|
إتهام زوجي بأني اجهضت مست54،46
السلام عليكم
بحاول اختصر مشكلتي ... من بعد ماشتكيت لعمي اللي هو ابوه ... وصار يعاندني شوي ... ويقول اذا مو عاجبك اشتكي ... مثل اني أكون تعبانه وابغى اروح الدكتوره ... يقول لي مشغول ... وشوي اشوفه منزل صوره انه مع خواته! .. واذا سألته وين الاهم أنا اللي تعبانه ولا تمشية خواتك ... يقول انتي بكره ... وعلى هالحال يوم مع اخته ويوم مع اخوه ويوم مع عيال خاله ويوم مع أصحابه ... يقول لي لا تشتغلين ارتاحي عشان الجنين ... وش فايدة الدكتوره بتقولك كذا ... عديتها له كثير ... وانا اساسا الدكتورة قالت لي حملك ضعيف احتمال مايثبت ... واول ماتشوفي دم ولا الم تعالي لي ... تعبت وانا اقوله ... ويوم انفجرت لما ماوداني وقال مشغول وهو مودي اخته عند صاحبتها ... قلت له بستخدم جهاز المشي بسرعه كبيره عشان يطيح اللي ببطني وترتاح وارتاح دامك مو مهتم ... قال لي كبري عقلك ... هو مهتم وفرحان فيه بس يقول ماله داعي الدكتوره بتقولك ارتاحي وخذي مثبت ... وتعبت ورجعت طنشت ... كل مايبي حقه كنت امنعه واقوله الدكتوره تقول ارتاح وممنوع هالشي .. بس رجعت طنشت ... واعطيه اللي يبي ... المهم قبل 3 ايام اجهضت والحمد لله على كل حال ...وربي يعوضني خير ... قبل اجهاضي بيوم شفت عنده حبوب ولما سألته قال حق المعده ... شكيت لانه شكله غريب وكان حريص انه يخبيه بشنطته .. وحفظت اسم الحبوب ... بعد اجهاضي كان زعلان بس ساكت ومايتكلم ..، لما كنت بالمستشفى تذكرت الدوا وفتحت جوجل وكتبت اسمه طلع تبع الرجال مقوي جنسي ... صورت الشاشه وارسلته له ... قال لي هذا مو حقي هذا حق صاحبي ... قلت له طيب ماهو كان تبع المعده ؟ كيف بصدق كذبتك وانت كذبت المره الاولى ... ولا تنسى اخر علاقه لنا ماكنت بطبيعتك ... والجنين نزل بسببك ... قام يقول لي انتي اللي مشيتي بالسير وانتي السبب وماني مسامحك ... صار بينا نقاش طويل ... قلت له أصحابك بيودوك للهلاك ... انا مو زعلانة عالبيبي كثر ماني زعلانه على الكذب والغش والخداع اللي هو فيه ... واذكر قبل اكثر من سنه ونص يتكلم عن هالحبوب وان كل اصحابه يجربوه ومايأثر على صحتهم وان وده يجربه ... وقلت له مالك شغل فيهم .. ولو جربت شي بيكون اخر يوم لي معك ... انا الحين في بيت اهله برتاح شوي ... ومو راضي يوديني عند أهلي وانا ما الحيت عليه ... بس الللي قاهرني بهذا كله يتهمني ان انا اللي قتلت البيبي !! وإذا قلت له انا اكثر من مليون مره أقولك تعبانه بروح الدكتوره وانت ماتفضى لي ... يقول ماهو عذر ... ذبحني اسلوبه وكذبه واتهاماته الباطله وحقده علي .. مستجدات الرد46 http://www.66n.com/forums/showpost.p...8&postcount=46 مستجدات الرد54 http://66n.com/forums/showpost.php?p...4&postcount=54 |
رد: إتهام زوجي بأني السبب بإجه
الله يعوضك خير
نصيحة لا تقولين له اي شي او تلومينه بس اظهري انك تعبانة و محبطة عشان الطفل و خلي الندم يعمل عمايله بس لا تقولين له اي شي و ترى غلط يوم قلتي له ابطيحه |
رد: إتهام زوجي بأني السبب بالا
الحمدلله على سلامتك وربي يعوضك بالذريه الصالحه
|
رد: إتهام زوجي بأني السبب بالا
مشيتي ع السير؟
|
رد: إتهام زوجي بأني السبب بإجه
اقتباس:
امين ... الله يجزاك خير ... أظهرت له اني زعلانه .. وهو يدري لأني كنت فرحانه كثير لما حملت ... بس هو مطلعني غلطانه ومايكلمني ويقول ان انا السبب .. ايه غلطت لما قلت له بطيحه بس قلتها بلحظة عصبيه ... وهو اصلا عارف اني مستحيل اعملها .. |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
