|
زوجي وسفره الى مدينة زوجته الثانية
السلام عليكم ورحمة الله وبركاته
كل عام وانتم بخير زوجي سافر في يوم 8 رمضان للمدينه اللي ساكنين فيها اهله وزوجته الاولى عسى ربي يحفظه ويرد بالسلامه خلوني افهمكم نظامنا انا وهو كل سنه رمضان العام الماضي كان اول رمضان لنا سوا بداية رمضان يقضيه هنا والنص الثاني عند اهله والعيد يكون عندهم وعيد الاضحى يكون هنا وهكذا يعني المهم.. زوجي اظطر انه يروح في يوم 8 رمضان لان ابو زوجته الاولى تعب حيل فجأه الله يشفيه ويقومه بالسلامه وراح لهم عشان ياخذهم للمنطقه اللي فيها ابوها وراحو يوم 9 حتى ماطولو لانه كان حيل تعبان عسى ربي يرفع عنه كل بلاء ياطويلين العمر زوجي قبل مايروح قال لي السموحه وانا اظطريت اروح والمفروض اروح بعد اسبوع او 10 ايام بس انا والله قلت له مسموح وعذرك معاك بس قال لي قبل مايروح ترا احتمال ام فلان والعيال تقعد عند اهلهم لين عيد الاضحى وبروح اجيبهم لان اجازة الصيف طويله قلت براحتك انا استغربت ياجماعه وما ادري هو بيجي هالفتره مع اني اشك في جيته وخصوصاً الحين هو قال انا بجي بس طبعاً ماحدد متى ولا ابي اسأله متى بس اللي عرفته ان الدراسه بتكون في نص ذو الحجه يعني اذا مثلاً قلت انه جاء هالفتره طبعاً مابيعيد هنا مثل خلق الله لان العيد يوم 10 ذو الحجه والدراسه 17 او 18 مو متأكده يعني متى يمدينا نعيد سوا ومتى يروح يجيبهم لانه لازم يجيبهم قبل المدرسه بفتره عشان ع الاقل يضبطون امورهم وكذا الحين اللي ابيه منكم تساعدوني بمشورتكم هل افتح معاه الموضوع واقوله يوضح لي كيف بيكون النظام ولا اسكت يارب تكونون فاهمين علي احس كلامي محيوووووس تم تعديل العنوان ليتناسب مع المضمون |
رد: عطوني حلول
مافيه مانع تفاتحين زوجك الي بصدرك وتقولين له يابوفلان هل راح تعيد عندنا بالاضحى او لا وقولي حنا نبغاك تجي وتعطينا من وقتك مثل ماتعودنا ...! بكلام طيب وزين ومع دعاء ان الله يسهل امره ويشرح صدره ....!
|
رد: عطوني حلول
انا مع رأي المتواضع
|
رد: عطوني حلول
جزاكم الله كل خير على كلامكم
بس ماعرف كيف افتح معاه الموضوع وفي نفس الوقت احس إني منزعجه نوعاً ما من هالأمر |
رد: عطوني حلول
هالحين تسئلين الاعضاء بطريقة
غير مباشر هل هو بيجي بالعيد طيب هو بكبرة ليش ما توجهبن السؤل لة ليش بينكم حواجز وعقبات؟ بعدين انتي تبين كل سنة مثل الي قبلها لاتنسين الظروف لها احكام وتغافل يمدحونة |
رد: عطوني حلول
بس تعرفين ان زوجج يتضايق من سؤالج
وما يعطيج اجابة! فهل تغير و صار يتقبل ؟ |
رد: عطوني حلول
اقتباس:
مو سالفة حواجز وعقبات بس انا انسانه احب السلام مابيه يحس قاعده تسأل عشان تضغط علي وانا مو كذا ابداً ايوه اخوي بذات في مناسبات مثل كذا ايوه ابي كل سنه مثل قبلها لأن كلها عيدين في السنه اذا بتساهل فيها بيهون عليه الامر بنتي بتكبر واذا تهاون هو في هذا الموضوع بتحس بفقده اكثر مني وخصوصاً في عيد ولا انا غلطانه |
رد: عطوني حلول
اقتباس:
أهلاً حبيبتي زين تصدقين والله احس بطاقه ايجابيه من اشوف رد من ردودك انتي وكذا اسم في هذا المنتدى يازين صار يتقبل نوعاً ما تعرفين متى.!!؟ لما صرت ما اسأله بتعمق شديد وصرت اطنش فوق ماتتصورين |
رد: عطوني حلول
اقتباس:
............ |
رد: زوجي وسفره الى مدينة زوجته الثانية
عروس الروض ...
