اخذ بنتي لاهله عشان ماخذها معي
 

من يوم الجمعه و فيه توتر بيننا يمكن انا بسبب الحمل والتعب وهو بسبب الاختبارات مادري بس اول مره يصير كذا .. ماودي اتكلم بالتفاصيل لاني مستعجله .. بس هالمره الغلط منه والله .. وانا ماني متحمله شي اللي فيني كافيني .. بعدين اقوووول التفاصيل .. المهم اليوم وصلت حددددي وتناقشنا كتابه لان هو كان تحت عند اهله وانا فوق .. وبعدها قلت له بجهز اغراضي و ودني لاهلي قال طيب ابركها من ساعه .. قمت جهزت ولما خلصت ارسلت له خلصت قال شوفي احد يجي ياخذك قلت مافي احد الحين وبما انك انت اللي ماتبيني انت ودني لاهلي .. قال ماني مودي احد وجلس يتكلم ويقول روحي و من هنا للاجازه راح تسمعين الاخبار .. ومن هالكلام قلت له تزوج عشره مالي دخل المهم افتح سيارتك بنزل الاغراض قال شوفي لك احد .. قلت اجل بروح مشي .. اوصل بنتي اول شي بعدين ارجع اخذ الاغراض < بيت اهلي تقريبا عشر دقايق مشي .. > وبيت اختي 3 دقايق او اقل وكل اهلي حولي الحمدلله .. المهم قال خلي البنت وخوذي اغراضك اول .. قلت لا مقدر اخلي بنتي وراي لان اخاف تصيح على ما ارجع وخاصه انها قاعده .. قال اصلا ماراح تاخذينها معك و وقتها انا عصبت لان بنتي مقدر اخليهااا وراي وهو عارف هالشي من زمان وعارف اني متعلقه فيها وهي بعد ماتصبر بدوني .. المهم لما قلت باخذها وبروح جا فوق وقال يلا روحي بس هي ماتاخذينها قلت الحين تنام واذا صحيت و لقيتنا لك اللي تبي .. راح هو اخذ البنت و نومها بحضنه وانا طلعت للصاله ابكي ولما رجعت وانه قاعد يلاعبها قلت هاتها بغير لها قال لا مافي .. المهم قال الحين انزلهاا تحت واخذ اغراضها وانتي بكيفك .. قلت بنتي ماخليها وراي و اخذها غصب عنك قال ماتقدرين قلت حتى بالمحكمه راح تكون بحضانتي قال حتى بالمحكمه اخذها انا قلت بنتي ماحد ياخذ مني لا انت ولا محكمتك اخذها غصب عنكم كلكم و اتحدى احد يلقانا لان حتى لو رحت ماراح اروح لاهلي بروح لمكان ماحد يعرفه .. قال بععععد ! قلت اي والله .. المهم تكلمنا وقالها يلا نروح تحت قلت هاتها اغير لها ونزلها تحت قال لالالا ماعطيك مالك دخل فيها .. و راح نزلها تحت والحين انا جالسه ولابسه عباتي ماني عارفه وش اسوي .. قاللي روحي والله ان رحتي لاخليك تعيشين بدونها كثر ماعشتي معاها .. < 7 شهور .. ومحتاره ودي اروووووح و ودي اهجم تحت ماني عارفه وش اسوي كارهه البيت وكارهه كل شي مالي خلق شي .. احيانا افكر اتركها واروح واحيانا اقول اخذها واروح .. اروح انزل تحت واخذ بنتي ؟ ولا اكلم عمي و اقول له ؟ تعبت والله عايشه تحت ضغططططط مابي ابقى هنااا بروح لاهلي ارتاااححح ومابي اروح بدون بنتي وش اسوووووي

رد: اخذ بنتي لاهله عشان ماخذها
 

اذا راح الدوام خوذيها وروحي،،، هو شكله يتلكك عشان ماتروحين وتتركينه

رد: اخذ بنتي لاهله عشان ماخذها
 

لسا باقي ساعتين على دوامه

رد: اخذ بنتي لاهله عشان ماخذها
 

تعوذي من ابليس و افصخي عباتك ونامي وهدي الوضع

رد: اخذ بنتي لاهله عشان ماخذها
 

صح تعوذي من إبليس زوجك يحبك مايبغاك تروحين لاهلك لو مايحبك اعطاك بنتك أزعلي في بيتك

رد: اخذ بنتي لاهله عشان ماخذها
 

رد: اخذ بنتي لاهله عشان ماخذها
 

افهمينا عاد مايبيك تروحين 😂😂😂😂😂

رد: اخذ بنتي لاهله عشان ماخذها
 

واضح من الحوار انه مايبغاكي تروحي ..
وما يقدر كمان يقولك لا تروحي ويحسس نفسه بالضعف ..

ولا كان بإمكنه يخليكم تروحو ويقدر ياخذها بأي طريقه ..

رد: اخذ بنتي لاهله عشان ماخذها
 

انتوا تقولون يبيني وما انكر اني فرحت لما قلتوا كذا بس هو يقووول انه كارهني ..

