هل فيه مشكله بنوم زوجي لوحده
 

اليلام عليكم
زوجي من فترة شهرين تقريبا وهو صاير يرفض ينام بالغرفه والسبب ولدي الصغير سنتين ونص لازم يقوم بالليل يبكي ويجي جنبي وهو يتضايق من انقطاع نومته وصار ينام بالمجلس علشان مايقوم باليل ويقول اذا عودتي ولدك وولدي هذا طبعه من ولدته انا احس الموضوع عادي وعارض ويزول ان شاء الله بس هو بين فتره وثانيه يقول انتي ماتبيني ومره قال بتندمين لانك ماهمك ولاعودتي ولدك وولدي حاولت اطلعه مع خواته بس مااستفدت يقول بالليل يبكي ويفزع الدنيا لين اجيبه جنبي وش رايكم ياجماعة الخير

رد: هل فيه مشكله بنوم زوجي لوح
 

.
انصحك تخلي زوجك ينام عندك واذا صحى الولد تقومي تروحي تنامي عند الولد الين ينام وبعدين ترجعي حتى يتعود ينام في غرفته مو في غرفتكم. وتخبري زوجك انك ماتقدرين تنامين بدونه(بدون زوجك)...وانه الولد حيتعود ان شاء الله انه مايصحيك وتكون نومه وحده.

ملاحظه توي انتبه انه عمره سنتين يعني احتمال هو من الاساس ينام في غرفتكم؟
.

رد: هل فيه مشكله بنوم زوجي لوح
 

اختي في مشكله عند ولدك
سنتين ونص يعني كبير
يفترض ينام بالليل بشكل طبيعي
حتى انتي بعد ترتاحي

لا تنوميه بالنهار أبدا أبدا
حمميه بماء دافي قبل النوم
دخليه غرفته على الساعه 9
احكي له قصة واقرأي قرآن
واتركيه ينام
لو مانام
عطيه ايباد شوي يشوف كرتون
لحد ما ينعس وينام
واتركيه بغرفته
لو صحى روحي له اول الايام
بس ابدا لا ينام معكم
غلط تعوديه ينام معكم
خلاص كبر ماشاء الله
ركزي بتعديل سلوك طفلك
ولو احتاج الموضوع الاستعانه بمختص
اذا في سبب مرضي او نفسي


جوابي على العنوان
لا مو طبيعي اكيد
فيه مشكله.. وشهرين مدة طويلة

رد: هل فيه مشكله بنوم زوجي لوح
 

رد: هل فيه مشكله بنوم زوجي لوح
 

ولدك تقريبا نفس ولدي متعبني من هالناحية
نومه متعب ويتوقظ بالليل يرفض ينام بسريره وصياح لحتى ينام عند ابوه < كنت ام شريرة ما اسمح له ينام الا بسريره .
والحمد لله من فترة طلعت سريرة بغرفته وخفت المشكلة مع اني كنت اتوقعها بتزيد صار يقوم مرات ونروح له نهديه وينام .

رد: هل فيه مشكله بنوم زوجي لوح
 

- اذا ماتستخدمين له سرير بحواجز اشوفه مهم حتى مايطلع منه فمجرد يصحى تروحين له تهدينه لحتى ينام ✨

رد: هل فيه مشكله بنوم زوجي لوح
 

انا من الامهات الي مااترك ولدي ينام بعيد عني فمالك الا حلين تعودي الولد ينام فقط في الليل وتكوني مجهزه له رضعه حاره اول مايبكي يكون دفي الحليب وتعطيه اياها بسرعه او انك تنامي انتي وولدك في غرفه ثانيه وتتركي زوجك في غرفة النوم لانه سهل عليك انك تروحي اذا تعدل نوم ولدك لغرفتك اما الزوج اعتقد اذا تعود ع نوم المجلس يجيه نفور من غرفة النوم وبرضه كل مازعل يروح للمجلس يعني الله يعينا نروض اطفال ورجال

رد: هل فيه مشكله بنوم زوجي لوح
 

جربي تسوين هالشي.
اول شي لاتنومين الولد فترات طويله خلال النهار.
قبل موعد نومته بساعة اكليه شي يتم في البطن .
وموعد النومة عطيه حليب.
نومي الولد في غرفة مع اخوانه..وحطي جنبه الجهاز اللاسلكي اللي يوصلك اشارة انه الولد يبكي.روحي رضعيه ونوميه وارجعي لغرفتج.
انا كنت احط جنب الطفل مرضعة عصير وماي يشرب ويرجع ينام.

