|
قلقة من زيارة مشرفتي في العمل
مساء الخميس الونيس ^_~
بعد اسبوع مررهق مر بسلام الحمدلله .. قبل فترة تقريبا شهرين كنت في شغلى و جانا اشراف .. بحكم انى جديدة بهذا المكان اول زياره لهم كانت لي . تفاجات بحضورهم صراحة و كنت تاركه شغلي ^_^ وموكله فيه وحده الا تجينى تجرري و تقول يافليكا الاشراف دخلوا عندى و يسالون عنك قلت دحين اناديها وانا بسررعه اروح و القى مشرفه واقفه تنتظرنى .. واعيبااه وانا كنت اتقهوى و متكيه وانحااس جوي كله .. ليش هالمقدمة ؟! لان الوضع الى الان يسير طبيعي << رغم مخالفاتى في اثناء وجودها معي و مراقبتها لعملى لاحظت انها ما تنتقد كثير كعادة البعض و هاديه جدا بعدين طلعت هى و انا ارتحت ^_^ الا تجينى سكرتيره و تقول يا فليكا طالبينك عند المديره .! قلت بسسس جاءت العقوبات و الكلام اللى ماله داعي و الانذارات .. الا انزل لهم و مسويه انى واثقه ^_* من شغلي .. و اجلس عندها " المشوفه هذى " و فاجاتنى قالت قبل اى شي انتى فليكا بنت فلان الفلانى ؟ انا : اى نعم .. قالت اخت فلانه : انا نعم .. تعرفينا ، قالت لا ...! ثم واصلت ، انتى اكبر منها ،انا : لا انا اصغر .. قالت واضح قالت : متزوجة ؟ انا هنا طاالعت فيها قلت لا .. قالت واضح .. الى هنا قالت طيب مرحع للشغل ... وووو تجى الانتقادات .. ثم ختمت بجمله مافهمتها او استنكرتها قالت فليكا راح احطك تحت رعايتى .. كيف و ليش مافهمت .. لان هنا دخلت المديره وقالت الموظفات برا ينتظرون الاجتماع بالعاده يجتمع الاشراف مع موظفات التخصص الموحد .. هى طلبتنى بمفردى قالت ابغاها قبل الاجتماع معهم و بعدها يسالونى ايش قالت لك و اكيد مخالفات .. مررت هالحادثه و بعد شهرين تقريبا تكلمت احدى الموظفات و قالت فليكا تعرفين المشرفه الفلانيه حقتكم قلت نعم قالت عارفه اخوها مين فلان الفلانى رجل وااصل و اختها عضو هام بالدوله و لهم مركزهم .. انا هنا ما ركزت و اعتبرته كلام عادى . مر شهر و قبل يومين جيت كالعاده متاخره ^_^ الا تستقبلنى المديره هلا فليكا و ينك تاخرتى و بسرعه ياحلوه الحقي التوقيع انا مو مستوعبه ،، بسم الله ايش فيها هذى الكلام لى معقول ؟!! بالعاده من ادخل لقلقلقلق على راسي و توقيعات و مخالفات .. ابتسمت و اروح اعدل الميك و اجى لها و نفس الكلام يالله يا استاذه فليكا وتساعدنى بنفسها .. ايش صاير بالدنيا !! الا و المح عندها بالمكتب نفس المشرفه ...!!!! رجعت البيت و بالليل تجينى رساله واتس مرحبا و كيفك ومعك المشرفه فلانه نفسها طبعا ،، انا للامانه خفت ^-^ ايش تبغى هذى اكيد شغل او مشكله الا تقول ممكن ازورك بالبيت .... انا ... سكت قالت مو شغل ، فقط زيارة خاصه و معرفة انحرجت و ماقدرت اعتذر مع انى مالى رغبه والله .. قالت بزورك يوم الجمعه المساء قلت حياك الله .. الان او من كلمتنى وانا في قلق و تفكير و افتراضات هى ليش بتزورنى وايش تبغي ؟! كيف استقبلها و لازم عشاء كبير يليق فيها .. اجيب معى احد او اقابلها وحدى مع انها ماقالت ابغاك لحالك ... او اعتذر منها واجل الزياره حقتها ...؟! كتبت كل التفاصيل اللى تدور براسي ^_^ تم تعديل العنوان ليتناسب مع المضمون |
رد: زيارة خاصة ؟!