مافهمت زوجك ودى زوجته لأهلها طيب هو فين حالياً عندك ولا عندها؟ بعدين انتبهي انتبهي زوجك معدد ومو حاس انه معدد تاركته ع راحته وبكره ياقلبي بعد 5,10,15 سنه بتعيشي كذا مااعرف احس لازم لازم لك وقفه معاه لو تدخلي اهلك ياخذك مكان مايروح يسكنك مكان مايسكن زوجته اطلعي ع موضوع الأخت إبتسامة ورد بكرة يتعود ع دا الأسلوب ومايرضى بغيره ويصعب عليك تغيره اتمنى من كل بنت تكون زوجه ثانيه من ظمن الشروط الي تحطها إنها تسكن معاه في نفس المدينه الي زوجته فيها ويوم لك ويوم لها معليششش ونقول زاد التعدد زاد لأنهم متساهلين فيه وفالينها ومايخافو الله في بنات الناس الي يبغو يعيشو عيشه كريمه |
رد: زوجي وسفره الى مدينة زوجته الثانية
أحس بدري تسألينه هالسؤال الحين
ماتدرين مين يعيش ومين يموت لذاك الوقت وزوجك صار له ظرف خرّب عليه إتفاقكم وبما إن أبو زوجته تعبان توقعي الأسوأ ع العموم المفروض تكونون بمدينة وحدة ليه هالتشتت! |
رد: زوجي وسفره الى مدينة زوجته الثانية
اقتباس:
بس مو عارفه كيف اتصرف بخصوص عيد الاضحى هل اكتب له رساله تتضمن فيها سؤالي عشان اعرف جوابه او اتركه وبخصوص اني اسكن معاه في منطقة زوجته اهو اقترح علي كثير هالشي بس انا مابي مابي ابعد عن اهلي ما اقدر والله يعني هذا شرطي انا اني ابقى بمنطقة اهلي |
رد: زوجي وسفره الى مدينة زوجته الثانية
انا ما اقدر اعيش بمدينة بدون اهلي
ما اقدر والله.. انا ودي انه يكون شهر هنا وشهر هناك كذا مايكون في اختلاف ابد بس مشكلة زوجي انسان داخليلاً احس ماعنده استقرار حركي ومايحب يقعد بمكان واحد وهذا الكلام قالته لي امه قالت من وهو صغير هذا طبعه بس طبعاً هالشي متعب لي ومرهق انا افكر بالسنين الجايه صعب هالشي وعلماً ان زوجي حالياً بدون شغل مره مره متعبني هالامر هو المفروض يكون اساس شغله بمنطقتي بس احس انه متردد لأن هذا الشي بيمنعه من فرفرته وبيقيده واحس انه يماطله كثيييير انا كنت انزعج منه وانصحه الا شغلك يافلان اشتغل بأي منطقه مو مشكله بس مو تبقى بدون وظيفه كذا |
رد: زوجي وسفره الى مدينة زوجته الثانية
ابتسامة ورد تتمنى ينقلها مكان سكنه
وانتي يطلبك وترفضين!! سبحان الله خلاص اجل تحملي الشتات نفسي اعرف سر تمسك بعض النساء بالبقاء بجانب اهلها خلاص يا اختي تزوجتي تروحين مع زوج وتزورين اهلك اما تجلسين جنب اهلك وتبين زوجك اللي يزورك صعبه دامه قرارك تحمليه |
رد: زوجي وسفره الى مدينة زوجته الثانية
كلن وله ضروفه
انا بزواجي الاول بعدت عن اهلي وتشتت كثيييييير وماعندي النيه اعيد التجربه وخصوصاً ان زوجي ان احتمال وظيفته تكون بمنطقتي إبتسامة الورد ياليت اتواصل معاها بستفيد من خبرتها وتجاربها الكثير |
رد: زوجي وسفره الى مدينة زوجته الثانية
هذا مو موضوعي اسكن في اي منطقه
