الزواج التقليدي ومشاكله
 

السلام عليكم
انا مطلق وعندي 3 اولاد وعايشين معاي والحمدلله. حاليا افكر بالزواج مره ثانيه بعد ما تعافيت مِن اثار الطلاق. لا أخفيكم اخواني و اخواتي بعد الطلاق اني صرت شديد الحرص و الدقه في نظرتي الحريم حاليا.

فكرت في الزواج التقليدي او عن طريق اهلي يشوفونلي بنت بس عندي مشكله. في حال رضت البنت بتكون الخطوبه حد أقصى شهرين حد علمي وبصراحة بعد أزمة الطلاق وللاسف البنات الحين مو نفس اول احس ان شهرين مو كافي وطبعا مستحيل اهل البنت يرضون خطوبه 6-7 شهور. حاس اني محتاج وقت علشان اعرف البنت عدل وأقدر اثق فيها.

قبل فتره اعجبتني بنت بالدوام وراقبتها من غير ما اتحس وطلعت ممتازه ما شاء الله بس للأسف طلعت مخطوبه. المشكله ان السؤال والرقابه خذت مني شهرين بعدين لما كلمت اهلي قالت لهم مخطوبه ف تحبطت شوي.

ماني عارف شالحل لكن الزواج التقليدي ما أظن برتاح منه

شرايكم ؟

رد: الزواج التقليدي ومشاكله
 

اول شي اخوي اذا انت لك النظر البنات لهم نظر بعد ،، اقصد لا تتوقع انك اذا خطبت بيوافقون على طول ،، خصوصا مع وجود الابناء ،، انت بتسال عنهم وهم بيسألون عنك ،، اتمنى تكون فهمت علي ،، ثاني شي الزواج توفيق من رب العالمين ,, مهما حرصت وسالت ماتبان الامور الا مع العشرة ،، لكن هذا مايمنع انك تبحث عن عائلة طيبة ،، وارى ان تاثير الاب والام على الابناء كبير جدا وبناءا على ذلك اذا وجدت عائلة لا يكثر بينهم الطلاق وسمعتهم جميلة ومعروفين فذلك احرى ان تكون تربيتهم طيبة .

رد: الزواج التقليدي ومشاكله
 

1-قصدك الزواج غير التقليدي هو الزواج عبر التعارف والحب والغزل ما قبل الزواج؟ يا أخي الشيطان لا يضحك عليك

2-اخي انت مكبر موضوع ان هي وجدتها مخطوبة استمر في البحث والسؤال وتقدم لفتاة اخرى واذا صار هناك رفض تقدم لاخرى قد تنجح في المرة العشرون، المهم المحاولة

رد: الزواج التقليدي ومشاكله
 

اوقات ينجح الزواج التقليدي .. واوقات يفشل .
والزواج غير التقليدي اوقات ينجح واوقات يفشل ..

الموضوع مو انك تحدد اذا تقليدي او غير تقليدي ..
اما مثلك تزوجت زواج تقليدي وبعد سنه ونصف انفصلت لأسباب ما اخذت بالي منها في فترة الخطوبه مع انها كانت 3 شهور .. اعتقد كان لجهلي بهذه الأمور ..

بعد الطلاق ب 3 اشهر .. انخطبت وكانت فترة الخطوبه نفس فترة الخطوبه الأولى 3 اشهر وتزوجت والحمد لله فرررق شاسع واستقرار ولله الحمد وحياه هادئه وجدا مبسوطه لدرجة كل يوم اقول الحمد لله اني تطلقت ..

مافي فرق عن زواجي الاول والثاني كلها تقليديه وكلها 3 اشهر ..