استقبليها شوفي وش عندها
ماراح يضرك شي لو احتفيتي بها |
رد: زيارة خاصة ؟!
واعليه يا فليكا .. بيودونج ورا الشمس. :D مثل ما قالت ريماس .. ما في مفر من استقبالها. لا تهوجسين وإن شاء الله الأمور طيبة. بس ما أفضل يكون معاج حد .. إلا إذا وحدة قريبة منج جداً وما تخبين عنها شي. |
رد: زيارة خاصة ؟!
استقبليها وبشكل بسيط ودون تكاليف أو مبالغة.
|
رد: زيارة خاصة ؟!
كنت سأقول استقبليها مع أحد
لكن بعدما رأيت رد مهرة تراجعت استقبليها عادي و برأيي الموضوع الذي ستزورك لأجله ليس له علاقة بالعمل ، قد تكون في البداية زيارة تعارف وبعدها ... عموما لا أحب استباق الاحداث، خير إن شاء الله لاتتوتري و كوني طبيعية. |
رد: زيارة خاصة ؟!
اتوقع خطبة
ارجح هذه الفكرة بشكل كبير جدا 😊 |
رد: زيارة خاصة ؟!
اقتباس:
التأجيل ليس في صالحك لأن تخميناتك لن تنقطع به بل العكس فاحسمي الأمر واستقبيليها |
رد: زيارة خاصة ؟!
هاااه ! ياهملالي
تصير حماتك المشرفة كشخي السفره وكثري محاشي هههه يقولون بيصير الأداء الوظيفي مرتبط بالعلاوة السنوية يابنت :d سبحان الله دائماً الموظفة تكثر عروض الخطبة اللي تجيها من بيئة العمل انا اول ماتعينت في قرية نائية في قلعة وادرين الله لايعيد ذيك الديار مع انهم حليلين حرام مابقى احد عندهم ماخطبني الا حارس المدرسه شكلي ماعجبته هههه حتى شيخهم خطبني المشكله اني معرسه كنت وللحين ماسكته على زوجي لاقال بعرس عليك اقوله بخلعك وبرجع للقريه وباخذ الشيخ واصير مرة الشيخ واقهرك :d الله يسهل أمرك كوني طبيعيه وعاديه واذا بتزورك بيت اهلك احس طبيعي ان اهلك او الوالده يكونون موجودين وكذا ويمكن هي اصلاً تبي تشوفهم وتتعرف عليهم |
رد: زيارة خاصة ؟!
لو كنت مكانك كان صرفتها بلباقه
اسلوبها غريب تزورك ومالك علاقه فيها حتى لو قصدها خطبه الله يسهل امرك |
رد: زيارة خاصة ؟!
انا مثل لوفتي اتوقع خطبة الله يرزقك الزوج الصالح
|
رد: زيارة خاصة ؟!
الاغلب خطبه
عادي استقبليها اذا كانت هي شرطت لوحدك استقبليها وحدك اذا ماشرطت جيبي اختك |
رد: زيارة خاصة ؟!
من الاحتمالات :
يهمها من تناسب عشان كذا عملت عنك ملف كامل وجات بنفسها وشافتك في العمل وسألت عنك المديرة لأنها بتخطبك لواحد مهم وبيرتفع شأنك فعشان كده المديرة نادتك استاذة فيلكا اعتبريه نوع من القدر اللي يجي لحدك بدون ماتتعبين فيه بالتوفيق |
رد: قلقة من زيارة مشرفتي في ال
اي استفسار عن حذف او تعديل يكون في اقسام المراسلة الخاصة بالمنتدى
|
رد: زيارة خاصة ؟!
اقتباس:
حرام عليك يامهره .. عاد مو مستقبلتها الا انتى معي رجلي على رجلك ولو بتسوى لى شي بقول هذى مهره تقول لى مو انا ...^_^ |
رد: زيارة خاصة ؟!
اقتباس:
ولهم مركزهم و اول مره يزورونى .. و اخذت موعد مسبق منى و اكدت لى زيارتها .. |
رد: زيارة خاصة ؟!
اقتباس:
الله يستر بس ... |
رد: زيارة خاصة ؟!
اقتباس:
لان اسلوبها غريب شوى واول مره تشوفنى .. وقالت لى بنجلس مع بعض نتكلم و نتعرف و حبيتك |
رد: زيارة خاصة ؟!
