|
كيف اتعامل مع عصبية بنتي
السلام علیکم ورحمة الله وبركاته
بنتي عمرها الان 5 سنوات ونص ... مشكلتها عصبيه بشكل مو طبيعي ... ماعرفت كيف اتعامل معها ... اذا بغت شي وماجبنا لها تصرخ بأعلى صوت وتبكي .. اذا عنّدنا معها وماجبنا لها اللي تبغاه ... يزيد صراخها وتعلي صوتها اكثر حتى لو جلست تصرخ وتبكي لبكرا ماعندها مشكله ... عندها نَفَسْ طويل بالبكا والصراخ ... وأغلب الأحيان تضربني ... واذا ماخليتها تقوم تكسر اللي قدامها ... وتجيب العابها لعندي وتكسرهم وتصرخ بوجهي ... اذا اشتكيت لأبوها يقول هي طفله خليها... انا اشوف صعب اخليها كذا ... احي احيانا بيجي يوم يجيها انهيار عصبي من كثر ماشوفها تعصب ... المشكله مو هنا بس ... المشكله انها ماتعصب على ابوها ولا تمد يدها عليه تكتفي انها تبكي بس حتى صراخ ماتصرخ ... يعني تعاملني غير عن ابوها ... واذا ابوها ماعطاها اللي تبغاه ... تجي لعندي تصرخ فيني وتبكي وتضرب ... ماعرف كيف اتعامل معها وش السبب اللي يخليها تسوي هذا كله ... تعبت بتربيتها ... اقول بنفسي اخاف تكبر وتصير عاقه اذا تركتها كذا .. |
رد: كيف اتعامل مع عصبية بنتي
وعليكم السلام ورحمة الله وبركاته
طيب ياختي هل انتي تصرخين عليها اذا ازعجتج او تسمع صراخكم انتي وابوها اذا صار بينكم سوء تفاهم او لربما احد اطفال العائله يصرخ ويبكي وهي تقلده يعني اخذت منه الصراخ ايضا هل بنتج تتابع برامج اطفال اللي دائما فيها ازعاج وصراخ او تتابع افلام كرتونيه كذالك فيها ضرب ومطاقق الطفل يتاثر باشياء ونحن لانعلم حاولي تعرفين سبب صراخها ولماذا انتي بالذات ربما تخاف من ابوها اكثر منج لهيج ماعندها مانع تصارخ عليج علاجها اعرفي سبب الصراخ ايضا اخبريها بان الصراخ خطاء وان البنات الحلوات مايصرخن وان اللي تصارخ مو حلوه وهي طفله تكلمي معها فهي في سن 5 تفهم مايقوله الكبار |
رد: كيف اتعامل مع عصبية بنتي
اقتباس:
لا بالعكس ماصرخ عليها ولا اضربها ... يمكن اعصب عليها على خفيف ... عكس ابوها احيانا اذا غلطت يعصب عليها ويصرخ عليها واحيانا يضربها على ايدها طبعا ضرب خفيف ... اطفاال العائله هاديين ماشاءالله ... ماعمري شفت طفل يبكي اكثر من نصف ساعه ... نعم احيانا تكون حاضره لما نتشاجر انا وزوجي .. ماشوفها تخاف من ابوها ... احيانا اذا نرفزتني تهرب لعنده مع انها تدري اني ماضربها ... اشوفها تنفر مني !! مع اني ولا مره اعنفها ... عماتها تصرخ عليهم برضو ... حاولت اقولها وافهمها واهددها مافي فايده ... عدوانيه زياده عن اللازم ... لدرجة فكرت اوديها طبيب سلوكيات الاطفاال بعد العيد ...لان قبل امس لما رجعنا من مكه كانت غير شكل بعصبيتها وصراخها وضربها ... عمتي قالت ماكانت كذا لما كنا بمكه ولما رجعنا صارت تتصرف كذا .. اشكرك عزيزتي بقايا .. |
رد: كيف اتعامل مع عصبية بنتي
ارقيها اختي يوميا حتى تهدا ابني الصغير كان نفسها لكن اكتسبها من ابوه الععصبي كان ان لم احقق له رغباته يرمي الالعاب في الارض ومرات حتى الماء ويبكي ب ون توقف حتى جارتي قالت لي ارقي ابنك المهم اصبح بمجرد ان يبدا في سنفونيته ادخله الى غرفته واقول له ان اكملت البكاء ادعك تخرج فنقص كثيرا جربي هذه الطريقة ليست سهلة في البداية ستتعبين لكن ترتاحين فيما بعد وكلم حاولت الخروج ادخليها مرة اخرى وان خفت عليها ضعيها في زاوية مكشوفة
