تعبت من جلد الذات
 

السلام عليكم ورحمة الله وبركاته

احبتي تعبت تعبت من جلد الذات والله تعبت من طلاقي وانا الوم نفسي
مره اقول ليتني صبرت خصوصا انه كان محترم يعني مو راعي خرابيط وفيه صفات حلوه
ومافي انسان كامل

صح في اشياء صعبه ع الانسان يتحملها بس تمنيت اني تكيفت عليها وصبرت
كان ودي اكون فرحته الاولى ويفرح بأول بيبي مني انا

لما اقيس المسأله براسي ارفض اتزوج رجل متزوج ومستحيل اتزوج واحد عنده زوجه واولد

فأقول ليتني رجحت المسأله أكثر في راسي قبل اترك بيتي

*انا تركت بيتي بس ماطلبت الطلاق**

هو تهور وطلقني
مدري انا ظالمه او مظلومه تعبت
احاول اتجاوز هالمرحله ماقدرت صعبه جداً اتجاوزها
طبعا صار معي خمول وكسل وتعب واحطلي اهداف بسيطه جدا وتعبت عجزت اجتازها
فكتشفت ان معي اكتئاب او بداية اكتئاب ابغى اتجاوز هالمرحله بنفسي فقط كيييف!؟
انا عقلانيه الحمدلله و غالباً ارجح عقلي على قلبي بس كسرني الطلاق اجتماعيا ونفسياً
انا مقتنعه الحياة معه تتطلب تنازلات كبيره .. اوقات اقول ليتني تنازلت ولا سمحت لنفسي اسمع تشمت الناس فيني والنغزات اللي اسمعهم بكل جلسه!
انا من سؤ حظي كنت انخطب من الاقارب وتزوجت قريب مما سبب حزازيه ونوعا ما حقد وحسد
ولما صار الطلاق ياسلاااام صار التشمت من العيار الثقيل

الى الان اتظاهر بقوتي بس بجد ماعاد فيني اتحمل اقل كلمه تجرح مشاعري وتهزني واتألم بس اصبرر ..!!
لكن الان بدت تخور قواي
خايفه جدا من المستقبل ومن الفشل ومن الدنيا
اخاف افتح عيوني يوم احصلني لوحدي!
الله المستعان صحيح الله خير امان وخير انيس لكن ضعفت
وضعف القوي شين او المتظاهر بالقوى

..الله يرزقنا برزق من عنده ويغنينا عن من اغناه عننا

**فيني حرره قويه مابردتها .. وهذا اللي مأزمني
ودي ان طليقي يدري ان كلامه عني واصلني ودي يدري بأسرع وقت بس كيييف
ودي يدري ممكن يستحي ع دمه
ابي طريقه نوروني كيف؟!

رد: تعبت من جلد الذات
 

رد: تعبت من جلد الذات
 

الله يجزاك خير الجزاء ويرزقناوإياكم اجمعين

لا ان شاءلله كلامه عني مايوصل لذا المستوى ابدا الحمدلله

ربما خايف اخذ من العائله لان الحمدلله سمعتي جدا كويسه هذا اللي شكيت فيه فيسعى بالحكي عني للتنفير مني والله اعلم بنيته!
او يبرر طلاقه لي!!

رد: تعبت من جلد الذات
 

هو اللي طلقك مو إنتي طلبتي الطلاق
ولو رجع الزمان لورا كنتي راح تتخذين نفس القرار
بس ممكن أعرف إذا مافيها إحراج الأسباب اللي خلتك تتركين بيتك؟
يمكن من وجهة نظرك ماتشوفينها تسوى وهي فعلاً تسوى

رد: تعبت من جلد الذات
 

رد: تعبت من جلد الذات
 

سبحان الله والله العظيم كل كلمة كتبتيها أني أعاني مثلها تمام مع أني قربت اكمل سنتين من يوم تطلقت

بس الفرق بيني وبينك هو مايقرب لي وعندي بنت منه هاجرها واهله ماصدقو يطلقني وراح خطبو له قريبته


وانا تحملت مسؤوليه البنت


صح ان فيه صفات حلوه لاكن ضعف شخصيته ونقله للكلام كأنه حرمة واهله يحرضونه ضدي ويتبلون وهو يسمع لهم

هذي الصفات ماقدرت اغيرها حاولت اسكت ولافضفض له وأخلي كلامي معه رسمي لاكن مهما كان انا انسانة وَذَا شريك حياتي اذا ما شاركته الي في قلبي أشارك مين