اسمعوا اللي صار .. جا فوق وترك البنت تحت وانا كنت جالسه عالسرير بعباتي هههه
المهم انسدح وقال ليش لسا جالسه ؟ روحي يلا ليش ماتروحين ؟ وانا سااااكته بس اطاااالع له بحقدددددد لان مابي اتكلم شي اندم عليه .. سكتتت وهو عصب لان سكوتي استفزه ومسكني من ايدي بقووه ليشششش ماترديييين اكلمك انااا ويعيد كلامه وانا ساكته وعصب اكثر .. طيب وش اقول ؟ ماقدر اتكلم بعدها مسكني وهو معصب .. ويحاول يقومني غصب يلا مو لك ساعه تبين الروحه روحي الحين ماعاد ابيك والخ .. لما قال كذا قمت بسسسسرعه واخذت شنطة اليد بسس و كنت بلبس نقابي واطلع فز هو بسرعه وقال وقفي وين رايحه وقام وراي وانا اكمل لبس بعدها مسكني بقوه ويقول ليشششش ماتردييييين يلا خوذي اغرراضك انا اوصلك .. ورحت اخذت الشنطة اللي فيها اغراضي والكيس ونزلنا وانا تعديت سيارته قال تعالي اركبي قلت بيت اهلي قريب ماني راكبه معك ورحت مشيت قال ان ماوقفتي ياويلك والله خطوه بعد راح تندميييييين .. وقفت ورحت ركبت وبعدها وقف باللفه اللي فيها فروع لبيوت اهلي قال أي بيت ؟؟؟ قلت عادي أي واحد قال ايه ادري عادي أي واحد قلت لان اصلا ماني داخله عندهم .. قال امك وين قلت مو هنا قال عطيني رقمها وعطيته .. قال وينها قلت عند اخوي فلان < اخوي هذا بيته ب حي بعييد اقل شي نص ساعه الطريق و زوجي يكره هالحي ويكره طريقه .. قال تدلين بيته ؟ قلت لا بس بنزل هنا لان اختي موجوده .. ونزلني ونزلت وحبيت اغيضضضه وارفع ضغططططه لان انا من اول قايله له اذا الموضوع يتعلق ببنتي انججججنننن ... المهم ادري بتقولوا لي هالتصرف غلط بس شسوي من القهرررر ... لما نزلني ومشى حبيت اغيضه واشوف اذا كان يطالع لي بالمرايه او لا .. تعديت بيت اهلي ورحت باللفه ع شارع عام وهو رجع وجا طاير وين رااايححه قلت مالك شغل فيني قال اررركبي احسن ما انزل قلت ماني راكبه ومالك دخل بنتك وعندك وش تبي بعددددددد قال والله انزززل عليك < وطبعا خفت احد من اهلي يشوف .. وركبت قال وين رايحه عالشارع العام تبين تأشرين وتركبين !!! قلت لا ماكنت بركب قال اجل وين رايحه قلت مالك شغل قال منو اللي ماله شغلللل ؟؟؟ المهم اخذني ونزلني ولما دخلت " السيب " جا وقفل الباب .. لان ماعندي مفتاح لهالباب .. وطلعت فوق وقفلت شقتي ع نفسي .. وما انكر اني فكرت بالانتحار لان بنتي وراحت مني ماعندي شي اخسره اكره حياتي بدونها .. قمت طلعت حبوب وارسلت له مستعده اموت ولا اعيش يوم بدونها المهم هي امانه عندك .. ومن فتح الرساله جا لفوق وجلس يدق الباب ماكنت ابي افتح بس لان سمعت صوتها معه قمت فتحت .. وهو دخل وشاف الحبوب بالصاله .. شوي الا قال تعالي غيري لها .. جيت قلت مالي شغل فيها .. قال تعالي احسن لك .. المهم اخذتها وانا البسها قال والله راح تتحسرين ع شوفتها والله راح أأدبك و و والخ وانا ساكته .. لبستها ورضعتها ونومتها ورحت ابي ابلع الحبوب وقبل ابلعهم حسيت ضغطي هبط وصدااع وحراره و وجع ببطني .. المهم قام هو تسبح وطلع قال لسا ما متي !!! خوذي علاج اقوى و قط علي علاج له وقال موتي عساني افتك منك بعدها قال ع كل هالحبوب المفروض الماي خلص وانا ساكته ماعلقت ولا ضحكت .. المهم بعدها لبس وتجهز للدوام وقال انا رايح ان تعديتي عتبة الباب انتي طالق ..
بعد ماطلع ارسلت له قلت لامي تجي اذا جت بروح معها واذا ع بنتك تطمن بنزلها عند عمامي هي واغراضها .. قال انا قلت ان طلعتي انتي طالق قلت انت قلت كذا لانك خايف ع بنتك تطمن بتبقى عندك قال انا قلت اللي عندي وانتي بكيفك قلت دامك كارهني وماتبيني وبنتك عندك ليش تمنعني قال اي والله كارهك وطابت نفسي ..قلت طيب وسكتنا ..

رد: اخذ بنتي لاهله عشان ماخذها
 

روح بعد ماهديتي هل إنتي راضية عن نفسك وعن تصرفاتك ؟
مره اوفر اللي سويتيه من جد ايش تتوقعين الفكرة اللي أخذها عنك زوجك
ليه كل هالدراما وابنتحر وما راح ادخل بيت اهلي ومدري ايش ؟
تتوقعين بيرحمك وبيقول ماتستاهل وإلا بيقول فكه منها ومن ....
مره مره كبرتي السالفة وهي ماتستاهل
حتى لو بتروحين لأهلك مو بهالطريقه ولا بهالتصعيد
وكله عشان ايش ايش سبب المشكلة من البدايه ؟
مع توقعي ان سبب الزعل شي تافه بس ابليس معشش في مخك وكبرها لهدرجة

رد: اخذ بنتي لاهله عشان ماخذها
 

تصدقي نرفزتيني لدرجه ماقدرت اكمل قراءه:19:
من الاخر ايش تريدي ؟؟؟
تريدي رجال يضربك ؟!!!
ايش الاستفزاز هذا؟
وايش الفرق بين هاذي المشكله واللي قبلها غير انه اخوه وداك والحين هو وداك ، بعد كل هذا خايفه الرجال يتزوج؟؟
كاني مره قريت انك تعاني من قولون؟؟ان كنتي تعاني منه الله يعين زوجك وكل انسان شريكه
يعاني من قولون mjk

رد: اخذ بنتي لاهله عشان ماخذها
 

ههههههههه والله ضحكت ع القولون .. اي والله اعاني منه وهالفتره يمكن هرمونات الحمل لاعبه فيني بشكل مو طبيعي هالفتره بس معصبه ومتنرفزه مو بس عليه .. والله مهما كنت معصبه من غيره قدامه اضحك واسولف ولو اعطيكم رقمه تسئلونه بيقول عني هاديه ووحبيبه وطيبه وقايمه بواجباته و و والخ بس ممكن يقول هالفتره منهبله مدري وش فيها ..وهو دايم اذا كنت غلطانه بيخليني اروح وانتوا شفتوا لما اعلط واروح مايمنعني و ولا شي.. بس هالمره تحملت كثيررر من يوم الجمعه.. المهم ادري اني تصرفت بشكل اوفر بس شسوي بنتي ... تعرفون وش يعني احد ياخذ بنتك منك ؟ ما اسئل الرجال لان ماراح يحسووون باللي نحس فيه .. انا حسيته اخذ قطعه مني اخذ روحي مني . عشان كذا تهووورت وانجنيييييت .. وخاصه هالفتره حيل تعبانه والله ..