موضوعي ابيكم تساعدوني كيف اقول له هذا الكلام بخصوص العيد زوجي انسان يكره النقاشات وانا اكره فيه هذا الطبع اي موضوع اذا تناقشنا فيه غالباً مايتم والموضوع اذا كان فيه حق من حقوقي وطلبته بوضوح بدون لف ودوران غالباً يقبله كيف اتصرف معاه |
رد: زوجي وسفره الى مدينة زوجته الثانية
بسيطه دامه يتقبل الحقوق
قولي يافلان انت عيدت عند زوجتك من حقي انه تجيني من اليوم الفلاني الى بعد عيد الاضحى اشتقت لك وحبيت اذكرك بحقي الي عليك وسالفة السكن زواجك الاول كنتي بدون اطفال لذلك تقولي كنت مشتته بعد وجود الاطفال رح يتشتتو أطفالك وتضيع حقوقهم وحتى تربيتهم فيها شتات مارح تحسي بدا الشي الا لما تنجبي اكثر ولما يكبرو اكثر ودام الموضوع بيدك الان لا تتركيه حتى يفلت من يدك غداً وان شاء الله ماتتذكري كلامي وتندمي |
رد: زوجي وسفره الى مدينة زوجته الثانية
الحل ان تنقلي انتي وبنتك لمدينة زوجك وتساعديه في لم الشمل,
وبكذا بنتك تقدر تشوف ابوها باستمرار وتتعرف على أخوانها... |
رد: زوجي وسفره الى مدينة زوجته الثانية
يعني زوجك بيقعد معها عند اهلها كل المدة هذي ويمكن من كلامه انها بتجلس لعيد الاضحى وهو معها ..سؤال ليه مايخليها عند اهلها طيب في الوقت اللي المفروض هو عندك هو يجي عندك عشان يعدل بالايام يعني مو عذر هذا..ثم من العدل ان يعوضك ايام رمضان اللي المفروض كان فيها عندك وقعد فيها زيادة عندها..الحق حق..الا اذا انت متنازلة من عندك هذا شي راجعلك..انت اعرف بزوجك
|
رد: زوجي وسفره الى مدينة زوجته الثانية
اختاري
اما اهلك او حياة مستقرة اما تبين حياة مستقرة بمدينة اهلك ومع زوجك ماينفع ياعروس انتي شوي تتصرفين بانانية ولا تزعلين من وقت ماتتزوجين انتي انسانة مستقلة تماما عن اهلك.. زوجك مررة مسايرك بموضوع اهلك لكن الوضع ماراح يستمر كذا مهما حاول يسدد ويقارب صعب يمشي نظام حياته ونظام زوجته وعياله وكذلك نظام حياة بنتكم على رغبة عروس بقرب اهلها انتي تشوفينه معقول؟ هو مايقدر يقطع نفسه.. عنده التزامات وانتي راعي هالشي اما تبين تبقين عند اهلك وهو عنده اسرة ثانية وشغل بمكان ثاني ولاتبين ولا شي يتغير مايصير قد يطقها بوجهك بيوم من الايام بطريقة ما.. اذا حبيبك عسل لا تلحسه كله اذا هو راضي بجلستك بمدينة ثانية لا تستغلين هالشي وتخربين على نفسك نصيييحة وترا البعد يقسي القلب غصب ومسؤولية بنتك بتكبر.. وهو ماراح يحس بهالشي وهي بعيدة مستقبلا.. بتلاقين نفسك شايلتها لحالك وفوقها نص درزن بزران كل هذا ماراح يكون شعور سهل ابدا انتبهي كله ممكن يصير |
رد: زوجي وسفره الى مدينة زوجته الثانية
قولي يا ابو فلان طال عمرك انا والبنوته
اشتقنا لك ان شاء الله ذا العيد بتكون معنا بس اصبري لمن يقرب العيد لانه غالبا سبحان الله مايصير الشي اللي متعود عليه الانسان ربما ياتيك بدون نقاش بس طولي بالك |
رد: زوجي وسفره الى مدينة زوجته الثانية
اقتباس:
أتمنى ذالك اتمنى يصير بدون نقاش لأني صرت اكره النقاش لانه ينتهي دائماً ضدي.. |
