|
تعبت من مشاكلي مع زوجي واستفزازه
السلام عليكم ورحمه الله
بدون مقدمااااات احس اني مخنوووقه وضاقت الدنيا فيني مو لاقيه حل مع هالانسان وعجزت والله افهمه قلت اذا حطيت مشكلتي ممكن القى مساعده برأي او فكره تفرج عني همي .. صارت مشكله كبيييره بيني وبين زوجي وكنت مخطئه فيها والسبب الي تعبت وانا اترجاه يغير هالطبع فيه هو الاستفزاز يحب يستفزني وبلمقابل يتعامل مع رده فعلي بكل برود وينتظر متى تجيني جلطه واموت ولايحرك ساكن صارت حياتي كلها تبريرات لازم كل تصرف اجلس اشرحه واحلف وشوفو نفسيتي وانا صادقه واحلف وهو بكل برود يقول كلامك مايمشي معي ولاتتعبين نفسك ويطلع صار عندي تراكمااااات ودايم اقوله خل نعيش حياه طبيعيه لاتحط كل تصرف مني تحت المجهر والشي الادهى والامر ان كل تفاصيل حياتنا عند اهلي ماعنده مشكله يكلمهم واحد واحد ويبدى مشوار الشكاوي والصبر وانه تعبان معي وانا مليون مره واحب ع راسه وطلبته اي شي بينا يكون خاص ولو فيه شي نحله بيننا صارو اخواني يتذمرون اذا شافو رقمه وطبعا يخجلون انهم يصرفونه او مايسمعون لكلامه الان لي حدود شهر ونص عند اهلي وجابني بطريقه مايرضاها احد كخدعه وطول الطريق واحنا بالطايره يسولف وامزح معه والوضع عادي ويجنن بييننا واتفاجا بمجرد وصولنا انه تاركني وبيرجع رحلته بعد كم ساعه الي صار اني الحين اتواصل معه ويكلمني عادي ويكل احترام واحاول اشوف الي بخاطره وليه تصرف كذا يبغى شي واحد اني اقول انه ملااااااااااااااااااااااك ملاك مو بشر مايغلط ولايتعمد يقهرني ولايكذب ولاشي واقوله خلاص نحل المشكله بيننا وابشر بلي يرضيك والي حسيت بنيته انه يجمع اخوالي واولادهم وعماني واولادهم واخواني ويبدى يتكلم عن كل شي بحياتنا ويحكمون بيني وبينه وانا والله تعببببببت مهما كان الي بييني وبينه شي خاص وهو مو راضي يقتنع رغم ان عمره 45 سنه وعنده عيال كبار من زوجته الاولى ارجوكم كيف اتصرف وش الي بيخليه يرجعني بدون مايجمع اقاربي ويقول لهم ع كل صغيره وكبيره تم تعديل العنوان ليتناسب مع المضمون |
رد: ساعدوني مشكلتي مع زوجي تعبتتتت كيف اتصرف
اضافه لهذا كله امس كلمته بكل هدوء وحاولت ارضيه واقول له ابشر بطيبه الخاطر ولاعاد اناقشك بشي مهما صار
والحمد لله رغم ان فيه جوانب سلبيه بيننا الا ان فيه اشياء حلوه وفيه ذكريات ماتنسى بينا يعني حبي لك وحبك لي رغم اختلافنا مازال موجود وانا ابغاك ومتمسكه فيك وبلمقابل اننت تقول شاريني وماتبغى نخسر بعض لما حس بضعفي بدى يذكرني ب اشياء صارت قبل عشره شهور وقبل ثمانيه شهور وانتي سويتي كذا وقلتي كذا وتذكرين ذاك اليوم جيتي من الدوام وقلتي تعبانه من المراقبه وماسويتي لي غدى ونمت بجوعي وووووو يعني مواقف عاديه تصير بين اي زوجين هو ضخمها وخلاها قضيه والحين بعد هالشهور اتحاسب عليها