رد: اخذ بنتي لاهله عشان ماخذها
 

اجل مسميه نفسك روح هادئة هههه

يا اختى وش هالاكشن كله ؟

ودي اعرف السبب بس في هذا كله

رد: اخذ بنتي لاهله عشان ماخذها
 

رد: اخذ بنتي لاهله عشان ماخذها
 

اعذريني ما قصدي شي والله بس اعرفهم اصحاب القولون عندي 2 اخواتي و زوج اختي الثانيه يعانو من قولون ، حساسين زايده عن اللزوم، دقيقين جدا ،مرات يسيو الظن وسريعين الانفجار
عنيدين جدا يصرو ع قراراتهم حتى لو غلط ،يتخذو قرارات كثير في وقت وحد عشان كذا يتراجعو دائماةفي قراراتهم بسرعه ويجلدو ذاتهم بعد اي قرار ناجح او فاشل ومرات خياليين جدامثلا:

زوج اختي دخل مطبخ يكلم شغاله في شي ويومها الشغاله كانت مجازة ما رمت زباله (الله يكرمكم)
وفجاءه وهو طالع شم ريحه زباله تعصب تقولي جاه صرع ولا تحول زومبي مسك ع راسه
وانسدح ع الارض قال ريحه الزباله دخلت في مخي ومرض فعلا وتعب وانتفخ بطنه(من اعراض القولون) وما نام شي يومها من شده اتعب وعصبييه واختي مسكينه تعالج وحالتها حاله و وين ماراحت والله فلان تعبان
ليش عسى ما شر ؟؟ لا بس شم ريحه زباله :21:

اما اختى الثانيه نفس الشي فيها قولون ومن حظي السي ان مشاركته معها في غرفه وهي
تكرهه ريحه السيجارة تتخيل ان في شخص مر من تحت بلكونه غرفتنا وهو يدخن بالتالي دخلت الريحه في غرفه وهي تختنق وماعرف تروح تسكر مكيف وتفتح الشباك وتبخر الغرفه وتصرخ وتعصب اقول لها كيف تدخل الريحه وهو برا تقول مع موجه هواء اللي تجي من شمال بالتالي تضرب بيت جيراننا وترتد نحو شباك الغرفه (درس فيزياء) المهم اكمل نومي وانا ساكته في هذا جو الحار بدون مكيف وحسبي الله ع المدخن الي ماعرف يمر من عند بيتنا الا ساعه 3 بليل ونحن بكره علينا دوام :) ولا مرات ولد جيراننا يزور اهله الظهر عز الحر ولانه مدخن الا ما ريحته توصلنا ghtب هاذي الاولى
اما الثانيه كل هموم الدنيا فوق راسها لكن لا تقترب لانها سريعه الاشتعال dvf
تعاملي معها كاني امشي في ارض مزروع فيها اللغام كثير من الاحيان تسي الظن
ويصبح وجها مخنوق ويداها ترتجف من شده العصبيه بدون سبب مقنع وااغلبها سؤ ظن

khhkhhkhhkhh
للعلم ثنتينهن تتهميني بطول لسان وفلسفه زايده مع ذلك اول شخص يستشيرينه هو انا ;)

والسلام عليكم ورحمه الله وبركاته ryy

رد: اخذ بنتي لاهله عشان ماخذها
 

روح حافظي ع بيتك ولا تطلعي منه والله مع مرور الوقت بيكرهك

رد: اخذ بنتي لاهله عشان ماخذها
 

والله العظيم اني هاااااااديه بس اعترف هالفتره عصبيه بس امسك نفسي تجاهه ..
وحتى عند اهلي اروح لهم و اجلس لحالي بغرفه وعندي بنتي ويدخلون خواتي وحده وحده يسولفون بعدها يطلعون ويقولون تعالي اجلسي عندنا اقولهم ابي انوم بنتي و اذا نامت تجي وحده ها بنتك نامت تعالي اقولهم اذا صحت لحالها تخاف و اخاف ماسمعها والخ .. وانا اتحجج بس مابي اجلس هناك لان اذا جلست هناك راح اعصب على أي احد و راح اخم الكلام من أي احد و راح اتدخل بين 2 .. ماودي احد يسولف علي ودي اجلس لحالي وبس عشان ما اضايق احد او احد يضايقني .. ودي ابعد عن الكل وارتاح .. والله ما ادري وش فيني ..

