|
هل انا حساس ولا هي غلطانة ؟
سلام عليكم
بدخل في الموضوع على طول يا جماعة ما ادري , هل انا حساس؟ ولا هي فعلا كلامها وتصرفاتها جارحة؟ صرت ماني قادر احلل الموقف مضبوط , بعطيكم بعض الحالات والمواقف اللي صارت بيني وبينها , وانتم احكمو . 1- اهلها سافرو الطائف , رجعو وجابو لها " حلا " جات وقالت لي : اهلي جايبين لي حلا وابي اروح اخذه , وما ينفع الحلا يجلس الى اخر الاسبوع ( اللي هو اليوم اللي تروح فيه لاهلها) فلازم اروح واخذه دحين . ( اكتشفت بعدين انه الحلا يجلس بالشهور عادي وهي عارفة الشي هذا , بس قالت الكلمة هذه تبي تطلع من البيت . هنا انا اسميه استغفال وكذب 2- كنا جالسين على العشا , قالت لي , جدتي تعبانة ونبي نزورها , قلت لها خليها نهاية الاسبوع , لأنه وقتي ما يسمح , قالت " لا تستثقل زياراتي على اهلي " , مع اني يشهد الله مافي زيارة او مناسبة منعتها منها , كلها راحتها وما قصرت معها . هنا انا اسميه قلة تقدير 3- شفت دجاج مخمج وريحته مش كويسة , سألتها عنه , قالت عادي طبخته , وضحت لها انه ريحته سيئة وانه له عندنا اسبوع , قامت اخذته وحطته مع السلطة وقدمته عشان اكله , واكلته وانا ما ادري انه فيه دجاج , سألتها عنه قالت عادي ممكن يؤكل , قلت لها انا وضحت لك انه ريحته سيئة , قالت: افتكرت كلامك بس كذا كلام عادي وزي ما تجي تجي ( تقصد انها افتكرت كلامي مش جاد وانه عادي حطته على الغدا ولا ما حطته ما يفرق معي ) . هنا انا اسميه قلة احترام وتطنيش لكلامي ولا كأني قلت لها شي وكثير مواقف صارت وتغاضيت عنها الحين ابي اعرف , هل انا غلطان لما ازعل من احد هذه المواقف ؟ ولا انا حساس بزيادة وجالس اضخم الامور ؟ عمري ما كنت كذا افكر كثير واجلس احلل الموقف اكثر مرة , عادة اتخذ قراري بإني ازعل او ما ازعل في نفس اللحظة . شي غريب ملاحظة : عمر الزواج شهرين ونصف , عمري 27 وزوجتي 19 شكرا لكم |
رد: هل انا حساس ولا هي غلطانة ؟
كنت بقول رأي
بس بعد الملاحظة اخر سطر هونت... الف مبروك الزواج... |
رد: هل انا حساس ولا هي غلطانة ؟
تضخمها ،، لا تفسر كثير تقصد اغاضتي تنرفزني تحللها من راسك ،،
شفت الامر تكرر ناقشها بهدوء ممكن ماتقصد فعلا ،، سالفة الحلا صراحه عاديه يمكن متشوقه وفيه انواع من الحلا حلاته اذا اكلته مباشره مو يقعد ايام وشهور ! الف مبروك الزواج ،، والله يوفقكم ،، |
رد: هل انا حساس ولا هي غلطانة ؟
ابد اخوي بدر الموضوع بسيط جدا وبتتفاهمون مع الايام توكم عرسان الله يهنيكم ويطرح البركة فزواجكم ... هذي ماتعتبر شي قدام مشاكل وكوارث يواجهها كثير من المتزوجين
احمد ربك وانا اخوك وادعي الله فكل صلاة انه يديم المحبة والألفة بينك وبين زوجتك |
رد: هل انا حساس ولا هي غلطانة ؟
اقتباس:
اقتباس:
اقتباس:
اشكركم لردكم , حسيت فعلا ان الامر بسيط بس بعض الاحيان اتحسس , انا شخصيتي اصلا حساسة . الواحد لازم يكبر راسه ولا بيتعب gfg |
رد: هل انا حساس ولا هي غلطانة ؟
خذها نصيحة مني يابو بدر
إذا بتدقق على كل شيء راح تتعب طنش يابن الحلال |
رد: هل انا حساس ولا هي غلطانة ؟
اخوي اولا الف مبروك الزواج...
