|
زوجتي تستفزني بنظراتها
السلام عليكم
انا اشكركم على هذا المنتدى الرائع انا رجل متزوج لي 3 سنوات مع زوجتي بدون اطفال حنا متفقين على هالشي راح ادخل مباشرة في مشكلتي وهي نظرات زوجتي للرجال تزعجني بصراحة بشكل غير طبيعي يعني مثلا اذا رحنا السوق او مثلا اي مكان .. هي تقولي انه وين اودي عيوني والناس عن يميني وعن شمالي شسوي ؟ وبصراحة هي تكذب يعني اقرب اقرب مثال اعطيكم هو اللي هو لما سافرنا بالخارج ورحنا انا وهي تغدينا بمطعم وجا الويتر وكنا نطلب طول هالوقت متنحه في الرجال وبعدين طلبت شي كاون ودها فيه ولما قلت لها ايش فيك متنحه فيه طول الوقت ؟ قال انتظر محادثتكم تنتهي عشان اقول اللي عندي .... ايش رايكم بالله ؟ وكثير من الموقف ولكن هذا اقرب واحد لاننا مسافرين قريب لبلجيكا شالحل معاها ؟ كثير تكلمنا بهالموضوع ! معقول انا ابالغ !! مستحيل لان لو ماكانت تسوي شي غلط كان ماانتبهت لها الاوضاع متوتره بيني وبينها وودي بطلاقها بصراحه وفيه عند زوجتي مشكله ثانيه عندها كمية غرور مو طبيعية !! بشكلها او نفسها او شخصيتها وانا صراحة مادري شسوي معاها |
رد: زوجتي تستفزني بنظراتها
انت اكثر شخص تستطيع تحديد نيتها من نظرها لرجال
هل تقصد انها ترغب بهم ونظرات هيام او نظرات متابعه واسترسال بالحديث ؟ لعل زوجتك شخصيه بصريه حاده النظر والملاحظه. في كلا الحالتين تستطيع البدأ بالتلميح مثل انا اغار زوجتي العزيزه ارجو ان تكون نظراتك دائما نحوي في الاماكن العامه علمها استراتيجيات وطرق مثلا حبيبتي اذا كنت اتحدث مع النادل ممكن ان تنظري الى المنظر الذي يطل عليه المطعم او الى هاتفك لا احب ان تنظر عيناك الجميلتان الى الرجال . |
رد: زوجتي تستفزني بنظراتها
من صفات الحور ( قاصرات الطرف ) اي قاصرة طرفها على زوجها وحبيبها فقط وهذه صفة يخص الله بها من يشاء من نساء الدنيا والاخرة
اخوي محمد سؤال مهم ؛ هل زوجتك تحبك ؟ احساسك اش يقول تجاه قلب زوجتك ؟ |
رد: زوجتي تستفزني بنظراتها
يمكن تسرح
فيه ناس هذا طبعهم |
رد: زوجتي تستفزني بنظراتها
طيب ، جرب تروح مطعم يكون فيه نادله ، و شوف هل راح تنظر لها بنفس ألطريقه ، على كل كلن غض البصر لازم يكون من الجنسين ، و يمكن لان النادل اجنبي ، يعني عشان كذا تنحت ، اذكر في لما سافرنا للخارج كان فيه رحله برية ، وكان في اجانب ، مغبرين تراب و غبره وقذاره ،لكن والله ما شاء الله ،بالرغم من ذلك كنت اشوف الجمال من تحت الرمال والغبار تبارك الله ، لكن طبعا مو لدرجة التناحه و التبهت
|
رد: زوجتي تستفزني بنظراتها
اكثر شيء جذبني بموضوعك
انك نصبت نفسك قاضي في تصرف زوجتك ؟؟؟ من الاخر انت تبي تطلقها لاتلف يمين وشمال زوجتك انسانة مثلها مثل غيرها من الناس ، لكن الخلل انك ماتبيها بس ببساطة |
رد: زوجتي تستفزني بنظراتها
طيب واجهها وخلك قوي .. قول لها ان طالعتي ب احد و اكلتيه بعيونك ياويلك ..
