|
راتبي وزوجي!
السلام عليكم اول سنة من زواجي ماكنت موظفة وبعد الولادة بمنتصف النفاس توظفت , واللحين امشي بالسنة الثالثه متوظفة مشكلتي ,,,, الفلوس والراتب انا احس اني اصرف على البيت ويخلص الراتب وبالاخير مااحس اني اشتري شي واضحه معالمه اتفشل اني اطلب منه فلوس ’ دايم اذا رحت للسوق مقاضي بنتي ونفسي علي , مطاعم خرابيط كلها علي , حتى الهداايا , هدايا زواج لناس من طرفي , هدية بيت جديد لناس من طرفي , هدايا ولادات لناس كلها علي , اللهم عشان مااظلمه , اذا كان هو معنا يعني رحنا للسوق سوى هو يحاسب وهكذا , لكن غالبا يحطني بالسوق ويروح , حتى مايقول لي تبين فلوس. تبين حاجه؟ مايعطيني الا اذا طلبت منه واذا طلبت مبلغ قوي يجلس يدقق وليه وليه واحيانا ماايعطيني المبلغ كامل , مع انه قادر ماديا ومارح يغير من وضعه شي .. انا تعبت بصراحه لاني ابي اجمع من راتبي مو طبيعي اني متوظفه سنتين وماجمعت ابدا مبلغ!!!!!!! وانا مقتنعه بالشراكة , لكن احس اني هالفترة هو متكل تماما ومايعطيني ولاشي والله راتبي يروح واذا شفت وين يروح!!! مالقى شي !!! يعني شاشات البيت ومجلس كامل واغراض الضيافه كلها انا شاريتها السفر كل سفراتنا النص بيني وبينه وعادي دافعتها وانا مقتنعه , اقلها دفعتها بشي واضح اشوفه واحب اني اساهم بامور البيت , بس انا متضايقه من المصاريف اليومية .. اللي تاكل من الفلوس اكل واللي احس انه من واجب الزوج مو واجبي انا بس يعني ادخل السوبر ماركت لحالي واتقضى وحسابي 700 او 1000 واحيانا زياده وادفع , خرابيط خرابيط خرابيط , وياليتها مره لا تتكرر كل شوي .. مو بس بالأشياء الكبيرة , حتى الصغيره , عادي نوقف عند بقاله ويلتفت علي ويقول مامعي عطيني عشره خمسه ميه ميتين .. احس اني مكينه صراف مو زوجة dvf مشكلة زوجي بااااااااارد ومتكل يعني لما احتاج شي للبيت يجلس يطلع روحي لين اطفش واروح انا اشتريه , اصير محتاجته وهو انسان بارد يطفشني كل شوي يطلع اعذار لما اطلب منه اننا نروح نشتري .. مالي خلق ماينفع ومعنا البنت بنتبهذل .. تاخر الوقت , مواعد احد .. ولسته اعذار طويلة .. وصبر ماعندي صبر انا حاره وابي الزين .. بس اني اللحين بديت اتعب وحاسه انه مو مقدر هالشي , مره بحديث ضحك بيني وبينه جرحني وعرفت منه انه مايقدر كل هالاشياء ويحس انه هو اللي ماسك البيت واللي اسويه مايجي في عيونه , ويحس اني الطماعه اللي تطلب وتبي ومو شايف اني انا كثير اشتري واساهم .. وما راددته ولا ناقشته ,, بس انصدمت وسكتت وحزنت بخاطري .. بس قلت لازم هنا اتصرف لاني مو ماشيه بطريق صح .. انا اسوي هالامور عشاننا وبالاخير بنظرك انا كذا .. فكرت اني اكف يدي نهائيا عشان يحس بالفرق , بس ماقدرت ولا طاوعني قلبي ... بس اقلها يعني ليته قدر واقول فدوه بس حرتني كلمته ومن عقبها انا جيتكم وقلت لازم اشوف حل , بعد كل هالاشياء كذا يشوفني؟؟؟! اول حل ( فكرت بسالفه مصروف شهري ) يكون مصروف لي ولبنتي شهريا يعطيني وانا اتصرف فيه واذا بغيت حاجه زياده انا ادفعها من فلوسي ماعندي مشكله .. حاولت اني اطرح الفكرة لكن تجاهل وماتحمس .. انا مو حاسه ان معي زوج يصرف علي محتاره مره ماابي اطلع بمنظار البخيله ولا بمنظار اللي تكب كب .. ايش التصرف الصحيح ومابي اصير اكب عليه كب , كل من قلت له قال لي ليه انتي كذا لاتعودينه , ولاادري اخاف , وش تنصحوني لاني لسى ببداية زواجي بكرة يجيني اطفال ويكبرون وتكبر المسوؤلية ويصير هو فاك وانا اللي ماكلتها , وماينفع اني كل شوي اقول له هات هات لانه من النوع اللي يحاسب ويدقق , هل تشوفون فكرة المصروف تنفع؟؟ او اني انا افك يدي شوي؟ مع اني مااقدر وانا اقولكم ليه .. مثلا اغراض الضيافه , ماعندي سفره ماعندي طقم بيالات كاسات زمازم خرابيط الضيافه كلها مو عندي ودايم اطلبه خل نروح نشتري عشان نعزم اهلك واهلي خل خل.... وهو كل شوي يصرف لين انا طفشت ورحت وشريت وكلفتني كل الاغراض مع زيادة لتكميلات المجلس حوالي الخمس الالاف وهكذا حنا عايشين ابغى الشي مايرفض ولا يقفل لين اطفش وارووح انا اشتريه! مااني عارفه ايش الحل ... لان بكرة انا بيثقل علي الوضع اذا كبرنا وكثرنا وبيصير متعود على هالوضع ومااقدر اتغير عليه فجأة فا ايش التصرف برايكم , خصوصا الرجال وش تشوفون الصح ان الزوجة تسوي..؟ مهما كان احس الرجال يحب يحس انه رجل البيت وانه يصرف على بيته مادري ليه زوجي منبسط على الوضع dvf |
رد: راتبي وزوجي!
حبيبتي انتي انسانه راقية ومتعاونة
لكن بعض الرجال نظرتهم مختلفة للموضوع بتكلم لك شوي عن تجربتي لاني اقرأ الموضوع وكأني انا اللي كاتبته لما كنت متوظفة كنت اعمل مثلك بالضبط تركت وظيفتي وطارت كل تحويشة العمر لنفس السبب ونفس السلوك بس مو لأني ما ابي اطلب.. لا ببساطة صرت اطلب ويرفض والا يقول حركي فلوسك اللي بالبنك القاتل بالموضوع مو الفلوس ولا المادة لكن احساسك ان الطرف الثاني هاملك او بالأحرى مو قايم فيك وهذا الشعور يقتل أي انثى خصوصا اذا الرجل يطلب كل حقوقه كامل ومكمل نصيحتي لك ستوب.. ستوب.. ستوب راتبك لك وللكماليات مو للضروريات مؤونة البيت ومصاريف البقالة ارفعي يدك عنها هذي اول مسؤوليات الزوج نصيحة اجلسي معه بهدوء وقولي اللي بخاطرك بدون جزئية انو قال كلمة من كم يوم زعلتك ابدا.. سواء قدر او ما قدر.. هذا مو دورك بما ان زوجك انسان معافى وموظف وماعنده ضغوط |
رد: راتبي وزوجي!
اهلين اختي روان .. صح كلامك والله .. بس كيف والله كيف ودي والله اصير كذا بس ماني قادرة اصبر يعني اغراض البيت مايشتريها الا متى انسان مرة بارد مااقولك انه مقصر بس انه عجاز بهالامور يعني مثلا تخيلي لي اكثر من اسبوعين اقول له ابي سمك مشتهيه سمك تخيلي سمك! شفتي هالشي التافه ؟ وكل شوي يقول بكره بكره .. لين رحت انا وشريته بنفسي .. وش الحل مع هالنوعيه .. احرم نفسي عشانه عجاز ومزاجي؟ وغسالة الملابس لها حول الشهر خربانه كل شوي اقول له صلحها صلحها نبي ملابس محتاجه لبنتك ملابس نظيفة ,, اغسل على يديني واحيانا ارسلها للمغسلة , وما صلحها الا لما جلست وزنيت وعطيته الجوال وقلت دق عليهم اللحين يجون دامك فاضي واصريت وماتحركت لين دق .. ودق وجو وصلحوها وهو منزعج .. وش الحل ؟ حاولت اكلمه ياروان لكن اعرفه مارح يفهمني وزوجي من النوع اللي يقلب الطاولة عليك .. ومابي افتح مواضيع كذا خصوصا الامور المادية اشوفها حساسه جدا .. ابي اتعامل مع الامر بذكاء بدون مابي له انزعاجي لاني عارفته مارح يفهمها الا بخل |
رد: راتبي وزوجي!
