اخت زوجي سببت لي مشكلة
 

السلام عليكم ..

اخت زوجي مدري كم عمرها بس بالمتوسط .. لاتقولون صغيره لان تعرف تميز بين الصح والغلط و دايم تقول لي اسرارها وتقول لاتعلمين اخوي او أي احد الخ ..

قبل كم يوم كان عندنا حفله خاصه لأهلي .. استئذنت من زوجي وسمح لي ورحت وكان معي اغراضي عشان اكشخ عند اهلي .. المهم حفله نسائيه و الجو حر طبيعي البس قصير وخاصه اني حامل والفساتين تريحني اكثر من البناطيل ... المهم بعد ماوصلنا وكذا متعوده اصور لزوجي كشختي وجلست اصور له سنابات خاصه .. و اما خواتي و خواته كنت اصورلهم سنابات خاصه لحركات بنات ومرات ماحدد زوجي و اذا انتوا من متابعين السناب اتكلم عن البنات اكيد تعرفون ان بالحفلات اكثر شي يصورون جلستهم او بس رجلهم وكذا وانا صورت جلستي بس رجولي وكاشخه بصندل حلو حبيت اصور .. انا بهالصور كنت احدد بس خواتي لكن لان خوات زوجي يصورون لي حفلاتهم وكذا قلت بحددهم عشان يعرفون ان حتى انا عندي مناسبات لان كل ما اصورلهم يا اما بيتي او بيت اهلي والطلعات ماحب اصور .. المهم صورت و حددت كل خواتي و خواته .. خواته بعضهم علقوا ان حلوو وكذا هذي مافتحت السناب ومرت ايام ونسيت السالفه .. و امس كنت اتجهز عشان اطلع لاهلي.. فجأه جاني تنبيه انها شغلت الصورة وسوت لها اعادة بعد.. جلست افكر وش شافت هذي لان مر ايام بس تذكرت انها تتأخر ماتفتح لان الجوال مو لها المهم .. جا زوجي معصب لما شفته معصب داخليا خفت لان اعرف ملامحه اذا معصب حيل سئلته وش فيك قال مافيني شي وقمت اتجهز وبعدها سئلني وش مصووووره لفلانه ؟؟ قلت اللي مصورته لخواتي وخواتك .. قعد يهاوش لاعاد تصورين كذا احسن ما اخليك تحذفين السناب و احسن ما اخذ جوالك هذا واخلي معك الكشاف و و و و و و و و الخ .. قلت توها فتحته مايمدي علمتك قال انا اللي فتحته قلت لا هي فتحته وسوت اعادة عشان توريك او انها قالت لك وتناقشنا و انا وقتها عصبت قلت مثل مايصورن انا اصور .. قال وش يصورن ؟؟؟؟ قلت مثل تصويري واكثر بس انا اسكت وما افتح قدامك ولا اعلمك لان تصوير بنات و اغلب البنات يصورن كشخاتهم وانت شفت لبسي يعني مالبست من وراك وبدلت ورجعت .. المهم وصلت بيت اهلي وانا بس انتظر اوصل عشان ارسل لها .. وطول الطريق ساكتين ولما وصلت ع طول جلست ارسل لها ان كيف تقولين له وانك سببتي مشكله وانتي بالذات لو اعلم على سوالفك وخرابيطك يذبحونك والخ ... وانا ارسل لها ...ارسل لي زوجي اللي صار خليه بيننا وان فتحتي الموضوع لها او حاسبتيها ياويلك قلت فتحته وارسلت لها و لسا بكمل كلامي ماتقدر تمنعني من شي بقوله و اختك هذي اعلم عمي عليها وعلى خرابيطها ومثل ماتتكلم عني اتكلم عنها وانا عالاقل صوره عاديه بس هي عندها سوالف اكبر .. قال خواتي واثق فيهم .. ضحكت ضحكة تمسخر قلت ايه ايه .. لان جد هالبنت عندها سوالف .. المهم قلت له هي مراهقه وكل بنت بعمرها تمر بهالشي وماكنت ناويه اتكلم بس دامها داست لي ع طرف راح اواجه ابوها واخوها الكبير واعلمهم بسوالفها كلها وهم يشوفون شغلهم معها . المهم هو عصب وانا عصبت وجلس يهددني تهديد قوي وبعد ساعه كذا قال انا عند ربعي لارجعنا للبيت نتفاهم قلت ماني راجعه بعد كل هالتهديد قال اوك .. وبعدها بساعات هديت انا و ارسلت له اذا تبي تسكر عالموضوع وماتناقشني فيه مرني واذا تسويلي مشكله ونقاشات خلني قال خليك .. ومن امس عند اهلي ومحتاره وش اسوي ..
بالنسبه للردود ما ابي مواعظ ونصايح عن التصوير و والخ بس ابي حل لهالمشكله كيف اتصرف

