|
مسجات بين زوجي واخوه مستجد رد151--218
السلام عليكم ورحمة الله وبركاته ...
*اللهم لا تختم رمضان إلا وقد رفعت أسمائنا في صحائف العتقاء ... من اول شهر رمضان او قبله بكم يوم ... كنت افتح جوال زوجي " من غير علمه " ... لفتني مسجاته مع واحد من اخوانه اللي ساكن بالمدينه اللي فيها اهلي في الواتس اب ... والموضوع عن الميراث* ... كان يقوله ... قول لزوجتك ان اخوانها بيوزعوا الميراث ولازم تكون على درايه وكذا... او يقول هاه زوجتك درت عاللي صار كذا وكذا .. هو الموضوع كله على الميراث وان اخواني جالسين يخططوا ويسووا مشاريع ومدري ايش ... ويقول خلى زوجتك تكلم اخوانها ان مو وقت المشاريع والخرابيط.. وانا احنا كلمناهم بس مايسمعوا مننا ...طبعا انا داريه بكل شي من اختي وامي بس ساكته مابي احد يتدخل ... ولا انا ابي اتدخل كل واحد ويصطفل بنفسه ... المشكله ان ردود زوجي على اخوه هي اللي محيرتني ... يقوله طيب بكلمها ... ويرجع يقول كلمتها وهي كلمتهم خلاص ... او يقول انها اتصلت على اخوانها واتفقوا على تأجيل الموضوع .. او انها تزاعلت مع اخوانها وماتبغى تكلمهم الا بعد ماترجع .. !! بس هو ماعمره فتح معاي الموضوع ابدا .. ولا يتكلم عن اخواني قدامي ... من وين يجيب هالكلام على لساني ؟! شهر وانا ساكته بس افتح اقرأ الرسايل واقفل .. ودي افتح معاه الموضوع بس مابيه يعرف اني عارفه الرقم السري وافتح من وراه لان بتصير مشكله وانا في غنى عنها ... هل اقوله ولا اسوي نفسي مو داريه بشي .. وبصراحه انا ساكته بس ابي اعرف لوين بيوصلون هو وأخوه!؟ فمادري وش اسوي عجززت اطنش اكثر من كذا ..* صار عندي فضول اعرف كل شي وليه يقول لاخوه انه يكلمني وهو ماكلمني ... وليه حاشرين نفسهم باخواني .. ثاني يوم العيد برجع لمدينتنا ولعند أهلي ومابي أتدخل بالموضوع ابد ... مستجدات الرد 49 http://66n.com/forums/showpost.php?p...8&postcount=49 مستجدات الرد 151 http://66n.com/forums/showpost.php?p...&postcount=151 مستجدات الرد 218 http://66n.com/forums/showpost.php?p...&postcount=218 |
رد: مسجات بين زوجي واخوه
حريم والله انكم تبحثون عن المشاكل
اولا تفتيشك جوال زوجك فعل مشين وحرام وتكسرين الثقة بينكم ولا راح يثق فيك لو اكتشفك....بنسبة للميراث امر يخصك انتي واهلك |
رد: مسجات بين زوجي واخوه
والله عيب هالشغلة ومافيها اي احترام لزوجك ،، باي حق تتطلعين على خصوصياته كل يوم من غير علمه ،، وابشرك اذا استمريتي كذا مالك الا الهم والقلق ،،
|
رد: مسجات بين زوجي واخوه
مو من حقك تفتشي جوال اي انسان
هذي خصوصياته وانتي انتهكتيها والتجسس حرام بالنسبه لكلامه مع اخوه عن ورثك واضحة اخو زوجك ملقوف وزوجك يحاول يسايسه ويبين له انه متحكم بينما في الواقع معترفه انه ماتدخل وتارك الموضوع لك ولخوانك |
رد: مسجات بين زوجي واخوه
ممكن مايبغى اخوه يدخل فيرد كذا
سموره انتبهي لا يكشفك انك بتفتشي ولو تسيبيها أفضلك هذي خصوصيات |
رد: مسجات بين زوجي واخوه
طيب ادري انه مو حلو افتش .. بس مو سالفة ثقه وما ثقه ... انا اثق فيه بس تفتيشي لجواله مجرد فضول ... وهو ماكان مانعني وكان معطيني الرقم السري .. بس حصل موقف قبل فتره وغيره وماعطاني ومنعني ... وهذا مو موضوعنا التفتيش ومثل ماقلت مجرد فضول وماهي سالفة عدم الثقة...
|
رد: مسجات بين زوجي واخوه
مو سالفة تجسس والله بس حبيت اعرف لوين بيوصلوا وليه حاشرين نفسهم ...