أشعر أن حكاية (الرجل يحب ويستمتع بالصرف على زوجته وأسرته) بدعة يضحكون بها علينا. الحقيقة هناك رجل يدرك واجباته ويتحمل مسؤولياته .. وهناك من يتملص منها ويرميها على غيره. ومشكلتكِ الأساسية أنكِ حارة .. وحل المشكلة كما قالت روان .. وهذا يحتاج لبرود .. وصبر وطول بال. |
رد: راتبي وزوجي!
اقتباس:
انا حارة وبشدة , وبالمقابل هو بارد اقدر اصبر على الكماليات بس الاساسيات اتعب فيها احتاجها وما معي الوقت اني اصبر والمواجهه معه صعبه ونهايتها عقيمه حتى لو جابت نتيجه مارح تجي من خاطره وبيفهمها غلط |
رد: راتبي وزوجي!
شوفي اغراض البيت عليه ومصروف بنتك عليه وممكن تساعدينه فيه بمزاجك..لكن هدايا الناس ولادات قريباتك اعراس ومذا دامك موظفة فانت اللي تتكفلين فيها هو شرعا مو ملزوم الا ببيته..مصروفك بعض الرجال حتى وهي موظفة يصرف عليها بعضهم يشيل يده عنها على طول بمحرد ماتتوظف وبتلاقين صعوبة في تغيير قناعته في هالشي لانه بيقول انتي تطلعين من البيت وجزء من الاشياء اللي تسويها ربة البيت العادية ماراح كلها تقدرين تسوينها بوقتها فيعتبر انه لازم تصرفين كضريبة لوظيفتك على نفسك وعلى بيتك بعد لو حصل كذا بعض الرجال يفكرون
|
رد: راتبي وزوجي!
اقتباس:
مايلزم تشتري كل شي، غيري ثقافتك في مسألة الاستهلاك، إذا انتي راعية استهلاك ماراح تخلصين والبيت راح يحتاج كل شي بالأخير مراية تلفزيون مخدة كنب فرشة إلخ..... وكل يوم يطلع لك شي، ولو كل شي طلع لك قلت باشتريه عز الله ماخلصتي. أديري فلوسك جيداً فنحن في زمن يجب أن نتابع مانصرفه وجدواه أكثر من أي زمن آخر. الأمر الآخر الهدايا!!!!!!!! كل شي له هدية معقولة!!؟ آخر هدية جبتها كانت لأمي وهي جلابية من المغرب قبل سنة ونص. ((أمي)) مش ولد الجيران أو صديقتي أو بنت خالتي أو خال جد أمي. فكرة الهدايا شيلها من راسك لاتهدين الناس ولا تنتظرينهم يهدونك، حنا ماضيعنا إلا متابع الناس وبلشين فيهم ندور وش اللي يرضيهم عشان نهديهم وهم ماجبوا لنا خبر هذا إذا ماهو يحشون فينا من ورانا mjk وحنا زي الدبش ماغير اهدي لاتهدي. ركزي بس ببيتك وعيالك وأهلك والباقي عامليهم باحترام وببساطة وبعيداً عن أي تعقيد واستهلاك فااااااااااااااااااااااااااااااااااااااااااااااااا ااااااااااااااااااااااااااااااااااااااااااااااضي |
رد: راتبي وزوجي!
اقتباس:
|
رد: راتبي وزوجي!
اقتباس:
صحيح بذات موضوع الكماليات الخطه الاقتصاد اللي سواها زوجي بموضوع الكماليات عشان نوفر لتعمير وشراء سياره لما حسبناها نهاية السنه طلع توفيرنا 20الف بس في الكماليات البسيطه والبقاله |
رد: راتبي وزوجي!
شوفي يا اختي انا قاعدتي في الحياة
مادام زوجي لي بس افهميها بغض النظر عن معاملته يعني ما يوفره ويكسبه في النهاية لنا اشارك ولا همني لانه بيتي ورب البيت البارح خرجت الراتب للشهر الماضي اشتريت مكنسة كهرباءية وميكوويد ومعاطف لاولادي ويوم ماحب اسحب ولا فلس ما اسحب الرجال ما نراه نحن ظروري بالنسبة لهم كماليات كاواني الضيافة وغيره كملي ماينقصك منها وخلي لك كل شهر من راتبك للتوفير يعني في النهاية ما وفرتوه لكم معا اما بيت او سيارة او عقار ما دامه ما يلعب بذيله وما يستغلك فالامر عادي |
رد: راتبي وزوجي!
اقترح عليك انك تطلعين لك عقار بالتقسيط وتأجرينه ..هذي الطريقه راح تجبرك انك تحسبين معاه وانه يصرف عليك لانه ماعندك سيوله نصف الراتب بيسحبه البنك للعقار يبقى لك النص من الطبيعي بيكون للاشياء الكماليه لك......
|
رد: راتبي وزوجي!
