|
تغير زوجي بعد ولادتي ..
السلام عليكم ..
كل مشاكلي انحلت بفضل الله ثم مساعدتكم لي .. واليوم جايتكم بحيره مابي اظلم زوجي وبنفس الوقت مقدر اسيطر على تفكيري .. الحمدلله انا ولدت من عشرين يوم تقريبا .. وقبل اولد بأيام جلست عند اهلي وبعد ماولدت جلست 12 يوم اول مره نغيب عن بعض اسبوعين وكم يوم.. وبعدها طلب مني ارجع اكمل نفاسي عنده .. بالبدايه رفضت بس بعدين وافقت لانه احتاس من بعدي و دوامه تغير وصار يداوم دوامين ورجعت عشانه .. كل وقته شغل او عالجوال او مع بنته مع ان توها مولوده بس يحب يجلس معاها .. انا ماعطاني وقت ابد والفرصه الوحيده هي لما نبي ننام .. اول ليله رجعت كان طبيعي باسني وحضني ونومني بحضنه بس بعد ساعات تغير وثاني يوم كل ماقرب له يبعد ويعطيني ظهره ومرت ايام بدون لمسه كنت احاول واتقرب له و ابوسه بس ماااشوف ردة فعل .. الحين صرت ابعد عنه بعد و انام بعيييد عنه .. ولما بحثت بالنت لقيت اغلب المشاكل يقولوا كشفت زوجي خاين عشان كذا مايقرب لي واللي تقول لقيت بجسمه علامات والخ .. صرت ادقق بجسمه و اسئله كل ماشفت شي وش هذا وهو يجاوب حساسيه وبدا يدور الشك ببالي وقلت لازم اسئله وكل ما احاول اسئل يكون يمزح خلص كبرنا او يقول ماعاد ابيك خلص المهم جبتي هالبنت ماعاد لك فايده وكذا .. اليوم كلمني بشكل جد وقال شيلي الوساوس من راسك ترى والله مافي شي منهم وانا كذا بسبب الضغوط النفسيه وظروف الشغل ومسؤولية البنت والخ قلت اللي اعرفه ان الرجال يقرب لزوجته عشان ينسى همومه و ظروفه قال لا كل رجال يختلف وانا هذا طبعي ... ---- يعني معقوله فيه كذا ؟؟ وش رايكم انتوا ؟ وكيف اتصرف ؟ لأني بفترة نفاس ومابي اطلع الاربعين وهذا حاله |
رد: تغير زوجي بعد ولادتي ..
ممم يعني انت لساتك نفاس حتى ماكملت شهر 🙂
طالما اهلك موجودين تريحي عندهم لين يشتد ظهرك وتتعافي لاحقه عليه 🙂 |
رد: تغير زوجي بعد ولادتي ..
اذا مشغول و مو رومانسي معناها لازم تفتشي وراه و تفترضي الخيانة ؟؟؟؟؟
مصدومة فيك و كيف افترضت انه بخونك لا و بتسألي كمان على العلامات الي بجسمه انا ما فهمت شو هي علامات الخيانة ؟ حبوب مثلا؟؟ يا اختي هي الوساوس من الشيطان اطرديها في الف سبب حتى زوجك يبعد عنك بلكي شاغل باله مشكلة مادية او مشكلة بالشغل او مو حابب يقرب منك لأني هالشي بثيره و انتي بفترة نفاس اصلا بلكي انتي مو متحممة و طالعة ريحتك او اكلة بصل و توم و مو مفرشية اسنانك هههه مزحة طبعا انا قصدي انه في كتير اسباب ممكن تخلي الزوج يلف للطرف التاني و ينام صارحيه و الاهم بالمصارحة ما يكون في اي اتهام |
رد: تغير زوجي بعد ولادتي ..