مرحباً أختي
الله يعوضكما خير إنت الآن زعلانة من إيش بالضبط عشان يكون الكلام محدد وما نتفرع ..؟؟ بارك الله فيك |
رد: إتهام زوجي بأني السبب بالا
اقتباس:
امين ... الله يجزاك خير ... زعلانه من كذبه علي .... من الاصحاب اللي كل شوي طالعين له بشي ... على الجنين اللي راح بسببه .. ادري كل شي قضاء وقدر ... وفوق هذا يجي يتهمني باطل إني انا اللي اجهضته قاصده ! ... انا صحيح قلتها بس مستحيل اسويها ... وهو يدري اني مستحيل اسويها .. وعارف انه السبب بهالشي بس قلب الطاوله علي ... كأنه يقول ألحق اصب التهم عليها قبل لا تتهمني ... وحتى بعد يقول ان اهمالي بالتغذية سبب في اجهاضه .. لما قلت له خلاص أسكت وربي مو كاتب هالحمل يتم ..، يقول ايه لما دريتي انك غلطانه تقولين اسكت |
رد: إتهام زوجي بأني السبب بالا
سموره لاتكثرين النقاش
خلي فيك غموض شوي واذا قالك انتي طيحتي الولد قولي له تطمن علمتني الدكتوره السبب من حبوبك اللي تستخدمها ولاتكثرين معاه بالكلام حتى لو استفزك وروحي عند اهلك ريحي شوي |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
مرحباً أختي
بالنسبة للجنين فهذا قدر الله سواء حافظتي عليه وأهتمتي بصحتك وروحتي للدكتورة أو أهملتي وأهمل زوجك معك .. أما الأسباب فوجهة نظري أن كلاكما يتحمل الخطأ .. أنتِ بعدم إصرارك على الذهاب للطبيبة والمراجعة والزن عليه على ذلك وتحميله المسئولية من بدري أنه لو حصل للجنين شئ فهو السبب بعد الله .. وهو بسبب إهماله وتسويفة وعدم وعيه بأهمية كلامك وما تعانيه وتشرحيه له وأما بالنسبة للدواء المقوي وكذبه عليك .. فرأيي أنه هو حر .. يأخذ دواء أو لا يأخذ هذا شئ راجع له وأنتِ عليك فقط نصيحته وتوعيته أنه ربما هذه الأدوية لها أضرار .. وأما كذبه بأنه للمعدة فهذا من إحراجه وعدم رغبته بإخبارك .. وفي الغالب هذا شي يستحى منه حتى عند الرجال وأما بالنسبة لإتهامه لك بإسقاط الجنين .. فتكلمي معه بهدوء وحزم وأخبريه أن هذا قدر الله سبحانه وتعالى ثم من التأخير في عدم المتابعة مع الطبيبة وأخذ المثبتات والراحة .. وأنك لا ترضين منه أن يتهمك بالإسقاط لأنك كنتِ حريصة على الجنين ولكن قدر الله وما شاء فعل أعانك الله |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
اختي سمورة هو مو حر في الحقيقة باخذ دوا وقت مانتي حامل يضر بك ويضر بجنينك..حقوق الزوج هي في غير مضرة الزوجة والجنين معا هذي روح اجهضت بسبب..أخطأت حبيبتي بعدم الاصرار عليه بالذهاب للطبيبة..دام قاعد يودي مشاوير تافهة ويروح في شغلات فاضية وتمشيات ..المفروض دام كذا اظهرتيله انك واح تدبري نفسك تخلي احد يوديك غيره ابوه مثلا قولي اشوف لي احد يوديني ماني مستنية الين ماحملي يروح مني ليه مااظهرتي الحزم في الناحية هذي ماينفع المسكنة هنا والاستهتار. عموما هذا درس الايام الجاية لك سمورة اشياء مثل هذي لاتتهاوني فيها ..خليكي غامضة ووقت مايحط اللوم عليك قولي الله يسامح بس اللي كان السبب.. عسى ربي مايعاقب اللي كان السبب فعلا في ذا الشي .،.واسكتي عنه خليك صامتة بس قلبي حقك لاتتنازلي عنه مرة ثانية كان في مستشفى ولا اي شي ضروري لك ..اخوانه وعيالهم ع العين والراس وبرضو انتي ع العين والراس هذا الشي اللي المفروض هو يتوعى له وماله داعي المعاملة هذي زي ماله عليك لك عليه وصلى الله وبارك
|
رد: إتهام زوجي بأني السبب بالا
حمدلله على سلامتج سمورة .. ربي يعوضج بأحسن من اللي راح حبيبتي.
