|
زوجي ونومته برى البيت
السلام عليكم ورحمته الله
انا متابعه للمنتدى منذو فتره ومن اشد المعجبين فيه لتعاون الاعضاء وردودهم العقلانيه بس توي اسجل لان عندي مشكله ابي الحكماء يعطوني حل مشكلتي ان زوجي عند اي نقاش حاد يطلع وينام برى البيت اسبوع اسبوعين شهر متى مامل رجع لايهمه عيال ولا بيت ولازوجه يحرجني قدام اهلي بتصرفه هذا تقل مراهق مع ان عمره 36ومتزوجين من 10سنوات انا نفسيا تعبت من اسلوبه صرت احس بعدم الامان احس انه مب رجل لان الرجل يواجه المشكله ويحاول يحلها مب يهرب مت بيته زي المراهق ولاندري عنه وين راح اول مره سواها قلبت الدنيا مابقى احد مادرى احسبه ميت جواله مقفل ومحد يدري عنه اهله مايدرون واخرتها بعد فتره رجع ولا همه الان صارت هالمشكله انا صار لي فتره شهرين وانا اظغط على روحي وامشي كل يوم يطلع مع اصدقاه ويتعشى ويتمشى معهم ومنبسط وانا اقول بكيفه وامشي برمضان شهر كامل ماتسحر معنا الا مرتين فقط كل يوم من اصدقاه ويجلس معهم الا 8الصبح وانا مسكته ماابي وجع راس جاء العيد قلت ان شاء الله بيهتم شوي ويشوفنا لكن ماهمه ابد الا نفسه صار يقوم من صباح الله خير والناس اجازه والظهر يتغدا مع اخوياه ولا يجي لمنا الا المغرب وبعض الايام مايجي الا الساع 1 يروح يتعشى مع اهله او اصدقاه يعني يوميا يتعشى ويتغدا مع اخوياه عايش حياته بالطول والعرض وانا منطقه بالبيت ولاعمره يوم كلف نفسه ودق قال اجيب لك شي قبل لااجي المهم صار قبل امس جاء الساع 1وانا قبل لايجي ادق ولايرد علي يوم دخل بالبيت قلت ابي عشاء ميته جوع قال كولي اي شي ليش طيب انا زيي زيك اشتهى اكل وانوع البيت مافي خضره ولااشترى اغراض لي فتره اقول وكل يوم بكرى انا ماتحملت انفجرت بوجهه وقلت كل اللي بخاطري مب معقوله هو يطلع ياكل مع اخوياه وحنا ميتين جوع ياناكل خبز ولانروح عند اهلي ناكل استحيت من اهلي من كثر ماناكل عندهم بعد ماانفجرت بوجهه طردني من البيت كالعاده وقلت مااطلع من بيتي علشان العيال قام طلع وترك البيت له يومين برى البيت مدري وين ينام طبعا مايروح لاهله انا ادري وش رايكم امانه وش انا غلطانه فيه يوم يطلع ويترك بيته وعياله ويفشلني قدام اهلي و ش سويت انا ماطلبت الا حقي ثانيا مليت من حركته هذي علي اي مشكله يطلع ابي احط حد للحركه ذي اقسم بالله العظيم نفسيتي دمار والسبب عدم اهتمامه وحركة اللامبلاه عنده تكفون عطوني رايكم بحكمه طبعا بالمشاكل الاوله كلمت امه وابوه ولا اهتموا بالموضوع حسبي الله ونعم الوكيل |
رد: زوجي ونومته برى البيت
انا اتفهم ان الرجل ساعات يطلع وقت المشاكل عشان يهدء ومايتهور ويسوي شي يندم عليه
