|
ما احب خطيبي ومتردده
السلام عليكم
بدخل بالموضوع على طول عمري 23 سنه مشكلتي بدأت من اول ما انخطبت كنت حاطه براسي ان مستحيل اتزوج بهالعمر وماراح افكر بالزواج الا وانا مستقره ووضعي النفسي والمادي كويسين وما اتزوج الا شخص عارفته تقريبا مو غريب عني تماما لكن انخطبت من شخص غريب اهلي مابقى شي زين ماقالوا عنه وان حراام عليك ترفضين هالشخص ومستحيل يجيك واحد بنفس مواصفاته بعدين ومن هالكلام وانا كنت حاطه ببالي الرفض لكن بعد كلامهم فكرت بالموضوع عموما بعدها وافقت وشفته بالشوفه الشريعه ارتحت واقتنعت نوعا ما بالموضوع علما اني كنت متضايقه من شي ومو فرحانه بذاك الوقت كنت متخوفه من الشخص الي بتزوجه هل بيناسبني وبتوافق معه فكريا هل شخصيته راح تعجبني او لا ؟! واسئله كثييير براسي لان انا كثير اهتم لشخصية الرجال واهتماماته بالنسبه لي ضروريه في اني احكم على الشخص واقيمه عموما الان لي تقريبا شهر واسبوع من ملكت عليه طلع الرجال مختللللف كثييييييييير عن الي انا كنت اتمناه مافيه شي جذبني وخلاني اعجب فيه وانا دايم بالسوالف احاول نتحاور ونتفاهم في اشياء عشان اكتشف شخصيته وطريقة تفكيره لكنه يرد ردود سطحيييه واي كلام وهالشيء يضايييقني يهتم بالكلام الغزلي والحب اكثر من كذا وكل يرسل لي اشعار بالواتس وكلام حب وما اعرف ارد عليه لان مابعددد احبه ! ويتضايق اني ما ارد عليه مكالماتنا قلييييله جدا بالفتره الاخيره وكلامنا بالواتس برضوا صار قلييل بس نسأل عن بعض وانتهى الموضوع وفيه سلبيات كثيره ما احب اذكرها وادخل بالتفاصيل لكن ما انكر ايجابياته فيه اشياء حلوه كثيير ومو مقصر معاي ب ولا شي عموما انا مش عارفه وش اسوي متضايقه كثثيير وكل افكر بالموضوع وكل مايطري علي موعد الزواج اتضايييق اكثر ماني متحمسه ومو مبسووطه زي باقي البنات الي بوضعي اتحسر على نفسي احيانا اني قاعده اعيشش هالفتره بهالضييقه حتى صحتي تغيرت وضعفت كثير ومحتاره كثييير هل اكنسل الموضوع وانفصل ولا اكمل معه تعبت من التفكيير ابغى شوركم والله ضايييعه مين مر بنفس هالتجربه وكيف تخطاها ؟ |
رد: ما احب خطيبي ومتردده
لو انخطبتي لواحد بنفس شخصيتك .. ما راح تتحملوا بعض و بتتعبي منه ..
يا تنظري لايجابياته و تقبلي به كما هو و تبعدي عن كلام الكتب يا اتركيه عشان مصلحته و مصلحتك |
رد: ما احب خطيبي ومتردده
الرجل باين كويس
المشكله فيك مو مقتنعه بموضوع الزواج بكبره مع ان سنك سن زواج |
رد: ما احب خطيبي ومتردده
الرجل باين كويس
المشكله فيك مو مقتنعه بموضوع الزواج بكبره مع ان سنك سن زواج |
رد: ما احب خطيبي ومتردده
إنتِ ماتعرفيه حتى تحكمي عليه
مدة ملكتك كلها شهر و أسبوع وتواصلكم قليل كيف في مدة قصيرة و مع تواصل قليل اكتشفتي إنه غيييير عن اللي تتمنيه؟! نصيحتي احتكي فيه أكثر ، تقربي منه أكثر ، حاولي تتعرفي عليه أكثر خليه يزورك في البيت .. عشان تحكمي عليه صح. |
رد: ما احب خطيبي ومتردده
استخيري اذا ما استخرتي
وادعي بالحاح بدبرة ربي وخيره حطي ببالك مافيه أحد كامل ، خوذي قلم وورقة واكتبي معاييرك وقيميه بناءً عليه كم ياخذ من عشرة . طبعاً هذا قبل الاستخارة |