رد: تعبت من جلد الذات
 

كثير لما اشوف مواضيع تتكلم عن جلد الذات اللي حتى انا اعاني منه والحمدلله بديت اغير من نفسي لما صرت افكر واسأل نفسي واقول
كيف اطلب الرحمه من الناس وانا نفسي ماني راحم نفسي
كيف اطلب من الناس انهم ينشغلون بنفسهم وانا ماني مشغول الا بكلامهم وش يقول هذا وشلون ابرر لهذا الى متى وانا ظالم نفسي مع اني استحق اني ارتاح بعد التعب والمعانة اللي مريت فيها
صدقيني يااختي مافيه احد يستاهل نتعب نفسنا
ولا فيه انسان يستاهل نفكر فيه وهو ناسينا ولادرى عنا اصلا
ليه نتكلم عن شي راح وكأنه كان ماضي جميل وراح فجأه مع انه كل هم وغم فـ المفروض اننا نفرح بزوال الهم ونحاول نبدا من جديد باكثر تركيز واكثر ثقه واكثر ادراك بعيد عن الماضي بكل مافيه

رد: تعبت من جلد الذات
 

توقعت ان جلد الذات للحريم صدمتني معقولة في رجال يلوم نفسه.

لان الي اشوفه الرجال يطلق من هنا يتزوج من هنا ولا همه شي


تلوم نفسك على ايش وانت المظلوم وطليقتك خائنة

رد: تعبت من جلد الذات
 

نفس السؤال..

كيف كانت ظروف طلعتك من البيت؟؟

رد: تعبت من جلد الذات
 

اكبر خطأ لايغتفر للزوجه اذا زعلت تخرج من بيتها ....؟؟؟؟؟؟!
خلك في بيتك النفوس تتغير وتهدأ والغضب يذهب وتبدأ العقلانيه ترجع للطرفين .....!

رد: تعبت من جلد الذات
 

اختي يمكن الرجل اشد من المراءه
لان المراءه ممكن انها تفضض لـ اللي حولها وممكن تبكي وهذا كله محروم منه الرجل
فـ الرجل مطلوب منه عيب يبكي وعيب يشتكي عليه يكتم بقلبه ويسكت
اما ان الرجل يتزوج ثانيه فـ اغلب الرجال زواجهم يكون رد اعتبار لا اكثر ولا اقل وانتصار لنفسه ولرجولته

رد: تعبت من جلد الذات
 

انا نفس اخوي الوحيد
طليقتي شهرت فيني وضغطت بقوه للطلاق بعدها ابتدا مسلسل المحاكم ولما طلقت عيشتني طليقتي في دائرة جلد الذات لدرجة انها ادعت انها ورم في معدتها وامراض كثيره بعد الطلاق وخفت عليها وقلت لها مسامحك ومستعد أرجعك لكن رفضت. واضح ان كانت استمر في دائرة العذاب والجلد. وللآن بعد سنتين ونص من الطلاق اكتشفت انها خاينه من قبل الزواج لا وبل تزوجت الي خانتني علشانه اب 3 شهور من انتهاء العده.

وحاليا قاعده اتمارس كل انواع الضغط علشان لا اتزوج ( واهي متزوجه ) الحمدلله والشكر

اتوقع ما يدخل دائرة جلد الذات الا الي عنده ضمير حي

رد: تعبت من جلد الذات
 

انا بعد مريت بجلد الذات
ومع الاخ عبدالله مايمر بهالمرحله الا صاحب الاحساس والانسان فعلا و المظلوم غالبا
حبيبتي جاهدي هالمشاعر واصبري وتصبري
اول طلاقي كنت اعلني من جلد الذات 100/ لدرجه كنت اتسائل هل ساعود الى نفسي القديمه
شعور مؤلم مزعج ومحزن والشيطان يحاول ان يحزنك ويدخل عليك من مدخل لو و لو وجلد ذات
الان الحمدلله انتهى هالشعور نهائي ورجعت اقوى وافضل منا كنت
الي بقوله هالمشاعر باذن الله ستختفي
عليك فقط الصبر و الانشغال بما هو نافع

رد: تعبت من جلد الذات
 

ربما توك في بداية فترة مابعد الطلاق
كنت الوم نفسي
طبعا بين فتره وفتره يحيا هذا اللوم ويموت