اقتباس:
قبل شوى اكدت لى انها بتجى مساء .. |
رد: زيارة خاصة ؟!
اقتباس:
بس خليها تصير ... عاد الجد ان الموضوع مايطمن وخاصه مع كلام الموظفات و تلميحاتهم وخاصه القديمات منهم و اللى تقول لى انتى ذكيه مع انك توك جديده فهمتيها على طول واحنا نايمين سالتها كيف و ماترد .. والثانيه تقول سويتها صحبة ... والله انى برئية مافهمت شي .. كلامها بعد هى نفسها طووولت معى جدا ومو اى مشرفه لا ، لها مركز و عايله معروفه .. و مايحتاج تتعرف على اهلى ، تعرف عنى كل شي حتى تقول يهمنى انت و اخواتك الشقيقات مو من اب .. وتعرف ترتيبي بالعايله واسمى ونسبي .. واكيد خواتى بيجون عندى هم متزوجين على فكره يعنى مو عندى بالبيت .. وانا بمدينه مو بقريه ^_^ |
رد: قلقة من زيارة مشرفتي في ال
حيرتنا هالمشرفة
اتوقع تبا توصل لشي يمكن احد قايل لها عنك وجات تشوفك اكثر شي بتخطبك لاحد |
رد: قلقة من زيارة مشرفتي في ال
ريماس . عذاري . سديم .
مبتعثه متفايله .. شكرا لكم ... |
رد: زيارة خاصة ؟!
اقتباس:
كان في منتهى الذوق خلاف طبيعتها .. والله يسسسمع منك ويفتح لى طاقه القدر ... |
رد: زيارة خاصة ؟!
اقتباس:
أنا متأكده انها خطبة ومتحمسه مع ان مالي دخل هههه وبخصوص المعلمات بتشوفين حسسد مايخطر على قلب أحد ! يحسدونك على حتى الاشياء اللي ماتنحسد " لي فترة بكتب موضوع بهالخصوص وبعزم فيه كل معلمات المنتدى للنقاش ان شاءالله " .. فيه تفسيرات كثيرة عندي بس مابي اكتبها عشان مانتحمس لأنناماندري وش بيصير لكن فعلاً ماراح يسألون عنك بهالتفصيل الا انهم شارينك جدا وافينا بالمستجدات بعد زيارتهم |
رد: قلقة من زيارة مشرفتي في ال
مرحباً أختي
أرى أن الموضوع مريب وغير عادي وفيه جراءة منها . والله أعلم أعانك الله |
رد: قلقة من زيارة مشرفتي في ال
حصل لي نفس الموقف قبل شهر
والان صرنا اصدقاء تقول حبيتك وابيك صديقه تتصل دايم وتطول بس باقي مازارت تقول لازم نزور بعض تطمني ان شاءالله مايحصل الا كل خير |
رد: قلقة من زيارة مشرفتي في ال
صحيح تصرف جريء منها
بس اتوقع يطون امر شخصي الي هو خطبة ما لفت انتباهي انه مشرفاتكم فيهم شوية انسانية احنا لو تطلين بس من القسم بعد خمس دقايق يكون على مكتبك لفت انتباه طمنينا بس |
رد: قلقة من زيارة مشرفتي في ال
كلام ابله دلال صحيح
مفترض ماتحكيهم ابدا اش يصير معك انا وقتها استلمتني ساعه ونص بغرفه لوحدنا قالو اش قالت لك شكلها قويه وفعلا اسلوبها وطريقه كلامها ثقه بالنفس عاليه ونافشه نفسها قدامهم قلت تستفسر عن العمل والشغل وفصفصتني والحقيقه انها تركت السجلات على جنب واستلمتني هروج وسوالف خخخ قالو الله يعينك والى الان محد يدري عن علاقتنا حتى المديره تقول الله يعين سكر على مشرفتها والحقيقه انه شخصيتها معاي عاجبتني فرفرشه وعفويه مو زيها بزيارة العمل القدر خلاها صحبتي والا هي اساسا مو مشرفتي جات ذاك اليوم لمدرستي لان مشرفتي الاساسيه عندها ظروف وجات بدالها وبعدها اعتمدت انها تكون مشرفتي بدلو المدارس مع بعض |
رد: قلقة من زيارة مشرفتي في ال
الله يكفيك شرها اذا اردت بك شرا ويصرفها عنك
|
رد: قلقة من زيارة مشرفتي في ال