رد: هل فيه مشكله بنوم زوجي لوح
 

لا طبعاً مو عادي ينام معاكم ولا عادي زوجج ينام بعيد عنج
والطفل يعي اللي يدور بين أمه وأبوه ، لو وعو فجأة بدون بكاء وشافكم في وضع حميمي!!!
ممكن ينعكس سلباً على نشأة الطفل ...
الطفل حتى لو عمره أشهر لا تبدلين ملابسج جدامه مو بعيد يسمع صوتج مع ابوه او يشوفكم...


برأيي حفزيه للنوم مع اخواته ، يعني حسسيه ان وراء الموضوع فيه مكافأة

رد: هل فيه مشكله بنوم زوجي لوح
 

يعطيكم العافيه جميعا
بالنسبه للحلول الي قلتو سويتها كلها ومافادت معه
ماانومه بالنهار ابد ومع انه يقوم من الساعه ثمان ونص او تسع صباح مع ذلك ماينام الا احدعش تقريبا ويكون متعشي وراضع ومع ذلك يقوم بالليل وجت فتره انومه بالغرفه الي جنبي مع خواته وصار اما يقوم يبكي لين اجيه او يجي من نفسه واذا رجعته انومه صعب نومه سبحان الله من ولدته غير عن كل عيالي يعني ان قام بالليل ماينام بسرعه مرات يجلس ساعه واحيانن ساعتين بعدين ينام وابوه مايبيه يجي يقول اتنكد وكذلك جتني فتره اروح له ان نام صار نومي عنده لان اقعد انومه لين انام قبله فصرت انا الي هاجره الغرفه وقلت بنومه عندي واوديه لفراشه وبعدها ابوه هو الي راح من الغرفه صراحه مامر علي طفل مثله نومه خفيف وقليل وصعب مره

رد: هل فيه مشكله بنوم زوجي لوح
 

الله يعينك
اقلبي الطاولة و انت ازعلي و عاتبيه
اظهري تضايقك من موضوع صعوبة نومة طفلكم. و انك تحاولي. و تجتهدي و انك مستغربة منه انه خرج عِوَض ان يقدر تعبك و يقولك الله يعينك
طفلك في غرفة ثانية و طبيعته مختلفة. لا تعاتبيه بقوة بل اظهري العتاب.
و استمري على حل ادمنتك. اذهبي لغرفة ابنكما و نيميه.

رد: هل فيه مشكله بنوم زوجي لوح
 

افضل حل ماقاله الاخ (( أدمنتك بعنف))) تنومين ولدك بغرفه واذا صحى تروحين له وتقعدين عنده حتى ينام وهذا الفعل الصحيح والسليم

رد: هل فيه مشكله بنوم زوجي لوح
 

شوركم وهداية الله
بقوله يرجع وانا الي اطلع
مع ان قبل سويت كذا وصار ان ولدي يجي بنفسه لان غرفة بناتي جنب غرفتي وانا بغرقة نومي واكون مافيني حيل ابد ويكمل ويزعل ابوه تنكد نومه
او اني اروح وانا الي انام برا ويطير النوم مع القومه والقعده
المهم الله يهدي الرجال الي مريحين روسهم من عيالهم وكل شي ع الام انا الحين بالشه بالولد والابو يتشره علي بدال لايساعد
شاكره للجميع الرأي والنصيحه
لكن عندي سؤال خاصه للرجال ليش قلتو غلط طلعته من الغرفه مع انها باختياره ومرتاح بالنوم ع قولته وصراحه انا ارتحت من حلطمته وبعد هو من النوع الي ع جواله لين ينام ولايحب القرب وقت النوم ومقدره رغبته وتاركته يعني وش فرقت

