|
كيف انسى واتغلب على خوفي
متعني الله بذاكره قويه
مشكلتي هي انني قليلة النسيان الحمد لله مسيطره على مشاعري لما اتذكر المواقف مااخليها تسيطر علي وتغير من نفسيتي بذات لاكانت سيئه هذه نبذه عني مشكلتي هي اخر طفل انجبته كانت الولاده قيصري طبعا صحيت بنصف العمليه وكنت اشعر بالالم المميت اثناء التقطيع استحاله ان يوصف واعادو التخدير مره ثانيه وصحيت بعدها بنصف ساعه الى الان يمر الموقف بكافة تفاصيله علي وكانه لتو رغم مرور سنتين الان زوجي يقولي اشتقت لطفل صغير ولدنا كبر انا عندي طفلين 3سنوات وسنتين بكيت لما قالي لان كنت اتناسا اللي صارلي والان رجع كانو امس صاير قلتله احتاج انسى اللي صارلي ادع لي طبعا هو كان معاي وشاف كيف كنت اتالم وكان يخفف عني ماحبيت اكثر النقاش معاه لانه بعيد بس باين انه صادق مايمزح لانه مايتكلم الى بعد تفكير قلتله اهم شيء الان ترجع لنا بسلامه كيف انسى اللي صار لي وامحيه من ذاكرتي لاني لما اتذكره ارتجف تم تعديل العنوان ليتناسب مع الموضوع |
رد: كيف انسى
لا حول ولا قوة الا بالله العلي العظيم ربي يكتب أجرك
بصراحة الله يلوم اللي يلومك شوفي أختي انتي عندك عقدة من الولادة و هذا طبيعي جدا و المثل يقول اللي تقرصة الحيه يخاف من الحبل أنتي حل من الاثنين الحل الاول مواجهة زوحك بكل صراحة و فهميه ان لازم يصبر عليك أكثر الحل الثاني الاتجاه الى الطب النفسي و النفس تمرض مثلها مثل الجسد |
رد: كيف انسى
توووتي ايش السبب انك صحيتي في العمله ومامسك البنج ؟؟؟؟ .. هل انت من النوع الي كنت تشربي قهوه كثييير ..
لان اسمع ان الوحده قبل الولاده بكم شهر لازم توقف القهوه عشان البنج يمسك .. ربي يكتب اجرك .. الحل حبيبتي انه كل ماجا ببالك على طول افتكري شي ثاني على طوووووول افتكري موقف جميل حصل بحياتك افتكري لما شفتي طفلك لاول مرا افتكري اي شي .. راح تلاقي نفسك لاشغوريا تغير تفكيرك لشي ثاني .. |
رد: كيف انسى
تحتاجين الى علاج نفسي ...
لانك اصبتي بصدمه |
رد: كيف انسى
تصدقين انا مثلك بس كان نصفي وبدوا وانا ما تبنجت زين بس الحمد لله وطبعا للاسف خفت بس مش من الالم لان صار فيه شغله بجرحي القديم ضيقت خلقي و خفت تتكرر وتاخرت 4 سنوات و ندمت اني تاخرت
انتي الحمد لله مافيك الا العافية احملي و من توكل على الله فهو حسبه .. تقدرين تاخذين نصفي و يعطونك منوم بوقتها بدل البنج الكامل |
رد: كيف انسى
اقتباس:
هو يعرف اللي صار لي من حاله نفسيه يقول لي انتي قويه تقدري تتغلبي على خوفك رحة اخصائيه قالت بعطيك دوا رفضة وطلعة |
رد: كيف انسى
اقتباس:
ماادري عن السبب انا مااحب الشرب القهوه كثير حسب المزاج هذي طريقتي اللي اسويها بس انا ابغا انسى اللي صارلي مو اتجاهل |
رد: كيف انسى
اقتباس:
جسمي مايتقبل البنج |
رد: كيف انسى
اقتباس:
و الحل انك تبعدين تماما عن التوتر التوتر و الخوف له دخل اعتقاد شخصي طبعا وفعلا خليك قوية و احتسبي الاجر من اللي صار لك قبل وانا ترى كنت اشتكي كثير من اللي صار لي و حسيت انه غلط المفروض احتسبت الاجر وسبحان الله اعرف وحدة تعسرت ولادتها جدا وعاشت رعب ومرت بظروف صعبة من بداية الحمل . وبعد الولادة حملت بسرعه وقالت وش يفيدني التوتر وتفاءلت و بردت على قلبها و لا اشتكت وكانت ريلاكس على الاخر و سبحان الله جات ايسر ولادة لها وايسر حمل تفاءلوا بالخير تجدوه❤ |
رد: خوفي عند تذكر ولادتي القيص
الله يكون بعونك
العملية متعبة وتضيق الصدر ما ألومك 😭 .. ولادتي ثنتين كلهم عملية الثانية تعبت فيها ولا احب طاري الولادة من بعدها 😰 . . الحمد لله طالما ولادتك الاولى طبيعية ان شاء الله تكون المره الجاية طبيعي وتتيسر . |
