|
ضيقة بدون سبب او لسبب تافه....
السلام عليكم
ومبارك عليكم الشهر جميعا مهم عندي اكون سعيده .... الله يسعدنا في الدارين انا شخص احب نفسي جدا ولا احبها تزعل ولا تتكدر والحمدلله مهتمه في صحتي واكلي ورياضتي وافعل الاشياء التي ترضيني وتبهجني لكن احيانا تجيني كتمه بدون سبب او لسبب تافهه احاول اخليها ماتعترض حياتي او روتيني ولكن مااحب هالشعور اكيد مر عليكم احيانا شعور مشابهه احساس انك ضايق وطفشان ولاتدري وش تسوي ودك بقرب الناس وبنفس ماودك ودك تطلع وبنفس الوقت ماودك اتمنى تكونوا فهمتوني شتسوون بهالحالات طبعا قراءه القران والاذكار شي بديهي وايش سبب هالمشاعر هل هي انذار ان الشخص ممكن يدخل حاله اكتئاب فيه خلل في حياته وهو طول الوقت يحاول يتجنبه افكار متراكمه او ايش |
رد: ضيقة بدون سبب او لسبب تافه
ياكثر ماتجينا هالحالة وهى فعلا اكتئاب ..
واعيشها حرفياً و بشكل اعمق من كذا قراءة القران و العبادات مالها علاقة بهذى الحاله لان وقتها حتى العباده تفقد لذتها و روحها 😔 اصعب شيء وقتها انك تتحملين احد او حتى نفسك مادرى انتى كيف تنفسي عنها ؟ لكن انا اغلط اغلاط كبيره جدا وقتها وادرى انها غلط لكن من باب التنفيس و العناد و تزيد عصبيتى وتخرب اغلب علاقاتي .! واعتقد سببها مو تافه بالعكس .. يمكن احساس بعجز داخلي لامر ما ، نعجز عن سده ونعجز عن تجاوزه 😔 انا الان من فتره اعيشها بشكل فضيع و كنت بكتب عنها موضوع بس شفت موضوعك . احس انى وصلت الى مرحله متقدمه منها رغم انى اقاوم ! زرت اخصائي نفسي استفدت بنسبة جدا بسيطه ومازلت معه .. مدرى انتى فكرتى بزيارته او مجرد حاله عابره و تمر عندك ! او ممكن بسبب الدوره على فكره وقت الدوره احس افقد عقلي 😕 واعصابي و نفسيتى صفر .. تصل للتفكير بالانتحار |
رد: ضيقة بدون سبب او لسبب تافه
أعتقد السبب مثل ماقالت فليكا
ممكن بسبب تراكمات بداخلك مانفستي عنها و مو قادرة تتجاوزيها ، وممكن بسبب الدورة ، لاحظي متى تمري بهذي الحالة، لو قبل الدورة بأيام شي طبيعي بنات كثير يمروا بها بإختلاف حدة الاعراض، او ممكن بسبب موقف محفور في ذاكرتك، تعتقدي انه مات و انتهى لكن احيانا يتم استدعاؤه بسبب موقف تافه او كلام او احساس ! إنتِ أعرف الناس بنفسك، و حطي ببالك مافيه شي يصير بدون سبب، ركزي على نفسك أكثر و ركزي على توقيت هذي الحالة! انا وقت الدورة أكره كل شي و كل الناس، حتى اللي أحبهم ماودي اتكلم معهم و لا اشوفهم ، أضايق من الناس وبس ابى أجلس لحالي و محد يكلمني. حتى الشخص اللي يعني لي شي كبير، أكرهه وقتها، وبضغط على نفسي أكون عادية وطبيعية. |
رد: ضيقة بدون سبب او لسبب تافه
اقتباس:
