|
+*+*+* احترت في بناتي +*+*+*
بسم الله الرحمن الرحيم أعزائي أعضاء منتدانا الغالي بصراحة أبي أستشيركم في موضوع مضيق صدري شوي أمس تفا جئت ببنتي تقولي أنت ما تحبني تحب أختي أكثر مني مع العلم داخلياً أنا أحبها أكثر بس ما حاولت في يوم من الأيام أبين هذا الشي عشان ما أبي اسبب حزازيه وتفرقه بين بناتي سألتها وش اللي خلا كي تعتقدين أني ما احبك قالت أنت شرحت لرزان درس ألقسمه ولا شرحته لي وإذا مشينا في السوق تمسك يدها ما تمسك يدي ويوم دخلنا السينما في ألصيفيه جالستها جنبك وفي المطعم كانت هي جنبك قلت لها والله يا بنيتي هاذي كله صدفه أنا احبك مثل مااحبها والدرس سألتك فاهمه قلتيلي إيه وفي السوق أنتي كنت مع اخو كي وسالفة السينما والمطعم والله جاث صدفه بالعكس أنا أحبكم كلكم ولا افرق بينكم بصراحة صدمتني والله سألفه السينما والمطعم ما ادري مين اللي كان جنبي بعدين أنا أتعامل مع عيالي بدميقراطيه واسمح لهم يمزحون معي ويعلقون على ولا زعلت في يوم من الأيام إذا سوو فيا مقالب أنا مفهمهم إن ألام والأب لهم احترامهم بس مايمنع أنكم تمزحوا معا يا لدرجه أنهم ما يندوني يبه ، ينادوني ياابو ثنيان بس بصراحة انصدمت ، تعتقدوا أني غلط في معاملتهم بدميقراطيه ولا هي ألغيره أفيدوني |
اولا الله يخليلك اولادك ويحفظهم ويخليك لهم
ومعاملتك لهم من الناحيه التربويه صحيحه لان الطفل اذا لم يجد من يسمعه عند اهله سيلجاء لغيرهم ولكن استوقفتني هذه الجمله __________________ مع العلم داخلياً أنا أحبها أكثر _________________ هل يختلف حب الوالدين لااطفالهم ياليت توضح لي يابو ثنيان ليش تحبها اكثر من اختها <<<<<داخليا انا اولادي صغار والى الان كلهم سواء عندي لكن تذكرت نفسي واختي لذلك ابي اعرف السبب ابتلشت فيني وماحليت لك حيرتك :) |
يا سيدي عسا الله يحفظ اولادك ويخليهم.
اخوي جميل جدا انه بنتك جت لك وصارحتك بالموضوع. اخوي ماشي يمكن مثل ما قلت انت كل الاحداث جرت على انها صدفه. في المرات القادمه ابقى خلي بالك من انك مثلا لما تروحو مطعم قعد بنتك الاولى جمبك ومرا ثانيه بنتك الثانيه على سبيل العدل. لاحظت انك شرحت درس القسمه لبنتك الاولى بينما الثانيه لاء. اذا في درس مشترك بين البنتين اجمعهم سوا عشان ما يكون في تفرقه هذه في درس والثانيه في درس. لاحظ ممكن يحصل انك تعطي معلومه في الدرس للبنت الاولى وتبقى انت ناسي تعطي نفس المعلومه للبنت الثانيه في درسها والنتيجه بصير في غيره. وصير حاول اطرح عليهم اسأله في الدرس المشترك ويجاوبو عليها. يعني خلاصه الكلام صير خذ بالك من التصرفات. انا ما بقول انو في تصرفات خاطئه بس صير بينك وبين نفسك اذا في نشاط ما للعائله فكر كيف تكمل هذا النشاط برضى الجميع. الله يوفقك ويحرس البنات |
فرصة سعيده اني اقابلك في المنتدى يا ابوثنيان
بعدين انا تفق مع المشرفه من ناحية السبب وانتا سيد العارفين اذا عرف السبب بطل العجب وكمان اتفق مع السيدHukkinun ايش اللى تشرح لوحده وتخلى الثانيه مايصير هذولا بناتك يعني المفروض تعاملهم زي بعض اعرف انك ماتفرق يا ابوثنيان الا اذا في البيت غير وفي الشغل غير . نبغاك تحل اللغز، ها ايش قولت |
الغيره شي طبيعي بين الابناء خصوصا البنات ولازم انك في المرات الجايه تنتبه للاشياء الصغيره هاذي لانها ممكن تأثر في نفسيتهم حتى لما يكبرون يكبر اعتقاد التفرقه بينهم ويصدقونه وتصير المشاكل بينهم واحتمال يحقدون على بعض الله لا يقوله طبعا !