رد: هل فيه مشكله بنوم زوجي لوح
 

------------------------

انا توقعتك ربة بيت. بترجعي تنامي بعدين
طلعتي موظفة صح؟؟

رد: هل فيه مشكله بنوم زوجي لوح
 

هلا مسز داني
ايوا موظفه
والله انا مااعطيت الموضوع اهميه خصوصا شكله مرتاح بس اذا لاحظ اني مافرقت معي احسه ينقهر ويرمي علي كلام يعني اتوقع لو اني حزينه واقوله يرجع بالحاح كان انبسط بس مشكلتي مااعرف امثل

رد: هل فيه مشكله بنوم زوجي لوح
 

عجبتيني لانها موفارقة معك احسن من أنها تفرق معك وهو ولا على بالو!
تعبنا من كون الزوجة هي لي دايم تنقهر إذا بعد الزوج

ولست متفقة مع لي يكبرون لموضوع ويقولوا مو عادي
اذا مو عادي فعلا خلليه هو يرجع للغرفة ويستحمل االطفل!

رد: هل فيه مشكله بنوم زوجي لوح
 

الموضوع مو احدي و نديه
وحياة عذاري الزوجية مو ساحة لحل الأمور العالقة بين مجتمع الرجال والنساء
لو هي زعلت و تغلت و ابعدت شوي عنه .. ما بتفرح لما يظهر اهتمامه فيها ووو الخ ؟
اللين والكلمة الطيبة و الزوجة و الزوج اللي فيهم اللين ويعطون الشريك جوه ترى مرتاحين

رد: هل فيه مشكله بنوم زوجي لوح
 

كلامك حلو يا زين
انا اقولها تعاااتبه.مافيها شي
زوجها و خل تفضفض. و تطلع احاسيسه
و هذه حالة ما تدوم للطفل. كم شهر و يرجع يستقر. و كلاهما موظف
بالعكس وحب التبيه على هذا اللي تسمونه صراع بين مجتمع الرجال و النساء. الخ
و كلمة حلوة منه مثل. الله يعينك. صدقيني الزوجة تسعد بها و تخرج مع طفلها و ترجع و هي راضية.

رد: هل فيه مشكله بنوم زوجي لوح
 

انا سبق قلتله يجي لكن هو رافض يقول لين تعودين ولدك وكأنه مو ولده عاد
العجيب ان ولدي هذا علله بنومه وكل الطرق استنفذتها ولازم يقوم كل ليله مهما كان نايم متأخر ليتأكد انا جنبه او لا الاطفال الي بعمره خلاص مايقومون بالليل لان عدت مرحلة قومته هو عمره سنتين ونص مايستوعب تشجيع او عقاب مالي الا اصبر لين يكبر شوي وزوجي برجع اقوله تعال وانا اطلع ان وافق زين وان رفض براحته ماأحب افرض نفسي على احد اي كان واشكر لكم تجاوبكم

رد: هل فيه مشكله بنوم زوجي لوح
 

عزيزتي بنتي سنتين ونصف وتجي في الليل تنام جنبي
الحل الوحيد تاخدي ابنك على غرفته وتنامي جنبه
اسبوع وبيتعود ومعش بيجي ينام جنبك
واذا زوجك قال بتندمي ما بعرف شو بيقصد بس افضل حل هو لي ذكرته
واكيد قبلها اجلسي مع زوجك وقوليلو انو انتي حابة يتعود ابنكم ينام لوحده وانك متضايقة لانه بينام لوحده في الصالة

رد: هل فيه مشكله بنوم زوجي لوح
 

مو مشكلة انه ينام بروحه
المشكلة انه يتعود ويصير ما يجيه نوم الا وحده
لذلك كل ما صحا ابنك روحي معه لغرفته حتى ينام وارجعي مكانك
كلنا مررنا بها
لماذا سبقت الام الاب بثلاث امك ثم امك ثم امك
اليس بالتعب والسهر

