|
كرهت زوجي بعد خيانته
السلام عليكم
طرحت الموضوع عشان اشوف رأيكم سوا بنات او رجال اول شي زواجنا له خمسه سنوات نتج عنه مولود واحد كان من بداية زواجنا يحاول اني ما احمل و انا اتوقعت انه يعاملني مثل ( سفارته ) قبل الزواج فطلبت منه بالصريح اني ابغى احمل و تجاوب مع طلبي بعد ما انجبت لمدة 3 سنوات يرفض اني احمل يعني هو اخذ احتياطاته حتى حبوب منع حمل عمري ما اخذت من كثر ما هو اخذ احتياطه قبل كم شهر اتواجهنا و قلتله ان هذا الموضوع مرهق و سببلي فتور لاني احس انك تتصبر فيا لفترة و تطلقني و ماتبغاني احمل فقال لا ابدا و أتجاوب مع طلبي المهم انا ما اتوقعت ان فيه حمل و صبغت شعري و شقرت و استخدمت مواد محضورة على الحامل و لما جاني نزيف استغربت و رحت اكشف قالتلي حمل و كان اسلوبها بالكلام يخوف قالت نبضه ضعيف و هذا اجهاض منذر انا خفت انه يتشوه و حزنت عليه انه حيا و قاعد يموت و انا مدري عنه و اتذكرت الأشياء اللي استخدمتها فنزلت للسياره ابكي قال ايش فيك قلت تقول اجهاض منذر ما صدقني قال مو معقوله صار حمل بالسرعه هذي و سوينا التحاليل و دخل على الدكتور قاله فعلا في حمل انا نفسيتي كانت مدموره لاني ماهتميت فيه صح ماكنت ادري بس كان له حق علي و صارت مشكله تافهه انه صحاني و قلتله تعبانه قام يسب و يغلط مع اني قمت نزلنا ببيت اهلي و جلست يومين انقهرت على نفسي اني تعبانه و في تعبي حتى ما رحمني و طلبته الطلاق كان رده هاتي ال30 الف حقتي بعد اسبوع اتصل قال لاخوي طالبه الطلاق و انا بطلع بكره المحكمه قاله اصبر اشوف لما جاء اخوي كلمني اتصلت عليه طنش ما رد و بعد 17 يوم اتصلت عليه و ارسلتله قال لاترسلي ولا تتصلي بعد العيد بطلقك بعد 50 يوم جاء و اجتمعنا انا وهو واخوي يعني بيصلح كان هو يطلع كل المشاكل من اول يوم زواج لآخر يوم و انا ساكته لاني قلت لاخوي انا ماني داخله لقلقه و كلام فاضي يا كملنا يا انفصلنا بدون مشاكل مع انه سوى في الامر و الاشنع و قصر فيا تقصير ما يعلم عنه الا الله الا اني اتحملت كلامه ولا دخلت في مواجهه كلاميه رجعنا البيت و انا قبل رمضان كنت ملاحظة اسلوبه متغير و ينزل من البيت كثير اخر الليل حطيت جهاز تسجيل و تصوير في السياره يوم الاحد و تركته الى يوم الجمعه ولا فكرت اشغله و اشوف الا لما طلع من البيت يوم الجمعه و شفت المصيبه و الشي اللي ما يقبله رجال على نفسه ولا تقبله بنت على نفسها لهالدرجه البنات صاروا رخاص و تطلع تنام مع رجال ماتعرفه ! واللي قاهرني لما رجعنا البيت اخذ مني مبلغ عشان يصارفها يعني ما رجعني الا لانه ماكان معه شي حتى لما اقله تعال ننام يقول ( لاتمتصي طاقتي ) يعني موفرها للحرام !!؟ قبلها بيوم واحنا راجعين من عمله يقولي الان الرجال يتزوجوا حبيباتهم ايش ماكانت البنت جميله ولا وااااو كيف يرضى الرجال ع نفسه يتزوج وحده نامت معه بالحرام قلتله مايشك فيها قال لا !!! هو الموضوع كبير ولا انا مكبرته !!! لهالدرجة الوصاخه صارت عادي ! اتصلت على اخوي قلتله انا اختك ولا لا قال اختي قلت ايش يمنعني لما يروح زوجي يومين لعمله برا مدينتنا اني ادخل رجال البيت قال مايمنعك شي قلت ايش يمنعني احب وأكلم بالجوال قال ما يمنعك شي قلتله بس انا مو وصخه انا ماسويت كذا لاني مو وصخه فيه بنات لما يكتشفوا كذا تسوي زي ما سوى و تقول قلعته عنده حبيبه عندي حبيب بس انا ماقدر أعيش حياه وصخه ولا اقبل الشريكة لا حلال ولا حرام لذلك خرجت من البيت قلتله تعال وديني امي تعبانه طبعا يصرخ علي لاني قطعت مكالمته معها رجع يكلمني زي الزفت طيب لنفرض فعلا امي تعبانه ما يحن ويكلمني كويس زي ما يكلمها و يتذلل لها لما نزلت عند بيت اهلي و ريته الجهاز و شردت و لحقني يحاول يسحبه طلعت امي تحاول تفكني منه و جاء اخوي يقول ليششش يحسبه يضربني استهدي بالله يافلان و هذاك يقول تعطيني الجهاز ابغا الجهاز وانا ماسكه فيه قام اخوي يحسبه يضربني كتفه و خنقه و انا شردت و تركه قاله ادخل تعال قال ما ادخل والله و راح و قام يرسل تهديد هذي جريمه إلكترونيه سبحان الله يعرف الجريمه الالكترونية ولا يعرف الخزي اللي سواه معها بالحرام و حرمه زوجته بالحلال لا احد يقول غلطانه والله لو اي وحده لاحظت التعامل و الهجر و الأسلوب اللي لاحظته حتعرف ان فيه وحده ثانيه ولا تقدر تواجهه الا بدليل انا الحمدلله كرهته بعد اللي شافته عيني كيف يهديها الحب والحنان و المشاعر اللي حرمني منها و اللي كانت بتغير كثير بحياتنا و بتعاملنا لو قدمها لي ولا عاد لي رغبه في رجال لكن ما استغرب الا كيف صار فيه بنات عادي قبل يتزوجوا يعاشروا رجال ولا أتزوجها الان كثير يتزوجوا حبيباتهم !! واللي ماتبغا تضطر له مدري ايش للحبيب و مدري ايش للزوج !!!! لهالدرجه الان الوصاخه عادي كان يقولي انا البنت لأسلمت ما رد السلام عليها و أصد عنها كل كلامه كان كذب اصلا افعاله كانت شي و كلامه شي حتى عقوبة الزنا للرجل و المرأة وحده مع ذلك فيه كثير بنات يحافظوا ع بيتهم حتى لو اتوفرت لها كل سبل الخيانه والعكس غير صحيح الطيبات للطيبون و الخَبِيثَات للخبيثين مايخاف الرجال لما يسوي كذا انه دين و حيسدده ! و اصلا ولا همه الموضوع راسلي يقول الى مزبلة التاريخ سبحان الله لهالدرجه العاصي ما يفكر الا بسعادته بصراحه ارحمه و احزن عليه لاني واثقه ان الله يمهل ولا يهمل و ان الزنا عقوبته في الدنيا قبل الآخرة من اتزوجته كل كلامه ( الرجال اذا دخل ع زوجته لقيها مع رجال ثاني يحقله يغسل عاره ) وكنت استغرب لما بحثت بالنت عرفت ان اللي مشى في طريق الحرام مايكون مرتاح لانه يعرف ان الموضوع هذا دين و يرجع باهله لدرجة قبل 5 ايّام لما رحنا معه لمقر عمله كنّا بالفندق يدخل يفتش الدولاب يقول هذا الدولاب يقدر يندس فيه رجال انا ابغا تعليقاتكم و ارائكم ولا انا خلاص عفته و بدأت حياه جديده اعتبرت نفسي مطلقه منه و عارفه انه ينتظرني احسن منه إنسان نظيف كتبه الله لي زوج و حبيب العمر تم تعديل العنوان ليتناسب مع الموضوع |
رد: سوى الكبيرة ولا كنه سوى شي
اول شيء غلط ان العقوبة تكون دين و يرد بغيره ..
