|
عودة زوجي من السفر واستمرار المشكلة
زوجي رجع من السفر
وجلست الى الساعه 2 انتظر اتصاله وتعذرت منه ماقدرت اروح البيت افتح المكيف لان نسختي من مفتاح البيت معه (مضيع مفتاحه) قال معذوره خلاص بكرا اخذكم نام وصحى وداوم ودق علي العصر وكان صوته متضايق توقعت انا من تعب العمل وقال ما اقدر اجيكم اليوم فلان عازمني وملزم قلت مو مشكله بكرا وجلس يتكلم بواحد انه كنسل كلامهم عشان زوجته قلت ونعم فيه هذي المرجله الحقيقية قال ولا يعرف المرجله.. الرجال مايرجع بكلمته عشان انثى قلت والله كثر خيره اشترى خاطر زوجته ام عياله قال لايكون تلمحين علي وتقصديني؟ قلت لاااا ابداااا هنا هو جلس ينتقد ويعاتب ويرجع لامور حصلت ليلة العيد وانو انا سلمت عليه من وراء قلبي قبل يسافر ولما سألته عن موعد رحلته عامله حالي ما اعرف قلت قسما بالله نسيت وسألتك قال انتي تتصنعي الطيبه وحركات اخر من يعلم رغم اني وقتها سألت عادي وبسته وقلت ترجع بالسلامه وقال طول السفر تعمدت ادق عليك كل شوي عشان ما تمسكينها علي انه راح وما اتصل يقول ما ابي تمسكين على ولا شي ويقول وقت ما انا مسافر اذا كلمتك صوتك منعفس وتقولي الله يحفظك من ورا قلبك واني احاول اركبه جميله بهالسفره وكلام اهبل مررررره مدري كيف جابه يقول كنت تتكلمي بنفس خايسه ليه قلت كنت مشتاقه لك فعلا كان صوتي ناعس اغلب الوقت وكل شوي يسأل: نايمه؟ لسى صاحيه؟ اقول لا بس تعبانه شوي وانتقد طلعاتي وهو مسافر لاني صورت سناب مع صديقاتي ومع خواتي يقول عطيتك وجه بالروحه والجيه المفروض ماتطلعي مكان الا معلمتني وانا لي 5 سنين اذا رحت لاهلي اطلع وادخل!! ولاعمره قال شي!! وكأنه هو اللي يبي يركب علي جميله قلت له حبيبي انا مصدومه من كلامك ويشهد الله اني كنت فاقدتك ومشتاقه لك الخ قال ايه هذا انتي اذا انصدتي تمسكنتي ماتتركي اللعانه حقتك!! قلت يا ابن الحلال انت سافرت الحين ورجعت خلاص هالكلام كله ماله داعي قال الا له داعي انا كاشفك وعارف خبثك وانتي ماتبين وناستي وانتي انانيه وكلام اهبل اقسم بالله قبل يسافر ضميته وودعته بحب وتطمنت عليه اول ماوصل وكنت ارسل له صور الاطفال بسناب ونضحك ولما صور لي فيدهوات حلوه صورت له فيدهوات حلوه وذكرت هالكلام هنا بالمنتدى حتى كنت محتاره اذا رجع كيف اتعامل معه وكتبت موضوع هنا بهالشي بعدين قلت يابنت الحلال طنشي وقررت اخذ براي اللي يقول استقبليه بحب وعتب لقيته راجع لي بالشر اقسم بالله طول سفرته مادقيت عليه هو اللي كان يتصل وانا ارد ولا ارسلت له ولا رساله نصيه ولا غثيته بكلام من اي نوع فوق كذا رحت زرت اهله وهو مسافر كنت اقول لنفسي ما ابيهم يقولون سافر ولدنا وغابت حبيت اظهر بالحسنى قدامهم وهو برا قال لي جزاك الله خير ويوم رجع طلع سكاكينه وقلت له ياخساره توقعت ترجع بنفسيه ثانيه يقولون الرجال اذا سافر واستانس يرجع مشتاق توقعت تراضيني بكلمه حلوه مو تجي تسمعني هالكلام قال ايه اذا توهقتي تمسكنتي لكن انا اوريك انا اعطيتك وجه لاتمثلي الحب والطيبه الخ الخ زوجي يسمع كلام اخوياه كثييييير حتى يقول فلان يمدحني لاني كل يوم ادق وانو الرجال الثانيين من يوصل يقفل جواله ويقول احمدي ربك انا مو زي علان اللي اذا رجع كتب لام عياله انا بالمطار حضري لي لقمه واحمدي ربك اني اذا سافرت اذكرك بهديه.. احسن من غيري تخيلتوا النماذج اللي جالس يقارن نفسه فيها؟ مع ذلك كل الامور اللي قالها انا قدرتها ولاهو عاجبه ماني فاهمه ايش مطلوب مني والله اعرف بنات تعمل مشكله قبل السفر وبكاء وصياح والا طلبات ورضاوه ومعرف ايش انا قلت يابنت خذيه بالطيبه واللين اخرتها انا خبيثه واتصنع الطيبه ويقول اتركي عنك الوجه البريء انا مستحيل اعانده واحط راسي براسه غبيه اللي تعاند رجال وادري اللي براسه بيسويه وهو فهم طيبتي وسلبيتي على انها ضعف وسب وتهزيء واتهامات والله 95٪ منها تلفيق انا لازلت عند اهلي ولاراح اكلمه ولا اسأله متى ياخذنا افكر بعد اقفل جوالي يومين تعبت من المشاكل ياناس بموت من التعب اختنقت مشاكل وهذا غاوي نكد راح استانس ورجع ينكد علي وكلامه كله ماله اساس من الصحه مخرد تخمينات وافكار سودا براسه تم تعديل العنوان ليتناسب مع المضمون |
رد: عودة زوجي من السفر واستمرار المشكلة
بالعكس يا كنافه كلامه في شئ من الصحه ,, وانتي عارفه وكلنا عارفين انش مو راضيه على سفرته وهو فاهم انش بتنكدين عليه بلوم او عتب
فهو تغدى بك قبل ما تتعشين به وسبق ...... كنافه لا تستهينين بزوجش تراه فاهمش وحافظش هو حط لش الطعم وانتي مثل كل مره كليتيه .... يعني ما فهمتي من ورى كلامه وتلميحاته قمتى تناقشينه , كان قفلتي الموضوع وانهيتيه لا تقفلين الموبايل ولا تكبرينها السالفه ما تستاهل |
رد: عودة زوجي من السفر واستمرار المشكلة
كنافة الحق انت انزعجت ووصه انزعاجك وسبقك في الزعل
ليه يا اختي تشوفين ان التي لا يسافر بها زوجها بها نقص اقسم ان زوجي لم يخرج بي حدود الوطن ولو عمرة يعني احس نفسي نا قصة الحمد لله لا ينقصني اي شى حتى حسن التصرف واللغة لكن يفضل مع اصدقاؤه هو حر احضر شنطته واستقبله عند عودته واعتبرها اجازة من النقد اعلم لو اضغط عليه لن افرح بالسفر وازيدك اخواته هم الان في بالما باسبانيا واختي في تونس والاخرى تفكر اين تذهب الحمد لله ان بيت اهلي على البحر اخذ اولادي واخيلهم يلعبون ويستمتعون واجيبهم في الليل |
رد: عودة زوجي من السفر واستمرار المشكلة
كوكي ايه متضايقه من سفرته
بس ماكلمته ماقلت له ماعاتبته ما تخانقت معه ماعملتها مشكله ماحاسبته ماحطيت راسي براسه لاني ادري قبولي او عدمه مايهمه ولاني قاصره الشر وما ابي اتمشكل معه لكن رده فعله صدمتني وترى معظم كلامه كذب زي اني ادعي عدم معرفتي بموعد رحلته او اني اترصد له اذا مادق كذذذذذب كذذذذذب مدري منين يجيب هالافكار من راسه لو فيها عتب انا اللي المفروض اعاتب مو هو بس بلعت العافية وسكت ودليل لؤمه انه كب كل هالكلام بعد مارجع هو اللي كان يمثل علي دور الاهتمام والشوق لانه محتال ويعتقد كل الناس مثله هاتي لي زوجه تفرح من قلبها اذا زوجها سافر يستانس ورماها ببيت اهلها مافيه انا مو امه انا زوجته وشريكه حياته اللي حتى صمتي فسره باسوأ تفسيرات كنت مخططه ارجع له بنيو لوك واعمل معه كيت كيت وكيت سد نفسي حسبي الله عليه وزي ماقلتي قال اتغدى فيها قبل تتعشى فيني كان مبيت الشر وانا لماشفته راح ورجع قلت يابنت اسكتي هو اللي نبش شغلات من قبل العيد هالسفره لو فيها خير ماكان ذا اخرتها وانا لو بكبرها بيقول للناس زعلت لاني سافرت بينما انا زعلت من تعامله القذر بعد رجعته وانتي تقولي طنشي واسكتي طيب باي نفسيه ارجع البيت؟ لاحظي هو اخذها باللجلجه ناوي ياخذ السفر عاده فقال اكسر راسها من اول مره عشان يقوى قلبه مستقبلا مالها الا هالتفسير |