الله يخلي لك بناتك يارب :) |
بسم الله والحمدلله والصلاة والسلام على رسول الله اخي الكريم ابو ثنيان ماشاء الله تبارك الرحمن عنك وعن تربيتك لاولادك فهذا اسلوب يعجبني جدا جدا في التعامل مع الاطفال لانهم بهذه الطريقة عندما يكبروا سيستغنون عن اللي في الخارج من اصدقاء وزملاء ليس بالشكل الكبير ولكن الى اقصى حد يستغنون وهذا رايي وقد رايته في اكثر من عائلة استجابت لرغبات اولادها وعاملتهم بمحبة واحترام وتعاون وتفهم ووو.... وايضا قد يكون محبة ولد اكثر من ولد ذلك لشعور من الاب او الام تجاهه بانه لا ياخذ حقه كما ياخذ الاخرين وانه طيب وحنون ومتسامح دائما وقد يفهم على اهله بمجرد نظرتهم له يعرف ما يريدون منه اعتقد هذا هو السبب التي الاحظه من معظم الاهل عندما يكون ولد مفضل على الاخر وممكن ان يكون العكس تماما فهذا الولد عصبي منفر يحتاج دائما لتلبية رغباته بسرعة فهنا تعمل الام على تلبية الطلبات باسرع وقت ممكن رغم الاسلوب الخاطئ والمعاملة الغير سليمة من قبل الطفل الى اهله والله المستعان على كل حال واخيرا وليس اخرا اخي ابو ثنيان اقول لك ابنتك ما هي الا غيرة عندها ليس اكثر ومعاملتك معاهم ما شاء الله تمام استمر في ذلك وقوي علاقتك واهتمامك بابنتك حتى تشعر وكانها مثل اختها تماما في كل شي هكذا نحن بنات حواء الغيرة في طبعنا وقد جبلنا عليها ربي يعينك على تربيتهم بما يرضي المولى تبارك وتعالى تحيتي لك اخي |
اقتباس:
أشكرك مشرفتنا الكريمة على تعليقك ابد لابلشت ولاشي عادي تصير في أحسن المنتديات ومع أفضل الأعضاء نعم يا أم بدر ممكن يختلف حب الإباء لل أبناء ويوجد من يظهر هذا الاختلاف للعيان ويوجد من يكتمه خوفاً من ألتفرقه بخصوص بنتي وسؤالك لبش أحبها أكثر هي توأم رزان وفي إثناء الحمل كانت رزان في وضعية العرض وروان فوقه بالطول وكانت أمهم متوحمه على ثلج ، وكانت تأكل الثلج بشراها ، لدرجه إن روان مرضت طلعت من بطن أمها مريضه وما شفتها الأبعد ثلاثة أيام ، كانت في خطر هذا وقت الولادة بعد مكبرو إذا في يوم من الأيام اتصلت على البيت وعطيتهم خبر أني راح اتاخر روان ماتا كل تحتر يني إذا حبيت اطلع من البيت أهي اللي تحب أنها تجهزلى غترتي أو شما غي أو الله يكرمك النعال، ودا يم تصر على تغير ألجزمه إذا جيت من العمل تعبان وطلعت لقسمي تتخاصم مع إي احد في البيت يسبب إزعاج طبعاً في أشياء كثيرة. |
اقتباس:
اخي الكريم شكراً على المرور وتعليقك محل تقدير |
اقتباس:
اسعدني تعليقك ومرورك عزيزي عياف تعرفني ياعياف انا معاملة البيت تختلف عن الشركة بس اوعدك ماعاد تتكرر انا حليت بعض الشي من اللغز في ردي للمشرفه ممكن ترجعله |
اقتباس:
أختي الكريمة والفاضلة صاحبت المواضيع ألمميزه أسعدني مرورك وتعليقك ونصائحك ألجيده وأنا اعتز بنصائحك كثير وأشكرك على الإيضاح بخصوص الغير ، بالفعل أبنائنا هم بحاجتنا ليش ما نمد لهم جسور ألمحبه ، ونبني فيهم روح الاخوه ، بارك الله فيكي أختي الفاضلة وإذ الله أسئل إن يرزقك الذرية ألصالحه اخو كي في الله ابوثنيان |
اقتباس:
شكرا اخت اسيل على المرور والتعليق اوعدك ماعاد تتكرر |
ماشاء الله تبارك الله عليك أخوي ابو ثنيان