بس عارف لاحظت الفرق في ايش ؟؟ لأني بعد الطلاق صرت حريصه على اختيار الزوج وبحكم عاداتنا ما نقدر الا ع الزواج التقليدي غير كدا ممنوع من ناحية اهلي ..
لكن الفرق الي لاحظته واخذته في بالي من ايام الخطوبه الثانيه .. انتبهت لشخصية الرجل من بداية الخطوبه .. اسأله اسئله تفيدني جوابها في شخصيته
الاحظ شخصيته من ناحية التفكير ؟ من ناحية المزاج ؟ من ناحية خفة الدم . المود ؟ وكل شي اقيس عليه اذا انا اقدر اتحملها او لا ؟؟ مع اني خلال ال 3 اشهر قربني منه كثير وحاول ينسيني كل شي صار بحياتي الا اني كنت متفقه معاه خلال ال3 شهور لو حسيت اني ماحقدر اكمل معاك حقولك .. وقال اوك وكان هذا اتفاقنا ولو هو حس اننا مانقدر نكمل حيقولي ..
وكنا طيلة الثلاث الاشهر نسأل بعض عشان نكتشف بعض وكان بيننا الصراحه التاااااامه ..
حتى اني جلست اسأله عني حياته السابقه وطلبت منه يذكرلي بعض المشاكل الي واجهته وكيف تصرف فيها وهو طلب مني نفس الشي ..
ولاحظنا اننا ارتحنا لبعض وشخصيتنا قريبه من بعض جدا .. ولله الحمد ..


ف انا انصحك انك تخطب وتتوكل على الله صدقني 3 شهور كافيه ولو تطلب اكثر ممكن الى 4 او 5 اكثر من كذا احس مبالغ ..
وحاول تكتشفها وتكتشف شخصيتها .. واخر نصيحه لو حسيت للحظه انك صعب تعيش معاها لسبب تفكيرها او تعاملها او اسلوبها انهي الموضوع تماما .. راح تلقى الي تناسبك بس اختااار صح حتى لو تجلس سنه تخطب وتفسخ اهم شي راح تلقىالي تفهمك وتعوضك وتعوضضها

واسأل الله العظيم ان يرزقك الزوجه الصالحه الي تفهمك وتفهكها وتقدرك وتقدرها ..

رد: الزواج التقليدي ومشاكله
 

الحكايه مو طول المده او قصرها حكايه توفيق من الله وخبره الاثنين المخطوبين في كشف الشخصيات الذكي يحتاج شهور قليله للتعرف والحكم على الشخصية
بس اللي ما عندو خبره بالناس لو مرت سنه عليه ممكن ما يستوعب او ما يقدر يفهم الشخص الاخر وللاسف انا من هذا النوع الغبي اللي ما يفهم الطرف الاخر بسرعه
الله يرزقك الزوجه الصالحه اللي تخاف الله فيك وفي اولادك
والزواج التقليدي احيانا ناجح واحيانا فاشل هذه ارزاق توزع والحمدلله على كل حال

رد: الزواج التقليدي ومشاكله
 

الزواج عمياني اللي اليوم الشوفه ابو 5 دقايق وبكرة العقد و بعد شهر الزواج هو اللي سبب المشاكل ووجع الراس.
أتزوج تقليدي لكن قبل لاتعقد عليها أتعرف عليها كويس وافهم مين هذي البنت اللي بعقد معها مشروع الزواج وبعيش عمري كله معاها ، فتح عيونك وعقلك و اترك قلبك على جنب

رد: الزواج التقليدي ومشاكله
 

أشكركم اخواني و اخواتي على الردود لكن اتوقع اني ما وصلت الي بقوله عدل

الي بقوله اني ودي اشوف البنت واراقبها من غير ما تحس لفتره من الزمن بعدها اكلم الاهل علشان تخطبها مثل ما صار معاي مع البنت الي معاي بالدوام.

ما ابالغ لكم اني لما كلمت أهلي كنت جدا جدا مرتاح بعد ما فقدت الثقه في جميع النساء مع العلم اني ولا مره كلمتها حتى بالدوام. ما ابالغ اني حتى حسابها في تويتر راقبتها والبنت جدا رزينه و ملتزمه بصلاتها في الدوام ومحترمه ومالها حس فوق هذا ك شكل نفس الي في بالي ولكن قدر الله وما شاء فعل والبنت طلعت مخطوبه.

الزواج التقليدي بيكون كل واحد فينا مثالي على قد ما يقدر وبيطلع نفسه اب احسن صوره.

