|
في شي كبير انكسر داخلي
السلام عليكم
رجعت بيتي بعد شهرين غياب بس مارجعت مباشرة اخذني زوجي من بيت اهلي للمطار رحنا دبي 3 ايام بعدها رجعنا البيت طول الرحله كنا رسميين مع بعض حاولت ابادر واكسر الحاجز هو ماتقبل.. فرجعت رسميه وبمره قربت منه قبل النوم عطاني ظهره وقال تعبان وانا بكيت شوي ونمت بعدها وهو يقول: خلك طبيعيه (قصده اثقلي) المهم رجعنا البيت عطاني قلاده الماس ببرود كان تاركها فوق التسريحة قال تفضلي شكرته هو متغير معي كثير سألته عن السبب وحملني المسؤوليه تجادلنا وشدينا مع بعض وضمن كلامي قلت اني صرت اشك فيه وتكلمت بتصرفاته المريبه اخذ المصحف يحلف انه مخلص لي سألته ليه رامي الدبله؟ قال مثل مارميتيها زمان! قلت ممكن ترجعني بيت اهلي؟! وشد معي لدرجة انه بكى وقال احبك هدينا شوي جاء العيد وعيدنا بس انا داخلي مكسوووور ببساطه زوجي رجع لنظامه سهر مع اصحابه (امس يوم العيد) مالمسني من رجعت ولا فكر يقول كلمه حلوه عايشين مع بعض كأننا اخوان صحيح يتعامل بطيبه وصار يتعمد يترك جوالاته مفتوحه ومن يومين عطاني جواله وقال اذا كلم اللي يمسح السياره قولي له يجي س4 احس يحاول يخليني اثق فيه بس انا ناري مابردت ومتضايقه من دائره الروتين والمسؤوليات ولاني مو عايشه كزوجه بصراحة المهم قلت له اليوم الصبح ايش رايك نطلع اجازه بدون الاطفال ونجدد شهر العسل ناظرني بطرف عين وقال خلصت الصيفيه! قلت عادي نسافر نص الترم قال اصلا انتي ضيعتي هالشهرين علينا! انقلب مزاجي وقلت له انت شكلك تتلكك بدليل ماجيت تاخذنا الا مع نهايه الاجازه قال سفر مافيه وانتهينا قمت وتركته بعد ساعه طبخت الغداء هو ما اكل يقول الرز نيء قلت له لي شهرين مدلله ماكنت اطبخ قال خلاص ارجعي لاهلك تدللي! قلت ياليت! وقمت الم اغراضي جاء يقول لي عيب خلاص قلت طلقني دام رجعتي احسن قال انتي منقهره لاني قلت مافي سفر قلت ايه المفروض تخيرني بدول اوربا قال لو ذكيه عرفتي ان دبي تصبيره واني ناوي اسفرك اذا ركدنا شوي قلت: كان قلت هالكلمتين قبل! قال: انتي اصلا راجعه لي تبيني اسفرك قلت: دام هذا تفكيرك ردني لاهلي قال الله يهديك وطلع اكثر شي قاهرني جملته: شايفه نفسك على ايش! قلت لو مو عاجبتك طلقني قال: الله اكبر يا المنيكان! احمدي ربك بس! قهررني وانفعلت بعدها جاء يعتذر!! طيب لي تحسسني اني مو ماليه عينك ليه تحسسني اني شينه بعيونك هالشعور قاتل جدا انا تعبانه.. مو مرتاحه لا معه ولا بدونه ما ادري كيف افسر لكم مشاعري بس بداخلي شي كبييييير انكسررر الشهرين اللي مضوا كانوا صعبين علي تعبت وتألمت فيهم كثييييير وكل من شافني بالعيد قال: نحفاااانه وجهي شاحب ونفسيتي متوتره وهو موسع صدره وعايش حياته وانا اكل بنفسي تعبانه كثير اخر شي اخذ الاطفال وطلع معهم السوبرماركت وانا جلست لحالي بالغرفه مو طايقه نفسي |