الله يهدي اولادنا واولاد المسلمين |
رد: كيف اتعامل مع عصبية بنتي
اقتباس:
اللهم امين ... صحيح حتى اذا كانت معصبه واعطيتها شي تأكله ترميه على الارض ... عنيده صعب التعامل معها ... اخت زوجي قالت لي حطيها بغرفه وقفلي عليها الين تسكت ... رفضت لاني اخاف عليها يصير لها شي... هل هذه الطريقه تنفع ياوفا ؟؟ سأجرب الرقيه عليها ... لكن خائفه من ادخالها الغرفه لوحدها.. اشكرك جدا عزيزتي ... |
رد: كيف اتعامل مع عصبية بنتي
اقتباس:
وضد ادخالها في غرفه واغلاق الباب عليها لانها راح تخاف كثير ويمكن تزيد الحاله عندها لانها مازالت طفله لم تصل الى عمر المراهقه حتى تتفهم الوضع هل ابوها يسوالف عليها ويلعب معها وانتي لا يمكن هالشيء له دور انها تصرخ عليج وابوها لا حاولي تقصين عليها قصص عن الاطفال المزعجين ايضا انتبهي لما تشاهد لان الطفل يتاثر كثير واحنا ماندري امــا نقط شجاركم وهي بينكم اكبر خطاء اتفقي انتي واياه مهما حصل بينكم يكون شجاركم بعيد عنها حتى لاتتاثر بعدين او تاخذ فكره سلبيه عنك او عن ابوها ربي يصلحهم ويهديه |
رد: كيف اتعامل مع عصبية بنتي
اختي الاطفال اذكياء وبنتك تعرف انك تنزعجي من صراخها ويمكن غالبا تنفذين اللي تبغى
انا ولدي كان كذا بس اذا صارخ اخليه يروح غرفته طبعا الباب يكون مفتوح واقوله اذا خلصت صراخ اطلع ومرة ع مرة خف كثير الحمدلله |
رد: كيف اتعامل مع عصبية بنتي
اقتباس:
وان كتنت من محبات السنفونىات دعيها تبكي وتجاهليها حتى تبحث عن طريقة اخرى للفت الانتباه غير البكاء لان الطبطبة ستجعلها تتمادى اعاننا الله الاطفال مسؤولية صعبة |
رد: كيف اتعامل مع عصبية بنتي
اقتباس:
نادرا مانتشاجر قدامها ... وابوها ايه يسولف معها ويلعب ويطلعها اذا طلبت تطلع ... اما انا مو كثير وخصوصا هالفتره مهملتها بشكل كبير ... قبل امس من العصر وهي تبكي تبغى شي الين الليل نامت وصحت رجعت عالموال البكي والصراخ وانا مطنشتها لان مستحيل اجيب لها اللي تبغاه ... وماسكتت الا المغرب ... سأقص لها القصص لاني ماجربتها ابدا اشكرك عزيزتيddg |
رد: كيف اتعامل مع عصبية بنتي
اقتباس:
صحيح انا انفذ اللي تبغاه بحاجات وحاجات اللي اشوفها ضرر لها مانفذ لها ابدا لو تجلس شهر كامل تبكي ... اشكرك عزيزتي ddg |
رد: كيف اتعامل مع عصبية بنتي
اقتباس:
توني انتبه على هالنقطه لاني دايما اطبطب عليهاوتزيد بكا وصراخ ودلع ... الله يسامح ابوها هو السبب بدلعها هذا ... اذا كان من غير غلق الباب سأفعلها ان شاء الله.. هل خطأ ان يتم اسكاتها ومراضاتها بشيء اخر ؟ مثلا لها يومين تبغى شي محدد مثل فقاعات الصابون ... وهالشي مستحيل نعطيها لان مره شربته ... وامس ابوها اخذها واشترى لها شنطه والعاب وسكتت ... وشرطت انه يجيب لها في العيد ... هل هذا يفسدها ؟ لاني قلت له مايصير تعودها على كذا كل مابكت تعطيها شي ... يقول رحمتها لها يومين تبكي .. بكاها وصراخها مزعج مزعج ولا استطيع ضربها .. اشكرك عزيزتي ddg |
رد: كيف اتعامل مع عصبية بنتي
حبيبتي سمورة..
