|
مشكلتنا كل ماتتعب بنتنا # 26
مادري هالشي صح ولا غلط .. انا غلطانه ولا معي حق ..
بنتي كل ماجاها شي زكام او حراره او كحه او استفراغ او مغص او أيييي شي .. ينزلها لأمه وترجع لي كلها بصل وثوم وشغلات حريم واعشاب .. والحين البنت لها 4 ايام تعبانه وقلت له لازم نوديها قال طيب .. شوي الا جا جهزيها لامي .. طيب انا مابي امه تعالجها ابي دكتووووور يعطيها علاج مثل خلق الله .. لا لما امه تقرر خذوها او لا تاخذونها .. ومرات عكس اقوله البنت ماتحتاج طبيب يقول الا امي قالت واحلف له وياخذنا غصب وبعدها الدكتور يقول ماتحتاج ليش جبتوها .. يعني دايم يطلع معاي الحق .. انا مااااحب طب الحريم حتى لو كله من الطبيعه مااااااااااااااااااحب احد يلعب ببنتي ويسويها فار تجارب .. وانا متعقده من هالنقطه بسبب بنت اختي قبل سنين كان عمرها شهر وعالجت عند حرمه ومااتت .. والحين كل ماياخذها لامه تصير مشكله بيننا والله تعبت من هالوضع . شكلي الغي تأمينها بالمستشفى و افتح تأمين تحت .. والمشكله تطبب ع بنتي .. هاتوها لي 3 ايام ورى بعض .. هاتوها الاسبوع الجاي ولخ ومن وداها 3 ايام ورى بعض بنتي ماشافت العافيه ولها كم يوم ماترضع الا قليل وترجعه كثير و وزنها نقص والحين هي بعيادة جدتها والله تعببببببببببببببت من هالوضع .. ادري بتقولون عادي جدتها والحريم يعرفون و و والخ بس انا ماحب انا وحده ماحب هالشي ماحب هالتصرف ماحب حرمه تطبب ع بنتي .. طبعي كذا وكل ماتمرض البنت نتمشكل ع نفس الموضوع مستجدات الرد 26 http://www.66n.com/forums/showpost.p...8&postcount=26 |
رد: مشكلتنا كل ماتتعب بنتنا
لا حول ولا قوة إلا بالله ..سبق وقلتي عمرها 4 شهور إذا أنا مو غلطانة ..مسكينة هالطفلة ..لو أنا مكانك فأضعف اﻹيمان إني بروح معاها وما خليها تظل عند جدتها لوحدها مو ﻷنه جدتها مو أمينة عليها لا..بل عشان ما تطول غيبتك عنها وكل شوي ترضعينها وتطمنين عليها يعني قلب اﻷم ما في مثله.
|
رد: مشكلتنا كل ماتتعب بنتنا
اي والله .. ايه عمرها 4 شهور تقريبا ..الحين قلبي يغلي وبالي مشغول و اسئله مايرد و ادق و يعطيني مشغول
|
رد: مشكلتنا كل ماتتعب بنتنا
نزلت تحت لما زوجي طفى جواله ماقدرت اصبر ونزلت .. طلع قلبي مو محترق عالفاضي كانت تصيح .. المهم زوجي جلس يمزح ويقول يعني بناكلها والخ .. قالت امه ترى ربطت لها ع سرتها ولاتفكينه لبكره و والخ وقالت عطيها من المره وانتي هذيك المره مانتظمتي ع كلامي و عديتها لك بس هالمره ما اعديها .. وقالت ترى ازوج ولدي شوفي اخوانه كلهم ع اثنين انا زوجتهم .. المهم لما طلعت فوق وجا زوجي قلت له تتكلم جد قال ب استهبال ايييي امي ماعندها لعب قلت ع اساس اخوانك كل واحد له ظروف بالتعدد قال لا لا كله من امي قلت اجل لازم ما احط لك حساب المهم ارضيها هي وانت بكيفك .. وتناقشنا وهو كان يضحك بعدين قال والله تمزح وبالعقل لو هي زوجتهم بتقول انا زوجتهم ! المهم ما ادري عنها بس تضايقت كالعاده من جهه اقول ليتني مانزلت ومن جهه اقول اشوا جبت بنتي لانها ميته صياح
|
رد: مشكلتنا كل ماتتعب بنتنا
الله يشفي بنتك
صحيح العجائز عندهم خبرة لكن والله يا اختي كل هذه الخرابيط لا اصدقها لانها قد تكون مضرة بنتك صغيرة لما تحتاج علاج وديها لطبيب الاطفال هو ادرى |
رد: مشكلتنا كل ماتتعب بنتنا
استهدي بالله يا اختي ، و تعوذي من الشيطان الرجيم ، و امسكي اعصابك ...