انا ما قلت اكلمها بالتلفون بعدين اشوف اذا عجبتني أتزوجها. انا قلت رقابه من بعيد والسؤال عنها مثل ما صار مع البنت الي معاي بالدوام.

شغله ثانيه بكون حريص جدا عليها واهي ام البنت. واضح ان الام ضروري جدا جدا تكون مثال وقدره حسنه للبنت لان باجر سبحان الله اذا صار شي بينا دور الام بيفيد وايد. قلت هالكلام لان زواجي الاول طليقتي كانت امها متوفيه من عمرها 3-4 سنوات وللاسف طليقتي لجأت لعيال الشيطان ودمروها وحاليا لا اهل لا حتى عيالها يبونها ( اللهم شماته )

لا تلوموني يا جماعه بس ودي ارتاح واطمئن واعيش حياة سعيده مع زوجتي وعيالي. قسما بالله تعبت

رد: الزواج التقليدي ومشاكله
 

مثل ما لقيت البنت الي معاك بالدوام ان شاء الله بتلقى غيرها..

صحيح الطريقة التقليدية في بلدك صعبة شوية خصوصا على المطلقين لأننابنفقد الثقة بعد ما شفنا المستخبي من الطليق(ة)

فكرة متابعة البنت من خلال منشوراتها+ صداقتاها+ كل ماتتابعه على مواقع التواصل، اشوفها مهمة الى حد ما لانها بتعطيك فكرة عن عقلية البنت و طباعها..

الله يوفقك

رد: الزواج التقليدي ومشاكله
 

اذا عندك اخوات اكيد هم بيقدرو يشوفو بنت في محيطهم ويتعرفوا على شخصيتها زين وبعدين يقترحوها عليك لان الاخت تعرف اخوها اي بنت بيرتاح معها..

رد: الزواج التقليدي ومشاكله
 

عجبتك اللي معك بالدوام !
معناه غالباً أنت من الخليج مو السعوديه صح ؟

رد: الزواج التقليدي ومشاكله
 

نعم صحيح
ووسائل التواصل الاجتماعي تكشف شغلات وايد عن البنت

رد: الزواج التقليدي ومشاكله
 

اي نعم صحيح كلامج اختي

رد: الزواج التقليدي ومشاكله
 

يا الله الوقت شلون يمشي بسرعه
ال 4 أشهر الي فاتت تقدمت اكثر من البنت وحده رفضت و الباجي مخطوبين.

كل الي تقدمت لهم كانوا ان شفت اب دوامهم من بعيد وراقبتهم لفتره لكن الله ما كتب اخطبها.

حقيقه تعبت وايد وبدأ اليأس يتسلل لي

كل ما اروح مول ولا سوق وأشوف المتزوجين مع اطفالهم يزيد تعبي.

وبما اني ضد الزواج التقليدي ( عن طريق الاهل ) هل تشوفون لو شفت وحده اب مكان عام ( مو اب دوامها ) وطلبت رقم تلفون اَهلها بتكون صح؟

ادري يمكن يكون شي غريب بس شالفرق بين ان اشوفها اب مكان عام او اب دوامها ؟

رد: الزواج التقليدي ومشاكله
 

إذا رغبت في بنت رأيتها في مكان عام
ثم بدا لك أنّها تنفعك كزوجة, فالأفضل تتبعها لمقرّ سكنها
وتأتي أباها تطلبها من الباب,
هذا أسلم حتى لك
قد تعطيك الرقم بحسن نيّة وثقة في كلامك, ثمّ ربّما هذا يحيي الشك في قلبك نحوها عند أي موقف .

رد: الزواج التقليدي ومشاكله
 

مشكلتك ماتبي تخطب الا بعد المراقبة التامة للمرة وهذا من الشكوك
مجتمعنا مافيه الا زواج تقليدي
و الحمد لله ونماذج ناجحة و فيه حالات طلاق لكنها قليلة جدا
وذلك لانه باذن الله على سنة الله ورسوله
فالمجتمع اللي يحرم الاختلاط ماله الا الزواج التقليدي و اكيد دام هذا حكم الله فما فيه الا كل خير ان شاء الله
لكن للاسف المجتمعات صار فيها تساهل و صار فيها اختلاط
الموضوع غير معقد اوكل المهمة لاهلك يختاروا من بيت سمعته طيبة و نظرة شرعية واستخارة
فانت اذا استخرت الله مما تخشى !
صغرها تصغر وعقدها تكبر
الامر بيدك بعد الله .

