|
أنا وأم ابناءه اساءات لا تنتهي
السلام عليكم..
عيدكم مبارك ، وعساكم من عواده وبحال أفضل وأجمل يارب... موضوعي اقرب للفضفضة لأن طقت جبدي نعم... آنساتي سيداتي سادتي حكايتي مع أم عياله لا تنتهي أبدا أبدا أبدا متجددة بتقادم الأيام والاسابيع والشهور لازالت تقط كلام.. ( يالساحرة يالمطلقة يالعجوز - المضحك ان انه اصغر منها بحوالي 10 سنوات عساج تموتين بحادث وما تلقين احد يصلي عليج - على أساس اني يهودية يعني! يعلج ما تحملين ولا تشوفين لج ذرية ddd ) وووو إلخ مش مشكلة اشعاد خل نغض البصر عن كل هالكلام... الكارثة .. ان اهيه واخواتها مكلفين واحد يأخذ لهم تراب من على القبور وودوه حق وحدة ما ادري شسوت فيه .. ونثروه عند بابي مع قطعة ما ادري شنهي .. وكلفهم هالعمل مبلغ و قدره شلون عرفت ؟ بناتها قايلين لي ولأبوهم .. لانهم خايفين وكنسوا التراب من عند بابي قبل لا ادري... في نفس هاليوم شفت اختها عند بابي وتسائلت وايد شيايبها هني ! وقلت لزوجي قال تلقينها تبي تتجسس علينا.. وكلمها وهاوشها جدامي ردة فعل زوجي على موضوع السحر ضحك وقال ان تعبوا وهم يسوون لي سحر ويحطونه تحت مخدتي عشان ما اتزوج و بعدين عشان احبها ما اشوف تأثرت يعني يقول شكل اللي يسوون عندها هالسوالف تقص عليهم وتاخذ فلوسهم موضوع الكلام اللي تقطه أحيانا ما اخبر زوجي عنه واحيانا اذا خبرته يتهاوشون و تلم ثيابها بتطلع واخوها يرجعها... صاروا بناته يترجوني ان ما اخبره..خايفين يطلقها او يبتعد اكثر فسكتت عشان خاطرهم.. خايفين امهم تتطلق.. وقبل جم يوم بناتها كلموها وقالوا لها عيب عليج ووو إلخ .. حبستهم في غرفتهم لا فطور ولا سحور .. وابوهم ما يدري بكل هذا بس آنه تمللت! المشكلة ان اعرف نفسي اذا نفذ صبري والشياطين تنططت جدامي بحرق عليها البيت باللي فيه! لحد الآن يمكن مرتين رديت عليها مرة لما قالت لي : ليش تزوجج مع اني اجمل منج - قلت لها غريبة مع ان ليل نهار يقول لي ما شفت انثى مثلج / النتيجة زادت شتايمها و مرة لما قالت لي : يالعجوز - قلت لها الفرق بيني و بينج حوالي عشر سنوات / بعد زادت شتايمها هالمرتين اليتيمتين اللي رديت عليها فيهم و دايما تقول لي يالمغرورة - لاني ما ارد يعني لا الرد نافع ولا السكوت نافع ولا ممكن اطلع من هذا البيت - مستحيل بترك بيت تلعب فيه الخيل وفي منطقة راقية لبيت اصغر واكثر تواضعا وفوق هذا هني مكتبة زوجي و كتبه و مكتبه يعني ما اقدر اترك هالبيت... يعني هني في هذا البيت حياته و نصف يوميه يقضيه في مكتبته ممكن ابلع الكلام اللي تقطه بس مخوفني وايد موضوع السحر! |
رد: أنا وأم ابناءه اساءات لا تنتهي
طالما ماتبين تشترين راحة بالك وقابله تعيشين معها تحملي
|
رد: أنا وأم ابناءه اساءات لا تنتهي
زين لاتسكتي لها اجل المطلقه الله يهديها
المشكله لو بتصغري عقلك مثلها ممكن زوجك يطفش منكم ثنتينكم من خلال مافهمته من شخصية زوجك لو في إمكانيه يفتح لك زوجك من جهه ثانيه حتى لو من داخل اي غرفه تخرج ع فناء البيت يحط بهو صغير ويفتحلك باب خارجي في البهو والباب الحالي خاص بزوجك انتي لا تطلعي منه ابداً وبكذا مارح تحتكي فيها إلا نادراً واصبري ع النادر ومن حقك ماتخرجي من بيت زوجك |
رد: أنا وأم ابناءه اساءات لا تنتهي