رد: هل فيه مشكله بنوم زوجي لوح
 

على فكرة انه معاج بهالكلام..
بس اذا هو ما قالها ؟ ولا سوى التصرف الصحيح اللي لازم يسويه ؟ شاللي بايدها تسويه ؟
كل اللي تقدر عليه انها تتعامل مع واقعها بما يناسبه
أو انها تعاتبه .. وتقول له انه تعبانه ابيك تعيني مو تتعاون مع التعب علي وهكذا

ترى احس ان الرجال بطبيعتهم فيهم قلة ادراك للي تمر به المرأة
من دورة شهرية الى حمل وولادة و سهر و تعب..
مهما تشرحين لهم .. يظل الامر عندهم سهل و بسيط!!!

رد: هل فيه مشكله بنوم زوجي لوح
 

المشكلة من قبل عذاري كذلك
انك يا عذاري رسمية. و جافة في توضيح ما تعانيه
رطبي كلامك
مو تقولي له تعال و انا اطلع. و بس؟؟
قولي افا فلان حبيبي ما هقيتها منك. انا جدا ماخذة بخاطري. تعبانة و حابة انك تساندني و تقدر هالشي. وو
انت رتبي ما تريدينه😅

رد: هل فيه مشكله بنوم زوجي لوح
 

اتبعي نصيحة مسز داني
كلامها صحيح


وبصراحة عذاري
احسك مرتاحه منه وهو نايم بعيد hyg
بس حابه تطمني لصحة القرار
من خلال هالموضوع


الافضل ما تعوديه يبعد
كوني الحكيمة في العلاقة
الزواج اساسياته معروفه
ضروري ينام الزوج مع زوجته
ويتشاركوا لو وجبه وحده باليوم
ويتقربوا مع بعض قد مايقدروا
اذا استمر حال زوجك فتره اطول
معناته العلاقه بمرحله خطر
وممكن تكون مدمرة لاسمح الله
فانتبهي وخذيه باللين
وممكن تشتغلي على تحسيسه بالذنب

رد: هل فيه مشكله بنوم زوجي لوح
 

والله شوفي . انا توني ماعندي الا بنت عمرها 4 شهور ... ماكملت نفاسي عند اهلي يعني اسبوعين ورجعت .. وخلال هالاسبوعين لقيته متعود ينام لحاله ع طريقه معينه بدون مايحضنني مثل اول والخ .. نزلت موضوع هنا وكذا لان جد انزعجت .. وقدرت احل هالمشكله الحمدلله بفضل الله ثم الاعضاء ..

المشكلع الثانيه عارفه انتي وضع المولود بفترة الاربعين كله صياح بسبب جوع ومغص وكذا كل ساعه تصحى ساعتين تصيح و بالغصب تنام .. وانا كنت ماعرف لانها اول بنت ماعرف اتصرف اذا جيعانه و ممغوصه ويبي لها تغيير كله بنفس الوقت .. كنت اشغل الضو و اخليها تصيح و اغير لها وانظفها و بعدييين ارضعها و تستفرغ واغير لها مره ثانيه .. والصياح مستمر و زوجي يغطي راسه ويقول عندددددي دووووام سكتيييها طلعيييها للصاااله اقوله الحين اخلص .. المهم كان يقوللي مو حاله هذي ماتخليني انام و عندي دوام ترى والله انام بغرفه لحالي .. قلت له لا مافي نوم لحالك والبنت انا اتصرف معها .. ومع الايام تعودت ان اصحى قبل وقت رضعتها بدقايق اجهزها لها .. و اذا تحتاج تغيير اطلعها للصاله .. صارت ماتصيح ولا ينزعج الا حالات نادره اكون غرقانه بنومي او تكون تعبانه يصحى يسكتها على ماجهز رضعتها .. يعني تصرفت من البدايه لان مثل ماقالوا الزوج اذا طلع صعب يرجع وانتي لاتخلينه يهجر غرفته .. قبل يصحى ولدك روحي له وخليك معه بعدين ارجعي كملي نوم عند زوجك .. الله يعينك والله على هالولد فعلا طبعه صعب لكن بتتغلبين عليه ان شاء الله

