زوجي يخونني مع الشغالة
 

السلام عليكم وبعد طول غياب اطرح لكم موضوعي باختصار انا سبق وخانني زوجي مع بنات والحين مع خادمة أهله. .في المرة السابقه واجهته وزبد ورعد ولوى ذراعي وخذى عيالي مني وشعرين ببيت أهلي. .لمن انا رجعت من نفسي ماقدرت على فراق عيالي وبنفس الوقت أهلي الحو علي بالرجعه والصبر. ..والحين اكتشفت خيانته مع شغاله. ..انا اريد حل بعيد عن الطلاق ابي مكيده وطريقه تخلصني من هالحال بدون فضايح لأنه ماأبيه يعرف اني عرفت ابي أخطط وأحسب لكل خطوة أخطيها حساب. ..ابي حل من الإخوان والأخوات وجزاكم الله خيرا

تم تعديل العنوان ليتناسب مع المضمون

رد: يارب وش اسوي خاين ومع مين؟؟
 

السلام عليكم ورحمة الله وبركاته ، الخادمة تتسفر ، بصراحة اشوف انه عادي تقول حق ام زوجك او أهله ، هم بالنهايه أهله ، وراح يحافظون على أسرارهم ما تخرج ، وممكن تحصرين اخبار المشكله مع احد أهله تثقين به، انه ممكن يتصرف ، ومن دون نقل اخبار .

رد: يارب وش اسوي خاين ومع مين؟؟
 

للأسف ماقدر أخبر أهله العلاقه سيئة مع أهله وناس ماتخاف الله ..وهم اصلا يتمنون طلاقي وحرماني من أطفالي. ..

رد: يارب وش اسوي خاين ومع مين؟؟
 

اعوذ بالله من غضب الله ..
الانسان احيانا قد يقع بالخطا بس يرجع يتوب ويندم .. بس واضح انه زوجك اموره طيبه ..
تعدد العلاقات المحرمه ما وراها غير غضب الله سبحانه وتعالى والامراض المعديه والعياذ بالله ..
بالطلاق اختي اولادك تربيتهم تكون لك .. محد يقدر ياخذهم منك .. شرعا وقانونا ..
وعلاقته سيئه معك ومع اهله .. وشو ترجين من وراه ؟ فرقاه عيد

رد: يارب وش اسوي خاين ومع مين؟؟
 

طيب اتفقي مع خادمه تفتن عن هاذي الخادمه ، نفس الوقت انت تحرصين عليها انك تكونين في صفها في حالة أنكروا عليها او هاجموها .

رد: يارب وش اسوي خاين ومع مين؟؟
 

مافهمت خيانة جسدية والا ايش بالضبط
إذا خيانة جسدية ماتمشينها له بالساهل

رد: يارب وش اسوي خاين ومع مين؟؟
 

جيبي كاميرات بالبيت
ووقت مايمسك الشغاله
حاسبيه
يطلقك وتاخذين عيالك او تفضحينه بالمحكمة

اذا ماتبين الطلاق مع اني اشوفه الأفضل عشان الأمراض سوي ماشفت شيء ولاسمعت والله يعينك

رد: يارب وش اسوي خاين ومع مين؟؟
 

الحل يعف نفسه ويعدد دامها وصلت لشغالة خوفا يتطور الوضع الي اكبر

الا على فكرة ليش هو صاد عنك
ويبحث عن هالامور بالحرام
كيف العلاقة الخاصة بينكم هل
تهتمين بنفسك وفية وقت العلاقة
راجعي هالنقطة مهمة جدا

رد: يارب وش اسوي خاين ومع مين؟؟
 

فيه بعد حل ثاني تلبسين ملابس الخدم
واذا مسكك قولي صدتك او كملي اغراء

اتذكر كانو بجيبونها بالنت نوع من التغيير تلبس المرأه ملابس شغاله
وهذا دليل ان في رجال يحب ستايل الشغالات

رد: يارب وش اسوي خاين ومع مين؟؟
 

رد: زوجي يخونني مع الشغالة
 

عفوا اختي ممكن توضحي
كيف خانك مع خدامة اهله؟

لاني اعاني من نفس الشي
تميلح بين خدامة اهل زوجي وزوجي
واشك فعليا ان بينهم شي
لكن ماقدرت المس الدليل

رد: زوجي يخونني مع الشغالة
 

الرجال الي مايخاف الله.. يوم يعرف ان زوجته ماتقدر على الطلاق يزيد في الطغيان..