انا غلطتي اني بحثت بالنت وشفت مشاكل الناس .. وحتى لو انا نفاس محافظة على نظافتي الحمدلله ومو بس اني نفاس معناه ابعد عنه 40 يوم بالعكس حلو نبقى قريبين من بعض .. وفكرت كمان ان ممكن لان هالشي يثيره وخاصه ان زوجي مايقدر يمنع نفسه حتى بأيام الحمل جاني نزيف والدكتوره قالت ابعدوا عن الجماع ومن وصلنا البيت جاني واحاول امنعه وماقدرت .. بس هو يقووول ان السبب الضغوط النفسيه و دوامه الجديد مع المسؤوليه الجديده وكذا ..
بالنسبه ان ليه ماكملت عند اهلي .. لان هو طلب وضغط علي وصارت مشكله وماحبيت اكبرها |
رد: تغير زوجي بعد ولادتي ..
الحمد لله على سلامتك والله يبارك لكم في البنوتة ويرزقكم برها وصلاحها
عزيزتي عندك سببين أقوى من بعض في التغير اللي شايفته اولا أنتِ باقي نفاس + المسؤولية الجديدة لزوجك ودوامه الاضافي هذي كفيلة انها تخلي زوجك مشغول ذهنيا لفترة قد تطول وقد تقصر حسب تأقلمه مع المتغيرات الجديدة في حياته .. لو انك مخلصه نفاس ولاحظتي امر يثير شكوكك ، نقول ممكن فيه شي تعوذي من ابليس ولا تخلين الوسواس الزايد يخرب عليك ، واضح ان زوجك ما تكلم معاك بصراحة الا هو لاحظ انك موسوسة بزيادة.. ولو عنده اي خرابيط ماكان أصر انك ترجعين تكملين النفاس في بيتك بالعكس فرصة انك مو موجودة في البيت عشان ياخذ راحته .. |
رد: تغير زوجي بعد ولادتي ..
سحابه .. الله يسلمك ويبارك فيك ..
والله حتى انا فكرت كذا قلت لو يلعب او مرتاح بغيابي ماكان رجعني كان تركني عشان ياخذ راحته .. حتى انا علي ضغوط و عندي مسؤولية مولودتي وانتوا عارفين هالتعب وخاصه بفترة الاربعين وكمان رجعت عشانه عشان اهتم بأكله وشربه ودوامه وملابسه والخ لان لما كنت عند اهلي صار يغيب او يتأخر عن دوامه .. رجعت وانا بالنفاس ولما رجعت عانيت بأول يومين والحمدلله بعد اليومين تعدل كل شي ونظمت له مثل قبل .. بس اللي انصدمت منه تصرفه ويقول ضغوط نفسيه.. انا خايفه انه يبقى كذا لبعد الاربعين ما احب اعوده على بعادي .. بس السؤال اللي يدور ببالي معقوله ضغوط نفسيه تسوي كذا ؟ |
رد: تغير زوجي بعد ولادتي ..
