|
هل مافعلته اهانه لزوجي ؟
السلام عليكم ورحمة الله وبركاته ...
قبل ايام طلعنا رحنا سوق الذهب زوجي كان يبغى يشتري لبنتنا حلق لأذنها ... وجلس يتأمل بالحروف والاسماء وسألهم اذا في قلادة بإسمي قالوا لا ... واشترينا الحلق بس وطلعنا .... قلت له ليه تسألهم اذا بتشتري مو ضروري خلها بعدين لما يتصلح وضعنا ... قال مين قال بشتري بس اسأل... انقهرت من رده ... بس سكت ... وهو يدري ان نفسي فيه من زمان ... المهم اليوم وقبل شوي جاب لي هديه مغلفه وعليها كرت ... فتحتها وكاتب عبارات والهديه كانت سلسله بإسم " سموره " والله انصدمت وخاصة زوجي قليل الهدايا ونادرا يجيب هدية ... انحرجت منه وماعرفت وش اقوله ... وبنفس الوقت حاسه بقهر مدري ليه ... رجعت قلت له ليه مكلف على نفسك وماله داعي خلها لما الوضع يتحسن.... قال عادي الرزق جاي ... وانا من غبائي قمت وعطيته فلوس .... قلت له خليه عندك يمكن نحتاجه ... عصب علي انتي نكديه وانتي وانتي والحق علي اللي عطيتك هديه .... تجين تهينيني بهالفلوس ... قلت له ماقصدي شي حاولت افهمه ماعطاني وقت والحين طلع واراسله ولا يرد علي .... والله ماكان قصدي اهينه بس مدري ليه هو يعتبره اهانه ... مافيها شي لو ساعدته شي لي يعني هالسلسال حقي خلاص قلت بساعده .. اذا شي له ولا لبنته او ولده مابعطيه عشان مايقول اني اهينه ... مدري ليه زعل ... انا اللي سويته خطأ ؟ وليه يعتبره اهانه ..! |
رد: هل مافعلته اهانه لزوجي ؟
تخيلي انت متكلفه ورايحه تشترين هديه لصديقة عزيزه على قلبك حابه تفرحينها وتدخلين على قلبها السرور
بالمقابل جت واعطتك فلوس تقديريه لقيمتها ؟ بالله ماتنقهرين من تصرفها ؟ كأنه بتصرفها تقولك هديتك ماهمتني عندي فلوسي تكفي وهذا اللي حسه زوجك وخلاه ينقهر ويحس بالاهانه |
رد: هل مافعلته اهانه لزوجي ؟
اقتباس:
وليش ماقلتي شكرا حبيبي وطرتي من الفرح بل رحتي تجيبي الفلوس؟ يعني مستكثرة تشكريه؟ تقوليله اتفضل هاد بهاد مالك فضل علي ولا تحلم اشكرك عالهدية؟؟؟ مافي تفسير اخر لا تزعلي.... |
رد: هل مافعلته اهانه لزوجي ؟
جرحتيه جرح كبير يكفي ان زوجته وضعها المادي افضل منه... بل زدتي تحسسه او بالاحرى عقدته من الموضوع بتصرفك الجارح.. ليه بس ليه
|
رد: هل مافعلته اهانه لزوجي ؟
وعليكم السلام ورحمة الله اهلا اختي هو المفروض انج فرحتي بالهديه وعطيتيه بوسه على الطاير وبعض الكلمات الرومنسيه هذا هو المفروض لكن اعطيتيه المال بحسن نيه وهو المفروض تعطينه بوقت غير وقت الهديه لكن صار اللي صار الحين ارسلي له رساله فيها عبارات شوق ومحبه وتقدير واعتزاز به وهو اكبر هديه وهديته تضل محفظه وهي اغلى هديه وصلتك .....الخ الكلمات الحلوه بعدها بيني له تصرفج ان قصدج اسعاده وتفريحه مثل مافرحج وحبيتي تهدينه نفس ثمن هديته ومو قصدج شيء ثاني واختمي كلامج تقديري لك زوجتك المحبه ـــ بعد الرساله اتركي له فرصه يفكر لاتتصلين عليه ولاشيء وهو راح يفهم ويستوعب قصدج باذن الله موفقه ـ |
رد: هل مافعلته اهانه لزوجي ؟
بالعكس شكرته في البدايه وفرحت من كل قلبي ... بس هو يدري ان هالشي نفسي فيه من زمان وماجابه .. وجابه هالايام فقلت يمكن عشان ادفع ... وهو مايبغى يطلب منحرج قلت مارح اخليه ينحرج واجيب له بنفسي ... ماتوقعت بيزعل ... والله ابدا ابدا ماقصدي اني اجرحه ... ولا حابه احسسه اني افضل منه ... مدري كيف كنت افكر ...