ثانياً أنصحك انك تخبرها عن كل اللي ف خاطرك. في وقت الحدث دون الانتظار. مثلا اكتشفت انه الحلا يجلس لشهر، قولها وانت مازح ومبتسم، اجل كنتي ناويه تشردين من بدري لأهلك؟ffhhf، وهيا وقتها من غير ماتدري توضح لك السبب باجابتها، يعني ممكن تقول لك لا ما كنت ابي يجلس الحلا كثير، او انه متحمسه تروح تسلم عليهم، مالمانع؟ يجب ان تكون بارك الله فيك زوج مرن ومتفهم. وانا حاب أوضح نقطه مهمه جدا، في حال انك كتمت كل خواطرك لمده من الزمن دون إظهارها بعدم الإفصاح عنها، ربما وقتها راح تنفجر عليها مع التراكمات بالرد عليها وغد تكون لحظة غضب، ومن اثرها قد تقلل حبها لك وهكذا، لانه تجمع الخواطر لديك قد اظهرتك بصوره لا تمثلك بتاتا لحظتها! الله يوفقك .. |
رد: هل انا حساس ولا هي غلطانة ؟
انا اسميه حساسية
|
رد: هل انا حساس ولا هي غلطانة ؟
انت الحساس وتكبر المواضيع وتدقق
وترى البنت تطفش من اللي كذا |
رد: هل انا حساس ولا هي غلطانة ؟
الزواج جديد عليك ودور الزوج جديد
لذا تتحسس كثيرا من أشياء وأفعال لاتستحق انت في احلى ايامك ماشاء الله لاتفسدها بالتفاهات والتدقيق خلك خفيف دم ومزوح ولاتصير زعول مثل ماتحب من زوجتك تكون كن لها انت بعد وأريح لك ولراسك الكايد قداااام حمل وعيال ومسؤوليه اسعدكم الله في طاعته ✋🏻 |
رد: هل انا حساس ولا هي غلطانة ؟
إنت حساس وهي غلطانة
وهذه يسموها حِيل الحريم dfg خذ بنصيحة أدمنتك بعنف. |
رد: هل انا حساس ولا هي غلطانة ؟
حساس جدا
وزوجتك بسيطه وماخذه الأمور سهالات لاتدقق على كل شيء ممكن لما كذبت بالحلى القصد انها تروح لاهلها بس ماتبي تخليك لوحدك وتتضايق قالت اجيب عذر بدل ماتقول يلا وديني وليه ماتوديني وانا طفشت ومليت وتطفشك الين توديها تتعذر بشيء مااتوقع ابدا قصدها استغفال |
رد: هل انا حساس ولا هي غلطانة ؟
كويس جدا انك ما ابديت ردود فعل لحد الحين
لان لو عصبت وركزت عالصغائر ممكن تصير لامبالية بوقت لاحق بالبداية بتطبطب وتداري ممكن بس بعدين ماعاد بتفرق لاتشكك بالنيات اهم شي اهم شييي ثاني اهم شي لاتحمل الامور اكبر مما تحمل بالنهاية ايش راس مالها؟! طلعة اهل روحة ورجعة! ودجاج سعره مايتعدى 10 ريالات! امور سخيفة مو؟ قول لها صارحيني انك تبين تروحين عادي ماراح ازعل! و شي ثاني.. لاتحاول تصغر عيوبك ابدا الموقف يمر بوقته وعادي.. اذا في ملاحظة قولها وانتهينا "بدون ماتزود العيار او تكثر انتقادات او تدقيق" كذلك بالمقابل بالنسبة لها |
رد: هل انا حساس ولا هي غلطانة ؟
هل انت صارم معها في منعها من الذهاب لبيت اَهلها. غير اليوم المحدد لها؟
|
رد: هل انا حساس ولا هي غلطانة ؟
ذكرتني ببداية زواجي بالضبط كنت نفس زوجتك وبعمرها