( ولا تزر وازرة وزر أخرى ) .. ذنبه عليه وحده ، ايش دخل اهله يلحقهم فعله !! ثانيا ايش هالجهاز هذا 😂 ايش اسمه وكيف بالسياره |
رد: كرهت زوجي بعد خيانته
الجهاز يصور فيديو ، و صوت و يحدد الموقع كمان
اعتذر عن ذكر اسمه هذا اللي نسمعه ان دقه ب دقه و لو زدت لزاد السقه |
رد: كرهت زوجي بعد خيانته
والله يا اختي بتكلم عن نفسي
مستحيل اتعرف على بنت وازني فيها واتزوجها وﻻ فيه احد اعرفه يمكن يسوي كذا اصلا ﻻن معروف الرخيص قبل الزواج بفضل رخيص طول عمره اﻻ اذا تابت توبه صادقه وذي صعبه :), وغالبا اللي تبدا حياتهم كذا نتنهي بالخيانه اللي سويتيه صح لكن انتبيه من التشهير فيه. ماله داعي تدخلين محاكم لكن كلمي محامي تاكدي. والله يوفقك ويستر عليك ويعينك |
رد: كرهت زوجي بعد خيانته
لاحول ولاقوة الا بالله ، والله مدري شقول ، استخيري ربك وشاوري اهلك واعزمي على مايكتبه ربك ...
|
رد: كرهت زوجي بعد خيانته
سبحان الله
الرجال اذا يبغ الحرام يعرف يبرر لنفسه وهوا من داخله يرفض الشي هذا على زوجته واخته لكن لنفسه يقول عادي الله يكون في عون الحريم |
رد: كرهت زوجي بعد خيانته
كيف تعامله مع ابنه
وكيف تعلق ابنه فيه |
رد: كرهت زوجي بعد خيانته
الفترة الاخيرة كان يحاول يطلعنا من البيت بأي ثمن
و يضرب البنت بسبب وبلا سبب ضرب قاسي و عمرها 3 سنوات و فهمت بعدين انه يبغا يخرجنا عشان يجيبها البيت لانه كان يحاول فيا ما اجيب شغاله يقول ماهو لآزم كل يوم انا لو كان يفعل الحرام وقت غيابي و قطعه مع رجعتي سامحت لكن اللي قرفني انه يبغا يستمر فيه لدرجة يقول روحو اجلسي ببيت اهلك 6 ، 7 ساعات ماهو لازم كل مارحت عملي تروحو معي عشان ياخذ راحته بالمكالمات حسبي الله ونعم الوكيل فيها و فيه خربت حياتي و هو ضيع عمري كأنها تعرف انه متزوج تاركه لها منديل في السياره فيه دم و روجها الله يحرمهم الراحه و التوفيق و يخزيهم |
رد: كرهت زوجي بعد خيانته
لا ترهقي نفسك اختي بالتفكير في أسبابه. و لماذا أقدم على فعل ذلك. فلست طبعا السبب في ذلك. بل سوء الخلق و اللحاق وراء الشهوات... عافاك الله
الحين وين وصلتو. طلبك منك الرجوع و سماحته؟؟ اهلك يدرون؟ ردة فعلك ونصحهم لك ماهو |
رد: كرهت زوجي بعد خيانته
استخيري ..
وقولي حسبي الله ونعم الوكيل وبسسسس شوفي قداامك واحذفي الماضي مه اهله ولا تفكرين كيف فيه ناس كذا وناس ترضى بكذا الدنيا لو خليت خُربت |
رد: كرهت زوجي بعد خيانته
الله يعوضك ويكتب لك الاجر
قصتك مره مستفزة ولا قدرت اكمل اخرها واضح لك كل شي من البداية واحد مايبغاك ايش جابرك عليه عذبتي نفسك سنين الله يهديك من الاخر واحد مريض غير سوي افعاله عكس الفطرة يعني الطبيعي عالاقل ضميرة يأنبه هذا ولا همه بالعكس يفرغ اخلاقه السيئة فيك وتقولين كيف يرضى يتزوج وحده مثله يختي الله تعالى قال ( الخبيثون للخبيثات ) خليه يأخذ وحده مثله ................ .............. اختي عروس تطلقت من واحد نفس عينة زوجك بس شهر عاشت معاه تقول شهر وهو اخلاقه زباله ومنفس عليها ويدور المشاكل قالت لازم اعرف هذا ايش وراه ولمن فتحت جواله شافت بلاوي وراحت بيت اهلي واصر ابويا عالطلاق حبيبتي ابويا شخص حكيم ودايم في مشاكل الجماعة يطلبونه يقول اللي اخلاقه سيئة بيظل طول عمره اخلاقه كذا ومن البداية ينفصلوا بدل الاطفال يكونوا ضحية وانتي اذا بنت وحده احمدي ربك بدل بكرة مايزيدوا العدد ويكونوا ضحايا والله اختي دحين مبسوطه وتقول الحمد لله اللي فكني الله منه تقول جاب لي نفسيه |
