|
زوجي ونقده تصرفات أهلي السابقة
السلام عليكم
اخواني بستشيركم بموضوع علاقتي مع زوجي الحمدلله لكن لي اختي تزوجت قريب الله يسعدها ويهنيها وزوجي جنني بالمقارنات يعني مثلا ليه يطلعوا مع بعض وهم مخطوبين واحنا وقت خطبتنا كان يرفض ابوك قلت له كل وقت وله تفكيره قال لا كلها 7 سنوات وما انسى لما طلبت وهو رفض بشده وليه الحين تغيرت مفاهيم اهلك ماتتغيير المفاهيم الا عند الناس البلدي وهذا شغل حديثين نعمه وليه وليه وليه الخ الخ النقطه الثانيه امي ارسلت هديه لام زوجي وزوجي عرف لما زوج اختي شكرها وانجن جنونه ليه ما ارسلت هديه لامي وليه امك تقدر ام زوج اختك اكثر طيب وبعدين انا اختي اتمنى لها كل خير لاعمري قارنت ولا غرت ولا شي بس زوجي كلامه يضايق يقول ليه اهلك متساهلين معه وكانوا متشددين معي وليه حرموني اختلي فيك زمان وليه كان اخوك مرتز معنا بكل جلسه واختك وزوجها ماخذين راحتهم اقول له لا ترجع للماضي يقول لا اهلك سرقوا مني فرحة الخطبة رغم ان اهلي والله حاطينه عالراس انا اتضايق اذا سمعت هالكلام وماعندي رد مناسب تم تعديل العنوان ليتناسب مع المضمون |
رد: استشاره سريعه
ما في رد يا تركتك غير قدر الله وما شاء فعل .. وكل واحد ياخذ نصيبه في هالدنيا. أو يتشطر ويروح يسأل أهلج بنفسه. |
رد: استشاره سريعه
قولي ماعليك بالناس انا الحين عندك طلعني وودني واسهر معي ..
|
رد: استشاره سريعه
اقتباس:
رغم ان السالفه سخيفه بس كل فتره وفتره هذا كلامه خصوصا بعد الويك اند |
رد: استشاره سريعه
اقتباس:
جالسه جنبك الحين وام عيالك خلاص الحمدلله يقوم يقول اهلك سرقوا فرحه ذيك الايام طيب ايش اعمل الحين |
رد: استشاره سريعه
اقتباس:
|
رد: زوجي ونقده تصرفات أهلي الس
قولي له تعال نعيش تلك اللحظات و نجدد حياتنا الزوجية من أول و جديد
|
رد: استشاره سريعه
اقتباس:
يبغاني اتكلم يقول اهلك حديثين نعمه ولسى تطوروا اخيرا كلام مستفز انفعلت وقلت له ستوب مااسمح لك قال ماقمتي عندي ولاقعدتي لا انتي ولا اهلك قلت شكرا وطلعت وتركته بس ضربت الباب بقوة وانا طالعه (للتوضيح) bfd |
رد: زوجي ونقده تصرفات أهلي الس
اقتباس:
وحلاتها بالبدايات الخ الخ يعني اجيب اله الزمن! مدري صراحة لنا فتره حلويييين حسيته حب يخلق مشكله وقام يلطش بشي قديم بس واضحه غيرته من زوج اختي الله يهديه |
رد: زوجي ونقده تصرفات أهلي الس
الناس تتعلم مع مرور الوقت
و ـهلي الآن أستفادوا نحن ليه نجلس و نبكي على الماض خلينا نعيشها صح و عطيها من الكلام الحلو اللي يخليها يضحك و يفكر جد وفقك الله |
رد: زوجي ونقده تصرفات أهلي الس
وين المشكله ....!
خليه يبرر على كيفه واذا قال لك شي قولي ماادري تبي تسأل ابوي روح له وإسأله موكل شي يقوله زوجك لازم اجعل منه نقاش حاد وزعل جادليه بالتي هي أحسن.... |
رد: زوجي ونقده تصرفات أهلي الس
ليش ما تستخدمين طريقه التأييد معاه،،،، اذا فتح الموضوع ثاني قوليله وانته الصادق حرمونا من اجمل لحضات الخطوبه،،، حتى انا كثير انقهر حسسيه انك في صفه بيصرف النظر عن اهلك ،،، كل ما عصبتي ودافعتي عن اهلك كل ما زاد غيرته وحقده،،، وكل ما حسستيه انه اهلك غلطانين كل ما كان في صفك. زوجك مثل الطفل يبغاله مسايسه حاولي تسايريه بالكلام
|
رد: زوجي ونقده تصرفات أهلي الس
اش عرفك زوجك بتفاصيل علاقة اختك بخطيبها
و كمان هدية امك اذا انتي اللي توصلين الكلام له وقفي نقل اخبار اختك له |
رد: زوجي ونقده تصرفات أهلي الس
لا يعرف وباشيء عن اختك وخطيبها
|
رد: زوجي ونقده تصرفات أهلي الس
لو ممانك اقلبها ضحك
اقول يله نعيش وضع المخطوبين اهم شي لا تخليه يستفزك ولا تاخذي رده فعل متوقعه طنشي |
رد: زوجي ونقده تصرفات أهلي الس
نفس التساؤل
كيف وصلته هالتفاصيل؟ |
رد: زوجي ونقده تصرفات أهلي الس
قصه انو اختي طلعت مع زوجها
قلتها بعد مارجعت من اهلي كنت اسولف معه عالقهوه اقول له مالقيت احد ورجعت امي معزومه واختي فلانه عندها شفت وعلانه طالعه مع زوجها كذا عفوي ضمن الكلام ترك كل شي ومسك هالسالفه لما غلط باهلي تركته بعدين قلت له ما اسمح تقل احترامك معهم راح هنا هو عاش دور الزعلان مايسلم ما يتكلم يرد علي بدون نفس وانا رجعت طبيعي جداا سألته قبل امس ليه تكلمني كذا قال لانك هاجمتيني عيب تقولي اسمح لك وما اسمح لك قلت العيب انك تدق بالكلام على اهلي وانا ماغلطت فيك ولا باهلك واقل حق لي اني اعترض على كلامك ولا ابي تتمادى بالمقارنات بيني وبين اختي قال ما ابي اسمع طاري اختك وزوجها قلت ابشر ومانتكلم مع بعض من يوم الاحد وحتى الان هو الزعلان مو انا ليه ما ادري طبعا رمضان جاي واذا مستمر بنكده سفرته بتنحط له لحاله وسفرتي انا وعيالي لحالنا هذا شهر عباده مو مستعده اضيعه بنق ومشاكل الله يتقبل منا ومنكم صالح الاعمال |
رد: زوجي ونقده تصرفات أهلي الس
اقتباس:
وقربت منه عالكرسي وقلت يلا انا جنبك الحين عصب وقال لا جد جد اتكلم ايش هالعيله المتناقضه وابوك ماعنده مفاهيم واضحة الخ |
| الساعة الآن 02:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©