شريت سير كهربائي أخيرا و لكن !
 

السلام عليكم
ماكنت مقتنعة بالسير
لكن اضطريت لان رياضتي لازم اسوي كارديو ساعه باليوم
بالمناسبة معلومة على الطاير
يمدحون الركض على الريق بعد الاستيقاظ لمدة ساعه للتنحيف
او نص ساعه ، و نص ساعة في وقت ثاني
المشكلة اني من ثالث دقيقة امل و ماتجي 10 دقايق الا و طفشانه
لازم تمشين دقيقة و تركضين دقيقتين عشان تحرقين اكثر 😭وهذا اصعب مافي الموضوع ☹😩
ابي خلطة تصبرني و تقضي على الملل 😥😬

رد: شريت سير كهربائي أخيرا و ل
 

لما تركضين دقيقتين و تمشين دقيقة وحدة
راح تصير نبضات القلب بين انخفاض و ارتفاع و هذا اللي يزيد معدل الحرق و الله اعلم
لما تتمرنين على الريق ( كارديو فقط) يقولون يحرق من دهون الجسم هالنقطة عليها اختلاف

رد: شريت سير كهربائي أخيرا و ل
 

انا اشتركت في صاله رياضيه
بس ماقدر اروح الصبح اروح مساء
جهاز سير مفيد جدا بس حسيته سبب لي ترهل ^^
امكن انا استعجلت احكم وكذلك انا ما التزم بجدول غذائي
واذا كنتي قصدك مليتي من السير اقترح لك تحطي سماعات
تسمعي اذاعه او اي شي تحبيه ... موفقه^^
ما نحب الرياضه بس النفسيه لازم تتريض شوي عشان تتعدل

رد: شريت سير كهربائي أخيرا و ل
 

انا قريت ان التمارين الهوائية مثل السير تسبب ترهل بعد مدة
فيجب ان تبدأيها مع حمل الاثقال
ايضا لازم تاكلين نظام غذائي متوازن ولا تجوعين نفسك
عشان الترهل

رد: شريت سير كهربائي أخيرا و ل
 

يبي لي اسمع قصة تحمس بس مثل ايش

رد: شريت سير كهربائي أخيرا و ل
 

ليش ما تسمعي اذاعه ؟؟ او اناشيد ^^ واذا ما تسمعي اناشيد حطي سورة البقره او ادعيه واذكار وامشي 15 دقيقه في اليوم وبعدها زيدي

رد: شريت سير كهربائي أخيرا و ل
 

احس ملل اسمع اناشيد مكررة ،، لازم شي يقضي الوقت
عشان نستمر
ماعرف احد شخصيا مستمر دايما
الا الاجانب 😅

رد: شريت سير كهربائي أخيرا و ل
 

طيب يا اختي حقولك
لما اشتريت الجهاز اول الامر كنت مداومة عليه
لكن مع الوقت وضيق الوقت لم اعد كالسابق


ومن بعدها دخلته الصالة و صرت اقابل التلفاز ومشى الحال
والان صار علاقة ملابس زوجي انزعهم وهو يردهم ويقول نستفيد منه او ابيعه وانا اقول ما تبيعه انه لي مو لك


جربت كل شي رياضة في قاعة في البيت لم اجد كالمشي في الهواء الطلق
يا رب سهل وارجع

ضعي لك برنامج يومي وتقيدي به
مثلا بعد ارسالك اولادك للمدرسة امشي على حسب مقدرتك وزيدي الوقت بالتدريج
وقوي ارادتك

رد: شريت سير كهربائي أخيرا و ل
 

انا رياضي من عام 2007 واقولكم على حسب خبرتي.. وراح اجاوب على الاخت الي قالت يسبب ترهلات وايش سبب الترهلات .

1- الملل من الاجهزة المنزلية لا بد منه !!! ما ينفع لحالك الا مع احد معك يعني لو سيرين ومعك زوجك !! واعرف ان هذا من المستحيلات!!

