|
زوجي والهجر الطويل عند الزعل
السلام عليكم
احس اني بالنسبه للمنتدى زي الطفل اللي تضربه امه ويرجع يحضنها 💔 على كثر ماتجرحني الردود الا اني احبكم 💔 المهم طبعا سلسلة المشاكل بدت احس المسلسل السنوي تعودت بس زوجي بالزعل مايحبني اكون بالبيت قبل لما نتخاصم يقولي ( لمي عفشك وانقلعي لاهلك ! ) وانجرح واهرول لاهلي واجلس شهر وشهرين لما اهلي يكلمونه ويجي وكأنه ماعمل شيء هي الزعلانه وهي اللي طلعت بعدها قلت طيييييب ، وصرت اقوله مابطلع يقول تطلعين ولا اطلقك اقول اذا طلقتني طلعت هذا بيتي ، واجلس واكشخ وادلع واعيش جو عزابيه مع نفسي بس يعني شيء واضح اني مرتاحه مع انه اذا زعل كني جدار حتى طبخي ماياكله ينام يطلع يرجع ينام بس الفرق انو كذا ثلاثه اربعه ايام يجيب ورد ويعتذر وتنتهي المشكله ، حاليا كل ماصارت مشكله استغل اني عند اهلي وتركني يبي يعيد حركات اول وفي هالحاله اعرفه لو امووووت امووووت ماكلمني عكس لما اكون عنده وخلاص استمر في مسلسل الهجر وهو الغلطان يعني كان في مشكله ومد يده دفني ومسكني بيدي وجرحها ب اظافيره وانا عاد انهبلت كلش ولا مدة اليد تغبني المهم انو تخاصمنا وكالعاده هدد بالطلاق قلت له ابركها من ساعه وخذ بناتك ربهم لانه هددني انه ياخذهم فالرد الطبيعي هذا اجل اترجاه مايطلق عالعموم متعوده لو طق عود بحصاه قال روحي بطلقك واذا رحت وكلموه اهلي قام يألف عليهم شخص متلوي ، المهم رحت عقب هالسالفه وله اسبوع مادق ولا طلق واعرف انه مابيسويها يمكنها المره 32457754 اللي قالها طيب اهلي بعد اسبوع مسافرين برا وبيجلسون اسبوعين مابيبقى الا انا ومابي اقولهم متمشكله اخاف امي تجلس او اخرب سفرتهم ومابي ارجع بيتي احس مالي كرامه وش اسوي 💔😭😭😭 ماقدر اجلس ببيت اهلي مايخلون فيه احد حتى الشغالات امي توديهم لخالتي 💔😭😭😭 مرره متورطه وحركاته اللي تغث لا هو اللي يطلق ولا هو اللي يناقش ويحل مشاكله ولا هو اللي يحشم زوجته ببيته انا اعرف بالبيت اقدر افك الزعله ب اساليب انثويه بس رجعتي قويه مع انو ماقلت له ودني وزعلانه لا رحت لمناسبه عندهم وتركني مليت من هالحركات ويوم ارسلت له متى بتجي قال اجلسي النفس عليك مو طيبه 🌚💔 |
رد: زوجي والهجر الطويل عند الزعل
مرتين ادش الموضوع واطلع...
و قريته و بكيت - رغم انه لا داعي بس لأن جزء منه لكز على جرح... عجيب .. من وين يجيبون هالقساوة؟!! وين الأمان كل ما تمشكلت معاي قالت باطلقج! عبالهم احنا بلوزة .. تلبسها جت مقاسك زين .. مو مقاسك تبدلها أو تقطها أو أو أو ..... التعامل وياهم صعب ، مثل التعامل مع قنبلة .. احذري وانتي تلمسينها .. احذري في أي حركة ممكن تنفجر وتدمر نفسيتج .. التعامل مع الأنثى سهل! بس هم الله يهديهم 😢 ... الله يعينج ويرزقج صبر النبي أيوب و يرزق كل بنت |
رد: زوجي والهجر الطويل عند الزعل
موقف الاهل له الدور الاكبر بهالحالة
|
رد: زوجي والهجر الطويل عند الزعل
برأيي تدخلين أهلك بالسالفة وقلي بجلس بالبيت وخلوا السواق والخدامات بالبيت انا بكون موجودة .. ولزمي عليهم ماتتكنسل السفرة عشانك واذا رجعتوا يصير خير ..