هو له كم يوم اسلوبه غير ويدور الزله علي
ويكلمني بالاسلووب اللي ماحبه .. دايم يحسسني إني غريبه .. يعني اشوفه متضايق اقوله وش فيك يقول ولا شي ويلف راسه وينام اشوف مبسوط اقوله وش عندك يجلس يستهبل ومايعلمني السبب .. قليييل او نادر يعلمني السبب .. مثلا جته ترقيه لدوامه ماعلمني الا بعد اسبوع وبالصدفه من باب الحديث قال اي صح مكاني صار اريح من اول و و والخ طيب ليش مابشرني وقتها ؟ المهم كنت عند اهلي وقال لي تجهزي ابي اجيك قلت ليش قال ابي تكوين ثوبي هذاك قلت كل ثيابك البيض مغسلتهم وكاويتهم .. قال متأكده ؟ قلت اي والله بس انت وسوست بي .. قال لان عندنا عشا قلت وش المناسبه >>> سؤال عفوي واتوقع أي احد يسئل لان عشا عند عمامي وهم اصلا غامضين يسوون تمايم فجأه حتى ام الولد ماتدري و يذبحون لضيوف فجأه و كذا .. قلت وش المناسبه قال وش يهمك فيه مو لازم تعرفين قلت طيب بس تراه سؤال عفوي وكان ودي تجاوبني لانه مو سر قال ايه بس مابي اجاوب خلي الفضول يذبحك قلت والله مو فضول ولو يهمني كان عرفت بطريقتي من غيرك بس كنت اتمنى اعرف منك اول شي .. المهم قلت له روح تأكد من الثوب عشان اذا مو مكوي تعال خذني اكويه قال طيب الحين رايح فوق .. وتأخر ساعتين بعدها ارسل لي موووو مكووووووي .. قلت والله كاويته متأكده قال اجل تسفطططط لحاله !!!! المهم طنشته لاني متأكده ان كلهم كاويتهم .. بعد ساعه ارسل لي انتي قلتي لفلانه ان عندنا عشا اشوفها جت ؟ ( تكون مرت اخوي و امه تكون خالتها اخت امها ) قلت والله لي اسبوعين ماكلمتها لاتظلمني هذي ثااااني مره تظلمووووني بهالشي المخلووووقه تجي ع فالهااا وش دخلني فيهاااااا قال خلاص انثبري اقلبي وجهك ( هالاسلووووب ماحبه ) .. لما صارت الساعه 1 ارسل لي تجهزي وجهزت وجا اخذني و وصلت البيت وانا ساكته وهو يلاعب بنته بعدها نومتها وجلس يقول ياحرام بتموت اذا ماعرفت المناسبه قلت ترى والله مايهمنيييي قال يمكن ملكتي قلت مبروك .. قال اليوم شلون تنامين وانتي في شي ماتعرفينه و جلس يمزح ويمزح وانا دام بنتي نامت ابي انام لان تعباااانه بقوه < كحه قووويه لها فوق اسبوعين و زادت و كانت بتضر الجنين لان من قوتها صار يجيني الم اسفل البطن و زكام قوي و احتقان و نزل دم مرتين وخفت المشيمه تكون نازله وصداع و دوخه وفاقده الشهيه للاكل .. يعني كنت بس ابي انام وقلت له ابي انام قال تبين اقولك السبب قلت لا والله مايهمني . المهم ثاني يوم صحى شبه معصب وماكلمني و ولا شي قلت اشويلك فطور قال لا و نزل .. وانا من الظهر اكرف بالبيت رغم التعب اغسل ملابس و اطبخ و امسك الارض و اهتم ببنتي و اكنس و اسوي وانهد حيلي باقي اخر شي اللي هو اللي يكرمكم انزل الزباله .. رحت نزلتها تخيلوا حامل ومن الدور الثالث و معي كيسين و رجولي وظهري وكل شي والله يوجعني .. لما نزلتها وانا راجعه لبيتي شافني واحد من اخوانه الصغار < اولى متوسط .. قال منووو انتي فلااانه قلت اجل منو .. قال عشان تغسلين ثوبي اليوم .. < انا هناااااا عصبت ومسكت نفسي يعني انا وين وهذا وين .. لهم فترة ناشبين لي العيال الصغار اغسل لهم ملابسهم فوق شغل بيتي .. المشكله هم تحت نشافتهم خربانه و المفروووض يغغسلون تحت ويجون ينشفون عندي بس هذولا لاء .. يجون غسلي ونشفي و اكوي !! سلامااااات .. اول مره قبلت وعادي وثاني مره عادي ويجون مرات بعد ما اخلص كل الغسيل و اكون اسوي عشا او انوم بنتي يجون غسلي نبيه جاهز خلال نص ساعه . ويجي الثاني غسلي ثوبي على ما اتسبح ترى ماني مطول عشرين دقيقه عجلي .. طيب انا ابي ارتاااااح ابي انام ابي اخلص شغلي .. ) هذا من الضغوط اللي اعانيها هالفتره .. المهم نكمل لهذاك اليوم المتعب .. طلعت لبيتي و ارسل لي زوجي غسلي شماغي بسرعه .. هو عنده 2 و دايم يكون معلقهم واللي يبيلها غسيل تكون ورى الباب او مع الغسيل .. رحت ادور و ان مافي الا وحده معلقه .. دورت الثانيه مالقيتها قلت اكيد اخوه ماخذها لان دايم ياخذون منه وياخذ منهم وكذا .. المهم اخذت وغسلتها ولما جا فوق قال وشششششششش مغسللللله ما اقصصصد هذذذذي قلت مافي غيرهااا وراح فتح دولابه الثاني حق البناطيل وكذا قال وهذذذذا وششششش قلت ليش حاطهااا هنا انت مغير المكان انا وش عرفني قال الله يلعنك الله ياخذك وووووالخ وطلع وانا سااااكته ماتكلمت .. المهم جا بالليل ماتكلم ولا شي لاعب بنته ونام وانا خلصت شغلي ونمت ..المهم اليوم صحى وراح للدوام وجاء بدري عالساعه 10 وهو يجي 4 العصر دايم .. جا ومعاه عيال اخوه < كانوا عند خوالهم لان امهم والده واليوم هي رجعت لبيتها .. المهم فرحت فيهم وجلست ابوسهم والاعبهم وكذا وبعدها نزلوا تحت وراح هو نزل معاهم .. وشوي ارسل لي جايك فلان عطيه جبنه و عطي فلان تفاحه .. جو واخذتهم للمطبخ كان في بس تفاحتين عطيتهم ولجبنه هذاك اخذ حبه وراح نزل .. و ان زوجي ارسل لي معطيته بس حبه !!!! مكثره والله .. قلت انت قلت جبنه ماحطيت عدد وهو اخذ وحده ع قده وراح يركض .. قال جايك عطيه بعد .. لما جا عطيته كلللل الاجبان اللي بالثلاجه وقلت له قل لعمك هذا كل اللي بالثلاجه .. المهم رجعت لقيته كاتب لي اقلبي وجهك الحين يلا .. وقتها عصبت وقلت ترى لي كم يوم متحمله اسلوبك وصابره و والخ واشتد النقاش الى ان وصل ودني لهلي وبعدها انتوا عارفين الباقي .. ولما قلت له صابره ع تطنيشك واهاناتك لي وتكلمني كني اصغر عيالك قال هذا اقل من حقك ولسا ماشفتي شي .. والشي الثاني اللي نرفزني انه لما يحاول يطلعني من البيت غصب قومني بقووووه و وجعني بس اللي وجعني اكثر كلامه لي وهو ماسكني لما يقول قومي اطلعي مابيك .. قمت ومنها تصرفت هالتصرفات الجنونيه لانه قهررررني حيل والله