لكن بذكري لقيامي بالاسباب
وان سعيت وما الله كتب
اقول الحمدلله

رد: تعبت من جلد الذات
 

اآآآاهـ والله مدري اللي زعلت عليه سبب يسوى ولا تافهه !
😭مدري مشاعري متخربطه
طبعا هو موظف بمنطقه ونظرا لظروفه الماديه انا ساكنه بمنطقه اخرى
يجي بالويكند فقط ويقضيه مع اهله بالعكس ماني ضد هالشي بس همش وجودي بقوه
لدرجة اقول بطلع اتمشى بشوف الدنيا احس يتثيقل روحتي معه
من حقي يعوض ايام غيابه صح ولا انا غلطانه!
والله ماكنت اكلف عليه بالطلابات ولا احمله فوق طاقته
خصوصا ماديته غير جيده فمراعيته جدا

والقهر اذا تعدلت ماديته احس يصرف عاشياء تافهه جدا

مثلا تحسنت ماديته وكان ورانا عملية حقن مجهري حصلته مهدي خاله مبلغ كبير
ومسوي عزيمه لاخته بمبلغ كبير جداً جداً
اخذت الادويه بليلة العمليه مامعه ولا شي!!
هنا قهرني وماقدرت اقوله شي يعني اراعيه واذا تحسنت ماديته المظاهر الأجتماعيه اولى من حاجاتنا الملحه !

لما فشلة العمليه نفس علي انا مالي ذنب ابدا وصار طول الوقت برا البيت وعند خالته
قهرني جدا
عذراً على الشفافيه المطلقه بس كنت ماخذه ادويه ولازم يكون موجود عندي بأيام معينه اخذ ايجازه بدون مايشاورني متى ياخذها وسكتت نفس علي بدون سبب
وكل وقته مقضيييه عند خالته
ومهمش وجودي وانا برضوا ماقصرت نفسة عليه
كنت اجهز قهوة الصباح ويمرني وماكأني موجوده
احس قاعد يعاقبني ع شي مالي ذنب فيه
مره طلع الصباح وقلت خذني معك وقال بعيد عن البيت وقتها الجو مطر وكان بخاطري نتصافا
وقلت اجل بروح للوالده عندها موعد نفس وزززعل وقال روحي لامك ونامي عندها
وقتها هو بإيجازه وانا اخذه ادويه الاولى اكون عنده قهرني قلتله ليهه قال كذا
رحت لامي وانتهت اجازته بعد اربع ايام ومااتصل ولا اتصلت
*حسيت بإهانه وقهر صحتي وانا مو لعبه
راح داوم وبعد ماخلص دوام بعد كم يوم سفهته
ويرسل سفهته
وبعدها هو اخذته العزه بالاثم وانا برضوا
بس كنت اتمنى يجي لبيتنا ونتفاهم الحياة اللي كنت عايشتها مو حياة
والله ويكند يطلع من الصباح ومايرجع الا باليل
المفروض يعوض غيابه مش ابسط حقوقي
والله مش عارفه انا ظالمه او مظلومه تعبببت وبس 😭

رد: تعبت من جلد الذات
 

مدري اشبني اقول صبرت لين غيرت من طبعه القاسي ليتني صبرت شوي عليه

افتكر لما كنت عروس كنا طالعين لمجمع وكنت برا فدخلنا المجمع وكان فيه احتفال وصخب جدا جدا خفت اضيع منه وانا بغربه مسكت ايده سحب يده مني بقوه وقالي لاتمسكين ايدي مااحب المره تمسك ايدي بأماكن عامه!!
وقتها اتحطم قلبي جدا جدا بالاساس انا كطبع خجوله جداً جداً وممكن اول مبادره تصدر مني !
😭ابغى افضفض بعد 💔

رد: تعبت من جلد الذات
 

طيب اختي سؤال
كم لك مطلقه؟
وايش الايجابيات والسلبيات اللي فيه؟

رد: تعبت من جلد الذات
 

خمس اشهر من تطلقت
وتسع اشهر تقريبا من فارقته 💔
الان حالتي النفسيه غير جيده ممكن اكتب لكم واظلم نفسي بس اخر ايامي وانا ببيته شفت ان الحياة تتطلب كثيييير تنازلات علشان تستمر الحياة ..
انسان اهلي واهلي طبعا موعيب لان اللي مافيه خير لاهله مافيه خير لبنت الناس
لكن لدرجة يبغاني اصحا من النوم واكون عند اهله صعبه جدا
واذا ماسويت اللي يبغاه يسفهني ومن يصحا لين ينوم وهو برا البيت
يعني عمري ماتمشكلت معه بشكل مباشر كل مشاكلنا علشان الناس !
امي خالتي خواتي عمتي بصراحه فوق طاقتي
والله احب امه بس كرهني فيها من كثر الملاحظات 💔
المجتمع النسائي اثر عليه لدرجه كبيره ماقووول غير حسبنا الله ونعم الوكيل