تلمشكلة مش بالشغالة المشكله فيه..

فرج الله همك

رد: زوجي يخونني مع الشغالة
 

يخونك وياخذ عيالك منك!

وش هالظلم الواضح


واللي تقولها البسي ملابس خدم !!!!


اللي يخون يخون بدووون سبب هذي قناعتي

رد: زوجي يخونني مع الشغالة
 

الشغالة اللي خانك معها مره ثانية منهي؟
شغالة أهله ولا شغالتك؟
بعدين بتفرق لو خانك مع شغالة ولا مع بنات
زوجك مافي قلبه ذرة خوف من الله
من وحدة لوحدة هذا حاله حال المومسات اللي يتنقلون من واحد لواحد
إذا ماخاف على نفسه يخاف عليك من الأمراض يخاف على عرض بناته
نوعية زوجك مايرده الا الشديد القوي هو مستبيع تزعلين ولاتقعدين ماتفرق لأن عنده البديل
عليك بالدعاء وإدعي بيقين إن الله يعصمه عن الحرام وبين فترة وفترة إنصحيه وخوفيه بالله بطريقة غير مباشرة
لاتعاشرينه إلا وماخذه إحتياطاتك لاينقل لك بلاوي
ولاتبحثين وراه ولاتتجسسين عليه في كل سجده إدعي له وبعد كل صلاة وتصدقي بنية إن الله يهديه
لو تدخلين أحد بينكم بتكبر السالفة لو طلعتي من بيتك بيقولك مع السلامة مالك إلا تلجأين للي قلب زوجك بيده
تكلمي مع الله فضفضي إحكي وإشكي وماراح يردك خايبة

رد: زوجي يخونني مع الشغالة
 

رد: زوجي يخونني مع الشغالة
 

اختي هل هومولع بالشغالات ام هي المتاحة امامه لان اذا كانت الثانية يمكن علاجه بالتثقيف من قبلك والتنويع اما الاولى فعوضك على الله
اقول هذا ان اردت الاستمرار معه

رد: زوجي يخونني مع الشغالة
 

نصيحتي راقبيه وحاولي تصورينه ووثقي ادلتك تمام وروحي ارفعي قضية في المحكمة واطلبي الطلاق وحضانة عيالك لانه غير مامون عليهم واطلبي نفقة لهم وهذا الحل الوحيد اللي بيريحك وعيشي حياتك بسلام بعيد عنه ..
واي حل اخر ماراح يفيد مع هذولا اللي مايخافون الله وبتندمين لو قضيتي عمرك في الصبر معه واي حل ثاني هو ضياع للوقت والعمر والاعصاب .

رد: زوجي يخونني مع الشغالة
 

بالنسبه لموضوعك استغرب الي مثل اهلك يقولون لك اصبري ارجعي مافي اتخاذ موقف من ابوك ولا احد اخوانك شيء عجيب صراحه المفروض تادبوه ووتكلمون معه ماترجعين معه الا بشروط

رد: زوجي يخونني مع الشغالة
 

شكرا على ردودكم ودعواتكم...بالنسبه لشغاله هي شغالة أهله انا ماعندي شغاله وهي المتاحه أمامه لأنه سبق وخانني مع بنات ومتزوجات. ..واللي يقول كيف كشفتيه انا كنت شاكه ميه بالميه وطلع شكي بمحله. .لمن رجعت البيت بوقت ماكانت هي تدري اني رجعت لمن فتحت الباب بالمفتاح ابدخل لشقتي إلا هي طالعه من غرفتها وتركض ركض تحسب اللي فتح الباب زوجي وشفته وكانت مجهزه نفسه باللبس وفاكه شعرها وحاطه روج وتضحك وتقول بابا لمن شافتني خافت وركضت لغرفتها تحسب اني ابذبحها. .وأجي انا أاقف مذهوله من المصيبه مقدرت اتكلم ولاحتى اسوي ردت فعل وانا اسكت وبوقت وانا ساكته طلعت من غرفتها لابسه ملابسها وحجابها ونزلت تحت شوي بعدين رجعت لغرفتها سألتها وش تبين ببرود وهي كانت ترجف وخايفه ودخلت غرفتها وانا ظليت مصدومه مو مستوعبه مع أني شاكه. ..ردت فعلي كانت جدا سلبيه. .ليتني قومت الدنيا وطربقتها فوق روسهم. .مادري ليه بلعتها وسكت