رد: الزواج التقليدي ومشاكله
 

كلام سليم
احترت والله

رد: الزواج التقليدي ومشاكله
 

حالات الطلاق قليله؟ وين هذا؟
نسبة الطلاق 60٪‏

طبعا في بنات حلال واخلاق وكل شي لكن نجاح الزواج ما يقتصر على الأخلاق والتربيه فقط. انا اتكلم على طريقة تفكير البنات

اقصد في بنات واخلاق لكن تافه و محدوده في تفكيرها. احتاج وقت مو قصير علشان اعرف اذا البنت اتناسبني ولا لا. الزواج التقليدي راح يحد من اني اعرف البنت عدل.

رد: الزواج التقليدي ومشاكله
 

وش نوع المراقبه
وهل متوقع هالمراقبه هي بتعطيك تقرير شامل عن البنت
جد اتخيلك تلحق البنات وتراقبهم بالمولات و الشغل
وين قاعدين اخوي
اذا خطبت تقليدي كلم البنت اول وعطها شروطك وشوفها شوفه شرعيه
عموما اخوي بديت اشك انك بمصاب بالشك
وان تجربتك السابقه مؤثره عليك
انت اب وعندك اطفال
محتاج زوجه تقبل فيهم وترعاهم
مع شكك بالحريم بتكون المهمه جدا صعبه
مو كل بنت بترضى بشخص عنده اطفال
خل اهلك يدورون واسال زين
والي تقبل بوضعك اقعد معاها وشوفها
واترك عنك مراقبه مامراقبه
لو يخطبني واحد وادري انه مراقبني برفض
لاني بجزم انه وسواسي وشكلك
وان كان مطلق بعد بيكون انا الشك سبب طلاقه
او انه تعقد من الحريموتحول شكاك
وفي كل الحالتين مايصلح للزواج

رد: الزواج التقليدي ومشاكله
 

مراقبه مو يعني لاحقها من مكان لى مكان
وين عايشين أختي الله يهداج ههههه
على العموم انا مو اب صدد اشرح
واجزمي على راحتج
شكرًا

رد: الزواج التقليدي ومشاكله
 

لا تشرح لي
اقعد بينك وبين نفسك
وشوف هل تغيرت نظرتك للحريم بسبب امراه واحده
معناته انت لسه متاثر بتجربتك
والمراقبه انت الي ذكرت هالكلمه
الزواج غير تقليدي يتيح لك مجال لتراقبها قبل تخطبها
مع انه ابدا مو شرط احيانا تعاشر شخص ومع هذا تنصدم فيه
وانت ماكل شارب مسافر معاه
عموما اذا بتعقد المساله بتتعقد واذا بتهون الامور بتهون باذن الله
والله يوفقك

رد: الزواج التقليدي ومشاكله
 

الزواج الشرعي أنجح زواج

1 اظفر بذات الدين
2 انظر إلى مايدعوك لخطبتها
3 الاستخارة
4 عاملها بمايرضي الله
5 اطلب منها مراقبه الله في تعاملها معك
6 توكل على الله ولا تعتمد على جهدك

في الغالب سينجح الزواج وتكبر شجرة المحبة بجذور راسخة

ومن خلال مخالطتنا لمجتمعات النساء فعلا فعلا البنت تمشي على خطى والدتها
فأسأل عن أمها مثل ماتسأل عنها
إذا كانت هينة لينة محترمة زوجها فالبنت ستطبق ذلك لا شعوري في بيتها إن شاء الله

رد: الزواج التقليدي ومشاكله
 

صدقتي ورب الكعبه صدقتي ورب الكعبه

رد: الزواج التقليدي ومشاكله
 

ما شاء الله علييج اختي وعارفه ظروفي اكثر من نفسي
تفهمين الامور على مزاجج واتحكمين على العالم
يا ليت نسمع راي باقي الأعضاء
شكرًا