يا بنتي اسمعي الكلام .. لا تدخلين معاه في نقاشات طويلة ولا تجادلين وتطولينها وهي قصيرة. هو متفشل من سالفة الحبوب .. وإنتي فاهمة إنه يهاجم عشان يغطي عليها .. فليش تسايرينه وتعطينه مجال؟؟ سوي كنترول على نفسج يا سمورة .. وبلاش تنفعلين وتطلعين من طورج وإنتي خلاص صرتي عارفة خط النقاش بينكم لين وين يوصل. إذا رجع فتح موضوع الإجهاض وحمّلج المسؤولية لا تردين ولا تبررين ولا تدافعين عن نفسج ولا حتى توجهين له أي اتهام ..... اسكتي يا بنتي تماماً وفقط قولي: أمر الله نفد والحمدلله على كل حال. وإذا حابة تروحين لأهلج هالفترة روحي .. وما عليج من تهديده إنه يقول لأهله إنج مب مرتاحة في بيت عمج (هذه حركات أطفال) .. وعمج وزوجة عمج فاهمين إن الإجهاض من أكثر المواقف اللي تحتاجين تكونين فيها في حضن أمج. |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
الحمد لله علي سلامتك سمورة و الله يعوضك خير 💖
اذا بتتصلي باخوانك استأذنيه الاول و استأذني من عنك ايضا انك تعبانة و تبغين بيت اهلك و مع الحبيبات لا تكثري هرج معاه اصلا نوعية زوجك الي تحب الجدال علاجها الصمت رد موجز و انصرفي عنه |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
ماذا قال عمك؟
|
رد: إتهام زوجي بأني السبب بالا
انتي تقولين انه ندمان
لو سكتي وبين الحزن عليك وعطيتيه مجال انه يندم .. والله افضل من الاستبسال في النقاش.. يعني الا يعترف باللسان ؟ |
رد: إتهام زوجي بأني السبب بالا
اقتباس:
عن ايش ياخي ؟ |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
الله يكون بعونك ... فترة مابعد الاجهاض فتره حرجة للمراه ومع الهرمونات تكون حساسه اكثر وتحتاج احد جنبها ويوقف معها
انت بهالفتره محتاجه احد يداريك ويهتم فيك ... اطلبي منه يا انه يحسن تعامله معك ويهتم فيك ويداريك ويكف شره والا ينزلك عند اهلك .. اكثري من الاستغفار و ذكر الله ودموعك وجيهها بالدعاء افضل ..من البكاء على سوء تعامله |
رد: إتهام زوجي بأني السبب بالا
الحمدلله على سلامتك حبيبتي سمورة الله يعوضك بالافضل
دعواتي ترافقك ⚘⚘⚘⚘ |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
امس صار اللي ماكنت أبيه يصير ... امس بعد المغرب شافني نايمه .. وأنا كذا من وقت مارحت بيت اهله طول الوقت اقولهم تعبانه وأدخل الغرفه احيانا انام وأحيانا امثل النوم ... جا قاللي قومي اجلسي مع امي واختي ... مارديت ... قال ادري مو نايمه وعيب طول الوقت جالسه لوحدك بيقولون انك متضايقة عندهم .. قلت له مو متضايقه بس تعبانه ودي انام ... وفاعد يغصبني الا انزل ... قلت له ماقدر تعبانه وبقوم أجهز شنطتي انا والصغار علشان بكره ..، قال ليه وين رايحه بكره ؟ قلت له انت مو قايل لي بتودني بكره بيت اهلي ... قال ايه بس الحين غيرت رايي ... اصبري أسبوع بعدها نرجع شقتنا ... قلت له لا مستحيل أصبر اكثر من كذا .. اذا انت مو فاضي انا بتصل على اخوي يجي ياخذني ... قال ماتطلعين من البيت من غير ما أأذن لك ... وبكيت غصب عني .. قال انا ماشوف روحتك لأهلك الها داعي ... قلت له نفسيتي تعبانه محتاجه لأمي ... حاولت معه بالطيب والمسايره ... وهو معند ... قال وأمي وابوي اكيد بيقولون انك مانتي مرتاحه ... قلت له اهلك مو زي تفكيرك ... قال عادي انا بخلي تفكيرهم مثل تفكيري ... يعني رجع للتهديد ... حسيت اني قاعده اضيع وقتي معاه ..