قلت الله يرضى عليك ويحنن قلبك لو قعدت تقول مواقف وانا اقول ونذكر بعض ب اشياء تضرنا ماتنفعنا اش نستفيد الله يلعن الشيطان ونفتح صفحه جديده كلها حب وتقدير وكل واحد يتغاضى عن الثاني لكن مارااال عند راااايه ورافض اي مبادره لصلح قلت الله يحنن قلبك قال لو قلبي مو رحيم فيك كان مارديت ع اتصالاتك والا بقفل جوالي ولاففكر فيك بيني وبين نفسي قلت والله انك زودت المي الم وانا اترجاك واتسامح منك واترضاك وانت كل مره تعااااااند اكثر |
رد: ساعدوني مشكلتي مع زوجي تعبتتتت كيف اتصرف
الله يعينك متعب هللنوعيه من الناس
هو وش يبغى منك بالضبط وش شروطه يعني |
رد: ساعدوني مشكلتي مع زوجي تعبتتتت كيف اتصرف
اختي الكريمه مادام اعتذرتي له وكلمتيه ان اموركم وتفاهمكوا يكون بيناتكم ، خلاص انتي اديتي الي عليك ، الحين عليك انك تلتزمي الصمت ولاتكلميه ولاتدقي عليه اذا كلمك ردي عليه واذا ماكلمك اتركيه راح بعد فتره يطيح الي برأسه
|
رد: ساعدوني مشكلتي مع زوجي تعبتتتت كيف اتصرف
مو راضي يقول اي شي
حكمته زوجتي يربونها اهلها وانا مسئول عن بنتي واختي قلت له الله يرضى عليك انا زوجتك وانا ع ذمتك يعني انت الي اولى لو فيه شي نتكلم ونتناقش لين نوصل لحلول من كلامه اجلسي شهرين ثلاثه سنه ماعنده اي مشكله احمدي ربك اني اتكرم عليك وارد وبكل مره تزيد قساوته عن المره الي قبل رغم اني اخاف الله فيه واعتذرت بدال المره الف ولاشفت منه اي تجاوب واذا تكلم صار يرمي كلام زي السم ويقعد يتذكر مواقف وسويتي وسويتي قلت طيب ابشر بلي يرضيك نحط حلولو ونمشي الحياه قال الكلام في هالنقطه مو مني فيه اكبر مني واعرف مني بعايلتك يتدخلون بالله اش اسوي اخليه يلم الصغير والكبير ويستلمني بلمجلس وهاتك تجريح والله ثم والله مايخجل حتى من الكلام عن العلاقه الخاصه |
رد: ساعدوني مشكلتي مع زوجي تعبتتتت كيف اتصرف
اعانك الله
من ناحية الاستفزاز عن تجربه لاتبالين ابدا وعودي نفسك ع الشي هذا حتى يعرف ان الشي هذا مايفرق معاك ومن ناحية الاعتذار وانك تقولي له احبك ومااقدر استغني عنك الرجال نوعين فيه رجال تلين قلوبهم للكلام هذا وفيه رجال يبدى يحس بالجبروت وانه سيطر عليك وماتقدري تستغني عنك نصيحتي لك رجل عاقل من اهلك تحسين ان زوجك يحترمه يتكلم معاه ويحط النقط ع الحروف لاانهاء الامور هذي لكن الحياه الزوجيه مو كامله لابد ماتدخل فيها بعض الامور الطفيفه اللي لازم نتغافل عنها عشان نعيش وتمشي الحياه |
رد: ساعدوني مشكلتي مع زوجي تعبتتتت كيف اتصرف
اقتباس:
الحين طلع قرض وطالع لي بسالفه بتزوج يبغى يقهرني ويحسسني انه مو بحاجتي قلت له الله يوفقك وانا اش دوري في حياتك قال بيتك والباقي مباح لي قلت الله يوفقك وعلمني انه طلع قرض وماكنت مصدقه انه بيسويها لان له شهور وهو يتراجع عن هالفكره بالاخير سواها ولو تركته مستحيييل والله يرجع او حتى يبادر والا يسال عن وضعي وانا حامل والا يراعي نفسيتي اهم شي انه تخلص مني وتفرغ لحياته الله يصبر قلبي ويكون معي |