رد: في شي كبير انكسر داخلي
الله يعينك
دام العلاقة الحميميه مارجعت بينكم طبيعي بيظل الوضع كذا وأسوأ ايضا ليش مايقربك وليش ماتسألينه ليش ماتقربني كزوجه مشكلتكم هنا اثنينكم لا سفر ولا معامله ولاهدايا تغني عن هالشي ابد بين اي زوجين طبيعيين ! وطبيعي حالتك جدا اخوانك مالين بيت اهلك الله يحفظهم ماتزوجت تبين اخ تتزوج الوحده تبي زوج يعفها ويشاركها مشاعر الحب والموده والرحمه لازم تجلسين معه بهدوء والأطفال نايمين وبدون تشنج وتسألينه ليش ماتقربين ؟؟؟؟؟؟!!!!!!!! |
رد: في شي كبير انكسر داخلي
اقتباس:
اعتذر بحجه ان هالامور يبي لها وقت وطلب مني اتركه لحد مايجيني من نفسه فتركته طبعا براحته وقبل امس جتني الدوره الشهريه فزيدي اسبوع مع الايام اللي راحت انا ما ادري هل العلاقه السبب والا ايش تصرفاته تقول انه يحبني احتفاءه برجعتي يقول انه يحبني تقبله لانفعالاتي يقول انه يحبني بس انا منهاره من داخلي |
رد: في شي كبير انكسر داخلي
اقتباس:
ما خلصت قراءة الموضوع.. بس استوقفني جدا.. كلمة بدي اسافر،، والمفروض تخيرني في دول اوروبا.. وين خليتي عقد الماس كامل ماشاء الله؟؟؟!!! ولا عندكم عقد الماس مايسوى شي؟؟ ولا الرجل بيكون قاعد كذه وبيجيه عقد الماس من السما.. هو مابيقدرك حسب كلامك.. .. بس انتي كمان مابتقدريه.. راح تضلوا بهالدوامة. |
رد: في شي كبير انكسر داخلي
اقتباس:
مو واحد بس لا هو اللي جمع ولا هو اللي استلف عنده خير يغطي نور الشمس ماشاء الله |
رد: في شي كبير انكسر داخلي
واضح جدا حبه لك ام روان ماشاء الله
بل أراه اكثر من حبك انتي له والله اعلم لكن بما ان الأمور كما ذكرت صدقيني بعد طهرك وقربه منك سترتاحين فقط كوني هادئه وكل شيء سيرجع أفضل ان شاء الله ! |
رد: في شي كبير انكسر داخلي
اقتباس:
الله يسعدك |
رد: في شي كبير انكسر داخلي
اقتباس:
توقعت هيك بتجاوبين.. هلا الي زوجها غلبان زعلانه لانه ماجاب هدية.. والي زوجها ربي مسهل اموره زعلانه لان الهدية مو شغلة.. .. مشكلة.. بتظل هدية غالية يا كنافة.. ومو انتي طلبتيها.. هو من نفسه فكر،، افكار تاخذه وافكار تجيبه،، ايش الي بيفرحها، ويجبر خاطرها،، وراح للمحل، وتخير وحاول يجيب شي لايق فيك.. لو عنده مال قارون. عمرك ماراح تقدري لفتات زوجك.. يمكن لانك تربيتي في الخير الكثير مابتحسي بقيمة الاشياء.. وزوجك مقهور من هالشي مو قادر يثبت حبه لك.. مشان هيك دابم يقول شايفة حالك.. وبما انه زوجك كان على قد حالو زمان... فعقد الالماس يسوى عنده كثييير.. حتى لو حاليا غني.. ومايشوفه ولاشي زيك.. مشكلتكم في اختلاف الطباع.. وعدم فهم الآخر.. |
رد: في شي كبير انكسر داخلي
اظنه الغرور الذي انكسر بداخلك