رد: عودة زوجي من السفر واستمرار المشكلة
اقتباس:
وانه هو يسافر عمل او ضروره لحاله مافيها شي قال ابشري وقال انه مو اناني ووناسته من وناسه زوجته هذا الكلام متفقين عليه من فتره الخطوبة وهو اللي رجع فيه وانا تضايقت مع نفسي وسكت وبالظاهر ماسمع مني الا احسن كلام: انتبه لنفسك.. الله يحفظك الخ وقبل سفرته اتفقنا نروح ناخذ عمره بمكه وافتعل مشكله معي وقال ماتستاهلي وراح حجز لهالسفره نكايه فيني مع ذلك سكت والله ولاحرف وامس زي ماقالت كوكي رمى طعم وانا اثنيت على موقف الرجال اللي ذكره قام فتح لي باب له اول ماله اخر وقال كلام كله حقد وكره واتهامات الوفاء حالتي غير حالتك هذا حالته صعبه مدري كيف اتعامل معه |
رد: عودة زوجي من السفر واستمرار المشكلة
اهلا اختي يمكن زوجج اذا اشتاق لج جلس يتشاجر معج وانتي تاخذينها من جد ليش ماتاخذينها وتقلبينها على هزار مثلاً تردين عليه ماتبطل هزارك معاي كم انت دفش بالكلام وانتي تضحكين وتغنج عليه وتدلعي ترى فيه شخصيات كانهم نفسيه :) ماتفهمينهم بعضهم اذا زعل وحب يراضيها جالس يتامر عليها اعملي وسوي يعني الحين راضي عليها ^^ حاولي تفهمين شخصيته لانها هي المفتاح لفهم مايدور في فكره وعقله ــ |
رد: عودة زوجي من السفر واستمرار المشكلة
يا ناس انا مقهوووورة
وجالسة ابكي ""::: مستكثر علي حتى اطلع مع خواتي وصديقاتي وهو مسافر كل شي يفهمه غلط مايرضيه شي ولا يبين بعينه شي قلبي يعوووورني والله مانمت الا الساعة خمس من القهر ما ادري كيف اتصرف معه |
رد: عودة زوجي من السفر واستمرار المشكلة
اقتباس:
لا الجدل والنقاش ماشي معها ولا الصمت والتنازل ماشي معها تفكيره عقيم وصعب انا صار مايهمني يسافر يروح يهاجر بس لايجرحني كل شوي بابشع الالفاظ كلامه امس كان حقير لابعد درجة فجعني مره انصدمت كنت متعشمه شي ثاني فوق كذا لما انقهرت مارديت عليه بس قلت لوسمحت الولد يبكي ممكن اعمل له حليب راح قفل الخط بوجهي!!! |
رد: عودة زوجي من السفر واستمرار المشكلة
اقتباس:
هو شكله اذا اشتاق لج او يبي منج شيء جلس يتشاجر مايعرف يوصل مطلوبه جذي فيه شخصيات طيب من اول ماتزوجتي وهو جذي او لا وكم مدة زوجكم فقط لج منه ولد وهل طبعه عصبي مع الكل او بس معج انتي ـ |
رد: عودة زوجي من السفر واستمرار المشكلة
واضح زوجك حافظك صم و يعرف كيف تفكرين
بدون زعل و لمصلحتك اقول انت نكدية تدققين عل حبة و زوجك مضايقه هذا الشي حيل فطبيعي ما ياخذك معاه عشان يبتعد عن جو النكد مو يتعب و ينفق فلوس عشان يعيش بنفس الجو! فلو زوجك مرتاح و مبسوط معك كان اخذك معه فنصيحة حاولي ان تتغيرين لان زوجك مال على الاخر |
رد: عودة زوجي من السفر واستمرار المشكلة
اقتباس:
وحركاته ذي له سنه عليها تقريبا يدخلني بمشكله ويطلعني بمشكله بالعربي مستقعدلي يحاسبني حتى عالشي اللي بصدري ولاقلته |
رد: عودة زوجي من السفر واستمرار المشكلة
كتبت رد طويل ورجعت مسحته ... خفت اني مارح افيدك بشي .. بس بقولك زوجي نفس زوجك وعرفت كيف اكسبه ومن يوم ماتزوجنا لحد الحين ماسافر لوحده الا مرتين .. المره الأولى نكدت عليه مثل اللي صار لك الحين... والسفره الثانيه اتقنت التمثيل وليومك هذا ماسافر ... صح يجيب طاري السفر ويرجع يتراجع ... واخر مره امس .. قال بيروح لمدينه ثانيه تبعد ساعتين لأن عرس صاحبه قلت له روح غير جو طبعا بكلمه حلوه وتراجع ولا سافر ...