والحل الثاني اطلعوا مشوار وانت طالع بالبنات قدامها بس طبعا لاتطالع لهم صدق لان حرام بس مثلا وحده قدامكم خلك كأنك تراقبها و اذا وحده مرت خل كأن فيه مغناطيس بعيونك و فيها لف عليها بهدوء خل عينك عليها وكأنك ماتبي زوجتك تلاحظ وكل شي لف وراك كأن هالبنت لفتت انتباهك .. و ترى فيه بنات يعجبهم الزوج اللي يحاسبهم عالنظرات .. كذا يعني تحس بغيرته وتعاند .. انت لاعاد تحاسبها لان ممكن تكون عفويه وطبع فيها .. وممكن تكون مستانسه انك تعصب .. مثلا انا مره كنت طالعه مع زوجي و ببداية زواجنا وبشهر العسل مسافرين وطلعنا و كنت حاطه كحل خفيف قال لي ليه حاطه كحل قلت عادي وش فيها قال لاطلعنا لاتحطين قلت كاشخه لك قال اذا لي خلي بالبيت لان ماتحمل احد يشوف عيونك لا ومكحله بعد .. المهم عرفت نقطة ضعفه و بعدها بيوم طلعنا ماني حاطه بس ثاني يوم حطيت وبالغت حييييل وركبت السياره قال ماشاء الله وش هذا وانا ايش قلتلك .. قلتله كنت كاشخه بالبيت وانت فجأه قلت يلا نطلع ومامداني اغسل ( وانا اصلا حاطه متعمده ) وكل مايمر رجال زوجي كان يطالع لي وانا اسوي ماني فاهمه بس كان يطالع كأن يقول لهم لاحد يطالعلها .. وكان ساكت ولما ماعاد يتحمل قال غططططططططي عيوووونك قلت كيف اشوف قال مو لازم تشوفين اقول غطيهم ولا اسويلك مصيبه الحين . وعصب بقووه وعلى قد عصبيته كنت طايره فرح وبعدها رحت للحمامات ومسحت المكياج ورجعت اعتذر له وقلت ماقصدي و و الخ .. ذكرت لك هالموقف عشان اقولك ان فيه بنات يتعمدون عشان كذا طنشها وقتها راح تحاول تغيضك بشي ثاني يا اما تمدح واحد او الخ .. |
رد: زوجتي تستفزني بنظراتها
يمكن تتقصد تثير غيرتك ، حتى تشعر بمحبتك لها ؟
|
رد: زوجتي تستفزني بنظراتها
اذا عيون زوجتك طايره بعيون الرجال ومايمر احد الا واتقمله هذا شي غير طيب لازم تنبها عليه وتقول لها مايجوز شرعاً نظر المراه للرجل وانت احفظ بصرك عن النساء حتى لاتقول في نفسها مثل ماهو يفعل انا بعد بسوي مثله ، لكن الاغلب الي يشتكون هم الزوجات من نظر ازواجهن الى الحريم
|
رد: زوجتي تستفزني بنظراتها
اقتباس:
وياصاحب الموضوع ترى السالفة تافهه وماتوصل للطلاق . |
رد: زوجتي تستفزني بنظراتها
والحل الحين انك تنصحها واذا ماستجابت للنصيحه مالك غير انك تدعي لها ..
