زوجي رفض دفع قسط السيارة
 

من كثر المشاكل اللي صارت بيننا ماعاد لقيت عنوان لهالمشكلة الجديدة بيني وزوجي

طلبت منه قسط السيارة لان علي ارتباطات في الدوام وصرافتي منتهية الخدمة وماعاد سويتها .. قال ماعندي امكانية .. سألته كيف ماعندك امكانية قال ماعندي امكانية .. سألته ومن اللي يسدد أجل القسط .. قال وبكل وقاحة انتي .. قلت ليش اسددها .. قال وبكل وقاحة اكبر لانها باسمك .. قلت انت اللي يستخدمها .. قال ياعزيزتي بكبرها اجيبها ووقفها عند البيت واعطيك مفتاحها ابلعيها .. واذا طولتيها بحط عفشك فيها وادق على واحد من اخوانك يجي ياخذك .. قلت كيف اطولها .. مارد علي .. قلت له الشرههة ماهي عليك الشرههة على اللي صدقك ولا انت بتحب نفسك .. لكن والله لو كتت رجال ماطالعت في فلوس حرمة لو كانت أغني نساءالكون .. حسبي الله ونعم الوكيل..

ولا احد يجي ويقول فعلا ماعنده امكانية .. لان حتى الاسلوب والتعامل يدل على انه خلاص بايع ..

(تم تعديل العنوان ليتناسب مع المضمون)

رد: زوجي رفض دفع قسط السيارة
 

ليتكم ماغيرتو الموضوع .. والله العظيم مافكرت في قسط السيارة قد ماأفكر في وقاحته واستغلاله .. ولو ماعنده امكانية بكون أول من يوقف معه بس كل القصد استغلال في استغلال

رد: زوجي رفض دفع قسط السيارة
 

اسلوبه فعلا سيء
و لكن بما ان السيارة مسجلة باسمك المفروض اقساطها انت من يدفعها

رد: زوجي رفض دفع قسط السيارة
 

السيارة هو اللي يستخدمها .. وأنا خرجتها من البنك بشرط هو من يدفع أقساطها .. لكن للاسف ابدا ماهو قد كلمته

رد: زوجي رفض دفع قسط السيارة
 

هل تنصحوني أبلغ أحد اخوتي يتفاهم معه على أسلوبه وتعامله السيء معي .. مع العلم مااحد من اهلي يعرف موضوع السيارة واني أنا اللي خرجتها من البنك على بالهم هو طلعها باسمه..

رد: زوجي رفض دفع قسط السيارة
 

أفكر اقوله مو مشكله لاتدفع الاقساط ولايكلف الله نفسا الا وسعها .. وقف السيارة وعطني مفاتيحها وأنا حتصرف فيها دامها باسمي والوجه من الوجه أبيض..

رد: زوجي رفض دفع قسط السيارة
 

مشكلتكم الكبرى هي

أنكم بدأتم تفقدون الأحترام فيما بينكم

ممكن من كثر المشاكل ؟

سؤال هل تصلون الفروض في أوقاتها ؟ الظهر العصر المغرب العشاء الفجر

رد: زوجي رفض دفع قسط السيارة
 

شنو اللي حصل قبل ما تجي سيرة قسط السيارة ؟

رد: زوجي رفض دفع قسط السيارة
 

يعني هو طلب منك سيارة ع أساس هو يسدد اقساطها ؟ ولما خرجتيها له من كان يسدد الاقساط انتي ولا هو ؟
السالفة مب واضحة

رد: زوجي رفض دفع قسط السيارة
 

فعلا ياأخي الاحترام أصبح مفقود .. وماصار ينعتني الا ماعندك عقل .. مريضة .. وطلبنت منه ماعاد يجرحني وان الله تعالى يقول في كتابه الكريم فإمساك بمعروف او تسريح باحسان ..

أي نعم ولله الحمد نصليها في وقتها .. والنوافل بعد الله يتقبل منا

رد: زوجي رفض دفع قسط السيارة
 

الالتزامات اللي عندك ضرورية جدا؟؟

رد: زوجي رفض دفع قسط السيارة
 

أثنينكم محافظين ولا أحد مقصر
أتكلم عن الصلاة في وقتها

رد: زوجي رفض دفع قسط السيارة
 

اللي حصل انه في معاملة لي قاعد يتابعها مع شخص .. فقالي انه خلاص تسجل مؤهلي الجديد في الخدمة المدنية .. فقلت عن الرجل اللي قاله هالشيء انه ماجاب شيء جديد لانه تسجل من زمان المؤهل الجديد .. فقال يعني وش عرفك اذا عدلو الموؤهل او لا .. انا الغلطان الي رحت وعطيت الرجال رقمي لان السستم كان عطلان .. عقلك مريض وامرضتيني معك .. فقلت له جزاك الله خير .. بس المؤهل تعدل من زمان وواضح في بيانات المدرسة .. أنا ماجبت طاريك بشيء .. أنا أقول الرجال ماجاب شيء جديد .. ومرة ثانية جزاك الله خير وماقصرت ... فطلبت منه لاعاد يجرحني في كلامه كل شوي ويحترمني .. وذكرته بالايه الكريمة (فإمساك بمعروف أو تسريح بإحسان)