انا اعرف زوجي يموت ولازم يتدخل ... لأنه مره قال لي على اخواني على الميراث وقال الحقي قبل لا ياكلونه عليك ... هذا الكلام قبل اكثر من شهر ونصف ... في اشيا كثيره ببالي وقاعده اربط مابينهم ومدري كيف ... غسق منتبهه لهالنقطه بس صعب اتركها ... فيني فضول اعرف وش يدور براسهم .. |
رد: مسجات بين زوجي واخوه
بكر لو كشفك وداك لبيت اهلك وسحب عليك
حطيتي موضوع طولة متر وكلة دور المظلومة وتظلم وتحسب مثل غيرك من الصعب بناء الثقة ولكن من السهل هدمها |
رد: مسجات بين زوجي واخوه
ي بنت الحلال واضحه ومايبي لها كلام
الموضوع بأختصار زوجك رجل ونعم فيه مايبي يتدخل .. في موضوع الميراث لأنه مايخصه ولأنك ماطلبتي منه يتدخل ومنحرج من أخوه ومايقدر يرد عليه ان الأمر مايخصه ولايعنيه.. وبيض الله وجه ... وأحمدي ربك على هالرجال |
رد: مسجات بين زوجي واخوه
اختي التجسس مايجيب الا الهم والنكد
وهالشي لمستيه بعينك اتركي جواله الله يرضى عليك لاتصير عاده عندك |
رد: مسجات بين زوجي واخوه
زوجك مو حاب يتدخل بينكم ويمكن مو حاب يوصلها لاخوه كذا على اساس انه عارف بالموضوع
بس انتي لا تفتحي الموضوع مع زوجك ويبدأ هو يتكلم معك في الموضوع الورث شيء يخصك انتي واهلك |
رد: مسجات بين زوجي واخوه
زمان ماكنت افتش الا نادرا بس الحين بس جالسه افتح على رسايلهم مافتش الجوال كامل ... يعني شي يخصني فحابه اعرف وش يقولون .. هالشي غلط يعني ؟
اخي الراسي .. زوجي من النوع اللي يتدخل وفي كلام كثيير دار بينهم .. ومن ضمنها انه كلم اخواني فمادري صحيح هالكلام ولا لا ... ابي اقوله اني شفت المحادثات بس خايفه من اللي بيصير |
رد: مسجات بين زوجي واخوه
إنتي اعرف اذا يتقبل فتحك للمحادثة او لا
لكن حبذا ماتقولي |
رد: مسجات بين زوجي واخوه
الزوج في بعض المواقف يكون كالأب يخاف من ضياع حقوق أبناءه (زوجته في حالتك)
أعذريه لو كلمك ولا تكوني قاسية ولكن كوني حاسمه لكلامك في النقاش وحقيقة يفترض أن تنتبهو أنتم كأخوة لموضوع الورث خاصة إن كان هناك من يريد التصرف فيه من باب حفظ الحقوق وحتى لا ينشط الشيطان بينكم في المستقبل ولا تركضي خلف محادثاته مع أخوه لأنه ماراح يخبرك عنها أبد و ماراح تفيدك شي غير أنك بتتنكدين و تتوسوسين و تحوسين في مكانك فلا تطلعين عليها و صفي قلبك |
رد: مسجات بين زوجي واخوه
يا انك تدورين المشاكل دواره
زوجك منحرج يقول لاخوه مالي دخل لا انا ولا انت ويصرف الموضوع بطريقته لكن اعقلي كفايه تفتيش سيارات وجوالات بتهدمين بيتك انتي باي طريقه |
رد: مسجات بين زوجي واخوه
توقفي سمورة عن التجسس
هذا امر صريح من الله عز و جل ثانيا لا ارى تآمر عليك او خبث. حسّيت فضول |
رد: مسجات بين زوجي واخوه
التجسس راح يجيب لك مشاكل ويفقدك الثقه بزوجك والعكس صحيح وغير جائز شرعا..