ولكن يطلع كم ساعه ويرجع ولكن اسبوع واسبوعين !!! هذا يدل ان زوجك عايش عزوبيته وماهو مقدر انه رجال متزوج وعده بيت وزوجه وعيال لازم يكون عندهم ويشوف حاجاتهم انا اشوف انك ماتتصلين فيه ابداً حاليا وخلي ابوك يتصل عليه ويجلس معه ويتكلم معه ويفهمه لانه محتاج رجال يواجهه |
رد: زوجي ونومته برى البيت
انا خايفه ادخل ابوي وتوصل للطلاق
|
رد: زوجي ونومته برى البيت
وعليكم السلام ورحمة الله وبركاته
حياك الله أختي .. من الواضح أن زوجك غير ملم بدوره كزوج وأب ورب أسرة .. نحن هنا نسمع منك فقط ولا نعلم ماهي مبررات الزواج ولما هذا النفور من البيت وعدم أبداء أي مسؤوليه تجاهك وتجاه ابنائه .. ومدة 10 سنوات صبر اتوقع طويله جدا بكل أمانه الخطأ يقع عليك كان يتوجب عليك منذ البدايه أيضاح أن هذا غير مقبول ولا يمكن السكوت عنه .. ومن جهة اخرى ابحثي عن السبب الحقيقي بغيابه عن البيت وبمدد طويله وغيابه شبه اليومي عنكم .. اكيد يوجد أمر ما في بيته يزعجه نظافه .. سلوك .. نكد .. رفع صوتك .. عدم أهتمام الخ ومن بعدها توجهي لوالدك وتكلمي معه وأوضحي أنك لا ترغبين الوصول للطلاق أنما تعديل سلوك وأستقرار .. اسأل الله العلي العظيم رب العرش العظيم ان يسخر لك زوجك .، |
رد: زوجي ونومته برى البيت
اقتباس:
المشكلة الكبيرة والاساااسية ان زوجك عايش جو العزوبية ومستمتع فيه.. وضعك صعب اعانك الله.. |
رد: زوجي ونومته برى البيت
طيب من بداية حياتك الزوجية معة
وهو كذا يطلع بكثرة؟ متى بدى يطلع من البيت بهذا الشكل اقصد يترك البيت سبوع سبوعين؟ |
رد: زوجي ونومته برى البيت
شكرا لكل اللي رد على موضوعي
هو بعد ماجبت ولدي الاول سواها يعني بعد زواجنا بسنتين ومن يومها اذا تهاوشنا طلع برى البيت انا اشوف الناس اللي حولي يتهاوشون وتاصل الطلاق بس مايترك بيته يزعل وهو ببيته وبعدها يتراضون وخلاص |
رد: زوجي ونومته برى البيت
اقتباس:
والولد يقولون بعد الزواج غالبا يطلع لابوه |
رد: زوجي ونومته برى البيت
اقتباس:
زوجك مو متحمل جو الاولاد... مش قادر يتعود وهذي الفترة بتكون صعبة عموما.. ما أبررله بس هاد الواقع وهو مزودها حبتين.. لازم تحببيلو جو البيت لانو ماراح يجي بالغصب اكيد.. كم عمر ابنك؟ اهلك قريبين؟ |
رد: زوجي ونومته برى البيت
مافي رجال يطلع ويترك بيته وعياله بمجتمعي انا مافي احد كذا ابد
انا مستغربه كيف يرضى يسوي كذا ان دل يدل على ضعف شخصيته ولا الرجل الحقيقي مستحيل يترك بيته عشان توافه كل بيت فيه مشاكل محد يطلع مت بيته لو مب عاجبه الوضع صابر ومتحمل عشان العيال والعشره انا ماشفت الا هو ومدري وش التصرف الصحيح معه مليييييييت من اسلوبه |
رد: زوجي ونومته برى البيت
هذي النوعية موجودة بكثرة..