رد: اخت زوجي سببت لي مشكلة
 

أنت كيف كان ردودك على مواضيع أخته الصغيره في ما وصفتيه إذا خبراتك بها؟؟

رد: اخت زوجي سببت لي مشكلة
 

اخته بنت مراهقه وانا صحيح سني صغير لكن عندي خبره ببنات خواتي وبنات اخوي ..كل اللي بعمرها يمرون بمرحلة طيش ومثل ما انصح بنات خواتي واخوي كنت اشوفها اخت لي واجلس انصحها وما انصحها بشكل مباشر لا .. بالعكس استمع لها واشاركها بكلامها وبعدها انصحها نصيحه يعني مثلا حاولي ماتسوين كذا وتجنبي صديقتك هذي انتي واعيه وكبيره وانا لما كنت بسنك مرت علي هالحركات لكن اختي وعتني و و الخ .. لان لو نصحتها ع طول راح تتجنب الحديث معي وتبقى منطويه لان ماتصارح احد من اهلها وبس انا فتحت لي قلبها بعد ماشافت اسلوبي المناسب .. ومستحيل اسبب لها مشكله مع اهلها بس لان تنرفزت من حركتها لمحت لاخوها

رد: اخت زوجي سببت لي مشكلة
 

نصيحتي لك هدي الموقف مع زوجك و لا تكبريه و فهميه في جلسة صفاء بأن ما فعلتيه يفعله الكثير من النساء (رغم عدم إقتناعي بهذه الأفعال و هذا العذر شخصياً -ولكن لحل المشكلة-)
و قولي له أن آسفه إن أخطأت في حقك و أنت زوجي وتاج راسي

و سكري على الموضوع

وبخصوص أخته إن استمرت في إخبارك بأسرارها نصيحتي لك أبلغي أخاها بكلامها و نبهيه بأن لا يتدخل وأنت تخبريه من باب العلم حتى لا تتهمك في المستقبل بشيء أو إذا وقعت في مشكلة تقول أنا كنت أخبر زوجة أخي فلان وهنا ستتحملين كل المسؤولية و ستكونين أنت المتهمة

أخلصي نيتك لله : في إرضاء زوجك و في تقديم النصيحة لأخته


وفقك الله وسددك و ألهمك رشدك

رد: اخت زوجي سببت لي مشكلة
 

الذنب ما يجر الا ذنب اكبر منة
ارجع الله وتركي التصوير وخربيط
السناب وخت زوجك ائتمنك على
اسرار والمفروض دورك نصحها
وتوجيهها لانها صغيرة ومراهقة
تحتاج من ينصحها مو يفضحها
سبحان الله شفتي غلطتها بس
ماشفتي غلطتك الحق كلة مع
زوجك ويتحمل الاجزء الاكبر لانة
سمح لك تصورين نفسك وترسلين

رد: اخت زوجي سببت لي مشكلة
 

شكرا لك اخي محب السنه الله يجزاك خير

رد: اخت زوجي سببت لي مشكلة
 

رد: اخت زوجي سببت لي مشكلة
 

اخت زوجي أئتمنتني على اسرارها و انا علي حفظ اسرارها وهي صوره عاديه فضحتني عند زوجي وما ادري اذا وصفتها صح او ظلمتني بشي اكبر ... انا احفظ الاسرار وكثير صارت مشاكل بيننا ماعمري هددتها .. بس انها توصل تخرب بيتي وتسبب لي مشاكل مع زوجي ؟؟ هنا اهددها وممكن افضحها .. ليش بس انا مطلوب مني احفظ واسكت ؟ حتى زوجي غلط بحقي ومنعني افاتحها بالموضوع او اعلم احد يعني يبي اسمع واسكت ؟؟ والسكوت على القهر يسبب ضغط وامراض انا بغنى عنها ولو هي ماضايقتني ماكان فكرت اعلم عليها بس انا اعامل الناس مثل مايعاملوني .. يعني اسلوب اعااملهم بالحسنى و اكون انا الاحسن هذا مو اسلوبي .. اسلوبي تصير سيء معي اصير اسوأ منك تحترمني احترمك تفضحني افضحك .. بس اذا ظلمني احد مستحيل اظلم فقط اتحسب عليه .. ونصحتها ياكثر و الى الان كل ماجلسنا انصحها . انا ماصدقت هدت الامور مع زوجي وعشنا بهدوء تجي هذي تسوي مشكله من ولا شي و تخليني انام عند اهلي ! راسي مشوش ما ادري وش اسوي