اقتباس:
مع هذا الرد ضمان لك بعد الله مصاريف البيت مالك شغل فيها خليه هو يشتريها |
رد: راتبي وزوجي!
اقتباس:
احتاج ارتب بيتي ويكون عندي اثاث حلوو محتاجه اطلع مطاعم اغير جو اجدد ملابسي اسافر واكيد بجاري الناس فالهدايا لاني مو عايشه لوحدي بس بالشيء المعقوووول بعيد عن المبالغااات اقتباس:
|
رد: راتبي وزوجي!
النفقه من الزوج على بيته وزوجته وعياله واجبه ، مافيه روح وتعال ، اغراض البيت من ماكله وكسوة لعياله وجميع مستلزمات بيته وعياله وخادمه وسكن على الرجل ، يبقى شي واحد راتب الزوجه لها عندها مناسبه وعندها مجاملات لصاحباتها كيفها والزوج غير ملزم بالامور يعني ماتقول لزوجها عطني فلوس صاحبتي توها والده او متخرجه ومعرسه الزوج غير ملزم بمجاملات الزوجه بتاتاً اذا كانت موظفه !!!!! واذا كانت غير موظفه يعطيها مصرف شهري مبلغ وقدره على حسب استطاعته ومقدرته هذا هو المعروف والمعهود ...!
|
رد: راتبي وزوجي!
صاحبة الموضوع انا عندي نفس مشكلتك بس زوجي اهوون من زوجك
اذا نزل الراتب اكتبي له عزبة البيت حقت الشهر وحطي له الورقه او اعطيه لم يقولك اعطيني البطاقة عادي قولي نسيتها او ماعندي اش معنى احنا ننحرج منهم وهم لا والله كنت زيك وانحرج واش بيقول عني بس طفشت بس لا تكوني بخيله اصرفي على نفسك حاجة نفسك فيها خذيها الكماليات خذيها مره تعزميه على مطعم او كوفي فالاخير الفلوس اذا ما استمتعتي فيها وش فايدتها وش فايدة الوظيفة ولاا تنسي تبقي مبلغ ع جنب ممكن تقتحي حساب ثاني تجمعي فيه |
رد: راتبي وزوجي!
صحيح ان زوجك ملزوم بالصرف عليك وعلى اولادك وعلى البيت ... الخ
لكن بما ان عندك راتب وجبت المشاركه .. على الاقل تشيلين مصاريفك .. وتخلون الباقي مناصفه .. منها انتي توفرين .. وزوجك يوفر من راتبه .. ترا لما ما كنتي موظفه كان يصرف عليكم والاكيد انه حارم نفسه من اشيا لو كماليات وده فيها بس ما يقدر .. الان لقى له متنفس شوي يصرف على نفسه .. مافيها شي ابدا .. امسكوا العصا بالنص ... لا تصرفين كل راتبك ولا يصرف كل راتبه .. خلوا الموضوع بالنص .. ومتى ما واحد منكم احتاج الثاني يغطيه وهكذا .. اما الزوجه تستلم راتب و زوجها يصرف عليها وهي تكنز راتبها بالكامل .. هذه انانيه .. الوسطيه لاستمرار الزواج بكل حب وتقدير واحترام .. على الاقل وفري من راتبك 40 بالميه وهو بالمثل .. لوقت الضيقه ربي لا يضيق عليكم ... اما اذا انه يصرف راتبه بالكاااامل على اشيا تشوفينها كماليات اهني وجب الحزم ف الموضوع .. ارفضي اذا طلب منك .. عادي هو زوجك مو واحد غريب عشان تخجلين منه وترفضين له طلب !! اما اذا فعلا مزنوق .. المسااعده ولك الاجر والثواب عند الله سبحانه وتعالى .. |
رد: راتبي وزوجي!
اقتباس:
ماعليه متقبله اني اصرف ومقتنعه وعادي لكن مو طبيعي اني بالنهايه مااجمع واغلب راتبي خرابيط المفروض هو يدفعها لسبب انه ماعنده وقت او متعيجز .. انا بودي بحل يرضي الطرفين يصير بالنهايه ابقى اكون معطيه بيتي وزوجي وبنتي وبعد نفسي شي لكن ماقدرت لان زوجي من الاساس مو مساعدني الله يعين |
رد: راتبي وزوجي!