رد: اخذ بنتي لاهله عشان ماخذها
 

ايوه صحيه هذي اعراضه انا مرات بعد اتخيل ريحه و انظف البيت وابخر توني ادري انه متعلق بهالشي هههههه
بس انا ضحكت لان لما اعصب ع اهلي اقولهم اسكتوا لاينفجر القولوون ههههه
بس اتحكم بنفسي والله مع اني سريعة الاشتعال لكن بعض المواقف احاول اضبط اعصابي قد ما اقدر .. والله مشكله
الله يعين اللي فيهم ويصبرك على اللي عندك .. اخوي بعد فيه ومره تهاوشنا انا وهو وقالت وحده من خواتي لاحد يتدخل بين القالونات والثانيه تقول الله يعينننننا الحين يدخلون المستشفى كلهم ههههههه

رد: اخذ بنتي لاهله عشان ماخذها
 

في تناقض في أفعالك وكلامك ، احسك ما تبين تطلعين من بيتك وفِي نفس الوقت تبين تقهرينه
لكن اعرفي ان الرجال مايجون بالهطريقة ..
- قرأت مرة لواحد يقول المرأة اللي تطلع من بيتها كأنها تحرق كروت لها عند زوجها. وكل ما تطلع كل ما تحرق كرت وما يبقى لها شيء بالأخير..

وحاجات تقولين فيها لا لا وبعدين تسوين الحاجة .. ليه ما تسوينها بدون كلام زايد دامك مسويتها مسويتها.

ترى زوجك من الشخصيات السهلة في التعامل . تخيلي كان هادي ويستفزك على نار هادئة. يعني اذا شافك ماشية لشارع عام يطنش ويكمل طريقه ولا عليه فيك، تخيلي يشوف رسالتك حق الحبوب ويطنش وما يجيب لك البنت . وقيسي على ذلك ، رجعك البيت بعد طلعتك على طول وانتبه لك في الشارع معناته يحبك ويخاف عليك وقلك ان عديتي عتبة الباب ، معناته ما يبيك تتطلعين ويبيك زوجته،،، بس لازم يشد معاك ولا ما بتشوفينه رجال !
-----------------


، توي اقرأ المشككلة بعد ما كتبت الرد لكن واضح أساسا مافي مشكلة . الأسلوب كان المشكلة .. أسلوبه في طريقته كلامه معاك ، لكن هذا شيء بسيط وينحل.
الحل من وجهة نظري انك ما ترادديه، تردي عليه بكلمة واحدة ولا كلمتين تكون قوية وما فيها غلط. بمعنى انك ما تسمحين له ان يكلمك بأسلوب غير لائق فقط . ومو كل مرة تردين عليه بالهالكلمتين ، مرة واحدة فقط . يعني نادرا. وهو راح يفهم انك من النوع الحليم اللي المفروض يتقي شره.

رد: اخذ بنتي لاهله عشان ماخذها
 

انا والله ما ارادد وقلت له انا ماني اصغر عيالك او اخوانك عشان تكلمني بهالاسلوب !! وقلت له ما اسمح لك .. مع العلم انه هو محترم معي ب اسلوبه ومايقول كذا الا اذت معصب مره لكن هالفتره يقولها وهو رايق وصار يكررهم وقلت له ما اسمحلك تقول لي كذا وجلس يقول اقول كولي تراب بس .. وسكت عنه .. المهم قلتلكم صابره ع غسيل اخوانه والله يجيبون لي ملابس مو مهمه ومالهم حاجه فيها بس مثلا واحد يشوف اخوه جايب ثوبه لان عنده دوام .. هذاك يقوله وين رايح يقول لفلانه تغسل ثوبي يقول صبر صبر ويروح يطلع ملابسه ويجي الثالث وهم جايين ياخذون ملابسهم بعد ما اخلص شغلي و افرغ الغساله و انظف الحمام والخ يجي الثالث ليشششش تغسلين لهم وانا بالله ابيي هالثوب غسليه لي .. طبعا وقتها طردته وقلت خلصت غسيل وماني فاضيتلك روح لخواتك ... بس جا ثاني يوم و عوض .. وتحملت اسلوبه .. وتحملت انه مايقوللي المناسبه مع ان مايهمني بس زعلت من ردة فعله .. وتحملت انه ظلمني ان انا عزمت مرت اخوي لعشاهم مع ان ثاني مره يظلموني .. وتحملت قوله مابيك وكأنه يحسب اخذ بنتتي مني خلاص بلصق بالبيت لان قال روحي يلا روحي لييه ماتروحين والخ كأن يتحداني ... ومع هذا كان داخلي بركان وكنت ماسكه نفسي ما ابكي ولا ابي اغلط بس لما مسكني وجرني يقومني غصب !!! هنا معليششش كرامتي انهدرت واجد وقمت فزيت ركض بطلع و جا وراي وين تبين وين رايحه وقفي اكلمك ليه ماتردين ومسكني مع ايدي ومع وجهي بقوووه ويقول ردي ومع هذا مارديت لان ماني قاادرررررررررررره اتكلم كاتمه البكا وكاتمه عصبيه وكل شي وبالسياره انفجررررررت بكا .. ولما نزلني كنت حابه اروح لمكان غير اهلي ابي اطفش ابي افتك ابي ارتاح لان وقتها بنتي وراحت خلاص مافي شي اخسره .. تمسكت فيها قد ما اقدر بس هو اهااااانني بما فيه الكفايه وطلعت من خطاها .. اعترف ماكنت حابه اروح بالبدايه وجلست بالبيت و اخذ البنت وراح وجا وراح وجا وانا جالسه ماكنت بروح بس لما طردني وقومني غصب مع قوووول مابيك روحي وقتها رحت

رد: اخذ بنتي لاهله عشان ماخذها
 

شغلي القران خليه ينشر السكينه بالبيت ..اثنينكم نفسياتكم مشعلله

ماشوف فيه مشكله الا ان الوضع متكهرب والنفسيه محتاجه تفريغ هموم
وتفريغها بالتقرب لله