|
رد: هل مافعلته اهانه لزوجي ؟
كأنك تدفعين قيمة الهدية الله يهديك
|
رد: هل مافعلته اهانه لزوجي ؟
اقتباس:
|
رد: هل مافعلته اهانه لزوجي ؟
اقتباس:
قلت دامه ماقصر معي مارح أقصر معه واعطيه... انا ماقصدي اعطيه قيمة الهديه ولا اعرف قيمتها بالاساس ... بس عطيته كذا ... اما اذا وراه غرض من الهديه الله اعلم .. |
رد: هل مافعلته اهانه لزوجي ؟
اقتباس:
قوليله بس انا حبيت افرحك مثل مافرحتني وما فكرت زين قبل ما اتصرف... من كثر فرحتي ورغبتي في اسعادك تهورت وعميتها... |
رد: هل مافعلته اهانه لزوجي ؟
ايه غلطتي
الرجال عارف وضعكم المادي كل شوي تعيدين وتزيدين عن وضعكم المادي وبالاخير تروحين تعطينه فلوس ماصارت هديه مدري احس انه قمة النكد لما اهدي احد شيء ويذكرني اني وضعي المادي مو كويس ، وانو مفروض خليت الفلوس لشيء اولا والله لأكره نفسي واكره اني جبت له هديه ، وخطاء الزوجه تستنقص زوجها ووضعه وخطاء ماتتدلع وتحس انها انثى وتستاهل الهدايا ، الرجل مايقدم على خطوه مايدرسها كويس ماشترى لك الهديه من عباطه !! تخيل انو في رجال وعنده حبيبه وشرى لها هديه هل تذكره ان وضعه المادي مو كويس او تذكره انه اولى بالفلوس منها او تروح تعطيه فلوس لا طبعا بتسوي له ذيك الليله اللي ماصارت ولا استوت وتكافأه ب انوثتها زي ما اهداها هديه تدل على رجولته وكرامته ، من كتاب الفرق بين العشيقه والزوجه نقطه مهمه العشيقه تحب نفسها وانوثتها والزوجه لااا ! ترى الرجل خلق معطاء واذا ماقدرتي عطائه وحسستيه انه اللي لا صار ولا استوى راح يغرقك هدايا اما بنكد عليه والله معاد يهديني كيس خبز !!! اعتذري لزوجك وقولي عطني الفلوس كنت امزح معاك ورقعي السالفه افضل |
رد: هل مافعلته اهانه لزوجي ؟
صراحة يااختي جرحتي مشاعري انا وانا بقرا كلامك
يعني لماقال انك نكدية ماغلط تزعليش مني بس اسلوبك سيء جدا ولوبدك تساهمي ماديا مش وهومقدملك الهدية الرومانسية الرقيقة هاي سنسال باسمك قمتي تجيبي فلوس وتحكيلو خد وجعتيلي بطني هالامور حساسة عند الرجال والي بدهاتساعد جوزها بوقت اعتيادي بدهاتختار الاسلوب المناسب لماتجرحو وانت خليتي الزلمة جايبلك هدية قمتي تزتي المصاري بوشو جلطتيني عالسمع كيف المسكين اعتزريلو وراضيه وبيني انو ماكان قصدك وبس من شدة احسسك وحبك الو وانك تصؤفتي بهبل بس ماكان قصدك وبينس اديش انت فرحانى يالسنسال والبسيه وافتخري فيه و ضخمي اعجابك في الله يهديكي هو لماجاب السنسلة اكيد حاسب الحال ولامش حيجورعكم ليلبسك سنسال |
رد: هل مافعلته اهانه لزوجي ؟
اول مرة اشوف حد يدفع قيمة هديته ..
