|
هل البر يعني ان تتخلى عن نفسك
السلام عليكم
حقيقه متضايقه ومو حابه اعكنن على نفسي وعلى غيري بهالشهر الفضيل لكن متضايقه وماعندي غيركم بعد الله تعالى مشكلتي والي فعلا ازمه وماادري ليه هي ازمه البيت والغرفه الي انا ساكنه فيها دعواتكم لي بالزواج احس هذا الحل الوحيد بمشيئه الله انه يكون لي مكاني الخاص خاصه العقار نار والاموال الي جمعتها ماتجيب ثلثه واهلي رافضين اطلع واؤجر لوحدي وانا طبعا ادري هالموضوع مرفوض جمله وتفصيلا طيب والعمل اشتكيت لاخوي قال امي وابوي كبار بالسن ولا تضايقينهم بهالمواضيع غرفتي ضيقه جدا ولافي مجال لتغييرها اغرلضي اذا حطيتها بالمخزن اجي القاهم رامينها واخر شي حاجه غاليه جدا خربوها علي يعني لازم اجمع كل شي بعالغرفه وهي بالاساس ماتتحمل. الشباك الي فيها ماينفتح لانه يطل على الجيران ومخنوقه انا مخنوقه بهالغرفه انا لا استحق اعيش بهالمكان امكاناتي الماديه كويسه الحمدلله ومنصبي جيد بفضل الله مااستحق هالوضع اهلي مثل ماذكرت رافضين يبون يغيرون يشترون بيت ماذا افعل انا اصرخ ماذا افعل محد بسمعني ولا احد مقدر نفسيتي الي تعبت مخنوقه متضايقه وحاسه بقله حيله طبعا غرفه اخوي المتزوج ماقدرت اخذها ابدا صارت دراما بسبتها فماادري وش اسوي وش تنصحوني اتناسى واتعايش وانا منقرفه من الوضع اصبر ويمكن تمر سنوات ثانيه انفجر وازعل واكبر الموضوع يمكن يحسوا كلمت اهلي اخواني اختي وبكيت وماتغير شي اهرب من بيتهم يعني |
رد: هل البر يعني ان تتخلى عن ن
يااختي فيه مجال تبنين فوق السطح ..!؟
المباني منخفضة التكاليف لاتكسير ولا صب خرسانه ولايحزنون عباره عن حوائط طابوق بسقف ساندوتش بانل ..!!!! وسهل وغير مكلف لو تعملي غرفه او غرفتين مع دورة مياه مخزن مكتبه الي تبينه والحمدلله... |
رد: هل البر يعني ان تتخلى عن ن
اقتباس:
مافي مجال لانهم بالسطح اصلا بانين غرف للشغالات ومخزن زي البنيان الجاهز الي تقول عنه وهل البنيان ابدا مايصلح يبنون فوقه بعد الحل انه تهدم اجزاء ويعاد بناؤها وهالمره جدا مستصعبينه اخويا يقول بنعملها لكن يلعب علي ويهدي الوضع ليمن اسمت وارجع انفجر من جديد |
رد: هل البر يعني ان تتخلى عن ن
في مجال تفصلين شاليه او مايسمى صندقه او غرفة كيربي تفصال ويتم وضعها برافعه للسطح لو قياس 3٪3
|
رد: هل البر يعني ان تتخلى عن ن
اقتباس:
ممكن السطح خيار اذا نشيل الكيربي ونبني خرصانه لكن وين بيرحون الخدم و المخزن واصلا ماراح يرضو سؤالي اذا غرفة ارضيه كيربي هل يصير ابني فوقها غرفة ثانيه كيربي مشكلة اهلي بنيهم عشوائي بانين غرف ارضيه وسقفها كيربي ويقولون مايصير نبني فوقها دور ثاني نخاف تطيح ، ولا راضين يهدو الكيربي الارضي لانهم عاملين بخساره كبيره جدا وديكورات وشغل متعوب عليه فماراح يهدوه لعيوني مثلا ، بس هذا مجال البنيان الوحيد الي اقدر عليه الجهه الثانيه اخويا المتزوج والله يعينه بعد ماراح اضايقه بشقتهزيادوبك تكفيه وعرفه اخويا المتزوج الي ماراح يتنازل عنها وانا ماابغاها |
