|
زوجي يحرمني من اهلي !!!
السلام عليكم ..
بداية احب اوضح لكم كل شي بالتفصيل .... انا ماني متعوده عالجلسه بالبيت فتره طويله يعني عند اهلي كنت بالاسبوع الواحد اطلع للسوق و لبيت اخوي وبيت اختي و يجوننا ضيوف وكل شهر نطلع مكان عام انا و خواتي و كذا يعني مايمر يومين بدون طلعه او بدون ماحد يجينا .. ولما خطبني وملكنا الحمدلله انه هو من عمامي وماكنت ادل بيتهم لان ماعرفته الا وقت خطبني و عرفت ان بيتهم قريب وفرحت حيل .. ولما كنا نتواصل ايام الملكه قلت له اخاف ماتجيبني لهلي << لان الناس نصحوني ما اوافق قالوا يمنعون حريمهم من زيارة اهلهم >> وقلت الناس قالوا كذا قال لا لان حريم اخواني اهاليهم خارج الرياض ومع هذا يروحون لهلهم بالمناسبات و بالظروف وكذا .. اما انتي اهلك مقطع سناب < يقصد عشر ثواني و اني عندهم > وقال متى مابغيتي اوديك .. المهم تزوجنا وفعلا كنت كل ماطلع يوديني وبعدها صار يوم اي و يوم لا و شوي شوي 3 ايام بالاسبوع .. وانا ما انكر ان صرت انشغل مع بنتي واتعب من الطلعه .. هو قال لي اوديك لهم خميس وجمعه << قبل كان يخليني من الخميس للسبت عندهم صار يمنعني انام عندهم خاصه اني حامل وبنتي صغيره ومتعبتني احتاج راحه .. المهم وافقت ع نظامه بس مرات تصير ظروف عند اهلي بنص الاسبوع ومرات خواتي يجتمعون وكذا يرفض يوديني يقول اصبري للخميس ! المهم هو هالفتره حيل مشغول دوام و دراسه و عند اهله او عند ربعه يعني مايجي للبيت الا يبدل او يتسبح او ينام .. حتى اكل ياكل برا .. المهم انا طقت روحي من هالوضع وتعبت ماعندي الا بنتي و كل وقتنا بالغرفه.. وانا ماعندي صديقات ولا عندي احد اسولف معه ولما اقوله ودني لهلي قبل تروح للدوام < لان طريقه من عند اهلي يقول لا مافي ويروح .. ويصور لي سنابه بيت اهلي يعني شوفي مريت من هنا .. طيب انا وش ذنبي انحبس طوووووال الاسبوع .. ومقدر اروح لهله ماتونس عندهم.. ومرات اخوي او ولد اخوي يقولون نجي ناخذك ونرجعك يعني مقدرين وضعه لان اقولهم مايقدر وطريقه غير والخ اكون اكذب .. ولما اقوله اروح مع اخوي ؟ يقول لا .. لييييييه طيب ؟؟؟؟؟ .. والحين افكر اترك له البيت .. يجي من الدوام مايلقاني .. وش انا مستفيده من القعده هنا تعبت والله .. من اجي من اهلي الجمعه اجلس احسب متى يجي الخميس الجاي و احس بككككل ثانيه تمر كنها سنه .. طفشت زهقتتتتتتتت ومادري وش الحل .. ابي اتحرر من هالسجننننن ابي اعططططيه درسسسسس.. ادري بعضكم بيقول هذا الصح كل اسبوع واحمدي ربك يوديك خميس وجمعه .. بس ماحد حااااس فيني خاصه لما قربت ولادتي مع ان توني اول السابع بس خايفه امر بفترة اكتئاب ابي ناس وجمعات و طلعات ابي اعطيه درس و ارجعه مثل اول ومادري صح قراري والا لا |
رد: زوجي يحرمني من اهلي !!!
مرحباً أختي
إيش الكلام الفاضي إللي قاعده تقوليه أبعطيه درس .. أفكر أترك له البيت درس على إيش وتتركي البيت ليه ..؟؟ وإيش يعني لو ماوداك لأهلك أسبوع أو أكثر خصوصاً وأنك تقولي أنه مشغول .. وحتى لو هو مو مشغول وقالك لا ماني مودي الأسبوع هذا خلاص بتعطيه درس وتفكري تتركي البيت ..!! فيه طرق تستطيعي أن تخلي زوجك يوديك لأهلك بالدلع والحنان وتوصيل مشاعرك أنك طفشانة ومابتتأخرين وبترجعين بسرعة وأنك محتاجة لتغير الجو وأنه يأثر على نفسيتك وأنتِ حامل وأنك مقدرة تعبه وإنشغاله وكرري عليه كم مرة وهكذا .. وإذا برضه مارضي فتحملي وأخري روحتك لأهلك لوقت ثاني ماهي مشكلة أما نفسيتك وتعبك وطفشك في البيت لوحدك فهذا أمر يحصل لكثير من النساء المتزوجات وليس مستغرب أعانك الله |
رد: زوجي يحرمني من اهلي !!!
