|
موعد زواجي اقترب وأحتاج نصائحكم
السلام عليكم ورحمة الله وبركاته
أنا ملكة وعرسي شهر 8 وبغية نصايحكم بأفضل الدورات والكتب ونصايحكم خاصتن أني ما قعدت وياه ولا شفته ألا بالصور وأنا عندي ربكه لما أتكلم مع أي حرمه ما هي من محارمي وماني عارف لما أجي ليلة الدخله أشلون راح أزيل الربكه على شان أقدر أتكلم معاه وكيف أبدا بالمداعبات معاها وأسف على الأطاله وشكرًا مقدمًا تم تعديل العنوان ليتناسب مع المضمون |
رد: موعد زواجي اقترب وأحتاج نصائحكم
وعليكم السلام
ملكت ولاشفتها إلا بالصور! لا ياأخي كذا كثير لازم ضروووري تكلمها وتشوفها لازم تروح تزورها معقولة تلقى نفسك في بيت مع وحدة عمرك ماشفتها ولاتكلمت معها ومطلوب منك تنام معها!!! أصلاً هي ماراح تتقبلك لأنك غريب والتعود عليك بيكون صعب وياخذ وقت ممكن شهور لازم تتواصل معها تكسر حاجز الخوف والخجل لازم تعرف إنت مين ماخذ إعرف تفكيرها أخلاقها مدى إنسجامكم مع بعض تتقبلها ، تتقبلك ، يمكن تكتشف شي بالملكه يخليك تتراجع والله الكلام هذا مايصلح أبد كيف تتزوج وحده ماتدري عنها شي!! حاول الله يرضى عليك يكون لكم جلسات مع بعض وتواصل |
رد: موعد زواجي اقترب وأحتاج نصائحكم
المشكلة انك مو شايل هم حياتك معاها جديا وكيف بتبدا
قد ما انت شايل هم الامور الخاصة وحدها وبكرا اذا حصلت اي مشكلة تنقمون عالمجتمع وطريقة الزواج فيه مع انكم اقدمتوا برضاكم وبكامل قواكم العقلية مع ان الخيارات الثانية متوفرة!!!! |
رد: موعد زواجي اقترب وأحتاج نصائحكم
اقتباس:
انا لا اعرف الى متى هاذي العادات التقاليد الي ما لها اي معنى مجرد الشيخ يعقد عليكم هاذي زوجتك شرعية 100% لكن شي مطلوب انك تكلمها بالجوال وتجلس معاها لو ساعة كل اسبوع كلن يتعرف على الثاني اذا صار في ارتياح نفسي وقت الدخلة راح يكون شي سهل ومريح للزوجين. اذا كانوا اهلها رافضين الله يعينك. |
رد: موعد زواجي اقترب وأحتاج نصائحكم
السؤال اللي يطرح نفسه يا اخي شلون تتزوج وحده ما عمرك شفتها ولا شفت اسلوبها شلون ولا تعرف شلون تفكر!
الأمر وايد صعب.. |
رد: موعد زواجي اقترب وأحتاج نصائحكم
هل ترضى ان تدخل في شراكة مع شخص في مشروع كبير و أنت لم تتعرف عليه شخصيا ؟! مجرد أنك رأيته في الصور او سمعت عنه؟
النصيحة الوحيدة الفعَّالة في حالتك : اكسر التقاليد والعادات البالية ، وتعّرف على زوجتك عن قرب |
رد: موعد زواجي اقترب وأحتاج نصائحكم
اقتباس:
|
رد: موعد زواجي اقترب وأحتاج نصائحكم
اقتباس:
أما العادات والتقاليد لو حاولت اكسره ما راح اقدر لانه بالحاله هذي ما راح اتزوج وانا مشيت على كلام امي وجدتي وعمتي وخالة ابوي ووعمة امي الي شافوها وهي من بنات قبيلتي وهم يعرفونها |
رد: موعد زواجي اقترب وأحتاج نصائحكم
اقتباس:
|
رد: موعد زواجي اقترب وأحتاج نصائحكم
اقتباس:
أما العادات والتقاليد لو حاولت اكسره ما راح اقدر لانه بالحاله هذي ما راح اتزوج وانا مشيت على كلام امي وجدتي وعمتي وخالة ابوي ووعمة امي الي شافوها |
رد: موعد زواجي اقترب وأحتاج نصائحكم
اقتباس:
وانا لما كنت ادور دورت على الدين والنسب والجمال وحصلته ولله الحمد عندها والله يجزاك خير على الرد |
رد: موعد زواجي اقترب وأحتاج نصائحكم
يعني لما تقول لامك. تكلم عمك
او انت تكلم عمك انك تتواصل معاها بالوتس اب على الاقل ماهو ردهما بالضبط ؟ انت ما تقدر تتكلم معهم بالأسلوب و لين و بالشرع عن جواز ذلك و ان مافيها شي؟؟ |
رد: موعد زواجي اقترب وأحتاج نصائحكم
والله يجزاكم خير على الرد
بس ياليت لو تعطوني حلول لانه صار إلي صار وأنته الأمر وأنا بالأساس عندي رهبه من الجموع لما اطلع واتكلم قدام مجموعه من الناس ارتبك اما بخصوص العادات والتقاليد فجدي وابوي وعماني وخوالي وولد خالي كلهم تزوجو مثل ما تزوجة وجاهم اعيال والحمدلله ما صار ان لامو المجتمع على انه ما صار مثل ما قلتوا بان يقعد وياها ويكلمها ويتعرفون على بعض واما بخصوص جديتي بالزواج فقد سألت وبحثة وقريت بخصوص أشلون أخلي حياتي الزوجيه أحسن وأشلون أتعامل مع زوجتي وبس أكثر شي أحتجته وعلى أساسه كتبت هذا الموضوع هو أول لقاء بيني وبينها وانا قريت وسمعت الكثير عنه بس كله كلام نضري بدون لا أسمع لا يذكرون تجارب عن اللقاء الأول بيننا وهو ليلة الدخله وبغيت أعرف منكم وخصوصن ألي تزوجو وبغيت نصايحكم بكل شي مثل شنو الهديه ألي أقدمله بليلة الدخله ونحوها |
رد: موعد زواجي اقترب وأحتاج نصائحكم
يوم انك شفت انه ممنوع عندهم النظرة كان رحت خطبت من بيت يسمحون بها..
عموما انت تملكت وانتهى الموضوع لاتفرط بموضوع التواصل مع خطيبتك واجل الزواج شوي.. ومو لازم يصير بينكم شي اول ليلة اجل الموضوع اسبوع على الاقل لين تاخذون على بعض |
رد: موعد زواجي اقترب وأحتاج نصائحكم
الف مبروك يا حبيبنا الله يوفقكم ويألف بينكم
فيه دورات مفيده ومجانية للمقبلين عن الزواج اكتب في قوقل دورات للمقبلين على الزواج في (مدينتك) وابحث كذلك في تويتر لا تشيل هم ليلة الدخله اسال اخوانك عيال عمك كل واحد بلحاله قل لهم ابي نصايح وخطط هجوميه ودفاعيه وراح يعطونك تكتيكات المحاربين القدامى وفقك الله |
رد: موعد زواجي اقترب وأحتاج نصائحكم
اقتباس:
اما بناحية الشرع فأبوه ملتزم ويعرف أنه عادي شرعًا وأنه أمرتي وما فيها أي شي لو أتكلم معاها لاكنه ما يرضا بناءً على العرف وهو حيال متمسك بالعفر والعادات |
رد: موعد زواجي اقترب وأحتاج نصائحكم
اقتباس:
وشكرًا على النصيحه |
رد: موعد زواجي اقترب وأحتاج نصائحكم
اقتباس:
الله يجزاك على الرد هههههه حلوه تكيتكات المحاربين القدامه |
رد: موعد زواجي اقترب وأحتاج نصائحكم
اذا هي قريبتك و رقمها موجود عند خواتك خذه من عند واحدة منهن
و ارسل لها رسالة انك انت زوجها و حابب تتعرف عليها خلي الموضوع سري بينك و بينها دام الاعراف و التقاليد لها السلطة الاكبر عندكم |
رد: موعد زواجي اقترب وأحتاج نصائحكم
اقتباس:
هي من نفس فخذي بس بيني وبينه من ناحية الجدان تقريبًا 10 جدان أو أقل أما أمها فتقربلي أكثر لأن بيني وبين أمها جدين لو كان رقمه عند خواتي كان خذيته من يوم ملكة بس ما عندهم رقمه |
| الساعة الآن 03:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©