رد: اخذ بنتي لاهله عشان ماخذها
 

رد: اخذ بنتي لاهله عشان ماخذها
 

اي والله بدون سبب .. اول شي الخميس كان تعبان و مواصل وقاللي اذا بتروحين لاهلك خليهم ياخذونك لان شكلي اطول ما اصحى قلت طيب .. ونام وتجهزت ورحت وكتبت له الحين وصلت جاني فلان اخذني .. < طبعا اكتب له حتى لو سامح لي لازم اقول له أي ساعه طلعت ومع منو .. واذا نسيت اكتب له او اقوله انت سامح لي يقول حتى لو لازم تعلميني متى طلعتي وكذا .. المهم اضطريت انام عندهم لان هو تأخر ماصحى لثاني يوم من التعب وانا كنت انتظره يصحى للساعه 3 الفجر وبعدها اخواني ناموا وصعب ارجع مشي قالت امي نامي اجل .. ونمت عندهم وكتبت له التفاصيل لان من الساعه 12 كتبت لسا نايم وينك ومن هالكلام .. المهم صحى ماقال شي لان عادي و عذري معي .. ولما صار العصر كانوا خواتي جايات بالطريق وكذا ارسل لي تجهزي قلت ليش قال عشان ثوبي قلت كلهم مغسلتهم وكاويتهم .. وقلت لكم قال انه مو مكوي مع اني متأكده اني كاويته .. وحتى لما جيت شفته ماكأنه هو اللي كويته و شكيت انه هو معفسه بس سكت وطنشت .. و لو انه مو مكوي جد كان عصب بس وقتها ماعصب بس قال طلع موووو مكوي .. المهم الشي الثاني سالفة الشماغ اذا تحتاج غسيل غالبا يقطها ورى الباب.. واحيانا يحطها بالتعليق او ورى باب الغرفه او مع ملابس الغسيل .. يعني اماكن محدده .. هالمره قال غسلي شماغي بدون مايقول أي وحده دايم يحدد ويدلني بالمكان .. هالمره بس قال غسلي .. فتحت التعليق لقيت وحده بس معلقه دورت بالغسيل و ورى الباب مافي شي .. وكنت اذكر اخوه طلب شماغ منه قبل كم يوم قلت يمكن عنده لان لو لقيت اثنين اغسلهم كلهم .. المهم غسلتها وقال ابيها تنشف بسسسسسرعه حطيها بررى وطبعا برا غبااااار وكذا قلت انا انشفها داخل قال بسرعه لان مستعجل المهم كان في ثوب توني غاسلته له كويته بعد عشان مايتحجج ويقول كنت ابي هذذذذا .. وبعد عشر دقايق ارسلت له نشفت قال زين .. وطبعا يكويها عند الكواي . جا هو من شافها عالمشر قال وشششش مغسله قلت مافي غيرهااا راح فتح درج التصفيييييط اللي ماعمره حطططط فيه شماغ .. قال وهذذذذي ايشششش الله ياخذك الله يلعنك الله و الله .. وطلع وهو يدعي ويسب .. يعني والله العظيم مو مقصره وماني غلطانه بشي بالعكس يبي الزله علي و مو لاقي وانا اعصابي تعبانه من كل شي تحملت وتحملت بس خلص للصبر حدود و اللي فيني كافيني

رد: اخذ بنتي لاهله عشان ماخذها
 

هل زوجك عادة ينام وقت طويل ويسهر وقت طويل ؟
قلتي انه اكثر من يوم كامل نايم !
ياليت اذا فيه اشياء ملاحظتها عليه ياليت تقولين لنا .

رد: اخذ بنتي لاهله عشان ماخذها
 

لاا الحمدلله هو طبيعي وماله بالبلاوي لان لو يستخدم شي راح اعرف ع طول ..

بس هو اذا مر بإسبوع متعب غالبا يحتاج نومه طويله وتكون ثقييييله .. يعني هو يوميا ينام 3 ساعات و يدرس و يشتغل بنفس الوقت و يشوف شغل ابوه و طول يومه تعب .. لما يجي الخميس اذا كان تعبان يعتذر من ربعه انه ماراح يجيهم و يوديني لاهلي بدري او يسمحلي اروح لهم عشان ما ازعجه .. ويحط جواله صامت وينام .. ومرات يغيب من الدوام بس عشان ينام نومه طويله .. يعني الحمدلله طبيعي

رد: اخذ بنتي لاهله عشان ماخذها
 

يا ريتاج
خليك عاقله وتصرفي برزانه وذكاء مو عشان هاذي السنه عشان عشرة سنوات قدام ا

اذا بتتصرفي معه كذا وتاخذي وتعطي بهذا الاسلوب المستفز اتوقع علاقتكم بتستمر كذا
الزواج اول بدايات الشخصين ما يتفقو وتصير بينهم خلافات بس الذكيه تحاول تحتوي هاذي المواقف لصالحها وتضع اساسيات وقواعد لهاذي العلاقه ;)

1.كوني اكثر جديه في تصرفاتك وقراراتك وابعدي عن جدال ومشاحنات (كوني ذكيه في كل حالاتك)

2.اغلب الرجال يتاثرو باخلاقيات حريمهم لذلك حاولي تعوديه ع اللفاظ مهذبه لما لعنك مفروض وقتها تزعلي صح وتفهميه بعدها انه غلط يلعنك لانك ماقصرتي فيه وحتى لو قصرتي اللفاظه هاذيي اللي تستحق وقفه وزعل قوي

3. عوديه ع مسوؤليه ويتعاون شوي انتي تغسلي ملابسه بس هو يوديهم مغسله يكويهم
اما انه يتكل عليك لدرجه يرجعك عشان تكوي ثوب!! بكره يزيد الضغط ومع العيال وهو مارح يتنازل
عن هاذي الخدمات المجانيه ;) (مثل ابوي ماياكل الا اذا امي موجوده اذا راحت ينتظرهت مثل بزر صرنا نشل همه مع البزارين في مناسبات)

4.اسمعي كلام مرة وحده عشان الخلاف ما يوصل لسب او لمد يد لانها وقتها حيضيع الاحترام بينكم

