|
اعاني الوحدة بسبب نفاس زوجتي
السلام عليكم
بدون مقدمات حسبي الله على من اخترع خرافة ان الزوجه لازم تبقى عند اهلها اربعين يوم انا تعبت ، هذي اول ولاده لها احبها ماني متعود ارفع عيني في البيت ولا اشوف الا خيالها ذحين مر شهر وهي عند اهلها ، مليت من البيت مليت من كل شي اهلي الله يسعدهم مايقصرون بس شعوري بالشتات من غيبتها زهقني من كل شي من كثر حبي لها ماودي اضيق خاطرها والزمها ترجع بس فجأه كذا ننقطع عن بعض شهر انام بدون حسها جنبي اهلها يتضايقون من كثرة الزيارات واذا جيت ما اقدر اطول الليل الطويل وحيد من غيرها يعور راسي احتاجها وهي كان ودها تجي بس مدري وش غير رايها ؟ حتى قبل الولادة كانت تفكر تجي على البيت على طول ، زياراتي الخفيفه والمكالمات تزيدني شوق وتعبني اكثر يمين بالله تعبت ولا احد يفهم تم تعديل العنوان ليتناسب مع المضمون |
رد: اعاني الوحدة بسبب نفاس زوجتي
السلام عليكم ماشاءالله تبارك الرحمن ومبروك المولود
ربي يتمم حبكم وسعادتكم هذا يبقى عرف وليس فرض او سنة كنت تخليها ترتاح 15 او20يوم كافية لها ترتاح وتجددو الاشتياق معليش المرة القادمة لا تنصاع لامر غير مفروض وانت لا يناسبك الا في المعقول نصيحة صغيرة المراة الوالدة تكون حساسة وخايفة من المسؤولية الجديدة.......الخ لذا احسن اليها وراعها واحسن استقبالها وساعدها لتبقى معك الولادة القادمة |
رد: اعاني الوحدة بسبب نفاس زوجتي
ههها مافيه شي اصلا النفاس عند الاهل هذا اختراع جديد والا المرأة هي مكانها عند زوجها طبعا الحرمة تتعب شوي. اذا كان فيك تخدمها بنفسك وتطبخ لها خلها عندك وشو لها تروح عند اهلها وتتبطح على السرير 40 يوم؟؟
وش من حبي لها ما تبي تغصبها تجي.. ؟ لا عادي.. اذا فيك تطبخ وتخدمها قولها ارجعي وهي واجب عليها طاعتك. الشيء الثاني كل اخواتي شفتهم يقضونها عند ازواجهم مافيه الا وحدة قيصرية وكانت اسبوعين فقط ورجعت. |
رد: اعاني الوحدة بسبب نفاس زوجتي
انا كنت اقضي قرابة اﻷسبوعين وارجع إلى البيت وأنا أبكي خوفا من مسؤلية هذا المخلوق الصغير الجديد ...خاصة المولود الاول كنت ميتة من الرعب كيف بتعامل معه لوحدي من غير امي ..ولﻷسف زوجي كان قاسي علي لا يتفهم مشاعري بس يفكر انه وحيد ولازم ارجع اخدمه...والحمد لله ربي سهل صارت الوالدة الله يحفظها ويبارك بصحتها تزورني وتساعدني في استحمامه.والتغيير له.
أكيد زوجتك مشتاقة ترجع بس خايفة من مسؤلية المولود الجديد..بإمكانك أن تسهل عليها اﻷمور وتعدها بالتعاون إذا كنت واثق من قدرتك على مساعدتها. أعانكم الله |
رد: اعاني الوحدة بسبب نفاس زوجتي
السلامُ عليكُمْ أخي الكريم ,, أنت ذكرتَ ما تُريد ,, رُجوعها للبيتِ ,, لماذا لا تُنفذ ذلك !! دامَ أنَّكُم مُتّفقينَ على العودةِ المُبَكِّرَةِ قبلَ الولادة !! على حسب فهمي لشخصيتك ,, أُريدُكَ أن تقرأ عن ( شخصيةِ المُــــذْعِنْ ) ,, |
رد: اعاني الوحدة بسبب نفاس زوجتي
شكراً على آرائكم النيرة جميعاً 🌹
رغبتي في عودتها أكثر من مجرد ( خدمه ) كما هو واضح لست مذعناً وليست مذعنة كثيرا ما نتبادل الاراء ونخالف بعض فيها الموضوع ( ألم غياب ) سبب اني لا أطلب منها الرجوع صراحه لاني اعرف راح توافق وممكن ترجع وماتكون مستعده وانا ما ابغى كذا ... ابعرف اول شي سبب تخوفها من الرجوع واحاول احله .. |
رد: اعاني الوحدة بسبب نفاس زوجتي
هانت ، كلها كم يوم ..