ضيعتني العاطفة : طبيعي ابي اشتري راحة بالي في كل الاحوال
وما بتخلى عن راحة من اجل راحة .. لان الامرين من حقي متفائلة : فعلا تقريبا تقسيم البيت بالطريقة اللي قلتي عنها البيت صاير وسط حوش.. الحوش فيه باب لي و باب لها و باب لقسم زوجي الخاص به بابي .. اول ما تفتحينه تلاقين درج على راحة الدرج فيه باب يدخل حق بيتهم يستخدمونه زوجي والشغالة وبناتها فقط.. هي تخاف ان احد يدعي عليها دايما اقول لها حسبي الله و نعم الوكيل تدش بحالة هستيرية! تقول لي لا تدعين علي واسحبي دعوتج وتزيد في الشتايم والكلام الجارح!! |
رد: أنا وأم ابناءه اساءات لا تنتهي
اشوف الانتقال من بيت زوجك الى شقة اجار افضل حل
زوجك لن يستطيع منعها وغير مسألة السحر فهذه بحد ذاتها مخيفة انتي بتعيشي عمر ان شالله معاه مو يوم ولا اثنين وراح تحملي وتخلفي ان شالله و راح يزيد شرها الافضل تطلعي لشقة ماتعرف هي عنوانها اهم شي راحة البال |
رد: أنا وأم ابناءه اساءات لا تنتهي
حافظي على فروضك في أوقاتها
حافظي على أذكار الصباح و المساء |
رد: أنا وأم ابناءه اساءات لا تنتهي
الله يعينكم ، طبعا اللي تسويه غلط ، لكن هي أعصابها تالفه ، يعني اللي فيها تحطه فيك ، لكن فعلا قصة السحر تخوف و خاصة انها تخاف انك تتحسبي عليها ، معناه هي عارفه نفسها و ذنبها ، انصحك انك تحاول ما تتقابلوا ، ولا حتى ان تشوفك .
|
رد: أنا وأم ابناءه اساءات لا تنتهي
وإذا حصل وتقابلتوا ، جربي تنصحيها ، يعني لما تسبك و تدعي عليك ، قول لها استغفر الله عشان الله يوفقك ، و ادعي لنفسك بالخير ، وقولي لها ان ادعي لك بالخير ما ادعي عليك ، يعني في عز غضبها ذكريها بالخير .
|
رد: أنا وأم ابناءه اساءات لا تنتهي
زيون
مثل ماقالوا اسحبي نفسك من هالمشاكل المنطقة الراقية ماراح تجيب لك راحة البال بعدين ليش تسكتين؟ تكلمي قولي له! الوضع مؤذي ومانتي ملزومة تفكرين باحد.. انتي ملزومة بنفسك وراحتك مشاكله مع ام عياله هو يحلها معاها والشي اللي تدحشك فيه هي قولي له عنه عياله مالهم شغل.. واذا واصلة لسحور وانتي ساكتة هذا سحر يازين.. جريمة! ممكن توصل لاشياء اكبر بكرا.. انتبهي ووقتها بتندمين على سكوتك.. وبناته ماراح ينفعونك وبالنهاية انتي مرة ابوهم |
رد: أنا وأم ابناءه اساءات لا تنتهي
عن تجربة ومراقبة لكل من عدد في مجتمعي
الغالب يطلق الأولي ما ترتاح لين تتطلق لأنها مو قادرة تتقبل التعدد ولما يجئ الوقت اللي تتقبل فيه التعدد يكون الزوج غير قادر علي تقبلها في حياته : ) |
رد: أنا وأم ابناءه اساءات لا تنتهي
حبيبتي زينو ما رح قلك طنشي لانو في اشياء ما بينسكت عنها وخاصة السحر
فدايما اقرئي بالبيت لربنا يبعد عنكن كل اذى واكمشيها من الايد اللي بتوجعها اتحسبي عليها قدامها ولو مش من قلبك وبغيابها ادعيلها بالهداية دعواتي ترافقك يا رفيئتيdgtdgtdgt |
رد: أنا وأم ابناءه اساءات لا تنتهي
حسبي الله عليها سحر مره وحده
حصني نفسك وزوجك واقرأي الأذكار اذا مرتاحه ببيتك اقعدي فيه لكن توكلي على ربك وثقي فيه وتيقني ان مابيضرك الا اللي ربي كاتبه لك عامليها بالحسنى كل مااساءت لك حتى ماتحقد اكثر عليك وكويس انك ماتردين عليها لعل الله يهديها وتبتعد عن حياتك |
رد: أنا وأم ابناءه اساءات لا تنتهي
كتبت رد طويل و طارت الطيور بأرزاقها..