وزوجي مثلك بالضبط هو يشوف تصرفاتي استفزاز .. وكم مرة نتمشكل ع هالشيء ! انا كانت هذي طبيعتي ! ابدا ما احاول استفزه بس مدري كيف فهمها اني اعانده طبعا اول سنتين كنت مفكرة بالانفصال بصراحة .. وانام كثير عند اهلي وماحب اروح له .. شوي شوي هو خفف من التدقيق الزايد ومشت حياتني طبيعية واحسك انت مثل زوجي مشكلتك بالتدقييييق كانك خايف ان زوجتك تستغلك او تستغفلك او تكون كلمتها هي المسموعة وانت خاضع لها وتطيعها بكل شيء ويعايرونك ربعك واهلك 😄 حاول تعيش بعفوية .. واذا قالت لك بروح لاهلي مو باليوم المخصص ! اشتاقت لاهلها وبتروح لهم ! والدجاج يوووه 90٪ من مشاكلنا بالطبخ تعبت تعبت تعبت من زوجي يدخل يعطيني ملاحظات و ( ياويلي ) لو خالفتها :) هو يشوف اني اكسر كلمته لو خالفت طريقته بطبخ القهوة مثلاً بينما انا اشوفها اني انا اعرف اسويها وابغى اسويها مثل ما امي علمتني ! مو عناد ولا شيء بس لا تحاول طمس شخصيتي تماما .. الله يوفقك |
رد: هل انا حساس ولا هي غلطانة ؟
نعم انت حساس وتضخم الامور...هذي كلها يوميات عاديه ومافي شي يزعل ابداً
|
رد: هل انا حساس ولا هي غلطانة ؟
الكل اجمع اني مضخم الامور ع الفاضي ,, مدري ايش اقلكم صراحة , حسيت اني مخفة dg
يعلم الله ان ردودكم افادتني كثير , اشكركم من القلب جميعا اقتباس:
كأنك توصفيني فعلا dg كيف زوجك قدر يتغلب على هذا الطبع؟ هو من نفسه يخف مع الوقت ؟ وش سوا بالضبط ؟ |
رد: هل انا حساس ولا هي غلطانة ؟
اقتباس:
مدري صراحة خف ع شوي شوي .. ويكل صراحة كان طبعه متعبني جدا جدا لدرجة والله كنت مفكرة بالانفصال .. لان صعبة الوحدة ماتاخذ راحتها حتى ببيتها ! المسلم هيّن ليّن لا تكون كذا مع زوجتك وتنفرها منك .. اهم شيء الاحترام قائم بينكم فتغاضى عن الأشياء الصغيرة وعطها ع جوووها . هذا اللي احنا نبيه يالحريم انكم تعطوننا ع جونا 😄 |
رد: هل انا حساس ولا هي غلطانة ؟
هونها و بتهون .....
لكن وضح لها أنك لا تحب الكذب ، لا تقولها أنت عملتي و عملتي و أنا ما حب كذا و كذا فقط وأنتم فجلس حلوه برع البيت ممكن تتناقشوا في الصفات اللي ما يحبها الناس و تؤذي شخصية صاحبها و يكون نقش حلو من دون حتى تلميح لأي موقف هي عملته وخذ بنصيحة الأخوات فليس من جرب و عايش كمن سمع أسأل الله لك التوفيق و السداد أذكر نفسي و أذكرك الحلم بالتحلم و العلم بالتعلم اقتباس:
اقتباس:
|
رد: هل انا حساس ولا هي غلطانة ؟
عادي جدا اهلها راجعين من سفر وديها تزورهم حتى بدون حلى
جدتها مريضه تزورها مو لازم تنتظر نهاية الاسبوع انت حساس بزياده |
رد: هل انا حساس ولا هي غلطانة ؟
والله مشكلة كبيرة اذا علاقتك بزوجتك وتعاملاتك اليومية معاها متاثرة بحكي فلان وعلان
تخرب حياتك عشان كلمة من شخص تافه قد يكون فاشل بحياته ويغار او يحسد لمجرد انه شايف انسان سعيد بحياته و هو مايقدر يعامل زوجته كويس عموما اذا انت خايف من حكي الناس وتعمل لهم حساب زود عيار الخصوصية بحياتك الناس ماتعاير وتحكي الا حياة اللي قدامهم مكشوفة وبس |
رد: هل انا حساس ولا هي غلطانة ؟
اقتباس:
فعلاً الناس لا تعاير الا من كشف حياته للناس هذه نصيحة للأزواج |
رد: هل انا حساس ولا هي غلطانة ؟
ما نقدر نقول انت حساس ولا نقدر نقول هي غلطانه..