رد: هل البر يعني ان تتخلى عن ن
بين عشية وضحاها يبدل الله من حال إلى حال
أكثري من الاستغفار أختاه إنشغلي بختم كتاب الله في رمضان أكثري من الدعاء في السحود يسر الله أمرك |
رد: هل البر يعني ان تتخلى عن ن
اقتباس:
يارب يبدل حالي الى احسن منه حال تعبت |
رد: هل البر يعني ان تتخلى عن ن
سؤالي اهلي ماياثر فيهم الا المشاكل وتصعيد الامور والزن
يعني عندي حلين يااسكت وانقمت بهالمكان عشان اكون انسانه باره باهلي ولا ازعلهم او اتكلم واتمشكل واتطالب معاهم واصعد الموضوع بشكل كبير ساعتها بيريحون راسهم وينمكن يسوون الي بخاطري وارتاح من هالوضع ....لكن متاكده بتكون هناك خساير بشيلون علي ويزعلون علي ومو بعيد يقاطعوني بصراحه مدري شسوي مافي الا هالحلين وش تشيرون علي |
رد: هل البر يعني ان تتخلى عن ن
ما راح يقاطعوك ولا شي
كلميي ابوك او اخوك واشرحي الامر بكل هدوء والا خذي جزء من غرفة اخيك وضعي بعضا من اغراضك بطريقة منظمة كي لا تزعجه متزوج وعنده بيته لما يجي يكفيه سريره ذكرتيني بحماتي كل واحد من اولادها محتفظ بغرفته وعنده بيته وانا وزوجي واولادي في غرفة في يوم اخترت اقرب غرفة فرشت لاولادي فيها زعلت في البداية قلت لها يرضيك الغرف فارغة واحنا اربعة في الضيق لم تجد ما تقله مرات يجب ان نتصرف دون ان نتكلم مع من لا يفهمنا |
رد: هل البر يعني ان تتخلى عن ن
اقتباس:
والظلم اسواء المشكله غرفته كلها كراكيب هو مخليها زي المخزن لاعراضه وكتبه حتى ثلاجه فيها وينام فيها ابدا مافيها مجال ينحط فيها شي مع انه في حاجه بغرفتي بنقلها لغرفته بس بعد رمضان او برميها |
رد: هل البر يعني ان تتخلى عن ن
تحدثت مع والدتي اطال الله بعمرها بالموضوع
رفضت هي ووالدي فكره البناء نهائيا الوالد رافض جدا يغير اي شي بالبيت ولمحت انها بالماضي كانوا يجتمعون كلهم بغرفه وحده ...وان الناس طول عمرها تتزاحم والضيق بالقبر ولا نخلي الدنيا اكبر همنا واحنا بنعمه كافي المسكن غيرنا مو محصله هالكلام والديباجه كلها توقعتها لانهم اصلا مو مقتنعين بمدى تعاستي بهالمكان بكيت تضايقت هددت دخلت ناس بالموضوع مافي مجال اهلي مايفهمون اني مو معترضه ابدا لكن وضعي معلق يعني لو بنت مخطوبه بقول ماهمها تفكر بتتزوج وتطلع لو ولد مصيره يتشري بيت ويطلع لكن انا مو من هؤلاء اعيش وضع مؤقت بشكل دائم وهالشي جدا صعب اصعب شي لما يكون الاهل انانيين ولما كلن يعيش حياته وانت على الهامش دعواتكم لي رجاء بالفرج وان الله يغنيني ويعطيني ويدهشني ويفرحني وينسينيدهمي وغمي ويوسع علي ويرزقني من فضله من اوسع ابوابه الله كريم لاينسى عباده ونصيحتي لكم اتقوا الله ببناتكم تراهم جد ضعيفات لاتقدر تطلع ولا تسكن برى ولا تروح ولا تخطب ولا تتستقل |
رد: هل البر يعني ان تتخلى عن ن
حاسه بحرقة بصدري والم شديد ...