ارجع ارد عليكم ان شاء الله |
رد: أنا وأم ابناءه اساءات لا تنتهي
يعني يا زين بالعقل انت الاصغر والاجمل والاخيرة
طبيعي تكيدلك خاصة اذا كانت قليلة دين انتظري منها كل شى لذلك يا عمري كوني حريصة وحصني نفسىك ولا تاكلين اكلها واذا انت خوافة مثلي هجي من المنطقة هذا سحر مو شى هين وداىها رددي اللهم اكفني شرها والله يحميك |
رد: أنا وأم ابناءه اساءات لا تنتهي
اقتباس:
حياة زوجي في هذا البيت هني مكتبته و مكتبه و مكان استقبال الرجال و غرفته الخاصة يعني لو انتقل لمكان ثاني ما راح اشوفه الا وقت النوم في يومي اقتباس:
اقتباس:
تزيد في الشتائم.. أي لما اتحسب عليها تعرض علي حتى مبلغ و قدره عشان اسحب الكلمة!!! اقتباس:
والله ما ادري يا اخوي هي تدبيرها ضعيف , يعني اللي يجي في بالها تسويه بدون حساب للعواقب |
رد: أنا وأم ابناءه اساءات لا تنتهي
اقتباس:
حتى لو كنت مرت ابوهم .. ما انسى مواقفهم ابدا البنات معتبريني شخص مهم بالنسبة لهم .. يشاركوني يومياتهم اسرارهم اذا يبون يقعدون معاي ينتظرون امهم تنام يضطرون يسهرون عشان يشوفوني.. علاقتي فيهم وايد طيبة .. لذلك أخاف اسوي شيء يؤذيهم .. فاهمتني ؟ الشيء الثاني ردي عليها يا صديقتي معناته نزلت نفسي لمستوى قلة الاحترام و انجريت لمنطقة ما احب أكون فيها... أي خايفة من موضوع السحر ... ولو ان ما أتصور انه يرقى لمرتبة السحر لان حسب معرفتي اغلب اللي عندنا يدعون السحر .. بس ما يتقنونه يعني مجرد ضحك على الناس وياخذون فلوسهم .. والله اعلم اليوم صار شيء بعد شويه اكتبه لكم اقتباس:
بتحسب عليها ئدامها بتئولي بتنئلب احوالها بتعرض عليي مبالغ مقابل انو اسحب دعوتي! ييييا رب الله يهديني و يهديها اقتباس:
أي يا سكر مرتاحة في البيت و حابته .. وما أتصور نفسي أعيش في مكان اقل منه ما بيني و بينها أي تعامل وما اشوفها ولا تشوفني الا نادرا جدا جدا جدا ولكن صوتها يوصلني عبر الاثير hgddd |
رد: أنا وأم ابناءه اساءات لا تنتهي
لا يازيون ماقصدت انك تردين عليها ابدا
اقصد قولي لزوجك عن الاذى اللي يجيك او اذا ماتبين تاذين البنات عالاقل ابعدي عن اذاها انقلي من البيت.. والله ان تشوفين دنيا ثانية |
رد: أنا وأم ابناءه اساءات لا تنتهي
اليوم تلاقينا صدفة
هي ما تروح مكتب زوجي بس آنه عادة اروح المكتب والمكتبة عندي بحث قاعده احضره ف استخدم المكتبة ddd صادف وجود بنتها هناك - آنه و زوجي وبناته نشترك في موضوع القراءة نحب نقرأ واللي يقرأ كتاب يخبر الاخرين عنه بحيث ان نقرأه ونتناقش فيه إلا اذا كانت كتب تتعلق بتخصصي او تخصصه ام عياله ما تحب القراءة فما تنزل للمكتبة - رايحة تأخذ كتاب نصحناهم فيه آنه و زوجي لان سبق وقريته وهو بعد نزلت لان لاحقه بنتها متهاوشة معاها الصبح والحين فضت لها فنازله بتطقها شافتني مع بنتها - هي مانعه بناتها عني لأن حسب كلامها ان اذا صارت علاقتي قوية في البنات زوجي ما بيطلقني .. أما اذا ما لي علاقة فيهم ف بيطلقني!!! - و طقت بنتها جدامي .. وآنه قامت تغلط علي بالكلام .. سجلت صوتها و دزيته لزوجي... طلبت منه عدم التصرف .. درءا للمشاكل وانما يهددها فيه مو اكثر... هل تضرفي فيه ظلم لها ؟؟؟!! |