عموما ألف مبروك الزواج، وانتوا توكم جدد ع بعض وطبيعي الاختلافات.. ثانيا صدقني انت اللي تقدر تسيسها ع كيفك بس خل تعاملك معها ذكي وخلها تتعلق فيك، تتعلق فيك مو معناته انك تشوي لها اللي تبغاه، لا تخليها تحبك بس خلي اسلوبك معها ذكي جدا وطريف وصدقني مع الوقت بتتععلق فيك وبتصير تسوي اللي انت تبغاه، وانا بصراحه اعتبرها لسى صفله وصغيره، فلذلك خاف الله فيها وعاملها بالاحسان وراح تشوف نتائج جميله |
رد: هل انا حساس ولا هي غلطانة ؟
بعدين فيه نقطه مهمة نسيت اذكرها، اللي هي التغافل، يعني بحكم ان زوجتك صغيره فأنت بتشوف بعض الأمور غلط او ما تعجبك، على سبيل المثال في الطبخ أو التنظيف، فالمفروض انك تتغافل ولا كأنك شفت، ولا تحاول تسوي نفسك ذكي وتتصيد كل الأخطاء ترا بتتعب، وهي أيضا تراها مسكينه وبشر وتوها تسكن بيت جديد وطبيعي يكون عندها أخطاء، وهذي الأمور النفروض تحل بطريقه غير مباشره مثل بالمزح والتلميحاو هيك امور الا اذا زادت الامور عن حدها تتخذ أساليب ثانيه..
ثانيا اعطها مساحه في هالبيت، تراك انت حر وهي مسكينه ما عندها الا هالبيت، فلذلك اعطها حريه في مملكتها وخلها تتصرف في مطبخها واثاث بيتها وترتيبه بالطريقه اللي تناسبها، لا تكون حاكرها ع الطالعه والنازله.. اعلم انك اذا بغيت شئ من زوجتك لابد ان تحرك عاطفتها وصدقني تاخذ اللي تبي وامورك طيبه والله الله في المدح في شكله وشغلها في البيت والغزل والكلام الزين في أوقات الصفاء خلها تحس اذا غبت عنها انها فاقدتك وفاقده كلامك المعسول، واذا اضطريت للشده استخدمها لكن بحدود.. وفقك الله |
رد: هل انا حساس ولا هي غلطانة ؟
لاتخاف مع الوقت يجيك تبلد احساس وتحس هالمواضيع عاديه
|
رد: هل انا حساس ولا هي غلطانة ؟
مع الاخوان
خذ الامور ببساطة |
رد: هل انا حساس ولا هي غلطانة ؟
صراحة يوم شفت مدة زواجك بس شهرين خفت انصح
لسه عرسان ما شاء الله ولسه ما تعوتو على بعض لازم تراعي شعورها لسه مفارقه اهلها وماهي متعودها على بعدهم عادي وديها مافي شئ والطبخ انت ادخل معها المطبخ واطبخو ترى متعه بعدين اذا جائكم عيال ما تحصلون فرصه عادي اذا شفت انت شئ خربان او منتهي ارميه لا تنتظر حتى هي ترميه احيان انا انسى ما اشوف التواريخ زوجي الله يسعده يشوفها واذا شئ خربان او منتهي يرميه بدلي مفروض اول ما شفت الدجاجه لها ريحه اخذتها وحطيتها في كيس واعطيت القطاوة او رميتها لا تنتظرها ترى عندي بنت مثل عمر زوجتك بالضبط اخر همها التواريخ وكل مره اخاصمها الجيل الجديد غير متفتح لشغل البيت فقط على الاجهزه والدراسه هذا همهم الاول وترى زوجتك فيها خير واجد دامها تطبخ وتنظف وتحب تزور معناها انها مربيه والف مبروك زواجكم والله يوفقكم يارب ويرزقكم الألفه والمحبه امين |
