين آخر حلاوه والحمدلله
|
|
ياااااااااااااااااااااااااااااااااااااااانسسسسسسسس سسسسسسسسسسسسسسسسسسسساااااااااااااااااااااااااااااا اااااااااااااااااااااااااااااءءءءءءءءءءءءءءءءءءءءء ءءءءءءءءءءءءءءءءءءء
لما يكلمها لا ينام يومين متتابعين يجن يقول كيف انا لى زوجة و الحرارة تشوي قلبي دعيه ينساك حتى لا يتعب من شدة الشوق و اللهفة للقاء |
عزيزتي انا مخطوبه من ثلاثة اشهر واحب اقولك انو الرجال في البدايه يخجلو لكن بمساندتك رح تشوفي العجب وتقولي(ياليتني ما اعطيتو الاشاره الحمره)
ههههههه تراني امزح مو عاد تصدقي بس حبيبتي حسيسيه انه شيئ مهم بالنسبالك وانه بصوته ترتاحي وبمسجاته تنبسطي اكثر بعدين عيوني ايشهوه الزواج؟؟؟ حرب.....وجبهه.....ومين اللي ينتصر......؟ لاه ...... تراه تواد وتراحم ومحبه وفوق كل ذا لازم تقتنعي انه عطااااااااااء وبلا حدود وضعي امام عينيك انك بكذا بترضي الله قبل اي شيئ مجرد ذا الاحساس رح يخليكي مبسوطه بعدين يا اختي حراااااام والله حراااام يعني انت من اتصال واحد على بالك عطيتي المسكين وجه ولمن رد عليك ذا الرد تبي تتغلين عليه اسمحيلي حبيبتي انت اصلا ما عطيتيه اهتمام وتقولي ابا اتغلى !!!!! وانت اصلا متغليه اختي هذي نصيحة اخت لك مجربه اعطي ثم اعطي ثم اعطي واصبري ..... وصدقيني لن يطول صبرك وحينها اتمنى ان تدعيلي بالتو فيق وان يجعل الله حياتي وحياتك ملئا السعاده والهناااااااء اختك po5 |
خير الامور الوسط
لاافراط ولاتفريط ولتكن بينكم شعرة معاويه ان تقرب كثيراً تغلي قليلاً وان تغلي قليلاً تقربي اكثر |
نحن من نملك يكون الرجال خلاص ينام ويقعد وي زوجته ..
لكن هذا لايعني أن نتحرر في كل شيء .. واذا هو من النوع اللي يخجل لو الزوجة يعني لازم يتصلوا بعض ويتكلموا ويطلعوا وهيك يعني .. والتزاور بين العائلتين خلاص بعد طاح الحطب بينهم .. أنا أتمنى لو أن لاتحكم صديقتك على خطيبها من أول مكالمة وتتخذ الحرمان من الإتصال يمكن الرجال يخجل لازم هي تشجعه شوي بمسج حب أو شيء حلو من هالقبيل ... إن شاء الله نسمع عنهم كل خير .. |
| الساعة الآن 10:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