مشكلتك ياكنافه قبل سفره هو السبب بكل اللي يصير لك ... ربي يعينك ويهدي سركم ... زوجك الحين عارفك وحافظك زين ياكنافه ... دعواتي لك ... |
رد: عودة زوجي من السفر واستمرار المشكلة
اقتباس:
طول رمضان يهزئني على اتفه الامور وبالعيد راح استانس واول مارجع نكد علي اوكي مو مرتاح ولا مبسوط معي.. يقصر الشر مو يجنني كل دقيقه بمشاكل واتهامات زوجي مال وكاره بس جبان لو هو جريء طلقني انا مقتنعه بكلامك هو تصرفاته تصرفات واحد عايف الوحده تدور رجال مايكسر خاطرها كل شوي وهذا شغال علي نكد ليل نهار الله يهد حيله |
رد: عودة زوجي من السفر واستمرار المشكلة
اقتباس:
قبل كل شيء هدئ بالج وخليج مريحه حالج وانتظري اتصاله او رساله منه بعدين هل تتوقعين ناقصه ثقه في نفسه ويحتاج دعم منج وبده مدح منج انتي بالذات مايكرهج وإلا ليش عايش معاج كان طلقج وانتهى الوضع هل انتي تتواصلين معه بالواتس وتتبادلين معه السوالف والضحك او لا ـ |
رد: عودة زوجي من السفر واستمرار المشكلة
اقتباس:
ماصدق لما قال ادعيت عدم علمي بموعد الرحله لما سألته قسم بالله ماكنت اعرف وماصدق لما قال استفزه بتمشياتي اقسم بالله كنت طفشانه ورحت اغير جو كالعاده اشياء كثيره افترى علي فيها اتركوا اني ماخذه على خاطري من سفرته وان توقيته كان غلط وقت العيد هذا شي والاتهامات اللي قالها شي ثاني مندفع علي كأني ذابحه اهله ماني فاهمه ليه واساسا الف مره قايله له اكره نقاشات الجوال نتفاهم ببيتنا وهو مايرضى الا غصب يكبرها |
رد: عودة زوجي من السفر واستمرار المشكلة
اقتباس:
لو طلقك ترتاحي كنافة ? اذا هو جبان اجل انتي عاجبك الوضع اللي انتي فيه و ما طلبتي الطلاق قاعدين مثل توم و جيري زوجك يحبك و انتي تحبيه بس ناقص تفهميه و توصلوا لمنطقة مشتركة بينكم كلام بقايا منطقي تتذكري لما زعل منك و رحتي تراضيه و عملتي الكثير لحتى يرضى روحي غيري اللوك حقك حسي بجمالك و روحي لزوجك من نقطة ضعفه الظاهر بتلك الفترة وجد كنافة اللي يحبها و يتمناها فصار يكثر الزعل على امل يجيب نفس النتيجة |
رد: عودة زوجي من السفر واستمرار المشكلة
اقتباس:
طيب هالمره اللي محتقرها مامشتك هذاك سحبت عليها ورحت تتمشى بالعيد ماقلت له شي وتركته على هواه ان دق رديت على قد السؤال وخلاص ايش يبي اكثر ماني فاهمه |
رد: عودة زوجي من السفر واستمرار المشكلة
اقتباس:
حاولي تغيرين اسلوبك(لمدة طويلة مو يوم و يومين) لا تدققي بالامور لا تحاسبيه و لا تنقدينه بل شجعيه و اثني عليه بعد مدة تلقائيا هو راح يتغير معك ربي يصلحكم |
رد: عودة زوجي من السفر واستمرار المشكلة
اقتباس:
لما كنت اركض وراه واسترضيه هذا كان جزاتي انا كنت مبيته النيه اذا رجعت بعد العيد انشغل بنفسي كنت ناويه اتركه مع نفسه وادور وظيفه يقوم هو يرجع ويمسح فيني البلاط اللي قاهرني كل ما اقدم النيه الطيبه واقول يابنت ادفع باللتي هي احسن قال تتصنعي الطيبه والوجه البريء ماني فاهمه كيف اتعامل مع هالعقليه |
رد: عودة زوجي من السفر واستمرار المشكلة
اقتباس:
شي واحد رح يخليه يتغير بس انتي لازم تتغيري ... يعني اذا قال شي خليك سااااكته ساكته مع نظرة انكسار ... صحيح انه صعب عليك بس رح تتعودي ... اذا رجعتي البيت خليك هاديه ... اذا قالك شي قولي له براحتك ... جالسه انصحك وانصح نفسي برضو لأني رجعت لطبعي القديم .. ليتنا نقدر نمثل للنهايه ... |
رد: عودة زوجي من السفر واستمرار المشكلة
اقتباس:
هو جلس يستفزني ولا عطيته اللي بصدري قام ألف كلام من راسه احس استضعفني لاني بينت مالي حول ولاقوه يسافر يرجع ينكد ماعاد يفرق معه شي الحين كل السب والاتهامات اللي كتبتها بالموضوع والله مارديت عليها بغلطه وحده وهذا قهره وخلاه كل شوي يقول تتصنعي الطيبه والاخلاق طيب كيف ابين له ان كلامه جرحني؟ ياليت تعطيني نصيحتك كرجل |
رد: عودة زوجي من السفر واستمرار المشكلة
اقتباس:
هذا بالضبببط اللي عملته لما قال بكرا سفرتي ناظرته بانكسار وقلت الله يهنيك ويرجعك بالسلامه وشوفي كيف جازاني اتهمني اني اتصنع الطيبه والوجه البريء وكلام اهبل كنت ابغى احسسه برجولته وانه لك الكلمه الاولى والاخيره مع ذلك قلبها على راسي |
رد: عودة زوجي من السفر واستمرار المشكلة
انتم يمكن حد عامل لكم سحر والعياذ بالله ..
كل بيت في مشاكل .. هذا شي طبيعي .. بس مب كل دقيقه .. والاغرب انكم الى الان مستمرين .. اتوقع انكم ماخذين الموضوع عناد .. هو كان يدري انك زعلانه من سفرته .. فلما رجع عمل روحه هو اللي زعلان عشان يتفادى النكد .. طبعا ما ادري شو مبرراته .. اتمنى انك ما تكوني نكديه لذلك يحاول يتهرب منك حتى ما يتصادم وياج بنقاش حاد بلا فائده .. استمراريتكم رغم كثرة المشاكل دليل على انكم تحبون بعض وما عندكم استعداد تخسرون بعض .. بس مشكلتكم ما تبون تحلون مشاكلكم .. بتقضونها زعل كم يوم ثم تردون تتمشكلون مره ثانيه والمشاكل تتراكم ولا تحل .. ضروري تطلعين انتي وياه لحالكم خارج البيت في جو هادي وتضعون النقاط على الحروف .. انا قبل اكتب خذيت لفه ع مواضيعج وشفت ان اغلبها فضفضه وما استفدتي من نصايح الاعضاء .. وتختمين الموضوع بــ قفلوا الموضوع خلاص .. !! ومطبقه ها الشي مع زوجك .. خلاص قفل الموضوع وخل نبدا مشكله جديده .. واعتقد انك المتضرر الاكبر لانه زوجك متى ما طفش راح يطلع مع اصدقائه وانتي بتمين تاكلين بنفسك وما درى ولا سال عنك .. بعدين هو يقول عنك كذابه وانتي تتحسبين عليه وتدعين عليه ومادري شو .. هالكلام ما راح يحل لكم مشكله .. ولا تعصبين من الاعضاء اللي يلقون اللوم عليج .. تراهم يبون مصلحتج .. وانتي حلقة الوصل الوحيده بينكم .. زوجك مب موجود معنا عشان نقدر نكلمه ونفهم منه .. نحن نسمع من طرف واحد .. اللي هو انتي .. ربي يصلح حالكم .. حطوا في بالكم ان الحياه حلوه وبنفس الوقت قصيره .. لا تضيعونها بالزعل .. الدنيا ما تسوى .. |
رد: عودة زوجي من السفر واستمرار المشكلة
اقتباس:
وانج ماتتحملين الصوت العالي وكثرة المشاجرات وقلبج الصغير مايتحمل تقولينها بتغنج ودلع هل جربتي هالشيء ايضا زوجج مشتاق لج بس مو عارف وشلون يقول وواضح انه ماعنده ثقه بنفسه والدليل مو واثق من طيبتج وجالس يتهمج انج تمثلين الطيبه لانه هو مو واثق من نفسه علاجه تغنج وتدلعي عليه لاتبادلينه الصراخ والمشاجره << بتقولين ليش ماابادله نعم على اساس انج رقيقه وقلبج مايتحمل ايضا امدحيه حتى لو بالكذب اهم شيء ارفعي من معنوياته وشوفي اتوقع تجيب نتيجه ـ |
رد: عودة زوجي من السفر واستمرار المشكلة
اقتباس:
واذا عالسفر بأول سنتين سافرت معه باريس ولندن وإسطنبول والحين لي فوق السنتين ماشفت الطياره مع ذلك ساكته واتغاضى وابي المركب يمشي وخلاص وهو معتبرني عدوة وغصب يكسر راسي انا أخاف بكرا يروح يتزوج علي لنفس السبب ياما طلعنا وياما تناقشنا وياما فتحنا صفحات جديدة اكثر شي يقهرني وقت المشكله الجديدة يفتح مشاكل قديمه واذا عاتبته بروقان وأقول لا تحقد علي يقول مو قصة حقد بس ابغى استفزك وهكذا ندور بنفس الحلقة كل شيء اقدمه له مايعجبه والا يشكك فيه والا يستكثره على نفسه وانا قايله بالمنتدى من فتره بعد العيد بفكر مستقلبي وبشتري راحة راسي وابتحاشاه وابدور وظيفة وبشغل نفسي عنه وعن مشاكله لقيته راجع لي بكل هالشر والله ماعمري تضايقت من كلام الأعضاء بالعكس اخذه بعين الاعتبار وانفذ كثير منه ولو تلاحظ ردود فعلي تجاه عصبيته تغيرت تماماااا اول صراحة كنت ارادد.. الحين قصيت لساني قص |
رد: عودة زوجي من السفر واستمرار المشكلة
اقتباس:
لازم تتناقشون في حل كل مشكله تواجهكم .. لا العصبيه الزايده ولا السكوت التام راح يحل لكم مشكله .. |
رد: عودة زوجي من السفر واستمرار المشكلة
اقتباس:
غلط علي كثير امس ولا بين بعينه أي شيء ودي احسسه انه جرحني لاني اعرف نمطه اذا عاملته بعد اللي صار بالحسنى بيقول ماتجي الا بالعين الحمراء وبيقول انتي حاسه انك غلطانه والا ماكان فعلتي كذا هذا دايم كلامه لي لو بتغنج واتدلع مع نفسي.. مو له لانه ماعمل لي أي اعتبار واستثكر علي حتى الكلمة الطيبة والله اني بديت اشك حتى بسفرته كل صوره شورتات وبنات بالبكيني عالبحر مع ذلك والله مافتحت فمي بحرف واحد الله العالم ايش هبب ورجع يطلع مصايب الدنيا فيني لو سفرته بريئة كان ماجاء بكل هالشر انا كاتمة غيظي من البارح ما بادرته المشاجرة زي ماقلتي لي بالعكس كل كلامي حرام كنت مشتاقه واستهدي بالله وبتبع نصيحتك لحد ما يفرجها ربي من عنده وهو يضحك باستهزاء ويقول كذابه تتصنعي الطيبة تمثلي الوجه البريء عطيتك وجه انا اوريك الخ الخ |
رد: عودة زوجي من السفر واستمرار المشكلة
اقتباس:
بدون أي جدل او نقاش او تعليق قال بسافر قلت الله يهينك وترجع بالسلامة يقول عازم فلان اطبخي أقول ابشر يقول جاملي زوجة صديقي واعزميها الخ أقول ابشر يقول ماتستاهلي اسفرك أقول الله يسامحك أحاول اسايره لي فتره عشان يركد شوي لقيته يتمادى علي بزيادة تعبت مدري ايش اعمل |
رد: عودة زوجي من السفر واستمرار المشكلة
اقتباس:
بيني ان كلامه يجرحك بالسكوت و اضهار الحزن و الانكسار بنبرة الصوت و نظرة العين هذه الطريقة هي من تكسر الرجل اما الكلام و المعاتبة ند لند سيزداد اكثر و ياخذها كعناد و تحدي باختصار يجب ان تتنازلي له اذا لم تفعلي ذلك المشاكل ستزداد |