|
رد: هل مافعلته اهانه لزوجي ؟
فعلا اسأتي التصرف
وحركاتك تفتقد للذوق حاولي ترقعي الموقف |
رد: هل مافعلته اهانه لزوجي ؟
من جدك
وش هالتصرف |
رد: هل مافعلته اهانه لزوجي ؟
اقتباس:
الرجال يبي يسوي لك مفاجاه وتقولين مدري ليش منقهره |
رد: هل مافعلته اهانه لزوجي ؟
قلت لك في موضوعك السابق ،، انتي دائم متحاملة على زوجك ،، ابحثي عن السبب وعالجية ،،والله يسعدكم
|
رد: هل مافعلته اهانه لزوجي ؟
عزيزتي سمورة
في احد الدورات الي حضرتها تقول الاستشارية حتى لو كان الزوج راتبه على قدة غلط ماتطالبي بحقوقك مثل مصروف ماتطالبي فيه حتى لو عندك فلوس الدنيا اذا طالبته بمبلغ اي مبلغ بستانس ليش؟؟ لأن طبيعة الرحل يحب ان زوجته تحتاج له وتلجأ له .. عزيزتي بتتصلح الامور لكن اذا جا البيت لا تكلميع انتظري يروق حذاري تتكلمي بنفس الموضوع.. |
رد: هل مافعلته اهانه لزوجي ؟
لا تكسرين عينه وقوامته عليك
اي رجال بالدنيا يحب يشوف خيره على اهله وزوجته اذا يحبها مو من الانوثة تمدين يدك وتعطينه فلوس حتى لوشفتي الهدية شلعت عيونه ربي خلق الرجال للكد لا تحسسينه انك مستغنية وانتبببببببببببببهي تعطينه مبالغ ومساعدات ماطلبها منك بهالقرشين اللي عندك ماراح تشترين خاطر زوجك بالعكس ممكن تخلينه يبعد.. متى الحريم يفهمون هالكلام! لما عطاك هدية هو يدري انك مو محتاجة وقادرة تجيبينها.. مو عشان مبلغها وقيمتها جابها عشان يبسطك!!! |
رد: هل مافعلته اهانه لزوجي ؟
اعتذرت له وعيّا يقبل عذري وزعلان ...
انا مادفعت قيمة الهديه ... انا جبت له مبلغ مو عشان الهديه فهمتوا ؟! بس يمكن الوقت غلط واستعجلت .. قلت له انا ماقصدي ادفع قيمة السلسال وان من قبل مايجيب الهديه قلت بعطيه ... يقول مابي اعيش على افضالك ... وانا مو متحامله عليه ومقهوره لانه حصرني بنص راتبه مصاريف لنا بالشهر ... انقهرت ليش جاب وهو حاصرني بمبلغ صغير اصرفه بالشهر من مصاريف وفواتير ... عشان كذا قلت مقهوره ... احس محد فاهمني... والهديه ببمناسبة يوم ميلادي اللي باقي لها شهرين ... هذا على حسب كلامه ... انا على بالي من غير مناسبه لاني ناسيه .. |
رد: هل مافعلته اهانه لزوجي ؟
اقتباس:
عشان نفهمك.. وترا الدافع الاخر ماراح يخلي نظرتنا للتصرف تتغير.. مهما كان غلطان واساء التدبير ياشيخة راعي ان هذا الانسان ابو راتب محدود راح جاب لك هدية بهدف اسعادك! فكر فيها ودور عاللي بخاطرك وراح اختارها وطلبها على مزاجك ودفع قيمتها ورجع يستلمها.. جا بباله رد الفعل المهين وهو رايح يشتريها تتوقعين؟ ابدا! في ناس حالتهم المادية افضل مايفكرون يسوون اللي سواه على فكرة |
رد: هل مافعلته اهانه لزوجي ؟
اقتباس:
|
رد: هل مافعلته اهانه لزوجي ؟
خلاص سمورة ألبسي السلسال ومبروووك عليك تستاهلين بعد التعب النفسي
وكذا أنتي عرفتي لزوجك انه مايحب مع انه من مواقفه قبل كان باين من موقفه مع ابوه وموقفه من هبة أبوك لك الله يجزاه الفردوس.. الفلوس اللي عطاك للبيت اذا ضقتي زيدي من غير مايدري كذا تساعدينه بدون ماتجرحينه.. وشكله مرررة حساس ناحيتك هالفترة أجلي موضوع السيارة لبعد سنة أو اكثر ان شاء الله |
رد: هل مافعلته اهانه لزوجي ؟
اقتباس:
مدري بس كنت ابعطيه قبل لا يجيب الهديه فقلت افرحه مثل مافرحني ... ماكنت ادري هالشي يزعله |
رد: هل مافعلته اهانه لزوجي ؟
اقتباس:
لبسته من اول ماجابه لي ... وكان باين علي الفرح وحسسته ان هالشي افضل هديه ... صحيح مو وقته ورح اجله ولا اجيب سيرة الفلوس ابدا بهالوقت ... |
رد: هل مافعلته اهانه لزوجي ؟
سمورة انا مثلك ما عندي حسن تصرف في المواقف هذي زين أني قريت كلامكم علشان انتبه 🙈
زوجك شكله حساس جدا من ناحية الفلوس يفكر اي حركة هي تنقيص منه ومن قدرة بسبب حالته المادية الله يهديه يمكن إنتي غلطتي بس غلطك ما اظنه يستاهل هذا كله على العموم خليك حريصة الأيام الجايه من تصرفاتك والحمد لله ان شاء الله ان زوجك ثقة وتقدرين تخلينه يدير الورث حقك بدون خوف وانتبهي الفلوس تفرق بينكم |
رد: هل مافعلته اهانه لزوجي ؟
مرحباً أختي
خلاص إللي حصل حصل الآن أعتذرتي له وهذا جيد أتركيه شوي يهدء وأنتِ مارسي حياتك طبيعي وتكلمي معه عادي حتى لو مارد عليك .. وبعد يوم أو يومين كلميه بلطف وقولي له ما أرتاح لين ترضي علي وإللي يرضيك بسويه وأنا أسفة لو زعلتك .. لكنك ماتدري وش كثر فرحت بالسلسال وإسمي عليه وإنك أفتكرت يوم ميلادي ربي يعطيك العافية ويكثر خيرك ولا يحرمني منك أخيراً .. ملاحظة عامة من أسوء ما أصبح يحدث بين الزوجين أن كلام الواحد منهما أصبح دائماً يأخذ بحساسية وزعل ثم يجي الواحد منهم ويقول جرحني وكأن كلمة جرحني بسيطة تستخدم على الطالعة والنازلة .. وللأسف أصبح الزوجين ما أحد منهم يتحمل كلمة الآخر ويعديها وكأنه كلام دارج قد يحصل بشكل غير مقصود وبلحظة عصبية مؤقتة لردة فعل مؤقتة أعانك الله |
رد: هل مافعلته اهانه لزوجي ؟
اقتباس:
هو من ناحية حساس فعلا حساس ودايما يحس بالنقص ... صعب يا اختي اثق بأحد الحين ... حتى وان كان زوجي ... سبق ووثقت بأخواني وصار اللي صار ... فماعتقد زوجي بيجي احسن منهم ... اقتباس:
|
رد: هل مافعلته اهانه لزوجي ؟
سمورة انتي بحسن نيه رديتي فلوس الهدية بس مره ثانيه لا تكررينها
قولي له و اشرحي له قصدك و خلاص قفلي على الموضوع ولا تعطين اللي صار اكبر من حجمه فلوسك تعودي تكون معك اذا هو جاب من عنده اقبليها و اشكريه ماله داعي التدقيق و على قولته الرزق جاي :) |
رد: هل مافعلته اهانه لزوجي ؟
اقتباس:
توني قريت ردك بعد التعديل ... انا ممتنه له وباللي جابه وباللي سواه ... عشان كذا حبيت ارد له لو جزء بسيط ... اقتباس:
شرحت له اكثر من مره واعتذرت ... يقول انتي قاصده تهينيني ... انتي تبغين تحسسيني انك احسن مني وانتي وانتي ... ان شاء الله مابكررها وبكون حذره من ردات فعلي ... |
رد: هل مافعلته اهانه لزوجي ؟
البسي السلسله وكل ماسولف معاك المسيها بدلع زي ماتلمسي شعرك وبس رح يروح زعله
|
رد: هل مافعلته اهانه لزوجي ؟
طيب بصيغ ردي باسلوب اخر😣
عندي احساس انك مقهوره من زوجك انه توه يجيب السلسال اللي من زمان تطلبينه ونفسك فيه بعد ما صار عندك فلوس وكرد من عقلك الباطن بدون ما تحسي كانك تقولين توك تجيبه هيا خذ ثمنه ومن ايش مقهوره ! انتي تقهري مو مقهوره تصرفاتك مع الاسف رح تجيب اجل رصيدك عند زوجك ولا استغرب بيوم لو اغتنى فجاة مثلىما حصل معك ان يتزوج عليك وربما يطلقك هيا انتبهي لنفسك وتصرفاتك الفقير اليوم بكرا غني فلا تثقي بالدنيا ودورانها |
رد: هل مافعلته اهانه لزوجي ؟
اقتباس:
اقتباس:
كنت اتمنى الحق على اسلوبك الاول ... للاسف حبيبتي احساسك غلط ... انا مو من النوع هذا ... وبعدين اذا كان قصدك اني كنت احن وازن عليه عشان يجيب لي وبعدين لما صار عندي فلوس جابه لي ... لا انا ماعمري حنيت واقوله ابغى وابغى ... السلسله قبل اكثر من سنه او سنتين شفتها عند بنت اخوه باسمها وعجبتني ... وهو شافني لما كنت اسألها... ورجع سألني قال اشوفه عاجبك تبين مثله... قلت له الله كريم إذا صار عندك فلوس بخليك تجيبه لي ... وليومك هذا ماجبت سيرة الذهب ... وانا عطيته الفلوس مو عشان الهديه ابدا ابدا .... وربي يشهد علي اني كنت بعطيه قبل الهديه ... بس غلطتي عطيته وقت غلط ... وكنت متوقعه انه بيفرح فقلت ابغاه يفرح زي مافرحني ... انا متأكده انه صدقني لأنه يدري قدايش نيتي صافيه .. ولا احب المذله والاهانه ... بس التعبير خانني ماعرفت كيف اعبر له لما عطيته الفلوس ... وبعدين انا قلت مقهوره لانه خصص مبلغ مصاريف كاااامله من كل شي حتى الفواتير وضيق علي الصرف ... عشان احرص وماصرف ولا اخذ راحتي.... وهو جاب الهديه ... فقلت ليه جاب الهديه وهو يبيني احرص ... لو يأجله بعد مايشتغل المحل الجديد بكم شهر يكون افضل ... ربي يغنيه ومو حابه يجلس بفقره ... عشان يرتاح بحياته ... ويبعد عنه نساء الكون ومايشوف غيري ان شاء الله... |
رد: هل مافعلته اهانه لزوجي ؟
اذا تبغي راحتك لا تفكري تديلو فلوس طالما ما طلبك
|
رد: هل مافعلته اهانه لزوجي ؟
مبروك السلسال حبيبتي..
|
رد: هل مافعلته اهانه لزوجي ؟
اقتباس:
تبينه يعطيك كل راتبه يعني ويشحد قيمة البنزين والا فواتير الكهربا والماء ومصاريف السياره واعطالها بالعكس تصرفه جدا ممتاز زوجك انسان عاقل حافظي عليه واتركي عنك كل شوي مقهوره ومقهوره |
رد: هل مافعلته اهانه لزوجي ؟
اقتباس:
"قلت افرحه مثل ما فرحني" انا كنت مثلك قلبي صافي ولي موضوع بالضبط يشبه مشكلتك كان جايب هديه وحبيت افرحه بهديه قلبها على راسي نكد وللحين مستمر النكد الحياة تجارب ومواقف شيلي هالفكرة من رأسك اذا عطاك زوجك هديه ابتسمي واشكريه وبس تأكدي: وجودك بحياته اجمل هديه ونعمة تستحق الحمد |
رد: هل مافعلته اهانه لزوجي ؟
سمورة في داخلك مشكله
ياليت تنتبهي لها انتي حابه تكرسي مكانتك عند زوجك بالعطاء معتقدة لازم تعطي وتعطي حتى تستاهلي حبه هذا مؤشر لعدم تقدير الذات اقرأي بقوقل عن تقدير الذات وحاولي ترفعي هالجانب بشخصيتك وحطي ببالك شي مهم عمر الحب ما ينشري بفلوس وعطايا ولا الولاء ينوخذ بماديات فلا تحصري نفسك بهالدائره ابدا ابدا خلي اللي يحبك يحبك لذاتك لانك حابه ومقدره ذاتك حب الذات مفهوم غلط للاسف البعض يعتقده انانيه ولا مبالاة بينما بالواقع هو تقدير للنفس وصونها عن كل مايعكر جوها اقرأي سموره بهالموضوع انا من هالباب فتحت عيني على اغلاط شخصيتي |
رد: هل مافعلته اهانه لزوجي ؟
معقولة ماتعرفين زوجك وش الي يزعله
مو كل شي ينحل بالفلوس ثاني مره اذا جاء شكى لك الحال وانو الراتب مايكفي وطلب منك فلوس ساعتها عطيه ولاتردينه |
رد: هل مافعلته اهانه لزوجي ؟
واضح انك عطيته المال على نيتك سبب جهل منك ونقص خبره في التعامل مع المواقف لاحظت فيك لاتعرفين تتصرفين في أشياء كثيره يمكن لست اجتماعيه او احتكاكك قليل بالناس هو الي قلل خبرتك في التعامل مع الناس ونفس الوقت انتي فيك غباء يعني تعرفين زوجك حساس وخاصة سالفة المال مايحب ياخذ من احد وترحين تعطينه فلوس لا وكمان في وقت غلط 😭 مقروض شفتيه يحتاج او متدين تعطيه مو تقابلين الهديه بالمال
|
| الساعة الآن 08:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©