اختي لا تعتبرين هذا الموضوع مشكله كبيره وتسوين مشكله بينج وبين ريلج عشان هالشي
أحس والله أعلم ريلج عنيد يعني هو يقدر يوديج لاهلج وياخذج لما يخلص شغله بس السالفه سالفة عناد خاصة لما صور لج سناب شو يعني هذه الحركه او انه اخوانه كلموه او حد قال له لا توديها دايماً ومن هالكلام مب قصدي افتري على حد لكن اقول يمكن وفي وايد احتمالات او يمكن شاف انج تنشغلين عنه لما تروحين بيت اهلج المهم اختي بالكلمه الطيبه واللين ان شاء الله تكسبين اللي تبينه لا اتمين تحنين وتطلبين منه دايما يوديج بيت اهلج ليش ماتكونين صداقه مع حريم حميانج ( اخوان ريلج ) وتقعدين مع ام ريلج وممكن تطلعون مع بعض او القعده والوناسه مع بعض ولو عندج قسم خاص في بيت اهل ريلج ليش ماتخلين امج وخواتج او حد من اهلج يزورج وجربي تربطين زيارتج لاهلج بموضوع معين مثلاً اذا بنتج ماعندها احد يلعب وياها وبيت اهلج عندهم ياهال قولي حرام تمل وتستوحش وهناك تستانس مع الياهال ولاتبينين لريلج انج متعلقه في اهلج اكثر منه يعني بيني الموضوع عادي ولا تنفعلين مثلا قولي انا وامي وخواتي نحفظ قرآن على وسط الاسبوع ونتيمع ونراجع حفظنا مع بعض وفعلاً طبقوا هذا الشي المهم طلعي سبب ومايكون جذب في رياييل سبحان الله يرتاحون لما يشوفون حريمهم بالبيت وهذا طبع الريال وحسب البيئه واللي تربى عليه |
رد: زوجي يحرمني من اهلي !!!
ابي اعطيه درس و ارجعه مثل اول هل أنت ضامنة أنّ الدرس سيكون لزوجك, ويفيدك؟ الخوف هو أنّه زوجك هو اللي يعطيك أنت درسا ويخلّيك تبقي في بيت أهلك مثل أوّل,,, اجلس احسب متى يجي الخميس الجاي و احس بككككل ثانيه تمر كنها سنه هذا هو مكمن المشكلة أنّك رابطة راحتك بزيارة أهلك, فطبيعي أنّك تحسي الوقت طويل لو شغلت نفسك راح يمرّ الوقت ولا تنتبهي له إلّا والخميس وصل عموما ليس بهذا الأسلوب تصلي لمرادك فكلّما أظهرت تعلّقك بأهلك أكثر كلّما سعى زوجك لكسر هذا الإرتباط الرجل يفترض أنّ البنت تستقل شيئا فشيئا عن أهلها مع مرور الوقت وهذا هو الذي يحدث لجل الزوجات مع انشغالهن بالبيت والأطفال فحاولي أنت تفكي قليلا من ارتباطك ببيت أهلك وحاولي مع زوجك بالحسنى تحافظي على بعض منه للحدّ الذي يذهب عنك الملل, ولا تفكّري أنّ كل شيء سيكون أو يجب أن يكون مثل ما تريدين, |
رد: زوجي يحرمني من اهلي !!!
حاولي ان تهدأي اختي
...... |
رد: زوجي يحرمني من اهلي !!!
كل ما طق عود بعود قلتي اترك البيت
أخاف يجي يوم ويتعذرك البيت |
رد: زوجي يحرمني من اهلي !!!
المفروض ان زوجك وبنتك هم اهلك ..والمفروض ان اذا صرتي عند اهلك تعديني الثواني كنها سنه حتى ترجعي لزوجك مو العكس ...
هي وحده من ثنتين ياانك مقصرة في زوجك ويحب يعاندك ... او انه يحبك كثيى ويغار من حبك لاهله اكثر منه .... عالجي اساس المشكله وخلك من القشور |
رد: زوجي يحرمني من اهلي !!!
السلام عليكم ,, الأخت الكريمة ,, هل ستتركينَ له البيت مع الطفلة أو بدونها ؟؟ هل أنتِ مدركة أنه في سن الثامنة سيأخذها منكِ ؟؟ وأنتِ تعلمين إلى أي مدى ذلك القلب الذي بين جانبيك لا يتنفسُ بدونها !! أعتقد أن موضوعك أعلاه مبني على أسباب غير التي ذكرتيها ( أنه يمنعني من الذهاب لأهلي ) ,, هناك أمور عالقة بينكم ,, والتشخيص الصحيح هو أول طريق للحل السليم ,, أنتِ امرأة طيبة ,, أنا أثق بك ,, ستجدين حلاً ,, ,, |
رد: زوجي يحرمني من اهلي !!!
الله يهديه يارب، هدي نفسك ولا تطلبين طلعات هالفترة عشان ما يعاندك.
بعدين فكري تنظمين وقت العائلة وتصيرون تطلعون سوا تتنزهون. وتحددون وقت للزيارات العائلية. ووقت للزيارات المفاجئة مثل حفلات أو ولادة أو أي شيء. |
رد: زوجي يحرمني من اهلي !!!
أولاَ موضوع أنك كل ماطق عودن عود رحتي لأهلك هذي مو حياة زوجية وهذا أقرب إلى الدلع والاستهتار، والحياة الزوجية لاتقوم على الهروب من البيت إلى بيت أهلك.