رد: زوجي يخونني مع الشغالة
 

انا سبحان الله دائما وقت المصيبه والمشكله. ..ينربط لساني وفكري ماقدر أتصرف. ..وبعده بوقت أقول ليتني قلت كذا وتصرفت كذا. ..لأنه المفروض بوقتها بحرتها تصررفت. ..الله يدلني على الحل الصواب. ..وسبحان الله المرأة لمن يخونها زوجها يصير عندها حاسه سادسه ويصير قلبها مقبوض حتى لو لم يكن أمامها أي دليل إحساسي دايم صادق. .

رد: زوجي يخونني مع الشغالة
 

سبحان الله المرأة لمن يكون عندها أطفال يكسرو ظهرها. .تحااااول قد ماتقدر تمشي نفسها وتتغافل وتتغافل لمن خلااااااص تنمرض وتنفجر بوقت غير مناسب. .زي حالتي الحين ماني قادره انام من الهم والغم ودي أتخلص من هالكابوس وارتاح وعيالي بحضني بدون فضايح ومشاكل

رد: زوجي يخونني مع الشغالة
 

الله يفرج همك ويصلح زوجك اس دعيه الله عندخروجه اوخروجك

رد: زوجي يخونني مع الشغالة
 

الله يفرج همك
ويسهل لك أمورك

كيف هو وضعك المادي هل أنت موظفة ؟

رد: زوجي يخونني مع الشغالة
 

كل شي ممكن ينسكت عليه الا الخيانة


الله يعينج ويصبرج


الطلاق انتي ما تبينه بس ممكن اهو يكون افضل حل

رد: زوجي يخونني مع الشغالة
 

يعني انتي ماشفتيه بعينك او اعترف لك
مثل هالامور اختي لازم نكون على يقين لكن انتي مجرد تحليل ممكن يكون صحيح وممكن يكون خطأ

رد: زوجي يخونني مع الشغالة
 

الخيانة بالحرام لامبرر لها ! وانما هي حجج لصاحبها .. اهم ما بالامر انه ماينقل لك ولابناءك امراض نتيجة شهواته واغلاطه فانتببهي ..

ضعي كاميرات للمراقبة ووثقي كل شي حتى تحركاته بالانترنت ، بعدها تقدري تضمني عدم حرمانك من اطفالك سواء من رضا نفسسه او بحكم القاضي .. الله يعينك على مااببتلاك ويحمي لك اطفالك

رد: زوجي يخونني مع الشغالة
 

يعني ساكنة مع أهل زوجك بس شقة منفصله؟
هل في رجل ثاني غير زوجك في بيت أهله؟
وأنا أقرا توقعتك بتقولين لقيتيهم مع بعض
لكن طالما ماشفتيهم سوا ماتقدرين تتهمينه
وهي قالت "بابا" لو نادت بإسمه بقولك مافي مجال للشك
وإحتمال هي تحاول تغريه يعني حتى هي فيها حقها
الشغاله أمرها هين في ألف طريقة تقدرين توقفينها عند حدها
لكن البلاء بزوجك لو راحت الشغاله بيدور غيرها يعني مو واقفه عليها
الحلول كثير لكن السؤال أيهم أنسب وفي صالحك وصالح عيالك
زوجك عشان يعقل لازم يخاف شوفي أكثر حاجه يخاف منها وهدديه فيها
يخاف من الدعاء هدديه بتدعين عليه
يخاف من الفضايح هدديه إنك ماسكه عليه ممسك وبتقدمينه للقاضي بالمحكمة
يخاف من أحد بالعايله أو يضرب حساب لأحد بالعايله هدديه إنك بتعلمينه بسواياه
والله يعينك يختي ويصبّرك

رد: زوجي يخونني مع الشغالة
 

صدقت أخي الكريم

رد: زوجي يخونني مع الشغالة
 

مافيه إلا زوجي بالبيت. .وأنا متأكدة مية بالمية. ..وزوجي ماينفع معه أسلوب التهديد. .قد جربته أول وزبد ورعد. ..اللي ينفع معه أن ربي ياخذ روحه ونفتك منه. .يعني شين وقوي عين. .