رد: هل فيه مشكله بنوم زوجي لوح
 

مشكورات الي شاركو
صراحه صادقه روان احس مرا مرتاحه من نومته برا
لانه الله يهديه مدمن جوال وماني مستفيده من جيته للغرفه بشي الا بنحرم من فراشي لان ولدي غثيث مره وعارفه بصير كل ليله اكملها عنده

رد: هل فيه مشكله بنوم زوجي لوح
 

ماشاء الله عليك يامسز داني ذكية، وتعرفي ززين للرجل
مشكلة كثير من المتزوجات خصوصاً التاليات يعاملن أزواجهن كما لو كان واحد من أخوانهن، ولايدركن أن التعامل مع الزوج يختلف بالاسلوب عن الاخ

دائماً أقول للزوجة يجب أن تعود زوجها إلا ينام إلى بحضنها، ومرة قالت وحدة أن زوجي عودته على حضني لدرجة إذا سافر يتنكد لأنه يقول متعود أنام وانا متحضنك وأشم ريحتك.

رد: هل فيه مشكله بنوم زوجي لوح
 

انا اعترف اني أمر بمرحلة فتوووور وماعاد لي خلق ملاحق
لكن بماأنكم اتفقتو اني على خطأ رحت قلتله ترا بشيل فراشك وارجع للغرفه موزينه بحقك تنام بالمجلس لحالك وانا بطلع اذا قام الولد وعاد شكله ماصدق خبر وقال اي هذا التصرف الصحيح ومن الليله ان شاء الله بينام بالغرفه والله يعني على التشتت😀 شكلي انا الي تعودت على النومه لحالي وعجبتني

رد: هل فيه مشكله بنوم زوجي لوح
 

بس هالكلام!!
انت ليش مو حابة انه يتعاطف معك
ترى بعض الرجال او أكثرهم ما يحسو لحالهم
لازم توضيح منك!!

رد: هل فيه مشكله بنوم زوجي لوح
 

انا اعترف اني امر بمرحلة فتووور وماعاد لي خلق ملاحق
عموما قلتله ترا الليله بشيل فراشك وارجع للغرفه وانا اطلع ان صاح الولد شينه بحقك تنام بطرف البيت وشكله ماصدق خبر وقال اي هذا الكلام الصحيح وعاد من الليله بشيل فراشه ويرجع للغرفه والله يعيني على التشتت
شكلي انا الي تعودت على النومه لحالي وعجبتني 😆

رد: هل فيه مشكله بنوم زوجي لوح
 

معليش ع التكرار اكتب من الجوال وعلق

رد: هل فيه مشكله بنوم زوجي لوح
 

اي تعاطف يامسز
يقول هذا واجبك وانا ماابي ازعاج وانتي اطلعي له وبس

رد: هل فيه مشكله بنوم زوجي لوح
 

على الاقل نامي معه أول ساعة إلين تصيح بنتك وروحي نامي معها
سولفي معه وقربي منه، وإن حصل علاقة فهذا خير عظيم.

رد: هل فيه مشكله بنوم زوجي لوح
 

عادي حبيبتي كلنا مرينا بهالشي الأم مهيأة من الله لازعاج البيبي الرجل مختلف.. ما بزيد شي على كلام الاعضاء ماقصروا، مادام زوجك مو مرتاح خلاص اضغطي على نفسك نيميها بغرفتها وكل ما تصحى روحي لعندها الين تتعود.. وحتى اذا ماتعودت مالك الا الصبر لاتخلي زوجك ينفر منك ويهرب من الغرفة...


اما انه يتعاطف معك فلا تنتظري هالشي،، يكفيك انه يشوفك عاملة جهد ورايحة جاية حتى يرتاح بغرفته، بتزيد المودة بيناتكم..

الرجل اصلا يكون متشبع بصورة الأم ( والدته) الي تتعب من اجل زوجها وأطفالها، بالنسبة له هذا دورك وشي بديهي مثل كل النساء.. ماله داعي التعاطف وانما اهم شي انه يشوفك قايمة بالواجب بدال ماتكوني بعينه مقصرة وفاشلة في تربية ابنك وتتكون فجوة بيناتكم..