احيانا نتصرف احنا يازعم نحل المشكلة وبدون ماندري نكبرها .. خلي ابوك ع الاقل عنده علم وهو الي بيقرر هو يتدخل او لا . |
رد: زوجي والهجر الطويل عند الزعل
أهلك لا يدرون بشيء
كلمي أبوك يعطيه كلمتين بالعظم عن علوم الرجال والمسؤولية وخليه يقوله بنتي ماني كارهها ولا راميها بس ما ارضى لها حالة التعليق اللي تسويها البنت لها بيت من حقها تسكنه وتستقر فيه مو لعب اطفال كل شوي مشردها مره مره ضروري يهزءه رجل انقهرت عليك والله |
رد: زوجي والهجر الطويل عند الزعل
بعدين المفروض لما قالك النفس مو طيبه
رديتي طيبة أو مش طيبة أنا أبي بيتي مش حلوه بحقك وحق عيالك بيتنا فاضي ومزاحمين أهلي ماعجزوا عنا ولا آذونا بس لازم نحل مشاكلنا الصغيرة مع بعض |
رد: زوجي والهجر الطويل عند الزعل
بعد عمري ي زين انا تبلدت احسه اذا قال بطلقك كنه يقول احبك 💔 اسمعها كثييييرر ماتصدقين كم ،
امين واياك يارب فانتي وغاده وغرناطه اهلي باردين في هالمواضيع ويسوفون وعادي تجلسين عندنا متى ماطاح اللي براسه عادي ياخذك عندهم عيب في حقهم يدقون يقولون تعال خذها وبرضو مايبون يدقون ويسألون عن المشكله اذا هو ماجا واذا جا حلوها سريع وتراضينا وانا ماحب المشاكل اذا جا اسكت حتى لو بقلبي ستين حره بس ابي نكون زي كل العالم مشاكلهم بوسط بيتهم ( نقطة التهديد بالطلاق والضرب ماعمري قلتها لاهلي وهو يعرف انو ماقلت لهم مدري وش موقفهم بيكون بس حاطتها لي من اسباب مطالبتي بالطلاق منه يعني لا جا الوقت اللي ب انهي فيه حياتي بقولهم عجزت اقولهم ماقدر اتخيل ردة فعلهم ولو ابي صلح هالامرين ماحيعدون على خير 😞💔 انا متلخبطه احس اني في دوامه وصداع ماقدر الان اتخذ قرار صحيح وخايفه اقول لاهلي يكنسلون شيء ابوي لو يموت مايخليني لحالي مره حريص مدري والله الهم لاعب بي مرا كلمت مستشار وقالي ابوك لازم يدري ويكلمه كلام رجال وكذا طيب لو عند ب ابوي ومن هواشه له طلق صحيح انو جاني منه مايكرهني بالزواج بس الفتره الحاليه نفستي مو تمام مو جاهزه لاي صدمه نفسيه وقراراتي مو صح كل يوم لي رأي مادري والله وين الخيره فيه الله يختار لي الخيره الطيبه |
رد: زوجي والهجر الطويل عند الزعل
طيب دامك ماتبينها تكبر
تعذري بسفرة أهلك ارسلي له متى تجي أبي بيتي وإلا خلي واحد من أخوانك يوصلك وعشان كرامتك حطي السالفة كلها بسفرة أهلك قولي مابي أنكد عليهم بيستانسون ومستحيل يخلوني بالبيت وهالكلام وبالمناسبة استغلي الموقف بالأيام الجاية وصلي له إن والدك (وصلت معاه) من طريقتنا وأحيانا يحاول يستفسر بس أنا مابيها تكبر وإني خلاص ضايقتهم وأقلقتهم بما فيه الكفايه |
رد: زوجي والهجر الطويل عند الزعل
حسب علمي زوجك استاذ جامعي