رد: أنا وأم ابناءه اساءات لا تنتهي
ظلم مييين؟
انتي اللي غلطتي؟ تبليتي عليها؟ قلتي شي مو فيها؟ تطاولتي عليها؟ حاولتي تسحرينها؟ خربتي بيتها؟ شدعوة زيون لاتجننيني! بقطع شعري الحين 😱 |
رد: أنا وأم ابناءه اساءات لا تنتهي
ddd لا تقطعينه ترى الحين يدفعون مئات الدنانير عشان يزرعون لهم 3 شعرات
ما تبليت عليها بس صرت كأني انتهزت الفرصة و سجلت صوتها مع علمي ان ردة فعل زوجي بتكون عنيفة اتجاهها.. وتسببت بمشكلة مع البنات فانتي .. البنات محبوسين بغرفتهم خايفين يفتحونها لان بتطقهم gfg وللأمانة احس ردة فعلي خلتها تشب نار اكثر.. قالت لي عجوز ومطلقة و جاهلة تسوين نفسج مثقفة و جاية تقرين كتب وانتي الخط ما تعرفين تفكينه! ابتسمت .. من ابتسمت شبت ابتسمت لان دايما تكرر كلمة عجوز! وهي تدري اني اصغر منها بوايد!!! ولاني ما اعرف افك الخط!!! انزين آنه جامعية وهي شهادتها اعدادية فقط هالشيء ما لي يد به كله توفيق من رب العالمين لكن غصب عني ابتسمت من كثر ما تكرر هالكلام واذا على مطلقة ودي أقول لها سالفة طلاقي واريحها! ودي اخبرها ان آنه اللي خلعته و دفعت مبلغ وقدره عشان اتطلق منه أتمنى أعيش بسلام |
رد: أنا وأم ابناءه اساءات لا تنتهي
ولا عبرتيني يا زين يعني اكتب واتعب وادعي ولا كانك شفتيه
المهم خلي زوجك على اطلاع بسواتها |
رد: أنا وأم ابناءه اساءات لا تنتهي
ذكرتيني بالمصيبة اللي عندنا
ما هي زوجة اب بس خربت علاقة اربع اخوة مع بعض و كيدها لا يقارن ابدا مع كيد ضرتك ضرتك مسكينة صدقيني مسكينة لانها ضحية جهلها و حقدها نحوك و هذه النوعية تفهم الصمت على انه ضعف و لازم يستغلوا ضعفك مع انك عندك القدرة على الرد و بقسوة بس ما يفهوا الا بالقوة القوة استخدمتيها لما سجلتي كلامها هي كبيرة و مسؤولة عن افعالها فلازم تتحمل العواقب مجرد ما تحس ان صمتك مو ضعف و انك قادرة تردي الصاع صاعين رح تتخبا و تتادب و تتلم على حالها بس مو قبل ما تاخذ علقة جامدة المهم ما تكوني البادية لان البادئ اظلم عدا كذا مارسي حق الرد بالشكل المناسب حتى تكف اذاها عنك |
رد: أنا وأم ابناءه اساءات لا تنتهي
اقتباس:
اقتباس:
اذا نسينا الحمد شنصلي به ؟؟ الترجمة : إذا نسينا سورة الفاتحة بمَ نصلي يا فتاة العتب عالنظر اعذريني حبيبتي Glk ما اكل اكلها ابدا ولا أصلا تدز لي شيء بالعكس آنه اللي ادز لهم كيك وهالسوالف آنه فعلا خوافة بس بإذن الله ما تقدر تسويلي شيء ههههه وفا ترى البحرين 3 بيوت و بقالة وخباز ومجمع :d يعني لو ترشين فوقنا كاسة ماي نغرق يعني البحرين صغيرة اقصى منطقة تبعد عن منطقتي الأم ساعة الا ربع او ساعة فقطططط يعني في أي مكان اذا تبيني تقدر توصل لي.. آنه ابيها تشيلني من راسها فقط |
رد: أنا وأم ابناءه اساءات لا تنتهي
