|
هل أرفض ولد خالي
السلام عليكم ورحمة الله وبركاته كيف حالكم اخواني واخواتي من بعد انفصالي , نصحتني احد من اخواتي ان اوافق على ولد خالي (( الي كان متقدم لي قبل ما اتزوج )) مشكلته : وضعه المادي سيء جدا , حيث والده ما كان يعمل غير اعمال عادية وبسيطة مو هني المشكلة المشكلة ان ولد خالي هذا الشيء اثر في نفسيته جدا هو ما شاء الله الان يعمل واثبت شطارته لكن احسه ( يبي يطلع حرة الحرمان ) صار يهتم بالكماليات وكل شوي يبي يروح السوقghtب ودائما يقولي انا المسؤول عن اسرتي وبذات امي هي كل شي بالنسبة لي ابي اعوضها عن كل شي وابيها تسكن معاي , احس عنده عقدة نفسية دايما يحسسني ان يجب علي ان اصرف معاه للبيت وهاي الشي الي ما احبه في الرجل لاني مرة وهو الريال مفروض يصرف علي , هو يشتري كل شي في خاطره ويقولي لا تخسرين فلوسج ghtب وايضا احسه كثير الحركة ومو مستقر نفسيا لكن تقولي اختي هاي ولد خالج بيفهمج ولا راح يظلمج وتقول الاهل احسن لكن انا احس انا مرة ابي ريال يصرف على بيته ومايعتمد علي شرايكم ؟؟؟؟؟؟ |
رد: هل أرفض ولد خالي
ان كان لا يعيبه شئ في دينه واخلاقه وافقي
اما المسائل المالية تحل بالتفاهم اقل لك شئ ستجدين نفسك تصرفين دون ان تشعري زوجي لا ياخذ من راتبي شئ واجد نفسي اصرف ثلاث ارباعه اواني تحف العاب لاولادي ملابس ستائر سجاد يعجبني شئ اشتري |
رد: هل أرفض ولد خالي
شكرا للرد أتمنى ردود اكثر
|
رد: هل أرفض ولد خالي
نظرتي لة حسب كلامك ونعم الرجل
ولكن بناء على كلامك وافكارك حتى ملاحظتك على بره بوالدته وهذا من اكبر الحقوق علية انا اشوف ان تتركينة كي يبحث عن افضل منك |
رد: هل أرفض ولد خالي
شكرا على الرد
أخي انا ماعندي مشكلة انه يبر أمه بلعكس بحطها على راسي لكن هو قال لي لازم تشتغلين وتساعديني المشكلة أن المرة يمكن تمرض وماتقدر تشتغل وهو يشتري لنفسه كل شي وبالمقابل يطلب مني أن لا اشتري كل ما اريد |
رد: هل أرفض ولد خالي
لو في شي من البداية مو مريحك لاتكملين
ومسألة القرايب أفضل لا والله إلا ضغوط العايله بتواجهك لو قررتي الإنفصال كل أنثى تحب تحس بقوامة الرجل عليها وإنه قايم بشؤونها إن أعطته شي من راتبها كثّر خيرها وإذا رفضت بالشرع مافي شي يجبرها أما من البداية يقولك ساعديني سلامات طالما منتي مقتنعة لاتكملين مو مهم كلام أختك ولا كلام أي أحد لأن محد بيعاشره غيرك ومبين منتي مقتنعة فيه لا أول ولا الحين لاتظلمينه وتظلمين نفسك معه |
رد: هل أرفض ولد خالي
اقتباس:
|
رد: هل أرفض ولد خالي
اقتباس:
|
رد: هل أرفض ولد خالي
اش اهم عندك الاستقرار الاسري او المادي ؟
هل تضمني تلاقي رجل يستقر معك ويصونك وحتى لو ماديته مبحبه شوي فكري .. ؟ |
رد: هل أرفض ولد خالي
استخيري
وان كنتي موظفه فحطي ببالك راح تشاركين معظم الموظفات يشاركون |
رد: هل أرفض ولد خالي
اقتباس:
بس هو الي دايم يركز على المادة يا اختي انا عمري مافكرت في المادة |
رد: هل أرفض ولد خالي
اقتباس:
هو معتمد علي |
رد: هل أرفض ولد خالي
شلون عرفتي معتمد
|
رد: هل أرفض ولد خالي
اقتباس:
ويتذمر على شغله يقول تعب ,, واحيانا يقولي بعد سوي لج مشروع عشان نحصل فلوس اكثر ويقول انا افكر في المستقبل اعيش في الدول الاوروبية احسه مايحب الاستقرار والله اني ضايعة صدقوني انه ماعندي مشكلة اساعده بس تصرفاته تدل انه ما يهمه تعبي |
رد: هل أرفض ولد خالي
لا تلومينه .. بروحج قلتي انه حالتهم كانت مش ولا بد .. فهو يحاول يعوض نفسه باللي فاته .. ويبي ها الشي يتم بوقت قياسي ..