ياحبيبة يا ريتاج هههههههه والله السالفه مافي ابسط منها على كلامك زوجك يبيك يحبك والدليل يبيك تجينه مايبيك تكملين النفاس عند اهلك اللي انا صراحة استنتجته وبكل بساطة انه يـــبـــيـــــك لكنه مايقدر يجيك ! فهمتي؟ يعني ممكن تقربك له واحضانك وبوساتك تزيده رغبة وهيجان فهو يبيك تبعدين وثانيا لاتنسين انك نفاااااااس !!! ترا هرموناتك منحاسة حوس يعني حتى تفكيرك ومشاعرك مو على طبيعتها لاتفكرين بهالامور واذا كنتي كذا بتوسوسين على زوجك المفروض مارجعتي للبيت بدري لان لساتك بكرية واول نفاس لك , اقلها خذتي خبرة فيه بعدها رحتي لان اغلب اللي ينفسون في بيتهم لهم اسبابهم زي اطفالهم والمدارس وبيوتهم كبار وهكذا اقلها صبرتي شهر ! لكن اللحين مو هذا موضوعنا اهم شي اللحين تركزين عليه انك تعتنين بنفسك وتغذي وكلي زين وطبقي امور النفاس كلها , عشان ترجعين له عرررووس من جديد وانسي من مخك مسألة خيانه وماخيانه انتي معه قدام عيونه كيف يخونك! ماافي اسباب ابدا , لو كل واحد يخون عشان زوجته بنفاس رحنا فيها كلنا لاتحطينها مقاييس , وفعلا يمكن امور خارجية برا بيته هي اللي مخليته مشوش خصوصا ان وضع بيته الان تغير , يعني عطيه وقت يتأقلم ولاتشيلين هم بيجي يوم يرجعلك , عطيه بس مساحة لاتلصقين , اهتمي بنفسك ووبنتك من جد مو وقت تشيلين هم اشياء مو موجودة انتي حاليا وبنتك اهم حاجة لحد ماترجع عافيتك بعدها سوي اللي تبين لان حتى مشاعرك الان وتفكيرك رح يتغير والف الف مبروك والحمدلله على سلامتك ومبروك ماجاك وسعي صدرك باميرتك الصغيرة وانسي الهم |
رد: تغير زوجي بعد ولادتي ..
ابعدي عن الوسواس
دوامين والله ضغط على الرجال |
رد: تغير زوجي بعد ولادتي ..
اختي بعض الرجال حساسون جدا من النفاس،، ويزيد هذه الحساسية ماقد يسمعونه حولهم عن هذا الأمر... وبعض الحريم فعلا فعلا يأكدون تلك الأفكار بحيث شكلهم ولبسهم ونظافتهم وحتى مشيتهم مزعجين للنفس...
انتبهي لكل التفاصيل.. لازم الغسيل يوميا، اذا كنتي ترضعين فالحليب ماشاء الله يصير يقطر من صدرك اذا تأخرني عن ارضاع طفلك او ما صحى بالليل، هناك دوائر قطنية خاصة لها الأمر بحيث تمتص الحليب وبالتالي مايصير فيك بقع أو حموضة تنفر الزوج منك.. كذلك الفوط الصحية الي تستعملين انتبهي لكيفية وضعها ربما زوجك لما كنتي نايمة شاف شي ضيق صدره.. ضاعفي جرعة النظافة وحاولي تلبسي لبس جميل مثل الايام العادية، ابتعدي عن بيجامات النفساء الي تسد النفس صدقيني بعض الرجال يتحسسون من النفاس فلا تخلي أي شي يأكد تلك الأفكار.... ولاتفكريه يخونك او اي شي اهتمي بنفسك اضعاف مضاعفة فقط. |
رد: تغير زوجي بعد ولادتي ..
ههههههه كلنا نوسوس وتخرب نفسيتنا مع النفاس عشان تغير الهرمونات ..
لا تشيلي هم الموضوع عادي وعند اغلب المتزوجات .. اختي بعد حملها الاول نفس المشكله وكانت تقول ليش وايش فيه تغير ومن ذا الكلام بعد النفاس بدأ يرجع تدريجيا .. وفي ولادته الثانيه نفس الشي .. ف اتوقع طبيعي بس عشان انت نفاس ومايقدر يقرب منك .. انبسطي وتدلعي وزبطي نفسك وامورك وبيتك واضحكي وفرفشي وتفرجو افلام ووو حبه حبه بيرجع ...bhtfdgrg |
رد: تغير زوجي بعد ولادتي ..