رد: اخت زوجي سببت لي مشكلة
 

حاولي تحلي مشكلتك مع زوجك بالكلمة الطيبه لا تفرحيهم وياخدوها عليك كل ماصورتي قالو له

وسوي لها حظر والميانه مع المراهقين مو حلوه

رد: اخت زوجي سببت لي مشكلة
 

اختي مهره شي يرفع الضغط والله وخاصه هالبنت لي مواقف كثيره معها تعاملني كأني مدري ايش حتى بفترة وحامي كل شي اكرهه تجيبه لي وتقلب معدتي تتكلم كلام يلوع الكبد عن الاكل اللي ماحبه وتقول تخيلي تاكلين كذا وعليه كذا والخ وانا وقتها اقوم اركض للحمام استفرغ وتتقطع معدتي وهي القاها واقفه تضحك !!!! وكثير مواقف ماعلمت احد ومره جيتهم قالت خييير من اللي جا !!!! ومره جيت وبسلم عليها وماسلمت واكلمها كأنها ماتشوفني يعني بالعربي نفسيه وانا ماهتميت ولا قلت لزوجي شي لان اشوفها امور تحصل وعادي بس هي توصل شي لزوجي وتسبب لي مشكله ؟ هنا مستحيل اسكت حتى لو افضحها مافضحتها بالكذب .. وهي ما ادري وش قايله لزوجي لان اكيد قالت شي اكبر .. انا الحين عند اهلي ومن امس ماتكلمنا انا وزوجي وهي مرتاحححححححححححه

رد: اخت زوجي سببت لي مشكلة
 

طيب اختي متفائله واذا حليتها و سئلني عن موضوع اخته كيف ارقع الموضوع ؟ لان المشكله هم واثقين حيل بخواتهم ومشددين بالتربيه وحتى امس لما كنت المح له ان عندها سوالف كان يقوللي خواتي واثق فيهم ولاتحاولين تشككيني و الخ وانا بصراحه ماعندي نيه اعلم الا اذا كبر الموضوع .. وانا ماودي يكبر بس اخاف يسئلني وقتها صعب اكذب عليه واقوله كنت اكذب مافي شي والخ وقتها ياخذ فكره اني اتبلى على اخته و اظلمها ويصير مايصدقني وبنفس الوقت صعب اقوله الموضوع وتصير مشكله وانا علاقتي مع عمامي زينه مابي اوتر الجو .. لي 9 شهور عندهم ولا مره شافوا غلط مني .. كيف اتصرف ومابي اعتذر لزوجي لان ماغلطت

رد: اخت زوجي سببت لي مشكلة
 

يعني كيف ماتبغي نصايح ومواعظ .!

يعني إللي بتسويه صح إنت وغيرك من البنات إللي يصورو أنفسهن سنابات بحجة إنهن يصورو رجولهن أو أيدهن أو خلافه وبحجة إنهن يرسلن لبعض

هذه آخرة السنابات ومشاكلها وخراب البيوت
وفي الأخير يقولو ماسوينا غلط وهذه حرية شخصية وماحد له دخل


ويقولك ليش كثرة المشاكل بين المتزوجين .!؟
بسبب الإستخدام السيئ لوسائل التواصل



أتصلي على زوجك وأعتذري منه ولا تكابري وتقولي أنا ماسويت غلط

وبالنسبة للبنت إذا كان إللي بتسويه غلط كمان ويمس شرفها وممكن يخليها تتمادى وممكن توقع في مشكلة في المستقبل

علمي زوجك بأفعالها عشان يوقفوها من اللحين قبل لا تصير مشكلة تلحق الجميع

رد: اخت زوجي سببت لي مشكلة
 

رد: اخت زوجي سببت لي مشكلة
 

يعني ما ابي شي انا عارفته ابي شي ينفعني في حل هالمشكله .. وبالنسبه للس تسويه يمس دينها