أولا اتركي هذه العادة السيئة لكي لا تري ما لا يسرك.. ثانيا يتضح من اخو زوجك انه رجل غثيث وزوجك واضح انه ما يبغى يتدخل او يفتح الموضوع وجالس يصرف أخوه، وثانيا حتى لو فتح معك الموضوع ردي عليه بكل هدوء ان هذا موضوع عائلي ويحلونه أهلي بينهم وحاولي ما تتجاوبي معه ولا تخلينه يفتح معك الموضوع وبس.. |
رد: مسجات بين زوجي واخوه
اقتباس:
هدي الله يدك العافيه والله ماليا فدا لو شفت الحاجه ميسره قدامي وأكره دا الطبع لكن شايفتك متحامل مرا حبيت أبسطها الله يعفو عنا |
رد: مسجات بين زوجي واخوه
اقتباس:
ومافي شئ راح يصير من وراك أكيد .،، وزوجك ماراح يقدر يتصرف بالنيابه عنك وهذا باب تطمين .، فنصيحه أخويه لا تخبرين زوجك بكشفك للمحادثه لأنه باب شر عليك .. ولا تتبعين أي محادثه بينه وبين أخوه مره ثانيه .، اتركي أمر برمته بما أنك المتصرفه في الأمر وأخوانك موجودين لو جد جديد راح يتواصلون معك ... الله يصلح حالنا وحالك |
رد: مسجات بين زوجي واخوه
غسق ... اذا قلت له اكيد بيزعل بس كم يوم ويرضى ... مدري انتظر الين نرجع يكون افضل عشان اهل زوجي مابيهم يدرون بشي .. بنفس الوقت اقول مارح اقوله مالي خلق للمشاكل ابي الراحه مثل هالشهر ...
اخي محب السنه ... هو كثير كان يقولها لي هذا حقك وخذيه ومدري ايش ... ولو ماخذتيه انا باخذه عند وو ... بس انا مارد عليه واكون ساكته... حتى ماقوله انت مالك دخل... اذا بترك عادة التفتيش لازم اقوله عاللي شفته .. مسز داني .. والله مو تجسس ولا انا قاصده اني اتجسس و رح اترك هالعاده بس ماضمن نفسي الا اذا قلت له اني شفت وعشان اعرف كل شي .. |
رد: مسجات بين زوجي واخوه
ترضين يفتش جوالك؟
ويطلع على محاثاتك مع اخواتك؟ تخيلي هو عمل نفس الشي.. عيشي الموقف |
رد: مسجات بين زوجي واخوه
اقتباس:
|
رد: مسجات بين زوجي واخوه
يااختي التجسس حرام وانتي صايمه لاتكابري ولاتجرحي صومك...تقبل الله منا ومنكم
|
رد: مسجات بين زوجي واخوه
انا كل خوفي انه يتكلم مع اخواني بموضوع الميراث ... لاني مابغاه يتدخل ابدا ولا ابغى يصير مشاكل بيني وبين اخواني بسببهم ... فشان كذا ابغى اعرف وش اللي بينهم وهل ناويين يتكلمون مع إخواني ويدخلوني معاهم ... او ان زوجي يروح يقول شي لاخواني على لساني .. هذا اللي خايفه منه ..
|
رد: مسجات بين زوجي واخوه
اقتباس:
استغفرالله والله ماكان نيتي تجسس ... ان شاء الله من اليوم اتركها شكرا لكم.... |
رد: مسجات بين زوجي واخوه
و مع كل اللي قالوه لك مصرة تطلعي شي سلبي بزوجك.
لو كلم اخوانك تاكدي انهم ما رح يسكتوا و رح يخبروا امك و دام امك ما خبرتك بشي معناه ما تكلم معهم و لا تدخل بشي ما يخصه. و انتي اعملي نفس الشي و اتركي عنك تفتشي بخصوصيات غيرك. |
رد: مسجات بين زوجي واخوه
واضح ان زوجك بيسلك لأخوه
لو منك استانس انه رغم الضغط من اخوه مافتح السيرة معك.. خلاص كأنك ولا شفتي شيء وأشتري راحتك |
رد: مسجات بين زوجي واخوه
اقتباس:
لاتفتحي الموضوع ابد انت كانك تقولين تدخل ؟غريب امرك اخوانك يعرفون يتفاهمون معه لو كلمهم ولا تتجسسي من شان نفسك اولا |
رد: مسجات بين زوجي واخوه
كل الاعضاء قالوا لك اتركي التفتيش و لا تفضحين نفسك عند زوجك و انتي مصره تفضحين نفسك و بالعكس تشوفين انك تقرأين امر يخصك و بالتالي مو تجسس لكن تذكري انك قبلها تجاوزتي وتعديتي ع خصوصياته
بعض الحريم اذا ما عاشو في نكد ما يرتاحون لازم يجيبونه لانفسهم عموما ننتظرك بعد المصارحة تشتكين هنا من عدم ثقته فيك و انه ما يعطيك وجه |
رد: مسجات بين زوجي واخوه
سمورة إنتي عاملة توكيل لزوجج؟
|
رد: مسجات بين زوجي واخوه
لا مهره لسى ماسويت بس ح سوي بعد العيد ... لأن قال مايبغاني اروح وارجع للمحاكم وغيرو ... قال لي قبل فتره ان بيشتري لي بيت وبيسجله بإسمه وبعدها نأجرها للمستأجرين ... وحاجات كثير كان يتكلم فيها وانا بس اسمع واقول ان شاء الله خير ... بس سألته ليه بإسمك مو بإسمي ... قال عيب يكون شي بإسم الحريم ومدري ايش ... صار فيني وساوس واربط بكلامه هو واخوه باشيا كثيره مدري كيف ...