رد: زوجي وسفره الى مدينة زوجته الثانية
اقتباس:
هلا عزيزتي طبعه مستفز احياناً لما اطلبه شي مايقول شفهياً اوك حاضر او طيب لا يقول انا بشوف المناسب مابي حد يملي شي علي وبعدين عادي يسوي اللي انا ابيه طيب يا اخي قول اوك وانتهينا ليه حرق الاعصاب هذي والله يا متفائله انا نفسياً ماني قادره اعيش في مكان ماني متربيه فيه.. منطقة زوجته كلللللللل اللي فيها اهلهم واقاربهم انا مالي حد خير شر انا هنا عند اهلي احس اني متماسكه واحس بقوتي هناك ما اظمن كيف بتكون حياتي ولا نفسيتي تخيلي تشوفين كلللللل اللي حولك مع اهلهم وحبايبهم وانتي غريبه عنهم !!! صعب والله ادري بتقولين بتتعودين تالي بس والله ما اقدر مع ان اهل زوجي بفضل الله يحبوني وزوجات اخوانه يحبوني.. بس اعيش بينهم ماني متقبله هالشي وتحسبون ماني شايله هم بنتي اذا كبرت وربي رزقني بغيرها اكييييد ودي تكون ليل نهار قريبه من ابوها واخوانها بس شي فوق طاقتي يعني مستقبلاً لو يكون نظامنا شهر وشهر مو كويس !!!؟؟ اقلقتيني يا متفائله ..💔 |
رد: زوجي وسفره الى مدينة زوجته الثانية
اقتباس:
ماعرف السنين الجايه شنو مخبيه لي عساه تكون خير وسعاده بس شي فوق احتمالي وطاقتي والله العظيم يمكن تقولون ابالغ بس والله هذا انا |
رد: زوجي وسفره الى مدينة زوجته الثانية
اقتباس:
هو كذا قصده انه بيخليهم وبيجي في هالفتره يعني بس مابيه يجي الحين وحنا تونا نص شوال وباقي ذو القعده كامل بعدين مابيه يفاجأني نعيد يوم يومين ويقول المدارس قربت لازم اجيبهم كذا قرف ماصار عيد انا ودي انه يقعد مده هناك عادي بس يجيبهم معه عشان خلاص هم يكونون في بيتهم قبل العيد والمدرسه وحنا نعيد براحتنا ومايكون وراه شي انا صعب علي اااه يارب احس محد فاهمني 💔 |
رد: زوجي وسفره الى مدينة زوجته الثانية
دامك اذا طلبتيه يقول اعرف ايش اسوي ماعليك قولي له وماعليك من ردة فعله اهم شي وصله انك تبغيه يجيك قبل المدارس بفتره
وبعدين ايش المشكله لو عشتي معاه فترة الدراسه والاجازه كلها عند اهلك تعرفي ع جارات وكوني صداقات والاجازه ارجعي لاحضان اهلك انا حاسه فيك لانه اهلي بعيد عني والمنطقه الي انا فيها فيها اهل زوجي فقط وكل المناسبات كنت احس اني غريبه وللأمانه رغم مرور سنين طويله الا اني لازلت احس اني غريبه لكن مصلحة اولادي فوق كل شي وبرضه ليه اعفي زوجي من مسؤليته تجاهنا ويتعود ع كدا والله حبيت انصحك فقط اهلك خليهم للإجازات وباقي الايام اجلسي مع زوجك في بيت مستقل لك وماعليك انه المنطقه فيها اهله وجماعته اهم شي انتي كوني علاقات بترتاحي |
رد: زوجي وسفره الى مدينة زوجته الثانية
حبيبتي تسلمين لي من ذوقج ❤🌼
