|
زوجي تفل علي !!
السلام عليكم اعضاء المنتدى الكرام ..
صارت مشكله بيني وبين زوجي قبل اسبوعين .. اللي صار اني بعد صلاة الفجر طلبت زوجي يطلعني نفسي اشوف شروق الشمس .. قال والله مافيني تعبان .. علماً انو كانت عملية اخته خلصت الساعه 12 بالليل عملية ورم في الراس .. انا قلت مو مشكله .. قال شيء بس ناسيه بس مضمون الكلام انو مو لازم اطلعك قلتله ذحين انا لما اطبخ لك اطبخ لك بحب لاني احبك ونفسي اطبخ لك وانت كمان اذا بتطلعني طلعني بحب .. المهم قمت سويت له نعناع لانه يبغى وحطيته عنده وجلست عنده وكنا ساكتين .. قلتله انت تمشور ؟ ( علماً ان زوجي مو موظف ) قال ايوا ليش ؟ قلتله ايش رايك كل مامشورت او حصلت مبلغ تعطيني منه وانا اخليه عندي واجمع .. قال ليش قلتله لاني محتاجه اغراض كثيره قالي ايش هي و عددتها له من ضمنها تنظيف بشره وفواحات للبيت وشغلات بنات .. قال حتى انا محتاج اغراض قلت يعني انا اللي اروح ادبر الفلوس انت الرجال وانت اللي تدبر الفلوس .. قال وتنظيف البشره يعني مهم .. قلت عندك مو مهم عندي مهم ( لي سنه متزوجه ومتعة اول سنه زواج من سفر وفنادق وبوفيهات ماشفتها وهذا اللي قاهرني وضاغطني ) المهم قلتله بدل ماتروح تجلس عند العيال كل يوم مشور جيب لنا فلوس قال اسكتي قلت ايوا بسكت اصلا انا خلاص وصلتي معي هنا قال ايشش ؟؟ ماباقي الا انتي تقولين لي كذا ؟؟ و تفل وقال كلمة غير لائقه ابدا .. وقام مسكني مع يدي بقوه قلت الا الضرب ححدك عاد وقام رجع جلس مكانه ورمى الطاوله وقمت انا ورحت على الغرفه وسكت اسبوع كامل ما اكلمه ولا يكلمني استناه يعتذر على تفلته بس ما اعتذر وانا قايمه بواجباتي اغسله واكوي واطبخ والوضع جدا طبيعي عندي وهو ينام ويطلع وبس يوم السبت اللي راح قلتله وينك بكلمك بموضوع قالي ايش تبغين قلت بخصوص اللي صار جا البيت وقام يلاعب البنت بعدين جاني وقلتله ايش تغير بعد اخر مشكله صارت بيننا ؟ قال اسالي نفسك قلت ماتغير شيء ليش تتفل علي ؟ قال وتفلتين بعد .. انا هنا مرا عصبت من الوقاحه هذي وقلت ياششيخ !! ايش رايك بس ننتهي لاني من جد ماعاد اتحمل اصلا انا امس كلمت اهلي وقالو لس هذي حياتك وانتي ادرى بتستمرين والا بتتطلقين قال وانا عادي عندي اروح للمحكمه واقول كل شيء قال مو عاجبك روحي لابوك قولي له انا ما ابغاه قلت ايوا هذا اللي بيصير وقمت بلبس عباتي وقام هو طلع من البيت وانا رحت بيت اهلي .. من البكرا نزلت البيت لقيته نايم اخذت اغراض وقربت منه وقفت شوي لحفته قال خخير ايش تبغين قلت بتكلم معاك ويمسكني مع يدي بقوه ويقولي ايش تبغين ؟؟ انا طنشته وجلست وقمت اتكلم معاه مصر مايعترف بغلطه يقول انا السبب انا اللي ما احترمه ويشوف كلامي ( بدل ماتجلس عند العيال مشور جيب لنا فلوس ) اهانه بحقه وقلة احترام !! قلت انا ادور مصلحتنا ماقلت شيء غلط .. قال ما اقبل تكلميني زي كذا .. كان من ضمن كلامه اني ماعمري حسسته بالاحترام رغم انه يفرض علي اشياء لكونه رجل بس وعناد فيني .. ومن ضمن الاشياء اللي ذكرها كلام لي في تويتر مع واحد كان في حساب كلام