|
انا ولد واختي ملكتها اليوم
اسعد الله يومكم اولا انا من السعودية واتمنى الي يرد علي يكون من السعوديه لان عاداتنا وتقاليدنا تختلف عن باقي الدول اليوم ملكة اختي وانا اكبر اخوانها من عادت الملكة ان الزوج يلبس زوجته الخاتم بحضور خواته والزوجة وام الزوجه وخواتها انا ضد فكرة انه يشوف اختي لحاله عارف بيصير زوجها والخ بس الحين هو شخص غريب حتى لها هل استطيع انا اقف بجانب اختي بحكم اني اخوها الكبير وبجنب المعرس لين يلبسها الدبله ويطلع لان ما فيه شي اسمه زاوج بقاموسي الا بعد العرس وسالفت خلاص اذا ملك عليها يحقلها تطلع معه محظور عندنا ومافيه كيف اتعامل مع هاذا الموقف ملكة اختي ياريت احد يفيدني هاذي اول مره تملك فيها وحده من خواتي |
رد: انا ولد واختي ملكتها اليوم
اذا تملكت انت وجيت تلبس زوجتك الدبله
وش تتمنى في هذي الحظه اللي تتمناه لنفسك تمناه لاختك بعدين الكل حاظر خوات وام المعرس وخواتك وامك ماجلست لوحدها وش بتسوي لو راحت بيتها الاول مره لانه غريب عليها وبيكنون لوحدهم بتروح معاهم |
رد: انا ولد واختي ملكتها اليوم
اقتباس:
انا بس مو متقبل الفكره والله عارف ان تفكيري غلط بس اختي واعرفها ما ودي تكون قدام شخص لحالها اقصد رجل غريب ودي اكون معها بعد العرس خلاص اسحب نفسي والله يوفقها وخواته الي معه اكيد بيتغطن مدري والله ومدري ليه نزلت موضوع لاكن والله مخي مقفل ومو عارف كيف اتصرف هل المفروض يخش لحاله طيب اقل شي اوقف وراه لين يلبسها الخاتم ويذلف مدري يعني امي وخواتي كافي بس برضو ما تجي طيب اقل شي اخلي ابوي يكون مكاني ينفع! او اخوي الاصغر مني اهم شي ما تكون لوحدها ايش المفروض يصير بضبط واتمنى تعذروني على التخبيص الي جالس اقوله لاكن والله مو عارف كيف امشي الامور وهم بيجبون العشى هل انا الي اكون المعزب ولا هم ولا ميين لحد يضحك على والله مو عارف افكر |
رد: انا ولد واختي ملكتها اليوم
هل تم عقد القران بينهما؟
|
رد: انا ولد واختي ملكتها اليوم
اليوم ان شاء الله بيجيبون الشيخ ويلبسها الدبله كل الي حاب اعرفه هل اوقف بجنب اختي وكيف اوقف معها وش افضل تصرف
|
رد: انا ولد واختي ملكتها اليوم
هدي شوي ولا تكون متشدد على اختك
ترى عادتنا مثل عاداتكم وانا فاهمة عليك بس الزمن تغير عن زمان اول الي البنت ماتشوف الزوج الا بعد العرس خلاص الكلام هذا انقرض حنى الان في عام 2018 كل كل شي تغير لاتوقف جنبها واتركهم يلبسو بعض الخاتم ويجلسو مع بعض شوي ترى هذا بالنسبة لهم فرحة العمر يعني لاتوقف لهم بالنص هههه الله يوفقهم ان شاء الله ويتمم عليهم بخير . |
رد: انا ولد واختي ملكتها اليوم
اقتباس:
اقتباس:
الله يسعدك شاكر ردك عارف والله انها فرحت عمرهم وانا ماني موقف بطريقها بل عكس كل الي ودي فيه اني اوقف بجنبها ما اقول الا الله يتمم على خير ويوفقهم بسحب نفسي والي الله كاتب بيصير |
رد: انا ولد واختي ملكتها اليوم
اجل خلاص اذا جيت تعرس ان شاء الله . لا تشوف حرمتك ولا تلبسها الخاتم ولا تروح تزورهم ولا تشوفها ولا شي. فقط تشوفها يوم تاخذها من العرس والله يوفقك.
|
رد: انا ولد واختي ملكتها اليوم
عادي ترا زوجته وحلاله ممكن بكون معاك بخصوص الخرجات بس اكيد ماني معاك بخصوص الزيارات وانه يجلسون مع بعض لحالهم ،، الله يوفقها ويتمم لها على خير
|
رد: انا ولد واختي ملكتها اليوم
مكبر الموضوع الله يهديك ومحسسنا انها بتجلس مع شخص غريب ..
هو مجرد ما تم عقد القرآن اصبحت زوجته وعرضه وبيخاف عليها انت مكبر الموضوع وغير انك مكبر الموضوع نسيت انها فرحه وايام لاتنسي بنسبه لهم ووجودك غلط لاتفرض نفسك نصيحه |
رد: انا ولد واختي ملكتها اليوم
العادات تختلف من عائلة لعائلة احنا ماعندنا لبس دبله
اوشبكة برغم ان فيه عوائل ثانيه يسونها بيت عن بيت غير اطلع على الفتوى راح تفيدك بخصوص دبلة الخطوبه حكم لبس دبلة الخطوبة من غير اعتقاد فيها https://islamqa.info/ar/113758 |
رد: انا ولد واختي ملكتها اليوم
ادخل معه وش المشكله وصور معهم
فيه اخوان حتى بزفه اختهم يدخل معها لكن حط ببالك ان خواته واهله يمكن يبغون يصورون معاه وانت واقف كيف بيشيلون غطاهم الله يوفق اختك |
رد: انا ولد واختي ملكتها اليوم
حاسه بالشعور
لكن خلاص اطلع من هالافكار ومب لازم تكون معهم عشان التصوير نحن ما معنا هالعادة الا بيوم العرس اذكر بعرس اختي بيوم زفتها عشان زوجها يدخل ويجلس جنبها اخوي يعصب مايبيه حتى يكلمها في الكوشه عقول بشر سبحان الله ، ترى اذا وقفت ضد اشياء هي تحبها وتتمنها ما راح تنساها لك فخف عليها نصيحة من اخت |
| الساعة الآن 03:00 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©