اما موضوع مساعدتك له ما اشوف انه فيها شي ... اذا الزوج احتاج وزوجته ما وقفت معاه منو بيوقف معاه .. غالبا بعد العرس راح تزيد عليه المسؤوليه وراح يحسب حساب للمستقبل .. اغلبنا وانا واحد منهم كنت العب براتبي قبل الزواج شرق وغرب .. الان تحصليني اعمل جداول للمصاريف والحمدلله تمشي الحياه .. اولا .. استخيري وما راح يصير الا اللي الله كاتبه لكم .. بس انا بوجه عام انصح بالابتعاد عن الاقارب في امور الزواج .. لانه على اقل مشكله بتصير بينكم راح تدخل العايله كلها معاكم من الطرفين .. العمام والخوال .. خصوصا اذا كنتي من النوع اللي ما يكتم اسرار حياته الزوجيه .. |
رد: هل أرفض ولد خالي
اقتباس:
واسلوبك mjk |
رد: هل أرفض ولد خالي
اقتباس:
عادي عندكم تتكلموا مع بعض قبل ما تصير الخطبة رسمي |
رد: هل أرفض ولد خالي
اقتباس:
|
رد: هل أرفض ولد خالي
لا تتزوجينه
|
رد: هل أرفض ولد خالي
استخيري
اذا عيبه بس بماله محلوله اشرطي عليه عدم التدخل بمالج وعدم مساعدته اذا وافق الحمدلله ايضا وضحي له قد ياتي يوم من الايام وتتركي الوظيفه محد كامل ياختي وبالعكس الاقارب افضل على الاقل يعرف عنه كل شيء مو مثل الغريب قد تخفى عليج بعض الامور حتى لو تم السؤال عنه موفقه ـ |
رد: هل أرفض ولد خالي
اقتباس:
هو يحب الكماليات وايد |
رد: هل أرفض ولد خالي
اقتباس:
خبريه حتى لو ماتركتي الوظفه ماراح تساعدينه اذا رفض معناته اخذج علشان فلوسج مو علشانج انتي |
رد: هل أرفض ولد خالي
اقتباس:
|
رد: هل أرفض ولد خالي
اهم شيء خبريه بكلام لطيف علشان مايفهمج غلط
وبالتوفيق لج |
رد: هل أرفض ولد خالي
كلمته في الواتس
قلت له أنه ما اقدر اواصل شغلي لاني ماعدت اقدر صدمني رده قال خلاص حتى انامابشتغل ويقول طفح الكيل انتي مب راضية تفهمين أول مرة في حياتي أجوف ولد خالي بهالاسلوب |
رد: هل أرفض ولد خالي
وعقب مدة قال اوكي اوكي
الله كريم ... ماعليه انا بشتغل وبدير بالي عليج |
رد: هل أرفض ولد خالي
استخيري الله ، وضع في بالك انه ممكن ما تأتيك فرص اخرى ( ممكن حالهم اقل من حاله او مثل حاله ) وانه ممكن يبحث عن غيرك ويتزوج .
|
رد: هل أرفض ولد خالي
آخر كلام كان بينا
قال لي أنا حاليا بس أفكر ابني بيت حق امي وأبوي واساعدهم واحقق طموحهم اذا انتي تبيني عليج تنطرين وايد وقال أتمنى أنج تشتغلين |
رد: هل أرفض ولد خالي
اقتباس:
يعني قصده ماراح يتزوج حاليا اللين يبني بيت لااهله |
رد: هل أرفض ولد خالي
اي ...........
|
رد: هل أرفض ولد خالي
طيب الى متى
كم سنه تصبرين وهل اذا صبرتي ورديتي الخطاب مايتغير رأيه ـ |
رد: هل أرفض ولد خالي
اقتباس:
وقال بعد ابي أسافر واسفر اهلي وسامحيني اذا في يوم جرحتج |
رد: هل أرفض ولد خالي
وانتي وش رايج بالموضوع
ـ |
رد: هل أرفض ولد خالي
والله انه نزل دموعي
انا حتى ماعندي مشكلة اساعده بس بحدود هو مشكلته يبي يسوي كلشي يعني بشكل مبالغ احسه يبي يسوي حق اهله وحتى اهوة احسه صاير يهمه الكماليات والفلوس اكثرمني |
رد: هل أرفض ولد خالي
ايه الله يعينك ، شكله كثير يحب الكماليات .
|
رد: هل أرفض ولد خالي
طيب ياقلبي هدي حالج
والخيره فيما اختاره الله ان كان فيه خير لج الله يكتبه وان كان غير ذالك الله يصرفج عنه هل تتوقعين اذا وافقتي وصبرتي راح تتم الملكه والزواج يكون بعدين او تضل فقط خطبه وهذي مشكله ويحتاج تفكير على الموافقه عليها لان بناء البيت يحتاج الكثير والكثير قد تصل الى 10 سنوات وهني يمكن يكون تغير رأيه فيج وانتي تكوني صبرتي على ولا شيء والضحيه انتي لهيج فكري زين وهو ايضا لازم يحدد هل يريد الزواج او بده يبني بيت واذا بده يبني بيت ليه خطب وتقدم لج شنو الاسباب ؟ ـ |
رد: هل أرفض ولد خالي
اقتباس:
لاني موظفة وهو راتبه حق اهله وفوق هاي مافيه قناعة |
رد: هل أرفض ولد خالي
يعني احتمال اخذج علشان راتبج فقط مو علشانج
خلاص استخيري وفكري من جميع النواحي واذا مو مقتنعه فيه ارفضيه وربي يعوضج وادعي الله ولاتنسينا معاج الله ييسر امرنا وامرج يارب ـ |
رد: هل أرفض ولد خالي
تم الرفض
أتمنى إغلاق الموضوع |
رد: هل أرفض ولد خالي
يغلق........
|
| الساعة الآن 10:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©