ولدي مايرضع.
 

السلام عليكم

امممم طفلي 😢انكسرت رضاعته وبعدها كره شي اسمه رضاعه 😭

طبعاً ولدي عمره سنه وسبع اشهر ارضعه طبيعي وصناعي اعطيه رضاعتين ف اليوم قبل النوم وبعد النوم وكان يموت ف الرضاعه.
الي صار قبل ثلاث ايام كان قبل ينام عطيته رضاعته بعد ماخلصها كلها رماها ع الارض وانكسرت 😱انا متعوده دايم اذا خلص رضاعته يعطيني الرضاعه ف يدي الا هاذي المره يمكن لان كنت ع الجوال مو معه المهم اليوم الصباح سويتله ف رضاعه غير رضاعته المتعود عليها رفض يرضعها واحاول فيه واحاول يرفض لدرجه انه شوي ويستفرغ منه اذا قربتها منه اليوم الي بعده شريت له رضاعه ثانيه برضو رفض وقلت يمكن فاقد رضاعته ورحت اليوم الثالث الي هو امس ولفيت الصيدليات واخيراً لقيتها 😃. بس للاسف برضو رفض يرضعها 💔😭

مدري ش اسوي انا ماابغى افطمه من الرضاعه لان اكله قليل وحليب صدري مايشبعه ابغاه يرجع يرضعها بعد ماترك الرضاعه صار ينام جوعان والله الصباح لما يصحى بطنه لاصق ف ظهره حتى البامبرز لما اغيرها تكون نظيفه مافيها شي 😓

انصحوني ايش اسوي معه ومين صار مع ولدها كذا ؟؟ 😥

رد: ولدي مايرضع.
 

وعليكم السلام
اختي انا اولادي ارضعتهم طبيعي صحيح مرات ينقص الحليب ومرات يزيد لكن كل ما يرضع ويسحب الطفل سبحان الله يقوى ويغزر الحليب جربي وساعديه بالاكل
أما الببرونة خذي التيتين لا أعلم كيف تسمونها يعني الي يرضع منها للببرونة القديمة واعمليها في الجديدة
لأنه هذا الجزء هو الي يتعود عليه الرضيع ويصعب تغييره
والله يحفظه لك

رد: ولدي مايرضع.
 

يا قلبي عليه الله يحفظه
اكلي كويس وارضعيه زين وفعلا مثل ما قالت الاخت استبدلي اللي كانت في المسكروه وحطيها في الجديدة واظن بيرجع لها بعد

رد: ولدي مايرضع.
 

الحليب الصناعي لا يكون حالي .. لأن الحالي راح يكون حلو طعمه وبالتالي ما يصير الا يبيه ويرفض الرضاعة الطبييعة.. والافضل الرضاعة الطبيعية تماما

رد: ولدي مايرضع.
 

والله مافهمت عليكِ ايش تقصدي ؟!

رد: ولدي مايرضع.
 

امين مشكوره

رد: ولدي مايرضع.
 

Titine هو الجزء الذي يمثل الحلمة في الرضاعة
ويكون من البلاستيك
انزعي تبع الرضاعة المكسورة وركبيه في الجديدة
لأنه الرضع يتعودون على هذا الجزء ويصعب تغييره

رد: ولدي مايرضع.
 

طيب انا شريت له نفس رضاعته وفي نفس حلمة رضاعته المكسوره يعني ماتغير عليه شي

رد: ولدي مايرضع.
 

مدري كيف طعمه الصناعي بس هو قبل كان يرضع الاثنين طبيعي وصناعي مافضل شي ع شي
بس بعد ماانكسرت ترك الصناعي



وانا ابغى افهم ليش ترك الصناعي بعد ماانكسرت مع انه جبت له نفسها بالضبط !!؟
ايش يفسر هالشي نفسياً ؟؟

رد: ولدي مايرضع.
 

حبيبتي انتبهي لرقم حلمة الرضاعه
يمكن اخذتي له تبع عمر اصغر
مثلا مصاصات افنت تجي ع طرفها رقم على حسب عمر البيبي من 1 الى 4
يعني طفل بالاشهر طريقه مصه للرضاعه غير طفل اكبر من سنه مثلا فتكون الفتحه صغيره عشان تدفق الحليب يصير اقل
المهم انتبهي لها
واذا عندك الحلمه القديمه ركبيها على الرضاعه الجديده
وان شاء الله يرجع للحليب

رد: ولدي مايرضع.
 

هو اصلا ماحطها بفمه ابدا يعني مو داري عن فرق الحلمه

رد: ولدي مايرضع.
 

رد: ولدي مايرضع.
 

اختي عودي طفلكي على أكل الفواكه نحن في ايام برد ضعي الفواكه في سله على الطاولة في مكان جلوسكم وافتحي التلفاز وقومي بتقشير التفاح وإعطائه شرائح نحيفه من التفاح المقشر وضعيها في يده وهو يشاهد ستنبهرين من النتيجه خاصه عند إستيقاظه ثم عوديه على أكل باقي الفواكه إبدأي بالتفاح المقشر ثم الموز عليك الإهتمام بأكل طفلك أختي الكريمه وتأكدي بأنه سيمشي على النظام الذي تعوده منك

رد: ولدي مايرضع.
 

اعطيه حليب نادك الطازج بكوب قبل النوم .

رد: ولدي مايرضع.
 

اراه فرصة مناسبة لفطم طفلك حفظه الله
اعطيه حليب في كوب بمصاص ،، حليب طازج وليس حليب صناعي
كثرة شرب الحليب تسد الشهية للاسف وتجعله لا ياكل ،، كان ابني يعتمد على الحليب ويشرب ما يقارب 6 اكواب يوميا ولا ياكل الاقليلا ونزل وزنه كثيرا
اقترحت طبيبته ان اقلل مقدار الحليب في كل مره ،، يعني متعود يشرب 6 مرات في اليوم اعطيه نفس العدد المرات ولكن بنصف الكمية ،، اول اسبوع لم يتغير اكله وتعكر مزاحه بعد ذلك زادت شهيته للاكل الحمد لله واصبح ياكل اكل مختلف متنوع بدل الاعتماد على الحليب وزاد وزنه بشكل ملحوظ وطوله عمر ابني مقارب لابنك الله يحفظهم

رد: ولدي مايرضع.
 

هالنوعية من الاطفال بمجرد ماتفطميه راح يجوع ويضطر ياكل .. ماعليك كم يوم يجوع نفسه لان عارف التكنيك تبعك ! .. انا صارلي مثل حالتك مع بنتي وما فطمتها الا بوقتها وتندمت فعلا لان كنت احرمها من الاكل اللي فعلا راح تستفيد منه بسبب مواصلة الرضاعه والحليب عادة بعد السنة مايعطيه اللازم من الفيتامينات وغيرها من غذاء ..

دام فطم نغسه بنفسه فخلاص تابعي ع اكله وكل ساعتين حطي له فواكه او خضروات يحبها ..