اخوي Neat Man
كلامك صحيح لكن في نقاط انا مااقدر اطبقها يعني مثلا نقطه الهدايا .. انا مستعده كل الاستعداد ان مصروفي انا من لبس ومصاريف وهدايا وكماليات واساسيات علي لكن بنته والبيت عليه .. وقد سبق وطرحت الفكرة عليه وماعجبته نظرا لانه مو متواجد بالبيت دايم وماحب هالنقطه ولا ناسبته وسكت وقلت عادي .. لكن ابي حل بيني وبينه .. انا مو ضد المشاركة لكن ضد انه تكون علي وبالاخير مافي شي لي يعني ليته قال لي نجمع لبيتنا او حاجه اقدر المسها لكن انا جالسه اشتري واسوي اشياء للبيت بالاخير هو لازم يسويها وارجع اقول ماعندي مانع لو كانت على فترات متقطعه ويكون هو بوقتها مايقدر اووكي لكن مو دايم مو داايم dvf ونقطه الهدايا اخوي انا مااقدر اتفق معك نهائيا لان المجتمع اللي انا عايشه فيه مختلف شوي الهدايا والتوجيب نوع من انواع التقدير وليس كل التقدير يعني يدخل معه المعامله والوصل والاحترام والمودة لكن لما انا اتزوج او اولد والناس تبارك وتجي وتحتفل فيني وتغرقني هدايا انا من واجبي بعد اذا صارت عندهم مناسبات اقدرهم .. مااقدر اجحد عنوتهم وتقديرهم .. خصوصا ان وضعي يسمح ومااضغط على نفسي او زوجي بشي يعني انا مااقدر اقطع الهدايا لانه جزء من عيشتي وبغض النظر انا مااعطي الا اللي يعطيني .. وحتى الماديات مفروض علي وتعودت عليه اولهم اهلي واهله وهو عارف هالشي زين ,, اهلي واهله بشكل عام يحبون الزين فا المفروض ان زوجته وبنته وبيته وهو بعد يطلعون بشكل مرضي وبدون اسراف ولا اذكر اني قد ضغطت نفسي او زوجي عشان اشتري شي لكن مااقدر اقلل من شي بحياتنا واحنا مو محتاجين اننا نقلل ماادري اذا وصلت الفكرة او لا , بس انا مشكلتي ابي زوجي يفهم ان البيت المفروض له يعني لما اقول له احتاج كذ يروح يجيبها مايخليني اطفش لين اروح اجيبها حتى المشاوير صار يتعيجز انه يوديني ويجيبني ويخليني اركب مع كريم واتضايق احيانا كيف عنده القدرة انه يخليني اركب مع رجل سعودي وهو نايم بالبيت ! ماادري الموضوع يطول والكلام اللي قلته بالموضوع مايصف كل حالتي ولاادري اذا مشكلتي وصلت لكم او لا لان البعض راح شوي عن اللي ابيه |
رد: راتبي وزوجي!
اقتباس:
اذا جاني زوجي وقال لي بنشتري بيت ابغى نقلل من المصاريف بصفق يديني وبقول انا معك لكن المشكله مو هنا المشكلة انه غير مسااااااااااااااااهم |
رد: راتبي وزوجي!
اقتباس:
يعني انا مع اذا اشتهيت حاجه معينه وماتسوى اطلب منه اروح اسويها او اجيبها لكن مو معك انه يكون دايم وخصوصا اذا كانت الشغله تدخل من اساسيات وواجبات الزوج |
رد: راتبي وزوجي!
اقتباس:
ومنها بالنهايه فيها مكسب لنا .. راح ادرسها dff |
رد: راتبي وزوجي!
اقتباس:
|
رد: راتبي وزوجي!
جبتيها عالجرح : (
أنا متوظفة كم سنة ماجمعت شيء بس مشكلتي مو في زوجي هو الاساسيات شايلها مشكلتي ماعندي إدارة مال صحيحة أبد .. وعندي هوس شراء وكل مالها الحاله تستفحل المشكلة اني استمتع جداً وماعرف كيف أوازن الامور احيانا افتح النت بطلب شيء معين واكتشف بعد ما اسكره اني طلبت اربع اشياء بمبلغ مجنون جد ماني بصاحيه والمشكلة نهاية الشهر مطفره احس مشاكلنا الحريم كلها في الإدارة الصحيحة للمال مو مثل الرجال محد يغلبهم في هالنقطة ! |
رد: راتبي وزوجي!