ونوبه غضب كبيره كيف اتخلص من هالمشاعر السلبيه |
رد: هل البر يعني ان تتخلى عن ن
والله يا اختي ارى انك مكبره الموضوع كثير ،، انا كنت عايش طوال عمري في غرفة 4*4 ودورة مياة مشتركة مع جميع افراد الاسرة وكثير من الاحيان انتظر دوري للدخول ،، حتى انتقلت لشقة مستقله بحمد الله ،، واقصد بهذا الاستطراد انه محال ان تعيشي طوال عمرك في هذي الغرفة ،، الاحوال تتغير والدنيا تتغير ،، ولا يستحق الموضوع ان تبني حواجز بينك وبين افراد اسرتك ،، اهم شي هو الحفاظ على علاقة طيبة مع العائلة ،،
وايضا ذكرتي ان موظفة ولك مصدر دخل جيد وهي نعمة محرومه منها كثير من الشباب قبل البنات ،، واقصد هنا انه ممكن في المستقبل يكون عندك مبلغ كافي يفيدك في بناء او تغيير سكنك ،، لا تيأسي وخلي تفكيرك للمستقبل . |
رد: هل البر يعني ان تتخلى عن ن
انتى اللى حاطه نفسك بهذا الوضع
ومستسلمه لضعف .. عندك مادة ايش يمنعك من الاستقلال ؟! اما انتظار الشخص اللى بيحررك مو حل ابدا للاسف كثيرااات يعتقدن نفس الاعتقاد عيشي حياتك و ابسطى نفسك بنفسك حققي استقلالك .. حرام يضيع العمر بالضغط و الانتظار |
رد: هل البر يعني ان تتخلى عن ن
اقتباس:
يعني مو طول عمرك بغرفه سؤال هل وصل عمرك اربعين وانت بذيك الغرفه والحمام المشترك |
رد: هل البر يعني ان تتخلى عن ن
اقتباس:
في حياتي استقليت باشياء كثيره جميع نحاحاتي وانجاتي حققتها الحمدلله بدون رجل ولا عمري انتظرت فارس الاحلام واقول لطالاباتي لازتتنظرو احد يحقق لكم احلامكم الا هالموضوع حارت فيه نفسي سبحان الله اذا ربي ماكتب شي مايصير في امور التغيير يكون من الاخرين صعب تغييرهم فتتعايشي معهم واحيانا صعب تتعايشي عموما اذا اغلقت الابواب باب الرحمن موجود الله يرزقني فرج من عنده |
رد: هل البر يعني ان تتخلى عن ن
ممكن تقول ليا ايش الصعوبة في الموضوع ؟!
امك و ابوك ! ماهم عذر لان بصراحه ماتهمينهم انتي و لا راحتك و المهم اخوك عندهم .. منتي صغيره عشان يتم التحكم فيك الى هذى الدرجة ! ولا بتسوين شيء محرم او خااارق .. الى متى محرومه من ابسسسط حق لك ؟! اجل كيف الحقوق الكبيرة ؟!! انا استقليت مع ان ماكان عندى دخل كبير وتنقلت حسب وضعي المادي وشريت سياره مع انه كان ممنوع علينا القيادة . اشتغلت مع انهم كانوا معاررضين اطلع .. بس عمرررى ماشاورت احد بشيء فيه راحتي وانا ارغب فيه .. فيها صعوبة ؟! طبعا و فيها عداوات و فيها كلام بعد .. لكن بالاخير الكل راح يدور رضاك و هذا وضعي الان حرفيااا .. مافيه اجمل و لا اروع من الاستقلال .. |
رد: هل البر يعني ان تتخلى عن ن
اقتباس:
يمكن ضروفك غير سالفه الاستقلال لوحدك صعبه بالسكن يمكن كان معاكي اخوكي انا مامعايا احد |
رد: هل البر يعني ان تتخلى عن ن
اخوي كان معي بشكل صوري فقط !
اسمه له غرفة عندي بسس .. لكن كواقع نهائياً ماكان موجود وقلتها لك سابقا خذى واحد من اخوانك كصوره كحجة انه معك احد تسكتينهم فيها ومع الايام يصير الوضع عاادي و متقبل عندهم او ممكن اذا سويتى ضجه و انه بتطلعين يوسعوا لك الغرف .. اما انه تجلسي كذا تنتظرى تنحل من نفسها بطريقة سحريه ماراح تنحل .. وماتجني الا مزيد من الضغط النفسي .. ظروفي فعلا تختلف و ممكن كانت اسوا بكثيير من ظروفك لكنى تحديتها كلهاا .. تفاعلت مع موضوعك لانى جد حاسه فيك 😔 |
رد: هل البر يعني ان تتخلى عن ن
شكرا لج فيلكا لتفاعلك
مشكلة اهلي الابديه تعقيد الامور هداهم الله ومشكلتي الصمت ثم الانفجار سنوات اقدم غيري علي واضحي وهذه نتيجه التضحيه انتي تافهه وعاقه ومكبره الامور مع هذا متفائله وعندي خطط جميله ناويه عليها ومتاكده ان الله بيرزقني من واسع ابوابه |
رد: هل البر يعني ان تتخلى عن ن
الله يفرج همك يا مبتعثة
|
رد: هل البر يعني ان تتخلى عن ن
هددي انك بتطلعي و احزمي امتعتك و قولي انك بتاجرين شقة او شي و مثلي الدور جيدا يمكن مثل ما قالت فليكا يحسون بجدية الموضوع و يفرغون لك غرفة اوسع لانه برايي الحل الانسب حاليا
|
| الساعة الآن 11:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©