رد: ما احب خطيبي ومتردده
استخيري اذا ما استخرتي
وادعي بالحاح بدبرة ربي وخيره حطي ببالك مافيه أحد كامل ، خوذي قلم وورقة واكتبي معاييرك وقيميه بناءً عليه كم ياخذ من عشرة . طبعاً هذا قبل الاستخارة |
رد: ما احب خطيبي ومتردده
اقتباس:
لكن بعدين يجيني شعور بالنفور اذا صدر منه فعل او تصرف ماعجبني المعذره وش قصدك بكلام الكتب ! |
رد: ما احب خطيبي ومتردده
اقتباس:
دايم يفتح معي مواضييع تافهه بالنسبه لي كلها عن الحب والاهتمام وانا اذا فتحت مواضيع عامه معه غالبا ردوده سطحيه واي كلام ما احس ان هذا الشخص له رأي و كلمه (وامنيتي كانت شخص مثقف و فيه هالصفه) انا حاليا جالسه اعطي نفسي فرصه اكثر عشان ما اظلمه ولا اظلم نفسي معه وبحاول اتقرب منه اكثر |
رد: ما احب خطيبي ومتردده
اقتباس:
وتقريبا كل يومين استخير بهالموضوع وادعي ربي ييسر امري صحيح انا مقتنعه ان مافي احد كامل ولابد بأي شخص فيه عيوب لكن هل راح اقدر اتقبل عيوبه واتعايش معها ولا بظل انفر منها دايم ! هذا الي متعبني وافكر فيه كثير |
رد: ما احب خطيبي ومتردده
اقتباس:
إننا نبى شخص فيه مواصفات معينة (مو أساسية) ونهتم بها وكأنها قرآن ونظن إنه الشخص اللي يحملها بنكون معه أسعد ناس بالعالم! ترى هذا الشي غلط ، بالذات مع المواصفات اللي مو أساسية ( الاساسية هي الدين و الخلق) لأنه ممكن يجيكِ شخص مثلا عادي جدا ومو مثقف لكنه رائع وإنتِ ما أعطيتِ نفسك فرصة تتعرفي عليه و تتقبليه لأنك حسيتي انه مو مثقف فصرتي ماتتقبليه و ماتشوفي فيه الأشياء الايجابية. وبالمقابل ممكن يجيكِ فعلا المثقف لكن عنده عيوب في اخلاقه، تصعب الحياة معه وتلقي تفسك تهمليها وماتلتفتي لها لأنه مثقف و بعد الزواج تكتشفي انها عيوب لا تُطاق ! بإختصار مثل ماقلت قبل أعطي نفسك فرصة تتقربي منه وتتعرفي عليه أكثر، خليه يتكلم بالحب و الاهتمام و اعطيه مجال يتكلم عن نفسه و شوية شوية اسحبيه وخليه يتكلم عن خططه المستقبلية و عمله و فين يشوف نفسه بعد 5 سنوات مثلا . حتى تعرفي هل هو فعلا انسان سطحي في كل شيء وفي كل حياته و لا سطحي فقط من ناحية ثقافية ! لأنها تفرق ! |
رد: ما احب خطيبي ومتردده
اقتباس:
نعم الرأي ...والله اعرف انسان اي موضوع في اي مجال تطرحيه عليه يعرف تفاااصيله مطلع على.كثيير اشياء لكن اخلاقه.لا تطاق عصبي.جاف مثقف لكن رايه هو الصواب البحت الثقافة ليست هي معيار اختيار الزوج انما الدين و الخلق انت لست في صدد اختيار موظف هذا زوج.. . لا تمتحني ثقافته بل دينه محافظ على الصلاة بار بوالديه واخلاقه يحترم المراة و رايها او رأيو فقط هو المهم. . بخيل او كريم. . عصبي... هادئ. ...هذي الامور التي يجدر بك ان تبحث عنها. .. |
رد: ما احب خطيبي ومتردده
بعيد عن الكلام الكثير والتنظير
اهم شي لاتتزوجين الا وانتي واثقة من مشاعرك تمااااما ولاحتى نتفة شك الشي الثاني ترى الحب رزق من الله والارواح جنود مجندة اذا ماحبيتيه الحين ماراح تحبينه بعدين وهذا مجرب لاتغصبين نفسك وبعدين تتوهقين بعيال ومسؤولية اكبر توك صغيرة والفرصة قدامك موفقة |
رد: ما احب خطيبي ومتردده
اقتباس:
ما احصرها على الثقافه فقط ، في نواحي كثيره ماذكرتها لكن من وجهة نظرك مو من حق البنت تاخذ الشخص الي تحسه يناسبها وشخصياتهم تتوافق!؟ عموما يعطيك العافيه على نصيحتك وان شاءالله راح اخذ على كلامك |
رد: ما احب خطيبي ومتردده
اقتباس:
صادقه يا اختي والحمدلله غالبية الصفات الحلوه موجوده في خطيبي لكن انا مشكلتني دققت في التفاصيل اكثر ، شاكره لك على نصيحتك dff |
رد: ما احب خطيبي ومتردده
اقتباس:
انا الان ماراح اغصب نفسي لكن بعطي فرصه لنفسي واشوف الموضوع من نظره اخرى غير نظرتي السابقه وان شاء الله تتغير مشاعري شكرا لك اختي |
رد: ما احب خطيبي ومتردده
ايش تعريف الحب..... تنخبلي و ماتصيري اشوفي قدامك.... حتى انك لاترين العيوب وبعدها ايش يصير تنصدمي بصخرة الواقع..... بعدما ايطيح الفاس على الراس وتصيري بعيال و مافيك ترجعي للوراء.... و الله انا ارى انو تكوني عقلانية خاصة في هذه الفترة فتشوفين المحاسن و العيوب و تاخذي قرار ناضج وليس متهور من منطلق والله احبو... هذه الفترة ركزي على القبول يعني شكله طريقة.كلامه..... و يفرق بين انسان غير مثقف و مطلع و بين انسان تافه..... و ايضا الرجال اول فترة يكونو هيك يتكلمو فقط على الحب وانت خطيبة و ليست صديق يكلمك في امور عامة
والله الموفق |
رد: ما احب خطيبي ومتردده
نصيحتي لك يا أختي فكري زين .. وإذا شفتي أن الرجال هذا مب هو اللي تبغينه وتحسين انه مب هو اللي تبين تكملين حياتك معه .. نصيحتي انسحبي من الآن .. انسحبي منا الآن .. انسحبي من الآن ..
الأرواح جنود مجندة، مب شرط أنه يعيبه شي أو يعيبك شي عشان واحد فيكم ينسحب وفترة الملكة أساسا ما حطوها الناس إلا لهالشيء .. انكم تكتشفون هل تصلحون لبعض أو لا .. الانسحاب الآن أخف ضرر عليك وعليه، أنتي ممكن تقولين بكمل واشوف وش آخرها .. لكن وبعدين؟ هو يبي يخسر فلوس ومصاريف في بيت وأثاث وسفر و ... و ... و ... وأهم من كذا .. يبي يخسر مشاعره وعواطفه اللي أغدقها على اللي يشوفها ملكة أحلامه وبعدين ؟؟ تصدمينه وتنسحبين بكل بساطة لأنه ما أعجبك ؟! وأنتي كنتي عارفه من الأول!! حرام اللي بتسوينه فيه .. هذا غير خساير أهلك، وخسارتك أنتي بأنك تكونين مطلقة، صحيح مب عيب الطلاق، لكن يبقى في مجتمعنا هذا شيء مؤثر على حظ البنت بالزواج. ممكن تقولين أنا لو كملت راح اكمل معاه حتى لو ما أعجبني وبأصبر حتى لو قررتي تستمرين وتواصلين للأخير وش بتكون نظرتك لزوجك؟ بتكون نظرتك أنه أقل منك ومن مستواك، والرجال لا يمكن يتحمل هالشي أبدا وما راح يصبر عليه لأنه جزء أساسي من الإشباع في الزواج أنه كل واحد من الطرفين يحس أنه محل تقدير وإعجاب من الآخر، والزوج إذا ما لقى هالشيء من زوجته راح يدوره عند غيرها، إما يطلقها ، أو يتزوج عليها، أو لا قدر الله يروح للحرام .. أي كلمة من أي بنت فيها إعجاب بتاخذ عقله !! نصيحتي يا أختي .. إذا ما تشوفينه بملا عينك لا تضرينه ولا تضرين نفسك، وانسحبي بهدوء من الآن لأن الأضرار أخف .. يمكن نصيبه مع غيرك يسعدها وتسعده ونصيبك مع غيره يسعدك وتسعدينه .. |
| الساعة الآن 02:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©