ما لفتني أنكِ عندما اشتكيتِ لزوجكِ من ابنتكما قال لكِ: هي طفلة خليها .... وإن أخطأت عنده يعصب ويصرخ عليها وقد يضربها!!! هل تظنين أن زوجكِ قد يعوق محاولاتكِ لضبط البنت وتعديل سلوكها؟ |
رد: كيف اتعامل مع عصبية بنتي
اقتباس:
تصدقي يامهره .. انا برضو بنفسي اقول كذا وبعدين اقول يمكن انه يتهيأ لي ... في كثير مواقف تثبت هذا الشي ... وتكلمت معاه اقوله غلط تربيتنا للبنت ... يقول اتركيها علي ورح تصير احسن بنت بالدنيا ! .. خايفه تخرب بسببه ... قبل فترة طلعنا وطلبت بطاطس مقليه وهي اذا اكلت شي مقلي وكثرت منه يجيها الم بمعدتها فأنا رفضت ... قلت له لا تجيب لها وهي جلست تبكي وتصرخ طول الطريق ... ورجع نزلها واشترى لها ... ورجعت يوم الثاني تقول انا ماحبك احب بابا !... طيب ليه كذا !؟ .. انا قريت كثير عن تربية الاطفال والتعامل معهم .. وان لازم يكون كلمة الام والاب وحده للطفل... وللأسف احنا نعمل العكس ! وقبل كم شهر كنت في بيت اهلي وهي تهاوشت مع ولد اختي على العاب وضربته ... ولما رجعت اابيت اشتكيت لزوجي وقلت له عاللي صار يقول برافو عليها تدافع عن نفسها ... ونفس الموقف مر على بنت اخوه وبنتي ضربتها قام زوجي ضربها وقالها عيب وعصب عليها ! مدري كيف اتعامل معها اذا بصلحها من جهه ... ابوها رح يخربها من جهه ثانيه اشكرك غاليتي مهره ddg |
رد: كيف اتعامل مع عصبية بنتي
ما بتكون أحسن بنت في الدنيا إذا كان عارف إنها تصرخ في ويهج وتضربج وساكت.
ولا بتكون أحس بنت في الدنيا إن كان هو نفسه عنده ازدواجية في التعامل مع أخطاءها .. مرة يثني عليها ومرة يعصب عليها رغم إن التصرف السيء واحد!! النصايح اللي قالتها البنات صحيحة وفعّالة بالفعل يا سمورة .. لكن إذا وقف لج زوجج في النص وعرقل محاولات إصلاحج للبنت فما بيكون منها فايدة. |
رد: كيف اتعامل مع عصبية بنتي
اقتباس:
اشكرك عزيزتي مهره ان شاء الله بفتح الموضوع مع زوجي واتناقش معاه اكثر واتبع نصيحة الاخوات .. يعطيك العافيه ddg |
رد: كيف اتعامل مع عصبية بنتي
سمورة
الطفل العنيد .. لا تقابليه بالعناد .. لإنه عنادك له ، يخليه يزيد عناد .. عامليه باحتواء و ليس الطبطبة .. يعني مثل موضوع البطاطس ، هي طفلة و مشتهية البطاطس و ما راح تفهم انك تبغي مصلحتها .. كان ممكن تشتروا لها ، و بعدين بدون ما تنتبه .. تقللي كمية البطاطس و تضحكي على عقلها .. |
رد: كيف اتعامل مع عصبية بنتي
اقتباس:
فعلا إذا عاندناها تعاند أكثر... اشكرك عزيزتي ddg |
رد: كيف اتعامل مع عصبية بنتي
الله يصلحها يارب
سوال هل عودتيها من صغرها انك تعطيها كل شي تبيه؟ هل عودتيها لما تبكي بسرعه تجري لها تحضنيها وتسكتيها وتعطيها الشي الي بكت عشانه؟ |
رد: كيف اتعامل مع عصبية بنتي
اقتباس:
اميين يارب ... اشكرك جدا ddg نعم عزيزتي ... لكن الآن تغير الوضع .... لا اعطيها التي تريد مهما بكت ... صحيح إذا بكت احاول أهديها واحظنها حتى الآن... |
رد: كيف اتعامل مع عصبية بنتي
توقعت 😁..