وزوجك زي ماقلت مزودها حبتين.. اذا كان في السنتين الاولى من زواجه الوضع جيد.. وانقلب بعد ما جبتي ابنك.. فالمشكلة في جو البيت الي مو عاجبو بسب ضجة الاولاد ويمكن انشغالك بهم عنه وتغير امور معينة فيك .. انتي الي تقدري تقارني نفسك وجو بيتك وتعامل زوجك قبل مايجو الاولاد وبعدو.. انك تقولي مافي رجال كذا و هو مش طبيعي ومن هالكلام ماحيغير الواقع ومش حيحل المشكل وتروحي لقدام.. طبعا هو غلطاااان ومش زي الرجال والمفروض يتحمل مسؤولياته لكن ما العمل؟ ايش الحل؟ تشتكيه عند ابوك مثلا؟ راح يجي يقعد معاك بالبيت لانه خايف من ابوك؟؟؟ اكيد لا.. وحتى لو غصبتيه مايطلع وضل معاكي راح يضل من غير نفس وقالب وجهه ومسكر غليه الغرفة ... وانتي راح تقولي ياريت بس يطلع! ما اقدر اعطيك حل سحري لكن حاولي تحببيه قي البيت زي ماقلتلك وياريت تقولي عمر اولادك، مستواكم المعيشي، عندك اهل.. شغالة.. عشان تقدري تعملي نظام حلو لحياتكم يخفف من حدة المشكلة.. |
رد: زوجي ونومته برى البيت
طب كيف انفجرتي في وجهه ووضحي أكثر قلتي نقاش حاد ممكن تعطينا تفاصيل كيف كان وايش هي الحلول السابقة الي اخذتيها وايش كانت ردة فعله كلمينا عن شخصيته ايش ايجابياته وسلبياته وايش الأشياء الي تضايقه منك عشان نلم بالموضوع ونقدر نفيدك
|
رد: زوجي ونومته برى البيت
اقتباس:
هو بعد زواجي بفتره سكني جنب اهلي وفتح باب بيننا يعني حوشنا واحد عشان على قولته تروح متى مابغيتي لانه هو دايم طالع مايحب يجلس بالبيت من تزوجنا وهو دايم يطلع كنا اول ازعل ليش كل يوم يطلع ويتركني وكم مره اسوي اتفاق معه انه يفرغ لي يومين بس مافي فايده الحين ماهمني طلعاته المستمره اللي قاهرني حركته الاطفال اللي يسويها عندي شغاله ومدلعته على الاخر بس اتمنى يجي نجلس ونسولف ونسهر مع بعض بس هو يجي دايخ وينام ويقوم ويطلع انا اللي مخوفني اكثر بكرى اولادي يمشون زي ابوهم اذا زعلوا منا طلعوا برى البيت مايفكر ان وراه اولاد هو قدوتهم |
رد: زوجي ونومته برى البيت
اقتباس:
طلعت كل اللي بخاطري من شهر مو معقوله رجل رمضان كامل من المغرب للساع 8الصبح وهو برى صحيح كل ماتصلت مع اصدقاه بس الواحد يحط حد لنفسه وراه حرمه واطفال يبون يجلسون معه هو ياكل ويشرب ومستانس واحنا عاله على اهلي كل شي قاهرني فيه قلت قلت له انت تاكل وتشرب وحنا جوعانين ياما تجيب اغراض بيتك ولا تعطينا فلوس نطلب مو على كيفك تبلع وتتركنا انا ثلاث سنين اتمنى لحمه ولا جبتها لو موعشاني عشان عيالك قال مااحبها قلت اشوفك ماتركض تروح تاكل مع اخوياك لحم هو مقتدر ماديا وعنده خير بس مسوي نفسه فقير طردني من البيت وقالي خلي عندك كرامه وانقلعي مت بيتي قلت مو عشانك قاعده قاعده عشان عيالي قعد يلعن علي ويتلفظ وقلت والله ان استمريت كذا باخذ من الصدقات وقام ضربني برجله قمت وتركته مادريت الا يوم طلع بدل مايصلح الامور يخربها اكثر يمكن انا طولت صوتي بس محد بلومني مت جوع ياكل اندومي او صامولي انا لي نفس زيي زيه |