رد: تعبت من جلد الذات
 

اجل وش تقولين عني انا كنت حتى لما اتعب من الدورة يقولي ليه تتعبين اخواتي مايتعبون😂😂😂

اذا جيت اطلع ايام الاسبوع يقول ليه اخواتي مايطلعون الا خميس وجمعة

هم يكرهني من اول الزواج وبحركاته كرهني فيهم

نقال كلام من الدرجة الاولى

تصدقين يقولي بنت عمي سوت رجيم ونحفت ولاهي كانت متينه من اول اقوله كيف عرفت يقول اخواتي يعلموني

تصدقين فلانة صلحت عملية في عيونها اقوله كيف عرفت يقول اخواتي تاثر بجلسة اخواته صار نقال كلام حاولت أغير ذَا الطبع ماقدرت مع انه عاهدني معاد ينقل سوالفنا انا وهو لاهله الا ان ابو طبيع مايجوز عن طبعه


المشكلة انه اعترف لي ان سبب مشاكلنا نقله للكلام لاكن بعد الطلاق رجع اللوم علي وإني انا السبب وهو مسكين ومظلوم




وش اقول غير حسبي الله ونعم الوكيل

رد: تعبت من جلد الذات
 

🙄🙄الله المستعان .. بعض الاهل انانيين ويستغلون حب وتعلق ابنائهم فيهم

الحمدلله اللذي عافانا مما بلاهم فيه وفضلنا على كثير من خلقه تفضيلا

والله ودي ادعي اخذ واخد مقطوع من شجره😅
بس احب جو الاسره الراقي فقط مو قيل وقال🤕

رد: تعبت من جلد الذات
 

من اقبح الصفات في الرجل واكبر اسباب الانفصال..

في البداية صورتي حياتك حلوة وفيها بعض المنغصات.. لكن ردك الأخير يناقض هذا الكلام...

كافي تجلدين نفسك لان زوجك سبب الطلاق، مش انتي..

كل وحدة بتروح يوم عند اهلها وتزعل وتضل اسبوع ويتفاهمو ويتراجعو.. واذا ماتفاهمو بيتطلقو..


الغريب في امرك ان زوجك حتى ماعاتبك وما تمشكل معاك ولا بعت كلام تهديد او وعيد...

يظهر انه ماصدق طلعتي من البيت وعطيتيه حجة عشان يطلق على طول..

الطلاق بهذي البساطة والسرعة ومن غير نقاش معناتو الرجل بايعك من الاساس واستغل الفرصة..

لكن صدقيني الحل ماكان بيدك حتى لو ضليتي ببيتك كان سيطلقك....


كفي عن توبيخ نفسك انتي ماغلطتي وغلطك مايسوى أبدددد الطلاق بل هذه رغبته ومن خلال كلامك حتى مهمل علاجك يعني ماله رغبة فيك مابدو علاج بدو الفكة والله اعلم..


احمدي الله انك افتكيتي من غير اولاد اصلا الرجال الي سوالفه زي الحريم مب رجال..

لا تقسي على نفسك.. من قال ان الزوجة ان كانت طيبة ورائعة وصبورة بينجح الزواج والرجل بيعرف قدرها؟


هذا حال الدنيا لسنا في دار راحة وعدل.. الظلم يقع ومالنا يد فيه.. وهو وقع عليك فكافي تجلدي ذاتك..

رد: تعبت من جلد الذات
 

تباشير خيره
ركزي بنفسك واكثري دعاء

رد: تعبت من جلد الذات
 

لاتزعلون مني مااقصد الاهانه بس فيه كلمه يقولونها الشيبان وهي تنطبق على اللي كانوا ازواجكم
وهي (ولد مره) الشيبان كانوا اذا شافوا واحد فيه من طبع الحريم يقولون هالكلمه
ياخواتي تباشير وفرح الوحده المفروض تزعل اذا خسرت رجال وحطوا تحت كلمة رجال مية خط
اما اللي كنتم عايشين معهم ماهم رجال وحتى لو كان بوجيهم شعر
الرجال اللي تحسين معه بالامان والحمايه واذا تكلم كان كلامه بمحله ويعرف متى يسكت ومتى يتكلم
ومايلعب بعقله كل من هب ودب ويكون صاحب قرار ولاينزل نفسه للتوافه الامور عزيز النفس كريم حنون
هذا اللي ينبكي عليه اما اللي مثل اللي كانوا ازواجكم فرقاه عيد