رومنسي في تويتر كاتب ( تبقين حبيبتي لو صار بيننا زعل ) ورديت انا ياليت زوجي يقولي كذا رد علي واحد ( كوني انتي البادئه لو طال الغياب ) رديت انا ( ليته يحس بس ) ردي علي ( سلامات يانور عينه سلامات ) وكلام اخر في تويتر كان فيه واحد طرح موضوع ايش اصعب شيء في الحياه الزوجيه قلت انا العصبيه واللسان البذيء اكثر مايدمر الحياه الزوجيه رد علي فعلا شيء لا يطاق .. وهذي كلها زوجس مصور عليها الشاشه في جواله وفتحها وقالي شوفي والله لو رجال غيري زوجته سوت كذا ماتجلس عنده دقيقه تحرررق هنا ويدق صدره بقوه ( علما انو قبل قالي لا تكلمين رجال في تويتر ولا ترتوتين ) انا معترفه بغلطي بس قلتله مو مستعده اخسرك وما ابغى بنتنا تضيع قال ماهي ضايعه .. كمان يشوف اني طلعت بيت اهلي عدم احترام له رغم كلامه !! ابدا مو راضي ينسى اشياء صارت قبل من ضمنها اني مرا قلت يالله زوج بنت خالي مررا طويل احس هذا الشيء جرحه رغم اني قلتها بعفويه واشياء صارت كثيره تصير من بعفويه بس هو يفهمها غلط لانه جدا غيور .. المهم قالي خليك عند اهلك لين الله يفرجها !! ايش رايكم ؟؟ هل انا فعلا غلطت بحقه ؟ وهل اللي سواه التفله لها مبرر !! والله احس مو راضيه انسى تفلته واحقد عليه رغم امي ماودي حياتي معاه تنتهي |
رد: زوجي تفل علي !!
كمان قالي كلامك ( انا كلمت اهلي وقالو لي براحتك هذي حياتك بتستمرين والا تتطلقين قويه بحقه ) يقول حطي نفسي مكاني لو قلتلك اخواني واخواتي انا جلست معاهم وقلت والله هذي البنت ماتناسبني وقالو بي براحتك بتطلقها والا بتخليها يقول ترا هذا الكلام قووي قوي بحقي
ولما سالته ليش تتفل يقول ماتفلت عليك تفلت على الشيطان .. قلت طيب لما سالتك ليش تقولي تفلتين بعد قال لانك تكلميني بطرف خشمك !!! |
رد: زوجي تفل علي !!
أخته مسوية عملية ورم في الراس نص الليل
والفجر تقولينله طلعني بشوف شروق الشمس ؟؟؟؟ وقوم كدّ أبي اسوي تنظيف بشرة !! كل شيء يطاق في الدنيا الا ----- والنكد ----- |
رد: زوجي تفل علي !!
ابلة دلال ..
كل شيء كلن بهدوء وروقان ماقلت شيء بعصبيه او امر !! غير كذا هو كان عادي يضحك ويسولف ولما طلبته انقلب فجأه !! |
رد: زوجي تفل علي !!
اقتباس:
وانت ما تذكرت شروق الشمس إلا صبحية العملية وأخته بين الحياة والموت لا طلبك ضروري ولا الشمس راح تختفي وما تشرق من جديد أخشى أن يكون طلبك جص نبض, تشوفي قدرك وسط الظروف وانشغال البال اللي هو فيه يا حبيبتي هو كان يضحك ويسولف يمكن حتى ما ينكد عليك وما تقولي مشغول عني بأمر أخته.. وبدل ما تتفهّميه, رحت أنت تطلبين أشياء قابلة للتأجيل بكل سهولة ثم شأن التعليقات في التويتر, رغم تنبيهه لك الكلام اللي علقت به ما يليق من دون ما يكون نبهك, كيف وقد فعل ! أٰظن أنّ بينكم تراكمات فيا ليت تذكري هنا إذا فيه خلافات أخرى مهمّة حتى يساعدك الأعضاء لازم تجلسي مع زوجك وتصفّوا مشاكلكم, بعد الهدوء أنت غلطانة في أمور كثيرة وهو جالس يجمع ويبلع وبدأ ينفجر ومثل ما قالك, حطّي مفسك مكانه في كلّ شيء وشوفي كيف يكون إحساسك , |
رد: زوجي تفل علي !!