رد: زوجي ونومته برى البيت
هل لاحظتي عليه انه يستخدم أي نوع من المخدرات ؟
|
رد: زوجي ونومته برى البيت
اقتباس:
موضوع خرجاته وطلعاته فيه إن .. وش نوعية علاقته بأصدقاه؟ أو مثل ماسألك أخوي ابو البنات هل يلاحظ عليه تعاطي شي؟ كيف صلاته وعبادته؟ كيف نومه هل ينام باليومين والثلاثة ويسهر مثلها؟ |
رد: زوجي ونومته برى البيت
طيب أختي الكريمة ممكن تردي على باقي الأسئلة الي سألتها في مشاركتي لأنه اعتقد لما نعرف اجابتها بتكون عندنا فكرة أكبر وبنقدر نفيدك وكمان حاب أضيف سؤال تعرفي نوعية الأصدقاء الي بيخرج معاهم ؟
|
رد: زوجي ونومته برى البيت
الله يفرج همك ويصلح زوجك
|
رد: زوجي ونومته برى البيت
الله اعلم مشكلتك في حاجتين
خروجه الدايم لاعتماده على اهلك بسبب قربك منهم وخاصه ان التغيير منه حصل بعد السكن والثانيه هي بخله انت الان عرفت الأسباب الحلول اما تناقشيه بهدوء ويكون بينكم حوار راقي ويتفهمك، اذا لا ويعصب وتكبر المشكله الأفضل تدخلي والدك ويوعيه باللي يسويه غلط وانه انتو مو مقصرين ولكن هو الزوج وهو المسؤول عن بيته واولاده ، وايضا يطلب منه تجنب للمشاكل عند كل طلب انه يوفر للبيت مصروف خاص وانت تشترين منه او ينزل للسوبر مع الراتب ويقضي كل شيء ، اضافه الى مبلغ يناسب ميزانيته يكون خاص لك ولاولادك. |
رد: زوجي ونومته برى البيت
اقتباس:
هوصاحب شقق واكتشفت انه اخذ شقه من هالشقق ويشيش فيها بلحاله اول كان مع شباب بعدين تزاعل معهم وجلس لحاله نومه طبيعي مالاحظت اي شي اسلوبه مع عادي بس مايبي اطلب فلوس حارمني المطاعم مره بالشهر بس هي اللي مسموحه يضايقني بخله دايم منكسره من بخله ودي اطلع مع الناس واجمتمع بس لازم قطات ه. انسان ناجح بعمله يعني كان ولاشي يوم نتزوج وكون نفسه رصار صاحب شقق والحين يعمر بيت ملك له ماديته حلوه جدا اول ماتزوجنا على اساس انه مايدخن لان من شروطي زوجي مايدخن وجلست معه اربع سنوات مااكتشفته اكتشفت بالصدفه لانه محد يدري نهائي حتي اهله متخفي جدا لاحظت بالفتره الاخيره مب دايم ريحه كريهه جدا بفمه بس مالاحظ بتصرفاته شي اصدقاه.جيدين مايشيشون فيه دين شوي |
رد: زوجي ونومته برى البيت
صلاته اول كان مايصلي الت بالمسجد
الحين بالبيت يصلي |
رد: زوجي ونومته برى البيت
اكره بخله ماديا وعاطفيا
مليت اتكلم واناقش معه بالمصروف المشكله وين انه هو يبي يعيشنا براتبه وراتبه يروح ديون لان عليه كم دين عشان العماير حقاته وانا ااقوله مو معقوله تعيشنا على اربع ا و خمس الاف وانت عندك خير يقول مب شغلك انتم لكم الراتب يقهرني بخله حتى اهله ملاحظين بخله وعلبالهم انا معودته على البخل |
رد: زوجي ونومته برى البيت
