السلام عليكم

يُقال إن : " ما تعرف قيمة الشيء إلا إذا فقدته "
موضوعي أقرب للنصيحة ..

زوجي غايب إلى أجل غير مسمى - الله يرده بالسلامة يا رب -
بيكمل 10 أيام وهو بعيد ، والله لا يطولها علي و عليه..
تذكرون لما كنت اتشكى من عصبيته ؟!!
ألحين أقول خل يعصب .. فدوه له كل شيء
بس يرجع .. راضيه يعصب .. راضيه يقول أي شيء
بس خل يرجع..
ندمانة إن كان يمر جزء من يومنا واحنا متضايقين من بعض على أشياء سخيفة .. أشياء بايخة جداً ...
يمكن لو يرجع نظل نتضايق من بعض أحياناً
ونتزاعل أحياناً .. يجوز البعد امأثر وايد فيني
لكن صدقاً ندمانة إن زعلته بشيء حتى لو من غير قصد...
اليوم هو وآنه متحسرين على لقاء يجمعنا
cgg لكن لا حول ولا قوة إلا بالله العلي العظيم
صار في ظرف ابتعد قسراً عن حياته و بيته و عياله
والله دخلته علينا البيت تسوى الدنيا وما فيها


نصيحتي ..
إذا تقدرون تتغافلون عن الأشياء التافهة والسخيفة .. تغافلوا
إذا زعلتيه أو إذا زعلتها على شيء سخيف راضوا بعض
اليوم انتوا مع بعض ، باجر الله يعلم وين!
ما يسوى تنامون وانتوا زعلانين
ولا متضايقين
فيه أمور بايخة ليش نتوقف عندها ونضيع أيام من عمرنا على شيء ما يسوى
ليش أحياناً نصير كأننا نتزر الزلة من شريك حياتنا عشان نزعل ونتنكد و نتهاوش...
cgg ترى الدنيا صج ما تسوى ... cgg


_ مضى يوم
مضى يومان أو أكثر
ولم تظهر
أتعرف أننا اشتقنا ؟


دعواتكم cgg

شكرا على دعواتكم صديقاتي..

العمر قصير يا بنات ، ومو ماخذين من الدنيا شيء
صحيح فيه أمور سخيفة ما نقدر نتجاوز فيها
بس ليش ما نتفاهم باللي نقدر عليه
طرف يرخي و طرف يشد ..

زوجي طلع من البيت واحنا ما بينا أي خلاف
الظروف اجبرته ان يكون بعيد فترة وبيرجع
بس لا هو يدري متى بيرجع ولا احنا..
مع ذلك قلبي يتقطع .. كل لحظة تمر سنة
كل لحظة تمر ثقييييلة موت
دام ازواجكم او زوجاتكم عندكم خلوها دعوة للصلح إذا فيه مجال
إذا للحين تحبون بعض
إذا فيه فرصة تقدرون تعيشون فيها بسلام عيشوها
لا تنامون و بقلوبكم شيء..
ودي لو اشوفه واشم ريحته cgg .. الله لا يطول الغيبة ويرده
يمكن عايشين متطمنين انكم جنب بعض .. مع ذلك زعلانين من بعض
تضمنون باجر تقومون من نومكم وتلقونهم - بعيد الشر - أو يقومون من نومهم ويلقونكم ؟
مو بس الأزواج والزوجات .. وانما الجميع
صديقة
أخت
جارة
زميلة


لا تقولون فاتت الفرصة
ولا تقولون كرامتي و كرامتي..
مو معناته نهدر كرامتنا
بس إذا فيه مجال اسعوا
إذا زوجتك او زوجج فيهم خير لا تتنازلون عنهم بسهولة
إذا زعلانين تصافوا قبل لا تنامون واعتبروها قربة لله تعالى



cgg cggcgg الله يذوقكم عليهم حرة

اشتقت لج هويجر 💕
يا رب يا حبيبي ربي يستجيب منج يا رب

.
.

نفسيتي تعبانة ..
لو ندري متى بيرجع باقول هانت..
لكن الله اعلم متى يرجع
اشتقت له ..
خصوصا من تظلم الدنيا تزيد بقلبي الوحشة
وقت النوم ما ادري وين اروح
تاكل بروحي الليالي..
ما ابي انام ببيت ابوي ولا في بيتي
احس الدنيا ضايقة بي..
أحياناً احس نفسي ابالغ بحبي له..
اقول ابي اخفف من هالمحبة
بس مو بايدي..
ما عمري تعلقت بشخص مثل ما تعلقت به .. احس روحي فيه
من غاب للحين نقصت خمسة كيلو..
ودي اشوفه
اشم ريحته
تعمدت اخلي له قميص ما غسلته..
البسه وانام فيه .. بس عشان اقدر اغمض عيني


أمانة كل من يمر من هني ويقرأ يدعي لي الله يعجل بلقائنا ويآمن خوفي...

😢 " تدري أول كلمة اقلك من اشوفك .. يا حبييي .. احلى كلمة "