، تركته ونزلت للصاله عند عمي وبكيت عنده واشتكيت له على تعامل ولده ... وعلى تهديداته ... قلت له انه يستغل ضعفي ووحدتي .. يمكن يكون تصرفي غلط بنظركم ..، بس انا صبري محدود وتعبت ونفسيتي في الحضيض ...قلت لعمي كل شي ... حتى على اهماله بروحتي للدكتوره ... ولما عمي ناداه نزل ... ويبي يعرف وش الموضوع منه ... لأن شافني معصبه وأبكي قال بيفهم من ولده ليه يسوي كذا ... قال له هي تعبانه واحيانا تخربط متأثره بسبب الاجهاض ... قلت له لا اصلا خلاص مابي شي يربطني فيك .. يكفي هالاثنين .. قام مسكني يقول اطلعي الغرفه وبلا كلام زايد ... اول مره تصير مشكلتنا بالعلن قدام ابوه وامه واخته واخوانه برا يسمعون كل شي ... قلت لعمي ودوني الحين بيت اهلي ماني راجعه هنا ... قال لي ماتطلعين وانتي زعلانه .. اهدي وانا وولدي فلان نوديك قصده اخو زوجي ... قلت له هاديه ماني زعلانه منكم بس انا مابي اعيش معاه ... تهديداته واتهاماته واهماله لي وقت حملي مايوديني الدكتوره خلاني اكرهه .. وحضرته قال هي قاعده تلعب عالسير وترجع تقول ودني الدكتوره شنو انا سواق يعني ولا ايش ... قلت انا مالعبت عالسير مجرد تهديد عشان يوديني ... بس هو ماسكها علي ويهددني فيها ... وهو يدري اني مستحيل اسويها بس لانه زعلان مني عشاني اشتكيت لك بموضوع اخواني وصار يعاندني بكل شي ... ويهددني اذا قلت لك شي مارح أشوف شي طيب ... بس الحين هذاني اقولك كل شي ونو خايفه منه ولا من تهديداته ... وبطلع الحين حتى لو اشوف لي تاكسي واروح معه ... ومابي ارجع له نفسي طابت منه ... قال لي زوجي امشي البسي عباتك بوديك .. عمي قاله لا بنروح انا وفلان ... وكان يبي يتكلم وعمي سكته ... وطلعنا وعمي الله يجزاه خير قاعد يعتذر .. وحاولت افهمه اني مو زعلانه بس تعبانه ومحتاجه راحه ... بس قال لي لايدرون اهلي عن الموضوع وان شاء الله بيحلها ...
ووصلنا بعد الساعه 12 وأمي خافت ... لأن ماكان عندها خبر اني جايه ... قلت لها ان زوجي مشغول وجبت اعذار .. والحمدلله الحين مرتاحه ... بس كل ماتذكر اللي صار امس ... انحرج اقول انا كيف سويت كذا ... مادري انا غلط ولا صح ... وبعدين اقول المهم راحتي ... وزوجي سوى رساله وحده بس ... قال فيها ليه سويتي كذا خليتيني صغير قدام اهلي وزعلتي ابوي مني ... مارديت عليه ولا أفكر حتى ارد عليه ولا افكر حتى ارجع له .. |
رد: إتهام زوجي بأني السبب بالا
الله يلوم اللي يلومج يا سمورة. كله خير من الله ولا تندمين على شي. ارتاحي الحين وأجلي التفكير في اللي صار .. وبعد ما تهدين وتستقر نفسيتج فكري في اللي تبينه. |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
لأنك أصيلة وبنت ناس حاسة بتأنيب الضمير ياسمورة اللي سويتيه غصبا عنك وهو اللي وصلك لهذي الحالة لاتشيلي هم ولايأنبك ضميرك زوجك يحتاج له درس ودرس قوي كفاية لحد هنا لأنه زودها تماما عموما وارتاحي ياقلبي وخلي نفسيتك تهدا وبعدين لكل حادث حديث .