ثانياً/ اكاد أجزم أن زوجك أصبح ينظر إليك أنك صرتي تملين منه ولا تبينه وتفضلين بيتكم وأهله عليه، وهذا طبعاً شعور قاتل للرجل حينما يتزوج إمرأة جسدها عنده وقلبها عند أهلها، لذلك أصبح يرى أن أهلك منافسين له، وبالتالي ربما يكرههم، وكنتيجة يراهم منافسين له عليك، وطبيعي أن ينتقل الأمر إلى رفض، وهذا موقف طبيعي من زوجك ثالثاً/ نصيحة ياختي أركدي واهتمي بزوجك ومملكتك وانسي أهلك، لأهلك عليك حق لكن زوجك أولى وأعطيه كل الاهتمام وخليه بطرق مختلفة يبقى جنبك ويمضي وقت أكثر معك. |
رد: زوجي يحرمني من اهلي !!!
ليش كلكم حاطينها انها غلطانه ترى فعلا بيت اهلي عني ثواني وهو يطلع ما يجلس عندي ومايبغاني اروح لهم انا ما اقول عبوا راسها وتخرب بيتها بس لا تحطوها غلطانه
اصبري واشغلي وقتك واتفقي معاه لو ثلاث ايام بالاسبوع او اربع ايام لساعات وبدون مبيت عندهم ليش تنامين عندهم وبيتك قريب الوحدة من تتزوج راحتها ببيتها وتحايلي عليه وديني واخوي بيرجعني واذا رجعت بعطيك خبر وقوليله بكره لاصار عندي عيال مابلاقي وقت اروح لهم بس اللحين اطفش الله يعينك |
رد: زوجي يحرمني من اهلي !!!
سبحان الله!
كله كوم والعنوان كوم! ;) والله يا روح عندي كلام كثير .. ولكن بصراحة لا جدوى منه معكِ. يكفي فقط أن أذكركِ بأنكِ وعدتِ في يوم من الأيام أن (تكبّري عقلكِ) .. ولكن الواضح أنكِ لا تستطعين هذا! على كل حال .. أكملي مسلسل الدلع واتركي بيتكِ واذهبي إلى بيت أهلكِ يا عزيزتي .. ثم تعالي وأخبرينا من منكما تعلم الدرس. |
رد: زوجي يحرمني من اهلي !!!
لا تستغربون من العينة هذه، هي عينة كثير من بنات الجيل اللي لم يفهمن معنى أن تكون إمرأة متزوجة، وسبق وأن كتبت مواضيع كثيرة تحذر من أن مستقبل الزواج مع الجيل الحالي هو الموت، ومن الصعوبة أن ينجح الزواج في مجتمعنا في ظل هذه الظاهرة المنتشرة والتي لاتفقه معنى الحياة الزوجية ومعنى أن تكون زوجة!
حياة الدلع والترفيه واللامسؤولية نتائجها كارثية على الأسرة وعلى البنت وعلى المجتمع والضحية هو الزوج المسكين! |
رد: زوجي يحرمني من اهلي !!!
اللي فهمته منك انك تروحين يومين بالاسبوع الخميس والجمعه .. ماحرمك منهم !
|
رد: زوجي يحرمني من اهلي !!!
اقتباس:
وان فكرنا ننصح او نعطي ارائنا نبين الغلط او نحدد المشكله اللي لازم نتحل اتهمنا بتمادى ع غيرنا ، صرنا نفضل نتفرج ونسكت ونترقب النتائج المتوقعه |
رد: زوجي يحرمني من اهلي !!!
تمزحين طبعاً يا روح!
|
رد: زوجي يحرمني من اهلي !!!
لاحووول .. ليش محد حاس فيني ؟؟ ماعدا ورده بس فهمت علي ..
راح ارد عالكل بس بدون اقتباسات .. انا ما اترك بيتي الا لسبب بس مو على أي شي .. ومافيها شي اذا طلبته ينزلني عند اهلي وهو طالع ولما يرجع يجيبني يعني ماراح يتأخر على دوامه اكون جاهزه و انزل قبله بعد عشان مايتأخر .. ابي اكون مثل خواتي .. يعني اختي ماخذه ولد عمي بعد وبيتها قريب لي لكن انا اقرب منها لهلي ومع هذا كل ماقالت لزوجها ودني او بروح لهلي قال تجهزي وهي عندها 3 اطفال وحامل .. و اذا كانت تبي تروح مع اختي للسوق او مكان عام عادي يسمح لها سواء مع سايق او مع اخوي او معه هو .. زوجي صاير يمنعني حتى من المناسبات وكذا مره تصير عندنا مناسبه واقول له بحظر ويرفض لييييه مادري !! مع ان هو يكون رايح يحظر واهله و اهلي الكل يحظر .. المهم نرجع لموضوعنا .. زوجي مرات ماينفع معه الا العصبيه والتطنقر .. وغالبا ينفع معاه الدلع و التميع عنده وتصير علاقه وبعدها اطلب اللي ابي .. بس انا مستانسه انه هالفتره مشغول مابي اتقرب منه لان العلاقه تأذيني هالفتره مع الحمل .. اهله .. البيت الكبير ماتونس فيه لان العيال رايحين جايين و لان البنات يدخلن داخل بس يقهوني ويروحن وحتى بالعيد ماشفت احد منهم و اذا البنات المتزوجات هنا هم يجلسون عندي .. ويتناوبون