ربي يخليكم لبعض .. |
رد: اعاني الوحدة بسبب نفاس زوجتي
اقتباس:
أدام الله محبتكم ,, إذا كنت تستطيع الصبر هالــــ 10 أيـــــــــام ( اصبر ) ,, إذا لم تَكُن تستطيع الصبر هالـــ 10 أيام , وكان بينكم اتفاق مسبق ( اتصل عليها وخليها تجهز وتستعد في وقت محدد وروح جيبها ) ,, أما إذا كنت تبي تعرف سبب تخوفها ,, أو ليش غيرت رأيها ,, ليش تفتح على نفسك باب الاحتمالات !! اتصل واسألها دام يصير بينكم حوارات ,, واتفق معها على ما يرضيكم ,, |
رد: اعاني الوحدة بسبب نفاس زوجتي
ماشاء الله تبارك الله الله يديم المحبه بينكم
هل أهلها متواجدين بنفس مدينتكم اذا كان أيوه فأشوف خلاص آن الاوان ترجع لبيتها وممكن بين فتره وفتره تيجي عندها أمها أو وحده من خواتها وهكذا وع حسب اذا كانت ولاده قيصريه يطول تعبها شوي ولابد من وجود أحد يخدمها الله يقر عينكم بصلاح ذريتكم |
رد: اعاني الوحدة بسبب نفاس زوجتي
ماشالله للحين فيه ريايل جذي هههه يابختها
بس انصحك تحتفظ بالموضوع وترجع تقرأه بعد سبع سنوات ان شالله ههههه خاطري اعرف وش بتقول وقتها |
رد: اعاني الوحدة بسبب نفاس زوجتي
الله يديم المحبة
اللهم بارك ما شاء الله بارك الله لكم في الموهوب هي تحس بنفس شعورك الاكيد انها فاقدتك كثير بس عرف لازم تجلس ببيت اهلها لين تتعافى والا ان جات علي انا ما ودي اطلع من بيتي لان صراحة تعب فضيع ببيت الاهل يهتموا بالضيف اكثر من النفساء لين تضيق قلبي واعد واحس الايام متى برجع بيتي وارتاح ولو رحت ببيت زوجي بايام النفاس الحارة كلها بتتكلم عني ماعليه اصبر واحتسب بتجيب ومعها الضيف الكريم اللي ينور حياتكم خلك على تواصل معها |
رد: اعاني الوحدة بسبب نفاس زوجتي
اصبر ايام وتعدي وترجع لك ومعها ابنكم
حاول تسجل في نادي رياضي لحين عودتها وبالنسبة للزياره خلها يوم وراء يوم ولاتطول ساعة وكذا الله يديم المحبة |
رد: اعاني الوحدة بسبب نفاس زوجتي
ماشاء الله الله يديم الحب بينكم ..
كان اتفقتو من البدايه ان فترة النفاس تكون في بيتها وامها تجي تبات عندها >> انا كدا افكر اجهزي بيتي واستقبل في بيتي وماما تجي تنام عندي اجهزلها غرفه وقت النوم وانا وقت النوم مع زوجي .. بس طالما هي راحت عند اهلها واتوقع انها رفضت ترجع قبل تخلص النفاس لأتبغى ترجع بيتها بعد ماتخلص وتتزبط وتتشيك وتتجهز ( من صالون وكوفيرا ووو ) ترجع لك عروس يعني .. بعدين اذا مرا مو قادر تصبر ع الاقل يومين في الاسبوع نام عندها عااادي .. كلمها وهي تقول لأهلها ابدا مافيها شي .. ................................ |
| الساعة الآن 12:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©