على هذا العامل مع أطفالك أنا أفتكرت أن بنتك ألي قالت لك ليش ما تحبني أنها الكبيره يعني أحسبها تغار من أختها الصغيره وقلت هذا حاصل في كل العوايل مهما حاولنا لا مفر منه الغيره في الكبير من الصغير لين يكبر ويفهم لكن لما عرفته أن ألي قالت لك الكلام هذا أهي توأم أختها هذا المشكله التومان الواحد يحرص بمعاملتهم بالسوي على سبيل المثال لو أطعمته وحده بيدك أطعم الثانيه بيدك برضوه حتى لو قالت أنا ماني بزر لأن التومان الغيره بينهم قويه مره |
اقتباس:
تسلم / تسلمين طيب مشكلتك انك ظلمتيني وحكمتي على بدون ما تعرفين السبب، بس الله يسامحك بالفعل أصعب شي تربية التوأم صحيح أنهم حلوين بس يرفعون الضغط أحيانا |
البنات جذي يا بو ثنيان لازم تسوي لها مكان سواء حاسه ولا مو حاسه بمكانتها عندك وصدقني هذا إلي اسمه دلع البنات لا تحاتي
تدري اهيا كل الي يصير صدفة بس بتدلع خلها اتدلع بس لا تحقرها والله يهنيهم فيك ويحفظك لهم ويتربون بعزك ان شالله وتحت جناحك آمين يا رب العالمين سلام :) |
السلام عليكم ..
الله يخليك لهم ويخليهم لك .. الغيرة شي طبيعي .. من وقت لاخر احب ان اختبر والدتي بمحبتها لي ولأخوتي .. واتفنن في اظهار غيرتي مع عدم وجودها فقط لاستخرج تلك الكلمات الجميلة من قلبها .. ابنتك تحتاج لمزيد من الاهتمام .. اخبرهم دائما انك تحبهم بنفس الدرجة .. كل واحد فيهم له ميزة خاصة به .. يبدو انني يجب ان اطبع هذا الموضوع لوالدي .. والدي الذي ما ان نسمع صوت قدوم سيارته حتى نتسابق انا ( طالبة جامعية ) واخي ( مدير شركة ) واختي بالاجازات حال قدومها لزيارتنا ( متزوجة ولديها ابناء ) والان ابناؤها .. نصعد الى اعلى خوفا ورعبا .. وعندما ينادي تجد منا من يدخل دورة المياه كنوع من انواع الهروب مع ان والدي لا يفعل شيئا ويعتبر من اصحاب الدم الخفيف كما اسمع من الناس ومن والدتي .. ولكن كبرنا ونحن نخاف والان يكبر احفاده على نفس الشيء .. عاد بنتك لو جات بيتنا يوم واحد ما اتوقع تغار من اختها بعد كذا .. استمر في معاملتك الطيبة معهم .. حفظك الله لهم وحفظهم لك وقر عينيك انت وزوجك بهم جميعا .. |
مافهمت من كلامك يابو ثنيان
ان الطفل هو من يجبر احد والديه على محبته اكثر من اخوته بتقربه من والديه والتلطف معهم وليسوا الوالدين تسلم على رحابة صدرك واصلح الله اولادك واقر عينك برؤيتهم صالحين امين |
ابو ثنيان
ياحليلها بنتك ذكرتنى بنفسى زمان والله كنت مجننه ابوى كل شوى طالعه بسالفه جديده بس والله من كثر حبى له |
ابوثنيان
ماشاء الله عليك وعلى معاملتك لبناتك الله يحفظهم لك انت وزوجتك يارب العالمين البنات يغارون وهذا شي طبيعي اعتقد انه تدري انك تحبه قالت خليني اتدلع شوي عليه بس تصدق كنت اعتقد انك عزوبي من خلال قراتي لمواضيعك وتحليلك تمنياتي لك بالتوفيق |
با ختصار شديد البنات بالذات حساسين فاعتبر هذه المره وعاملهم بالمثل والله يباركلك فيهم
|
أحيانا الوضع الصحي للمولود يزيد المحبه من غير قصد انا ماأتوقع لو أنجبت طفل ثاني اني راح أحبه مثل مودي لأنو غير ووضعه الصحي يخليني ساعات أفكر بتأجيل التفكير في اني أجيب له أخ أو أخت قبل 6 سنوات عشان ماأظلمه وماأقصر معه بالأهتمام والمشاعر.. الله يخليلك العرايس القمر وعقبال ماتفرح فيهم لكن حاول انك تنتبه وعلى فكره التوائم بالذات لهم معامله خاصه لأن الحساسيه عندهم مفرطه بشكل ماتتصوره.. والله يعينا ويعينك على تربيتهم...