رد: كيف انسى
اقتباس:
الحمد لله على كل حال انا من طبعي مو شكايه ومااشكي لاحد |
رد: خوفي عند تذكر ولادتي القيص
اقتباس:
الحمد لله على كل حال جد طاريها يضيق الصدر |
رد: كيف انسى
اقتباس:
يا ليت كان النسيان بالرغبة قرأت هذا وضحكت قلت هذه توتي اللي تحب تتحكم في شوقها أيضا ! تأكدي انك صعب وممكن مستحيل تنسين أشياء نقشت من حياتك جزءا خاصة أشياء ترتبط بأحداث مهمّة لكن ليس كلّ شيء حدث حتما سيتكرّر, هذا هو المهمّ ممكن تنجبين من غير عملية وتكون ولادة متيسّرة صحيح تعذّبت, لكن شوفي ما أنجبت وما بقي لك على إثر المعاناة, الله يجعله ذرية صالحة ويضاعف أجرك, ثمّ طفلك ما زال صغيرا ومن الأفضل تأجلي الحمل, وأكيد مشكلتك مع البنج ستؤخذ في الحسبان, لو احتجتيه لا قدّر الله, ليس مثل أوّل مرّة وكثير من النساء يلدون قيصري واللي بعده طبيعي الله يكتب لك التيسير ولكلّ مسلمة. |
رد: كيف انسى واتغلب على خوفي
كثير بنات جتهم صدمه بعد الولادة
واحتاجوا كم سنه للنسيان وبعدها اشتاقوا للحمل والولادة انتي لسى عندك بيبي عمره سنتين وفوقه طفل 3 سنوات يعني كأنهم توأم يحتاجوا جهد ووقت وتأسيس تربوي من رأيي تجاهلي موضوع الحمل سنة سنتين ثلاث اسرع طريقة لقتل مخاوفنا هو تجاهلها.. مع الوقت تقل اهميتها الله يوفقك |
رد: كيف انسى واتغلب على خوفي
اقتباس:
ايوا كانهم توئم وهم متشابهين مره وهم هاديين الحمد لله يقول ابغا لما ادخل ال30 يكون عندي 3 |
رد: كيف انسى واتغلب على خوفي
الله يعينك .. انا ولدت طبيعي و ولادتي متعسررره وماعطوني مسكن ولا طلبت ابرة ظهر .. ومع هذا مريت بتجربه قاااااااسيه وبعد الولاده والله فترة مانمت كل ما انام اكووووبس و افز و مره امي صحتني وانا اصرخ ومتمسكه بالسرير كأني اولد ولما صحتني امي جلست ابكي .. و طول الايام شايله هم الولادة الثانيه و قالوا لي انسي و اهتمي بنفاسك وببنتك و لما طلعت الاربعين ترجيت زوجي ع حبوب مانع ورفض و الحين بنتي عمرها 5 شهور تقريبا وانا حامل توني 4 اسابيع ومن حملت وانا افكر بالولادة وشايله همها لان لسا صرررراخي اسمعه بإذني و احس بألم الطلق اللي ماينوصف .. الحمدلله على كل حال والله كل فترة حملي و ولادتي ونفاسي كانت تجربة صعب انساها والله من الحين ادعي ربي يهون علي ويخفف عني .. بس انتي تعوذي من الشيطان و حاولي تنسين
|
رد: كيف انسى واتغلب على خوفي
انا الحين عشان اطرد الخوف مني اجلس اقول وناسه بيصيروا كأنهم توأم و يملوا علي البيت و ابي اجيب دامني صغيره و كل الم جاني بحملي الاول صار ماضي وممكن ولادتي هذي تكون اسهل و و والخ .. بس بصراحه مااتغلبت ع خوفي لسا بس مابي افكررر
|
رد: كيف انسى واتغلب على خوفي
rfegrrfegrrfegr والله شلت هم من بعد كلامك ولادتي الجايه بتكون عمليه
كل شويه يجي في بالي كلامك .. واقول لزوجي دوبو ادري انه في ناس تصحى وقت العمليه ""::: وانا مدمنة قهوه وشاي >>> يقولو مايمسك البنج مع الناس الي بتشرب قهوه كثير الله يعين rfegr بس موضوع النسيان ترا صعب احس الحاجات القويه الي تأثر ب الانسان صعب ينساها و اوقات يحتاج سنين .. فمافي حل الا انك تتجاهلي وتصبري نفسك وماتحملي حاليا الي ترتاحي نفسيا وشويه شويه بتلقي نفسك نسيتي ان شاء الله |
رد: كيف انسى واتغلب على خوفي
اقتباس:
الله يقومك بسلامه تقريبا نفس الفارق بين اولادي |
رد: كيف انسى واتغلب على خوفي
بصراحة استشيري طبيب تخدير
وتأكدي تماماً إنه ماراح يحصل مرة ثانية والله عند حسن ظن العبد به |
| الساعة الآن 05:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©