تكلمت بموضوع العباده لان ادري كثيرين بيقولون كذا فقلت اسبق ، يعني طبيعي الشخص عارف ربه وعارف هالامور ، وفعلا للاسف الشخص احيانا يحتاج جهاد للعباده واذا نفسيته صعبه يحتاج جهاد اكثر وفعلا انا بوقت الدوره تدرون عمري ماربطت بين هالوقت من الشهر والنفسيه السيئة لاني اشوف ان هالامور دلع لكن من بدت تطلع معاي التعب وابنزيف وقت الدوره والهبوط صرت مو طايقه نفسي والامور الي قلتو ان ممكن تراكمات اشياء الدوره تذكرني بالتعب الي فيني والاورام .... وكل شهر اقرر لازم اسوي العمليه وارتاح من هالتعب والالم مو الطبيعي ...وفكره العمليه بس تتعب نفسيتي لان حتى اهلي مايدرون ودي لو كنت بالغربه بدون دراما ولا احد واسوي العمليه بسكات مجرد مفاتحه اهلك بمرضك هذا بحد ذاته صعب ... ههههه جدا مختلفه انا عنك انا ماانفس على الناس وقت ضيقتي الي اسويه ادق على ناس من زمان ماكلمتهم واسولف معاهم عادي وهذا شي بحد ذاته ورطه ياانك تفتحين علاقات كنتي مجمدتها او ترتبطين مثلا امس كلمت وحده واتفقنا نطلع اليوم وحزري فزري ...مالي خلق ابدا اطلع اليوم لاني رجعت لمودي الطبيعي واصلا عندي الترامات وصعبه الحين اصرفها فهذي من الاشياء الي مااحبها بنفسي ...وقت مااتضايق الجا للناس وان كنت لا افضفض لهم بالعكس اضحك واسولف انا خايفه فعلا من موضوع الاكتئاب ...لاني جربته ولا ابي ارجع لهالوصع ومن ساعتها وانا ادلع نفسي ولا احبها تزعل او تتضايق عشان ماترجع لنقطه الصفر بصراحه من الاشياء الي جربتها ونفعت ولا تعبروها رياء بس نصيحه يمكن تنفعهم اذا كنت مكتومه وضايق صدري وحاسه الدنيا كلها مو طايقتني ولا انا طايقتها اسوي خير ...اتصدق اتبرع اساعد شخص غريب مااعرفه ساعتها احس اني لي قيمه واني انسان افكر مستقبلا احتضن حيوان اليف الاغلب قطه يمكن تعطي مشاعر ايجابيه |
رد: ضيقة بدون سبب او لسبب تافه
اقتباس:
يوه المواقف ياكثرها ياما ناس خذلوني وجرحوني بدون سبب وياما ناس اتركوني بدون سبب انا شخص وفي جدا واقدر العلاقات لكن مؤخرا ونتيجه الدروس والضربات الي حصلت لي ..صارت مش فارقه معي من يروح من يجي ...مايهم ...اهم شي انا .... وتعلمت الوحده والاكتفاء و الاستغناء واني اقدر الاشياء الي عندي لو بسيطه ووقتي مابين قراءه ورياضه وعنايه وترفيه وعمل وعباده وان كنت مقصره ماتوقعت ان الكل يعاني وقت الدوره ويبدو اني لازم اقتنع انه وقت صعب بالشهر وان يمكن الضيقه الي تجيني سببها اني قاعده امر بهالوقت من الشهر والالام الرهيبه الي اعانيها والحمدلله على كل حال |
رد: ضيقة بدون سبب او لسبب تافه
فعلا كل البنات تقريبا يعانوا وقت الدورة
مابين نفسية سيئة و تقلبات مزاجية وآلالام جسدية إنتِ مو وحدك تشاركك هذي المتاعب تقريبا ثلاثة أرباع بنات العالم أو أكثر، قليل من البنات تمر بهم بدون هذه المتاعب ! من تجربة سماع القرآن يخفف من النفسية السيئة كثير(السماع مو القراءة)، اختاري صوت قاريء تحبيه ، واسترخي بماء دافيء في البانيو وحاولي تمارسي حياتك بشكل طبيعي ولاتوقفي شي، كنت زمان أغيب من الدوام بسببها لكن صرت أجبر نفسي أداوم ولاحظت إني أتغلب على النفسية السيئة في فترة أقصر من لما كنت أغيب. أعطي لنفسك رسائل إيجابية، و إنها فترة وتعدي واحتسبي الأجر، حتى الألم النفسي لكِ فيه أجر. |
رد: ضيقة بدون سبب او لسبب تافه
فهمتينى غلط مبتعثه ..
