|
هكذا استقبل زوجي
انا استقبل زوجي في بيت اهلي لأنو انا ح سافر دبي مع زوجي لما الله يجيبه بالسلامه
عشان بيتنا في دبي .......المهم أول ما يجي يستقبله اخواني الصغار وماماي و وباباي ويرشو عليه ورد وانا اخرهم طبعا عشان التسليم ياخد وقت لاننا ما شفنا بعض 7 شهور و باقي شهرين عشان يجي (يالله يا محلى القاء........و خاصه مع زوجك) الله يجيبه بالسلامه يا رب المهم في نفس الوقت اشغل شريط زفه بدون موسيقى بصوت عالي و اختي بتصور كل تسليمه مع زوجي واخواني و بعدين تجي العضو المهم اللي هو انا طبعا اجي في حضنه ..و...و................... واختي تصور كل لقطه بلقطه عشان نتذكر بالصور القاءالجميل ونا لابسه لبس فصلته قصير ..و.....و...... وشعري يهبل ومكياجي جذاب و متعطرة واخذ معاي وردتين بساق طويله حمراء لي وله عشان نتصور معاه بحركات و طبعا اخواني اطردهم معاد اختي اللي تصور واذا كان فيديو افضل عشان نتذكر اللقطات لقطه بلقطه وانا عامله تورته والاكله اللي يحبها المحشي أأكله بيدي مع قبلات و بعد ما يرتاح شويه اقوله نروح الفندق اللي انا حاجزاه من الاول ووضعت على السرير ورود حمراء وبطاقات فيها وله وشوق وحمد لله على السلامه وعلى بال ما يقرا البطاقات اروح اتسبح والبس ملابسي النوم الي حطيتوه في الفندق من اول و شكلها مثير وتصبحون على خير ايش رايكم بصراحه اعمل دي الطريقه وللي عندها افكار ما تبخل عليا |
?!!!
|
شكرا على الرد الجميل يا خزامى
باين عليكي ترفعي معنويات |
يابختــــــــــــــــــــــــــــه......الله يرده بالسلامه.
|
الحين اذا حضنك
ماماي وباباي وين موقعهم ليش ماتستقبليه لحالك يعني ذاك اليوم يطلعوا اهلك والكاميرا على الحامل تصوركم لان الموضوع عميييييييييييييييق وبالتوفيق |
الإستقبال ممكن يكون اكثر بساطة ... أكيد بيفرح أكثر إذا حضرتيله شي بسيط و مركز في نفس الوقت ...
بدال الحفلة اللي بتسوينها والترتيبات الضخمة اللي بتقومين بها .. أصلاً يمكن من الربكة تنسين شي أو يروح عن بالك شي و يتخرب اللإستقبال كله .. في رايي .. مسألة التصوير هذي خليها على صوب .. يعني ما يحتاج تخليين أختك تصوركم ... ما في داعي أبداً للتصوير بالفيديو .. و خصوصاً اللقطات الخاصة الحميمية بين الزوجين .. و لكن إذا كان ولابد يعني و خاطرك في كم صورة .. انصحك إتسوين مثلي كل ما يرجع خطيبي من السفر .. أروح أتزين و أتجمل بأحلى صورة .. و بعدين نروح الإستيديو نصوّر صور لطيفة لللذكرى .. ما فيها حركات ولا لقطات حميمية خاصة .. أما بالنسبة لباقي الأفكار فلا بأس بها .. و الله يوفقج إن شاء الله و يرده لج سااالم معااافى اللهم آمييين ... و سامحينا أختي على التطويل .. |
اقتباس:
بعدين تظنين زوجك راح يرضى إن أختك تصور لحظات خاصه فيكم؟؟؟؟ أحس لو إنه زوجي في هالموقف ما راح يرضى بالعكس ممكن يزعل و يقلب لي الليله غم و بصراحه بيني و بينك حتى ولو إنه رضي ما أظن أنا راح يعجبني إن أختي ولا أخته ولا أي أحد يكون معنا في مثل هاللحظات |
بدون تعليق ....