اولا لازم تتفاهمي مع زوجك على طريقه للتعامل معاها لانه التناقض يضرها اتفقو اذا هو مثلا صرخ عليها او شي لا تتدخلي ونفس الشي معاك اذا شديتي عليها لايتدخل اذا حد عنده تعليق ،، ليكون بينكم بعيد عنها ثانيا .. الطناااش الطناااااش اذا طلبت شي وانتي تشوفيه مش كويس قلتي لا طبعا بتبكي وغيره .. طنشييييي كانت بنتي بدت هالمرحله من فتره بس على خفيف وبسرعه لحقتها .. اخليها تبكي تبكي تحي تزن جنبي ترجع تبكي وانا احاول ادخل نفسي بعالم ثاني 😁 او بكل بساطه احملها لغرفتها واقولها بهدوووء بس تخلصي البكاء تعالي وكل ماخرجت ارجعها ( بنتي بعمر بنتك) بس تهدا بعد فتره اجلس معاها واقولها ماما تحبك وانتي شاطره لكن الشي الي تطلبيه لا لانه كذا وكذا .. لا تتوقعي انها ماتفهم .. هي تفهم وهي كمان فاهمه انه بالبكاء تضغظ عليك .. مره على مره على مره فهمت انه اسلوب الصراخ والبكاء وغيرو مابينفع معي وبدت فترات البكاء تنقص وتنقص .. لغايه ماخلاص تعلمت لقلت لا يعني لا وهي فاهمه انها مهما سوت ماراح اغير رايي فا الحمدلله ارتحنا من البكاء .. لا تصرخي عليها ولا تضربيها ولا اي شي هو التطنيش لغايه ماتسكت لحالها وشوي شوي بتتعلم ان هذا الاسلوب ماراح ينفع الشي الثاني عشان تخففي من كلمه لا .. اوعديها بشي ممكن مثلا ابني عمره 8 طالب ايفون 😂 قلت له من عيوني اول مايصير عمرك 16 سنه بجيب لك تلفون بنتي طلبت ايباد 😂 قلت لها من عيوني اول مايصير عمرك 16 وتصيري كبيره زي فلانه بشتري لك احلى ايباد عشان بس ماتكون اجابتي دايما لا لا لا اعطيهم الايجاب بس بشروط الله يصلحها حبيبتي وتشوفيها احلى عروس |
رد: كيف اتعامل مع عصبية بنتي
اقتباس:
قبل شوي تكلمت معاه ويقول إن شاء الله... بس رح أظل وراه الين نقدر نتعامل معاها ونكون متفقين على كلمتنا عليها . مشكلتي اكره صوت البكا والصراخ عشان كذا زمان إذا قلت لها لا وبكت على طول اعطيها اللي تبغاه ... لأن تجي تبكي بإذني ... فماتحمل صوتها ... رح اجرب إدخالها الغرفه ... الأحظ عليها انها تفهم بس عنيدة تبغى تمشي كلامها علي ... إذا قلت لها بعدين أو بكره يزيد صراخها أكثر تقول لا مو بعدين الحين... ان شاء الله بجرب نصايجكم ddg اشكرك جدا وربي يحفظك أطفالك من كل شر ويهديهمddg |
رد: كيف اتعامل مع عصبية بنتي
وقت اللي تبتسم امدحيها بقوووه ومن قلب قولي لها شوفي ابتسامتك جميله وانتي جميله اذا ضحكتي اذا بكيتي تصيري موحلووه
|
رد: كيف اتعامل مع عصبية بنتي
اقتباس:
فعلا عزيزتي كثير جربت هالطريقه احسها تهدأ وتبدأ تمسح دموعها ... لكن ليس في كل الاحيان .. امس رجعت لموالها اخذتها وحطيتها بغرفه وقلت لها اذا سكتي تعالي... جلست مايقارب الساعه والنصف وسكتت وطلعتها ... اعتبرها انجاز ساعه ونصف بالنسبه قليل ... ولما خرجت قلت لها نفس الكلام لما تبكي ماتصيري حلوه ... قالت خلاص مارح تبكي " دايما تقولها بس ماتطبقها " اشكرك جدا ddg |
| الساعة الآن 08:26 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©