. نظام شهر و شهر مو كويس على قولتج لان شدعوة يعني خلال هالشهر كامل انتي ما بتحتاجينه ؟ وإذا هو عندج شهر كامل اهله ما بيحتاجونه ؟ غياب الزوج والأب فترة شهر مو شوية! سبحان الله ممكن أي بيت يحتاجه بشكل طارئ.. بس لما تكونون قراب من بعض افضل بوايد باقول لج شغلة ، آنه ساكنة مع زوجي في منطقته هو بل إن آنه اهلي في محافظة وآنه ساكنة في محافظة ثانية و بعيداً عن اهلي يعني صح فرق المسافة ما اتصور فيه مقارنة بيننا و بينكك لان بين بيتي و بيت اهلي ربع إلى ثلث ساعة بالكثير وفوق هذا عندي سيارة.. لكن مع ذلك الأمر وايد ممل و مرات وايد ما اروح بيت اهلي وودي لو احد يوديني لان مو حابة اروح بسيارتي بروحي كل هالمسافة و هني في منطقتهم كلهم اهل و حبايب و يعرفون بعض وآنه الغريبة بينهم.. بس شوي شوي تأقلمت مع اهله صرت لما امل شوي اروح عندهم .. او اكلم اخوات زوجي يجوني البيت و جذي يعني بس احسن من ان اكون بمنطقة وهو بمنطقة ثانية! جذي متى ما احتجتينه تلاقينه عند ويهج * ملاحظة : مسافة ربع و ثلث ساعة بالنسبة لنا كبلد صغير نشوفها وايد ... |
رد: زوجي وسفره الى مدينة زوجته الثانية
اقتباس:
ايه انا غالباً ماعلي من ردة فعله اذا ابي شي حتى لو قال انا اعرف شنو قاعد اسوي اقول طلبي كذا بوجهه لأني دايم اقول بنفسي الرجال مايستحون ولا يلفون ويدورون اذا يبون مننا شي ويعطوننا بالوجه.. فصرت اسوي نفس الشي بس مع شوية ذوق وادب.. بداية زواجنا اقول فشله اطلب منه فلوس.. الحين والله اطلبه والمبلغ اللي انا ابيه.. ولما يطلع الفلوس من جيبه بيعطيني مبلغي اغافله واسحب من يده باقي الفلوس بخفة دم يعني وعادي يضحك وانا كنت مثل الغبيه على بالي كل ماسكتت في طلبي بيقدم اكثر اثاري الرجال ابداً مو كذا.. بخصوص السكن.. ااااه حرام عليكم حركتو بصدري موضوع كنت متغافله عنه حالياً ماقدر ماقدر مااااقدر واللي رفع سبع سماوات ما اكذب عليكم من اللي شفته بتجربتي الاولى يخليني مستحيل ابعد عن اهلي.. على الاقل في سنيني الاولى مع ابو بنتي يمكن بعدين ربك يحلها ويتعدل الوضع والله العظيم ودي تكون مسأوليتنا ليل ونهار عليه واكيد افكر في مصلحة بنتي قبل مصلحتي بس انا احس نظام شهر كويسه ادري انه مستحيل طول شهر مابحتاجه بس ع الاقل افضل من الحياة العشوائيه اللي نعيشها صح ولا لا ؟؟ تخيلو يقعد عندهم فترة عشرة ايام او اسبوعين وفجأه القاه داق علي فلانه انا جاي بالدرب خير خير خير غلط كذا يالحبيب انا مو متأهبه وبنتي وبيتي وكذا يعني حتى انه احساناً يدق يقول انا جاي وانا اكون طالعه مع خواتي يعني الوضع عشوائي عرفتي كيف لو انتظمنا شهر بشهر افضل واذا لا سمح الله صار طارئ ذيك الساعه معذور |
رد: زوجي وسفره الى مدينة زوجته الثانية
اقتباس:
ادري والله نظام شهر وشهر مو حلو ولا انا اتمناه يازين بس تقبلين نظام شهر وشهر ولا الوضع العشوائي اللي وضحته في ردي على متفائله..؟!! |
رد: زوجي وسفره الى مدينة زوجته الثانية
قانون المنتدى يمنع
الكتابه باللغه الانجليزيه في اقسامه العامه عدا ماتقتضيه الحاجه في الاقسام التقنيه والطبيه اداره المنتدى |
رد: زوجي وسفره الى مدينة زوجته الثانية
عن نفسي ؟