انا عني كنت مثلك كذا مو بعدين مسكت العصا بالنص يعني اغراض البيت الاساسية على الزوج لو حبيت شي زيادة اشتريه من عندي لبس العيال قبل كنت اشتريلهم الحين عليه لو حبيت اضيف شي اضيف طبعا مصروفي علي وتوجيبات الناس علي مااطلبه خادمتي تكاليفها وراتبها علي هو يساهم شي بسيط يمكن بالفيزا بس وبالنهاية اقدر اوفر تقريبا نصف الراتب نقول او اقل من النصف بسبب الظروف والمستشفيات واحتياجاتي ..وطبعا انا اوفر علشان بيت العمر يعني هدف مشترك بيني وبين زوجي ولذلك عودي زوجك على انه هو القائم ببيته وعياله ولست انت..انت تشاركي في الاشياء هذي بمزاجك دون التزام دائم منك
|
رد: راتبي وزوجي!
اقتباس:
بس هو بعد ملزوم يروح يتقضى للبيت ويشتري الاشياء المهمه اللي ناقصه البيت ويصلح المكسور والمعطوب ويوديني ويجيبني اذا هو فاضي وغيرها من الامور اللي انا لازم انشب له عشان يروح ويسويها |
رد: راتبي وزوجي!
نرجسيه
وهذي ممكن اني اكتب الامور اللي احتاجها واعطيه بس مو هنا المشكله المشكله اذا بدى يقول بعدين؟ مالي نفس؟ ابنوم؟ ويبدى يتعذر لين اطفش :( |
رد: راتبي وزوجي!
اقتباس:
طيب انا موافقه على المشاركة ماعندي مشكلة وحتى لو بوقت ضيق وطلب اني اساعده ماعندي مشكله حتى لو راحت كل الفلوس بس مو تروح فلوسي كل شهر طوال هالسنتين!!!! واستحي اقول له تراني تقضيت من السوبر بالمبلغ الفلاني هات!!! او تراني رحت وجيت مع كريم هالاسبوع لانك نايم هات!! وواشياء كثيرة تقهرني والله حتى السلف يتسلف واعطي ولا يرجعها واقول له ليتك تجيب الفلوس ويقول طيب ولاعاد اشوف منها شي واستحي اقول ارجع اقول وينها dvf و... و.... و.... |
رد: راتبي وزوجي!
اقتباس:
شوفي , وسعي صدرك لكن بحدود يعني شفتي شي قطع قلبك خذيه لكن مو دايم , خذتيه هالمره المره الجايه حاولي هه حاولي تمسكين نفسك انا عني تداخلت المهم واللي مو مهم اذكر قبل الزواج كنت اجمع من راتب ابوي واشتري كل اللي ابيه ويوم تزوجت معد صرت اعرف اجمع .. واللي ابيه مااشتريه وبالنهايه اشتري اللي البيت وبنته وهو يحتاجه واللي نفسي فيه للحين ماشفيت قلبي عليه وانا بالنهايه ودي ارضي جميع الاطراف ومسألة الموازنه يبيلها الف حل مو حل واحد خصوصا اذا الطريق مفتوح لك ومنتي مضغوطه واللي حوالينك نفسك ويحمسونك ماعندي دورات حقيقه ولا سبق وبحثت عن الموضوع كل اللي ابيه اكون شجاعه واواجه زوجي هههه واقول له بصوت عالي انت قم جب ghjj |
رد: راتبي وزوجي!
اقتباس:
الشغاله انا جايبتها ومقتنعه اني اجيبها لانها بالنهايه حاجتي طيب سطرك الاخير قرقرع بقلبي , كيف اوصل له هالنقطه!!! لاني بصراحة من كثر ماهو متعود احس معد صار يقدر او يشوف اللي اسويه ويحسب كل الحريم مثلي |
رد: راتبي وزوجي!
اقتباس:
يا اختي من قال دايما قلت ان اردت ان اشتري والا ما يطلبني يعني اهم شي انك ما تحسي نفسك ملزومة ومستغلة وانا ولله الحمد متكفل بجميع مصاريف البيت ولا يطلبني بل اساهم بطيب نفس لما يكون مضغوط وينقصني شي اسحب واشتري وانت عزيزتي فهميه انه مقاضي البيت ونفقته والاساسيات من واجباته ولا تخجلي من ذلك وانت ما تقدمينه يعتبر كمساهمة ما في وحدة ترضى انها تاخذ مكان زوجها في الصرف |
رد: راتبي وزوجي!
اقتباس:
مااقدر اواجهه واكلمه لاني سبق وجربت وماجابت نتيجه وانقلبت الطاولة علي لكن ان شاء الله مع الوقت يفهمها وبالتدريج , لعله يتعدل الوضع والحمدلله على كل حال |
رد: راتبي وزوجي!