|
رد: زوجتي تستفزني بنظراتها
و عليكم السلام و رحمة الله و بركاته
كنت أتصفح بدون نية التسجيل لكن تذكرت قصة واحد وحسيت من الظلم السكوت و الله العظيم ومن قريت الموضوع حسيت أقوى شعور شلون الكلام من طرف واحد يظلم . و الله العظيم جعلي الموت إن كذبت وحدة تحكي عن واحد من قرابتها من المراهقة و هو غير ملتزم شيشة و دخان و مجلات إباحية و اكتشفوا حركات بايخة مع الخدامة و تحرش بالقوة بإحدى قريباته صغيرة و غير محافظ على الصلاة بالبداية بعدين مع الأعوام كأن أهله لاحظوا أنه ما يصلي أبد ، تزوج و طلق و عنده أطفال ، و قام يسافر برا البحرين و كذا الله أعلم إذا كان ماخذ راحته ولا لا تقول من باب أتحرى أصدق الصدق وأنقل الأشياء اللي متأكدة منها و أترك اللي ماشفته بعيني تقول حتى لو عارفه طبعه وحركاته و متأكدة 90% أنه ياخذ راحته بأي شيء يبي و ما يعرف حرام أو عيب ، و هو طبعه أناني نرجسي يعني طول الوقت يتكلم عن مصالحه و لا يهتم إلا بنفسه بعدين تزوج وحدة ثانية محافظة و متعلمة و مؤدبة و عاقلة مرة ... اللي تنقل القصة تقول أهله يقولون هو كذا دايم 24 ساعة يفتش جوالات قريباته و لابتوباتهم و جوال زوجته ما يلقى شيء ! بس كذا مرض شك ووسواس ! حتى أنه ياخذ أدوية نفسية بينما ما يحافظ أو ما يصلي أصلا الله أعلم .. يقولون إذا طلعوا لأي مكان بس يراقب عيون قريباته و زوجته المحافظات على الصلاة و عبايات محتشمة و نقابات بدون قطرة مكياج ، كأنه مسعور لا تناظرين هنا و هناك ناظري الأرض و هم يناظرون المحلات و الملابس مب الناس يعني حركة عادية يقول لا أنا أشوف عيونك تتحرك كثير !!! بس شوفوا بلاط الأرض ، حتى مرة ألحت قريبته على زوجته إلا تقولين وش فيك حنا شايفين كل شيء تقول حسيت مضغوطة وهي كتومة تحسبنا ما ندري عنها قامت قالت مافيه شيء و سكتت . تقول أقسم بالله العظيم سألت يوم شافت يقرصها و يضربها بقوة مزح ثقيل قدامنا كالعادة ماردت الحرمة كثير بس قالت الشكوى لله حتى بالبيت أبوسه يعطيني كف هذي الكلمة الوحيدة اللي قالت تقول صاحبتي و هي شايفة كل شيء بعينها. تقول باختصار واحد معتل نفسي و ما يصلي و الله يعرف كل شيء و فوق كل هذا نرجسي يعني بس يفكر بنفسه لدرجة عادي متبلد إحساسه إذا تأذى غيره ماعنده ذرة إحساس بأي شيء ما يتعلق بنفسه ، سجلت بس عشان أنقل قصة قريب صاحبتي تخيلت كمية الظلم لو جاء طرف واحد وشكاها للناس كذا لا وبعد يفكر بطلاقها ، الدنيا دوارة خفت أسكت مع أنه سر صاحبتي و أنا مؤتمنة عليه . |
رد: زوجتي تستفزني بنظراتها
علشان كذا الدين امرنا بالحجاب الاسلامي
والبعد عن الاختلاط والنظر للرجال.. هذا من ضمن الاسباب ان ماحد يفسر نظراتك على هواه... |
رد: زوجتي تستفزني بنظراتها
اسمحلي
من طريقة سردك للموضوع المشكله فيك ثقتك بنفسك مهزوزه |
رد: زوجتي تستفزني بنظراتها
اقتباس:
تدخل الواحده الشك لقلب زوجها ثم تاتي تشتكي من تغير زوجها عليها!! وعلى فكرة غيرة الزوج ليست بسبب الحب!! هي غيرة طبيعي في الرجل الطبيعي على محارمه ولو كنتي اخته لفعل نفس الشيء! فلا تكرريها لاستجلاب الحب لانها ليست سوى غيرة فطرية في كل مسلم سليم الفطرة على محارمه اي كانت ام زوجه اخت وخاصة الاخت والزوجه |
رد: زوجتي تستفزني بنظراتها
اقتباس:
سبحان الله لإنه يغار عليها وصف بإنه غير واثق من نفسه!!!! مع رأي الأخت روح وريحان وبين حقيقة إنزعاجك وعليها أن تغض البصر.. |
رد: زوجتي تستفزني بنظراتها
اقتباس:
وانها متعاليه بجمالها ونفسها هو يريد امرأه نظراتها مهزوزه وصورتها عن نفسها اقل من عاديه كي يتوازن هو واضح ان زوجته امرأه واثقه من نفسها تصرفاتها تلقائيه تنظر لمن تخاطب وتتحدث باتزان هذه مشكلة كبيرة لدى الكثير من الرجال البعض يريدها مكسوره الجناح |
رد: زوجتي تستفزني بنظراتها
اقتباس:
|
رد: زوجتي تستفزني بنظراتها
اقتباس:
ياعزيزتي ما علاقة ثقتها بنفسها ونظرها للرجال؟!!!!! بغض النظر عما ذكر الأستاذ من غرورها و ووو هذا أمر وذاك أمر آخر، ثقتها فلا مبرر لها بأن تنظر للرجل والإسلام وضع لنا ضوابط للنظرة للنظرة ولابد من غض البصر! |
رد: زوجتي تستفزني بنظراتها
للأسف الكثير من النساء إلا من رحم الله تتصرف تصرفات لاتمس بالأنوثة أبدا وتظن يتصرفاتها تجذب الرجل...