يا حبيبتي ؛ الغلط متساوي بينكم
اول شي تعرفين انه غيور لازم تحاسبين مليووون مره في كل شي! اعتذري عن التويتر- اعتذر عن الزلات اللي تهزه وانتي غافله ؛ و اعطي الاعتذار حقه ثانيا تراه عاطل و مساله انه يمشور يمكن حساسه عنده فاسلوبج استفزه جدا ) قوم مشور بدل ما تجلس عند العيال) بعد من حقه ينفس عن نفسه! ثالثا خلاص بس من اللوم و المعاتب مبدأ التغافل و التجاهل ل يسير المركب لازم تتقنينه الرجل ؛؛ يبغي له تعترفين ب غلطج و انج مستحيل تقصدين تزعلينه وانه الحبيب و الغالي و عطيه كم من وعد-- مسالة اهلج فعلا ردهم عادي بس خذه بحساسيه لانه توقع انهم يقول لج هذا كفو و عيب عليج ما بتحصلين مثله -- بس هو فهم انه فراقه و وجوده واحد -- و هذا غير انه الرجل ما يحب اسراره تطلع لو يكون هو الغلطان-- انتي لازم تتقبلين واقع انه مضغوط ماديا و لا تتذكرين شهر عسل و خرابيط لانها بس توترج و تخليج اتسوين الشي ب ممبالغه ياختي سلامته ووجوده لج و ل بنتج اريح مليون مره من فراقه عيدي النظر ووقفي العتب ولا عاد تخبرينه بتدخلات اهلج الله يصلح بينكم |
رد: زوجي تفل علي !!
http://www.66n.com/forums/showthread.php?t=268122
http://www.66n.com/forums/showthread.php?t=271132 http://www.66n.com/forums/showthread...54#post3470454 هذي مشاكلي مع زوجي .. اتمنى منكم الراي السديد لاني عازمه اقرر يا اكمل يا انفصل |
رد: زوجي تفل علي !!
زوجك صادق تري
فعلا تعاملك معاه في قلة احترام كأنه زميلتك في مقاعد الدراسة اختيارك لتوقيت الحوار غلط و مستفز كلامك عنه لاهلك و نقل ردهم له بطريقة فيها ضغط و استنقاص واضح باله معك طويل او ظروفه صعبة راجعي نفسك و تقصيره و عطالته تتناقشي معاه في وقت روقان و بالحسني و اسمها تدور علي باب رزق نعمل مشروع مش تمشور كأنه عيل تايه حتي لو بتمشي بعفوية زي ما قلتي اسلوبك غلط يا اختي ينطق الصخر |
رد: زوجي تفل علي !!
فيه شيء حصل قبل فتره وهو كان ذكرى زواجنا رغم ان الماده معدومه جدا عندنا الا اني اصيرت اسوي لو شيء بسيط ارسلت كيك وورد وارسلت له هديه كان معي مبلغ ضعيف 200 ريال وسويت فيه اللي اقدر عليه رغم اني كنت في اشد الحاجه له .. وكان عنده خبر ب أني بسوي حفله .. جا البيت وانبسط وقالي كلام حلو وشكرني على الساعه 11 قال اشتقت لبنتي قلت اقول لاخواتي ينزلونها وقال يالله بنطفي الشموع عشان البنت ماتنكتم وطفيناها وقام شغل الانوار انا تنرفزت جدا كنت ابغاها ليلة مميزه بس ماساعدني كنت متوقعه يجيب هديه بس ماجاب وكنت متوقعه عالاقل يعشيني برا بس ماعشاني نزلت البنت وانا رحت الغرفه ابكي وغيرت ملابسي وناداني قالي ايش فيك قلت ابدا سلامتك مافيني شيء وجلس ساعه يسالني وانا مصره انو مافيني شيء هو طنقر وزعل وجلسنا يومين مانكلم بعض نرفزني جدا اخر شيء انفجرت وقلتله انت ماقدرت اللي انا سويته حاولت قدر المستطاع اجيب لك هديه وماقدرتها تركتها على التسريحه مسوي زعلان و ماطلعتني تعشيني توقعت ليلتنا غير انت حرقت قلبي كلها هذا وهو ساكت ويرمي علي نظرات يعني اسكتي قلت ماني ساكته انت حرقت قلبي قام وطلع ورجع قال بقول لاخوي يحولي فلوس الحفله اللي انتي سويتيها قلت بعد تقولي كذا !! والله ماقدرت اللي انا سويته وقمت ابكي قام طلع مرا ثانيه قلتله الله يحرق قلبك مثل ماحرقت قلبي 😪
ورسلتله في الواتس والله ان غلاك وحبك قل عندي وقالي قبل امس انه مو راضي ينسى كلامي هذا وانه جرحه بس ياناس هو تصرفاته تقههرر يضغطني بشكل قوي وانا انفجر |
رد: زوجي تفل علي !!