رد: كرهت زوجي بعد خيانته
هو اصلا ما همه
يبرر اني مقصره و انه الاهمال وصله لكذا و اني لما شكيت فيه كان سبب انه خاني كلها كلمات يكتبها في حسابه و بنفس الوقت يكتب غزل و حب طبعا الاكيد مو انا المقصودة و أغاني حب هو اصلا ما طلب الصلح ولا حيطلبه لانه اخوي مد يده عليه و هو حقود ما ينسى قد ما أنسى أخطائه و اسامحه هو يخزن اخطائي و كلمات اهلي بذاكرته مع انهم يعزوه و دايم بصفه لكنه حاقد ع اخوي الكبير لانه بالطلاق الاول اتواجه مع ابوه و الان اخوي الصغير لانه طار بحلقه لما شافه ماسكني الصلح ماله مجال لان القلوب خلاص اتنافرت و القلب اذا انكسر ما ينجبر و انا قلبي انكسر طول عمري اقله ما اقبل الشريكه لا حلال ولا حرام و جاب الشريكه بالحرام و فضلها عليا و صرفلها مشاعره و فلوسه اللي عمره ما حط بيدي ريال والله بالعكس اخذ مني و دلعها بحقي و فلوسي حتى في العيد ما عايدنا اكتفى فيها عيد له الاكيد ان ما فيه صلح القلب كارهه لكن لما الواحد يشوف كيف فيه بنات صاروا كذا و عادي و يخربوا حياة غيرهم يستغرب ما تخاف الدنيا تلف عليها ؟ و هو قاعد يستغفر و يكتب آيات بينما بنفس الوقت يكتب حب و غزل اي ازدواجية هذي ؟ ولا بيهتدي كم يوم يحسب انه يخدع الله لما يضمن اني ما راح افضحة بعدين يرجعلها ،، اذا كان اصلا وقف عنها ما يحز بنفسي الا انه هو بكل سهولة حيبدأ حياة جديدة بدون حتى اطفال و ممكن حتى يتزوج بكر و انا اللي ما سويت شي حاجلس لكلام الناس " مطلقة " و انتظر مطلق بأطفال ، او أرمل باطفال او متزوج او ولا شي كيف الرجل عادي يحكم ع زوجته بانهاء حياتها مقابل شهوه حيوانية يبغا يجدد فيها مع غير زوجته و يعيش عادي ! |
رد: كرهت زوجي بعد خيانته
علشان الفقره الاخيره الي كتبتيها اعيدي حساباتك
لا تتصوري انه بيجيك العوض والبديل على طبق من ذهب والرزق عند الله يمكن يجيك على طبقين من ذهب انكلم عن كل الخيارات لاتكوني جازمه انك بتتزوجي يمكن تتزوجي ويمكن لاز يمكن تتزوجي اسوا منه ويمكن لا خلي الاحتمالات كلها ببالك ادرسي وضعك الايجابيات السلبيات واستخيري واخذي قرارك ومن قال لك الشباب يتزوج من نام معها قبل الزواج هذي حالات نادره يمكن يتزوج من يحبها حب عفيف لكن هالنوعيات نادرا ماياخذها واذا اخذها يكون هو نفس نوعها |
رد: كرهت زوجي بعد خيانته
اقتباس:
واللي تمارس معه مجرد رخيصه وماتحسب حساب ﻻي شي مجرد تريد اشباع غرازئها الجنسيه و"الحب" بتجي يوم هنا بتكتب انا تبت وكنت ابيه زوج لي لكن الذئب المحصن لعب علي واستدرجني لشقته للزنا 50 مره وانا تايبه توبه نصوحه ارشدوني تكفون |
رد: كرهت زوجي بعد خيانته
اقتباس:
لدرجة تستغرب من أهل البنت ماسألوا واكتشفوا سواد وجهه!!! وجريمة الخيانة كل الطرفين ملامين بنفس الدرجة لكن الطرف المحصن من رأيي يستحق أكثر لوم عشان كذا لو ثبت الزنا بحقه يستاهل الرجم حتى الموت ! |
رد: كرهت زوجي بعد خيانته
انصح صاحبة الموضوع عدم الاستعجال بالطلاق والتريث وادخال احد من اهلها الي عنده حكمه وكذلك من اهله لعل ينصلح حاله ، ومشروة اهل العلم واهل الاختصاص وتجمع اكثر من رأي حتى تتخذ القرار المناسب ، ولاتنسى الدعاء في جوف الله لعل الله يصلح احوالكم ، والله المستعان .