رد: عودة زوجي من السفر واستمرار المشكلة
اقتباس:
ويضخم الأمور وواقف لي على الملي انا ضابطة نفسي من امس وخليته يفرغ كل اللي بخاطره وحاطه ببالي اعامله بالطريقة اللي ذكرتها رغم ان كلامه عن تصنع الطيبة والوجه البريء قاهرني جدا بس بحاول اتناساه جزاك الله خير |
رد: عودة زوجي من السفر واستمرار المشكلة
اقتباس:
اللي امس الشكوى لله انسي وهدئ حالج علشان نفسج فقط من الحين فصاعداً خلي ردة فعلج جديده عليه وهو التغنج والدلع لو اتصل اليوم او بكرى مثلا او ارسل او جاء ياخذج وبادلج بكلمه قاسيه لاتعطينه فرصه يكمل ردي عليه بتغنج واذا زاد تغنج وتدلعي عليه اكثر واكثر غصب عنه يسكت ^^ خبريه اخفض صوتك قلبي الصغير مايتحمل انا تراني رقيقه يزعجني الصوت العالي وكذا مع بعض حركات الدلع اذا كنتو بالبيت وهاكذا خليه يغرق بدلعج وتغنجج اما سفراته استودعيه الله هو سبحانه بيحفظه من كل شر وفتنه مع الدعاء له بينج وبين نفسج واكثري من الاستغفار وربي يسخره لج ـ |
رد: عودة زوجي من السفر واستمرار المشكلة
اقتباس:
ما ادري كيف بس بحاول اتعلم علما بانه من امس ماكلمني بس ارسل لي مسج الظهر : كيف الولد اليوم؟ قلت الحمدلله احسن من امس وبس لان ولدي مريض ولما كان مسافر كنت اتردد عالمستشفى واخوي الله يعافيه جلس معه ساعتين بالطوارئ كل هالمسؤوليات على راسي عشان هو يفلها بالبحر والتان والسهر برا اخرتها رجع يهاوش وينكد ولا يرضيه شي حسبي الله عليه توكلت وهو رب العرش العظيم |
رد: عودة زوجي من السفر واستمرار المشكلة
اقتباس:
هو مشتاق لج بس مو عارف يقول وانتي عارفه طبع رجالنا كـــ عرب دفشين بالكلام مايعرفون يعبرون الا بالجفاء وانهي جفائه ودفاشته معاج بدلعج وتغنجج وربي يشفي ولدج ديري بالج على نفسج وعليه ـ |
رد: عودة زوجي من السفر واستمرار المشكلة
لا يكون زوجك بيقرا مواضيعك هنا؟؟؟
اذا كنتي فعععععلا مابينتي انزعاجك ولا لحظة، ولا حتى بصوتك.. بس تدري ايش الغلط الكبييير الي عملتي؟؟ قولتك عن صديقه هذي هي المرجلة !!! يعني عن جد ما قصدتي شي؟ وحتى لو مش قصدك تلمحي.. الاجواء المتوترة بتخلي كل واحد يسيئ الظن بالثاني.. اسمحيلي هالكلمة ما الها داعي طبيعي راح يفهم انك تقولي انت مو رجال.. وهو ماسك عليك هالكلمة من فترة... غلطك هنا كبير جدا لانك عطيتيه فرصة يغلط عليك بحجة انك انتي مين بدأتي.. خلاص طنشيه الحين وخلي الايام تهدي هالتوترات الي بينكم.. خليكي على هالموقف اوعك تحكي انو هو ما يستاهل الطيبة تبعك ومحاولاتك..ولا اي شي.. خليك مظلومة ونيتك طيبة وهو الي غلط... ماشي؟ انتي عملتي الي عليك،،،وحاولتي في اخر لحظات تستقبليه بطيبه وماتنكدي.. لكن لازم يا كنافة تخبصي وتطلع منك كلمة بتنسف كل شي... وبتخلي شياطينو تلعب فيه.. اتأكدي انه مايقرا مواضيعك هنا.. ممكن تحكيلنا على شو اتفقتو مشان يرجع؟ يعني المفتاح فقط الي خلاك ما تجين عالبيت؟ ماكان عندك حل ثاني؟؟ |
رد: عودة زوجي من السفر واستمرار المشكلة
لا تتغنجي ولا شي.. بس خليك محايدة في التعامل و حزينة.. مش غضبانه وعاقدة حواجبك.. حزييينة..