وزعلانه انه انكسر وتشعري بفراغ مكانه لاني لاحظتك رددتي عليه كلمة ودني لاهلي رجعني لاهلي حول اربع مرات (( وتوك بتموتين في اخر موضوع لانه "تاخر فقط" في الرد عليك!! )) وكانك جالسه تثبتي لنفسك وللاعضاء اني ما زلت مغروره ونكدت عليه ومازال متمسك فيه وماوداني لاهلي شفتوا انكم غلطانين يوم قلتوا انه رباني!!! الله يعينه طلع مو هو بس اللي ماعنده ثقة بنفسه! |
رد: في شي كبير انكسر داخلي
اختي الفاضلة روان أنا لاحظت عليك مندفعة جدا بشكل عام، اقترح عليك عدم الكلام او الرد على الزوج إلا بعد تفكير واخذ وقت والتركيز على الامور الايجابية عند الرد والكلام باحترام مع الزوج خصوصاً، يمكن الرجل فعلا تعبان وهو اعتذر وراضاك عبر رحلة سياحية لا تطلبي الكثير وتصبحي مادية مثل رحلة سياحسية إلى اروبا
|
رد: في شي كبير انكسر داخلي
اقتباس:
بدون نفس.. ببرود.. بصدود.. والله لو اخذني من اهلي بهدوء مع صحن بليله والا شاورما واخذني باحضانه وشفت شوقه كان احسن عندي مليون مره من هدايا وخرابيط بس هو يعاملني بشكل مادي واليوم جيت اتطلب على نفس وزنيته وماعجبه طلبي |
رد: في شي كبير انكسر داخلي
اقتباس:
|
رد: في شي كبير انكسر داخلي
اقتباس:
غايبه عنه شهرين والى يومك مالمسني ولما بادرت صدني ابش استفيد اذا مايبغى يلمسني لاهو غرور ولا شي بس اي وحده مكاني بتحس بهالنار اقول لك صرت اشك فيه وصرت مكسووووره من داخلي يقول يحبني ومحسسني اني مو مرغوبه |
رد: في شي كبير انكسر داخلي
اقتباس:
شهرين وهو فالها وتاركني ولما رجعت ماشفت شي يبرد خاطري اليوم انفجرت فيه لاني متضايقه حاسه باكتئاب غصبا عني ماني قادره ارجع زي زمان متنكده كثير وحاسه بوجع في صدري اذا شفته اتوتر غصبا عني وهو بارد واحسه مو فاهم او مو مهتم |
رد: في شي كبير انكسر داخلي
اقتباس:
|
رد: في شي كبير انكسر داخلي
اقتباس:
عموما هدي شويه. وشيلي من لسانك وديني لاهلي.. كل يوم بتجيب الملل وبتصير اغنية وبس.. تبين تثبتين له انه ما جاب راسك وانك لسه مستغنيه عنه.. هو فاهم الفكرة.. من زمان.. وهنا مربط الفرس. |
رد: في شي كبير انكسر داخلي
يا حبيبتي يا روان انا حااسة فيك وفااهمتك ردود فعلك
السلبية معه غصبا عنك لما ما لامستي شوقو ولهفتو عليك توترتي وفقدتي توازنك،،وصرتي مندفعة معه مع عدم القدرة بالتحكم باجوبتك وردودك!! حبيبتي اولا بسئلك هل قبل ماترجعين معه تكلمتو مع بعض انت وهو وابوك على خلافكم وحاولتو تحللون الامر ام تم رجوعك بهدوء ودون اخذ ورد مع بعضكم البعض?! اذا كان الجواب بلا يعني انكم لم تتكلمو فهذا خطا يا اختي ماينفع ابدا بعد شهرين زعل وخصام ترجعون لبعض في صمت كان الاولى تتكلمو وتوضحون عدة نقاط وتصفون قلوبكم بعدها تجي الرجعة ويجي السفر!! واعتقد هذا ايضا سبب احساسك بالانكسار لانك لم تفضفضي وتفرغي مالديك عليه قبل ان ياخذك،،لذا برايي لن