|
رد: كرهت زوجي بعد خيانته
حتى لو اتزوج قلعته
كرهته و هو من قبل الزواج حق سفرات و خلاني معه 5 سنوات لما قرب ينتهي قرضه قام يتمادى و باع و لو جو اهل بنت بيتزوجها سألوا انا ما راح اكون جلاده مالي شغل فيه اذا رب العباد بيغفر خلاص حسبي الله و نعم الوكيل كفيله فيه الله اللي بينتقملي منه ولا انا ايش انتقامي !! لو قلت سوى الفاحشة بيقولو اي قصرت بحقه اضطرته في مجتمعنا الرجل منزه قديس و غير كذا انا عندي بنت بعد 15 سنه ما ابغى يقال عنها بنت فلان من الناس اللي امها تركته لانه فعل كذا لكن اللي قاهرني انه حتى ما قال انا حقير انا غلطت الشيطان كل اللي يقوله ( الاهمال و الطلاق العاطفي اذا حصل لا يلوم الواحد الا نفسه ) في كتاباته بحسابه طيب هل الرجل غبي لهذه الدرجه ! مين قاااال ان الرجال يحتاج اكثر من البنت الحب بالعكس البنت اللي تحتاج الكلام و الحب اكثر مع ذلك ما قلت يا ربي هو مقصر و يعاملني بأسلوب معفن خليني احفظه زوج و اشبع مشاعري هو عمره ما أنفق علي ما قلت قصر بحقي لازم احب رجال ينفق علي كيف فيه رجال غبي يفكر باحتياجاته فقط ولا هو كان تخطيطه من البدايه خمسه سنوات تصبيرة و بعدين اطلق و ابدأ حياة حتى لو مات الان و هو لسى ما طلقني والله لاضحك و أرقص بعزاه لانه عارف ان الخيانة عندي خط احمر و سواها انا وقفت معه وقفه اخوانه ما وقفوها معه و كسرني استحالة افكر بصلح الصلح حل عقيم لانه حيقول ايوة يالله الصلح انا احبها شاريها و يعاملني كويس اسبوع في محاولة بسحب الفيديو و ممكن يطلقني ب اي تهمة ثانيه هو الان يتمنى اني اناديه و اقله صلح عشان يطلق لسبب ثاني للأسف ان القدر كتبلي زوج مو رجال ولا الرجال في مواقف كذا يتحملوا الغلط و يعترفوا و يحافظوا ع بيتهم اما هو اتهمني اتهامات باطله غير انه شكاك يجي يفتح دولاب الفندق لما رحت معه لعمله و يقول هذا الدولاب يقدر يتخبى فيه رجال يحز بنفسي ان بنتي حتنحرم من الجو الاسري و الطبيعه اللي الله فطرنا عليها " الاستقرار " لكني لا اثق فيه ولا مجال للصلح و لكن تعبت من انتظاره يطلق احس بقرف لما اتذكر أني للحين على ذمته وهو يتفاخر بحبه و يستعرض بكلمات الغزل و الأشعار المشكله عمره 36 مو صغير يارب لا تبلانا حرم نفسه الذريه و الاستقرار و هو رجله و الاربعين اكبر مصيبه لما الأهل يجبرو ولدهم ع الزواج خلاص ما يبغى يتزوج ليه يلحوا عليه وهو مو كفو مسئولية و بيت |
رد: كرهت زوجي بعد خيانته
اقتباس:
المطلوب منك هو المحافظه على بيتك واسرتك وترك هسترته ومغازلته على نفسه انتي قومي بما اوجب الله عليك بالمحافظه على بيتك واسرتك ..! وادعي الله ان يهديه وارسلي من يكلمه لعله يقلع عن فعايله ... حتى لاتكبر الفجوه بينك وبينه ، وانتي بهذه الحاله فتحتي له الباب على مصراعيه وفرغتيه انه يستمر وجودك في بيتك امان لك ولعيالك وردع له ولو بعض الشي ... |
رد: كرهت زوجي بعد خيانته
عندي احساس انك لسه شاريته ولا تبغي الطلاق
|
رد: كرهت زوجي بعد خيانته
أبداً اشتري إنسان بايع !