رد: هل فيه مشكله بنوم زوجي لوح
 

اما انه يتعاطف معك فلا تنتظري هالشي،، يكفيك انه يشوفك عاملة جهد ورايحة جاية حتى يرتاح بغرفته، بتزيد المودة بيناتكم..


8
8
بالعكس يا مسك. التعاطف ضرووووي
و في حالة زوجها بالأخص. لانه يقول هذا واجبك
نعم هو مهمتها. بس بجفاف كذا. لازم يحس ان الامر متعب. و يقدر هالشي. لانه راح يشوف قومتها و جهدها. شيء بديهي عادي.ما يتعب
و اذا قصرت راح ينظر بعين المكبر. لكن لما يحس ان هالمهمة متعبة خصوصا الموظفة. يلين قلبه. و ما يلوم لو حصل منها تقصير. فهي بشر.

رد: هل فيه مشكله بنوم زوجي لوح
 

بصراحة فكرة انه تقضي الليل رايحة رادة بين الغرف و انت موظفة و ما عندك مجال تنامي بالنهار لتعويض نومك حل غير عملي
يمكن مثل ما قال بعض الاعضاء انه تنامي اول الليل مع زوجك في غرفتك و تنتقلي اول ما يستيقظ ابنك لغرفته و تقضي باقي الليل معه افضل

فكرة انه الطفل لازم يطلع من الغرفة و هو لسي سنتين مش قانون سماوي يجب تطبيقه و الالتزام به
ما اتذكر طلعت عيالي من الغرفة قبل ثلاث سنوات
الكبيرة ظلت معي للخمس سنوات و شوي حتي كبرت اختها و طلعت معاها و بمزاجهم ما اجبرتهم كنا عند اهل زوجي وقتها
و الباقي بعد الثلاث سنوات يصيروا يطلعوا ليلة و يرجعوا الليلة الي بعدها و بارادتهم ايضا و كلما مرة تزيد فترة بقائهم عند اخواتهم حتي تعودوا
و استقروا عندهم و بعدين لغرفتهم الخاصة
بعد ما يدخلوا المدرسة
و سرير الطفل قبل ثلاث سنوات اكيد له حواجز عشان ما يوقع منه يمكن تحطين حولها ساتر من قماش يفصل بينكم و بينه

رد: هل فيه مشكله بنوم زوجي لوح
 

اهلين هاجر
هو الي سويت البارح نومت ولدي بغرفة خواته وانا رحت لغرفتي وتقريبا ع ثلاث قام ورحت له وكملت نومي باقي الليل معه
صح تشتت بس الله يعيني
عندي خادمه الحمدلله وبالنهار تمسكهم عني القيلوله انا الحمدلله

رد: هل فيه مشكله بنوم زوجي لوح
 

اختي
هذه فعلاً مشكلة تحتاج لحكمة، ولكن اعلمي ان طاقة تحمل الزجل لمثل هذه الأمور تختلف عن طاقة المرأة ولا تعتبر من الأنانية..
انا اعاني من نفس المشكلة عندنا طفلتين سنتين ونص وسنة ومستحمل مع زوجتي بسبب انها لا ترغب في الخروج ولا تريد أن أخرج انا (حلها الوحيد هو ان استحمل معها) وترى انني لازم اوقف معها.. بالرغم من ان وقوفي معها هو مجرد وجودي في الغرفة واستيقاظي 6 او 7 مرات في الليلة وغالباً هي في سابع نومة اصحيها عشان ترضع البنت الصغيرة.

النتيجية
أصحى عضلاتي متشنجة بسبب وجود البنت الصغيرة بيني وبينها وضيق المساحة المتاحة لي للحركة أثناء النوم والطفلة الأخرى في الجانب الآخر في سرير منفصل (برغم وجود غرفة أخرى مخصصة للأطفال)..
اذهب لعملي مرهق جداً وأدائي اصبح ضعيفاً،، هي غير موظفة وتستيقظ حوالي الساعة 2 ظهراً.. ومع ذلك لا ترغب في اي حال..

مين الأناني في هذه الحالة؟؟