تصفو النفوس الا بعد ان تتحدثا بهدوء عن كل شي وتحاولا ايجاد حلول مناسبة لكليكما،، وبالنسبة انه لم يلمسني لانه ايضا مكسور من جهتك كيفما كانت اسباب انكساره تفهميها لانه مختلف عليك وفيه رجال ومن ضمنهم زوجي يبيلهم وقت لاسترجاع رغبتهم في النوم والقرب،،فلا تياسي يا اختي وكوني طبيعية ومرنة،، ولن اعاتبك على موضوع السفر لاروبا لاني اتفهم انها مجرد اندفاعات على تعامله معك لكن اهم شيء ترجع الحياة بينكم الى مجاريها وبعدين ما احلا السفر ولو بعز الشتا |
رد: في شي كبير انكسر داخلي
اقتباس:
اني اكون ايجابيه وهاديه رغم اني مجروحه بداخلي وكنت متوقعته يطيب جراحي ويدارني بعواطف واهتمام لقيته هو بعد مجروح ولاهي بنفسه ولا عنده استعداد يعطي اي شي معنوي كرهت نفسي وقتها |
رد: في شي كبير انكسر داخلي
اقتباس:
انا لما شفته يعاملني بفوقيه وعدم اهتمام حبيت احسسه اني مستغنيه وكنت مرتاحه بدونه لكن فعليا انا ماكنت مرتاحه والان معه برضو مو مرتاحه |
رد: في شي كبير انكسر داخلي
اقتباس:
كلامك مضبوووط اخيرا لقيت اللي يفهمني وترى تكلمت مع زوجي قبل نرجع حوار طويل عريض وانا ببيت اهلي بس مافاد وانا اعرفه ياخذ وقت طويل وبطيء التفاعل بس مو وقته ابدا الان انتظرت مبادرته كرجل كذكر مع انثى كاثنين متزوجين ولا شفت شي |
رد: في شي كبير انكسر داخلي
أنصحك تفكري قبل ما تندفعي في الكلام
من الأشياء اللي تقتل الرجال عدم التقدير والإستفزاز.. عندك أخطاء واضحة في طريقة تعاملك معاه |
رد: في شي كبير انكسر داخلي
اقتباس:
بروده تجاهي وجعني كثييييير ايام وليالي وكأنه قالب ثلج ولا كأني انثى ولا كأني زوجه وصاير يلبس ملابسه بالحمام ومايحاول يلمسني لو بالصدفه حرق اعصابي حرق وانا مابينت له سبب غضبي مباشره بس كل تصرف منه صار ينرفزني حتى الاطفال صايره عصبيه معهم |
رد: في شي كبير انكسر داخلي
اقتباس:
بتقولين أنا ما أسأت له! هو بنظره انك كسرتي راسه وأعطيتيه درس بجلوسك عند أهلك شهرين واصرارك على انه يتفاهم مع والدك هو قدم تنازلات عشان يحل الموضوع وتمشي الحياة لكن مو بالضرورة هو مقتنع في داخله انه غلطان! سالفة السفر وعقد الألماس كأنه تأدية واجب أمامك وأمام أهلك انه سوى اللي عليه وراضاك لكن الحقيقة انه شايل عليك بدليل تعامله معك بجفاء وعدم تقربه منك ويمكن ابتعاده عنك من الناحية العاطفية والجنسية هو نوع من التأديب لأنه يعلم بأهمية هذا الجانب عندك أو يمكن رسالة يبي يوصلها لك وهو انه "تراني ماني ميت عليك وأقدر أستغني عنك" على العموم يبدو ان مشكلتك الرئيسية مع زوجك تكمن في مسألة الجماع ومشكلته الرئيسية معك هو غرورك وتكرار اسطوانة "طلقني, ودني لبيت أهلي ...الخ" الله يصلح حالكم |
رد: في شي كبير انكسر داخلي
روان عندي كم سؤال واتمنى تجيبي بكل صراحة ..