أنا عندي قناعه إليّ يفعل كذا و هو محصن ما راح يتغير لان اللي كان فيه مو حاجه كان فيه حب الشهوات حاب يعيش علاقة حب جديدة و أنا الان حابة أعيش علاقة حب جديدة نظيفة مع شخص يستحق احترامي اما هذا لنفرض رجعتله لا حاتقبله لا نفسيا ولا جسديا أنا فقط كنت أتمنى لو البنت عاشت بين أمها و ابوها و كنت متحمله نقصه لكن كرامتي و العفة خط احمر هو الان لا يناسبني |
رد: كرهت زوجي بعد خيانته
ارسل يطلب فلوس
عشان يسدد الكهرباء طنشته قام يسب يقول أنتي خليتيني ادفع حق الايجار كامل كذاب ما دفع الا 3 وهو دفع ما قلتله ادفع قال ابغا منك سلف 4 قلتله طيب و صارت المشكله قبل ياخذ مني يتهمني الان اني متفقه مع رجال يركبوا الكاميرا بسيارته و يقول اني اعرض نفسي للزواج و انا متزوجه ! بتويتر و الواتس المريض اهلي عندي مضافين حتى لو اني بسوي كذا ما اروح من حساب يعرفه عشاني ادعي بالعوض الجميل و الصبر قصده !! هو الان يهددني يقول بيراقبني و ياويلي لو طلعت من بيت اهلي و انا خايفه يتهجم عليا عنده مسدس و احسه خبل و انا عندي مواعيد بالمستشفى اسلبت قبل شهرين و لسى اراجع اي اسوي |
رد: كرهت زوجي بعد خيانته
لاحول ولاقوة الا بالله
ارفع لك القبعة احتراما لك على صبرك وذكائك انا رأيي تنهين الموضوع باسلم طريقة ممكنة وهي اذا انتي قررتي الطلاق تخبرينه ان اللي صار حيدفن وماراح تطلعين سره ابدا ... وتعطينه برضو التسجيلات اذا ضمنتي حقك ومصروف البنت طبعا عشان مايكون منقهر منك وقهر الرجال عنيف الله يحفظك ويكفيك شره امساك بمعروف او تسريح باحسااااان |
رد: كرهت زوجي بعد خيانته
اقتباس:
مره طفولي كأن عمره وقف عند 16 سنه انا ما صرحتله ان عندي فيديو هو عرف لما شاف الجهاز ولا حأصرح بشي يمسكه علي و اذا قال فيديو حقله ما عندي شي ولا لي فيك مجرد ما تطلقني لكن هو ما همه الا انه حيخسر صرافة من وقاحته قال خلاص بطلق لك شي حقوق من حقك اذكريها قلتله 35 الف قال بالمشمش مالك الا 8 آلاف و مرة دينتك 3 الاف يعني لك 5 الاف وربي وربي وربي كذاب ما عمره سلفني مبلغ كذا مره سلفني 700 كان عندي فرح اخوه ما خلا اليوم ينتهي من زنه اخذت من اُختيّ و رجعتها والله ما مر عليها الا 4 ساعات و رجعتها 35 الف حسبتها من غير فاتورته اللي اسددها شهريا من غير الفلوس اللي يفتح شنطتي و ياخذها انكرها و رافض يرجعها و الان ما يبغا يطلق مجنون فلوس مع انه يشتغل بالصحة و راتبه كويس بس ماعرف في ايش يروح اليوم راح أوكل محامي و ان شاء الله ما يجبرني الشيخ ارجع المهر لاني خسارة العمر و المبالغ هذه كافيه لوحدها حسبي الله ونعم الوكيل |
رد: كرهت زوجي بعد خيانته
ان شاءالله خير
امور المرأة والطلاق بفضل الله تحسنت الله يعوضك ويخلف عليك القادم اجمل ان شاءالله 💚 |
رد: كرهت زوجي بعد خيانته
وانتي ليه تتواصلي معاه رجال وعرفتيه مافيه خير سوي له بلوك وغيري شريحتك افضل هو شخص سئ فالاكيد بيلعب بنفسيتك وبيهاجمك
حافضي على اذكارك وماعليك منه مايقدر يسوي لك شي الا باذن الله وانتي مؤمنة بالله ولا توكلي محامي ولاشي الامور صارت اسهل والله سبحانه مع المظلوم ينصره ويسهل امره اطلبي من القاضي فسخ العقد وبيني له سوء خلقه ومايذوق ريال وبعدين الله يهديك كل المبالغ هذة اعطتيه لييه كان تعامله سئ معاك الدنيا دروس وانا اختك والانسان يتعلم من اخطائة |
رد: كرهت زوجي بعد خيانته
ممكن يحذف الموضوع نهائي لسبب جدا مهم ؟
|
| الساعة الآن 08:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©