طريقة اخرى هو شراء دراجة هوائية عادية طبعا عارف انو لا يمكنك قيادة الدراجة الهوائية في الشارع لأنك انثى !! لكن يمكنك قيادتها بالبيت باستخدام جهاز التدريب المنزلي ! bicycle home trainer

اشتري دراجة عادية رخيصة . واشتري هوم ترينر عادي سعره يجي حول 1000 ريال . دوري على النوع الذكي الي يربط على الجوال.


لأنو فيه برامج على الجوال تصير في فيديو انتي على دراجة وصاحباتك الي عندهم مثلك تقدرون تجتمعون على البرنامج وتشوفون بعض وتتمرنو وتسابقون بعض وكذا . بس كل وحدة في بيتها . ابحثي عن حاجة اسمها zwift group riding باليوتيوب وهذول الي تشوفينهم كل واحد في بيته !!

طبعا حاجة مثل كذا اعرف صعبة ومكلفة لكن لو تحسبين سعر السير العالي الجودة كم سعره! وكم سعر دراجة كويسة مستعملة مع جهاز التدريب المنزلي! تلاقين نفسها !


بالنسبة الى الترهلات !


الترهلات هو الجلد الزائد الي يبقى بعد النحف ! طبعا الدهون تكون ممدة الجلد وبعد ذهاب الدهون تبقى الترهلات !

بالنسبة للترهلات هل تروح او لا ! هذا يعتمد على مؤشر كتلة الجسم ..BMI وحدة كان المؤشر حقها 40 واقل ممكن تروح بسهول بدون مشاكل !

لكن وحدة المؤشر حقها فوق 60 مثلا ما يروح لازم لها جراحة !


طبعا الطريقة الي تروح فيها الترهلات هي بناء العضلات عشان تشد الجلد . يعني مثلا الجلد على البطن المترهل . لو تكبر عضلات الصدر راح تشد الجلد ومع تكبير عضلات البطن راح تخف الترهلات وقد تختفي .


والجلد الزائد الي يكون خلف الذراع عند عضلة التراي. لو تكبر عضلة الباي راح تشد الجلد بالتلي يروح الترهل ! وهذا هي ..

هذي الطريقة الي تروح فيها الترهلات . الاثقال ما تشد الجلد ! انما تكبير العضلات هو الي يشد الجلد ! اضافة الى انو النظام الغذائي مهم عشان تكبير العضلات . بدون نظام عالي البروتين العضلات ماراح تكبر . خصوصا لذلك وجب الانتباه للي يلعب تمارين اوزان مع تمارين تخفيف الوزن .

الافضل هو اخبار مختص غذائي عن نظام التمرين الي تتبعه وهو الي يعطيك ايش تاكل .

رد: شريت سير كهربائي أخيرا و ل
 

تدرين هو لو على المشي كان ارحم
يعني مشكلتي لازم ركض سريع ثم اهدي 😑 وهكذا لمدة نصف ساعه
دقيقة الركض تمر علي كأنها ساعه😂😂

رد: شريت سير كهربائي أخيرا و ل
 

ترى ضحكت على السالفة قبل تسوين التعديل 😂ما يسوى عليك الاندماج

رد: شريت سير كهربائي أخيرا و ل
 

ابشركم مرت النص ساعة ببطء شديد
و ما بين ركض و مشي الواحد بيطلع هالك هالك
لكن بصراحة حسيت بالانجاز ،، لكن هل بستمر هنا السؤال
تمارين الاوزان الى الان ما فضيت لها يبي لها وقت هي الثانية وفوق هذا يبي لي سير بعد الاوزان مباشرة لمدة نص ساعه ثانية 🤕
غير تمارين الاستطالة و الاحماء
يعني وقت وقت

رد: شريت سير كهربائي أخيرا و ل
 

جميل جدا انك تعرفي تمارين الاستطالة والاحماء .. والتي يغفل عنها الكثير ولا يعتبرها مهمة.. ولا تنسين اذا ارتفعت لياقتك.. وصرتي تجرين مسافة طويلة اوتقومي بمجهود عالي لفترة طويلة قبل التوقف لابد من تمارين التبريد cool down exercise عشان الاحماض الي متجمعة بالعضلات تروح من العضلات لأن بقائها يعني الالم العضلي في الايام القادمة..