حلول مشكلتك
في الصراحة (الأسلوب مهم جداً) و في إختيار الوقت المناسب للحديث يعني موقفك الأخير اللي ذكرتيه كان المفروض تكملين ليلتك معاها وتكون ليله جميله بلا دموع و لا حزن و بعدها بفترة تكلميه بأنك تحبين يكون بينكم ليالي رومنسية تتبادلون فيها الهدايا و يكون بينكم طلعات لمطاعم و فنادق و تغير جو و كذا أما تقلبينها نكد و غم و هم هذي مره صعبه و بخصوص موضوعك الأساسي هنا هو عطاك رد و أرى ردوده كلها مقنعه وقالك أنه تفل على الشيطان ما تفل عليك وضع نفسي مكان حقيقة أسلوبك مره كان غلط لم تتوقفي لا بالوقت و لا بالأسلوب هداك الله الظاهر أنه هو عصبي بزيادة و حساس زيادة و أنت حساسه زيادة عن اللزوم و بخصوص مراسلاتك في تويتر حقيقة هي صعبة جداً جداً على الإنسان الغيور أسأل الله أن يهدي سركم و يوفقك و يجمعكم على خير |
رد: زوجي تفل علي !!
كم عمرك إنتِ ياسام ؟ اقل من 17 يمكن ألتمس لك عذر .. لكن أكبر هذه مشكلة عظيمة ؟؟ تدرين وين المشكلة ؟ المشكلة ان كل البنات اللي نفس نظامك في الإسلوب واللي تلقط عبايتها وتزعل وتروح وتسوي نفسها تبي الطلاق وتبي تنظر للإنفصال بجدية هم نفسهم اللي تمووووت وتنتحر لو تجلس يومين زعلانه عند اهلها وهي اللي بعدين تكلمه وتتصل وترسله وهو اللي يطنشها ! يعني ما استفادت من العجلة والطيرة وتصغير العقل إلا إهانة نفسها بس مير لو انها تصمل بنقول وجهة نظر !! ياسام أدّبي نفسك ببعض الآداب اللي تنعكس على بيتك وزوجك ويصير يعاملك هو بعد فيها .. الرجل له إحترامة وهذه حقيقة ودنا ماودنا برضانا غصبا عنا الرجل له إحترامة .. لاتكلمتي معه تكلمي بأدب بإسلوب صوتك لايرتفع عليه .. نظّفي لسانك معه اشكريه استأذنيه قبل أي حوار !! إختاري وقت مناسب ياشيخة هذا أقل شيء !! وقت مناسب وجلسة مناسبة نناقش فيها موضوع جوهري في حياتنا ! وفيه ظروف خاصة وفيه أمور إضطرارية مثل لما يكون عنده مشكلة معينه ومؤلمة أو أنا عندي لازم نراعي هالظروف ونأجل كل الاعتبارات ونوقف مع بعض لين تنزاح الغمّة .. لو انتِ تتكلمين بأدب وتختارين وقت مناسب وتناقشينه بحجة وذكاء وفطنة وتراعين الظروف هل تعتقدين بيقدر يتعامل معك بعكس كذا !؟ لأن انت تعطين إشارة إنك مهذبة والحياة والتعامل معك لازم يكون بنفس الطريقة من الرقيّ .. الرجل لايمكن تعجبة إلا (المرأه الذكية ).. أما الضوضائية العشوائية النكدية الثرثارة في كل وقت وأيّ وقت لايمكن تعجب أحد .. وفيه نقطة مهمة لازم تجدولين حياتك وترقمين النواقص حسب الأهمية .. 1-أنا والله زوجي الآن عاطل لازم يشتغل حلوو خلاص نشتغل على هالنقطة لين ربي يفرجها وهكذا وفيه شيء مهم جداً جداً جداً .. الوحده تجلس في مشاكل ومد وجزر والاحترام معدوم والأساليب بينهم دمار واذا جا ذكرى الزواج او ليلة عيد راحت وجهزت الليالي الملاح !!!!! ياستّي اذا صار ماعنده فلوس يعطيك وماعنده يجيبلك هدية وانت عارفه انه ماراح يجيب لاتسوين حفلة تتكفلين انت فيها فقط بالدفع ! هذا الغلط وهذا فتيل المشاكل لانك عارفه انه ماراح يساهم !!! كان بهالـ 200 رحتي وسويتي تنظيف البشرة اللي نفسك فيه ! هذه مو ضرورة في الحياة الزوجية الضرورة هو الاحترام وترويض النفس والتعامل الطيب وحل المشاكل بصورة صحيحة |
رد: زوجي تفل علي !!