الله يبارك فيكم ويسلمكم .. ايه يمكن من الهرمونات .. الله يسعدكم ريحتوني والله .. وبالنسبه للنظافه والله نظيفه واتسبح مره ومرتين .. والدم موقف الحمدلله من قبل ارجع .. وبالنسبه للحليب الطبيعي دمرررررني عند اهلي والحمدلله وقفته من اول اسبوع ولاده وحتى لبسي بالبيت اكشخ ومالي كرش ومشيتي زينه عاديه وكل من شافني يقول انتي متأكده ولدتي ؟ لأن ماكأني حملت و ولدت الحمدلله.. كان ودي اكمل نفاسي هناك عشان ارجعله عروس بس ماعطاني فرصه مضطره اكشخ قدامه ههههههههههه .. بس والله غصب عني اوسوس وحتى لما كنت حامل وخاصه بالشهور الاخيره وسوست .. الحمدلله طمنتوني الف شكر لكم و ان شاء الله يرجع مثل اول واحسن
|
رد: تغير زوجي بعد ولادتي ..
اي كذا المفروض ماشاء الله عليك..
خليله مجال وانشغلي بابنك هالفترة لا تضغطي عليه خلي توصلي الاربعين ان شاء الله ومل شي بيصير أحسن.. بس حبيبتي خارج الموضوع ليش زقفتي رضاعة ابنك؟ وقفتيها نهائي؟ |
رد: تغير زوجي بعد ولادتي ..
اقتباس:
|
رد: تغير زوجي بعد ولادتي ..
انتي لسى نفاس ايش رجعك بيتك !!!
اتذكر بنفاسي الاول خلص ولكن جتني خرابيط الحريم اللي تمنع المعاشره ورجعر بيتي وجت زوجي صدمه نفسبه وكان يقولي ابعدي ولا تلبسين كذا لما تخلصين مو ناقص وعصب وكان متضايق وبعيد عني وكله فهمته عقب عشان مايستثار عالفاضي ، شيلي هالوساوس واهتمي بنفسك وكلي زين عشان تلتم ارحامك والنفسيه مهمه للنفاس ولا ترى تطولين ماتخلصين نفاس ، طبيعي مابيقرب منك اختي لانو ماراح يرتاح ممكن كمان رائحتك لهومات وحلبه وخرابيط النفاس يمكن هالشيء ابعده ترى طبيعي كلنا ناخذها لكن عند ماما لذلك الافضل كل النفاس ببيت اهلك ماتطلعي الا كأنك عروس بيوم زواجها |
رد: تغير زوجي بعد ولادتي ..
والله يانوني ان الحلبه و اللهومات وهالشغلات ما اخذتها حتى عند امي لأني ما احب.. كان ودي اكمل نفاسي هناك بس قلتلكم هو ضغط علي وصارت مشكله ولو مارجعت اعرفه يخليني زياده ع الاربعين .. مثل مره لما كنت حامل بالشهر السادس كنت عند اهلي وقلت له بنام هناك عشان خواتي والخ قال طيب نامي اليوم وبكره امرك لما صار بكره قلت خلني اليوم بعد لان متونسه مع خواتي مجتمعات والخ قال اجل خليك عندهم وقطع تواصله معي ومر يوم ويومين وخواتي رجعوا بيوتهم وجلست زياده بعدهم و ادق عليه تعال قال ماني جاي .. وبعدها رجعت مع اخوي وجلس زعلان مايكلمني وبالغصب تراضينا .. كذا طبعه ومنها قلت ارجع دامه طلبني احسن مايلقاها فرصه يتسلى او يتعود على غيابي ومنها بنته تكون عنده يشوفها وقت مايبي لانه مايجي عند اهلي .. وماتوقعت ارجع والقاه كذا لكن ممكن مثل ماقلتوا هالشي يثيره ومايبي عالفاضي
|
رد: تغير زوجي بعد ولادتي ..
ريتاج
يمكن زوجك مثل زوجي اول مااجيب نونو يبتعد عني يمكن لان النونو ياكل الجو بس يكملون 6ش يرجع طبيعي تخيلي 5شهور المعاشرة تكون ربع معدلها بالايام العادية.. يعني فرق بس لأني جبت 3تعودت عليه |
رد: تغير زوجي بعد ولادتي ..
اقتباس:
|
رد: تغير زوجي بعد ولادتي ..