رد: ساعدوني مشكلتي مع زوجي تعبتتتت كيف اتصرف
اقتباس:
قال الا لكن قدر الله وماا شاء فعل يعني يقولها ويقفلها كن الدنيا كلها اجتمعت واخذتني من عنده وهو عاجز مايسوي شي ولايرضيه رجال من اهلي يبغى يجمعهم بمجلس وينطلق بالكلام ويحسسسهم انه رجل صبور قلت له خاف الله فيني انا حافظتك بقلبي واختف الله فيك بحضورك وغيابك وحلفت له بلي خلقني وخلقه اني ماتعديت باب اهلي الا مره رحت المستشفى اطمن ع النونو وقلت له الي بيني وبينك يصير في كل بيت لاهو شي كلير ولاشي يغضب الله ومع ذلك اسلوب التعقيد واختصار الرد هو الي صار يتعامل فيه معي |
رد: ساعدوني مشكلتي مع زوجي تعبتتتت كيف اتصرف
يختي الله أعلم إنه بايع بس يبيك تكونين السبب عشان هو اللي رايته بيضاء والرجل الكويس
أجل واحد متزوج وعمره 45 وهذي حركاته لو نيته طيبه يوم شافك ذاله نفسك له وخايفه من الفضايح يطخ شوي ويبدأ يحط شروطه هذا لو كان الغلط منك وإنتي غلطتي إنك مررره حسستيه إنك خايفه يكلم أهلك وتترجينه وتساحلينه عطيه أكبر طنااااش إذا هذا طبعه حتى مع الأولى الله يعينكم ويصبركم وإذا بس معك معناته يدور الزلّه كم لكم متزوجين؟ |
رد: ساعدوني مشكلتي مع زوجي تعبتتتت كيف اتصرف
ابوك ع قيد الحياه ؟
وكم عمرك بعد اذنك |
رد: ساعدوني مشكلتي مع زوجي تعبتتتت كيف اتصرف
اقتباس:
جيت حولت له فلوس وارسلت له قلت هاذي هديه مني حجزك واقامتك تعال واحطك ع راسي والله يلم شملنا كلها نص ساعه ورحع حولها لي اتصلت قلت ليه كذا قال ماهي معجزتني الفلوس لو بغيت حجزت وجيت قلت طيب شوف ياابن الناس بكل محبه وتقدير الله يوفقك ويسهل امرك انا سويت كل شي لخاااطرك وشري قربك ورضاك حتى لو ع كرامتي دام وصلت لكذا الله يعوض كل واحد فينا وشوف طريقك ولاتخليني كذا الي انا فيه مايرضي الله وخلقه تعذر قال انا مشغول خلاص قفلي اكلمك وقت ثاني وع هالحال اذا قلت خلاص والله راضيه ننفصل يتهرب مع العلم انه يسدد اجار الشقه وهي مقفله لو بنيته يبيع كان ارسل اغراضي وريح نفسه لكن شخصيته عجززززززت استوعبها احس مافي رجال ع وجه ااارض بهذه الشخصيه زوجته الي اعرفه انه كان قاسي معها وهي علبته بالسكوت وصارت الحين مثل روحه وقلبه يقدرها ولايرضى على زعلها لي معه سنه زواج وحامل |
رد: ساعدوني مشكلتي مع زوجي تعبتتتت كيف اتصرف
يابنت الاجاويد طنشيه واثقلي الي كاتبه ربك بيصير هذا انسان شافك شوي تبوسين اقدامه من البكي والخوف والاعذار الي مالها لازمه وقام نفخ نفسه وكبر الموضوع اتركيه ولاعاد تكلمينه وادعي ربك يسهل امرك ويكتب لك الخيره المهم انك تجمعين قواك ولاتهتزين اكثر من هذا ....!
