مين وين أجيب قيمة فستان العرس
 

ألف مبروك وبالتوفيق عزيزتي


شوفي نصيحتي لك انك تشيلين من بالك انك تاخذين فلوس من زوجك لانه شي محرج وأحس ماله داعي ايش بيقول عنك؟؟ بيقول ماتعرف تتصرف وتوازن بين احتياجاتها ومصاريفها؟؟

وبيزعجه هالشي وفكري انها مو 1000 او 2000 هي 8000 :confused:

بصراحة عيب
انا اشور عليك ياعزيزتي انك تبعين من الذهب الي شريته وحاولي تتسلفين من اختك شوي ومن ابوك شوي اللين يتجمع المبلغ كامل00

أو شوفيلك فستان جاهز وش تسوين لازم تضحين بشي ولا انك تحرجين خطيبك وياخذ انطباع سيء عنك من البداية00

والله يوفقك ويسعدك يارب ويفك أزمتك وأزمات المسلمين أجمعين00
==================================================

~ لابد من ان نتعلم ان هناك بعض الأساسيات التي يجب حجز نقودها بعيدا حتى وان كان موعد شراؤها متأخراً



لايوجد أمامك سوى حلين وأنصحك بالحل الأول حتى لاتهتز صورتك امام زوجك


1- بأي طريقه (بالإقناع - بالبكاء ) بأي اسلوب تريه مناسب خذي من أهلك


2- الطريقه الأخرى ~والتى لا أنصح بها إلا ان تأزمت ~ ان تتدللي على زوجك ان يشتري هو الفستان لأن~ ~ (على ذوقك ، لايوجد هنا موديلات جيده وانت في الخارج {طبعاً تعتمد على البد اللي هو فيها} - ... وهكذا)

وانت وحظك :rolleyes:

.... تعديل مشرف Game Over ....

اول شيء الف مبروك والله يتمم لكم بالخير واليسر

وثاني شيء الله يكون في عونك على نفسك ، وانصحك اختي بعدم طلب اي شيء من خطيبك اي شيء حتى لو كان تافه على الاقل في الوقت الراهن حتى يتم زواجك على خير .

اما مسألة فستان الفرح حاولي تدبرين نفسك من عند اهلك طبعاً ، اما انك تحاولين تقللين من سعره او تستبدلينه بفستان سعره ارخص وجميل في نفس الوقت ، وهي ترا شغلة ساعات بعد كذا ترمينه يعني خسائر على الفاضي يعني لو تشوفين ارخص شيء وحلو يكون شيء طيب لكي . والكلام مو على الفستان على صاحبة الفستان يعني لا تشيلين همه .

وانصحك اختي / بعد التبذير والاسراف وحاولي الاقتصاد في جميع امورك ، انتي مقبله على حياة الكفاح والتكافل اساسها وكذلك التضحية ، عشان كذا كوني مع خطيبك او اللي حيكون ان شاء الله زوج لا تكونين عليه مع الدنيا اللي هي علينا كلنا .

اسمعى يالغاليه .. جربي تشوفين فستان عرس جاهز.. يكون هادي ويعجبك.. وبنفس الوقت تقدرين على شراءه ..
والله يسهلك امورك..

يا جماعة إنتوا ما فهمتوني أنا ما أقدر أغير الفستان لإني خلاص بديت في التفصيل

اعملي جمعيه واقبضي اول وحده >>>> .........

ممكن تستلفي من قريباتك ,عمتك ,خالتك ,صاحبتك وبعدين رديلهم المبلغ لما يتوفر معاكي
الله يعينك والف مبرووك

شوفي حبيبة البي
انا عارفة انك الحين في مأزق وان الفستان خلاص تفصل والفاس وقعت بالراس ومافي مجال للتراجع
بس انا حبيت اقولك كلمتين يمكن تفتكريهم بعدين
والله 8000 على فساتن ينلبس ساعات حرااااااااااااااام
وبعدين تورطي فيه حتى مكان بالدولاب ماتلاقي له ... انا للحين فستاني عالني ومدري وين احطه ويم افكر في سعره امووووت قهر لاني شريته ب 5000 ريال وندمت اشد الندم .... واخواتي خذوا درس مني لما تزوجوا اشتروا فساتين جاهزة ماكلفهم اكثر من 2500 ريال والله ان فساتينهم احلى من فستاني مية مررررة (( وجه حزين ))