رد: اخت زوجي سببت لي مشكلة
 

اللي في المتوسط عقولهم اكبر منهم مافي شي اسمه جاهل الحين وخاصه هالعمر اخطر شي لانهم شياطين مو اطفال وهي واعيه وبالغه وتعرف الصح من الغلط ومرات تتكلم عن الحمل اشياء انا ماعرفها يعني مو صغيره .. ولما فتحت الصوره هو كان طالع مشوار وبعدها نزل عندهم يعني هي علمته متأكده و شكلها قالت شي اكبر لان عصبيته تدل على كذا مستحيل يزعل من صوره عاديه وانا اعرف حركاتها تشتغل تلميح اكثر شي يمكن قالت له شفت جسم زوجتك ويمكن قالت زوجتك مصوره عريانه او لو شايف الصوره اللي زوجتك مصورتها يمكن تطلقها .. يعني هذا اغلب اسلوبها ومقدر اظلمها لكن متأكده انها مكبره الموضوع .. واذا هي عقلها صغير انا اصغر عقلي اكثر .. وعلى فكره خواته هم سبب طلاقه الاول و اتوقع جا دوري بعد يلحقوني فيها

رد: اخت زوجي سببت لي مشكلة
 

عشان ماتضعين وقتك وحياتك الزوجية
اتصلي بزوجك وعتذري منة وبوسية
على راسة وقولي انا اسفة حبيبي على
الي صار لان الغلط راكبك والمكابر في
هالظروف مايكل عيش وفي النهاية
انتي الخسرانة لو حصل طلاق وصبر الرجل
في هاليومين محدود من ضغوط الحياة
فنتبهي من تداعيات هالحداث

رد: اخت زوجي سببت لي مشكلة
 

الي زعل زوجك غيرتة عليك وانتي تضايقتي
من ردات فعلة ..لكن اقرئ ردك على موضوع الاخ محمد وشوفي وش قلتي لة بخصوص الغيرة وطريقة الحل ..وتقولي باخر موضوعك ما بي احد ينصحني هذا المكابر بعينة

رد: اخت زوجي سببت لي مشكلة
 

دايما تطلعون الزوجه غلطانه .. طيب بإيش غلطت انا ؟ ماغلطت .. تصوير عادي مثلي مثل غيري و ماحددت احد الا بنات اثق فيهم خواتي وخواته مافيها شي .. هو جاني معصب ويهددني بسحب جوالي ؟ انا مصدر رزقي هالجوال ومابي ينقطع شغلي بسبب بزر ؟؟ وهذا اللي خلاني اعصب .. والشي الثاني قلت له مثل ما يصورون اصور .. ماكذبت وهم جد يصورون مثلي .. ومثل ماطلعت عني كلام و يمكن زودت من عندها .. انا قلت عالاقل انا صوره بس هي عندها سوالف اكبر .. وماكذبت .. يعني انا ماغلطت ليش اعتذر ؟؟؟؟ لما اكون غلطانه اعتذر ليل ونهار عادي مافيها شي بس اذا ماني غلطانه ليش اعتذر

رد: اخت زوجي سببت لي مشكلة
 

احس هالموضوع ماله دخل بالغيره ياشاطئ

رد: اخت زوجي سببت لي مشكلة
 

بما اننا لانعرفك ولاتعرفينا بشكل شخصي

وماجئنا هنا الا لتبادل خبرات الحياة

ياريت تعملي فينا خير وتخبرينا بسوالف هذه البنت ام 15 سنة وعن حركاتها التي تعملها من خلف اهلها

وذلك من اجل :

1- تنبيه كل ام وكل اب عن مايمكن يفعلونه بناتهم المراهقات من وراء ظهورهم

2- نساعدك في هل تفضحيها ام تساعديها

وجزاكي الله خير

رد: اخت زوجي سببت لي مشكلة
 

من البداية قلتي أنها تتأخر في فتح السنابات لأن الجوال ليس لها، يعني احتمال أن زوجك هو الذي فتح السناب كبير أو احتمال أنّ أحدا آخر غير أخته الصغيرة هذه هو الذي فتح السناب و جعل زوجك
يرى الصورة ، و احتمال ان أخته الصغيرة هي التي فتحت السناب و كان زوجك بجانبها و رأى الصورة من نفسه ، وهي لم تعلق و لم تكبر الموضوع كما تطنين.