انتي الله يهديكي عودتيه انك تدفعي وتدفعي وتدفعي .. المشاركه حلوه ماقلتا شي وكنت مثلك اعاني من موضوع الراتب الي يطير على خرابيط ..
بس بصراحه انت المفروض تحطي حد لبعض الحاجات مثلا بنتك مو انتي الي تشيلي اغراضها ومتطلباتها هدا على زوجك هو المتكفل فيه اساسا وغلط غلط تعوديه انك انت تشيلي عنه اغراض بنتك يعني انا مثلا لو عندي بنت خلاص مستلزماته على ابوها لكن لما اروح السوق واشوف حاجه عجبتني لها اجيبو لها ملابس عجبتني شفتها ف السوق وانا لوحدي اخدها لعبه عجبتني اخدها لكن انا اكسيها واجيبلها كل شي طبعا لاااا .. ملابسي وكسوتي على زوجي لكن ان صادف وضعه المادي متأزم انا هنا اشيل نفسي بنفسي الين تفرج ازمته ..لكن ان ماعنده ازمه ولا التزامات كبيره هو عليه الكسوه واحتياجاتي واوقات انا اشتري لنفسي ان شفت شي عاجبني وهو مو معايا .. السفر مع بعض نقط وهدا عادي بالعكس .. يعني في حاجات لازم هو يتكفل فيها كماليات البيت مرا انا اجيب شي ومرا هو بس الاساس هو يجيبها بس لو احتجت شي للبيت وهو ماعنده انا اجيبها .. لإن على قولك لازم نحوش من راتبنا للمستقبل المجهول😊 |
رد: راتبي وزوجي!
اقتباس:
بس الى الان محد عطاني حل الى الــــــآآآآآآآن انا جالسه اقولكم زوجي ملول وعجاز وكسول مايجيب الشي بسررررررعه لازم يا اجلس اززززن فوق راسه لين يهديه ربي ويطاوعني وحتى لو طاوعني مايجي من خاطره مدري كيف اوصل لكم اووو اني اجلس بحاجه ومزنوقه وش الحل معه وكيف اتعامل مع الموضوع بذكاء واعوده ماينفع المواجهه ولا الكلام لانه رح يفهمه غلط لاني اعرف طبيعه شخصيته |
رد: راتبي وزوجي!
تبغالها نمسك يدنا شويه
تخيلي بعد سبع سنوات وماكان عندي ذيك الالتزامات اكتشفت ان رصيدي فالبنك صفر وقتها انقهرت على نفسي حاليا بدأت اجمع مباغ شهري حطيته فحساب ثاني وان شاءالله ما اسحبها واستمر وسويلك خطة للشراء لا تحرمي نفسك بس رتتبي امورك وخططك |
رد: راتبي وزوجي!
مافي حل الا الزّن مع هالنوع
و اما تلحي على اشياء لكل حق فيها و من صميم نفقته. ما أظن بيزعل او ياخذ موقف لو اتخذ موقف ازعلي انت و فضفضي له بشعورك بالضيق من المسؤلية |
رد: راتبي وزوجي!
اقتباس:
بس بصراحه ماعرف شخصية زوجك يعني المواجهه ماتنفع معاه زي ماتقولي .. والله يا انك تصبري على شخصيته وتفضلي تزني ع الشي الين يجيبه .. او تقوليله يخصص مبلغ شهري في حساب معين وتكون للكماليات واحتياجات بنتك .. وانت تصرفي منه .. زوجي يعمل كدا مخصص حساب يخلي فيه مبلغ كل شهر او الزايد من الراتب لكل شهر .. واذا طلبت شي يديني البطاقه ويقولي مثلا اصرفي منه بحدود كدا .. واصرف على قد المبلغ الي يحدده عشان مايقول خلاص مافي وجربتك مرا ومانفع معاكي dg فجربي اقترحي عليه دي الطريقه بدل ماتقوليله قوم واشتري الشي الفلاني وادفع خلاص يديكي البطاقه ويحددلك المبلغ الي تصرفيه |
رد: راتبي وزوجي!
ffbوان قالك من راتبك كل شهر قولي مرا فلانه محتااجه مرررا وسلفتها مبلغ
راتبي مخصوم منه كدبات بيضا يعني |
رد: راتبي وزوجي!