احذفي التويتر ، اذا ما عرفتي كيف تستخدمين وسائل التواصل الاجتماعي احذفيه
على شو تشكين في التويتر يعني بيحلون مشكلتش ! واذا استغل احد احتياجش العاطفي ودخل من هالمدخل وتصيد لش يا اختي تصرفاتش كلها هوجاء ما فيها اتزان وذكاء او حتى تقدير |
رد: زوجي تفل علي !!
هلا اختي ..نعم أخطأتي..أسلوبك مستفز له .. هو انسان غيور وانتي تزوجتيه وعارفه وضعه المادي لا تطلبينه اشيا غير مصروفك الشهري لانه شرعا مو من حقك اي شي غيره
لا تقارنينه باي احد ولا تسولفين عن اي رجال ثاني قدامه واضح انه عصبي فلا تستفزينه واذا ودك تطلبين اطلبي اشيا معقوله .. واختارت وقت مناسب مو الفجر ويوم عمليه اخته الله يهديك ويسعدك يا اختي |
رد: زوجي تفل علي !!
اقتباس:
وبعدين انت ماجاتك الطلعة إلا مع عملية اخته تقولين طلعني اشوف الشمس ههه لو غيره كان ورّاك النجوم ههه اسلوبك لاعلاقة وفهمك خاص جدا للامور ما سمعتي أن البادي أظلم؟ انتي تاخذي ردات فعله على غلطك وتمسكيها لوحدها وتعمليها هي مشكلتكم كل شي عملتيه غلط ويقهر وزيدي عليه انه مايشتغل فمو ناقص تذكريه وتسفهيه كذا، معليش بس انا برايي انتي يتعرفي وقتها انه موقته ذاك الحوار والنكد بس كانك سويتيه قصدا ليش؟ معقولة ماعرفتي انها ماراح تعدي على خير؟ وليش انتي ما اعتذرتي؟ مادام عندك القدرة تكلميه وماغلبتك عزة نفسك كان استغليتي الموقف وحطيتي بهارات اعتذري انتي اول مع شوية عتاب حبايب وبتشوفي كيف هو تلقائيا بيعتذر. انتي من بدأتي. الله يهديك |
رد: زوجي تفل علي !!
اقتباس:
من أكبر الأخطاء التي تؤزّم العلاقة الزوجية وتزيدها سوءا, هو أن المراة تتوقّع أنّ زوجها لازم يفكّر نفس تفكيرها وأنّه لازم يفهم اللي تبغيه من غير ما تقوله, هكذا, كأن يوحى إليه أنّها تريد هذا الأمر ! تتوقّع شيء وما يصير, تعطيه وتنتظر يعطيها وما يصير تزعل وتنتظر منه يعتذر والسبب عنده مجهول, عملت له المفاجأة واشتريت الهدية, مشكورة جدا لكن هو ربما لا يعرف لهذه الأمور خاصة وأنها اول مرة والهدية تجي عن طيب خاطر والمقابل لا يكون حتما هدية مثلها أو في وقتها هي رصيد يبقى وقعه طيبا في القلب أما إذا انقلبت منّ ومطالبة تصير نكد, وبلاش منها.. أيضا حبيبتي انظري كيف هي صلاتكما, والفجر بالخصوص وهل تستمعون للأغاني ؟ لأنّ المعاصي مهما صغرت لها أثر , |
رد: زوجي تفل علي !!
ان كنت انا اخطيت بحقه علموني ايش اسوي ؟
ابغى ارسله رساله اعتذر في الواتس ايش يكون محتواها ابغاه اعتذار رسمي مو ودي لان حتى هو غلط علي وماودي ارجع بدون مايعتذر على غلطه |
رد: زوجي تفل علي !!