يعني انسان فاهم وموثقف وواعي بعض الرجال لايهدد بطلاق الا في امر كبير ومتكرر والهدف منة الردع انتي ذكرتي انة يهدد بطلاق وانة يخليك في بيت اهلك اسابيع ....الخ ولكن لم تذكري الامر الذي دفعة لذلك انتي ذكرتي ردود افعالة ولكن لم تتطرقي الاسباب.الجذرية اذا رغبتي بحل جذري ومتكامل اذكري تلك الاسباب بشكل صريح وواضح لاني ما اعتقد زوج يهجر زوجتة ام بناتة مجرد مزاجية موضوعك هذا والسابق نفس النمط والاسلوب مجرد ذكر ردود افعال مع اسباب مغيبة |
رد: زوجي والهجر الطويل عند الزعل
نوني
ليش ماتبينها تكبر لو مرة وحدة؟ وش اسوا شي ممكن يصير؟ |
رد: زوجي والهجر الطويل عند الزعل
اقتباس:
وهو. لامس هالشيء فيني عشان كذا يضغط على هالوتر لانو يعرف الطلاق مايهمني كثر التعليق ماحب يعلقني اتعب نفسيا مرره |
رد: زوجي والهجر الطويل عند الزعل
اخوانه يعلقون زوجاتهم ويقولون المرأه لا علقتها تطخ !! وانا اقول تنكسر مليون كسر واذا انكسرت عاد دبرها المشاكل تكون اضعافا مضاعفه والنفسيه سيئه طول الوقت والخدمات الاكسترا والدلال وشبيك لبيك اللي كانت تقدم بالسابق بطيب نفس ورضى وحب تنعدم تماما ، مايبقى لك الا واجباتك وممكن بمنه واذى على حسب المود هالشيء يعني مافي احساس بالامان واذا انعدم الاحساس بالامان عند الزوجه انتهت الحياه الزوجيه صارت تمشيها لك بمزاجها واضمن هالشيء من خلال ممارسه علميه
|
رد: زوجي والهجر الطويل عند الزعل
طيب دام انك تعرفي الحل لمشكلتكم ليش حطيتي نفسك بهالموقف؟
كنتي تزعلي بالبيت وما تروحي عند اهلك ببساطة.. ارجعي بيتك وكملي زعل فيه.. واذا بدك اخبريه ان اهلك مسافرين ومابدك تخربين عليهم.. ارجعي بيتك غصبا عن الكل وطنشيه زي ما بتعملي بالعادة.. |
رد: زوجي والهجر الطويل عند الزعل
ماذكرتي لنا سبب المشكله
وليه دفك وليه هددك بالطلاق اللي ذكرتيها كلها ردود افعال لكن ماذكرتي الفعل نفسه |
رد: زوجي والهجر الطويل عند الزعل
طيب ورى ما تسافرين مع اهلك وتخلين ابوك يكله يقولة برغبته انه ياخذك معهم
|
رد: زوجي والهجر الطويل عند الزعل
ما نقدر نحكم كذا ,, انتي ما ذكرتي سبب المشكلة ,, والسماع من طرف واحد مش عدل ,, لازم نسمع من الطرفين ولازم تذكري سبب المشكلة اللي خلته يهددك بالطلاق ويعلقك
معليش بس لا تحاولي تكسبي عاطفة الاعضاء بذكر افعاله معك , اذكري افعالك انتي وسبب المشكلة عشان يكون فيه عدل في الحكم |
رد: زوجي والهجر الطويل عند الزعل
الوحيد
المشاكل عاديه ، بين اي زوجين نقرة ازواج اخر وحده اللي عليها المشكله ابي ايكيا من رمضان معاه وعيا يقول روحي مع اهلك وانا متفقه هو ياخذني وانفعلت وانفعل عاديه مشاكلنا مافيها الشيء الكبير لانو لا انا ولا هو بنسكت ولو انها كبيره ماكان اذا كنت عنده بالبيت راضاني بعد كم يوم بس كلها اختلاف في وجهات النظر ومناقر ازواج وانا اصلا محتقنه منه فماسكت اذا هزأني ولا اعديها على خير اقراء مواضيعي السابقه وتفهم ليش الضرب ، ترى مو كفوف وترفيس والله مايردني الا الشرطه مو بس اهلي لا هو اذا عصب وهو يناققش يمسكني مع يدي ومن قوة قبضته واظافره انجرح خاصه من الذراع