زوج في الغربة ( باقي 65 يوما ) |
الغاليه000
أنا مع باقى الأعضاء كيف ترضين أبوكى وإلا أمك يشوفون هاللحظات وحتى إختك فشله وعيب مهما كان هذى الأمور بين الزوج وزوجته ماله داعى تصوير 000!!!! أنا أيد سالفة من المطار للفندق ولامن شاف ولا من درى مو قدام الكل>>>>>>والله فشله |
ياختي عيييييب استتري في غرفة نومك وسوي اللي بدك ؟؟؟ احسسسسن من الفشلة قدام اهلك واذا بتسوين كل هذا قدام اهلك وش خليتي داخل الغرررفة واذا زوجك رجااال بجد ماراح يرضى بالحركات قدام اختك الا اذا كنتم من نوع ثاني غير المتعارف علية وبالتوفيق؟
|
الأخت * روح زوجها *
ترى انطباعي مو بعيد عن انطباع الإخوة ... أولا... إيش المياعة إنك تلبسي قصير أمام أهلك؟؟؟؟ القصير للزوج وبس!!! لأنه بيظهر العورة!! ثانيا... التصوير؟! تبغي أختك تصورك وإنتي تحتضني زوجك؟ وين المروءة وين الحشمة؟ وين الخجل؟ وين الحياء؟!!!! لا حول ولا قوة إلا بالله....!!!! ثالثا... ( أولا وثانيا يكفوا... لأني سألتزم بقوله صلى الله عليه وسلم ...* من كان يؤمن بالله واليوم الآخر فليقل خيرا أو ليصمت * ) أما بالنسبة لأن تتزيني لزوجك وأن تهديه ورود أو زهور (( بينك وبينه )) فلا مشكلة... بالعكس فكرة جميلة... وإنك طبختي لزوجك يدل على شوقك وحرارة انتظارك... هذا كمان رائع... وبصراحة... أنا عندي تغيير للي إنتي تبغي تسويه!!! إما تجلسي في البيت ... محترمة وتستني زوجك.... يستقبلوه أهلك ويقوموا بالواجب... وبعدين يوصلوه لك في البيت أو الفندق.. وإنتي تكوني بتستنيه!!! أو ** الحل المثالي والشرعي إن شاء الله ** إنك تستقبليه باعتدال والتزام للآداب.... من غير ضم ولبس قصير... ولمن تصيروا لوحدكم في الفندق... وقتها تستقبليه على كيفك... وصدقيني أنا صارت معي هذي الحكاية... في المطار استقبال باحتضان على السريع... وفي البيت قامت الدنيا وما قعدت...!!! وهذا لوه أثر طيب في النفس... لأنه الزوج يعرف ويحس إنك تعملي الاستقبال عشانه.. مو عشان المظاهر والفيديو والتذكارات... اللي ما تساوي كلمة صادقة أو نظرة حب حقيقي... والسلام عليكم... خالو ريان |
أختي الكريمة.. أشكر لكِ هذا الطرح ومشاركتك لنا أفكارك.. ولمن يريد...لهم أخذ الأفكار مما طرحتِ والتعديل عليها.. وحبذا لو اتبعتِ نصائح الأخوه فيما ذكروه.. فبذلك ترضين الله ومن ثم زوجك.. أسأل الله أن يسعدك أنتِ وزوجك.. بارك الله فيكِ وجزاكِ ألف خير.. **يغلق** |
هكذا استقبل زوجي 2
شكرا على ردودكم اولا في في الموضوع الاول
و بصراحه كسفتوني لاني انا كتبت الفكرة ناقصه إلا هو انا مستحيل اقابل زوجي عند اهلي واضع 100 خط تحت مستحيل ...............حتى بيدي ما اقدر .......... سامحوني عليه ولا ابدا تفكروا اني كتبت عشان ادافع عن نفسي ابدا وانا الحمد لله متدينه وفي المدينه المنورة وحافظه 10 اجزاء ولله الحمد وابوي داعي حتى في بيتنا والله ما في تلفزيون .............. وخالو ريان انا اسفه جدا واعذرني والتصوير كان اختي اصلا ماهي راضيه بس انا كتبت ل زيادة الافكار وابوي ما يبغى التصوير حتى في زواجنا ما تصورنا وان شاء الله ح اعمل طريقتك الا هو يستقبلونه اهلي وبعده يجي الفندق وشكرا كلكم على النصيحه والدين نصيحه طبعا وسامحوني للمرة الاخيرة على اخطائي وبصراحه انا ندمت على المشاركه هادي :D دمج الموضوعين المراقب سالم |
| الساعة الآن 10:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©