مسك الليل
فعلا هذا اللي حصل وهذا ماقالي جد جد مو بس كسر خاطري حتى حطم كل معنى للحب في قلبي وكل اللي صار بعد هالليله من مشاكل لاني اتذكر كلامه هذا وانقههررر اموت في مكاني |
رد: زوجي تفل علي !!
اختي سام ...
اولا اشكرك و احييك و اقف لك احتراما على مصداقيتك في الكلام و صدقك في نقل المواقف دونما تنميق او تقليم ... عموما ، انبهك اختي الى امور استنبطها من خلال موضع : ● اسلوبك غير مؤدب معه ● اشعال نار المصيبة ثم محاسبته عى ردود افعال ● خلق النكد و الابداع في تحويل الفرح الى حزن و كآبة ● لا تجيدين اختيار الوقت المناسب... ● عدم مراعاة الجانب المادي لزوجك ● تتعاملين مع زوجك و كأنه مطلع على قلبك. ● عدم احترامه و التقليل من شأنه و هذا امر حق مثلما ذكر .،، ● عدم الاستجاب له و البدأ بالتعدي للحدود الحمراء كما فعلت في قصة تويتر ... ● تختلقين المشلكة ثم تنتظرين الاعتذار ! اسأل الله ان يصلح حالك اما عن كيفية التصرف ، فلو كنت انا مكانك و علمت أني على خطأ ، رجعت له طالبة الصفح و السماح ولا انفك عنه حتى تنتهي المشكلة .... |
رد: زوجي تفل علي !!
كيف يكون الاعتذار الرسمي دا كمان !!!
خدي بنتك و انزلي بيتك بكل هدوء و اذا سألك ليش جيتي قولي اشتقت لبيتي و بنتي اشتاقت لابوها اعمليله النعناع الي يحبه و قومي بواحباتك عادي و شوي شوي بترحع الامور طبيعية بينكم لما يشوفك ودودة و هادية يلين ان شاء الله و عشان الحل طويل المدي ارجعي اقرأي رد ابلة دلال مرة و اثنين و ثلاثة فيه خطوات الحل الي تناسب وضعك مع زوجك و بالنسبة لليلة حفلة زواجكم الي من يومها شايلة عليه انت غلطانة مليار في المئة ضغطتيه في الزاوية و بعد تدعين عليه انقهرت عليه و انا ما اعرفه رسولنا الكريم استعاذ من قهر الرجال راجعي نفسك و حاسبيها و لا تحطي نفسك في مواقف سخيفة تخلي زوجك يقلل من احترامك في كل ما ذكرتيه تصرفاته كانت ردود فعل ليس اكثر |
رد: زوجي تفل علي !!
اقتباس:
اللي بينكم لا يطلع برا بيتكم انتي رحتي لي اهلك وكلام فاضي سارت موضه كل من زعل شال عفشه وراح هنا انتي بديتي تحطي نهاية لي علاقتكم اذا تحترمي زوجك وتقدريه اتقبلي منه كل شي اذا في شي زعلك اتركيه وتعالي بعذها بيوم عتاب خفيف لطيف مع شوية احتواء والامور تنحل شويه شويه هذي الحياه الزوجيه حتشاركو بعض بكل شي نصيحه اعتبريها من اخ لا تفكري تخرجي من بيتك مهما يسير لو زعلتي ادخلي اي غرفه لين تروقي وتخرجي والله يوفقكم ويسهل اموركم |
رد: زوجي تفل علي !!
اقتباس:
اقرأيه بتركيز تركييييز الله يصلح احوالك |
رد: زوجي تفل علي !!
اقتباس:
هو يكسر الخاطر انه قال راح اكلم اخوي يحولك, يعني ماعنده المبلغ, وتبين هديه وتبين عشا في مطعم!!؟؟ وهنا مدري وش فاهمه من جملة "يكسر الخاطر"؟؟ ثاني شي هو بيردلك المبلغ فليش المقدمه حقة انا سويت وسويت وانت..ماسويت ولا شي..ggg ي اختي اللي يبي يسوي شي يسويه بطيب خاطره بدون يطلب مردود, وانتي سويتي العكس!! . |
رد: زوجي تفل علي !!