|
رد: ساعدوني مشكلتي مع زوجي تعبتتتت كيف اتصرف
اقتباس:
عمري 30 |
رد: ساعدوني مشكلتي مع زوجي تعبتتتت كيف اتصرف
الله يحفظه لكم
حاولي ان تجعلي احد من اخوانك او خوالك او اعمامك رجل يكون ذو هيبه يجعل حل لمثل هذه الامور اما ان تكوني انتي مخطئه فتاخذي جزاءك او يكون هو المخطئ فيكون هنالك حد في نظرتي الخاصه الزوج في جميع المشاكل التي يذهب بزوجته لبيت اهلها اذ لم يجد من يناقشه من الرجال بسبب ترك زوجته هذه المده الطويله سوف يتمادى في المستقبل وحتى لو اتى الان واخذك معاه التفاهم شي جميل بين الزوجين ولكن الجفا والنفور يجعل هنالك كثير من علامات التعجب اما ان تكوني مخطئه بحقه فتركك عند اهلك او انه يعاني من مشكلة ما ولكن اسأل الله ان يحنن قلوبكم ع بعض ويجعل بينكم الموده والرحمه |
رد: ساعدوني مشكلتي مع زوجي تعبتتتت كيف اتصرف
اقتباس:
صراحه ياصبري ذاك الوقت الله يجعلها تكفير ذنوب كان يتعمد يستفزني وأنا أبرد من الثلج بدال ماأنا اللي أتنرفز هو اللي من برودي يولّع كان دايم يهددني بيكلم أهلي ويشتكي ولا بيفضحني عند أهله ويتبلى علي وأنا ماأرد عليه لأني عارفه نفسي ماسويت شي يهدد بالطلاق وبالزواج وأنا أسمع منا وأطلع منا ولا فيه أي ردة فعل مني يرمي علي كلام جارح ويسبني ويسب أهلي والمشكلة نكون وقتها رايقين ومبسوطين يعني هالشي مو من زعل ومره رايحين لأهله وأنا لي أسبوعين متزوجته قالي كلمة أخته نزلت راسها بالأرض حسيتها تمنت الأرض تنشق وتبلعها وأمه الضعيفة تطالعه مصدومة طبعاً هو كان يحاول يستفزني عشان أسوي مشكلة وأطلع أنا بالشينة وهو اللي رايته بيضاء ويكون عنده سبب عشان يطلق بس أنا فاهمه عليه وماكنت معطيته اللي هو يبيه كنت أتعامل معه ببرود وإبتسامه صفراء تخليه يفرفر بمكانه من القهر لما عاد وصلت حدي ضفيت كللل قشي ورحت لأهلي و سحبت عليه وهو شغّال إتصالات وأنا ماأرد يرسلي ويحاول يوهمني إنه تزوج وجابها في بيتي وأنا طنااااش لما شافني ساحبه صار هو اللي يترجاني أرجع حتى عياله خلاهم يكلموني يحاولون معي توقعت على تصرفاته معي قبل أتركه إنه من اليوم الثاني بيطلق لكن إنصدمت من ردة فعله 6 شهور يحاول معي وكان بيجيب ناس يدخلهم بينا وكلم أبوي وأخوي عشان يتوسطون وجانا للبيت بيشوفني ولا نزلت له وحتى بعد عدتي أرسلي إنه باقي يحبني ويتمنى نرجع لبعض وغيرت رقمي اللي فهمته إن زوجته الأولى غيوووور وهو يتعمد يثير غيرتها ويستمتع إنه يستفزها ويفقدها ثقتها بنفسها ويخليها طول الوقت ماتحس بالأمان عشان تدور رضاه وأتوقع لهالسبب تزوجني وتزوج غيري وعلى باله هالأسلوب بيمشي معي لكن آخرتها خلعته فوق إني مستحمله وصابرة على شي عظيم يعاملني بهالشكل! الخلاصة إنتي معطيته جوه ومخليته يلعب بنفسيتك وهو مستمتع النوعية هذي كل مابينتي له الحب ذلّك وطول عمره بيمارس عليك هالضغوط يطنشك ، يهجرك ، يهددك بالزواج الحل توقفين التواصل معه وحطيه قدام الأمر الواقع إن قالك بجمع أهلك قولي اللي يريحك وطنشيه وبما إن أخوانك عارفين حركاته إنه شكّاي ماراح يعطون كلامه عنك أهميه وإذا رجعتي له إشغلي نفسك عنه عامليه باللي يرضي ربي بس بلاش الحب الزايد خلي إهتمامك وتركيزك بحملك والله يكون بعونك |
رد: ساعدوني مشكلتي مع زوجي تعبتتتت كيف اتصرف
اقتباس:
ولما يسئلوني اقولهم يكلمني ومعلق الموضوع يقول اهلك يحلون المشكله واحد من اخواني اثق فيه واثق ان اعصابه هاديه بيتحمل زوجي واسلوبه المسستفز وراح يكلمه والله سبحانه يعلم اش ممكن يقول له بالمكالمه هاليومين بيتصل فيه وراح اخبركم اش بيطلع معه اما لو غدر فيني وفعلا ماعاد يبغاني ارجع فماراح اسامحه لادنيا ولااخررره على الالم الي سببه لي وافوض امري الى الله يشهد ربي وصلت اني اهين نفسي له ماابغى توصل لطلاق ولاابغى طفلي يجي ويكون يتيم بدون ابوه لكن اذا هاذي نيته ومخبيها لين يكلمه احد من اهله فحسبي الله ونعم الوكيل |
رد: ساعدوني مشكلتي مع زوجي تعبتتتت كيف اتصرف
ارجح لك ان يكلمه احد من اخوانك مثل ماذكرتي وان يطلبه ان يأتي في منزلكم
وان يتحدث معه بكل مايخصك ويخصه بحدود وان يفهم لماذا يعاملك هكذا وبااذن الله هذا عارض بينكم وان شاءالله اموركم بسيطه ولها حلول الله يكتب لك الخيره في امرك |
رد: تعبت من مشاكلي مع زوجي واستفزازه
دام طلع القرض اللي له فترة يكلمك عنه
فلا تستبعدين شي عنه حطي أسوء الاحتمالات باختصار زوجك عارف وش يبي وحاسم أمره من زمان العلم بيجيك بعد العيد! بعدين إذا دق على أخوانك عشان يجمعهم، يردون عليه إن مشاكلكم حلوها بينكم أنت رجال راشد وفاتح بيتين ، يعني قدها! اطلبي وادعي الله ، بدل ملاحق هاللي بيجيب لك المرض حامل المفروض هو اللي يراعيك مو أنتِ |
رد: تعبت من مشاكلي مع زوجي واستفزازه
ضيعتني العااطفه
اولا الله يعوض صبرك خير وماشاء الله عليك عند قوة صبر وتحمل قدرتي تتحملي أذيه هالزوج وتصرفاته الطائشه انا ماقدرت تحملت ع نفسي شهرين تخيلي من انسانه عصبيه حساسه وحاره لوحدة ضعيييييفه مكسورة والسبب هو وهلفتره صبرت والسبب ضغط مادي حرمني من التمشيات واي متعه بلحياه حتى لو خاطري بشي ممنوووووووع صار يساومني في حقي الشرعي يقول تبغين ادفعي ياحلووه مافي شي ببلاش سالته مره بكل هدوووء انت تسوي كذا في بيتك الثاني كانها فرصه وجااااااته لين عنده سبني وشتمني وانتي ماتوصلي مواصيل زوجتي ولاتسوين ظفرهاا وووو قلت لااله الا الله من جاب سيرتها سالتك بشكل عام قال ايه انام بغرفتي ومع زوجتي وهي ماعندها فلوس ولاراتب شهرين جاتني حاله اكتئاب في دوامي اي احد يكلمني او يقولي كلمه حلوة انهار من البكى كسب فيني ذنب والله وعدت هلمرحله لين صار عنده عزة نفس وفلوسك مبغاها قلت انا واثقه فيك والدليل صرافتي انت الي تسحب لي لو اروح مول واقضي يجي عند الشبكه ويدخل الرقم السري وكانها له والامر هااادي انا صبرت بس ضغطني لين انفجرررت من الالم والله مايخسر شي لاقال كلمه حلوة وخاف الله فيني والله اني مااصدق اشوف ابتسامته وهو يحس بفرحتي فيه بس اكتشفت انه يحقققققققد وقلبه اسود لكن وش اسوي هذا نصيبي |
رد: تعبت من مشاكلي مع زوجي واستفزازه
حبيبتي
اثقلي واسحبي عليه بيجي يشتكي خل يجي وش مسويه يعني انتي عسان يهددك اهتمي بنفسك و البيبي وانبسطي عند اهلك |
رد: تعبت من مشاكلي مع زوجي واستفزازه
اقتباس:
ولاهمني لو عنده مليون ويحرقها بس لييييه يتعمد هالشي ويكررره عشان يستفزني ويشوف كيف انا مكسورة من الي سواه فيني ولكن ربي موجود ويعلم الله بكل شي بيني وبينه واعتذرت بدال المره الف ولازاده الا تكبر ومماطله في حل مشكلتنا .. ماقدرت اتهنى حتى بلقمه وزاد تعبي تعب لما اتذكر ان فيه طفل جاي بالطريق ومثل هالانسان الي يحب نفسه هو ابوه فوضت امري لله |
رد: تعبت من مشاكلي مع زوجي واستفزازه
اقتباس:
والله العظيم ماراااح يجي زوجي واعرفه انا بس قلت اتصل ع واحد من اخواني وتفاهمو لاتكلف ع نفسك وتجي وبتنحل الامور وباذن الله نرجع لبعض الى يومك هذاا من شهر وانا اترجاه ويقول يصير خييير حسبي الله ونعم الوكيل |
رد: تعبت من مشاكلي مع زوجي واستفزازه
لا تترجين يا بنت تسمعين
وخلك واثقه من نفسك زوجك من نوعيه المعددين الي ماادري ليش عددوا دامهم مو كفو هالشيء وليه يستعمل معك اسلوب الضرات بدل ما تستفزك زوجته الاولى هو لاعب هالدور |
رد: تعبت من مشاكلي مع زوجي واستفزازه
دامك عارفته ماراح يجي ،، تلاحقينه و تترجينه ليه ؟
احفظي كرامتك و عزي نفسك زوجك يحتاج رجل يتفاهم معاه و يوقفه عند حده يا إمساك بمعروف يا تسريح باحسان الله العالم تصرفاته تصرفات شخص بايع الله يكون بعونك |
رد: تعبت من مشاكلي مع زوجي واستفزازه
اقتباس:
حسبي الله ونعم الوكيل حسبي الله ونعم الوكيل يساومك بحقك الشرعي؟! مافي دناءه وخسّه أكثر من كذا من الحين أقولك الله يعوضك خير ويعظم أجرك فكري بنفسك ولا هو مع إحترامي ماعليه حسوفه |
رد: تعبت من مشاكلي مع زوجي واستفزازه
اقتباس:
مدري كيف نفسها تتقبله بعد كلامه هذا !!! الله يعوضها مايسوي فعلته الا ذكر عديم رجولة |
رد: تعبت من مشاكلي مع زوجي واستفزازه
بعد دعاء الله سبحانه وتعالى والتوكل عليه
رأيي الشخصي أن زوجك يحتاج إلى http://up.harajgulf.com/do.php?img=860205 أعانك الله |
رد: تعبت من مشاكلي مع زوجي واستفزازه
اذا كان بايع ليه ماطلقني من البدايه وفك نفسه وفكني من هذا كله
لما تحاورت معه امس ماادري حسيت اول مره اعرف الرجال هذا عقليييييه متحجره لابعد حد بعكس الي كان يعاملني فيها يعني صحيح تصير مشكله او موقف بينا ونتداركها واغلب الاحيان هو الي يبادر ويسامح وبعد كذا نرجع زي السمن ع العسل ولاكن فيه شي صار واثاريه جمعها كلها من اول ماتزوجته ليومكم هذا وخلى عقابها واحد الي جنني انه انسان محافظ ع صلااااته ولاعمره ترك فرض بلمسجد واذكره بالله وقلت ترى لي عليك حقوق وخاف الله فيني يعني حتى مااستاهل كل ذا اقل شي عشان النونو ماله ذنب ترى يتاثر بنفسيتي ولاكاااني اتكلم ماخذ الوضع بكل برووود الشي الثاني حريص ع اجار الشقه وسددها لشهر الثاني يعني مايحتاج هذا كله واعرفه الريال مايطلعه كذا ببلاش حتى فتره جلوسي هنا مجهوله ممكن شهر ممكن سنه ممكن العمر كله كلمته الي صار يقولها انتي في بيت اهلك خلاص صار حكمك بيدهم وانا مالي دخل بشي |
رد: تعبت من مشاكلي مع زوجي واستفزازه
اقتباس:
احيان من كثر القهر اتمني اني اكسر ضلوعه عشان يحس بلي انا فيني ويترك طبع الخساسه من اول فرصه سمحت له انتقم مني بكل كره وحقد |
رد: تعبت من مشاكلي مع زوجي واستفزازه
بالله من جدك تدفعين حق الاعفاف😠
سؤال بريء ليش حملتي منه؟!! يااختي عزي نفسك كفاية اذلال هو شايفك ضعيفة ومبسوط يشبع رغبة السيطرة من خلالك تقهرين اكثر منه😣😣 |
رد: تعبت من مشاكلي مع زوجي واستفزازه
اقتباس:
الحمل اخذت مانع اول ثلاث شهور وعطتني مناعه ثلاثه شهور اخرى لكن اصر ومنعني منها وصلت الحلف علي بالطلاق قلت له ابشر وحملت ع طول لدرجه انه في ااصيدليه يلاحقني وصارحني بعدين انه خايف اشتريها من وراه في الفتره الي كنت فيها ماخذه مناعه من الحبوب كان تجيه حالات هستيريا اذا تاخرت الدوره كم يوم ويقول خلاص ان شاء الله حامل وصلت فيه مره بلمستشفى واحنا ننتظز نتيجيه التحليل وهو رايح جاي بالممر من التوتر لما جات الممرضه قالت مافي حمل وراحت جاء يتكلم انتي متفقه معها وعطيتيها فلوس عشان تقول منتي حامل ومن هلكلام وانا احلف له واقسسم اني ماقلت لها شي ومافي شي يتخبى وقتها حسسسسسيت بسعاده وانا اشوفه كذا فرررحت انه متمسك فيني وان من قلبه صدق يبغى عيال مني ولما حملت وصرت اتعمد ادخله معي ويسمع النبضات واشوف الفرحه بعيونه رغم انه من النوع الي عدو الابتسامه مستحيل يبتسم ع اي شي يشوفه تافه والحين صرت اقوله اذا الله رزقني ولد راح اسميه وحيد لانه بيجي هالدنيا فاقد واحد مننا والسبب انت وقلت له والله ماكان بعمري ونيتي اني اتركك مهما كاااان ومهما صار ماابغى اترك بيتي وننفصل وكلعاده مايرد الا بالسكوت |
رد: تعبت من مشاكلي مع زوجي واستفزازه
جاات فتررره يقول مافي احد بيحرمني من ولدي او بنتي منك
واذا كنتي مرره مصره على تربيته فله مني المصروف اما لو تنازلتي عنه فزوجتي متكفله تربيه مع اخوانه ولافيه خلاف بلعكس ودي اخذه ويكبر مع اخوانه قلت كذااا بكل بساطه احد حرمك انت وزوجتك من احب اولادكم والا عمري اخذت من عيالها وقلت ذا ولدي بيكبر معي وحرقت قلبها عليه والله كلامك فيه ظلم خاااف الله ضنااي اعد اللحظات الي اشوفه فيها قدام عيني وانت تخطط كيف تضغط علي وتاخذه مني حسبي الله ونعم الوكيل حسبي الله ونعم الوكيل حسبي الله ونعم الوكيل |
رد: تعبت من مشاكلي مع زوجي واستفزازه
تدرين يا ليلة رحيل
عمري ما أتخيل فيه حريم كذا وعمري ما أتخيل إني ألحق وراه زيك 😝 لو إنه يستاهل ، أو أنت غلطانة قلت يمكن لكن على إيييييش هالترجي والتلحق والذل؟! فيه شي أنت مسويته ما قلتيه لنا؟! وإذا ما فيه أنت ما توجعك كرامتك من كثر ما لحقتي وراه؟! أذكري لنا أكبر موقف غلط طلع منك بحقه؟! عشان قاعد يعذبك بهالشكل وأنت حامل بعد؟!! |
رد: تعبت من مشاكلي مع زوجي واستفزازه
اقتباس:
لكن بكل اختصار انا سبق وتطلقت وعندي ولدين منه واخذهم مني بعد ماطلبت الطلاق مباشره والسبب اهلي رفضو اخذهم بلعربي محد بيتحمل تربيتهم وكل شي عندنا بنظام ممنوع لايحق لي اطلع ولااروح ولااجي وفوق هذا شكوو من ابويه الله يشفيه ويسامحه ومن اخواني يعني اطلع من هم لهم اكبر قلت ماادام كذا ابوهم ياحذهم وانحرمت سنه منهم خاصصه اني بمدينه ثانيه بعيييد عنهم وبعدها بكم سنه الله رزقني بلوظيفه الحكوميه وبنفس مدينه عيالي وصرت قريبه منهم بفضل الله ولكن ماقدرت اخذهم لسبب اني مغتربه في ذيك الديره ومااقدر اتحمل مسؤليتهم وهم كلهم بسن مدارس وضعي والله صعععععب صعب انا لوحدي بدون رجال مااقدر اسوي شي الان خوفي ماابغى يتكرر الي صار معي ولااينحرم طفلي هذا من ابوه الى يومك موظفه واستلم راتب ولاعمري طلبت احد ومع كذا ابغى استقدم سواق واشتري سياره وهذا من سابع المستحييييلات عند اهلي ياااارب يارب ارحم ضعفي وقله حيلتي "":::""::: بالنسبه للمواقف معه فيها كثير تصير بكل بيت هو مايداني النقاااش وانا انسانه اتكلم بعقل وهالشي يجننه لانه مايحب اغلبه بشي او اطلعه علطان ويتعمد يستفزني ويرفع ضغي لين ارفع صوتي بدون مااحس مره ضربته على يده واقول له حرام علييييك افهمني انت بتوصلني للجنون بطريقتك هااادي وكان يسكت واثاريه يجمعها حتى لو نزلت قبله في طريق او شي يحقد لما كلمته امس يذكرني ب ادق تفاااصيل واعلبها عفويه بدون قصد |
رد: تعبت من مشاكلي مع زوجي واستفزازه
الله يجبر كسرك ياأختي ويجمع شملك ومن تحبين..
