علاقتي بأهل زوجي ..هل انا حساسه زياده
 

اهل زوجي ناس طيبين ماقد شفت منهم الا كل خير انا ساكنه بمدينتهم بس اذا بروح لهم لازم بسيارة كنت اسبوع اروح لاهلي واسبوع اروح لهم ليلة الجمعه مثلا نجتمع انا وحمواتي وسلفاتي وننبسط بس مو كل مره اروح لهم اخاف اثقل عليهم يمكن بيطلعون والا شيء حاليا زيارتي لهم قلت كثييير يمكن اجلس ثلاث اسابيع ما اروح ولا اكلمهم الا اذا رحنا غداء انا وزوجي

اذا اجتمعوا وجتهم سلفتي ما يدقون يقولون تعالي والا يعطوني خبر ما يدقون يقولون تعالي او يدقوا اذا فاضيه تعالي تقهوي معانا وانا مو حلوة كل اسبوع ادق بتطلعون والا اجيكم
وقبل كم يوم كلمت اخته اني بروح معاها ازاور وحدة من سلفاتيزعندها مناسبة واتفاجأ انها راحت سلفتي صورت في السناب هديتها مرره زعلت طيب انا مستنيتك لي كم يوم كنت برسلها عتب في الواتس بعدين بطلت ما احب اثقل على احد
وانا ما اعرف احد في مدينتهم الا جماعتهم بيتي يقعد بالسنه ما يندخل الا لمناسبه مرض او ولادة فانا بطلت سرت ما اروح لهم كثير اذا ارسلت قالت بنجتمع البنات يعني ممكن اجلس شهر او حوله حتى زوجي اول كان يقولي ليه ماتروحي لاهلي ليه ما تدقي عليهم بس اللحين لا لاني قد قلت له اهلك ما يجوني ولا يسألوا ولا يعزموا وهو حاس فيه فبطل يقولي

حطوا نفسكم مكاني هل معي حق والا انا اتحسس بزيادة انا تعبت ما اعرف احد في مدينتهم

رد: علاقتي بأهل زوجي ..هل انا حساسه زياده
 

لا تتحسسي بزيادة من الموضوع , بعض الاحيان الاخوات يحبو يخلو امورهم بينهم , اذا ما جاتك دعوة منهم خلاص عادي لا تزعلي , بعض العوائل كذا غير اجتماعيين .

انتي سوي اللي عليك وتواصلي معهم كل فترة , واتس تلفون اي شي , اهم شي من طرفك لا ينقطع حبل الوصل , كل فترة سلمي واسالي عن حالهم واطلبي من زوجك تروحي لهم زيارة , حتكبري في عين زوجك , الزوج يقدر ويحب اللي تقدر اهله وتحترمهم , لا تتعاملي بالمثل : اذا ما زاروني ما ازورهم واذا ما سألو عني ما أسأل عنهم , خليك انتي احسن

بالتوفيق لك

رد: علاقتي بأهل زوجي ..هل انا حساسه زياده
 

رد: علاقتي بأهل زوجي ..هل انا حساسه زياده
 

انا ما اقطعهم بس نفسي تستثقل اني اروح وهم ابدا مايجون ام السؤال انا بصراحه مقصرة بس انا كذا طلعي مو كثيرة تواصل بالجوال

رد: علاقتي بأهل زوجي ..هل انا حساسه زياده
 

اجل انا مثلك وسلفتي اللي هي الكنة الاولى زي سلفتك مرره داخله فيهم ويحبوها كلهم وتطلع معهم زيارات

يمكن انا من النوع اللي ما انسى المواقف حتى لو سامحت وزرت وجاملت بس يبقى الموقف بقلبي وموقف ورا موقف يمكن هو اللي زادني وخلاني انقطع منهم انا اجامل ما احب العتب الكثير بس ما انسى يعني كنت برسل حماتي اقولها اني كلمتك ليش طنشتي ورحتي وحدك بس بعدين بطلت

رد: علاقتي بأهل زوجي ..هل انا حساسه زياده
 

رد: علاقتي بأهل زوجي ..هل انا حساسه زياده
 

طالما إن علاقتك فيهم كويسة خلي الزيارات كل أسبوعين

لاتدخلين فيهم كثير عشان لاتطيح الميانة وتندمين بعدين وبنفس الوقت خليك على وصال معهم

أما ليش مايكلمونك إنتي عليك من أمه وأبوه خواته سألوا ولا ماسألوا بسلامتهم
كل أسبوع كلمي أمه وخلي عيالك إذا عندك عيال يكلمون جدتهم