كلمي زوجك بهدوء ، خلي اسلوبك اسلوب حوار و نقاش عقلاني منطقي ، عبري عن وجهة نظرك بكل هدوء ، من غير اي تصادم او انفعال . |
رد: مشكلتنا كل ماتتعب بنتنا
الله يحفظ لكم البنوتة ويشفيها واهدئي ريتاج أوّلا حتى تعرفي تتصرفي وما تجيبي العيد أولا هذه جدة البنت ومستحيل تفكر تأذيها دام مهتمة بها هكذا لكن تصرفها غلط لأنها تربّت على هذا وتظنه أفضل كثير من الناس يؤمنون بثقافة أنّ الطب الشعبي أفضل من الأدوية الكيماوية زوجك يثق فيها وما يمكن يكون خلاف هذا الآن بما أن هذا هو المنهاج دائما في علاج البنت, فكوني حكيمة في علاج المشكلة فلا تخسري زوجك ولا أمه ولا تتأذى بنتك ولا تعيشي على أعصابك تحدثي مع زوجك بحديث المثقّف وليس بحديث الحساسية والمشاعر السلبية افتحي مثلا على قوقل أو اليوتيوب وابحثي في تقارير تحذّر من الطب الشعبي وتذكر مخاطره وابحثي عن أمثلة لمن تأذّوا منه وريها لزوجك بكل هدوء وثقة وإن شاء الله يدرك ما تتعرض له بنته من هذه التصرّفات واسألي الله التوفيق باقي الأمور حسب سردك كلها مزح, لا تأخذيها جدّ وإن شاء الله ما تكون كذلك. |
رد: مشكلتنا كل ماتتعب بنتنا
[QUOTE=العقل نعمة;3488687]
الله يحفظ لكم البنوتة ويشفيها [/QUOTEواهدئي ريتاج أوّلا حتى تعرفي تتصرفي وما تجيبي العيد أولا هذه جدة البنت ومستحيل تفكر تأذيها دام مهتمة بها هكذا لكن تصرفها غلط لأنها تربّت على هذا وتظنه أفضل كثير من الناس يؤمنون بثقافة أنّ الطب الشعبي أفضل من الأدوية الكيماوية زوجك يثق فيها وما يمكن يكون خلاف هذا الآن بما أن هذا هو المنهاج دائما في علاج البنت, فكوني حكيمة في علاج المشكلة فلا تخسري زوجك ولا أمه ولا تتأذى بنتك ولا تعيشي على أعصابك تحدثي مع زوجك بحديث المثقّف وليس بحديث الحساسية والمشاعر السلبية افتحي مثلا على قوقل أو اليوتيوب وابحثي في تقارير تحذّر من الطب الشعبي وتذكر مخاطره وابحثي عن أمثلة لمن تأذّوا منه وريها لزوجك بكل هدوء وثقة وإن شاء الله يدرك ما تتعرض له بنته من هذه التصرّفات واسألي الله التوفيق باقي الأمور حسب سردك كلها مزح, لا تأخذيها جدّ وإن شاء الله ما تكون كذلك. سلمت أناملك ع هذا الرد |
رد: مشكلتنا كل ماتتعب بنتنا
مشكورين ماقصرتوا و ان شاء الله بطبق نصايحكم .. جزاكم الله خير
|
رد: مشكلتنا كل ماتتعب بنتنا
اقتباس:
اولا: هم(ابوها وجدتها) لا يرغبون بأذيتها مثل مانتي تبغين. ثانياً: بامكانك التوضيح لزوجك انك تريدين طبيب اطفال, طبيب تغذية لانه حالتها الصحية في تدهور, حيث انها لا تتغذى و وزنها نقص. . |
رد: مشكلتنا كل ماتتعب بنتنا
اقتباس:
بعدين وش قصدك لايرغبون بأذيتها مثل مانتي تبغين ؟؟ يعني تتوقع انا ابي اذى بنتي ؟؟ لو ابي اذاها كان خليتها .. بس انتوا رجال وش عرفكم بهالسوالف و اضرارها |
رد: مشكلتنا كل ماتتعب بنتنا