رد: تعبت من جلد الذات
 

انا مع اخوي ((الوحيد)) فعلا التخلص من هاي الاشكال نعمة من الله

لا تضايقون وتعذبون روحكم لكن تعلموا من تجاربكم

في هذي الايام صارت الوحدة تشتري الريال

رد: تعبت من جلد الذات
 

واسمحيلي اختي حتى العنوان الي حاطته انتي يعور القلب

جلد الذات,,, هاي دليل انج معذبة روحج

اختي ترى الدنيا فيها خير وفيها رياييل لا تشيلين هم المستقبل

عيشي يومج ( وابتعدي عن الحريم الي يتكلمون في مشكلتج لان كلما تحاولين تنسين

يذكررونج )اهم شي صلاتج والاذكار ولا تحبسين روحج في البيت طلعي زوري الناس واهلج

واي شخص يضايقج ابتعدي عنه

رد: تعبت من جلد الذات
 

الله يجعل الفردوس الأعلى جزاء والدينك

والله قالو لي كثير ترى مو رجال وقاله أبوي تربية حريم

وقالو لي ان المواقف تبين معدن الرجال لاكن ماكنت اقتنع

لاكن مواقفه مع بنته عرفت انه فعلا مو رجال


(ولد مره) هذي كلمة شيبانا في الجنوب 😂😂
الله يعوضنا ب أفضل الرجال واخيرهم

رد: تعبت من جلد الذات
 

وعلى فكرة هالاشكال مايطلعون حرتهم الا على زوجاتهم

ياليت البنات يتثقفون عن هالموضوع قبل ما يطيح الفاس بالراس

رد: تعبت من جلد الذات
 

اللهم امين
ووالدينك وجميع المسلمين

ابوك الله يطول بعمره صادق وعارف انه مو رجال يتكل عليه ويشد الظهر فيه
وسعي صدرك وانا اخوك والدنيا الى الحين ولله الحمد بخير
وبكره ربي ان شاءالله يرزقك برجال بكل ماتعني هالكلمه وساعتها راح تقولين انا وشلون كنت عايشه مع فلان

رد: تعبت من جلد الذات
 

لانه مو كفو يواجه الرجال
فـ يحط حرته بالحريم
ومثل ماقالت الشاعره اسد علي وفي الحروب نعامة ^_^

رد: تعبت من جلد الذات
 

الله يعوضك خير ، اكثري من السجود وحسن التضرع الى الله وسترين العجب ....!
واعلمِ ان المصائب تبدأ كبيره ومن ثم تصغر حتى تكون ذكريات ، والعوض بقبال بإذن الله ....!

رد: تعبت من جلد الذات
 

حياتي كانت حلوه
بل جميله جدا
وكل حاسدنا ع حياتنا بس في اشياء منغصه عجزت اعرف ايش اساسها
ممكن انا ماعرفت اتعامل معه او احلامي كبيره فوق حدود الواقع
مدري بس كان يحبني هذا اللي متأكده منه

انا اتصل وارسل كم يوم ولا رديت عليه
وعقبها كابرت وكابر ونغز الشيطان بيننا وانتد الامر لشهور ولين وقع الطلاق
مدري فعلا كنت عايشه معه زي الاحلام اللي اعيشها الان !؟
او مجرد اجراف عاطفي مؤقت
المصيبه :مقتنعه ان الطلاق حل بس بعد ماوقت ماتوقعت وقوعه بالصخب هذا

المصيبه قاعد يسب فيني ومازلت راحمته اككثر من ماانا راحمه نفسي هل وضعي طبيعي !!!!
ومتعاطفه معه جدا
حتا مشكلة الانجاب اقل حاجه ابرر واقول منه عجزت انطقها وعجزت اقولها ماابي اجرح مشاعره ومابي يضيق بسببي هل انا طيبه اكثر من المعقول ام ساذجه ماصرت عارفه😭

رد: تعبت من جلد الذات
 

لا والله ارحمي حالج وخليج انانيه
وكلامه عنج اذا يضرج قولي لواحد من اخوانج يكلمه

انسيييييييييي الماضي بما فيه
اعتبريها صفحه وانتهت والحمدلله على كل حال
اطلبي من الله العوض


















ـ