ومعروف إن الجمعه دايم ببيت أهل الزوج هل بتقدرين تستقبلينهم كلهم ببيتك؟
والأفضل تكون العلاقة رسمية نوعاً ما

حتى لو هم ماكلموك خليك إنتي الأحسن
وبالنسبة لأخته كان عاتبتيها بوقتها لاتخلين شي بقلبك بس جيبيها بمزحة أو بأسلوب لطيف عشان لايشتد الموقف بينكم

ولاتخلين علاقاتك محصورة بأهل زوجك تعرفي على جيرانك أو أهل صديقات أو أصدقاء عيالك

إذا ماعندك عيال إدخلي دورات أو كملي دراستك وتعرفي على ناس جدد

أنا ماأأيد إن الوحدة تتعمق بأهل زوجها مهما كانوا طيبين خلّك بعيد حبك يزيد لكن بنفس الوقت ماتكونين قاطعة لهم

وزي ماقلت لك ماعليك إلا من أمه وأبوه وأكيد إنهم كبار بالسن مو حمل يطلعون ويسيرون
أحسن لك وأهدا لك وأروق لك تكون جمعاتكم في بيت أهله

أفضل إني أنا اللي أسأل ولا هم
على الدخله والطلعه يحققون ويعتقدون إنهم لازم يعرفون تفاصيل حياتي

بالضبط زي ماإنهم مو مجبورين كل من جاهم علموك ولا قالوا لك تعالي بالذات إنهم عارفين نظامك

وإن كان على أخته يمكن أضطرت تروح لها قبلك أو ناويه تروح ثاني مره معك وإحتمال بغتها بسالفة خاصة

حاولي بزياراتك ماترتبطين بأحد ولاتستنين فلانة ولا علانه روحي من نفسك

رد: علاقتي بأهل زوجي ..هل انا حساسه زياده
 

رد: علاقتي بأهل زوجي ..هل انا حساسه زياده
 

ليه ما تنسين بكذا راح تتعبين


المهم ثم المهم أمه وأبوه أحترميهم ولا تقطعون أبناؤكم بزيارة جدهم وجدتهم

رد: علاقتي بأهل زوجي ..هل انا حساسه زياده
 

رد: علاقتي بأهل زوجي ..هل انا حساسه زياده
 

حاولي أنك ما تشيلين بقلبك



بنات الدنيا ما تسوى (:

رد: علاقتي بأهل زوجي ..هل انا حساسه زياده
 

رد: علاقتي بأهل زوجي ..هل انا حساسه زياده
 

عادي اختي اصلا هم يمهم ولدهم وابناءك وقد ما حاولت تندمجي تبقي غريبة اذا ريحي راسك واعملي الواجب فقط زيات للاطمئنان ا اجابة الدعو ة مثلا نحن يجتمع الاخوة فقط لمناقشة امور ورثهم وكذا وحماتي لا تحب ان يطلع الكنات على امورهم الخاصة ريحت راسي واروح بيت اهلي استمتع بجمعة اخواني انا ايضا

رد: علاقتي بأهل زوجي ..هل انا حساسه زياده
 

أشوف الوضع طبيعي
الحمدلله مابينكم مشاكل ويحترمونك وتحترميهم هذا أهم شيء وبالنسبة لأخت زوجك ماتدرين يمكن نست واذا تبينهم يجون لبيتك
جربي اعزميهم احتمال مايبون يثقلون عليك لكن اذا انتي ودك تعزمينهم اعزميهم والله يقويك

عندنا اهل زوجي هم اللي يحددوا
يوم الزيارة على حسب ظروفهم
واوقات انا ما أروح اذا كنت مرتبطة
وانا اشوف انه زيارة مرة إلى مرتين بالشهر كفاية
وحاولي اذا رحتي
تودين معك شي حلو والا مالح
مو لازم كل زيارة بس مرات

رد: علاقتي بأهل زوجي ..هل انا حساسه زياده
 

ما ابغى تكون ميانه بزياده وما ابغاها رسميه الرسميه متعبه بس انجبرت عليها ويمكن شخصيتي سبب فيها

رد: علاقتي بأهل زوجي ..هل انا حساسه زياده
 

لا انا ازورهم وتجلس اقل شيء ساعتين ونتعشى سوا بس قللت زيارات

اما المواقف اشبلها بقلبي بس ما ابين واجااامل هذا اللي تعبني

رد: علاقتي بأهل زوجي ..هل انا حساسه زياده
 

خليك وسط لاتقطعينهم وتثقل قلوبكم ع بعض ولاتطيحين عندهم وتطيح الميانه بينكم....تمام لو رحتي اسبوع واسبوع لا وجلستي نص ساعه