والله بنتي تعبببببانه و رافض يوديييها يقول ننتظر اليوم ( عشان يشوف مفعول علاج امه ) طيب كيف ننتظر اليوم وهي لها من الاربعاء تعبانه وهاليومينن حيل زاد عليها .. صارت ترضع بس 20 مل كل 6 او 8 ساعات وترجعه بالاستفراغ كثير و رافض نااااااخذها حسبي الله على امه اللي قالت لاتوديها وماظلمتها قالتها قدامي قالت لاتوديها ليه توديها خلاص مره و زنجبيل وتطيب .. مولوده احط لها هالسوالف ومفعولها بطيييء والله جالسه اشوف بنتي تموت قدامي يوم ورى يوم ومووو طالع ب ايدي شي . ماراح يفهمون خوفي الا الامهات فقطططط
|
رد: مشكلتنا كل ماتتعب بنتنا
اختي ليش محسستنا انك تتكلمي عن ناس اغراب
ترى اللي وداها ابوها يعني يخاف عليها مثلك ويمكن اكثر واللي تعالجها جدتها يعني امها ماهي غريبه وش اللي حرمه تطبب فيها وهالكلام ايه صحيح العجز يعرفن للصغار اكثر وكثير من الامراض الطب مايعترف فيها وعلاجها شعبي يعني الطب مايعترف بالملع وبالشمم وغيره وماله علاج الا شعبي ولاتستهيني بالطب الشعبي اختي انا عندي اخوي الكبير معه سكر وصابه غرغرينه برجوله الثنتين وقرروا الاطباء انه لازم تبتر رجليه الثنتين من حد الركبه وكان فيه استشاريين وماخلينا دكتور ماعرضناه عليه ونفس الكلام وزوجت ابوي الله يرحمه ويطول بعمرها عالجته بخلطات لمدة شهرين ورجع الدم لرجوله والحين يمشي الحمدلله ووضعه طبيعي حتى الاطباء اللي شافوه ماصدقوا فـ لاتستهيني بموضوع الطب الشعبي على الاقل انه ماله اضرار جانبيه مثل الادويه والمضادات اللي المستشفيات ماعندهم الا هي |
رد: مشكلتنا كل ماتتعب بنتنا
اعتقد بالعمر يكون تسنين
والطب الشعبي افضل لها 😁 المستشفى ماراح يفيدونك شيء بيعطونك تحميلة وبس . |
رد: مشكلتنا كل ماتتعب بنتنا
بنتك بتسنن ادهني اللثه بالمحلب علشان يسهل خروج الاسنان الله يشفيها
|
رد: مشكلتنا كل ماتتعب بنتنا
كيف تسنن وهي لسا عمرها 3 شهور و20 يوم انا اصلا ماعرف متى يبدأ .
المهم انا قلت لكم الطب الشعبي ذبح بنت اختي ومابي بنتي مثلها .. |
رد: مشكلتنا كل ماتتعب بنتنا
الحين اخذها تحت من صحت .. قلت له قول لعمتي انها ترضع 20 مل كل 8 ساعات .. يمكن تسمح لك تاخذها للمستشفى ..
وهو تنرفز وقال يمكن اسمحلك تاخذين اغراضك وتنقلعين لاهلك .. الظاهر جد باخذ اغراضي وانقلع مو حاله والله بنتي تعبانه ومقدر اخذها .. وعلى فكره هي داخلها برد لان مزكمه وتكح وصدرها له صوت وحراره ترتفع وتنزل |
رد: مشكلتنا كل ماتتعب بنتنا
اقتباس:
الحين هذا سبب عشان تطلعين من بيتك الله يهديك ! جربتي كلمتي زوجك او لا ؟ |
رد: مشكلتنا كل ماتتعب بنتنا
اقتباس:
----- واحمدي ربك جدتها واقفة معكم وتساعدكم , المفروض تروحي تشكريها على اللي تسويه معكم , اكثر ناس يعرفون بسوالف الاطفال وامراضهم هم العجايز الله يحفظهم , خبرة سنين طويلة , الدكتور حطي في بالك يبغى يكسب من وراك , وبيصرف لك ادوية وخرابيط حتى لو مو محتاجتها , احترمي زوجك واشكري امه |
رد: مشكلتنا كل ماتتعب بنتنا
يا جماعة الخير امه على العين والراس
لكن البنت صغيرة (بيبي) وما تاكل ومريضة المفروض تروح للطبيب واتم تسهلون في الامر كلمي زوجك بكل هدوء او ابكي عنده انت اعلم بما يؤثربه وودي بنتك لو جرالها شي لا قدر الله ما احد ينحرق مثلك |
رد: مشكلتنا كل ماتتعب بنتنا