اقتباس:
في بداية زواجي سجلت لها وايد وكانت في كل مرة تاذخ لها علئة جامدة ويحضرون اخوانها و تقريبا 4 مرات لمت اغراضها تطلع من البيت تروح بيت اخوها واخوها يرجعها الله يشهد ان لو ابي جان اقط عليها كلام اكثر من اللي تقوله ولكن آنه مو جذي وما احب.. بس ابيها تقص لسانها عني .. لأني اذا انفجرت اعرف ان راح اخليها تترحم على هالايام ddd احس ما لها حل ابدا بس والله من حر ما فيني ابي افضفض |
رد: أنا وأم ابناءه اساءات لا تنتهي
عامليها على قد عقلها.. يعني تسبك على طول خليها والله هي الي صوتها ينبحّ وزوجك يضحك عليها مالك فيها؟؟
لو تعملك شغل ومكائد من تحت لتحت وتتصرف برقي ونفاق كانت اصصصصصعب عليك لان لا زوجك ولا بناتها راح يشكو انها شريرة ويمكن زوجك يشك فيك انتي لان مرته تكيد لك بدهاااء.. والله الموضوع لازم يخليك تشفقين عليها وتدعين لها بالهداية.. مبهدلة نفسها امامك وامام اولادها وزووووجك عن جد ما تنلام... ولما تتحسبي عليها تخاف وتقول خذي الفلوس هههههه والله مسكينة عن جد الله يديم علينا العقل.. انتي ماشية صح، وزوجك شااايف وفاااهم حتى لو ما تحكين،، بالعكس اءا حكيتي بيطفش وتصيري بعقل صغير مثلها وتنقصي من عينه.. مالك مشاكل غير شغلة السحر، هنا لااا تتساهلي، وان شاء الله ما يأذيك.. لكن خلي زوجك يوقفها عن حدها مثلا يعاقبها عقاب شديييييد يحطها ثلاث اشهر ببيت اهلها وما يسأل عنها.. زوجك يضحك عليها ويتمسخر في امور السحر،، لكن لازم يقف وقفة صارمة في هذي الأمور.. يمكن مثل ما قلتي السحرة الي عندهم ما يتقنوه.. لكن انتبهي السحر موجود ويكفي انها تاخذ اثر منك او لا قدر الله اذا خلفتي تاخذ من ابنك الله يحفظكم.. وتلاقي ساحر يفهم.. الله يكفيك شرها.. وتغيير البيت مو حل.. هي راح تكسب لانها بعدتك عن زوجها والبيت،، لكن ماراح توقف راح تجيبلك السحر والخرابيط ويين ماكنتي.. صراخها وشتايمها ما تهزم ابدددد بل اضحكييي عليها عشان تخجل.. اما السحر ابد ابد مااا تسكتي هنا خذي اغراضك وروحي لاهلك عشان زوجك يحس بجدية الموضوع عندك وقولي مالي رجعة لحدما توقفها عند حدها. |
رد: أنا وأم ابناءه اساءات لا تنتهي
اقتباس:
ترفعي عنها يا زين ولا تجعليها هما والله يحفضك |
رد: أنا وأم ابناءه اساءات لا تنتهي
يبعتلك الهنا يا وفاء على خفة دمك نسيتيني شو بدي قول لزين هههههه
ربي يسعدك دنيا وآخرة ❤❤❤ ايه زينو حبيبتي ما دام بتعرفي نقطة ضعفها انت بس اتحسبي عليها ظاهريا وادعي ربك داخليا انو يهديها وخليها تخاف لتتعلم لانو ما دام بتخاف هالقد من الدعوة يعني كل تصرفاتها عن جهل ومشكلتها مع زوجك قبل ما يتعرف عليكي يعني مش انت سبب مشاكلهن وبالنسبة للتسجيل خبري زوجك انو هيي ما هاممتك شو ما قالت وانك خبرتيه بس كرمال البنات لانهم دايما بيخافوا من عقابها واذا عندك دليل على كلام البنات خليه يقراهن وما يخبرها شو عم يقولوا كرمال تضل ثقة البنات فيكي كبيرة ويقدروا يلجؤولك عند اي مشكلة وامتصي غضبه بالنسبة لقصة البنات ربي يريح بالك ويسعدك دنيا وآخرة حبيبتي dgtdgt |