انا ما اقصد بالمواقف اللى تاثر داخلنا المواقف العابره و خذلان الاصدقاء و هذا الكلام لا . انا اقصد مواقف من ذات حياتك هزتك من الداخل و بقوووه و تركت اعظم الندب الي لا يمكن يسدها شيء بالحياه .. مواقف طفوله او مراهقه الام و الاب الحياه الاسريه المرض الغربه هذى الامور اللي اقصدها .. او ممكن مايكون اللى عندك اكتئاب ممكن يكون احباط من الواقع او الظروف و مجرد ماتتغير الظروف تتغير نفسيتك للاحسن ... الله يفتحها عليك و يسر لك 🌷 ايضا اكتئاب الدوره شيء عارض و يزول معها .. انا وضعي مختلف عشان كدا قلت اللى عندى اكتئاب مهما تعدلت الظروف مهما حققت من انجاز مهما حصلت عليه من ترفيه و تغير كل الظروف يبقى عندى احساس مزعج احساس ان فيه نقص وعجز داخلي لا يجبر .. افقد البهجة الحقيقيه النابعه من القلب او حتى المتصنعه لوقت طويل .. التنفيس لابد منه ... وفعلا العطاء له اثر ايجابي 😂 مساله انك تتصدقين وتعطين نفس الوضع عندى انا اسدد ديووون تحت الازمه النفسية و الله العالم هل تعتبر او لا 😢 |
رد: ضيقة بدون سبب او لسبب تافه
اقتباس:
المواقف الي فعلا تاثر تظن انك تكبر وتنسى وتلقى نفسك كبرت ونسيت ان تنسى اصعب شي في الحياه ان الناس الي امنتهم على حياتك هم الي ضروك احيانا افكر بيني وبين نفسي والاقي ان الناس الي حبيتهم هم اكثر ناس اساؤوا الي بقصد وبدون قصد وان بعض الفوضى التي اعيشها كانت نتيجه قراراتهم وخطاي اني كنت انسانه لطيفه ومطيعه وبالنهايه كلن عاش حباته وراح علشان كذا ماربطتها بالدوره لاني حسيت نفسي اكابر والي فيني مو عارض لكن ذكركم للدوره خلاني افكر فعلا انا امر بهالوقت من الشهر هل في رابط وصاير اوفر دراما بسبتها |
رد: ضيقة بدون سبب او لسبب تافه
الف سلامة مبتعثة وما تشوفين شر
اظن ان حالتك الصحية لها النصيب الاكبر في ضيقتك الى جانب اشياء اخرى هل تاخذين علاج هرموني لوقف النزيف وتنظيم الدورة لانه يؤثر نفسيا يسبب نرفزة وقلق |
رد: ضيقة بدون سبب او لسبب تافه
اقتباس:
لا مااخذ علاج هرموني والدوره الحمدلله منتظمه لكن غزيره في ايام والحل هو الجراحه وانا متخوفه منها دعواتك الله يسهلها |
رد: ضيقة بدون سبب او لسبب تافه
الله يسهلها
لكن خذي راي اكثر من طبيب اخت زوجي الصغرى تعاني من اورام ليفية كبيرة نوعاما تتابع عند طبيبة دارسة في الخارج لم تنصحها بالجراحة هي تاخذ علاج هرموني اورغاميتغيل لوقف النزيف وقالت لها تستمر حتى سن الياس بعدين يضمرو وحدهم |
رد: ضيقة بدون سبب او لسبب تافه
اول مره اسمع عن هالعلاج
هل اخت زوجك سبق لها الحمل وهل التليف عاقها عن الحمل براجع ان شاءالله عند طبيب جديد بداءا من الاسبوع القادم الى الان الي شفتهم اتفقوا على الجراحه لكن رايك صح لازم اراجع اكثر من طبيب |
رد: ضيقة بدون سبب او لسبب تافه
تقلب المزاج والحزن وضيقت الصدر والكتمه ليست مشكله ، المشكله كيفية التعامل معها بشكل ودي واحتوائها وعدم كسر النفس بالقوه نحن بشر ياساده...!
والتردد سمه من سمات الاكتئاب بسيط ودك تختلطي بالناس وبنفس الوقت عندك هواجس وخوف بعدم النجاح لذلك ماودك ، الامر سهل بإذن الله اي شي تخافه اقتحمه وتسلحِ بسلاح مهارة الحياة بدوره بكتاب بزيارة أخصائية متمكنه وأي شي تقومين فيه ان كان جاب نتيجه ايجابيه الحمدلله واذا سلبيه احذفيها وراء ظهرك ولاتبالي ... |
رد: ضيقة بدون سبب او لسبب تافه
اقتباس:
احيانا احس نفسي قاسيه علي وابيها تطلع دوما بمثاليه عموما طبعي ليس اجتماعي كثير ولا عندي مشكله اكون وحدي لكن في دورات وكتب جميله بانتظار اقراها ان شاءالله اباشر بعد رمضان |
رد: ضيقة بدون سبب او لسبب تافه
اقتباس:
ساسرد عليك حالات اعرفها رغم اني نعسانة لكن لعيونك اقاوم 😊 ابنة خال زوجي كانت مخطوبة لما شالته واتصلت بخطيبها قدامي لانها صديقتي وقالت له ان حب ينفصل فمن حقه طلع شهم وقال لها اقبلك بكل ما فيك والحمد لله اكرمها الله بالحمل زميلة اختي جاها وهي بكر وتزوجت ارمل اعتقادا منها انها ما تنجب واكرمها الله باثنين ولها اكثر من عشرين سنة ويوم قررت تشيله الطبيب الجراح نصحها بعدم الجراحة وتصبر حتى سن الياس واخرى من المعارف لها اولاد وشالته وحملت بعد العملية كل وحالته زيدي شوفي راي اطباء لكن ما تبقين دون دواء لانه يمنع انه يكبر ويمنع ظهور تليفات اخرى ويوقف النزيف اسال الله ان يشرح صدرك ويكفيك ما اهمك |
رد: ضيقة بدون سبب او لسبب تافه
اقتباس:
الله يوفقك وفا ويشرح صدرك دوم ويغنيك ويكبر حظك ويسخررلك خلقه باذن الله ساراجع غدا والله يكتب لي الشفاء و الخيره |
| الساعة الآن 09:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©