|
رد: زوجتي تستفزني بنظراتها
اقتباس:
هذا كلام يشحن زوجها عليها اكثر! بعض الناس نظرتهم حادة على الفطرة هذا لا يعني انها بلا انوثه وتبحث عن جذب الرجال لو نظرتي للنصف الاخر من الكأس فمعظم النساء لا ينظرن للرجال بشهوة نحن لسنا .. وحسن النية مطلوب بعض النساء تشتكي من نظرات زوجها للنساء ثم تتذمر وتعاتب فيقول ببساطه (والله ما اقصد وماناظرت الخ) بعضهم صادق لكن زوجته تصر انه ينظر للنساء وتستمر بمراقبه عينه لان ثقتها في نفسها مهزوزه فهمتي اختي؟ ثم بالمنطق المرأه تحديدا لو ستفعل امر سيء هل ستفعله امام زوجها عيانا بيانا؟؟ اخي الكريم زوجتك لا تقصد اللي في بالك كن على ثقه تامه واسترح |
رد: زوجتي تستفزني بنظراتها
اخي مشكلتك لا تستدعي الطلاق نهائيا !!
او كل مشكلة تصادفنا في حياتنا الزوجية نفكر في الطلاق !! الحياة الزوجية نواجه فيها الكثير من المشاكل و الصعوبات علينا ان نفكر في حلها لا ان نهرب من مواجهتها .. الزواج ميثاق غليظ و حله اي فك هذا الرباط يترتب عليه فتن عظيمة .. فلا يفكر الانسان في فك هذا الرباط الا بعد مشاكل عظيمة و طرق عديدة لحلها و الفشل في ذلك !! الزواج هو مشروع حياة للعمر كله .. هذه هي النية التي تبدأ بها هذا المشروع .. و لا تستسهل التفريط به بكل بساطة .. اخي مشكلتك بسيطة و متكررة في كثير من البيوت من كلا الطرفين .. انا مثلا عندما يحلدث زوجي النادل في المطعم انظر اليهما اثناء الحديث .. الى زوجي و الى النادل .. و ليس بسوء نية اكيد .. نظرات طبيعية لتتبع الكلام .. ارجو من الله ان يوفق ببنكما و يشرح صدوركما لما فيه مرضاته |
رد: زوجتي تستفزني بنظراتها
اقتباس:
نظراتها ماتعجبني ابد وسبق اني لمحت لها وسبق اني صارحتها وكان ردها مثل اللي ذكرته سابقا في مشكلتي |
رد: زوجتي تستفزني بنظراتها
اقتباس:
|
رد: زوجتي تستفزني بنظراتها
لازم تشوف لك حل .. واللي يقولون ناس نظرتهم كذا بالفطره .. يقدر يغيرها ويأدبها ويحط لها فطره جديده .. انا قلت اللي عندي ب رد سابق ممكن تتعمد اثارة غيرته .. والا مستحيل الوحده تاكل رجال اكل بعيونها لان بالدين حرام والوحده لازم تحترم زوجها اللي جالس معها .. واذا هالموضوع مزعجك حط له حد وانت اللي قرر كيف تأدبها بس المهم ابعد عنننن الطلاق
|
رد: زوجتي تستفزني بنظراتها
ما اعرف عن وضعك او عن حالتكم او عن اي شي بينكم ولا اعرف كيف تبريرك بطريقة نظراتها