يافلانه تعالي اجلسي عند فلانه انا بدخل و الخ .. حريم اخوانه اتونس عندهم حيييييل بس ماقدر اكثر زياره لهم ولا اقدر احتك فيهم لان جربت قبببل وصارت لي مشاكل .. كثير نصحوني ماروح لهم ولا اعطيهم وجه بس انا غبيه وثقت الى ان وحده منهم قرصتني وسببت لي مشكله كبيرررررره مع عمامي و زوجي بالغصب حليتها ومنها بعدت عنهم وصرت رسميه مع الكل .. اللي يقهرني انه مشغول و وقت فراغه يكون عند اهله وانا مايعطيني من وقته شي و اذا عطاني يكون ليلة الجمعه .. واللي يقول يمكن مقصره معه .. ماني مقصره معه بشي قايمه بكل شي ومايقدر يمسك علي ممسك .. قبل كنت اشغل نفسي ايام الاسبوع اذا ماوداني .. كل يوم اطلع لي شغله بالبيت مره ارتب مواعين مره الملابس مره التسريحه ومره غرفة العفش و على هالحال .. بس الحين ماعادددد اقدر لان بديت اثقل مع الحمل وصلت السابع وبنتي ماشاء الله عليها مو مقصره بتعذيبي عمرها 9 شهور ونص وماتركد ابد حتى وانا ماسكتها بحضني تتحرك تبي تنطلق ولما اتركها بالارض بس اقلبها وتعور نفسها وكل وقتي ركض وراها و اتعب حيل معها قبل فتره جاني نزيف بسببها و وصلت لمرحله ان خلاص راح اجهض بس الحمدلله ربي ستر .. والحين كل وقتي معاها بالغرفه حتى هي طفشت مابي اخليها 24 ساعه على طيور الجنه عشان ماتنهبل احاول الاعبها اخليها تحوس و تستكشف و تسوي اللي تبي و اذا رحت لهلي هناك تلعب وتستانس حتى نوم ماتنام من الوناسه .. وجربت قلت لابوها البنت ملت لحالها ومزاجها تعكر < فعلا صارت تصيح بدون سبب > فجأه وهو جاي من الدوام جايب لي 3 من عيال اخوه هههههههههه فااااهم غلططططط مابيهم لانهم أذيه مايلاعبون بنتي بس ياخذون العابها ويلعبون هم ويحوسون ويكسرون و والخ .. احاول اقول بصير راعية بيت و اطلع بس اخر الاسبوع وكذا بس والله انقهر لما خواتي يجون من كل مكان يعني وحده بيتهم بالسياره نص ساعه ومع هذا تجي امي متى مابغت وانا امي قررررريبه لي وماروح لها .. والمشكله ان ما اخلي له عذر اقول له اروح مع اخوي لما تداوم وبس اتقهوى عند اهلي ساعه وكذا وارجع يقول لا .. ويقول لي انا هذا بيصير مبدأي تروحين لهلك خميس وجمعه وبس اما باقي الايام تروحين للظروف الطارئه .. وماعندي صديقات اكلمهم و اتونس معهم وماحس بالوقت .. وخواتي من يسكتوووون بالقروب ادري انههم مجتمعات ولا كل وحده طالعه مكان .. مجرد فضفضه اخرى ومن وصلت الشهر السابع وصلت للهم والنكد .. لان ولادتي الاولى كانت صعبه وتجربه قاسيه وبعد الولاده دخلت بحاله نفسيه قويه صرت احلم و اصحى اصرخ ومن اصحى ابكي واقول لامي مابي احمل مره ثانيه المهم بعد الاربعين زوجي رفض اخذ مانع و قدر الله ان احمل ولما عرفت زعلت وابي اجهضه لان كان لسا هرمون مدري كيس بدون جنين المهم كشفته وهو توه وماحد خلاني اجهض الكل منع و يحدثون علي .. اول شهرين حمل كنت حيل افكر بالولاده و ابكي و ادعي وبعدها الحمدلله تأقلمت وصار غالي عندي وصرت اهتم فيه و اراجع بسسس من وصلت السابع !! خلاص ماباقي شي عالولاده رجعت احلم فيها و اصحى وانا ابكي .. عشان كذا محتاجه اطلع اغير جو ابي اتونس .. ومن مثر ما اقابل بنتي ولحالنا صرت اوسوس يمكن اموت الحين وبنتي تبقى لحالها ساعات طويله وماحد يدري عنها تعطش تجوع تطيح تتعور .. ومرات اقول يمكن اموت بالولاده وتعيش بنتي بعدي و و الخ .. يعني من الووووحده شوي و يطير عقلي والله .. الحين احس ارتحت لما فضفضت بس حبيت اقولكم بعد اني من امس ماكلمته ولا حطيت عيني بعينه بس جهزت له الفطور وملابسه وكل شي كالعاده لكن بدون ما اكلمه لان في شي بنفسي تجاهه بس مقدر اكلمه او اطالع له .. ولما جا جلس يرسلني هاتي كذا و سوي كذا و اسوي و لاحظ اني زعلانه قال ياحرررررام مافي طلعه ماطلعتي اليوم .. مارديت عليه ابد ولا طالعت له وهالتصرف غصب عني |
رد: زوجي يحرمني من اهلي !!!