أولا : س1/ هل تزوجتيه بالإكراه الكامل( رغم أنه مستحيل قانونيا لأن كاتب القران يأخذ جواب الفتاة شفهيا)؟ . نعم، إذا نصيحتي أدناه لا تشملك. لا، إذا هي تشملك. س2/ هل تزوجتيه بنصف إكراه (ضغط نفسي، أو برمجة فكرية "بالتخويف مثلا:ستصبحين عانسا"؟ نعم، أو لا .. نصيحتي قد تشملك و لا تشملك. س3/ هل تزوجيته عن رضا و قبول؟ نعم، إذا هي تشملك قطعا. و نفس التساؤلات أعلاه تطبق على سؤال" هل لم تعلمي إطلاقا بأنه عاطل، أو علمت ولكن ليس تماما لم أتاكد فقد ظننته يعمل إنما بمدخول بسيط، أو نعم علمت إطلاقا بحالته". هنا بعد الجواب " نعم"، فبكل ضمير و قوى عقلية كاملة أقول لك: لا تحق لك هذه الشكوى و هي ظلم بحقه. مثلا إذا جاء خاطب أعرج لفتاة و أخبرها بعرجه و علمته يقينا ثم رضت بالزواج منه؟ فإنه من الظلم بحقه بعد الزواج أن تأتي و تشكي على صياغة مثلا "يوه بطيء بالحركة، ياربي ما أقدر أتحمل مشيته بالأماكن العامة"، فلو كانت كذلك لم تتزوجه بدء، لتشتكي منه انتهاء، هذا ظلم. *** *** * كل إنسان لديه كرامة بالفطرة، و هي من تكريم الرب و الإله سبحانه( حمل الإنسان في البر و البر و أنعم عليه بنعم كذا إلخ،في نصوص قرآنية)، و لها حيثيات كثيرة، من حيثياته "العفة عن حاجة الخلق" التي هي كنتيجة بديهية لها ارتباط وثيق ب"السعي طلبا للرزق"، و من هنا .. أي قصور في تحققها يدخل الإنسان في مرحلة عدم الاستقرار النفسي و الوجداني إلخ (مثل الحزن و الاكتئاب و القلق و فقدان الثقة بالنفس و اهتزاز الاستحقاق الذاتي)، هكذا أقول أن بداخل زوجك " ألم عظيم"*1، فمادمت تزوجتيه باختيارك عن علم تام بعطالته، فلا خطوة لاحقة أنسب من المساندة النفسية و الوجدانية و الفكرية(بالعلم:جمع المعلومات عن وظائف مناسبة و تأهليه معرفيا لها) و السلوكية ( حثه على كتابة سيرة ذاتية، و رسم خطوات واضحة للتقديم على عمل، و ليس عملا واحدا بل ليكن هو دؤوبا على تجربة أي عمل متاح، و لا يسأم ابدا، و لا يركن للبطالة).*2 *1 هذه من الناحية الكسب من عمل اليد فطرة عند كل إنسان من الجنسين، لكنها ببرمجة خاطئة بمجتمعاتنا، جعلت فقدانها أشد وطأ على الرجال. *2 على الوجه الأخر لعملة النقطة أعلاه .. بنفس البرمجة الخاطئة قيدت صلاحيات العمل لدى المرأة و أغلقت الكثير من السبل، أجلاها و أعظمها هي المواصلات. |
رد: زوجي تفل علي !!
اقتباس:
فعلا وأنا أيضا اندهشت من فهمها للردّ هكذا هذا يكشف أنك ممكن تشوفي نفسك مظلومة من غير حقّ , المقصود أنّ زوجك يكسر الخاطر ويُشفق عليه, وليس معنى يكسر الخاطر أنّه هو كسر خاطرك. نسأل الله أن يرينا الحق حقا ويرزقنا اتباعه ويرينا الباطل باطلا ويرزقنا اجتنابه. |
رد: زوجي تفل علي !!
يا الله ,, معقول فيه زوجات كذا ؟؟؟ ايش النكد والهم والكآبة اللي عايشها زوجك ,,
معقول انتي متزوجة وعندك طفل ؟؟ يعني عمرك ع الاقل فوق الـ 20 . الاخوان والاخوات كفو ووفو بالردود ,, |
رد: زوجي تفل علي !!