رد: زوجي يخونني مع الشغالة
 

للأسف زوجي لادين ولا أخلاق. .

رد: زوجي يخونني مع الشغالة
 

زوجي نقطة ضعفه أهله. ..وللأسف ماقدر استخدم هالنقطه. .لأنه أهله ضدي وناس ماتخاف الله. .وأصلا هم اللي حطو الشغاله عندي. .ماهمهم

رد: زوجي يخونني مع الشغالة
 

طيب
كيف عيالك كاسرين ظهرك
بعد الطلاق خضانتهم من نصيبك

انتبهي من الامراض

رد: زوجي يخونني مع الشغالة
 

أهلا اختي مبتعثه. أي والله هم الكاسرين ظهري. ..لأني حتى لو تطلقت ..العيال يكونو عند آب وأهل آب ظلمه جبارين. .وشو الضمان اللي يكونو بحضانتي. ..مافيه ضمان إلا بأدله ومن وين أجيب أدله. .والقضاه أغلبهم مع الرجل. ..يارب يموت ونفتك منه حسبي الله ونعم الوكيل. .

رد: زوجي يخونني مع الشغالة
 

تخيلووو زمان قبل كم سنه كلمت محاامي فمشكلتي بمنطقتنا. ..وكان رده.. حتى لو جبتي دليل فيديو مصور ماناخذ فيه. .إلا بشهود أربع. ..استغفر الله يعني هم لما يفعلو الفاحشه بيخلو أحد يشوفهم عشان يشهدو عليهم. .اكيد يسووها بدون أحد يشوفهم. .المهم صعبها علي وقال ادعيلو واستري عليه. .قلت انا ماراح افضحه بس مجرد تهديد واذا مانفع معاه التهديد اظطر أوري المحكمه. .المهم قالي انه كلامك مافيه دليل على خيانته لك ولا على سؤ أخلاقه معك. .قلت أجل وش اسوي أصور لكم حياتي كلها معه علشان تصدقوني. قال لازم نسمع الطرفين. .قلت هو إنسان داهيه يقدر يطلع نفسه مثل الشعره من العجين. .مين ينصفني وياخذ حقي منه إذا انتو مانصفتوني. ..المهم ماخذيته منه إلا وجع الراس. ..

رد: زوجي يخونني مع الشغالة
 

طيب بالله صحيح أنه فيه نظام جديد بالمحكمه انه الحضانه للأم بدون أدله علشان المأسي والظلم اللي يقع على الأطفال بعد الطلاق. ..مين يعرف

رد: زوجي يخونني مع الشغالة
 

معليش ع السؤال
هل تستخدمين ادوية نفسية ؟

رد: زوجي يخونني مع الشغالة
 

أبو البنات لا ماأستخدم. ..ليش هالسؤال وش دخله بموضوعنا؟؟

رد: زوجي يخونني مع الشغالة
 

طيب كيف تتهمينه وانتِ ماشفتيه معها ؟

رد: زوجي يخونني مع الشغالة
 

أيه حبيبتي في نظام جديد كذا ( منح الأم حق الحضانة بعد طلاقها)

بس كمان تأكدي من محامي قبل .. هذي نقطة..

النقطة الثانية هل أهلك عندهم قابلية في حضانتك لأطفالك ؟

رد: زوجي يخونني مع الشغالة
 

أبو البنات ... أكيد هو ماراح يختلي بها إلا إذا أنا ماني موجوده. .وبعدين المرأة عندها حاسه سادسه اذا صار شي غلط. .وأنا ماقلت هالشي إلا وفيه أشياء قدامي وأثار تثبت هذا الشي وصعب جدا اني افصل بهالموضوع. ..يعني سؤالك كان اني نفسيه وأقول كلام لايصدق. .انا ماراح ارد عليك. .اللي فيني مكفيني. .