رد: هل انا حساس ولا هي غلطانة ؟
الي مثلك ما يعيش
هي مو عامله او خادمه تحاسبها بالحبه حتى العماله صرنا نطوف اشياء منهم ونمشيها عشان الحياه تمشي زوجتك صغيره وحبوبه شكلها والله يوفقكم |
رد: هل انا حساس ولا هي غلطانة ؟
ذكرتني بأم العيال
بدايتها مشتاقه لأهلي والكل نصحني انها توها عروس ماتعودت على البيت الجديد الى ماصارت عادة مقولة زوجك على ماتعوديه صحيحه فعلا عودتني على كثرة زيارة اهلها الى درجة اصبح رفض الزيارة يعتبر كبيرة من الكبائر وتتحول حياتنا نكد مع اني معطيها راحتها بس احياننا يزودونها عاد انت وحكمك اذا تحس ان الزيارات كثيرة كلمها تقلل منها حبتين اما المطبخ اذكر مرة طلعت دجاج من الفريزر وكان يذوب الثلج وفيه ريحه طلبت منها ترميه وتطبخ الجديد اصرت انه كويس وكررتها كذا مره وماتابت الا بعد ماتسممنا والنتيجة مستشفى ومغص واستفراغ اذا تبي نصيحتي لاتعودها على تصريفك وتختلق الاعذار للذهاب لأهلها بكرة تختلق 100 عذر وماراح تصدقها وهذا يعتبر كذب وهي مااختلقت الاعذار والحلا الا انها تستشعر منك الرفض الا اذا اعطتك عذر مقنع وهذا الشي مو حلو بالحياة الزوجية تخيل زوج يختلق الاعذار للخروج من البيت صديقي خربت سيارته بروح اساعده والزوجة عارفه انه يكذب بس تتغاضى فسدد وقارب لاتوصلون الى مرحلة تعبئة نموذج استأذان ويتم تعبئة خانة العذر ولا تضع يوم مخصص لزيارة اهلها الا اذا اهلها عندهم مايسمى بالدورية فهذا اليوم من اجمل ايام الاجتماع مع الاهل اما باقي الايام خلها على التساهيل |
رد: هل انا حساس ولا هي غلطانة ؟
اخوي تحملتك كفايه
كثير ماتذكر ام عيالك طليقتك هل هو حب ام من شين شفته منها 😁؟! |
رد: هل انا حساس ولا هي غلطانة ؟
اقتباس:
لكن من اسباب ذكري لها كثير ان تتطابق الاحداث احياننا واكون احياننا وفقت او اخطأت بطرق معالجة المشكلة فأذكرها للفائدة فقط لاغير |
رد: هل انا حساس ولا هي غلطانة ؟
اقتباس:
وكثر الله من امثالك سامحني اذا ضايقتك وأمين ع دعواتك الله كلن يغنيه من واسع فضله ويصلح لنا ولكم النيه والذريه 🙌🏻 |
رد: هل انا حساس ولا هي غلطانة ؟
اقتباس:
عندي بنت بنفس سن زوجته وبنات صديقاتي ايضا بنفس الشكل والخير موجود فيهم والوحده اذا فارقت اهلها وهي متعوده على قربهم وجلستهم يبغالها وقت تتعود على ذلك لابد من الصبر والمشقه الانسان خلق في كبد يعني مشقه لابد من الصبر حتى يذوق حلاوة هذه الدنيا |
| الساعة الآن 10:53 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©