زوجك طاح حظه ع زوجة تحب الماديات اكثر من اي شيء بالحياة
و ما تبي تعطي الا بمقابل كلمة اشتغل جيب فلوس كلمة مستفزة بشكل لا يُطاق طبيعي هو رجل و يفكر ليل نهار كيف يجيب فلوس ما يحتاج تذكرينه بها في احد مواضيعك ذكرتي انك رفضتي ياخذ من أغراض المطبخ اضعف شيء ان يكون من طبعك سخية وكريمة بغض النظر عن ان هذا بيته ومطبخه مثل ما هو مطبخك انتي تجهلين عظم حق الزوج و احترامه احترميه .. طيعيه .. اصبري اذا ضايقك شيء مو لازم كل ما يضايقنا نرد عليه |
رد: زوجي تفل علي !!
اقتباس:
مافهمتيني fgfg أقصد زوجك الي كسر خاطري يعني أشفقت عليه لما قال بطلب من اخي انت كسرتي رجولته لاحظي فيه عضوين هنا انتبهوا انك مافهمتي كلامي.. اذن يظهرلي انك صغيرة بالعمر او ما تعلمتي تتعاملي مع الناس وتفهمي العيب والذوق وتفهمي الكلام بعمق مو بطريقة سطحية مثل الآن، سطحيتك هذي برأيي غير مقصودة وانما تجي ببراءة لان فعلا هذا فهمك للأمر بحكم صغر سنك او عدم احتكاكك مع الناس لتتعلمي وتفهمي اكثر.. مافي وحدة جات عالدنيا متعلمة الكل يبتدي حبة حبة العِلم بالتّعلم عادي تواجهي مواقف في بداية الزواج وماتعرفي تتصرفي وتحدث اصطدامات مع زوجك وأهله لانكم مو فاهمين على بعض، والوضع جديد مش عيب لكن لازم تستفيدي منها وتعرفي المرة الجاية كيف تحليها، الغلط انك تبقي بنفس التفكير ونفس الاسلوب. لازم تغيري نظرتك للمواقف الي تصير مع زوجك خذي هذا الخلاف الي حطيتيه هنا شوفي انت كيف كنت شايفتيه والاعضاء كيف فهموه ورأيهم فيه وكذلك شوفي مشاكل أخرى في المنتدى وراجعي ردود الاعضاء عشان تتعلمي تشوفي المشكل بمنظور أوسع وتطوري تفكيرك واسلوبك مع زوجك والناس بشكل عام.. الله يوفقكم |
رد: زوجي تفل علي !!
الاخت السائلة تحية معطرة
اعيدي النظر في تصرفاتك مع زوجك وابتعدي على المقارنات مع الغير وعليكي بالنظري الى الجانب المشرق في حياتكم الزوجية وفي حال ما اشبعتي الاحتياجات النفسيية لزوجك فستجدينه اصبح اكثر انتاجية مما كان علية واللذي سينعكس ايجابا على دخل المنزل . وتذكري المقولة الشهيرة وراء كل رجل عضيم امراة لا تكوني . هل انتي هي الامراة ؟ والله الموفق ... المستشار Moh |
رد: زوجي تفل علي !!
زوجك هذا كنز
نصيحة لوجه الله حافظي عليه وأكسبيه وابشري بالخير بإذن الله لك ولطفلتك الصغيرة من جد ترى كلمة ( قم مشور ) اللي تجي بصيغة الأمر قم أشتغل وهات لنا فلوس تكسر الرجل بشكل عنيف وتشعره بالضعف والنقص اللهم اني أعوذ بك من غلبة الدين وقهر الرجال كان بإمكانك أن تتحدثي معه بلطف وبمسئولية ( وش رايك ياحبيبي نفكر سوا في زيادة دخل الأسرة حتى نواجه متطلبات الحياة وانا والله مقدرة كل ماتقوم به لإجلنا لكن الحركة بركة والله يغنينا بحلاله عن حرامه وهكذا .... ) امّا كلمة قم مشور والله قوية أسال الله تعالى ان يصلح ذات بينكما |
رد: زوجي تفل علي !!
انتي جيتيه بوقت غلط اخته تعبانه ومضغوط ويمكن اهله مضغوطين وانتي تبربرين باشياء مو وقتها ابداً...اختاري الاوقات الصحيحه وكوني ذكيه،،وماشوف في داعي للطلاق..مشاكلكم تافهه
|
| الساعة الآن 12:26 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©