لما حملك مسؤولية الي صاير،، شو قال؟ ماهي النقاط الي حازة في خاطره؟ -وضحي جزئية بكائه، وماذا كانت ردة فعلك لما بكى..؟ دموع الرجل قوية يا روان بس انتي كانك مريتي عليها مرور الكرام وخليتيها نقطة صغيرة جدا في موضوعك.. |
رد: في شي كبير انكسر داخلي
اقتباس:
كان يتعامل معي بشكل الي وبرسميه ويصد اذا قربت منه طيب الرجل اذا حب يلمس يقرب هذا هو التعبير الذكوري الاول عن الحب والمفروض كان مشتاق بعد غيبه شهرين او اذا هو زعلان يرجعني البيت دايركت مالها داعي الخساير اللي بدون نفس اخر كلامك انا مو هدفي الجماع بس ابغى احس اني انثى مرغوبة مو مجرد كرسي والا طاوله بالبيت |
رد: في شي كبير انكسر داخلي
اقتباس:
ويقول لو تحبيني ماقدرتي تبعدي شهرين وكان المفروض ارجع واعاتبه على افعاله وكل دقيقه يقول: تركتيني شهرين وتركتيني شهرين بكى لما كنت منفعله وانا الم اغراضي جلس يصرخ: اتركي الشنطه اتركي الشنطه اتركيها وتعالي نتفاهم اتركيها الخ قالها الف مره وانا مطنشه جاء دفني وقال احبك ماتفهمين وبكى بعدين راح غسل وجهه ورجعت اتفاهم معه كلام طويل عريض ثاني يوم هو صحى طبيعي بس استمر يعاملني كأخت مو زوجه |
رد: في شي كبير انكسر داخلي
اقتباس:
|
رد: في شي كبير انكسر داخلي
اقتباس:
وجلست ايام وليالي ابكي ولما شفته يبكي مسحت دموعي وجلست اسمعه كلام بالمنطق ولغة الارقام وواحد زائد واحد يساوي اثنين كأننا موظفين بشركه |
رد: في شي كبير انكسر داخلي
روان
معليش انتي تدورين المشاكل سفره دبي وعقد الماس ماشاءالله والرجل ماغلط عليك بالنسبه للعلاقه انتي عارفه من زمان مشاكله من هالناحيه الله يهديك بس |
رد: في شي كبير انكسر داخلي
اقتباس:
واحنا بالبيت زي الاصنام فوق الشهرين زيدي اسبوعين يعني شهرين ونص وهو عادي عنده وزمان اذا غبت اسبوع ببيت اهلي اشتاق لي وضع مو طبيعي ابدا مع ذلك ماكلمته بهالموضوع حتى ماتزيد الفجوة بينا ويصير عليه ضغط نفسي |
رد: في شي كبير انكسر داخلي
حرام عليك ياكنافه والله رحمت زوجك
مبين انك ماتتنازلين عن شي لو الازواج مابينهم مودة ورحمه وتناولات مامشت الامور |
رد: في شي كبير انكسر داخلي
خليه ليمن يطيح الي براسه
انتي ماتعرفين تصبرين وصعب استفزازك روقي وطنشي وكبري عقلك الصبر زين يا كنافه |
رد: في شي كبير انكسر داخلي
اقتباس:
وهو ضغطني كثير |
رد: في شي كبير انكسر داخلي
اقتباس:
يقول خليني لحد مايطيح اللي براسي اساسا هالامور ماتنطلب واذا زاد البرود يطول الجفاء وانا فعلا ما اعرف اصبر وما احب الحال المايل اليوم تخانقت معه الظهر وماتكلمنا بعدها لحد الان كان متضايق وجالس لحاله طول النهار ومن 10 دقايق لبس وتشيك وطلع |
رد: في شي كبير انكسر داخلي
ام روان بقولك رايي بصراحه:من رجع لك اشوفه رايته بيضاء عدا تقصيره بالجماع...واعتقد انه يبي وقت عشان يصفي ذهنه بعد المشاكل،،انتي اغلطتي بقولتك بسافر !! صدقيني السفر ماراح يغير شي بالنفس هنا وهناك كله واحد ..مع كل شد تلمي اغراضك وتقولين طلقني(فاقد الاحساس بالامان معك ) وقريب بتخلين غيابك عنه ماله وقع على نفسه ابد،،اذا حاولتي تقربين له وتطلبين العلاقه لاتستسلمين بس لمجرد ما يقولك (اثقلي-اصبري شوي) كملي بدلع وتجاهلي كلماته،،،متاكده 100٪انه راغب بس نفسيته القشرا ماتسمح له بالرضوخ بسهوله..وانتي عاد شخصيتك دزني واتويقع..على طول تستسلمين وتنهارين ...