رد: أنا وأم ابناءه اساءات لا تنتهي
مسك .. والله ما ادري ضايعة
فاتحة باب الدرج وتسب و تغلط ومستغلة غياب زوجي عن البيت الله يحفظه تتصل في خلق الله قاعدة تقول لهم ان زوجي كل يوم يهاوشني ويصبحني بهوشة ويمسيني بهوشة وانه بيطلقني!!!!! وكل هالكلام من جيبها... وتقول تعالوا شوفوا هالمينونة - تقصدني - طبعا اكلمكم من قلب المعركة وفا .. صديقتي أطالب بالسلام فقط تشيلني من راسها |
رد: أنا وأم ابناءه اساءات لا تنتهي
لا حول ولا قوة الا بالله ، ربي يعينكم ، كانت المفروض انها ما تعرف انك زوجة ثانيه لزوجها ، أتعرفين يا زين ، معظم المعددين يخفون زواجهم عن أزواجهم بسبب اللي تعيشينه ، و يفصلها تماما عن زوجته الاولى ، لراحة الاثنين ، لكن اللي صار عندكم ، انها ما تمهدت لهذا الشي ، يعني ما دخل عليها الموضوع حبه حبه ، و غير كذا انت امام مراها عشان كذا تجننت ، اشوف يا اختي العزيزه ، ان ترحميها صح و تبتعد عن البيت . لا تزعلي من كلامي ، بس كذا الوضع ظلم لكم إنتوا الاثنين ، انت ممكن تنظلمي من قصة السحر و غيرها ما تدري ممكن مثل ما قالت العضوه انها تأخذ من أثرك و ترسلها لساحر خارج البلاد ، ساعتها لا سمح الله ، راح تندمي ، وهي انجنت و مجننه بناتها و راحت للغلط و الحرام .
|
رد: أنا وأم ابناءه اساءات لا تنتهي
طيب الباب الي تستغله في غياب الزوج قولي لزوجك يغير مفاتيحه ويكون خاص فيه هو
بناته عادي يجو من بابهم الرئيسي تصدقي احنا زيك في بيت اهلي تقسيم البيت مثلكم لكن المعاناه من الزوجه التانيه امي ماتسمعي حتى صوتها وهي تسولف وهديك ماسكتنا يالبنات وغايره منا وصوتها يلعلع في العماره وحاد جداً نفسي ابويه ياخذ مفتاح خاص فيه واحنا أولاده بنتقابل في استراحة والدي غالباً مانتقابل في البيت وشبه يومي نروح ع الاستراحه ومبسوطين يعني الباب بس للهواش احس الزوجه غير عن البنت لما تطلب طلب زي كدا |
رد: أنا وأم ابناءه اساءات لا تنتهي
الحل :
تعيشي بعيد عنها .. |
رد: أنا وأم ابناءه اساءات لا تنتهي
زينو حبيبتي ترا يتم عمل السحر عن طريق تراب المقابر يعني مو خرابيط
انتبهي على نفسك الله يصرف اذاها عنك |
رد: أنا وأم ابناءه اساءات لا تنتهي
اذكر قبل فتره قلتي انك تشوفين اشياء بالبيت وكنتي تنادين زوجك فكان يعصب ويتهمك بانك تتوهمين
فانتبهي لبيتك من ناحية السحر وخلي القران شغال |
رد: أنا وأم ابناءه اساءات لا تنتهي
لو بعدتي عنها
ما راح تكوني امام عينها و بتخف نار الغيرة و تشيلك من راسها |
رد: أنا وأم ابناءه اساءات لا تنتهي
الله يعينج اختي زين..هذا الموضوع ذو شجون والي ما جربت كلامها يكون مجرد تنظير ..ما في اصعب على المرأة من ان تشوف ضرتها خاصة ان كانت هي الاولى ..فارحميها ولا تتحسبي عليها ..ادعيلها امامها بالهداية ..الصراع بين الضرائر لم تسلم منه حتى زوجات النبي صلى الله عليه وسلم..