أختك في الله/ أم مودي |
اقتباس:
اختي فيلة اشكرك على المرور الكريم وبالفعل اكتشفت ان المسئله دلع عشان كذا مخليها على راحته تتدلع على كيفها وتسلمين على الدعاء وجعل ربي يرزقك بابن الحلال والذريه الصالحه |
اقتباس:
اختي الكريمة طبيبة القلوب احب اقولك عيدك مبارك وعساكي من عواده واسعدني مرورك الكريم والمميز ولكني استغربت الخوف من والدك خصوصا واننا سبق وان تحاورنا في عدة مواضيع تولد لدي شعور انك ولله الحمد تعيش مع الوالد والوالده في مزح ومرح والى اخره بس صدمت عند قرات ردك انك تحطين رجلك على الحمام اعزك واعزكم الله اذا سمعتي صوت الوالد بس اذا تحبي تقبلي النصيحه واعتبريه من اخ لله في لله جربي يوم عصريه او اي وقت يكون الوالد مستانس جيبي القهوة او الشاهي وقدميها له ولاتقولين سم يا يبه قوليله تقهو يا ابو فلان نفترض انه اكبر عياله (طلعت) قوليله يا ابو طلعت وركزي على تعبير وجه اذا ابتسم اعرفي انه من النوعيه اللى يبيكي انتي تبدين لانه اهو رجال كبير وله وضعه وشخصيته واذا اخذ الموضوع عادي حاولى مره واثنين وثالثه شفتيه مارد قوليله بالحرف وش دعوه عطنا وجه يالحبيب صدقيني راح يحس وشوي شوي خش معه امزحي نكتي قدمه تطنزي (ماهو عليه) راح تلقينه يبداء يلاعبك وشوي شوي تخشين معه بس انتبهي مو تطيحين الميانه معه مره يعني على خفيف انتظر منك النتيجه الله يستر لاتقوليلي انك رقدتي في العنايه المركزه تحياتي |
اقتباس:
ام بدر كل عام وانتي بخير وتسلمين يامشرفتنا الكريمه والله يحفظلك بدر وغاده ولايحرمهم من حنانك |
اقتباس:
اختي لمى 24 عيدك مبارك وشكرا على مرورك الكريم والحمد لله انك عقلتي ولاتلقين الوالد تجنن |
اخي ابو ثنيان.
ارضاء الناس غاية لا تدرك وحتى الاطفال مهما فعلت لهم وبلحظة واحدة ينظرون الى امر انت بعيد عنه فكريا ربما باشارة او بسمة او قبلة تطبعها على خد طفل من اطفالك ينظر بعدها الباقي بعيون لا توصف ؟؟ كان الله بعوننا نحن الاباء واعاننا على العدل بينهم . |
مرحبا
احييك على ديمقراطيتك مع عيالك وترى اكثر شى يمتع الطفل انك تنزل لمستواه وتلعب معاه بالعابه وتمرح معاه ما فيها عيب نقول ريال كبير او مره كبيره ولا شى يقلل من احترام الابناء لكم
ثانى شى انت ما ذكرت اعمار بناتك يعنى لكل سن انطباع خاص كلنا نعرف سن المراهقه ونعرف فيه العواطف غير مستقره تالى انت ممكن تسوى تصرفات انت مو منتبه لها بحيث تثير حفيظه احد من العيال |
البنات دائماً احساسهم مرهف
وانت الحقيقه اب مثالي لكن ما يمنع ان ترضي غرورها وتبين لها انك تحبها كثير وبدون ماتشعر اختها الاخرى واذا رحتوا للمطعم جلسها جنبك |
اقتباس:
تسلم اخي السوري وبالفعل اعاننا الله نحن الاباء |
اقتباس:
اشكرك اختي منى على مرورك الكريم وبالفعل يجب ان ننزل بفكرنا الى مستوي فكر ابنائنا وهذا الشي اللى انا انادي فيه عبر هذا المنبر تسلمين على تعليقك الكريم |
اقتباس:
اخي ملك القلوب اشكرك على المرور وعلى التعليق بصراحه اخجلتني بكلامك تسلم يارب |
| الساعة الآن 01:00 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©