|
رد: في شي كبير انكسر داخلي
اقتباس:
يعني انتي حاسه ان بكاؤه شي كبير بس تقنعين نفسك انه عادي بما انك بكيتي كثير ايش فيها يبكي مرة.. ما ادري انتي بجد ماتفرقي بين الاثنين؟ ولا تكابرين؟ يختي حتى لو بكيتي شهر مو نفس الشي.. وردة فعلك تمسحي دموعك وتجلسي للاستجواب زي ماقلتي مثل موظفين.. ماهذا؟؟ انتي المرأة انتي الي لازم تبيني عواطفك وحنيتك مو تكتميها وتاخذك عزة النفس.. كنتي حضنتيه ومسحتي دموعه وتأسفتي على الي سويتيه والي ماسويتيه.. وعبرتي عن حبك الكبير له.. كان انتهى الامر بصلح جميل وعلاقة حميمية جميلة ربما.. بس انتي بكل صلابه شفتيه منكسر امامك وماحركتي ساكن.. وبهذا التصرف زدتي الطين بلة.. تطلببن منه الحنان والتعبير عن العواطف وانتي الي امرأة مو قادرة على هالشي.. فلا تستغربي جفافه وهو رجل.. راجعي نفسك.. راجعي تصرفاتك.. كلماتك.. كوني انثى يا روان.. زوجك محتاج يشوفك ضعيفة وكلك حنان ورقة.. مو واقفة زي الجبل وما تضعفين كانك في حرب!! اتمنى يكون بعده عنك مجرد تاديب.. أحسن مايكون فعلا عايفك ومو قادر يتقبلك في العلاقة.. اعملي تغيير حقيقي.. خطوة خطوة.. مو تجي تتصرفي كانه مافي شي وتستهبلي.. وبعدها ترجعي لصراخك وغرورك.. اختاري منهج تدريجي نحو التغيير.. حتى ما يحس زوجك انك تمثلين، وبعد دقائق سترجعين لحقيقتك كما يحصل فعلا في كل مرة.. |
رد: في شي كبير انكسر داخلي
اقتباس:
سافرت معه ودبلته بالبيت هالشي قهرني جداااا وهو يقول انتي السبب كل حجته اني تركته شهرين نسى انو تعامله السيء معي طفشني كانت صدمه عمري لما ماشفت الدبله بيده وانا بعز الازمه لابسه الدبله مارميتها وهو يعرف هالامور تعني لي كثيييير طبعا رجع لبسها اول مادخلنا البيت بس بعد ما كسرني من داخل |
رد: في شي كبير انكسر داخلي
اقتباس:
طول السفره متعكنن بكل طلعه ساكت والا يلعب الاطفال والا عالجوال وكأني مو موجوده ابداااااا وانا ساكته ساكته ساكته ما انفجرت الا لما وصلنا البيت وهو عرف غلطته وراضاني بكلمتين بس جموده معه جارحني اليوم الظهر تخانقنا وانا زودتها بالكلام غصبا عني مو عارفه ليه رافضني اذا عايفني ومو قادر يتقبلني بالعلاقه فماهو ملزوم يجلسني على ذمته وانا ما ابغى اهين نفسي لان هالشي جد جد تاعبني نفسيا يعني ياناس شهرين ونص مالمسني واجيه بحب وحنيه عامله نيولوك وصابغه شعري وعدسات وشاريه ملابس جديده وقبل السفر رحت الصالون اعمل سيشوار واخرتها ماحط عينه بعيني دقيقه ولا علق على شي ولا حتى لمس يدي شي يدمر اي انثى بالدنيا كل كلامه معه: ايش تطلبي اكل ووين نروح الخ كأنها رحله عمل وحتى بعد مارجعنا استمر بجفاه احس هو حريص مايغلط معي وبس رسمي جدا جدا جدا !! |
رد: في شي كبير انكسر داخلي
اقتباس:
صدمة عمرك عشان دبلة؟ تراها تفاهة وشي ما يسوى أبدا ! لو تدقيقك معه في الأمور الثانية على نفس النمط، فالله يعينك حقيقي! |
رد: في شي كبير انكسر داخلي
اقتباس:
عمره ماشالها من يده ابدا ابدا فاكيد بتكون صدمه لما يشيلها متعمد وهو عرف هالشي واول مارجعنا لبسها |
| الساعة الآن 08:38 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©