طبعا اشك ان اهله قالوا امنعها و سو لها وقت محدد لان فجأه تغير .. وحتى طلعه معه من زمااان ماطلعنا قبل كنا كل شهر نطلع الحين مر شهرين ولا طلعت معه ومع هذا ساكته وصابره مابي هالطلعه مابي مطاعم و اسواق بس ابي اهلي اللي خطوتين عني ما اكلفه شي ابد خاصه انه مار من عندهم فيني و بدوووووني
|
رد: زوجي يحرمني من اهلي !!!
نظام خواتك مو معيار يجب أن يطبقه زوجك، مسألة أن الزوجة تروح لأهلها كم مرة بالاسبوع علشان خواتها يروحوا لأهلهم كلام مو معقول ولا منطقي.
زوجك له نظامه، ونظامه وأسلوبه هو الطبيعي، ونظام خواتك غير طبيعي، ولا يجب أن يكون زوجك نفس زوج أخواتك. أركدي ياختي وألزمي بيتك، وماراح تستقر حياتك حتى تكون بيتك وزوجك هم الأولوية فوق كل شي بما فيهم أهلك، صدقيني هذا المنهج هو نجاتك. |
رد: زوجي يحرمني من اهلي !!!
بحاول اتأقلم على هالنظام .. اليوم لما جا من الدوام تكلمنا وقلت له ماطلعنا و والخ قال انتي شايفه وقتي كله شغل ولما اكون تحت يكون في رجال والمفروض تقدريني دامك شايفه وضعي قلت وانت المفروض تقدرني و اهلي على طريقك قال انا مابي 24 ساعه وكل يوم ابيك مثل الكل بس بالاجازه وتناقشنا كثيررر بهدوء
|
رد: زوجي يحرمني من اهلي !!!
واضحه الفضاوه ههههههههههه أجل بتغطيته درس لانه ما يوديك شبه يوميا لأهلك
يا اختي لو تبحثين عن شغل لك في بيتك بتلقين .. وغير انك ثقيله وبتثقلين بعيد اكثر وانتي من نفسك مالك خلق تشوقلين هالبزران لأهلك يوميا قدري ظروف زوجك .. واطلبيه تروحين بهدوء.. اقتنع خير وبركه |
رد: زوجي يحرمني من اهلي !!!
[QUOTE=روح هادئه }~;3513633]لاحووول .. ليش محد حاس فيني ؟؟ ماعدا ورده بس فهمت علي .. .
ابي اكون مثل خواتي .. ابي يصير لي حياة مستقلة وأكون نفسي. (هذه العبارة افضل ) المهم نرجع لموضوعنا .. زوجي مرات ماينفع معه الا العصبيه والتطنقر .. وغالبا ينفع معاه الدلع و التميع عنده وتصير علاقه وبعدها اطلب اللي ابي .. بس انا مستانسه انه هالفتره مشغول مابي اتقرب منه لان العلاقه تأذيني هالفتره مع الحمل .. لا أرى أن هذا الكلام له علاقة بالموضوع الرئيسي ! انصحك بالقراءة عن ميكانزميات الدفاع او الحيل الدفاعية في علم النفس ومنها التبرير ، التحويل ، ...الخ فسوف تفيدك كثيرا اللي يقهرني انه مشغول و وقت فراغه يكون عند اهله وانا مايعطيني من وقته شي و اذا عطاني يكون ليلة الجمعه .. طيب ليش ما تشغلين وقت فراغك انتي بعد ! شوفي بالقراءة ، بالعلم الشرعي ، الكتب الاون لاين مليانة ، الرسم ، الخياطة . شوفي اَي هواية او اهتمامات تحبينها وسويها. ويقول لي انا هذا بيصير مبدأي تروحين لهلك خميس وجمعه وبس اما باقي الايام تروحين للظروف الطارئه .. كلام سليم وماعندي صديقات اكلمهم و اتونس معهم وماحس بالوقت .. وخواتي من يسكتوووون بالقروب ادري انههم مجتمعات ولا كل وحده طالعه مكان .. الأهل جزء من الشعور بالسعادة وليس محور الحياة كلامي سويت عليه خط ، الله يوفقك ويسهل لك ولادتك تقبلي مروري |
رد: زوجي يحرمني من اهلي !!!
شكلها جمعة خواتك حلوة مرة .. ما قد جربت لأن ما عندي خوات فما اقدر افتيك
بس اذا مرة الموضوع مأزمك ليش ما تخلين خواتك و امك يجتمعون عندك في بيتك؟ تحايلي على قراراته يعني .. بكذا تكونين ما خرجتي من بيتك و تونستي و شفتي اهلك و في نفس الوقت صعب يطلب منك تطردين ضيوفك ... |
رد: زوجي يحرمني من اهلي !!!
اهلي ماييرضون يجون الا امي مثلا تجي تطل علي نص ساعه كل فتررررره .. ومره جت اختي ساعه وراحت وكذا .. لان ساكنه فوق العيله اهلي يتحسسون من هالوضع ويقولون احراج ومدري ايش ..