اقتباس:
وهذا اللى استغربته انا و الموظفات ايضا ليش تساهلت الى هذا الحد ..؟! انا كنت متاخره ساعه و فوق هذا ماكنت موجوده بالحصه و معطتها وحده ثانيه وجت و هى تنتظرنى واقفه !! بالعاده والمفروض انا انتظرها واجهز كل شي .. و لما شافتنى سلمت علي وابتسمت و قالت بتعطين درس ؟!! تشاورنى ^_^ قلت ايه اكيد ... وانا لا محضره ولا شي .. وطول الوقت و هى تطالعنى ولا انتقدت و لا تكلمت الا انها عطتنى اوراق وقالت اختبري الطالبات و صححى عشر اوراق وجيبيها << بعنى غشي براحتك ^_^ بعدها طلبتنى وحدى والمديره استغربت قالت كلهم قالت لا بس فليكا اول .. وقامت تسالنى و تتكلم عن امور شخصبه وقالت بحطك مسوله عن تخصصك مع ان كل الموظفات معى نفس تخصصي اكبر منى بكثيير و لهم خبره كبيره .. و حتى المديره ماعادت تدقق علي زى اول .. يوم الخميس طلعتنى بدرى ^_^ واختبر اسلوبها معى بنرفزها بس ابدااا متغيره تجى وانا قاعده باللجنه و تسلم على و اسلم عليها وانا قاعده بشوف وتبتسم واطلع من اللجنه و اتقهوى واهرج وهى تشوف ولا تتكلم !!! اطلع الطالبات قبل الوقت وهى قالت لى لا يطلعون و برضو لا مخالفه و لا لفت نظر ولاشي طبعا هذى التغيرات كلها لها شهر تقريبا .. بس اخر اسبوع هذا مرررره صارت ذوق ومحترمه معي .. والله يستر .. مع انها قبل كانت نذله حتى اجازاتى ترفضها .. |
رد: قلقة من زيارة مشرفتي في ال
اقتباس:
صح الموضوع فير عاادى ابدااا واكذب لو قلت انى مطمنه او متحمسه بالعكس خاصه بعد ماعرفت من تكون و عايلتها و مركزهم الحساس |
رد: قلقة من زيارة مشرفتي في ال
اقتباس:
اقتباس:
الأسلوب فيه جرأة عالية جداً جداً خاصة عندنا في الخليج عموماً لا تستعجلي سيأتيك الخبر اليقين قريباً منها بعد ساعات معدودة نصيحتي لا تتكلفي في إستقبالها و كوني على طبيعتك التي تستقبلين فيها أي ضيف وفقك الله |
رد: قلقة من زيارة مشرفتي في ال
الله يستر
شكلها بتلزق واحد من اخوانها فيكي الاكراميات من اجل تليين رأيك وجعلك توافقين على طلباتها |
رد: قلقة من زيارة مشرفتي في ال
عاد لا تنسين الليله توافينا باخر المستجدات
|
رد: قلقة من زيارة مشرفتي في ال
اي والله يا مبتعثة صاجه صار لي فترة احوس في الموضوع 😂
|
رد: قلقة من زيارة مشرفتي في ال
الله يسهل لها وتبشرنا ترانا على اعصابنا
|
رد: قلقة من زيارة مشرفتي في ال
صديقتي مبتعثة 😂😂
اي والله على اعصابنا يختي .. عساها زيارة خير ونسهر الليلة نقرأ 😁 ياا يا فليكا صارت الساعة 10 شدعوة يعني ما راحت الضيفة |
رد: قلقة من زيارة مشرفتي في ال
هلا فيكم
الموضوع خطبه فعلا و بكره ان شاء الله اكتب لكم كامل جد مرهقه |
رد: قلقة من زيارة مشرفتي في ال
خير ان شاء الله فليكا
الله يكتب لك كل خير |
رد: قلقة من زيارة مشرفتي في ال
يعطيج العافية فليكا حبيبتي
انه عن نفسي نطرت العيون تنام و طفيت الليت ومريحة عشان اقرا على رواق 😁 تحطمت الاحلام متحمسة لان احس ان الامر خير ان شاء الله |
رد: قلقة من زيارة مشرفتي في ال
ماشاء الله تبارك الله طلع احساسي صح الله يوفقك ويسعدك
|
| الساعة الآن 03:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©