رد: زوجي رفض دفع قسط السيارة
 

ثم هذا الكلام
يوحي بأنك أنت الملتزمه بالأقساط

رد: زوجي رفض دفع قسط السيارة
 

نعم طلب مني اطلع له سيارة وهو يقوم باقساطها مع العلم أن المقدم انا اللي دفعته .. يسدد هو ومرة او مرتين كان عنده ظروف وطلب مني اسددها واسجلها بيسددها لي لاحقا..

رد: زوجي رفض دفع قسط السيارة
 

نعم يامسز قطة فطور وجمعية مع صديقاتي

رد: زوجي رفض دفع قسط السيارة
 

القسط ينسحب من راتبي دايركت لانه على البنك اللي فيه راتبي

رد: زوجي رفض دفع قسط السيارة
 

اثنيننا ولله الحمد وبالنادر جدا مانأخر صلاة لنوم أو خلافه .. بالنادر جدا..

حتى زوجي يصلي الصلوات في المسجد بمافيها الفجر..ولله الحمد

رد: زوجي رفض دفع قسط السيارة
 

أي صح ولما قالي انا الغلطان اللي عطيت الرجال رقمي قلت له بعدين ليش كل ماسويت لي شيء منيت علي ترى أنت ولي أمري إذا ماقمت فيني من إللي بيقوم فيني .. وقال سبحان الله مايبين يعينك أنا أصلا ليش اخذ واعطي معك ..

رد: زوجي رفض دفع قسط السيارة
 

قلنا لك بموضوعك الاول لاتطلعين سيارة باسمك
ماهو عذر يشتري سيارة جديدة ثم تقولون مش مريحة وتبيعونها وتدفعون دفعة اولى لسيارة جديدة السبب مش قوي وانتي اصريتي الا بساعده وزوجي وحبيبي ودنيتي مااتحمل اشوفه متضايق
الان وش تغير صار وقح ؟ ليه تقولين عنه كذا

رد: زوجي رفض دفع قسط السيارة
 

لانه معاملني ولا خدامة .. تجريح على الطالعة والنازلة .. وبالاخير يبني اصرف عليه .. صدقيني لو تعذر باسلوب فيه احترام وذوق والله ماكان طالبته بشيء .. وانا ماكان طلبت القسط لو ماصرافتي تعطلت واحتجت الفلوس ..

رد: زوجي رفض دفع قسط السيارة
 

إطلاقاً
لا تدخلين و لا واحد فمشاكلكم !!
حليها لوحدك فقط !!
ا

رد: زوجي رفض دفع قسط السيارة
 

واقعد معه يبتزني يالوفتي .. يبني ادفع القسط بالقوة واذا مو عاجبني اروح لاهلي .. ترضي من هذي..

رد: زوجي رفض دفع قسط السيارة
 

القصة كلها قصة إحترام من الطرفين
فقط لا غير

رد: زوجي رفض دفع قسط السيارة
 

هو قالها هالشهر. يمكن بعد يومين يهدأ. و الشهر الجاي يسدد
خلي المواقف تهدأ لحالها. لا تزيدي الحطب
و على فكرة استدلالك بالآية غلط😅يعني خليتيه بين طرفين احداهما الطلاق
ترى تشبه جملة ودني بيت اهلي

رد: زوجي رفض دفع قسط السيارة
 

لا ماتشبهها .. مضمون الايه ان الزوجين يعيشو باحترام متبادل ولا يغني الله كلن من سعته

رد: زوجي رفض دفع قسط السيارة
 

حتي لو انت قصدك الاحترام زوجك بيفهمها طلقني او معني قريب منه هذا احنا وصلنا كذا
و وش فيها لو قلتي عن صاحبه الله يحزاه خير حتي لو في نظرك ما سوي شئ اكراما لزوجك اسمه مشي لك في المعاملة بطلب منه
تري اسلوبك يزعل حتي لو مو متقصدة

سالفة السيارة دخل راتبه عشان القسط داك اليوم قلت ما عنده و اذا بيت أجل اجلوه لحين ميسرة