حبيبتي من الاخر لاتستحي منو
اذا ما استحى منك انتي لاتستحي انتي بتطلبي حقك ولا على ايش له القوامة !! وادخلي في عينو وانتي تطلبي بدون تردد او خوف مابينفع اُسلوب التلميح اذا مافي ضمير عنده ولا احساس الله يسلمك خذي من جيبه الفلوس اللي انتي صرفتيها لمقاضي البيت حتى ريال لاتوفريه واذا جاء كلمك ورعد وزعق لاتستحي خليكي قوية واستهبلي انا كنت زيك ما اخد من زوجي فلوس مع اني مو موظفة كنت استحي اطلب واكتفي باللي يعطيني هو وراضية الحمدلله وكل ما اروح عند اهلي اشتري من فلوسي وأجيب لولدي وأشتري هدايا له ولأهله حتى بعض الاحيان اجيب اغراض للبيت من عندي واشياء الدلع والقمصان واللانجريات برضو من عندي لحد ما أتعود وعرف اني موفرة له وما اصرف كثير في الفترة الاخيرة تزاعلنا وعرفت انه يصرف فلوسه على شي غلط صارحته وانكر طبعا كعادة الرجال وقلت له بترقية انا أولى بصرفك عليا اعتبرها صدقة ومأجور عليها غلط عليا بكلام كبيييير وعيرني بمستواي ومستوى اهلي المتواضع وانو متكرم عليا وماشفت خير الا معاه بس مافي احساس قالي انتي ماطلبتي ومحد قالك تعتمدي على فلوس اهلك بس وانا وقتها والبطاقة معايا وهو سافر وما اخلي على قلبي ونفسي شي كل ما اتذكر كلامه وعرفت انه فلوسه يصرفها على حرام أحط حري في بطاقته ومايهديني الا وانا صارفة فلوسه ويلا خليني اشوف ايش بيسوي اتغيرت من هالناحية سرت اقوله ابغى فلوس اعطيني ، احب الفلوس >> اكتب لك وانا اضحك اتذكر كلامي ترى نحن نحسب انه بيقدرونا ويفتكرولنا هيا لقدام ، ونكبر في عينهم بس كله كذب وعباطه وترى هم ماشاءالله مايغلبوا يقدروا يدبروا نفسهم ، ويدلعوا ومايقصروا على نفسهم وبالنسبة لكسله وانه يماطل اذا هو يستحي ويخاف على سمعته ومبين عمره مثالي احرجيه مثلا لمن تكوني عند اهله او اهلك وهو موجود اتكلمي عادي مو شكوى والله فلان كسلان الغساله لها شهر خربانه وهو ماتحرك يصلحها او صديقتي ، اخوي او ابوي جاء لبيتي وشاف الشي عطلان وانتقد كيف كذا مايسير وقال بيصلحها بس انا رفضت وقلت له لو دري زوجي راح يزعل كيف اخليك تصلحه مابيرضى ان شاءالله تكوني فهمتيني والله يعينك ويعيننا ويعين الجميع |
رد: راتبي وزوجي!
براي الحل تطلبين منه مبلغ شهريا يحوله على حسابك ،، هذا ما يحتاج لا يطلع ولا يرتبط بمشاوير معك ،، صحيح تعب عليك انه تكون مسووليتك تقضي للبيت لكن اهون من ولا شيء
مبدئيا طالبي انه هو يقضي واصري واصري وزني وحني عليه بعدين قولي تنازلت مو لازم تقضي لكن حول لي مصروف الليت الشهري ،، جمعي فواتير شهر او شهرين اللي تقضيها للبيت ووريه كل شيء وتكاليف المشريات وان الدنيا غالية بعض الرجال اصلا على بالهم مصاريف البقالة شيء بسيط وخلي عنك الحياء ،، تسلف اطلبي الى ما يرجع قضيتي للبيت جيبي الفاتورة واطلبي المبلغ ،، خلي الدفع من بطاقة البنك وهدديه انه بتشتكين عليه سواء عند اهلك اهله او محكمة اللي يخاف منهم وانه عندك اثباتات انه انت تدفعين على البيت ،، طالبي بحقوقك ،، وما ضاع حق وراه مطاليب ابحثي عن الطرق القانونية وقولي ترا باسوي افعل وكلمت محامي ،، خليه ياخذ الموضوع بجدية ويعرف انك تتكلمين بجد وانه فيه عواقب للموضوع وصبرك ما عاد حل |
رد: راتبي وزوجي!
اختلف مع ام سهيل في مسألة التهديد الا اذا كان غرضك الطلاق في النهاية. الحياة الزوجية السعيدة لا تاتي بالتهديد وانما بالمصارحة والتفاهم باحترام.
|
| الساعة الآن 06:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©