مهما شغلت نفسي احس كل شي ممل .. وعلى فكره انا اشتغل بالنت عن بعد و شغلي ياخذ اغلب وقتي بس مع هذا اطفش اذا جلست ع نفس الشي لازم اطلع اغير جو .. يمكن اذا جبت الثاني راح يمتلي وقتي .. مع ان قلت لكم ان الطلعه الحين صعببببه بالنسبه لي اكره وقت ارجع عالبيت لان كل درجه اصعدها احس روحي تطلع وظهري و رجولي ومرات اكون شايله بنتي او اغراض وبيتي دور ثالث يعني النزله سهلللله بس الطلعه تطلع روحي مع الحمل و الشي المضحك ان لما ارجع من اهلي اوصل فوق بعد زوجي بدقاايق يكون واصل قبلي ومبدل ومنسدح ويلاعب بنته وانا اوصل كني عجوز النفس يضررررب و اجلس اتأفف و اه يارب اه مت اوف و والخ وهو يضحككك يقول احسسسن لاجيتي تبين تطلعييين تذكررري هاللحظه .. اقوله لا خلاص ماعااااد اطلع عشر ايام .. انام و اقعد على طول توديني لهلي ؟ يقول امس قلتي عشر ايام اقوله لا خلص ارتحت ههههههه بعدين ياجماعه والله هناك اول شي اشوف امي ثاني شي اسولف مع خواتي اشكي لهم اذا في شي و نسولف عن كلللل شي يعني بسرعه يمر الوقت ثالث شي و الاهم ان اكوووون مرتاحه من بنتي .. الكل يهتم فيها ويمسكها عني و اختي ترضعها وتغير لها وتلاعبها وانا مرتاحه بس اتقهوى و انسدح و ارتااااح يعني راحه نفسيه وجسديه .. اما ببيتي كل شي عكس حاولوا تفهموني .. مو دلع ولا شي بس شي يقهر ان اهلي جيراني وهو مايجي للبيت ومع هذا يمنعني .. انا صرت افرح لما يمنعني انام عندهم لان قال لي ماتونس لحالي وماحب اقوم الصبح ومالقاك ومن هالكلام عرفت انه تعلق فيني وصرت ما اطلبه انام الا اذا تعبانه حيل هو يقول لي روحي ارتاحي عند اهلك |
رد: زوجي يحرمني من اهلي !!!
اقتباس:
"بس اتقهوى و انسدح و ارتااااح؟" انتي ما تبين تتعبين و لو شوي؟ يختي قولي الحمد لله و اشكريه على نعمه اللي مو حاسة فيها.. مشكلتك انك فاضية و اتكالية و الواضح زوجك مو عاجبه هالشي .. بسألك الغسيل و الكوي و تنظيف البيت و باقي الاعمال من يسويها عنك؟ |
رد: زوجي يحرمني من اهلي !!!
آنه ضدج في مسألة انج تتركين البيت ...
لكن معاج في باقي الموضوع... بصراحة ما فيها شيء لو على طريقه خلاج في بيت اهلج حاسه فيچ .. بيني و بين اهلي ثلث ساعة بالسيارة إذا الشارع فاضي ونص ساعة تقريباً اذا زحمة لكن اغلب الاسبوع اروح من بعد صلاة المغرب للساعة 10 ونص اطلع من هناك أبداً ما فيها شيء دام بيت اهلج على طريقه.. |
رد: زوجي يحرمني من اهلي !!!
أعانك الله
صعب أحد منا يحس باللي فيك اللي احسه ان زوجك حطك بباله تمنيت هالوقت الفاضي معي أقضي فيه مشاغلي كالقراءة وترتيب حياتي افضل استماع حلقات وووو صراحة رحمت بنتك عانيت من هالشي مع بنتي طبعا في فرق بيننا ان اسكن بعيييييييييييييييييد عن أهلي واهله وجيراني ولدهم كبير بعمر 10 سنوات وبنتي بنت سنه وتمل كثثير قطعت قلبي المفروض يفكر ان بنتك لها حق في الترفيه الاطفال مايتحملوا خمس ايام ما يطلعوا وهذي عند تجربه لكن انت لو ما يطلعك نزلي بنتك عند أهله ناقشي الموضوع معه ترا فعلا ما فيها شي يوديك لبيت اهلك في طريقه وفترة الحمل صعبة على الحرمة نفسيا وجسديا تحتاج من ينفس عنها لاحظت العلاقة رسمية بينك وبين اخوات زوجك يتناوبون على الجلوس معك ببيتهم كأنك ضيفة ! أدخلي بينهم وشيلي هالحواجز |
رد: زوجي يحرمني من اهلي !!!
ليش ماتطلبين منه انك تسكنين عند اهلك وبنفس الوقت دوري له زوجه ثانيه تسكن عنده؟
اعتقد كذا بتنحل مشاكلكم. انتي بتكونين طول الىقت عند اهلك مبسوطه ومرتاحه وهو بيكون عنده حرمه ثانيه تهتم فيه وببيته. |
رد: زوجي يحرمني من اهلي !!!
اقتباس:
قالت كم ساعه |
رد: زوجي يحرمني من اهلي !!!
لالالالالا مابي اشيل الحواجز .. شلتها مرتين مره مع خواته وجتني مصيبه من وحده وصارت مشكله وتركت البيت و بعدها لما رجعت صرت انتبه و حطيت مية حاجز بيننا لكنني تقرب من حريم اخوانه مع ان نصحني بس مارديت الى ان وحده منهم سوت لي مشكله من لا شيء و طلعت علي كلام وخربت علاقتي مع عمامي و زوجي وبالغصب علمتهم بالصدق و اثبت لهم انها تحاول تهدم بيتي من زمان لانها تغار مني اني لحالي عند زوجي و اني بنت عمهم اما هم كل وحده عندها شريكه .. و بعدت عنهم كلهم ..