رد: شريت سير كهربائي أخيرا و ل
 

ايه تمارين الاستطالة لازم قبل تمرين المقاومة و بعده
يعني ياليل ما اطولك يبغا لها طولة بال ووقت

رد: شريت سير كهربائي أخيرا و ل
 

طيب ياليت تكتبين مواضيع عن الرياضة في المنزل. بما انك انثى مثل الكثير من ربات البيوت .

يعني تعرفين ايش الي يقدرون عليه وكذا. عشان يستفيدو منك . الكثير من ربات البيوت للاسف لا رياضة ولا شي. يعني لو فيه شي يوجههم يستفيدون منه . عشان صحتهم وعشان يحاربون السمنة المنتشرة للاسف بين النساء بشكل رهيب نظرا للثقافة السائدة والعادات الغذائية الخاطئة .


يعني مثلا تمارين الاحماء والاطالة . لا يعرفوها . بالتالي لو فكرت وحدة تعمل رياضة تجهد نفسها وتلاقي نفسها عندها الام بالعضلات ولا قادرة تكمل . وتترك التمرين . والسبب ان بدايتها خاطئة ولا تمرنت بطريقة صحيحة .

رد: شريت سير كهربائي أخيرا و ل
 

يا اخ الدكتور لو تفيدنا
لاني اعتقد ان
الام العضلات او ما يعرف ب
les courbatures
لا بد منها بعد الانقطاع عن الرياضة لمدة وتختفي بعد ذلك
وطبعا مع تمارين الاحماء و الاستطالة وحتى مع مدربة
حتى اضطر مرات لاخذ الباراسيتامول

رد: شريت سير كهربائي أخيرا و ل
 

ان شاء الله بفتح موضوع فيما بعد

رد: شريت سير كهربائي أخيرا و ل
 

المشكلة
غذاءنا الحالي سعراته عالية
بالاضافة لاطباق الكعك و الحلويات و الايس كريم
نعمة توفر و تنوع الطعام نسأل الله ان يديمها من نعمه
بالمقابل
توفر الاجهزة التي تختصر المجهود كالغسالة والمكنسة الكهربائية
انعدام المشي بسبب توفر السيارات
اصبح من الضرورة الاستعاضة عن هذا كله بالرياضة
لكن يبقى التطبيق هو الاصعب

رد: شريت سير كهربائي أخيرا و ل
 

ومن المصائب . المكسرات الي طايحين فيها وهم على التلفزيون .

طبعا لا يعرفون ان مثلا 100 جرام من بذور دوار الشمس . كانك ماكلة برجر كامل من مكدونالدز.

السعرات الحارارية بالمكسرات عالية مرة . والكثير من النساء تأكلها للتسلية وهذي مرة ترفع الوزن وخصوصا انها تاكلها على فترات طويلة . بالتالي ما تشبع ابدا. وتاكل اكبر كمية ممكنة.