وين تفاعلكم مع موضوعي 💔
|
رد: زوجي ونومته برى البيت
الله يكون بعونك ويفرج همك
|
رد: زوجي ونومته برى البيت
اقتباس:
بس عندي سؤال هل هو من اول ماتزوجتو وهو كذا ولا له فترة متغير؟ |
رد: زوجي ونومته برى البيت
اعانك الله ويسر اموركم
عندي مجموعة اسئلة: 1. كيف علاقتكم الخاصة ؟ 2. كيف علاقته بابنائكم؟ 3.قد جلستي معه جلسة هدوء ونقاش . 4. متى اخر مرة سويتي له ليلة رومنسية هادئة؟ 5. انتي عصبية والا هادية.؟ اتمنى الجواب بنفس التسلسل وفقك الله واصلح لك زوجك |
رد: زوجي ونومته برى البيت
اقتباس:
العلاقه الخاصه جيده علاقته بابناءه. يراعيهم نفسيا مثلا مايحب نتهاوش قدامهم يحبهم لكن مهمل لهم شوي مثلا اسنانهم تعبانه مايوديهم لدكتوره اقيمه حبه لهم متوسط ياكثر ماجلست وصارحته وقلت اللي بقلبي انا اتكلم اكثر منه والاحقه وهو مطنشني يقولي عاجبك انا كذا ولا شوفي بيت اهلك يطردني علي اي سالفه او نقاش بيننا واول مااقوله بكلمك يقول ملينا نتكلم بلا فايده 10سنين نقاش يحطمني قبل لاابد طيب وش اسوي اذا صرت انا ماعندك استعداد تضغط على نفسك اخر ليله رومانسيه ليله العيد وجايبه له هديه وبنفس اليوم اللي طلع فيه كنت الصبح عازمته على الفطور بمطعم وكان وضعنا ممتاز انا عصبيه وهو قطعه من الثلج |
رد: زوجي ونومته برى البيت
وينكم..
توقعت ردود اكثر من كذا الله يجزاكم خير عطوني حلوول خاصه الرجال |
رد: زوجي ونومته برى البيت
مرحبا اختي الكريمة
تاكد لي ان جو البيت بالنسبة له غير مريح ابدا ولذلك يهرب ويحب الهروب وربما يفضل العزوبية على ان يكون معك. الراه جمالها بهدؤها ورمانسيتها وطاعتها ما فرقها عن الرجل ان اصبحت تعصب وتزبد وترعد؟ يرايي حلي مشكلة النقاش وجلسة زوجك بعدين شوفي موضوع الراتب . واضح ان العلاقة بينكم غير متينة ابدا وليس متمسك بك حاولي تغيرين من طباعك وشوفي ردة فعله واذكرك قول الحق تبارك وتعالى: أعوذ بالله من الشيطان الرجيم: ((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11] |
رد: زوجي ونومته برى البيت
فيه خيوط ناقصة في كلامك
مافي رجال يطلع من بيته الا اذا كان مو مرتاح فيه , راجعي اسلوبك وطريقتك في الكلام معه اثناء النقاش , بعض الحريم ما يعجبها العجب , مهما سوا زوجها ما يعجبها وتبي اكثر وتقارن نفسها بصاحباتها واخواتها بخل زوجك ما نقدر نحكم عليه انه بخل من كلامك فقط , لازم نعرف اسبابه , احتمال شافك مبذرة وتصرفي كثير وحاب يعودك على التوفير , ممكن حس انك طمعانة بالعماير اللي عنده او طمعانة بفلوسه عشان كذا قلك ما لكم الا الراتب , مع انه الـ خمسة الاف تكفي وبزيادة لمدة شهر . وفيه ناس عايشة على اقل من خمسة الاف , زبدة الكلام لازم نسمع منه في قصص زي كذا , صعب نرمي انسان بصفة البخل لمجرد انه احد قال عنه بخيل , بعض الناس