المهم الحين انا اشوف ان احسن حل من الحلول المطروحة هو انك تضحي بكم قطعة ذهب من اللي شريتيه وتكملي المبلغ المطلوب
لان خطيبك خلاص عطاك المهر وسوء التخطيط في الانفاق كان منك هو ماله ذنب ولا تنسي انه حتى هو الحين تلاقي عنده الف شغلة وشغله والتزامات كثير لازم يخلصها قبل العرس
وخليك بنية سنعة ودبري امورك وخلي اللي صار درس لك في المستقبل انتي مقبلة على حياة جديدة انتي عليك المسؤلية الاكبر في نجاحها

الف مبرووووك والله يتمم لك بخير

عندي لك اقتراح

خذي التصميم , وروحي عند اي خياط اخر ممكن يفصلك بارخص من كذا , مثل ماقالو ا , والله حرام 8000 في ساعتين بس

انا صديقتي تخيلي فستان فرحها ب 500 ريال , والله عند خياط باكستاني جنب بيتها , وربي انه ياخذ العقل , ولا فساتين "إيلي صعب " , عالرغم من انها بنت عيله كبيرة , وفرحها كان في فندق راقي جدا , ولكن صديقتي صاحبة مبدأ, تقول بالفلوس اللي ممكن افصل فيها فستان الفرح , اشتري فيها اشياء اهم.
الله يوفقك ويبارك لك في مالك ان شاء الله

أدري انه مالي داعي توني انتبه انك بادية في التفصيل

زي ما قالوا الاخوات , جمعية أو بيعي من الذهب

مادري احس انك تسرعتي في الفستان وايد

فيه فساتين تجنن والسعر مايتعدى ال4000

المهم انتي الحين فصلتيه وان شاء الله بيطلع اووكي:)

واذا تبين الصراحه صج احراج تروحين تطلبين المبلغ من خطيبك لو كنت مكانك ماطلبها منه لانه اكيد هو بعد يجهز للعرس وراه مصاريف الدنيا

بس حاولي انك تدبرينها باي طريقه ممكن مثل ماقالو الاخوان تبيعين شئ من الذهب اللي اخذتيه والباقي الوالد يكمله لك

على انك راح تردينله بعدين

او اذا كان ضغط على الاهل كثير

حاولي انك تطلبينها منه بس بطريقه حلووه يعني قوليله شفت فستان وعجبني وايد بس سعره غالي ومن هالكلام وانا مامعي اجيبه

او قوليله كااااااش انا شفت فستان عجبني وفصلت عليه بس ماعندي اكمل المبلغ حق الفستان اذا تقدر تساعدني

يالله عقب بتتتعودين عليه مع الايام

والله يوفقك ويجعل حياتكم كلها سعاده

شكرا لمروركم الكريم وعلى نصايحكم وانشاالله اردها لكم في الإفرااااااااااااااااااح

عزيزتي لاتصرين على شيء غالي انتي ماتقدرين تتحملين تكاليفه ، واحلى شيء البساطه ، اختاري لك بدلة حفلة تكون ناعمة وشيك وموشرط تكون لبسة اولى بس اهم شيء تكون ذربه يعني بسيطه ولاتنسين شكلك انتي ومكياجك ومسكتك بتحلى من شكل البدلة فلاتعتمدي على البدلة اعتماد كلي .

كثير من البنات اهم حلوا البدلة مو البدلة حلتهم طبعاص بلمساتج الخاصة وانتي بنت وتعرفين شلون .
واتمنى لج حياة زوجية سعيده يارب .

عزيزتي البساطه اهم شيء فنصيحتي لك اختاري شيء بسيط وناعم وخلي تركيزج على المكياج والمسكه وطريقة الدخله والله يوفقج يارب .

وتذكري السعادة لابفستان العرس ولا غيره وكل هذي مظاهر .

خليهم على حساب المحل

لين ما تحصلين المبلغ وتردينهم له