نصيحة قبل أن تقومي بأي شيء تأكدي من معلوماتك ، تأكدي من شكوك ، قبل أن تظلمي وتعقدي الموضوع التافه الذي لايستحق وتنقلب الامور ضدك و تفلت من يدك ، و في النهاية هي أخته من دمه ولحمه مهما أخطأت و أنت زوجة قد تستبدل .
تريثي واهدئي ولاتخربي على نفسك

رد: اخت زوجي سببت لي مشكلة
 

حنا رجال ونفهم بعض..عطينك الحل والباقي عندك

رد: اخت زوجي سببت لي مشكلة
 

هي تتأخر بس السناب لها يعني تفتح حسابها متى ماتبي و غالبا تفتحه اذا مافي احد من اخوانها لان تتخبى وتفتح عشان تشوف سنابات صديقاتها وعشان تكلمهم وكذا تاخذ حذرها

رد: اخت زوجي سببت لي مشكلة
 

ماقصرت اخوي شاطى يعطيك العافيه على نصايحك

رد: اخت زوجي سببت لي مشكلة
 

رد: اخت زوجي سببت لي مشكلة
 

رد: اخت زوجي سببت لي مشكلة
 

عذرا على التدخل
لكن ردك أجبرني أضيف ماعندي، مما رأيت
من ضمن سوالف المراهقات : مثلا 1/ البوي فريند :
قد يكون لصديقات الفتاة بوي فريند ويحكون لها ماذا قال ماذا فعل وهكذا
وممكن يعرفوها على أحدهم بشكل مباشر او غير مباشر.
2/ترسل صورها لصديقاتها، واحيانا تكون صور غير مناسبة.
3/ تكون على علاقة شاذة مع احدى صديقاتها: تحب حضن صديقتها مثلا
4/ تدخل مواقع اباحية او تشاهد مقاطع اباحية او حتى تقرأ روايات فيها تجاوزات كثيرة وتتبادلها مع صديقاتها.
4/ التدخين او التشيش : لي صديقة مدخنة ، تعرفت عليها في الجامعة
علاقتنا قوية ، مرة سألتها من متى وهي تدخن؟ أجابت من فترة المراهقة
وبالطبع من خلف أهلها .

رد: اخت زوجي سببت لي مشكلة
 

طبعا بما انها متوسط طبيعي معروفه حركات البنات بالمدارس وهذي لها علاقه مع بنت اكبر منها بكثير هالبنت عمرها مدري كم لكن عادت السنين كثير ومازالت تعيد ..بس اكبر من اخت زوجي بكثير .. وتتحكم فيها وتعاملها كأنها زوجتها !! يعني مره جتني وقالت لي انها تطلب منها طلبات مايفعله الرجل مع زوجته ولكنها خايفه والخ قلت لها انتبهي وهالشي حرام وترى يصير لك كذا وكذا وكانت تخاف تخسرها طبيعي تلبي طلباتها ونصحتها ان مهما صار لاتلبين طلبها .. و في يوم من الايام جتني تبكي وتشاهق وسئلتها عن السبب قالت نقصت ربع درجه بالاختبار .. طبعا صدقت لان عمي شديد بالدراسه وهي شاطره .. المهم بعد اسبوع سئلتها قالت لا الحمدلله طلعت اجابتي صح ونجحت والخ .. ثاني اسبوع صارت تجيني مستانسه وتلف الشال ع رقبتها وشكيت على حرصها ان رقبتها وقلت حر نزلي الشال وجيت بسحبه وهي رفضت وتأكدت من شكي لان تغيرت ملامحها وكذا .. ومن يومها صرت الاحظ علامات ع جسمها وصارت تقفل ع نفسها وتكلم كثير ولما تطلع بعد المكالمع يكون وجهها مخطوف ومنصفر وخايفه وتسئلني صوتي كان عالي ؟؟ ومره قالت لي ابي اعزمها ونروح للغرفه اقنعي امي تخلينا نروح وكذا قلت لا مالي دخل انتي كلمي امك .. وكثير كلام