ذكرتيني لما ربيت ولدي البكر .. وطلعت أمي (أم زوجي) لين غرفتي عشان تعلمني كيف أقمطه. كانت أول مرة أشوف طريقتها في القماط (تستخدم حبل لتثبيت القماط وضمان عدم فكه) أول ما شفت المنظر عيوني دمعت وحسيت إنها تعذب ولدي!! yyy لكن لما جربت وشفت نتيجة هالتربيطة بروحي كنت أجهز قماطات وحبال بناتي لما ربيتهن. تعرفين شو مشكلتج يا ريتاج؟ تتصرفين بتحفز وعدوانية .. مع إنج لو كنتي هادية ولبقة شوي كان اللي تبينه صار. وحتى لو ما صار .. في كل الأحوال انتي فعلاً أمام والد البنت وجدتها .. وطول ما انتي تعاملينهم وكأنهم أغراب مالهم حق في بنتهم وخايفة عليها منهم بتكونين إنتي الخسرانة. وعلى فكرة .. عبارة (يمكن أسمحلك تاخذين اغراضك وتنقلعين لأهلج) أنا كنت متوقعتها من موصوعج السابق. حتى لو أمه غلطانة .. لا تنسحبين من لسانج .. وانتبهي لكلامج وفكري عدل قبل ما تقولين أي كلمة تصريحاً أو حتى تلميحاً .. تراه مب دايماً بيطوف لج ولا راح يشوف من الموقف كله إلا الكلمة الغلط اللي قلتيها في حق أمه. الله يشفي البنت وما عليها شر ان شاء الله. |
رد: مشكلتنا كل ماتتعب بنتنا
حبيبتي شعورك طبيعي
لانك ام جديدة وهذي وحيدتك فمتعلقه وقلقانه كثير عليها وتعلق جدتها فيها برضو طبيعي جالسه تعبر عن الحب بطبيعتها بكرا اذا كبرت والا جا اخوها بتتمني تنزل عن جدتها وتريحك وتتابع وضعها الصحي من الى عموما انا من تجارب اطفالي اللي فيها مو تسنين لسى بدري عالتسنين غالبا داخلها برد من الجو اذا فيها كحه ادهني صدرها زيت سمسم اهم شي تسخنيه اول والحرارة يبغى لها فيفادول واتوقع تطعيمتها قربت بس لازم تتحسن صحتها اول ترى كلنا كامهات نبدا بالطب الشعبي واذا زاد المرض رحنا للطبيب عادي مافيها شي لان كثره الادويه تتعب الطفل خصوصا المضاد الحيوي يضغف المناعه روحة الطبيب ضروري وقت السخونه او اذا صار مع الكحه بلغم لانه ممكن يسبب حساسيه بالصدر او كتمه وتحتاج جلسات بخار نصيحة روقي واظهري تقديرك لاهتمام جدتها ولا تعتقدي ان الصحة بالمستشفيات الصحة بيد رب العالمين وكلي امورك له واطمئني ومافيها الا العافيه ان شاء الله |
رد: مشكلتنا كل ماتتعب بنتنا
نعم كما قالوا الاخوة الكرام ةبالاخص اختي مهرة .. اسلوبك ولسانك نظميهم وراح تلقي ماتحبي ..
حاليا للحفاز على صحتها من اثر ارتفاع الحرارة استخدمي الباراسيتمول والايبوبروفين بشكل متبادل منها تخف الحرارة ومنها تريحها شوي من عوارض الزكام ،، للكحة استخدمي البخار ( بخار الاستحمام لمده عشر دقايق) بعدها التربيت واامسح على الظهر لربع ساعه مع التدفئة ،، ابوها يخاف عليها مثلك وبمجرد مايشوف حالتها اسوء ماراح يخليها وبيوديها .. |
رد: مشكلتنا كل ماتتعب بنتنا
اقتباس:
. |
رد: مشكلتنا كل ماتتعب بنتنا
اشكرررر اللي حسسسوا فيني وبخوفي و شافوا الموضوع من جهتي بدون تحيز للامهات والخ .. اختي مهره بالنسبه للقماط انا من جبتها اربطها و ازعل اذا احد ربطها غلط او خلاه مرتخي اقوم واشد وكذا .. يعني في شغلات عاديه ومعروفه ..
وفعلا مثل ماقالت الاخت .. امه عالعين والراس بس بنتي صغيره ماتتحمل .. |
رد: مشكلتنا كل ماتتعب بنتنا
المستجدات ..