انا اختبرته امس .. تسبحت وكشخت وحطيت كريم جسم معطر كنت احطه زمان قبل الجماع وهو يحبه .. وحاولت اغريه بلبسي مع ان كان لبس عادي عشان مايبين له .. يعني لبس عادي لكن بنفس الوقت مغري جا قال ترى تبردين قلت الجو حر .. قال طيب البسي شي فوق هذا > ويحاول مايطالع لي .. قلت تدري انا مستانسه ان جسمي رجع مثل اول وحتى التشققات راحت وماكأني والده وكل شي رجع مثل لما كنت بنت وتكلمنا شوي وقلت عندي لك بشاره قال ايش قلت شكلي راح اطهر هاليومين ) انا ادري ماراح اطهر هالوقت بس كذا اختبره ( قال مو على اساس 40 يوم قلت لا ع حسب .. ولما جينا ننام انا كنت بعيييده عنه كالعاده مد ايده قال ليه مبعده تعالي قلت اخاف تهرب قال لا ما اهرب .. وجيته وحضنني وباسني وقال انه يحبني ومشتاقلي وبغينا نتهور و وقفنا وثاني يوم قال طهرتي قلت للاسف لا .. وبعدها رجع ينام بعيد ...... معناه الحمدلله الشي اللي مانعه هوو إني بالنفاس
|
رد: تغير زوجي بعد ولادتي ..
مشكلتك بعدم الثقه بنفسك
واما الشك اللي انتي فيه تخيلي لو زوجك شك بشرفك هل تقبلين هالشي؟ نفس الشي هو يعني طالما ماشفتي منه شي فـ مايجوز شكك اصلا فيه انتبهي لهالموضوع بعدين انتي شرحتي احساسك كـ انثى فـ اسمعي كلامي كـ رجل عشان تعرفين كيف يفكر الرجل النافس غالبا يكون ريحتها ادويه واعشاب وحلبه وغيره هذا غير ريحة اللي ينزل منها فـ تكون ريحتها منفره نوعا ما ثانيا بعض الرجال يبعد لانه يتعب ويكون يبي العلاقه بس مافيه مجال فـ يبعد عشان مايثير نفسه مثل ماحصل معك في اخر تعليق ثالثا بناء على رد لك في موضوع الاخ اللي يشتكي ان زوجته تحتك فيه بعد النفاس ولمتي الرجال وقلتي ان الرجل المفروض يقرب بعد النفاس يااختي لازم تعرفين حاجه مهمه وهي ان الرجل مايعرف يجامل بالجنس يعني لو ماله رغبه معناته مافيه -- جماع فـ مايقدر يجامل بهالموضوع عكس المراءه فـ لاتربطين موضوع الحب بالجنس ممكن واحد يموت بزوجته ولكن مايشتهيها رابعا وهذا المهم لازم الحين تجهزين نفسك وانتبهي وترى اول علاقه تتم بينكم هي المحك الحقيقي اذا شاف شي ممكن ينفر من جد الحين فكري بطفلتك واذا قرب وقت الطهور ضبطي نفسك بحيث مايتغير شي عليه |
رد: تغير زوجي بعد ولادتي ..
اشكرك على ردك اخوي الوحيد وصراحتك .. وانا مثل ماقلت لكم مافيني روائح نفاس الحمدلله منتبهه لهالنقطه من زمان .. لكن الشي اللي لفت انتباهي بتعليقك هو حدوث .. ومن رجعت من اهلي قرب لي مرتين .. طالما يحدث هذا الشي معناه زوجي يحبني ولسا يبيني ! .. صح انا ثقتي مو ذاك الزود وحتى هو مره قاللي خلي عندك ثقه بنفسك قلت له عندي الحمدلله >> وانا ماعندي الا شوي
|
رد: تغير زوجي بعد ولادتي ..
اقتباس:
وعشان كذا يبعد عنك عشان مايثير نفسه ويتعب |
رد: تغير زوجي بعد ولادتي ..
اقتباس:
|
| الساعة الآن 06:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©