لكن اغلب الشكاكين على غلط نادر نادر نادر يكون شكاك يكون على صح ما اقصد بالغلط او التنقيص من قدرك لكن تابع حلقة مسامير باليوتيوب عن ثورة الشك. نفس الرجل هذا كثير نشوفهم بحياتنا لكن بمراحل اقل بكثير شخص اعرفه امه اللي ربته هو واخوانه كانت تشتري لهم احتياجاتهم حتى تفصيل الثياب كانت بنفسها تروح للخياط ومشاكلهم المدرسيه كانت هي اللي تتابعهم وتشتغل وتتعب لان ماكان عندهم اب او خال او عم او بمعنى اصح رجل يقوم فيهم بعد كل هالسنوات والتعب وبعد ماعجزت الام وكبرت صار يشك انها تكلم رجال ويراقبها ويسحب منها تلفون البيت وهي مسكينه ماعندها من يدافع عنها السبب؟ هو كان يكلم بنات وبدا يشك في امه وخواته لين تطور الوضع وصار يحرمهم من كل شي زبدة كلامي تعوذ من ابليس الشيطان شاطر |
رد: زوجتي تستفزني بنظراتها
اقتباس:
|
رد: زوجتي تستفزني بنظراتها
اقتباس:
لو تنحط مكاني اكيد موقفك بيتغير تماما او كلامك بالادق والاصح |
رد: زوجتي تستفزني بنظراتها
اقتباس:
وهي تقول انه نظراتها عادية ومو قصدها شي !! بس انا اشوف العكس بصراحة واذا على استثارة الغيرة اتوقع انها شافت غيرتي اكثر من مره وممكن اتقبل التصرف الغبي هذا منها لكن على قولتك لربما شي يبسطها !! او يفرحها !! لكن الواحد مو على طول ؟ |
رد: زوجتي تستفزني بنظراتها
اقتباس:
اما عن الطلاق فــ احب اقول انه اذا كان هذا الزواج مفكك وكله مشاكل ومافي استقرار فليش نستمر ؟؟ لا تنسي انه فيه اطفال بيجوا في نهاية المطاف ! |
رد: زوجتي تستفزني بنظراتها
اقتباس:
|
رد: زوجتي تستفزني بنظراتها
اقتباس:
ليش دائما احكامكم سلبية وسوء الظن شغال ؟ وانا ماقلت لها لا طالعي .. طبيعي هي لما تروح السوق او اي مكان ثاني بتتعامل مع رجال ولكن اللي قصدته واغلبكم مافهمه التتنيح الزايد اي بمعنى انت طالعي في زوجك والنادل اما هي نظراتها موجهه للنادل فقط ياريت وضحت الصورة |
رد: زوجتي تستفزني بنظراتها
الي اعرفه ومتأكد منه ان الزوجة اذا حبت زوجها وعشقته تحاول قدر المستطاع انها تلبي له اي رغبة يبغاها اذا كان في استطاعتها ... وبالنسبة لموضوعك باستطاعتها يا اخوي انها تقدر غيرتك وتخفف من نظراتها .. اتمنى فهمت قصدي والله يصلح لك زوجتك ويطمن بالك
|
رد: زوجتي تستفزني بنظراتها
اقتباس:
بس انت اللي فتحت سيرة الطلاق و انا شفت الموضوع حتى ما يستاهل تفتح السيرة على كل حال كن حازم معها و قل لها نظراتك هذه تزعجني بغض النظر عن السبب .. بحسن نية أو غيرها .. بسبب او بدون سبب .. انظري نظرة عابرة برون تدقيق و بحث بالتفصيل ,, قل لها ان انا احسنت فيك النية لانني زوجك و أعرفك جيدا .. ممكن الرجل اللي تتطلعين عليه لا يحسن النية .. أفهم شعورك اخي أتمنى من الله أن يصلح لك زوجتك و يسخرها لك كما تحب و ترضى |
رد: زوجتي تستفزني بنظراتها
اقتباس:
عرفنا من كلامك بعد المقدمة اللي هي مشكلتك قلت أفكر بالطلاق!!!! زوجتك مافيها شيء المشكلة فيك انت وأعيد لك نفس سؤالك اذا كنّت حكمت عليك خطأ وانت بنفسك صرحت برغبتك بالطلاق كيف حكمت على زوجتك أنها تنظر للرجال نظرات بقصد وتعمد وهي ماصرحت انها تتعمد هذا الشيء !! على فكره اللي جالس تفكر فيه مهوب من صيانة الميثاق الغليظ |
رد: زوجتي تستفزني بنظراتها
اقتباس:
يقولك عين الرضا عن كل عيب كليلة وعين السخط تبدي المساويا |
رد: زوجتي تستفزني بنظراتها
تذكرت شي بموضوع النظرات .. قبل كانت لي صديقه بس تفهي .. و تشرد عالبنات وتفتح فمها و المعلمه ساعه تناديها بعدين ترد .. يعني يمكن زوجتك مثلها تفهي .. اذا كانت تفهي عالكل سواء اطفال وبنات ورجال و اغراض .. معناه طبيعي .. اما اذا كانت بس على الرجال فهذا غير طبيعي و خلك صارم معاها و وقفها عند حدها لكن مثل ماقلت لك ابعد عن الطلاق .. يعني مثلا ورها العين الحمرا .. مثل ماوراني زوجي لما كنت اغيضه ولهذا اليوم اذا كنت حاطه كحل اغطي عيوني حتى لو كنت طالعه مع اهلي .. ومره كان منزلني بالمستشفى وكنت ناويه اطلع مشوار بعده عشان كذا كنت كاشخه نزلني وراح وبعد ساعه و نص رجع فجأه بدون مايكلمني ويقول انا جاي وينك بأي مكان الخ .. ولما اخذني قال زين حسبتك تغطينهم بس قدامي .. كنت امزح معه قلت يووه اصلا من انت رحت طلعتهم قال ومن قالك اني رحت .. قلت له الشي اللي يضايقك مستحيل اسويه بحضورك او بغيابك .. غيرت من نفسي عشانه وتقديرا له وبنفس الوقت خوف من ردة فعله لان وقفني عند حدي من يومها ماعاد استفزه الا اذا كنت سويت شي بدون قصد .. و انت جرب شي معاها لازم تعرف هي من ايش تخاف ! مثلا تخاف من رفع الصوت عليها ؟ ولا من التهديد ؟ ولا من زعلك ؟ اذا ماتحبك تزعل قولها الحين نطلع واذا شفتك تطالعين لرجال وتاكلينهم بعيونك والله ازعل منك وانام لحالي ولا اكلمك ولا شي والخ . كذا قولها بنبرة عصبية .. او احبسها بالبيت قول ماعاد فيه مشاوير لما تتسنعين .. يعني انت فكر و قرر وخلك شجاع بقرارك ولاتراجع الا لما تتأدب .. بس موضوع الطلاق شيله من بالك لانه موضوع مايستاهل طلاق ..
|
رد: زوجتي تستفزني بنظراتها
اقتباس:
|
رد: زوجتي تستفزني بنظراتها
اقتباس:
زوجتي وانا معاشرها 3 سنوات تخيلي 3 سنوات مو 3 شهور وفيه شي ودي اوضحه انا مادخلت داخل نيتها وعرفت شنو مقصدها و قصدها بس تتنيحها بالرجال مايعجبني ابد .. يؤذيني ! مااتوقع لو وحده فيكم زوجها كثير التتنيح في النساء بتمشيها وترضى بالامر الواقع خلينا نكون اكثر واقعية من مجرد الدفاع والكلام في الهامش وبالنسبه للتصريح لو كانت زوجتي فعلا تتعمد تنظر للرجال هل مثلا راح تجي تقولي وتصرح ؟؟ شوية منطق |
رد: زوجتي تستفزني بنظراتها
اقتباس:
|
| الساعة الآن 06:26 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©