بعد ما امه عطتها مره و ماي لبان و زنجبيل والخ .. البنت زاد تعبها و صارت تكح لما ينقطع نفسها و صار معها بلغم و صوت صدرها قووووي .. وهو قال امشي ناخذها قلت لا جالسه اعطيها من علاج جدتها قال امشي امشي البنت زادت ماينسكت عليها .. و اخذناها لقوا احتقان ب انفها و صدرها مسكررر و معدتها متهيجه عشان كذا تستفرغ كثير وماترضغ و قالوا تحتاج جلسات بخار ومحلول للجفاف .. و قالوا معها يوم واحد اذا ماتحسنت هاتوها تنويم لان احتمال معها التهاب او نزله معويه .. الحمدلله انه رضى ياخذها ولا كان ماعرفنا وش فيها وكانت تدهورت صحتها اكثر .. بالنسبه لخوفي طبيعي لانها بكري و انا حيل متعلقه فيها من لما عرفت انها بنت ببطني صرت اهتم بحملي و اجهز لها و والخ .. عشان كذا ماراح اسمح لاحد يلعب فيها ويضيعون تعبي |
رد: مشكلتنا كل ماتتعب بنتنا
الله يحفظها ويرزقك برها ...بس توكلي على الله وهدي أعصابك صدقيني وان شاء الله بتتذكرين كلامي ان زوجك راح يتغير وما يعتمد على علاج أمه..بس كل ما في الموضوع أنه أب جديد وما عنده خبرة..وسلامتها.ما تشوف بنيتكم شر
|
رد: مشكلتنا كل ماتتعب بنتنا #
الله يشفي بنتك يا ريتاج
|
رد: مشكلتنا كل ماتتعب بنتنا #
ذكرتيني بجدتي الله يرحمها ويقدس روحها بجنات النعيم، كانت غرفتها كأنك داخلة عطار ولامحمصة من ريحتها، وكل شي فيها، ولامني مرضت عاد خوذي أنواع الخلطات اللي تحط براسي وتربطه بخرقه وبحلقي ومادري وين، ولاجتني كحة جابت زيت الزيتون وتحميه على النار وتحط معه فلفل أسود وتدلك صدري لدرجة لو مشت عليه نملة تزحلقت.
<<< عاد تصدقون أني شكلي متأثر بجدتي وطلعت بخلطة الحليب الشهيرة :) الله يحمي بنتك ويحفظهاا |
رد: مشكلتنا كل ماتتعب بنتنا #
اميين يارب ويحفظ لكم اولادكم ..
انا ماني ضد الطب الشعبي والله .. بس المستشفى نعمه من الله .. فيه اشياء ينفع معها الخلطات وفيه اشياء لازم اجهزه طبيه .. مشكورين على نصايحكم ماقصرتوا ربي يسعدكم |
رد: مشكلتنا كل ماتتعب بنتنا #
ريتاج ..
اتكلمي مع زوجك بهداوة وعقلانية .. قوليله هذي الطفلة شلتها في بطني .. تعبت بولادتها .. اسهر وأتعب عشانها .. أكيد أحس فيها أكثر من أي أحد بالدنيا .. ابغاك تثق فيني وتديني الفرصة إني أكون أم بجد .. وقوليله : جدتها أو خالتي ( يعني أم زوجك ) ماكانت تعرف كل شي لما جابت اول طفل لها .. أكيد غلطت وطاحت في كذا مشكلة لين اكتسبت هالخبرة .. وأنا كمان أبغى أجرب هالإحساس .. وفي نفس الوقت أبغى أستفيد منها ومن خبرتها .. ومايمنع مجاملة لأم زوجك وكسباً لقلبها تسأليها عن مواضيع تخص الصغيرة بين الفترة والتانية .. خليه فترة يفكر في كلامك وبعدين يقرر .. وانتي في نفس الوقت أثبتي له إنك تتحملي المسؤولية وقدها وقدود 👌😉 |
رد: مشكلتنا كل ماتتعب بنتنا #
حبيبتي الطب الشعبي ان ما نفع ما يضر
اما الأدوية فلها اثار جانبية وكثرتها مِو زينة على كبد الانسان انا من كبرت وبديت اهتم بنفسي يعني بعمر المتوسط ما كنت اروح للطبيب مع ان كان فيني ربو حاد وكنت أسأل العجائز على الخلطات والزهورات المناسبة للربو عموما الله يصلحج تفكيرج غلط تقولين مابي يضيعون تعبي؟؟؟ بصراحة تفكيرج خطير ولازم تغيرينه عشان ما انتي اللي تضيعين بنتج |
رد: مشكلتنا كل ماتتعب بنتنا #
اقتباس:
|
| الساعة الآن 11:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©