|
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
اقتباس:
أكيد الموقف اللي صار مب حلو .. بس مثل ما قالت بنت طيبة اللي صار غصب عنج .. وإنتي ما كنتي مخططة ولا ناوية تتكلمين جدام عمج .. ولو إن زوجج ما صغّر عقله كان ما رحتي لعمج ولا قلتي اللي قلتيه. أنا مريت بالإجهاض مرتين .. وعارفة شو يعني فقدان جنين .. صح نقول الأم لازم تكون متماسكة وتستعوض الله في اللي راح لكن نفسية الوحدة تكون سيئة وتحتاج ولو شوية مراعاة ودعم معنوي على الأقل .. وبدل ما زوجج يقدر هالظرف قام يتصرف بطريقة طفولية وخالية من المسؤولية .. وإلا محد يقول لوحدة توها طالعة من حالة إجهاض وفقدان جنين اطلعي عند أهلي وإلا باقول لهم إنج مب مرتاحة عندهم! .. عيب هالتصرف ترا وما فيه أي تقدير. بخصوص عمج ما أعتقد إنه متضايق منج .. لكن إذا كنتي لازلتي خجلانة منه كلميه واعتذري منه .. وقولي له إنج ما كنتي حابة إنه يشوف مثل هالموقف السيء .. لكن زوجج للأسف ما ترك لج خيار أفضل. وبخصوص أمج فأنا فاهمة شكثر إنتي محتاجة لحضنها واحتواءها .. لكن ما أدري كلامج معاها هل ممكن يكبّر المشكلة أو لا .. وهل ممكن تسمع منج ويتم الكلام بينج وبينها وإلا ممكن تروح تقول لإخوانج والموضوع يكبر .. فانتي استخيري حبيبتي وأخري هالجزئية شوي على قدر استطاعتج وتحملج. أما زوجج فمب إنتي اللي صغّرتيه .. هو اللي صغّر نفسه بتصرفاته الطفولية .. وبالنسبة لتهديداته فلا تردين عليها أبداً .. لا تسألينه على شو ناوي مثلاً؟ .. ولا حتى تقولين له: ما يهمني وسوي اللي تباه ...... تجاهلي هالجزئية تماماً تماماً ولا تردين بأي كلمة عليها. |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
زوجك لازال في غفلة لازم
ويحتاج له مواقف مثل هذا الموقف ليصحى و يفهم الدنيا تابعي مع الأخت مهره بإذن الله بتعدين كل مشاكلك بفضل الله ثم بوقفت الأخت مهره معك وفقك الله |
رد: إتهام زوجي بأني السبب بالا
للأسف الكثير من الرجال لاتوجد لديه معلومات كافية عن الهرمونات وتأثيرها الكبير على نفسية المرأة
فزوجك بهذه الحالة بيثبت انه قوي شخصية وانتي الهرمونات مأثرة عليك وهذا سبب انفجار المشكلة.. أنا من رأيي لاتطنشين زوجك زيادة..أرسلي له رسالة وضحي له سبب ماقمتي به وان تصرفاته السلبية ونفسيتك السيئة هي السبب في ماحدث وانك مقتنعه ان فعلك غلط كذلك اتصلي على والد ووالدة زوجك واعتذري منهما |
رد: إتهام زوجي بأني السبب بالا
اقتباس:
|
رد: إتهام زوجي بأني السبب بالا
اقتباس:
شكرا لك اخي عميد ... بس مستحيل اكلمه .. هو يدري ليه انا سويت كذا ..، ماعتقد ان له داعي اوضح له اكثر من كذا ..، نفسي طابت منه ..، اعتذرت لأمه وأبوه وحبيت راسهم .. انا سويت اللي علي ... وهم على عيني وراسي ..، بس زوجي مالي كلام معه ... يبي يقوي شخصيته يقويها ماعندي مانع .. بس يقويها عالكل مو انا فقط .. |
رد: إتهام زوجي بأني السبب بالا
ايه واذا كلمته اصلا بيقول والله خايفه من تهديدي ومدري ايش ... خلني كذا احسن ... افتح رسايله اقراها واطنشه ... خليه يدري ان اللي سواه مو شويه ... ويكبر عقله. . ويبطل عناد واستهتار ... شايفني ملطشه كل شي يحطه براسي انا .. ودايما هو الصح وانا الغلط ... ولازم اكذب عيوني واصدقه ... لمتى هالحال بالله ... وبعدين يجي يراضيني بكم كلمه وانا هبله اصدقه واقول يابنت كبريها تكبر صغريها تصغر ... وانسى اللي يصير ... وانسى عناده ... ويرجع يابو زيد كأنك ماغزيت .. وماقدر اصبر اكثر .. عناده واسلوبه وتعامله وشخصيته كامله يبيلها تغيير ...
|
رد: إتهام زوجي بأني السبب بالا
لا تصرفك موب غلط بالعكس صح
ولو سكتي زوجك بيزودها معاك ويضغط عليك .. اللي حصل خيره ولا اشوف انه له داعي تردين على رسايله .. واللي سواه عيب ولا هو من الاحسان للزوجه .. |
| الساعة الآن 08:21 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©