بس ياأختي ماينفع تنذلين كذا اتركيه لحد مايراجع نفسه كل اللي عندك قلتيه وهو لحد الان ماسلم الشقة وبينكم اتصالات يعني أموركم مو صعبة انشغلي بهالأيام الفاضلة بالاستغفار وكثرة الدعاء وربي يفتحها بوجهك لاتنزلك راسك الا لربك وهو اللي يفرجها ويعينك.. |
رد: تعبت من مشاكلي مع زوجي واستفزازه
اقتباس:
يتني ماكان فيه مقدمات لكل الي صار كان يقدر يرجعني معه ونكمل حياتنا بحيرها وشرها اللحمد لله مافي ذاك الشي الكبير الي يستاهل الي سواه فيني الحين ينعاد نفس الشي صرت خايفه يكون هذا كله ورده ع مكالماتي واسلوبه معي تمهيد لطللق لان وبكل برود منه يخطط علي الشي وعنده استعداد يصبر فتره لين يشوف الوقت المناسب ويسويه واذا صار هالشي يشوف ان من حقه يطلق ومصروفك يوصلك وصلى الله وبارك عيشني حاله نفسيه الله وحده يعلم فيهاااا فوضت امري لله |
رد: تعبت من مشاكلي مع زوجي واستفزازه
اقتباس:
وصلت انه يساوم على حقك الشرع ويطلب مقابله فلوس هذا مو رجال ولا يعرف الرجوله اصلاً وفراقه عيد اختي اللي ينشرى وينركض وراه هذا اللي يكون رجال فعلاً وماتبين تخسرينه لكن هذا ماادري وش اقول عنه والا باي وصف ينوصف غير انه مافيه ذرة الرجوله انتي خلاص اختي لاتتصلين فيه وقولي لاخوانك عن كل شي وخليهم هم اللي يتولون الموضوع اما انه ينضبط ويبطل حركات البزران اللي يسويها والا مثل ماقال الله عزوجل تسريح باحسان وانتي ربي يرزقك باللي احسن منه بالف مره واسمحيلي اختي اللي مثل زوجك ماينبكى عليه |
رد: تعبت من مشاكلي مع زوجي واستفزازه
لاحول ولاقوة الا بالله العلي العظيييم
|
رد: تعبت من مشاكلي مع زوجي واستفزازه
اقتباس:
اولا وظيفتي بنفس المدينه الي هو فيها واهلي اذا تطلقت والله العظيم بيحرموني من عملي لهذا ااسبب لان كل واحد مشغول بعمله واهله وعياله مافي احد منهم بيسمح لي اروح هناك لوحدي ""::: يعني بخسسر كثير من ورى طلاقه لي وانا قلت له والله بينقطع رزقي بسببك ليه كل هالقساوة علي خاااف ربي فيني والسبب الرئيسي عنده ليه ماتشترين لي سياره وتطلعين قرض اسدد ديوني وووو قلت له الحين ابشر اسوي لك الي نبغى بس مانخسر بعض ويوم وصلت اني انا الي اطلبه صار يسوي فيها عزه نفس وماني بحاجه شي منك وانتي قد ذليتيني وو حسبي الله ونعم الوكييل |
رد: تعبت من مشاكلي مع زوجي واستفزازه
بس خلاص
وصلتينا لطرف الخيط بيمرمر عيشتك، عشان هالفلوس قاعد يأدبك ويربيك ويروضك له |
| الساعة الآن 08:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©