رد: زوجي رفض دفع قسط السيارة
 

مرحباً أختي

إسمحي لي بسؤال ولك الحق في جوابه أم لا

هل هو مرتاح في العلاقة وهل المدة قريبة من بعض أم بعيدة.. ؟؟

في خاطري شئ يمكن يكون صحيح والله أعلم

رد: زوجي رفض دفع قسط السيارة
 

يرتاح كثير في العلاقة .. بس لنا أكثر من أسبوع ماصار شيء

رد: زوجي رفض دفع قسط السيارة
 

يا اختي اسلوبك غلطططط

جاي فرحان ومتوسطلك ويبي منك جزاك الله خير ودعوة له ولصاحبه تقومي تقوليله ما جبتو شي جديد... صراحة تقهرررر
تخيلي قدمتي له طبخة اول مرة تسويها وتعبتي فيها وتبين شوية مدح و تالي يقلك عادي طبخة امي احسن او شي من هذا القبيل شلون بتنحرجين وممكن حتى تكتبين موضوع عليها انه ما يقدرني ولا يقدر تعبي وووو وما راح تعيدين تسوين له مرة ثانيه هو نفس الشي .... ما اقلك اسلوبه صح لا ابدا بس اسلوبك انت بعد مو قاصر .... اما السيارة انت ما تستخدميها؟ مشاويرك من يقضيها ان كان هو فأدفعي نصها وفكي راسج من حنته

رد: زوجي رفض دفع قسط السيارة
 

الله يوفقك ويسعدك بحياتك

الحمدلله.. عكس ماكان في خاطري

رد: زوجي رفض دفع قسط السيارة
 

هل طلبتي منه قسط السيارة بعد سالفة صاحبه مباشرة ؟

رد: زوجي رفض دفع قسط السيارة
 

يااختي انا ماقلت هو ماجاب شيء جديد .. قلت هالمسؤول اللي يتواصل معه ماجاب شيء جديد .. بعدين هو دايم يهزأني على الطالعة والنازلة جات على كلمة قلتها وماهي في حقه اصلا .. الا اذا كان هو يدور الزلة..

قبل يومين كان الجو حلو وكان هو في الدوام الظهر .. وقلت عازمتك الليلة على العشاء وش رأيك .. قال ماتفكرين الا في الطلعة منتي شايفة ان عندي شغل .. قلت اسفة ماكنت ادري انك بتتأخر هو مجرد اقتراح ومو مشكلة .. قال وبعدين معك على هالاسلوب .. قلت وش قلت .. أي اسلوب .. ولا تدور على مشكلة وماعاد رد.. واضح ان الرجال يدور الزلة..

رد: زوجي رفض دفع قسط السيارة
 

نعم .. وماطلبت قسط السيارة كذا .. قلت له اسحب القسط لان علي التزامات في الدوام .. وهو عارف ان بطاقتي الصراف معطلة ومعروف الان وقت رواتب وقت سداد الالتزامات ولا ماكان طلبته الليلة

رد: زوجي رفض دفع قسط السيارة
 

وش اللي كان في خاطرك !!

على فكرة .. جنسيا عنده مشكلة مااتوقع انه عنده جرأة يطلعها أي امرأة اخرى في حال تزوج .. ويمكن هالشيء هو اللي مصبره علي

رد: زوجي رفض دفع قسط السيارة
 

.. ما احس ان يريد يستغلك او يجبرك ع الدفع ب وقاحه..



اللي واضح انه هالتصرف تابع ل سلسلة المشاكل اليومية..

رد: زوجي رفض دفع قسط السيارة
 

طيب والحل الان؟

هل اقوله خلاص دامك ماتقدر تدفع الاقساط بلاها مصاريف وارجع السيارة ؟؟ أو اطمش كلامه يومين ويهدأ ؟ او ماذا أفعل؟

رد: زوجي رفض دفع قسط السيارة
 

كلامه قوي وقاسي وفيه وقاحه زي ماتقولين
بس العلم عند الله والواضح انها ردة فعل للموقف اللي قبل
يعني كلام وقت زعل وتعصيب او بيرفع ضغطك زي ما اسلوبك معه رفع ضغطه
مع ان اشوف حتى اسلوبك ماكان في شي يزعل واذا قلتي المسؤول ماجاب جديد مو هذا الصدق يعني

رد: زوجي رفض دفع قسط السيارة
 

والله انه الصدق .. وترى هو كثير يرد علي بنفس الرد واطنش .. هو يدور الزلة..

رد: زوجي رفض دفع قسط السيارة
 

انتظري فترة. وشوفي يمكن يهدأ
لا تتصرفي اي تصرف مثل اخذ السيارة او الاتصال بأخوك
هل زوجك طبعه عصبي؟