اخواني الاحظ عليهم هالفتره متغيرين علي ... زمان كانو كل يوم يتصلو فيني ويتطمنوا علي ... اما الحين يادوب مره بالاسبوع او انا اللي اتصل فيهم ... فقلت يمكن سامعين شي من زوجي على لساني زي مايقول لاخوه ... اللي يقول اني ادور مشاكل .. لو صحيح ادورها كان من اول يوم ومن اول ماشفت الرسايل سألته... بس شاريه راحة بالي.. ولا ابغى مشاكل ... وبرضو لما قلت ابغى افتح الموضوع واعرف السالفه من زوجي لاني هامه اخواني ومابغاه يتكلم معاهم بهالموضوع لان بيزعلو مني ... اما تجسس وماتجسس الله يرضى عليكم هذا مو موضوعي وخلاص بترك جواله ومابفتحه .. |
رد: مسجات بين زوجي واخوه
حبيبتي سمورة انا مع الاعضاء بلا ما يعرف ويصير وجع راس وحتى ولو رضي بعد كم يوم رح يضل محطاط والثقة مفقودة ولو ما حسسك هيك
وفيكي انت تفتحي موضوع الورث بطريقة غير مباشرة مثلا الكلام اللي عم تسمعيه من امك واختك وهيك ممكن هو يخبرك اشياء انت بدك تعرفيها ولفتتني جزئية بكلامك عن تسجيل البيت حبيبتي زوجك الو مكانته واحترامه عندك بس الحق حق ما دخل حريم برجال المال مالك والدنيا فيها حياة او موت فلازم اي شي من مالك يكون باسمك الا اذا انت متنازلة بطيب نفس والا اذا ما في شي باسمك بالقانون ما الك حق وانتبهي ما المال يأثر بعلاقتكن افصلي حياتك عنها اسأل الله ان يقدم لك كل الخير احترامي |
رد: مسجات بين زوجي واخوه
اقتباس:
اشكرك ميمو ... ان شاء الله ماح قوله شي وبحاول اعرف الموضوع بطريقة ثانيه مثل ماقلتي .. اما تسجيل البيت وغيره بصراحه تاركه الموضوع وماله اهميه عندي الآن... ولا رح اتصرف بشي .. بس مارح يتسجل شي بإسمه حتى لو اثق فيه .. اشكرك عزيزتيddg |
رد: مسجات بين زوجي واخوه
سمورة
أولاً زوجك مستحيل يكلم أخوانك بورثك إلا لو سويتي له وكالة فتطمني من هالناحية ثانياً أخو زوجك وش دخله بالسالفة ؟! هذا يعني إنك تسكتين وتكتمين الموضوع وكوني متفرجة وبلهاء وغبية إذا ودك تنكشف لك الأمور بعدين ثالثاً جملة عيب يكون شي باسم حرمه هذي تخوف، وتخليك ترفضين تسوين وكالة له ماحد اه دخل يتكلم بورثك حتى زوجك!! وإن بدا يلمح ويتكلم خافي منه لأنه من يدك إلى يده تسمعين مني نصيبك خليه ساكن لا تحركينه ، وإخوانك إذا عرفوا إن زوجك ورى هالموضوع ويحركك ممكن ما يعطونك ولا ريال. دخلتي صفحة جديدة من هالحياة، بتشوفين كيف النفوس بتتغير في لحظات الله يعينك. لي سالفة مضحكة مبكية مع الورث قبل 8 سنوات، ما زلت أشرب من نتايجها إلى الآن!! خليك متفرجة وحافظي على حقك ، وخذيها مني هالتجربة بتسوي لك قفزة في النضج، وبتكبرك بسرعة 😌 |
رد: مسجات بين زوجي واخوه
نصيحتي لك كأني أنصح أختي من لحمي و دمي