و معك حق يا زين والله مافيها شي ماني مكلفه عليه بشي و لازم هو من نفسه يقول امشي اوديك لهلك انا بطلع والخ .. بعدين يا من كون انا ماني اتكاليه ابد .. بيتي بالدور الثالث و اكرف فيه دايم وكل شي علي لكن بالوقت اللي بنتي قاعده مقدر اشتغل الا اشياء خفيفه مقدر اتركها لوووو ثواني لان وانا عندها تأذي نفسها .. تخيلي معي انا حامل اووول السابع يعني بديت بمرحلة الثقل .. بنتي عمرها 9 شهور ونص تحبي وماتركد ابد مرات امسكها بحضني تبي تنطلق و تتحرك يمين ويسار الى ان يجيني مغص اطلقها تلعب و اكون حاطه العابها وكل شي وهي تتعداهم وتروح تلحس السراميك واقوم ارجعها مايمدي ارجعها واجلس الا تنطلق مره ثانيه ولما اتعب من الوقفه والجلسه احطها بالمشايه لكن هنا الكارثه الاخرى .. تفرررح حيل لانها تصير توصل التلفزيون و تروح للكهرب و تمصه و اكون مثلا شابكه جوالي وتاركه الشاحن فجأه القاها تبي تحطه بفمها اقوم افز افصله ويجيني مغص و شد قوي .. صرت ما اترك شي ابددد بس اسلاك التلفزيون غصب عني وابوها رافض يعلقه .. المهم كل وقتي ركض وراها ولما تنام اقوم اغسل ملابس و اغسل السراميك و انظف الحمامات و ارتب الغرفه و ابخر و انزل الزباله من ثاالث دووور هالشي اللي يجلط و لما اطلع الدرج تطلع روحي .. ولما اوصل اكون خلصت شغلي و اجهز الحمام عشان اخذ لي دش بس اجلس ارتاح من الدرج دقيقتين وانا جالسه تصحى بنتي اقوم اقلبها و يتصل زوجي مرات سوي عشا و اجلس رايحه جايه من المطبخ للصاله او احطها عندي بالمطبخ ولما يجي على طول اخليه يمسكها عشان اتسبح ومن اطلع من الحمام يقول خوذيها ذبحتني .. جاني نزيف منها وكنت مهدده بالاجهاض و امس رحت للمستشفى و طلعت وضعية الجنين صعبه و التهابات و فيه تجمع دموي و من غير الم الحووض و الم ظهري .. من حقي اذا رحت لهلي ارتاح و انبسط و انسى كل هالمعاناه بساعتين ثلاث وبعدها ارجع لحياة الشقى .. عشان كذا انا تعبت و بالوقت اللي مايكون عندي شغل اتعب نفسيا لان مافي شي اسويه بس مقابله بنتي و بنتي صارت تصيح بدون سبب مهما عطيتها ماتسكت لان واضح انها طفشااانه .. ومابي اخليها على طيور الجنه مع ان تندمج معاهم وتهدا بس انا حاطه وقت محدد لهالشي .. بس حبيت اوضح لك اني اتعب ليل نهار وحتى النووم ماعرفه الا عند اهلي اذا كان بيتأخر انام ساعات متواصله وهالشي فاقدته ببيتي .. الحمدلله على نعمة بنتي بس والله شايله هم لاصاروا اثنين كيييف |
رد: زوجي يحرمني من اهلي !!!
اقتباس:
|
رد: زوجي يحرمني من اهلي !!!
الله يكون بعونك
|
رد: زوجي يحرمني من اهلي !!!
لا تخلي لك زياره محدده زي الخميس و الجمعه
عشان تقدرى تروحى لهم باي يوم بالاسبوع ان اجتمعوا . ومعك حق مافيها شي يوصلك وهو طالع وعلى طريقه . بس مادرى ايش المتعة في انه طالع و مايبغاك تطلعى ! |
رد: زوجي يحرمني من اهلي !!!
اقتباس:
لا انا ما بترك بيتي على اَي شيء لا انا كذا كذا ...الخ والردود اللي توافقك تأكدين بردك عليها وكأنك صح !! طيب وش الفائدة من الموضوع ! ما عليك من الانتقادات وحاولي تركزين في صلب الموضوع ان أردتي الفائدة الأعضاء هنا يقتطعون من وقتهم ليعطوك حلول فحاولي تناقشين الحلول هذي مع نفسك وشوفي. وما نقول وضعك بسيط ، حنا عارفين تعب الحمل وتحمل بيت ومسؤولية ، لكن يومين كفاية وأحمدي الله عليها، اناً قريبتي مغتربة ولها ثلاث سنين ما تشوف اَهلها الا اجازة واحدة فقط شافتهم فيها ومعاها طفل وجالسة بالبيت وزوجها طول اليوم في الجامعة. وغير كثير من صديقاتي هنا في البعثة لحالهم بدون اهل وصابرين ومحتسبين. لا تخلين الظروف هي اللي تغيرك ، انتي تغيري مع الظروف. والله يوفقك .. |
رد: زوجي يحرمني من اهلي !!!