رد: شريت سير كهربائي أخيرا و ل
 

أهم شي ضبط كمية الطعام.وحسب تجربتي افضل شي ما اجلس آكل مع العيال لأنه الواحد ينسى نفسه مع الناس والكلام...آكل ما قررت أكله حسب الي النظام الي امشي عليه..وماشاء الله النت ما خلى شي...فيه نظام عالفيس بوك اسمه ( رجيمك مع فاتن صح) عجبني ونزل وزني عليه...أما الرياضة فموجود نساء عربيات يمارسون الرياضة في البيت (طبعا ما يجوز الرجال يشاهدونه)عاليوتيوب ..رياضة شد البطن مثلا..وتبين طريقة الاحماء وهكذا..امشي معاها وحدة وحدة

رد: شريت سير كهربائي أخيرا و ل
 

ومشينا على السير ،، أسال الله ان ينفع به
واني ما امل
ماهي الاسباب التي تجعل من الغرب مستمر مدى الحياة
اما نحن فلا 😅 عزيمتنا تفتر بسرعة. الحماس بالبداية فقط

رد: شريت سير كهربائي أخيرا و ل
 

الله يقويك
ليس الغرب فقط يا استنكار
هل تعلمين ان التعود على الرياضة تصير ادمان
وهذه شفتها في القاعة التي كنت امارس فيها
اعمل لشهور وانقطع لظروف قاطعة الشغل والاولاد الله غالب لولا الظروف لما توقفت

لكن شفت نساء منذ ان دخلت اول يوم وهم هناك وكلما عدت وجدتهم ومنهم كبيرات في السن ونحيفات وتقول ما اقدر اغيب صارت تمشي لي في الدم

عودي نفسك وما تقدري تتخلي عنها

رد: شريت سير كهربائي أخيرا و ل
 

اقصد ظروف قاهرة

رد: شريت سير كهربائي أخيرا و ل
 

سبحان الله
اجل الصعوبة فقط في البدايات
من ناحية ادمان صادقة احسها كذا👌🏻

رد: شريت سير كهربائي أخيرا و ل
 

صح في ظروف قاهرة خصوصا انكم نساء يعني مو اي وقت تقدرون تطلعون وتمارسون الرياض.

الرجال مثلا. عادي لو يطلع الساعة 2 بالليل ويجري في مضمار ولا احد لمه .خصوصا الحين صار فيه مسارات خاصة للجري وفيها ارضية مطاطية تكرمت امانات المدن بتركيبها للعامة مشكورة.

لكن النساء يقدرون يلتفون على المعوقات . مثلا الرياضة بالبيت . او الرياضة الجماعية يعني الانترنت سهل علينا اشياء كثيرة.


على طاري السير فيه تطبيق zwift فيه مود الجري. لو تشتري الحساس حق الجري الي تربطيه بالحذاء او اذا السير فيه تقنية ANT+ او البلوتوث . تربطيه بالايفون او الاندرويد ويصير تجرين مع غيرك وتدخلين جروبات وتتشاركون التمرين . مرة يغير الجو . وتحديات تخليك تكسيرين الروتين والملل.

رد: شريت سير كهربائي أخيرا و ل
 

اتمنى تكون هالتقنية في السير
بس ماتوقع , مرة حلوة
حاليا اعتمد على المسلسلات مع ان ما احب المتابعه ،، لكن اعتقد الصعوبة في البدايات فقط وبعد اكتساب اللياقة يهون الامر ان شاء الله

رد: شريت سير كهربائي أخيرا و ل
 

انا الحمدلله صار لي فترة طويله اسوي رياضة
اللحين ما اقدر اقطعها لاني وصلت لهدفي و لا ابي اخسر تعبي
ترى طبيعي يمر ايام مالي نفس لكن اضغط على نفسي و اكمل
واهم شيء انك تصلحين الرياضة اللي ما تملين فيها
انا مثلا ما احب السير احب التمارين اللي بدون اجهزة عشان كذا قدرت استمر وبعض الاحيان اغير و استخدم السير و الاوربتراك

رد: شريت سير كهربائي أخيرا و ل
 

اكيد دامك اكتسبتي اللياقة لازم تستمرين
كل شيء في هذي الدنيا يتطلب منا الاستمرار و المداومة سبحان الله
ميزة السير سهولة استخدامه

رد: شريت سير كهربائي أخيرا و ل
 

الرياضة بجميع انواعها مفيدة
اهم شيء المواظبه عليها