5.لا تكوني نشبهه تتهاوشي في شقه وتنشبي عليه بواتساب وتكملي هوشتك كذا بترفعي الضغظ وطبيعي يقول لك كرهتك خلاص تهاوشو وطلع من بيت كذا اعتبري السالفه خلصت

6. اخر حاجه الظاهر زوجك من نوع اللي يتسلى اذا هاوشك فلا تخليه يتعود بالتالي يمسكها عليك كل شوي يرميك بكلمه وانتي تتشوطي وهو ينبسط لكن كل هذا ع حساب احترامكم لبعض


لا حد يقول اللي ماجرب يتكلم بمثاليه ،انا عايشه بين عائلة ثلاث ارباعها حريم وشايفه تجارب كثير dg المهم ما اتكلم من راسي احلل من اللي شفته في حياتي

رد: اخذ بنتي لاهله عشان ماخذها
 

بالعكس اسعد فتاه الله يسعدك كلامك صحيح .. بس اذا ع ثوبه قلتلك هو متحجج يبي اقول له لسا ماغسلته او ماكويته وكذا مامسك شي علي ولا خرب جلستي لان انا ماروح لهلي الا مجهزه كل شي ومنظفه كل شي .. عشان كذا ردها لي بسالفة الشماغ .. وانا قليل اروح اكمل هوش كتابه

رد: اخذ بنتي لاهله عشان ماخذها
 

قبل ساعتين كنت تعبااانه منهد حيلي نومت بنتي وانسدحت ارتاح وسمعت الباب يدق ومعروف مايندق بهالوقت الا يا صغار او وقت الغسيل يجون وغسلي لنا وماقمت فتحت لان دايخه ما ادري هو بابي ولا باب اللي تحت وماقمت اشوف .. و بعدها بساعه ونص طلبتني مرت اخوه جهاز وعطيتها .. مع ان قلبي ناغزني الدق الاول انه عشان غسيل .. المهم الحين جا من الدوام وطبيعي يكون تحت اول مايجي والظاهر قالوا له مرتك مافتحت لنا < المغسله مافتحت هههه > هو ارسل لي ليه ماتفتحين الباب من اليوم يدقون >>> الظاهر يحسبني مت او طفشت .. قلت له متى قال تو قلت تو ماجت الا فلانه وفتحت لها > والظاهر سئلهم عن الوقت وقالوا له قبل ساعتين .. المهم سئلته اهلك وش موكلين بنتي قال حبوب قلت جد اتكلم إسئلهم ابي اعرف بلاها < لان بطنها تووووجعها > قال ماعطوها الا شاي ... وبعدها سكتنا والحين جالسه افكر اذا جا فوق كيف اتصرف

رد: اخذ بنتي لاهله عشان ماخذها
 

اختصر لك السالفة زوجك عنده امتحانات وهاذي نفسيه الامتحانات
بدايه شهر ابريل كان عندي اختبارات عزالله ماخليت حد ما هاوشته hhggr
برفعو المعلمين ضغطي واللي في البيت مايكونو عارفيني متضايقه يجو
يكلموني اي كلمه منهم تخليني انفجر اخر شي صار يضحكو قالو زي الشغاله اللي تدور زله وتقول انا مشاكل مايريد jyfjhjhjhjhjhjhjh

رد: اخذ بنتي لاهله عشان ماخذها
 

بس الاختبارات مو عذر لهالتصرفات .. يكون معه حق اذا طلبته سوق بهالوقت او مشوار او شي .. بس انا ما اضغط عليه وبالعكس واقفه معه ومقدره وضعه

رد: اخذ بنتي لاهله عشان ماخذها
 

من جا ماتكلمنا ولا حطيت عيني بعينه هو بالغرفه وانا اخذت الاغراض اللي احتاجها لحد ماينام وطفيت الضو وسكرت الباب وجلست بالصاله عند بنتي

رد: اخذ بنتي لاهله عشان ماخذها
 

واضح الله فيك ضغط نفسي حبيبتي

هدي بالك ،، وليني شوي معاه

واضح وجود الحب بينكم اللهم زد وبارك ،،

بس م عليه كلام اللسان عند العروسه يذوب الجليد 😉،، واكيد فاهمتني


الله يتممم عليك ويقومك بالسلامة

رد: اخذ بنتي لاهله عشان ماخذها
 

حياتكما فيها من الاستهتار الشيء الكثير ، بالاضافة الى كسر حواجز الاحترام بينكما ...
و كلا الامرين مشلكة ان لم يستدركا !

رد: اخذ بنتي لاهله عشان ماخذها
 

فيه قاعدة مهمة وهي ترتيب الاولويات ..
انتي للاسف تسوين كل شيء وتحطين الحرة بالاهم وهي زوجك !
صدقيني ترا ماجاب خبر لثوب اخوه المكوي ولا للارضية اللماعة ..
الحياة ابسط من كذا يبي لا جاء لقى حرمة مبسوطة ورايقة بس .. تقدرين تسوين كذا ؟

سويلك جدول وامشي عليه يوم السبت مثلا للغسيل والاحد للكوي ، الاثنين لغسيل الارضيات ودورات المياه وهكذا ..

اما سالفة تنزلين الزبالة ثلاث ادوار لا تعليق ! تحسبين زوجك يقول ماشاءالله عليها كبرت بعيني يوم انها تشتغل وتكرف كرف وهي حامل ومعها نزيف؟
ولا اهتم ولاشغل حالة تدرين ليه ؟ لانك انتي اصلاً مارحمتي نفسك مسوية فيها السوبر وومن !
تبين يدلعك ويشوف فضلك ؟ اعي نفسك وحبيها ودلعي زوجك معك بدون كرف زايد !

تعلمي وتسنعي الكرف عمره ماحبب الرجل بزوجته .. الرجل يحب زوجته من اهتمامها بنفسها ونفسيتها الحلوة واهتمامها ( الظاهري ) بالبيت !
سوي اكل ورتبي ع السريع واكشخي واستقبليه وبس ..


الحين روحي عنده وانتي تبكين قولي معي نزيف بروح الدكتوره ..
واذا رحتي الدكتوره ادخلي عليها وقوليلها ان زوجك كارفك ومخليك تكرفين لاخوانه .. وخليها تكلمه وتخوفه بانه لازم يراعيك ..