|
رد: أنا وأم ابناءه اساءات لا تنتهي
واوصيك بقراءة سورة البقرة في ماء والرش منه داخل بيتك..هداكم الله وأصلح حالكم
|
رد: أنا وأم ابناءه اساءات لا تنتهي
طلعه من البيت ما راح اطلع لو على جثتي
اذا بطلع منه فلمكانين فقط يا المقبرة او مطلقة لبيت ابوي فقطططط صار الموضوع تحدي يومين نفسيتي زفت و ضغطي مرتفع حسبي الله و نعم الوكيل قاعدة تصير تطورات متسارعة وبنشوف الظهر شيصير اذا كلش كلش استعسرت ... التسجيلات اللي عندي لها راح يكونون في المحكمة بتهمة السب والقذف لا إله إلا الله ... طلعتني من طوري فيه ناس مو مال تعطيهم ويه .. لان يفكرونك ضعيف لمن تسكت لكن اليوم الظهر بتنحسم بعض الامور بإذن الله حاليا مقهورة ولا ادري شقاعدة اقول لكن ما بتنازل ولا واحد بالمية فيه ناس ما ينفع معاهم ان تعملين بأصلج لازم تنزلين شوي لمستوى اخلاقهم |
رد: أنا وأم ابناءه اساءات لا تنتهي
يا زين ، انت ذكرت ان الامر تحدي ، يا مطلقه او في المقبره ، لا سمح الله ، لكن اذا كان نهاية إصرارك شي غير عن الاثنين ، يعني افرضي انها سحرتك سحر غير عن التفريق او زياده عليه ، مرض او اي نوع اخر ، او انها فعلا حصل طلاقها هي ، وصرت انت المسوؤله عن ابناءها ، هل عندك قدرة على الشي هذا ، وبما انه احتمال كبير على تصرفاتها ، راح تخسر الاحقيه بحضانة وتربية ابناءها ، او افرضي زوجك قرر يتزوج بدلاً عنها ، وحده راضيه بحياته ، و تكون مكانها زوجه ثانيه او ثلاثه ، هل فكرت بهذه الاحتمالات ، بارك الله فيك ، زين خليك واقعيه ، صدقني ، بعدها ما راح ينفعك بيت ولا غيرة .
|
رد: أنا وأم ابناءه اساءات لا تنتهي
اهدي شوي
هذي الحياة اللي قاعدة تعيشينها مالمفروض تعيشيها اساسا انتي مرتبطة فيهم و المفروض تكوني بمعزل ولك حياتك المستقلة بدون وجع راس ومنتي مظطرة تدخلي معاها في حروب هي جرتك لواقعها و معيشتك نفس عيشتها وما المفروض يحصل هالشي استقلي عن بيتها جدي كان متزوج ثلاث الله يرحمه ثنتين ساكنين مع بعض في نفس العمارة جدتي وضرتها والثالثة بعيد الثنتين اللي مع بعض ساكنين عاشو بمشاكل وحروووب طويلة ومشاكل بين الاخوان ما انتهت الا بموتهم الضراير يعني والثالثة عاشت مرتاحة وبعيدة عن المشاكل وعلاقتهم فيها طيبه |
رد: أنا وأم ابناءه اساءات لا تنتهي
زيون
هو حلين يا يكون لك قسم خاص فيك ماتدخل فيه منفصل نهائي مدخله وكله ولا تقابلينها او تطلعين ورده فعل زوجك عن موضوع السحر غريبه شلون يرضى زوجته تروح لسحره |
| الساعة الآن 11:14 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©