الأمور المادية يجب أن يكون فيها و ضوح و صراحة سجلي أملاكك باسمك ليس قدحاً في زوجك و أخلاقه حاشا و كلا لكن من باب توثيق الحقوق لأصحابها وكما جاء في المشاركة رقم 32# لأختنا الفاضلة أفصلي حياتك عن امورك الماليه الخاصة وكون هادية إذا فاتحك في الموضوع لا تنفعلي و لا تهاجمي و خلي كلماتك واضحه و صريحه و حازمه بلا هجوم |
رد: مسجات بين زوجي واخوه
اقتباس:
قررت اسكت واتفرج ومصيري بعرف بعدين ... وشي ثاني برضو ... فتح لي حساب بالبنك قبل كم يوم وحط المبلغ اللي عطاني اياه واحد من اخواني هو صحيح مبلغ صغير بس صمم اني افتح حساب... يقول عشان تحافظين على فلوسك ... المشكله مو هنا .. المشكله ان البطاقه معاه وطلب الرقم السري وقلت له ... عاد مدري عن البطاقه بشي من يوم مافتحت حساب ماشفت البطاقه ! .. شوك ... لما قال عيب يكون باسم الحريم ... جاني احساس انه في شي بس طنشت واقول مو وقته الحين حتى اتناقش معاه ... الوكاله مدري اسويها ولا لا محتاره.. الله يكون بعونك عزيزتي ddg المشكله ماعرف كيف اتصرف ويمكن ادخل عمي بالموضوع اذا زوجي او اخواني فتحوا الموضوع معاي ... اشكرك شوك ddg اخي محب السنه ... اشكرك وان شاء الله افصل الامور المالية عن حياتنا ... اشكرك عالنصيحه .. |
رد: مسجات بين زوجي واخوه
عزيزتي سمورة اذا الوكالة شاملة كل شي بيحق لزوجك يتصرف باي شي من دون استشارتك
الا اذا حددتي شي معين بالوكالة من دون السماح بالتصرف باشياء تانية والوكالة مسؤولية كبيرة لانها حفظ لحقوق شخص وثق فينا امام الله ثم امام نفسه بحس هالشي متعب للزوج وللزوجة وبفضل كل شخص يقوم بأموره مع استشارة الشخص الثاني اذا احتاج لهالشي بس نصيحة حبيبتي سمورة ما تحسيي زوجك انك اتغيرتي بسبب الورث بالعكس خدي حقك كامل ومكمل وباسمك وعاملي زوجك معاملة افضل من قبل بالتدرج لانو في بعض الحالات بيصير الرجال يحاسب زوجته على اي هفوة وبيدقق بكل كلمة ظنا منه انو اتغيرت عليه بسبب المال وهالشي بيدمر اي علاقة ناجحة فبإذن الله زوجك مش من هالنوع وفيه الخير بس خلي كل شي على نور من البداية كوني له كما يحب وبنفس الوقت كوني نفسك دعواتي ترافقك احترامي |
رد: مسجات بين زوجي واخوه
اقتباس:
|
رد: مسجات بين زوجي واخوه
سمورة منو ممثل الورثة؟
هل أخوانج عاملين له توكيلات؟ المنطقي إن التوكيل ينعمل لممثل الورثة لأنه هو اللي يباشر ويراكض ورا أمور حصر التركة والورث. وأياً كان الشخص اللي بتعملين له توكيل .. انتبهي لصيغة التوكيل وشوفي شو اللي محتاجة توكيلنه فيه بالضبط وهو اللي ينكتب. وأياً كان الشخص اللي بتعملين له توكيل .. ما في أي خطوة تتم بدون علمج وموافقتج. |
رد: مسجات بين زوجي واخوه
الله يعينك الله اعلم زوجك حاطط عينو على الميراث وما يشوفو شي خاص فيك وبس..
اعملي بكلام الاخ محب السنة.. اتمنى زوجك يفهم ولا يساوي حركات زعل ومظلومية.. |
| الساعة الآن 10:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©