رد: اخت زوجي سببت لي مشكلة
 

رد: اخت زوجي سببت لي مشكلة
 

رد: اخت زوجي سببت لي مشكلة
 

اخيرا لقيت احد فاهمني .. طيب اختي افرضي سئلني عن سوالف اخته ؟ وكيف اعتذر بطريقه غير مباشره ؟ زوجي من النوع اللي يزعل يصير قاسي بس اول مره اشوفه مايبي تكبر المشكله ويقول لاتقولين لها شي والخ بس انا كنت كاتبه لها وصعب اتراجع .. وهو جلس يبرر ويصرف ويقول ماشفت وماعلمتني قلت اجل قال اخوي الصغير وجلس يحاول يلف الموضوع بس انا متأكده انها هي قالت له لان قلت لكم اعرف حركاتها .. واعرف اسلوبها وكأني اشوفها كيف خبرته

رد: اخت زوجي سببت لي مشكلة
 

ريتاج مالك دخل في البنت ولا في تصرفاتها
لها أهل هم المسؤولين عنها و عن تربيتها وتوجيهها
ابعدي نفسك لتسلمي ، وتذكري دائما هي ابنتهم و هم أهلها
وأنتِ زوجة ولدهم .
ولاتضعين نفسك في موقف: فضحتني سأفضحها
تعاملي بأخلاقك ، ثم أنكِ أنتِ الناصجة العاقلة وهي المراهقة الطائشة
كيف تضعين عقلك بعقلها وتتصرفين بطيش مثلها.
ماذا ستستفيدي ان فضحتيها وسائت الامور وانقلبت ضدك وظهرتي كزوجة أخ شريرة تريد تشويه سمعة اخت زوجها ؟
لاتستغربي قد تؤول الامور لهذا الحد !
لأن كلامك عليها ليس لديكِ أي دليل عليه ، حتى لو هي قالت لكِ تستطيع بكل بساطة تنكر.

رد: اخت زوجي سببت لي مشكلة
 

لا انتبهي لا تقولي له عن حركاته مع صديقتها خليك برا الموضوع


أما أذا سألك عن سوالف أخته قولي مثلي تصور بالسناب


ونصيحة من أخت تتمنى لك الخير أبدعي عن السناب والله أنه مشاكل في مشاكل وخلي علاقتك مع أهله رسميه ولا تدققين على حركاتها مراهقه وطايشه

رد: اخت زوجي سببت لي مشكلة
 

انا ما اتدخل بس انصحها ومثل لما طلبت مني ان اتوسط لها عند امها بالدخول للغرفه رفضت لان مالي دخل و لو صار شي راح يقلب علي .. وعشان كذا ماعمري فكرت اقول لحد لان مالي دخل ومالي بالمشاكل واعرف انها مراهقه ولها اهل .. ومعك حق دايم زوجة الاخ يطلعونها ظالمه وغلطانه ..

رد: اخت زوجي سببت لي مشكلة
 

اووك بقوله كذا . مشكوره خيتي ماقصرتي

رد: اخت زوجي سببت لي مشكلة
 

رد: اخت زوجي سببت لي مشكلة
 

في مثل عندنا في الجنوب يقول غبر ............ على قرنك
لا تتوقعين انك اذا فضحتيها ان اهل زوجك بيصدقونك لن ما عندك دليل قوي تمسكينه عليها فبكذا بينقلب السحر على الساحر فتصير بدال ما تفضحينها بيصيرون كلهم يكرهون خاصة امها لنك تقليلين من احترامك لابنتها و الشي الثاني اذا البنت راحت لا بوها تبكي و بطريقة فنية اثبتت انك كذابة فراح تكنين مكروة في البيت فعلشان كذا الباب الي يجيك منه ريح صدة و استريح و خلي علقاتك مع اهل زوجك صطحية من اليوم ورايح و لا تطقين الميانة زيادة لن الشي ان زاد عن حدة انقلب ضدة و ترى الخطوة الي بتسوينها بتظرك لن لا تلعب بالنار تحرق اصابيعك فلا تحسبين بعد الخطوة راح تبقى حياتك انتي وزوجك متهنية طول حياتك و كثر التشكيك في اخته مو في صالحك لن لو ماعلمتيه راح يكون له حجة قدام اهله انك تتكلمين في اخته و بعدها راحي قلي لا بوك الي تعرفينه لا تتوقعين اهلك بصفقون لك على الي تعرفينه لا راح يخلونك انك تندمين لنك تدخلتي في مثل هذا الموضوع فعلشان كذا هدي شياطينك قدام ما تندمين فاستخدمت معاك لغة قاسية لني قاعد اقراء وش الي يدور في راسك و بكيفك لكي من عندنا النصيحة و من عندك اتخاذ القرار