ما اتقبل الوضعين.. لا العشوائي ولا نظام شهر و شهر... ترى حبيبتي بعيد عن العين بعيد عن القلب وفوق هذا بيتعود ان طول الشهر انتي شايله مسؤوليتج ومسؤولية بنتج... انزين لما يقعد هناك اسبوعين يجي عندج شكثر يقعد ؟ |
رد: زوجي وسفره الى مدينة زوجته الثانية
الراحه الزايده من مسؤوليتك بتشجعه ياخذ الثالثه
|
رد: زوجي وسفره الى مدينة زوجته الثانية
اقتباس:
كل هالكلام انا اعرفه اللي بعيد عن العين بعيد عن القلب.. وبيتعود يخفف مسأولية مني كل هذا اعرفه بس حلي مو إني انقل لمنطقتهم ابداً ابداً ابداً.. وبنسبة للمدة اللي يقعدها احياناً اكثر من ثلاث اسابيع وحتى شهر وحولها كذا |
رد: زوجي وسفره الى مدينة زوجته الثانية
اقتباس:
الراحة الزايدة بتشجعه ياخذ الثالثه وفي يقولون خففي عليه المسأولية عشان مايتزوج عليك كل هذي مجرد احتمالات يحددها رب العالمين مو حنا |
رد: زوجي وسفره الى مدينة زوجته الثانية
اختي عروس الروض
عادي جدا انتي مرررا مكبره الموضوع او انك خايفه مم ردة فعله وتتحاشينها خايفه يجرحك جوابه قوليلها بوضوح ترى يهمني تكون عندي بالعيد نبي نفرح فيك قوليها بضحك بفرفشه او برومانسيه حسب نظام زوجك يجي بأي اسلوب نقطه مهمممه التقل عنده افضل دامه ماشاء الله شهر بشهر يعني يعدل معناه لو صرتي بمنطقته راح يعدل ومامنه خوف التجربه القديمه مالها دخل بحياتك حاليا غير كذا راح يجي يوم بتحسين انك ثقيله عند اهلك خصوصا لو كبرت البنت وصارت بالمدرسه ترى مسؤوليته نصيحه روحي من الآن يبغالك فتره لين تتعودين ع المكان والوضع الجديد الله يوفقك |
رد: زوجي وسفره الى مدينة زوجته الثانية
انا ماحسيت بالتعب
إلا الان بعد مابدأو يكبرون عيالي جدا جدا تعبانه تعود ع الوضع وصار كل مره يتعذر بشي جديد واحيان يقول بينقلنا التردد هذا سببه التعود كلنا نصحناك نفس النصيحه شوفي اللي يناسبك وربي ييسرلك الخير |
رد: زوجي وسفره الى مدينة زوجته الثانية
اقتباس:
والعذر بينه وبين نفسه بيكون... اللي دبرهم ومشى مسؤوليتهم وهم صغار يدبرهم وهم كبار الموضوع هذا اللي نحكي عنه رابط عائلي مايجي فجاة ويبنى بالتدريج وعلى مر الوقت والسنين لين يصير لاشعوريا وبدون تفكير يحس بالمسؤولية بدون ماتذكرينه ولا تزنين عليه ودامه قال لك انه بيسوي اللي براسه مهما تكلمتي.. فرصتك دامك عرفتي مفتاحه لان حكيك بالوقت الجاي مابينفع.. لكن شعوره انه مسؤول منكم كزوجة واولاد بينفع عالاقل حد ادنى.. ووضعك الحالي يمنع هذا نهائيا لذلك عودي نفسك وعودي زوجك قبل مايصير باب لتعقيد الامور اللي من الحين اصلا تعقدت بس لاتجرينها لاشياء اكبر.. وانا والله ما ابالغ لذلك لا تنصدمين بعدين لين شفتي اهلك كلهم لاهين بحياتهم ومشغولين وانتي صايرة ام واب وشايلة شي اكبر منك مهما احتفوا بك وحسسوك انك خفيفة عليهم مالك الا بيتك |
| الساعة الآن 07:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©