يفسر التوفير على انه بخل , بعضهم يفسر انه الواحد لما يجمع من فلوسه عشان عنده هدف يشتري سيارة او بيت , يفسرونه بخل , في حين ان الراجل عنده هدف يبغى يوصله او شي في باله يبغى يشتريه شوي شوي على زوجك وبلاش نكد , راقبي اسلوبك ومصاريفك وطلباتك , انا هنا ما اقول زوجك بريئ , بالعكس يتحمل جزء كبير من الغلط , بس لأنه هنا ما سمعنا الا منك , سوي اللي عليك وبلاش نكد |
رد: زوجي ونومته برى البيت
اقتباس:
طيب انا انسانه ولي قدره اتحمل شي معين انا انسانه لي مشاعر والضغط يولد الانفجار المراه اذا لقت من زوجها الحب والاحترام ويوزان بينها وبين نفسه وطلعاته ويعطي كل شي حقه مستحيل الزوجه بتتهاوش معه او بتدور مشاكل اما عايش حياته بالطول والعرض وانا ولاشي بالنسبه له اكيد مقدر اتحمل مليت |
رد: زوجي ونومته برى البيت
اقتباس:
هل تصرفه معقول يعني كثير رجال مب عاجبهم بيوتهم بس يقدر الحياه والعشره والاولاد مب معقوله يتركنا لاني هاوشته على كذا مافي رجل يجلس ببيته اقاربي تهاوش مع زوجها وكل بس يزعلون داخل البيت مو معقوله على كل وشه يترك البيت ويذلني ويفشلني قدام اهلي ويخلي اتشحد الناس يودوني ويجيبوني ولا يعطينا فلوس ولاشي ليش الظلم انا لو ان اخطيت وهاوشته مو مفروض يسوي كذا تكفون احكم بضمير مستحيل يكون طيب معي وانا ادور المشاكل معه |
رد: زوجي ونومته برى البيت
وين ردودكم
وتفاعلكم ابي حل لمشكلتي |
رد: زوجي ونومته برى البيت
لهدرجه موضوعي صعب ومحد يقدر يعطيني حل
|
رد: زوجي ونومته برى البيت
حبيبتي هدي بالك
ولا تحملي نفسك فوق طاقتها مهما كان بينكم مشاكل المفروض مايعمل كذا الهجر وهو الهجر حده 3 ايام ماله حق يترك بيته بالايام هذا تصرف غريب وغير مقبول ابدا الزواج له قدسية واحترام وانتي زوجة ولك حقوق كثيره بس للاسف مجتمعنا يهضم حق المرأه شوفي رغم انه ظالمك ظلم صريح تلاقي اللي يحملك المسؤوليه ويتهمك بالنكد والمشاكل رغم ان وضعه فعلا يجيب نكد ومشاكل انتي مو مسؤوله عن سلوكه المشين ولو كل زوج عمل مثله كان تفككت البيوت فلا تقسي على نفسك اذا استنفذتني كل الطرق والحلول بالنقاش والطلب وتدخيل الاهل الخ فمالك الا تجاهله دامك حابه تستمري معه وقبل لايطلع من البيت يعبيه اغراض ويروح ان بغى مايرجع ابد قهرني الله يهديه ويعوض صبرك خير |
رد: زوجي ونومته برى البيت
شكرا كنافه بالجبنه على ردك
بصراحه تعبت نفسيا من تصرفاته واخاف ادخل ابوي تكبر اكثر واخاف اسكت واصبر يستهتر فيني اكثر انا محتاره مدري وش اسوي |
رد: زوجي ونومته برى البيت
وين ارئاكم وتوجيهات الحكيمين
هل ادخل ابوي بالسالفه الحين له عشر ايام ينام برى البيت وانا متحمله كل شي تعبت نفسيتي ونفسيت عيالي عطوني حل الله يرضى عليكم |
| الساعة الآن 05:11 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©