فترى الموضوع الي انت بتتكلمين فيه في اخت زوجك يمس شرف و علاقة محرمة سوى مع بنت و لا ولد فان تجاوب معاك ابو زوجك و قفل على بناته و الغى السنابات فانتي بديتي حرب مع ام زوجك و اخواته مالها نهاية

رد: اخت زوجي سببت لي مشكلة
 

الله يعين ، هو فعلا منتشر هذي الأمور ، في المدارس و حتى في الجامعات للأسف الشديد ، اشوف انك تحاول تنهي الموضوع مع زوجك بالاعتذار و الصلح ، وجيد انك نصحتيها ، لكن اشوف ان هذه الأمور ما ينسكت عليها ، وهنا ليس بنية الفضح يعني تروح تخبري اخوها ، لكن من باب التنبيه وحفظ هذه الفتاه ، حاول تجلسي مع أمها او احد من اخوتها ، و تنبهيهم ، بطريقه لبقه ، يعني ما تروحين تقولين ( شوف بنتكم شو عامله ) لا ، احكي لهم بأسلوب ، انها جاءت لك وأخبرتك و اخبريهم ، انها مثل اختي الصغيره واخاف عليها او مثلا أبدا من هذي صديقتها شو اسمها ، أراها متعلقه بها بشكل غير طبيعي ، انتبهوا عليها لان هي جت مره قالت لي كذا وكذا ، وعادي يا اختي بيني لها انك متضايقه و غير راضيه عن هذه التصرفات ، وكان يجب من البداية انك تفعل ذلك .

رد: اخت زوجي سببت لي مشكلة
 

انا علاقتي سطحيه مع كل اهله بس هالبنت جتني فتره طيحت الميانه لانها بحاجه الى نصح و توجيه لان صغيره .. وهم عيلتهم كبيره ولو تكلمت راح يتهموني ان اظلم بنتهم حتى لو عندي دليل وحتى لو يحبوني راح يقلبون علي والشي الاهم انهم متسلطين وامه وابوه الكلمه كلمتهم لاقالوا زوجي طلقها .. يطلقني حتى لو متفاهمين وبيننا عيال وكذا .. وانا توني ماكملت سنه وحامل مو حلوه اتطلق وانا حامل .. و علاقتي مع اهله صافييييه خاصه ابوه حيل يحبني .. عشان كذا مستحيل افضحها ومن فترة بعدت عنها لما تجي تسولف لي احاول اختصر او اتهرب ... يعني ماعاد لي دخل فيها حتى لو ايش ماتسوي مصيرها تنفضح لحالها .. حسبي الله عليها .. يعني انا موضوعي مو البنت .. موضوعي زوجي اللي تاركني من امس .. يصعب علي الاعتذار اذا كنت ماني غلطانه .. ومنها بعطيه درس مايسمع كلام خواته ويتهجم علي .. لان مثل ماقلت لكم سبب طلاقه الاول خواته - حسب كلام الناس - وعشان كذا مابيه يسويلي مشاكل بسببهم .. الحين من امس ماتكلمنا واخاف بس نتصالح يقول وش شايفه على اختي ؟ ويجلس يحقق معي

رد: اخت زوجي سببت لي مشكلة
 

المستجدات .. كلمت وحده من خواته وقلت تسئلها وش قالت له بالضبط قالت تقول هو اللي شاف .. مع ان قلت لكم زوجي كان مو موجود حسب وقت فتح السناب كان هو مصور المكان اللي متواجد فيه بعيد عننا .. المهم امس لما كنا نتناقش قاللي لو انتي ذكيه كان ركزتي بالوقت متى هي فتحت وانا وين كنت والخ وبعدها هو قال ان اخوه الصغير اللي قال له والحين اخته تقول هو شاف .. و بناء على كلامها حللت براسي وعرفت انه هو موصيها ان اذا سئلت تقول هو شاف ... المهم قلت لاخته الثانيه تعتذر لي منها وان تكلمت امس بوقت عصبيه و سواء هي علمت او لا . انا مسامحتها و والخ ... الحين سؤالي ارسل لزوجي ولا انتظره هو يرسل لي ؟؟ لاتقولون اعتذري لان والله انا ماغلطت بشي وكل ردة فعلي وكلامي كان ع حسب عصبيتي وقهري وانا أي شي اقوله بوقت قهر ما اندم عليه لان يكون طالع من قلب ..