واذا رجعتي بطلي الكرم الحاتمي الزايد تنزيل الزبايل من ثلاث ادوار وكوي لاخوانه ومدري ايش !

الاسلوب ثم الاسلوب ثم الاسلوب لا تتصادمين معاه

ورجاء ( لا تسوين شيء منتي قادرة تتحملين نتايجه ) ماتصبرين عن زوجك يوم واحد تهايطين بالروحة لاهلك ليه ؟؟!!!!!!!!!

رد: اخذ بنتي لاهله عشان ماخذها
 

اذا كنت زعلانه الا والله اصبر سنه مو بس يوم .. انا ما اسوي نفسي سنعه بس زوجي دقيق بهالامور وتعلمت الشغل ببيت زوجي لان ببيت امي ما اسوي ولاا شي الا ارتب غرفتي .. المهم هو يحب النظافه وانا قايمه بككككل شي بالبيت وبالطبخ وبالبنت و فيه هو وبالحمل و بنفسي .. يعني اكشخ واهتم ما اهمل نفسي وبنفس الوقت ما اخليه يمسك علي شي .. يعني انا منظمه وقتي بالغسيل والكوي بس اخوانه لخبطوا جدولي لان يجوني بأي وقت اكون مخلصه وفجأه يطبون بأي يوم وأي ساعه وياليتهم يجون دفعه وحده ويخلصوني .. واحد العصر واحد 7 واحد 9 .. وكذا .. و زوجي الغسيل مره بالاسبوع الا اذا شي مستعجل عليه .. وعادي غسيل زوجي وبنتي مستعده اغسل 24 ساعه بس ماني مستعده لاحد ثاني .. ومثل ماقلت لكم الشي اللي يقهر ان هم بس النشافه خربانه يعني لو الغساله والكوايه نقول ممكن .. المهم بالنسبه للزباله والله ماعرفتها الا هنا ومره بالغلط قلت لزوجي اف من زباله تعبتنننني والله ماعرفت الزباله الا عندكم وبعدها عدلت كلامي هههه .. لان جد والله اهلي وضعهم المادي بسيط جددددا ومع هذا حاطين خدامه و للزباله فيه عامل يعني الشغاله تحطها له عند الباب وكذا .. انا ماعمري طلعتها ولا عمري عرفت كيف يلمونها .. اما هنا جلست فترررة ماطلعتها وكنت احطها بالسطح لان الشقه صغيره والمطبخ صغير .. و كل ماهذا احط بالسطح وتشوفون والله ماعرف المها اللي ينقط مويه واللي كيس انفتح واللي مدري ايش .. بعد فتره طويله ماعاد اقدر اتحمل لان امتلى السطح صاروا 6 اكياس واكثر .. كان بيطلع قلت له حبيبي ايه قبل انسى وقف بعطيك كم كيس نزلهم معك لان زباله كثرت .. قال امممم نزليها انتي واذا خايفه اوقف لك .. قلت لا انا مايصير لان امي .. قال هنا غير و عكسكم تماما .. < احنا اذا العامل ما جا عادي اخوي يطلعها > قال هنا عيب ننزلها احنا و هنا الحريم هم ينزلونها .. لما قال كذا لبست عباتي ونزلتها ع 4 دفعات وقتها ماكنت حامل .. ولما حملت صرت اتعب بس شسوي لاحول ولا قوة مجبوووووره يعني مو من كيفي اتميييدح عنده .. و احاول ما اقصر تجاااه شي .. حتى شغلي بالنت اهملته لان مافي ووووقت .. الزواج مسؤوليه وانا احاول اكون قدها والحمدلله اعتبر نفسي قدها وبشهادته هو مره قاللي منتي مقصره بشي وجلس يمدح .. انا نفسيتي تعبت وكرهت الشغل وكل شي .. كرهته من اخوانه ومن التعب ومن الحمل فعلا مرات احمل نفسي فوق طاقتي ومرات ما اهتم واسوي اللي يطلع بيدي بس اخوانه رافعييييبن ضضضضضضضضضضغطططططططططططططططططططيييييييييييييييييييي يييييييييبيييييييييييييييييييييييييييييييييييييييي يييييييييييييييييييييي 98% من الضغط النفسي اللي فيني بسببهم

رد: اخذ بنتي لاهله عشان ماخذها
 

انا. استغرب
ليه اخوانه يجونك وتخدمينهم !!

انتي اصلا منتي ملزومه فيهم

ايش السبب

رد: اخذ بنتي لاهله عشان ماخذها
 

رد: اخذ بنتي لاهله عشان ماخذها
 

اعتقد انتي مضغووطه نفسيا من تعب الحمل ..
وهو كمان مضغوط نفسيا ( حاولي تعرفي من ايش )

لكن مهما صار من ضغوطات نفسيه المفرووض ماتوصل لهذا الاسلوب منه ( الله يلعنك والله ياخذك ومن ذا الكلام ) ماينفع حتى لو بقمة الزعل لا من الزوج ولا من الزوجه <<< لازم يحل مشكلة ردوده

وبالنسبه لاولاد اخوانه انت مو مجبوووووره ابد ابدا تغسلي وتكويلهم من حقك وبكل صراحه تقوليها بوجهم انا حامل وماسرت اقدر اتحمل ..

انا مثلك حامل والله يادووووب اشيل بيتي والدوام لو احد يطلبني شي ممكن اول مرا ثاني مرا بعد كدا مستحيييييل .. الزم ماعلي راحتي ونفسيتي ..

خففي من التزاماتك وارتاحي .. جيبي شغاله لو حاسه بضغط الشغل .. وخدي فترة استجمام لنفسك في بيتك او اي مكان ..

رد: اخذ بنتي لاهله عشان ماخذها
 

قومي قيام الليل وصلي وادعي.
انتوا الشيطان دخل بينكم.
واضح انكم تتصرفون تصرفات جهال.
اللي قاعدين تسوونه مب في مصلحتكم ولا منه فايده تطاول باللسان وصراخ ومخلين البنت لعبه بينكم.
خذوا هدنه من بعض وابعدوا شوي عن اجواء التوتر هاذي اللي ماراح تجيب الا المصايب..

رد: اخذ بنتي لاهله عشان ماخذها