مغتربين !! هذا انتي قلتيها مغتربين يعني مغتربييييين يعني بينهم مسافات و طياره و و الخ غصب عنهم يتحملون .. بس انا ماني مغتربه على وجه ابيض .. اهلي لو اناديهم يسمعوني قريبه لهم ومقدر اروح لو مغتربه بصبر 10 سنين ..
الشي الثاني نقطتي الاساسيه بالمشكله واضحه و من حقي اشكي بموضوعي او اسولف او حتى افضفض .. و الشي الثالث و الاهم انا افتح مواضيع حسب اسئلة الاعضاء اقري زين و من اولها قلت ماراح اقتبس راح ارد بشكل عام لان اقرا كل الردود و اجلس ارد ب رد واحد بدون ما اذكر اسمائهم او اقتبس .. بس اقتبست لان جت الردود بعد ردي ع طول و قريتهم بعد ماكتبت .. مثلا احد من الاعضاء قال مقصره مع زوجك اكيد ماراح اسكت و اقول لاتسئلوني مقصره ولا لا خلكم في صلب الموضوع انا ابي اهلي و والخ .. وقتها يفكرون انه يعاقبني او شي من كذا .. طبيعي ارد واقول لا ماني مقصره والخ وحده قالت شكلك اتكاليه منو ينظف بيتك .. وش اقول لها ؟ اقول مالك دخل ؟ بتتخيل بيتي وصخ او تتخيل عندي خدم .. طبيعي اقول لها اني قايمه بكل اموري .. وانا احب اتكلم بالتفصيل الممل يمكن لان مقدر اكلم احد من اهلي ولا اقدر اشكي ل امي لان يكبرون المشكله .. اجي الجأ لهالمنتدى بعد الله .. اشوف الردود و استفيد و افضفض و ارتاح يعني ما اطلع خسرانه وكل الردود على عيني و راسي |
رد: زوجي يحرمني من اهلي !!!
انت مالك حل للاسف. الا تطيعيه او تاخدي بالحيلة او الحجة
إصري عليه يقعد معاك لانك تحسي بملل. حاولي كل ليلة كذا او اي ليلة يطلع يرفه عن نفسه انك تذكريه بنفسك. و انك يا زوجي ماشاء الله من حقك ترفه عن نفسك يوميا. تذكرنا. اجلس معي. و هكذا. او اصبري. لان الفرق بين الروحتين لبيت اهلك ايام قليلة |
رد: زوجي يحرمني من اهلي !!!
اقتباس:
انا ما ذكرت تبريرك على نقطة اتكالية شيء ! في ردود كثيرة قبلها فيها تبرير واضح. وما يحتاج أعيدها لك. وقريت جميع الردود. فضفضي على راحتك احنا هنا نقرا كلامك ،، والله يسهلك. |
رد: زوجي يحرمني من اهلي !!!
اي استفسار عن حذف وتعديل يكون في اقسام المراسلة الخاصة بالمنتدى
|
رد: زوجي يحرمني من اهلي !!!
زين وضحتي ..
ما اقولك الا الله يعينك عزيزتي .. انتي صار عندك ربط نفسي ان بيتك للتعب و الشقا و بيت اهلك للراحة و الونسة .. و ممكن يكون معك حق انا ما اقدر احكم زي ما قلت لك لأن ما عندي اخوات و ما اعرف شعور انه يكون عندك احد يريحك و يشيل عنك شوي من المسؤوليات طول عمري شايلة مسؤولياتي و مسؤوليات غيري.. عالعموم مشكلتك مو مشكلة كبيرة نقدر نقول منغص ناتج من عدم الانشغال و من وقت الفراغ الكبير.. اذا قدرتي تتأقلمين مع تفكير زوجك و قراراته زين ، و اذا ما قدرتي حاولي تقنعينه بأنه اغلب الوقت برى البيت و انك تملين و اذا رجعتي من بيت اهلك بترجعين بنفسية زينة ..الخ من وسائل الاقناع .. الله يعينك و يسخر زوجك لك |
رد: زوجي يحرمني من اهلي !!!
يا روح أنت فاجأتينا وصدمت الجميع بقولك " أروح بيت أهلي وأعطيله درس " هذا لا يعطيك الحقّ فيه أحد ذو عقل سويّ ولا القضاء ولا حتى أهلك اولا انظري هل طلبك من الحقوق الشرعية أو من المتع ! لو أنّ زوجك أذن لك ورضي بأن تذهبي لأهلك يوميا فلا أحد يقول لك هذا ليس من حقّك, حتى لو كنت مقصّرة في بيتك ولا تعملي فيه شيئا.. ولو منعك من شيء ليس من حقّك فلا تتمرّدي وخذيه بالحسنى واللين,,, ولا تقيسي نفسك على الغير حسب ما تبغي أنت, فستفتحي له المجال بأن يقيسك على الغير الآخر الذي هو يبغي,,, وأكرّر رأي الغلبية: تعلّمي أن تكون راحتك في بيتك أوّلا والأهل لزيادة المتعة وأشغلي وقتك, ليس فقط بشغل البيت الروتيني الثقيل على البدن والنّفس بل ابحثي عن هواياتك, وحقّقي فيها متعتك وذاتك,, وإذا انت ماعرفت تتحكّمي في نفسك وتعلّميها أين تجد الراحة, كيف تطمعين أن تتحكّمي في زوجك وتعلّميه يحقّق لك مرادك!! |
| الساعة الآن 10:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©