على اساس انتي مظلومة ونيتك طيبة ومشتاقة وهو أساء الظن فيك وهالشي جرحك.. لا زم تأكديلو نواياك الحسنة وتكفري عن كلمة (هذي هي المرجلة) لانها مش فصالحك وهي سببه هجومه.. |
رد: عودة زوجي من السفر واستمرار المشكلة
كلامك صحيح يا مسك الليل
انا غلطت المفروض اعمل حساب انه واقف عالزله صاحبه اللي اثنيت على موقفه هو يعزه الروح بالروح كان مستغرب منه تصرف معين معطي الرجال كلمه وسحب عليهم عشان زوجته وانا قلت ونعم فيه هذي الرجوله هنا هو شاط تعرفي يقولوا اللي على راسه بطحا يحسس عليها وانفجرت القنبله بوجهي وخبص علي يمين ويسار وقفل الخط بوجهي بعد كومة اهانات انا مليت من الحزن صرت ما اضحك الا اذا بعدت عنه لكن امري لله |
رد: عودة زوجي من السفر واستمرار المشكلة
بالنسبه انه يقرأ مواضيعي
انا ماقلت له ابدا اني اكتب هنا ولا سبق عطيته يوزري ولا شي لكن هل هو متجسس علي وفاتح الجهاز من وراي ما ادري هالشي بعلم الغيب ولو عملها هو الغلطان لان التجسس حرام الحمدلله لا رحت افضح فيه عند اهلي ولا اهله ولا عمري شكيت منه لا لاخت ولا لصديقة عاملته ملك قدام الكل وانه احسن الرجال واذا ضاق فيني كلمت مستشار والا كتبت لكم |
رد: عودة زوجي من السفر واستمرار المشكلة
بإختصار
انتي تحبين دور الضحية والمظلومة وتموتين بهالدور..ابتعدي عنها وامسكي لسانك وحتى لو افترضنا غلط بالكلام امسكي نفسك وهو بعدها بيحس انه غلطان وظالم رفيقة حياته وبيتعدل |
رد: عودة زوجي من السفر واستمرار المشكلة
شوفي حبيبتي..
حطي نفسه مكانه.. هو يعرف طبعك اشلون.. لا تزعلي مني بس فيك ثقة في النفس مزعجة لزوجك.. كانها غرور.. كانك شايفة نفسك عليه.. وفي لحظات انفجارك يطلع منك كلام يأكد هالشي.. هو مثل ماقلتي على راسو بطحة.. ومتعود على طبعك القديم.. يعني كلامه انك منافقة وتتمسكنين.. هو فعلا يفتكرك كذا تمثلين.. لانك انتقلبتي في لحظة.. هو لسه يسيئ الظن فيك..ما اقول عنده حق لكن التوترات الكثيرة وزلات لسانك هي السبب.. هلا لا تعملي دلع وغنج لا.. بيصير عن جد تمثيل وبيفتكر انك ناوية على شي.. لان طبعك مختلف جددا عن هالحركات المبالغ فيها.. خليك زعلانة نوعا ما.. لكن اظهري انك فععععلا مظلووومة.. وطبعك الجديد خليه يظهر في الاسابيع والشهور القادمة مع كل موقف.. حتى يشيل من بالو فكرة انك تمثلي وتتمسكني لحاجة في نفسك.. |
رد: عودة زوجي من السفر واستمرار المشكلة
اقتباس:
ومو صح ان الزوج يجلس على كل كلمة تقولها زوجته لان بكذا ماراح يتفقو ابداً واذا هو حساس فـــ المرأه كلها احساس وعاطفه وكلمه وحده فقط تبكيها اسابيع مو مثل الرجال لكن ومع ذالك فيه شخصيات كل ماتجاوبتي معهم كل مازادت حدتهم يعني تزعلين عليه لانه اخطاء عليج او العكس تطنشين كلهن تزيد حدته فــ الشخصيات تختلف خصوصاً الرجال منهم من هو متاثر في تربيته القاسيه لهيج يوم كبر وتزوج صار ماقدامه إلا هالزوجه يفك العذاب والقساوه قدامها هنا الزوجه كيف تتعامل معه ؟ اكيد بالتدلع حتى لاتعطيه جوه لان زعلها او تطنيشها يزيده عناد ويقولها انتي نكديها وتحبين النكد ـ |
| الساعة الآن 12:38 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©