او يسحب التي شيرت ويجلس يهزز فيني اواعتبر كل هذا ضرب واهانات واذا كلمته بعدين قال بشرتك حساسه تتاأثر بسرعه واللهي !!!! ويكررر فعل القبضه عند كل موقف مع اختلاف المناطق مرا معصم مرا كاف مرا يد والطلاق يكون متمثل في قول عاجبك ولا انقلعي عاجبك ولا بطلقك عادي التهديد بالطلاق معاد يهمني كذا من يومه حتى على اشياء سخيفه لا تحملين سناب ولا انتي طالق غيري عبايتك ولا تاخذين ورقتك لا ترقصين بالعرس ولا روحي لاهلك واذا صارت مشكله ومشاكلنا عاديه ممكن ترجع تقراها على طول يقول مليت منك وبطلقك انا معاد اهتم مرات اسكت مرات اقوله طلق ابرك الساعات والله بس هالشيء ماعدلني هو اذا عصب كذا ومع انو خذت عليه عهود ومواثيق غليظه من قبل انو معاد تنقال في مشاكلنا لانها سخيفه ويقول طيب ويجيب رضاوي ، بس عند اول مشكله يتبخر يعني هو نظامه بالمشاكل اسمعي كلامي ولا تناقشين ولا بطلقك 🌚 هذي الاسباب متفائل يازمن اهلي بيروحون اوربا يبي لها فيز وحجوزات وكمان موافقه منه عالجواز اني اسافر وموافقه لبناته |
رد: زوجي والهجر الطويل عند الزعل
اقتباس:
|
رد: زوجي والهجر الطويل عند الزعل
اقتباس:
|
رد: زوجي والهجر الطويل عند الزعل
ياعمري الله يسعد قلبك يانوني
الحل انه يطور من نفسه ومن شخصيته يعرف يكون مسؤول وناضج |
رد: زوجي والهجر الطويل عند الزعل
بعض المواقف عاديه .. بس لجوئه للتهديد بالطلاق امر غريب .. انا اللي اعرفه ان هذا سلاح المرأه الفتاك .. !!
انا اعتقد والله أعلم انك ما تستمعين لشوره .. فهو يبي يمشي كلامه غصب طيب وما عنده غير موضوع التهديد بالطلاق .. كيف ردودك عليه لما تبغين منه شي يرفض .. هل تناقشينه واذا كان كلامه صحيح تبدلين رايك او انك اتضلين على رايكك وتبين تمشينه عليه غصب طيب .. المفروض وقت زعلك تجلسين في بيتك .. ما تروحين .. بيقولك روحي قولي له هذا بيتي وين اروح .. اذا رحت لأهلي بيدرون وتكبر المشكله .. زوجك يمكن انه من النوع الاول اللي قلت لك عليه .. او انه من النوع الثاني .. اللي اذا زعلتيه لازم تراضينه .. واللي اذا زعلتي منه بعد انتي لازم تراضينه .. صعب التعامل معاه ومتعب .. ولكن شوي شوي مع الايام راح يتغير ... اذا تبغين راحة البال .. بادري بالاعتذار حتى لو انتي غلطانه .. اهم شي ان المركب يمشي للامام بغض النظر عن الطريقه .. لابد واحد منكم يقدم تنازلات .. وبما انك انتي حلقة الوصل بينا وبينه .. فأنا اقول لك قدمي تنازلااات ... واذا حابه ترجعين .. قولي له ان اهلك مسافرين وبتسافرين معاهم بما انك ما تبيني فانا مابغي اقعد في البيت لحالي .. راح يجي يرجعك ان شاء الله .. بس حاولوا تضعون حد لهذه المشكله .. لانه كثرة التهديد بالطلاق من اي من الطرفين يفقد الطرف الاخر احساسه بالامان .. ويحسسه بانه ماله قيمه عند الزوج الاخر .. |
| الساعة الآن 06:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©